2004 年 5 月 17 日 星期一 【晴】

話說尋日有個大籮柚貪得意問左suyi媽拎左支沖涼瘦番屋企沖,尋晚佢沖完涼感覺到個籮柚好熱,諗住今次掂啦,不過今朝起身佢好失望/..\. 今日文學測驗做到訓著,死梗..另外今日收番尋日既中史補測,miss yim勁快手.之後同toto print左聽日教書d資料俾miss,隻floppy俾學校部虧機整虧左,隻cd-rw都差d陪葬,激死. 三堂英文堂睇戲,幾搞笑幾有意思,不過都係唔係咁鍾意rock. 放學同莎去左打羽毛球,打到6點半,之後7點半同爸爸去左伊利莎伯醫院探外公,見到外公好辛苦既樣我好不忍,絕症真係可怕.. 希望外公健健康康

>>May 18, 2004 at 1:12:38 PM GMT+8

2004 年 5 月 16 日 星期日 【晴】

今朝唔願起身,番到去岩岩好夠鐘on duty,左輪居然未番,我當然等埋佢先on啦=P. 第一堂空堂,落左去溫中化同中史,跟住第二,三堂文學,教埋課後完左本書,之後做文學賞析做到落堂. 小息之後中史,繼續由阿柴佢地教,今堂教得唔錯.. lunch同莎上又一村買飯食,食完出去睇波,之後代莎on duty,不過都係睇波,4B對6S,好緊張,最後鬥到射12碼.6S都輸得幾唔抵,因為比賽尾段入左球竟然俾人話犯規唔計. 跟住測左兩堂中化,都幾易,但做唔晒..最後一堂同show,toto去補測中史,測到3點40分. 放學同莎走,之後5點幾換衫同佢去打羽毛球,其間俾d細路阻住-__-",好無奈..打到7點15分先走. 夜晚聽到阿爸話阿公病情急轉直下,聽完唔係咁開心,個心好up,佢叫埋我聽日去一齊去探阿公.

>>May 17, 2004 at 4:28:06 PM GMT+8

2004 年 5 月 15 日 星期六 【晴】

今朝起身都11點,食埋早餐就番房打中史d野,結果打到下晝3點,跟住沖埋涼就出去.去左搵莎食tea,食到好飽.跟住溫下中化,留到7點幾番屋企. 夜晚食飯洗碗之後再努力溫書,之後snoce打黎,佢就走lu,都傾左ok耐.

>>May 17, 2004 at 4:28:18 PM GMT+8

2004 年 5 月 14 日 星期五 【晴】

今朝9點零醒,講住電話賴到10點先起身,做左陣中史就食早+午餐. 下晝去左搵莎,用佢部腦繼續做中史教學既資料,之後佢話買風扇就同佢落去睇,由於係風扇,買左要自己抬,抬到番到去身水身汗,吹完一輪新風扇,5點幾就同佢落左去打羽毛球,打到7點半,上左百佳逛同涼,買左d野,之後去佢度. 8點零9點又落過樓食飯,兜左個圈行左去唔應該經過既地方,結果我地爭扎左好耐去邊度食,好弱智..最後食埋送佢番上去,我整左陣中史就save走人.

>>May 15, 2004 at 5:17:45 PM GMT+8

2004 年 5 月 13 日 星期四 【陰】

宜家朝朝on duty都勁熱勁多蚊,煩死.. 第一堂地理,落左去睇書.第二三堂英文,無無聊聊對下psws就過. 小息同莎買定野食,一陣食貧富餐,九成抽到貧餐,所以去左醫定肚先. 跟住中史堂,輪到阿柴,阿智同flora教書,份notes既錯喎..之後中化堂繼續教"情",發現呢排d人留心左聽書. lunch前10幾分鐘俾人召左去幫手拎貧富餐d飯,得14盒,參加既好似話有百幾人..到左lunch,d人陸陸續續黎到,點埋名,最後校長黎埋就開始.一如所料我抽到貧餐(注定做窮鬼T.T..),不過有好多人陪都冇咁慘,結果午餐係一片麵包加一支水,但係講真齋飲支水都好飽肚.之後又玩變態遊戲,好彩同toto夾埋cheating,唔駛悽慘,的確又感受到飢民既慘既不過..個活動去到1點20分,填埋問卷就走,莎拉左我落去買野食. 上到去食埋三堂空堂,游手好閒,最後睇下書,臨尾兩堂睇報紙同阻住莎溫書.放學miss poon請全班食馬莎薯片,好好食. 放學番左屋企換衫,諗住去搵阿浩借中史d書,不過佢手機廢左,之後同莎去左尖沙咀行街,行到8點幾去佐敦食米線,9點幾行多陣,又去潮流特區,撞到snoce,莎多手但係又自己嚇到走-__-".. 10點零送佢番去我都番屋企.

>>May 16, 2004 at 3:58:17 AM GMT+8

2004 年 5 月 12 日 星期三 【雨】

今朝on duty,勁俾蚊咬,痕死人.. 今日第一堂中化,上演左幕"弢密歐與楚麗葉",toto同左輪精湛演出令全班都好歡樂.跟住中史堂,sally同小玉教晒兩堂書. 小息同sally落左去買野食.之後空堂,同toto上網搵中史d資料,搵左save晒落部腦度諗住一次過先save落floppy,點知就出事,之後toto話玩photo hunt,佢就唔小心logout左,login番之後就冇晒d資料,不過好彩唔係好難搵.之後玩photo hunt玩到落堂. 小息上去又一村買飯,番到去食埋出左去睇班際西瓜波比賽,6S憑勞適穎入波搞掂入決賽,女仔入波,型死! 之後空堂,寫左少少中史就落堂.最後中化oral堂,上次講左所以今次hae下就過左. 放學社際女子籃球決賽,coral對emerald,開賽前都幾緊張,coral能唔能夠拎到全年總冠軍就睇今日,因為總分照計係兩個社一樣,今場邊隊贏邊隊就邊隊拎全年總冠軍.一開波兩邊都入唔到波,到阿ling拎左1分既罰球之後,人地又入番1分既罰球,睇到好緊張.不過之後開始明顯有分野,下半場已經打到變"rubbish time",但係sally都唔敢放鬆,最後完場哨一響,coral贏18比2,好開心,coral有成功既一年,做到全年總冠軍!

>>May 16, 2004 at 11:41:17 AM GMT+8

2004 年 5 月 11 日 星期二 【晴】

今朝on duty on門口,又係好熱..勁流汗. 今日頭兩堂英文,淨係做左proof reading,最後有10分鐘溫書,溫中史. 跟住中史堂就測驗,出左漢代,都唔太難,寫左接近兩版,希望唔駛補測. 小息同莎買野牛肉球食. 跟住文學堂,講下書好快就過.之後中史堂,輪到sally同小玉教書,都算幾好啦. lunch同sally上又一村買飯,食埋諗住溫書,不過俾威威吸引住,落左去睇波,4B對4C,踢得好激烈..幾精彩,又有啦啦隊拉晒banner,好誇張..最後打和0:0,要踢12碼,互有領先,踢到黃金12碼先分勝負..4B贏,可惜.. 跟住空堂諗住背文學,不過見好多人默跟埋去默,點知楊sir今次監住默..好彩都叫有背到d,小玉都幫左我唔少,感激.. 跟住個空堂搞到冇野做,本來諗住一堂背一堂默,所以咩都冇帶落黎,結果搵下書睇就算.最後一堂中化,俾miss poon問埋d敏感問題,不過我又覺得冇咩野姐..呢堂幾好玩. 放學有第九堂,上埋之後等埋sally就同佢一齊走.之後同佢去左百佳買野.

>>May 12, 2004 at 4:54:09 PM GMT+8

2004 年 5 月 10 日 星期一 【晴】

今朝on duty,門口,好熱.. 今日頭三堂空堂,落左去背書,背極都唔熟.小息最後衝刺.. 結果跟住文學堂默書都係死,我同emily,jaffen都默左一兩句就棄權,阿柴,阿智同小玉都冇默到,俾楊sir話我地兵變..之後果堂講書. lunch上左去又一村買飯,番到去睇下波同做中史. 跟住中史堂,對同講下d資料題. 最後兩堂空堂,落去撩左份中史資料題,岩岩打鐘前搞掂. 放學之後拎左去交,跟住去library陪sally剪貼埋佢份notes,之後同佢落左旺角行,我買左本書,佢買左個tinker bell file,之後6點幾送佢番去.

>>May 12, 2004 at 4:54:01 PM GMT+8

2004 年 5 月 9 日 星期日 【晴】

今朝6點40分起身,因為印象中好似今日開始on番早,所以早d番去睇睇,一番到去嚇親我..左輪已經on緊,就連crystal都on緊duty,好恐怖既世界,不過急急腳番到課室發現d人坐晒o係度,又係另一回事.. 今次又係on門口,勁想交叉佢..我真係淨係得第一次唔駛on門口,好討厭..on到打鐘,今日咁陽光普照竟然冇早會,不過仲好. 第一,二堂中化,教書同分組討論,toto句"東施效顰"簡直一絕..第三堂空堂,落去做中史. 小息番課室,莎莎應該努力考緊數學. 第四,五堂文學,有人黎監堂,楊sir教完一堂書俾左個課室佢,果個人同我地傾下個新課程既問題傾到落堂. lunch同左輪,toto上又一村買飯,食完出去睇左陣波,之後番課室做中史. 最後三堂英文,sally番左黎,呢三堂就勁做psws做到落堂. 放學sally落library check mc答題,岩17條,差唔多係上年既3倍啦,都叫有進步..不枉呢兩日既努力,希望合到格啦. 之後獎佢陪佢落旺角行,去新世紀大快活食左d野先,跟住去搵書,最後去埋潮流特區就走. 6點半同佢走,番到去同佢講番d maths mc.

>>May 11, 2004 at 2:34:14 PM GMT+8

2004 年 5 月 8 日 星期六 【晴】

今朝10點零醒,阿媽番左深圳,沖埋涼就過去同莎溫maths.成個下晝都教佢做past paper同d exercises,不過情況唔太樂觀,莎一唔明就懶學,識果d又成日唔睇清楚就做,一係就寫漏,希望莎聽日考果陣可以心平氣和同小心d啦..咁合格都唔成問題既. 教到7點零番去,夜晚俾媽媽呃我買麥記,蝕晒!

>>May 11, 2004 at 2:32:17 PM GMT+8