2003 年 12 月 5 日 星期五 【晴】

今日去左義工隊既歲晚大掃除,有d俾人呃既感覺..-__-" 1點45分到左樂民村附近果間社區中心,等齊人入埋去聽程序就出發,我同sally,阿柴一組,我地果組係咁多組人去最近既一間屋清潔果組,果陣我仲暗暗喜愛,點知.. 去到一開門個阿婆就好唔客氣,駛到我地盡,本來去油鐵閘,最後幫佢油埋窗框門框..又全屋洗晒,阿婆又奄尖..差少少都叫我地整埋佢,其實有d我阿媽feel. 結果忙左成個下晝,做到5點零,成身散晒..好累. 最慘係sally,病左都仲要勞役,又幫輕唔到佢(個婆一見有人停手就指冇野做果個人做野).. 5點半解散,跟住去sally度等夜晚練cheer. 7點零等hety,suyi,小玉,jody,阿稀,jaffen到晒,就去左賈炳達道公園練cheer,之後阿miu黎埋,練到10點半先走.終於見到jody既男朋友真面目,有林夕feel. 之後送hety走同埋同sally去食晚飯(撞到阿甄表弟)就番屋企.

>>December 7, 2003 at 3:40:08 PM GMT+8

2003 年 12 月 4 日 星期四 【晴】

今日頭三堂空堂,睇下文學,又o係library搵左其他書睇. 小息前去左tuck shop買左燒賣食,跟住番班課拎紙on duty,今日同左輪行左尋日plan既路線,慳番唔少時間. 之後兩堂文學,先交待番d測驗..楊sir發現爭校長好多野,焗住跟住兩個禮拜要清,2個默書,2個測驗,都幾欏命,之後楊sir話開完校務會校長話出年又唔cut住文學,買加多科as level既統計學.跟住做文學賞析做到落堂. lunch上7仔食,番黎同sally去左睇關於希特拉既片,睇完番課室,原來toto都有去睇,同toto討論番大家都覺得我地俾人呃左..套片唔係我地預期果d. 之後中史堂,派番d功課同講番d答案.最後兩堂空堂傾下計睇下文學書. 放學以為要練cheer,o係library等sally完埋girl guide等到5點半.之後臨時取消左,因為個個都唔得閒,就同佢同carrie去左旺角會合阿甄同阿正,o係旺角行到7點幾先走.

>>December 6, 2003 at 3:25:49 AM GMT+8

2003 年 12 月 3 日 星期三 【晴】

尋晚訓到2點有人打黎,結果傾傾下傾到4點22分先訓過..今朝7點起身,搭車果陣撞到小虎.. 番到去8點,去拎書,一開locker發現個locker好怪,空左好多,又搵唔到今日用d書-__-"..勁驚嚇. 第一堂文學,聽左堂書.第二,三堂中化,做速讀,要一個鐘做6篇閱讀理解,變態!結果做唔晒,做得5篇.. 小息又同左輪學校一刻遊,「一刻，十五分鐘也。」,今日岩岩好行左15分鐘就俾完分,仲同左輪定左條唔重複既路線諗住聽日行. lunch果陣見到miss kwok貼緊sing contest既賽果,同toto去睇,見到sally同suyi首《亂世佳人》入到決賽,rebecca同casper首《垃圾》都入左,仲有又係吹波先生,佩服..年年都見佢o係final出現.雖然sally好唔想入決賽,不過總之到時俾心機唱啦,好叻呀,支持晒你地.之後去門口買飯食,快脆食完同sally,大麻四圍拉coral人參加陸運會.1點幾去義工隊個meeting. 最後三堂英文,去左mmlc做listening既past paper,易過平時,不過都係好難!跟住睇介紹李小龍既影片睇到落堂. 放學同sally,jodi,angues留o係課室傾計,好開心.之後同sally落左去買杯麵食.5點幾sally等到佢d cheer既人黎左,就教住佢地同阿miu練52秒先,結果練到6點岩岩好教完就走人.

>>December 4, 2003 at 8:55:44 PM GMT+8

2003 年 12 月 2 日 星期二 【晴】

今朝7點10分就出左門口,番到去7點45分,見到莎遲遲地到去on duty,幫佢拎埋書. 番到課室阿show請左d野我食,食到個口勁乾,之後我就落去操場飲水.跟住撞到miss tang,俾佢叫幫手o係早會派紙.今朝rebecca上台英文朗誦,勁! 第一堂空堂,去左溫中史,跟住兩堂文學教書. 小息同左輪繼續去俾分.小息之後兩堂中史,第一堂測驗,吹左好多字..第二堂教番書同討論. lunch去左又一村買飯番tuck shop食,食完番課室執野交功課,1點10分同toto落左去諗住買原稿紙,點知未買得住,要1點15分先得,見差少少我同toto都費事番課室,入左library行左轉再去買原稿紙. lunch之後兩堂中化,作文..個建議書幾難搞,寫到好辛苦都唔夠字數,兩堂都做唔完..結果用埋最後果堂空堂黎做先做晒,不過就寫得好差,呢份應該係今個學期咁多作文最差既果份..

>>December 4, 2003 at 8:56:49 PM GMT+8

2003 年 12 月 1 日 星期一 【晴】

今朝又係7點醒,7點半出門口,今朝搭車撞到billy,同佢傾左一程車聚下舊. 今日第一堂係中化,教做建議書,聽日堂上做.第二,三堂對上次個堂課既answer.小息on duty,由於同左輪做埋小息清潔及秩序評分員,結果掃樓全校行左次逐班俾分,咁就一個小息. 小息之後兩堂中史堂,教書同分組討論,最後有幾分鐘傾下閒計,sally講到灣仔南固臺鬼屋果單新聞. lunch去新世紀大家樂食,唔知呢排行咩衰運,前幾日重病,個病都未清,今日又有霉野發生..食lunch果陣sally話佢叫左可樂,但係變左紅荳冰,我就用我杯可樂同佢換.我大約飲左3分之1杯紅荳冰之後,突然發現杯野浮住隻遇溺既小蚊-__-",好可憐..但係我更可憐T.T..後事唔講啦,其實蚊仔我唔介意..大家樂既服務態度好到我受寵若驚同唔好意思. 跟住文學堂,上左眼訓既一堂..最後兩堂空堂,先一力做晒中文學會d野,對左4份稿,跟住另一堂幫suyi,小玉剪佢地個經濟學會d野. 放學去左library睇住書等sally做history essay,5點佢做完,跟住阿正,阿佬同carrie都完左第九堂.齊齊行左落太子,之後同sally去睇下d美工用品6點左右就走.

>>December 2, 2003 at 2:38:31 PM GMT+8

2003 年 11 月 30 日 星期日 【晴】

尋晚卒之3點半先有得訓,今朝訓到7點醒,今個禮拜轉小息on duty,可以唔駛咁早起身.可以7點先起身真係好幸褔,尤其是o係呢d寒冷天氣.. 今朝醒左都幾凍下,快快脆整完恰左陣,7點半出去,番到去8點零,拎埋書番課室都打鐘. 今日第一堂中化,miss poon有番但係好似因為唔舒服冇上堂,跟住個個矛頭直指我,唔好咩都賴我啦-__-".今日見到sandy戴口罩,睇黎佢頂唔順我同阿稀,jaffen,toto既包圍網而病左,真係慘..結果呢堂用左黎做英文功課同中史資料題. 跟住兩堂中史,聽左兩堂書.小息on duty,好快過.小息之後兩堂空堂去左做中史資料題,做左一題多d. lunch難得冇人要on duty,同阿正,阿佬,sally去左太子食河粉,跟住又去circle k食夢幻菠蘿甜筒. 番到去都就打鐘,之後收文學d散文,個個都作得多過我..今次死得. 跟住兩堂空堂,第一堂用左黎同sally,suyi整番coral個board,已經係第3次整喇,d人既破壞力好強..-__-". 最後中化oral堂,雖然明知唔駛我出去講但係我都交足功課寫左成版紙野. 放學同阿正,阿佬,sally,suyi,小玉去左新世紀giftland睇野,sally買coins bag..之後就走,俾佢捉左上佢度玩耳燭,勁驚燒到隻耳,不過玩落又幾正架喎d feel,真係好神奇吸到d耳垢出黎. 番到去食埋飯洗埋碗就online同趕功課,做到1點零先做完,跟住就打埋日記.

>>December 1, 2003 at 5:26:16 PM GMT+8

2003 年 11 月 29 日 星期六 【晴】

今朝訓到9點幾俾電話嘈醒,feel到好凍,原來得14度.起身食埋早餐就開機玩cm,12點幾食lunch,叫阿妹買埋俾佢呃錢-__-"..算數. 下晝一路玩cm玩到6點幾,跟住去沖涼,沖完涼食飯,食完飯拖地,拖完地睇左陣報紙,東方個頭版都幾嚇人,講d靈異新聞,呢幾日都聽到呢d話題,個心不由得寒左寒.. 跟住番房on住line做功課,成晚都有好多野做..做做下功課又摺衫,入被,跟住又有電話,真係除非有三頭六臂,唔係都冇計! 夜晚趕功課..

>>November 30, 2003 at 3:20:42 PM GMT+8

2003 年 11 月 28 日 星期五 【晴】

今朝訓到8點幾醒左,跟住我同阿妹俾阿媽哦左成個鐘,我一路攤住訓佢就一路講..都幾佩服佢.. 10點起身沖涼,之後11點就過sally度,下晝同佢同阿fa同阿miu又去左深水埔搵cheer d野,第一站去左整banner先,果度位哥仔幾風趣.之後去左掃街搵整cheer衫既野.一路行到5點幾,先深水埔行番出太子,跟住行去旺角行街,之後去食左d野,然後去左睇鞋,又去左旺角中心行左陣,7點零sally同人拎左d野又去新世紀行,行到8點幾先走.

>>November 30, 2003 at 3:44:29 AM GMT+8

2003 年 11 月 27 日 星期四 【晴】

今朝遲左起身,番到去遲左on duty..本來諗住請假算數,不過之後都係帶住病頂埋佢. 頭兩堂英文,做下worksheet(?)就兩堂,第三堂空堂,落左去搵散文黎睇,文學要交散文,但係我冇靈感. 小息之後兩堂文學,教足兩堂書,好有心機聽. lunch去又一村7仔食,食完番去無聊.今日勁俾人話我同阿稀係傷風既源頭,的而且確今日多左好多人陪我包雲吞,但係唔代表全部都係我地傳染既囉!俾人歧視喎.. 之後空堂做vocab,又俾sally畫到我個中史file體無完膚,仲創左隻"doraelmo"(個名我改既=P),係叮噹+芝麻街elmo既混合版-__-"..最慘係跟住中史堂,我成日都反轉個file,聽左成堂書,點知落堂俾toto見到我個file d畫-__-"..好無奈. 最後中化堂,講下書同功課.今日係day 6,有第9堂,上埋堂之後同阿正,阿佬,sally,carrie去左新世紀大快活食野,食食下野傾到d靈異野,聽佢地講落都聽到幾心寒,不過我呢d唔太信既聽完就算.之後去左行瓊華,行到7點先走.

>>November 28, 2003 at 3:53:34 PM GMT+8

2003 年 11 月 26 日 星期三 【晴】

今日依然病病地,鼻水勁流.. 今日基本上冇咩上堂,頭三堂空堂,跟住上左兩堂文學就lunch.lunch之後上多堂中史又空堂,就等放學,放學交埋管理費就番屋企. 冇咩特別既一日..

>>November 28, 2003 at 2:53:14 PM GMT+8