2004 年 3 月 9 日 星期二 【晴】

今朝同莎番到去拎埋書,跟住同toto溫中史,溫左陣打鐘. 早會之後,第一堂空堂,繼續溫中史,最後溫到好眼訓訓左-__-".第二,三堂文學,去sac上,先有校工拉大隊入黎,後有miss so閃出黎,可能係偷聽楊sir d fun,場面好熱鬧,好搞笑.教左堂半書就放break等走火警. 10點20分左右走火警,企一輪聽下報告,10點25分解散得,上番班房溫中史,諗住有多5分鐘可以溫多d,不過又同jody傾計,又睇下報紙,唔覺唔覺就打鐘.. 中史堂..第一堂測驗,係冷門題目,聽到好多哀號(我都有份發出-__-"),做完發現寫偏左..跟住教左半堂書就lunch. 今日lunch本來有好多大計,不過俾toto提醒有會要開即刻由天堂跌落地獄(永不超生果隻)..結果上又一村7仔食完匆匆忙番去開中文學會個會議,一開開到打鐘,鬼叫四月我生日既月份有重頭戲咩..我分到唔少"禮物",有排"拆"..-__-". 跟住兩堂中化,作演講辭,寫左兩堂都寫唔晒,最後空堂拎埋落去寫埋佢. 放學同莎走,幫佢手整cheese cake,整左好耐,不過好好食~抵番晒. 夜晚番到去食飯,食食下有d唔對路,有怪味,原來我食左幾啖洗潔精味既飯,好彩冇肚痛..阿媽話可能係阿妹洗野彈到隻碗(shXt!),結果洗碗再裝過飯食,食完洗碗去睇電視,之後番房打份會議紀錄,跟住就順手打埋日記.

>>March 10, 2004 at 3:57:16 PM GMT+8

2004 年 3 月 8 日 星期一 【晴】

今朝同莎番到去跟住去拎書,之後同左輪,toto玩頂漁夫帽. 第一堂空堂,落左去做中史.第二,三堂英文,派左dictation,做左d改正跟住做listening,冇咩心機聽,交行貨-__-". 小息做做下中史,同左輪約我結伴去廁所,我見無聊應邀行下. 第四堂中史,教書,教到清,大家都好活躍.第五堂中化堂,教左一堂書,答下miss潘問題,好快就過. lunch好快手落左去截住阿正同carrie,因為我地點唱左俾佢地聽,本來阿佬都有份,不過佢出左去食飯-__-".託左angues,jody同toto幫我地去買飯,跟住我地就捉左阿正同carrie上6A班房坐,估唔到第二個就讀我地既點唱,跟住佢地玩七級豬,我同左輪玩左盤波子棋.玩到食飯,食完衝落去on duty.左輪同阿show調左,我就同左輪四圍巡,又上左二樓又落番地下,行到打鐘. 跟住文學堂,完左課《進學解》.最後兩堂空堂落左去做中史essay.

>>March 9, 2004 at 4:15:14 PM GMT+8

2004 年 3 月 7 日 星期日 【晴】

今朝同莎番到去都就打鐘,拎埋書番去寫左幾隻字既journal就落去早會.早會之後有校服檢查,我呢個替工最近幾次都有份check埋一份,冇得再白賺積點! 第一堂中化堂,繼續番個分組討論,嘻嘻哈哈唔知做過咩又一堂.跟住兩堂中史,冇帶新書之下同toto兩個人坐下坐下又兩堂,頭三堂都混混噩噩,不過之後四堂空堂,最尾中化oral又冇我份,基本上今日係唔知自己做緊咩.. 小息做下journal又玩下,之後兩堂空堂用左一堂黎做journal,做晒無無聊聊拎左本《世界歷史未解之謎》黎睇,果然書如其名,越睇就越迷-__-",不過就幾好睇,死人show見我睇得咁開心走黎同我爭書睇,好彩之後又俾我搵到本一模一樣既. lunch上7仔食,呢排食飯都食得好趕,見toto都食得好痛苦,sorry-__-"..下次慢慢食啦齊齊,我遲少少就係啦.今日sally都趕住落去補測,所以12點45分就番左學校.12點50分我都去on duty,今日捉左左輪同我行地下,地下的確幾精彩,鄭sir仲俾左個免死金牌我去捉人,紅紙都慳番.on到打鐘俾人屈去守廁所,我就屈埋左輪去,點知d form 5見左輪就恃熟賣熟湧晒入去,見阻唔到佢地,我地之後都唔理lu,打鐘就按章上番去. 跟住又空堂,帶左中史落去,做左兩堂,結果,...最後一堂中化oral,今次個題目我諗到野都冇得講,時不與我-__-",我負責俾分. 放學去莎度,同佢落左去買料,佢整左奶黃糯米滋,幾好食. 夜晚番到去食飯洗埋碗二佬打左黎,同埋青口一齊打黎搗亂,跟住三個一齊無聊傾電話,串黎串去-__-". 本來同emily話今日會用書面語打日記,但係諗真d,原來都幾麻煩,我日記又冇咩內容,與其平鋪直敘書面語,不如用番口語仲親切淺白,作文先再用書面語啦~

>>March 9, 2004 at 4:13:32 PM GMT+8

2004 年 3 月 6 日 星期六 【晴】

今朝訓到9點零醒,俾阿媽去陪佢買送.10點零番黎食埋早餐,跟住番房上網.12點幾阿媽出左去,我就玩cm,玩到1點零去拖地,2點零玩太閤4. 3點幾出去剪頭髮,等左陣4點半先剪完,跟住莎打黎就去左搵佢.去到玩fifa 2004,之後同佢落左落樓拎d野,番上去就食佢煮既好好食既意粉. 留到6點半走,佢咁岩買飯就一齊落,番到去樓下撞到阿爸,上樓換番衫就食飯.食完番房到功課,做完功課上網同玩cm. 呢幾日食得好開心,肥死我~ hety生日快樂~

>>March 7, 2004 at 3:50:40 PM GMT+8

2004 年 3 月 5 日 星期五 【晴】

今朝12點先醒,起身多手打左電話俾莎,跟住就好急咁沖涼換衫出去.去到佢度12點50分,1點同佢出去飲茶,2點半先番去.跟住3點又同佢出去富山村睇醫生,睇完3點45分同佢行左落去宏景搭van仔去又一城. 4點零去到又一城同佢行,行到5點零鐘我胃痛就走.番到去6點幾,上左陣網,夜晚同佢食埋飯先走. 番到屋企online上網打機,呢排除左玩cm之外,玩番隻太閤立志傳4,玩落都幾過癮,搞到玩到三更半夜都唔想去訓.. 凌晨12點半打左俾hety,之後又同二佬icq左陣先去訓.

>>March 6, 2004 at 5:46:35 PM GMT+8

2004 年 3 月 4 日 星期四 【陰】

尋晚玩cm玩到5點幾,今朝10點起身,沖埋涼就出左去.11點到啟德果頭,打俾莎佢仲o係屋企,於是四圍行左陣,見到樣莎話想要既野,就抽左俾佢.之後佢黎到我話佢遲到要罰打手板,趁佢攤開手果陣我放左抽俾佢果個野落佢隻手度,見到佢好開心. 跟住同佢等車搭入油塘,都等左一陣.同佢搭14號入油塘,佢去rebecca度打牌,去到落左車阿媽打俾話驚阿公冇人陪佢去覆診,要我出番去伊莉沙伯醫院果邊,其實姨丈話左會陪佢去,但係唔知點解阿媽就係唔鍾意相信人,真係搞到我覺得好煩..之後打左俾阿公佢都話唔駛黎,因為姨丈打左俾佢話佢去緊,都唔知阿媽唔信d咩.. 講番落完車煩左陣之後,我同sally,rebecca同佢男朋友去食lunch,果檔車仔麵幾平幾好食,食食下angues都到左,等佢買埋就上去. 上到去就佢地就開檯,我唔太識打純粹去觀下戰,佢地一路玩到5點零,有主場之利果然唔同d.其間rebecca個房門反鎖左,整左一輪都唔得,之後好消極諗住打爛個鎖,sally好狠咁打落去,我就費事整爛人d野,慢慢起,但係就俾人話我溫柔-__-".搞左一輪都唔得,之後得到佢工人既啟發,用左個file攝門鎖個位,跟住輕輕一拉下度門就開左,之後又幫佢整番門鎖個掣. 5點零同sally & angues走,同sally搭車番佢度,6點零番到去.佢唔舒服訓左陣,8點半同佢出去搭車出尖咀,9點15分到巴西燒間野門口拎籌等入去.今晚約左阿甄,阿fa,阿正,suyi,carrie,總共7個人去食,9點半食到11點半,食到好飽,suyi好好笑,不過係俾我地笑,哈哈! 跟住同sally,阿甄,阿fa搭1A番去.番到去online打番兩日日記.

>>March 5, 2004 at 5:29:55 PM GMT+8

2004 年 3 月 3 日 星期三 【陰】

今日番到去又就打鐘,溫左少少dictation d字就打鐘落去早會. 第一,二堂英文,對番上次d work sheets同埋dictation,miss Tang讀得唔係好掂,又快..第三堂中史,教左堂書就小息. 小息有d眼訓,都唔知自己做緊咩..第四堂文學,教左少少書就夠鐘落堂,跟住又係中史,教番小息之前講既野.呢個新既時間表好怪,拆開左中史堂-__-". lunch上去7仔食飯,食完12點45分,番到去岩岩好夠鐘on duty.今日少左好多人打羽毛球,可能因為天氣凍左,d人懶左.呢排d F.1又成班o係陰雨操場玩,仲居然走去爬鐵網閘,咁好身手不如去表演馬戲啦!煩鬼住晒,我同阿show行過去佢地就扮隔住網傾計,一擰轉頭就想抬個人出黎-__-",趕之不盡,我索性企o係度望住佢地玩. 打鐘之後兩堂空堂,先同sally,suyi,rebecca,小玉傾計,跟住果堂同toto睇書過.最後中化堂教左少少書就分組討論,組組d畫都畫得幾正,我地果幅俾miss讚,我都有份畫! 今日放學有第九堂,上埋輕鬆既一堂oral english就同莎走.5點去左佢度等佢換衫,5點15分就去我度,我換埋衫就o係樓下搭van仔出尖咀,出到去先5點45分. 跟住同莎行落海港城,佢諗住買遲來的生日禮物俾阿fa,同佢行到6點半,買左份禮物,跟住我地過去富豪九龍酒店食buffet. 莎預約左7點,去到都差唔多,果度d野食幾好食,但係冇咩款揀,不過都尚算可以既.之後食到好飽,8點45分埋單走,跟住同佢番去,留低陪左佢一陣就走.

>>March 5, 2004 at 5:04:38 PM GMT+8

2004 年 3 月 2 日 星期二 【陰】

今朝番到去7點50分左右,跟住做文學做到打鐘,岩岩好做完.早完會番上去,頭三堂空堂,今日econ由陳校長首次執教,仲要一黎三堂,聽落都真係幾興奮..聽講佢第一個叫中我個名搭問題,好彩我唔在場.. 落左去做三堂中史資料題,做唔晒,因為聽suyi,小玉同rebecca佢地傾計講笑,小息番上去聽d同學仔對陳校長教書既意見係好多過壞,睇黎陳sir真係幾有料到,起碼d人明佢講咩.. 小息繼續努力做中史做到打鐘.跟住兩堂文學,先講番尋日d作文然後用淨番既時間教左少少書. lunch同toto飛奔落去門口買飯,諗住唔駛食得咁趕黎就on duty番,點知賣晒,結果又好無奈上去又一村買飯.好彩番到去食埋仲有5分鐘淨,之後等埋左輪,12點55分落去點名.今日同阿show on duty,o係後巷見到好多不良F.1聚集,佢地仲整傷左一個F.1,我d正義感(好難得先有)叫我睇住呢度,跟住就同禮禮猛o係度巡,果然即刻好平靜.之後cheap show唔幫手之餘仲話我扮盡責\../! 跟住中史,教書同討論,好快就一堂.最後兩堂空堂同toto坐埋一二邊齊齊猛撩功課,終於3點05分做晒中史,之後無聊拎左本書寫八仙嶺山火,睇到我心寒(過程好恐怖,人間煉獄..)又感動(為救學生而犧牲既兩位老師),諗番起當時好轟動.. 放學冇得走,交野,claim錢,跟住去上中史補課,搞到6點15分先走得-__-",跟住去探莎,佢今日病左冇番.之後陪左佢去百佳就走,番到去食埋飯就online上網.

>>March 3, 2004 at 4:19:05 PM GMT+8

2004 年 3 月 1 日 星期一 【陰】

今日涼番少少,天氣忽冷忽熱,真麻煩.. 今日頭兩堂中化,一開始miss潘睇我地畫d詩畫,抽完sally抽中我,好橋..-__-".之後教書教到落堂.第三堂空堂落去構思我個文學創作,冇靈感又冇題材,咩都寫唔到,得個爛鬼題目,爛到自己都唔想寫.. 小息落去英語角等作文,今日文學要作文,2個鐘時限,為左有得食lunch,所以我地10點半一打鐘就落左去英語角等阿sir,等左好耐楊sir都未黎,我就落去兜左轉,原來佢有野做緊,終於佢o係10點45分上到黎.跟住兩堂文學堂都係作住文,我作到12點35分先作完,嘔晒泡. 跟住上番課室同左輪佢地捉棋,之後12點45分sally幫我買左飯番黎,感激,食完都12點55分,就急急腳落去on duty. lunch之後三堂英文,頭兩堂做下practical skills,跟住做完miss Tang派左兩張work sheets俾我地做,d work sheets幾得意,唔覺唔覺就三堂. 放學同sally走,佢有d唔舒服,送佢番去.佢休息左陣,醒左之後發發地燒,就同佢去富山村睇醫生,睇埋送佢到樓下我就番屋企.番到去食埋飯洗完碗就online同睇電視,之後番房做文學做到悶就玩cm.

>>March 3, 2004 at 3:49:33 PM GMT+8

2004 年 2 月 29 日 星期日 【晴】

今朝起身好好多,尋晚臨訓拆左藥包同抹左身,今朝沖埋涼先出去,同莎番到去都就打鐘.早會有升旗禮,搞左一輪先上得去. 第一堂空堂,落去做埋news cut.第二,三堂文學,去SAC上,個感覺好得意,教下書好快就兩堂,不過唔知點解好眼訓. 小息o係課室做下功課,第四,五堂中史,教左堂書,之後果堂對卷同埋資料題. lunch上左又一村買飯食,新加入toto,買完番去都12點40分,快快脆食左10分鐘,12點50分趕得切食完去on duty.今日自己一個on duty,行到後巷好混亂,好多F.1,F.2聚集,又踢垃圾又拆水管,我一行過去就企埋一二邊,都幾無奈..之後拎左支斷水管去搵miss Lo,之後繼續on duty,轉頭見miss Lo行出黎,聽到有個學生叫左佢聲"羅拉",我都忍唔住想笑..結果果位同學俾佢捉埋一二邊"傾計". 今日d打羽毛球既人擴散到去學校門口果邊,四圍行行到打鐘,趕晒d人先番上去.做prefect千祈唔好朝早守門口,小息睇小食部,lunch巡地下,呢三個都係苦差-__-". 第七,八堂中化,教書同收我地d詩畫.跟住第二堂對作文,搵左左輪同sally出去講.最後一堂空堂落去做謄文. 放學同莎番去,上左陣網睇forum,之後好累訓左陣,醒左食佢整既"驚嚇朱古力",點解驚嚇?因為佢半個月前就整好左,擺到宜家先俾我食,我食落又覺得有d變質,佢又死都唔肯試埋一份,好cheap.. 食埋就走,番到去食埋飯,洗碗就online同睇電視.

>>March 1, 2004 at 3:20:50 PM GMT+8