2004 年 5 月 26 日 星期三 【晴】

今日又有d胃痛.. 中化堂做聆聽,miss poon有d鬧情緒.. lunch個籃球比賽險+反勝3E入決賽,聽日對6S皇者決戰,加油! 英文堂做listening,全日都用雙耳.. 放學miss poon話星期一收番locker,搞到勁趕..捧住堆書同莎搭的士走. 去左佢度同佢打winning 7..

>>May 28, 2004 at 3:20:54 PM GMT+8

2004 年 5 月 25 日 星期二 【晴】

今朝起身玩winning 7,下晝莎過左黎搵我. 跟住之後同佢出去食lunch,本來諗住飲茶,不過佢見多人冇去.之後去左附近間車仔麵店度食,今次係我第三次去食,驚為天人..好有進步,d野好食左好鬼多,d送又豐富,食到我地好飽. 跟住o係附近行下睇下,之後同佢番九龍城行,行到無聊上佢度.跟住都係打下機,放假真好.

>>May 28, 2004 at 3:06:45 PM GMT+8

2004 年 5 月 24 日 星期一 【晴】

今日一起身就感覺到好肚痛,可能尋日食左莎個芝麻豆腐蛋糕XD. 全日都肚痛咁上左八堂.lunch痛住打波.中史堂摺紙癮大作,摺左堂幾紙..中化堂又作文,突然要作番短文原來唔易,慣左拉長黎寫-__-". 放學番屋企打機,打到6點幾出去諗住等阿浩打俾我去搵佢拎書,不過等左成晚都冇電話黎.

>>May 26, 2004 at 1:13:23 AM GMT+8

2004 年 5 月 23 日 星期日 【晴】

今日中化堂無啦啦冇準備出左去做一輪「流行曲中情」,介紹下歌仔,我地5個男仔介紹左《shall we talk》同埋《友共情》. lunch同莎去新世紀食,番到去睇左陣波,好熱好曬,聽日千祈唔好係咁! 放學去左行旺角,食左好多野,肥死我..今朝o係學校話我70kg冇人信,呵呵..遲早會有人信. 放學同sally,suyi,小玉由聯合行到旺中,一路都好急尿,結果行到6點零,去到莎度第一件事就係去解決..

>>May 24, 2004 at 4:33:27 PM GMT+8

2004 年 5 月 23 日 星期日 【晴】

呢排聽番既一首講親情而我又幾鍾意既歌,本來諗住中化堂既「流行曲中情」做呢首.. 絕對 何韻詩 曲/編：英師傅 for double c music group 詞：黃偉文 共誰玩 共誰做伴侶 進步到 某一點 熱情就會退 自然散去 茶涼掉 淡似清水 命途上 問誰是絕對 注定脈搏相通　十年又過去 廿年過去 仍然是未變的一對 歌詞開首第一段就帶出子女在談戀愛，無論共誰玩，共誰做伴侶，最終感情都會有淡化倒退的一天，就有如茶涼了，味道會如清水般淡。戀愛路上亦沒有絕對，十年、二十年過去了，能有幾多仍是未變的一對？ 其實這段歌詞暗中為後面的歌詞鋪路，詞人想藉此對比出他所寫的「某人」的愛，是無限以及持久不會淡化的。 就算全個世界 亦都失去 他也在這裡 全場突然寂靜 他都給我衷心的讚許 就算誰愛過我 又給收去 他熾熱不退 旁人視為負累 他偏不覺苦 靜心等我歸去 接著第二段，詞人直接說出「他」的好： 　　『就算全個世界 亦都失去 他也在這裡 　　全場突然寂靜 他都給我衷心的讚許 　　就算誰愛過我 又給收去 他熾熱不退 　　旁人視為負累 他偏不覺苦 靜心等我歸去』 原來現實真的有人會對我們這麼好，但究竟是誰呢？詞人在這裡一直賣關子，直到全曲的最後一句才開估，不妨看下去。 沒承諾 續廷萬萬歲 要是合約 一方食言 就破碎 善男信女 誰情義 歷劫不衰 若緣份 易來又易去 結伴大概只因 暫時被配對 在人際裡 誰才是被愛的根據 第三段詞人再比較這「人」跟戀人的分別。這人能沒有承諾，卻能把我們跟他的關係延續下去，而戀人就算有合約，一但有一方食言也再不能在一起，但是「他」卻不會離棄我們，試問誰的情義能及「他」大？若戀人只是暫時被配對的，在這人海裡，詞人不禁提出：「誰才是該被我愛的？」 就算全個世界 亦都失去 他也在這裡 全場突然寂靜 他都給我衷心的讚許 就算誰愛過我 又給收去 他熾熱不退 旁人視為負累 他偏不覺苦 靜心等我歸去 詞人再次重申這個「人」的好，真的有這人嗎？ 就算全個世界 亦都失去 他也在這裡 如何亂行亂撞 他都准我 隨時回去睡 就算誰愛過我 又給收去 他熾熱不退 如何大成大敗 他的寵愛中 亦都只有一歲 詞人再三強調這「人」對我們的關心與包容，就算如何大成大敗，在「他」的眼中，我們永遠都還是那麼年少。到這裡，答案已呼之欲出。 共誰玩 共誰做伴侶 進步到 某一點 熱情就會退 共同進退 唯獨是父母這一對 到了歌曲的尾聲，詞人終說出他的訊息：能與自己共同進退的，「唯獨是父母這一對」。尾句亦與首段「仍然是未變的一對」首尾呼應。 詞人在寫《絕對》的歌詞時，開首只寫「他」以賣關子，「他」是誰呢？這裡能引起大家反思。詞人藉這詞寫出父母如何疼愛我們，默默付出無限的愛，無條件、不計收穫的付出與支持，給我們力量，我們可曾有留意關心過嗎？我們知道這個「他」的存在嗎？欣賞過「他」所做的一切了沒有？不過就算我們多麼的不肖，父母都仍耐心等待我們鳥倦知還的一天。 在父母的眼中我們永遠都只是小孩。

>>May 24, 2004 at 4:08:23 PM GMT+8

2004 年 5 月 22 日 星期六 【晴】

今日中午去左將軍澳幫舅母整電腦,整左好耐好耐..幫佢搵左個"大會指定"既燒碟program,之後又裝埋防毒軟件,發現佢部腦中晒毒,眼都大埋.. 剷唔到唯有剷機,之後裝完windows又有過毒,極頹..我斷定佢隻windows碟帶毒,暫時救唔到.. 搭van仔走,5點零去左搵莎,之後6點半番屋企食飯.今日好多親戚黎食飯,講下阿公d野,食完飯阿爸指住地下同d親戚講有塊地版有個人樣,嚇死我,之後睇完得啖笑.. 夜晚趕功課,做到1點幾..

>>May 23, 2004 at 6:02:00 PM GMT+8

2004 年 5 月 21 日 星期五 【陰】

今朝訓到7點50分彈起身,即刻出門口搭車去馬頭圍. 今朝去賣旗,差d遲大到.賣左成朝,賣到兩頁半,都幾滿意,今次好認真落力咁賣,雖然都有偷懶既時候=P. 下晝去左賈炳達道公園開小型運動會,玩盡足,籃,排,羽,勁累.. 夜晚同莎去五十嵐搵snoce同vivian食野,食到好飽,之後一齊行左陣海港城再去佐敦食糖水.

>>May 23, 2004 at 6:02:16 PM GMT+8

2004 年 5 月 20 日 星期四 【雨】

今日如常早番去on duty,落住雨,on duty果陣我同左輪好狼狽,因為d人蠢,行到門口唔收遮,又或者匆匆忙先收四圍"fing"把遮d水,不過落雨都有好處,冇早會,唔駛on咁耐. 中化堂分組討論,冇出聲,與其討論完又係推我出黎同miss講多次,不過自己搞掂晒等miss問,討論黎冇意思囉. 中史堂同toto教晒明清科舉制,好感動..終於教完書,都係唔做老師喇第時.不過miss yim讚我地做得好,自己都好滿意,因為比起上次好好多..今次起碼教到書,上次就..咪提.. 跟住好多空堂做下功課,都係做唔完,冇計啦..傾計同玩嘛..仲有上網. lunch落雨取消左比賽,冇得睇6S既實力.. 中化oral堂又輪到我,開頭做得ok,之後討論成組人都唔知傾緊咩..搞笑. 放學番屋企換衫,6點去莎度,7點零同佢搵hety食飯.先陪佢去左睇醫生,跟住9點幾行左去慈雲山搵野食,搵左間泰國野食,都唔差.. 食完送hety去荷李活廣場搭車,就送莎番屋企.

>>May 21, 2004 at 5:32:45 PM GMT+8

2004 年 5 月 19 日 星期三 【陰】

今朝好多人提早番黎幫左輪慶祝生日,包括我同sally,不過suyi就神秘失蹤..亦因為左輪生日既關係,我今日唔駛on門口,多謝bonnie同emme仗義相助. 今日過得好慢,因為有9堂,中史堂同toto繼續教書,空堂就做下功課. 今日lunch有班際籃球,尋日落雨既關係,我地班改左黎今日打,好輕易贏22:9,左輪好勁. last oral堂俾beckerling考驗.. 放學同莎走,佢去左買蟹仔食. 左輪生日快樂~

>>May 21, 2004 at 5:28:59 PM GMT+8

2004 年 5 月 18 日 星期二 【陰】

今朝落雨冇早會,到左中午個地都未乾,搞到今日個班際籃球順延到聽日,其實都冇落雨啦,個場地濕少少姐,真係麻煩! 今日文學堂作散文,點知俾我寫到變左故仔咁,又趕住食晏,臨尾求其收工,不過最後冇食飯,sally費事買我都費事食. lunch我地5個男仔加埋candy玩uno,勁過癮,好歡樂.左輪最後二連敗,結果得我一個未輸(包尾)過. 中史堂到我同toto教書,總算好過上次.今次我好俾心機去準備疊notes架,各位親愛既同學唔好浪費我心血=P. 今日d空堂都做唔到野,功課都係寫左幾隻字仔,跟住就傾聽日既作戰大計. 夜晚同女朋友行九龍城廣場果陣發現佢戴住我隻錶,我就話阿媽話隻錶係名牌,叫Q&Q,佢唔信,點知去左間錶行真係有,勁抵死,笑到佢傻,笑住入百佳,跟住佢笑到俾個阿叔望,個阿叔仲要放個屁先走..笑到我標眼水,跟住同佢疾走.上左去扭蛋,一人一隻青蛙..

>>May 19, 2004 at 7:12:04 PM GMT+8