2006 年 11 月 8 日 星期三 【晴】

■■■	主的安慰	■■■
買了團契遊樂園6，當中有一首歌﹕ 在創世之時，你有百般的美意， 要讓這故事揭幕於揀選的鑰匙， 是你的堅持，愛我最深都心知， 為要完成救贖犧牲捨棄性命， 來完全流露大愛不移， 誰揀，誰選，為要我得救贖， 寧願降生受辱都甘願，驗證是真愛無斷 誰揀，誰選，十架救恩以愛相勸， 憑著恩典每日亦覺溫暖， 唯願從今天起獻全力都不怨， 是你的周全，對我百般的愛眷， 在這無窮世代掌管今世未來， 還何其榮幸被愛不完， 誰揀，誰選，為要我得救贖， 寧願降生受辱都甘願，驗證是真愛無斷， 何等，神恩，十架救恩以愛相勸， 從前待你多虧欠，但你愛都不斷， 蒙召原是你心意，愛是無法數算。 有一星期六，得自己一個在公司，平時可能我會選擇唔做野，上下網，聽下歌等時間過，但果日實在太多野做，做到差不多1:00都做唔晒，心裡正在計劃留下來繼續做，還是去聚會呢?如果留下來繼續做，咁我下星期就一定冇咁多野做，D時間會安排得好D，因為有一半天工作，應該可以做到更多野，因為我真係太多野係未做好啦。 正當15/16的時候，心裡想起這首歌，是誰揀選來愛我，是誰揀、是誰選擇，是主無條件的愛我，是主首先揀選我，心裡實在太掙扎啦，果一種掙扎真係未試過，當揀選的時候，心裡真係萬般的掙扎，我可以選擇工作，或選擇返聚會，真係未試過咁大掙扎在心裡，但最後我都係選擇放下工作，返聚會。沒有人會知道我多返半天的工作，但在於責任心再加上我知道我下星期一定會更多野做，但我更知道主要我怎樣做。其實我返到聚會，也沒有同人講我剛才的掙扎，但我知道主最知道，最清楚同明白，我去到聚會其實已經遲到，但我心知道主最欣賞我。 是主首先揀選來愛我。今日你又如何揀選去回應主?

>>November 9, 2006 at 5:26:43 AM GMT+8

2006 年 11 月 8 日 星期三 【晴】

■■■	工作十分忙碌	■■■
接近整整1個月冇打日記，不是電腦壞了，而是每日都不停做做做，做到而家連食飯都係電腦枱上食，一路食一路做，晚晚做到over8-9先放工，放工就係返屋企，食野，沖涼訓覺，日日如是，情況都十分可怕。 我日日都想為什麼工作每日都係咁多，做完又有，做唔晒都繼續有，多到一味只掛住快d做晒，快d做晒，連幾點都唔知道。而家屋企食飯時間都因我源故而遲左，大約9:00後先食飯，有時又會覺得好似自己做得唔好咁。 心靈的質素﹕由於日日如是不停做，根本上冇時間比我有其他的思想，好處係仇敵的攻擊對我來說是不成功，因我根本都冇時間去想呀，但唔好處就係連主我都冇時間去想。惟有靠一早晨唱歌、保護式的祈禱、同睇聖經的去思想主外，其餘時間都少得可憐，因為身體已極其疲倦。 但我寶貴聚會中，主同我講的說話。難忘一次又一次被主愛激勵，難忘主的安慰。真係在別人不知道自己的艱難時，主的安慰是最及時。

>>November 9, 2006 at 3:55:08 AM GMT+8

2006 年 10 月 9 日 星期一 【晴】

■■■	日日做到冇停手	■■■
10月份唔知攪咩忙得咁緊要，晚晚都要差不多8:00後先走人。想早d走都唔得呀。 10月19-22日個老闆攪左個攝影展，冇那那變左義賣日，唉。又要stand by 10月23-25日接待省巿統戰部處長考察團，又係晚晚唔知周圍去 10月27日攪左個golf day，全日係東莞 10月又出AGM的文件，又要收集 10月又出就職典禮的嘉賓邀請信，又要收集 10月又出統計會員資料，又係收集 10月要開3個不同會議，個個會都係我寫會議紀錄 10月全部就職典禮的回覆要追 點解樣樣都係10月份發生架，天呀。

>>October 10, 2006 at 1:47:17 AM GMT+8

2006 年 10 月 8 日 星期日 【晴】

■■■	一口飛滋	■■■
特會咬親個咀後就變飛滋啦。今次又係孖住黎，最嚴重係有一粒生係條"c度，講野都唔想講，因為一講野就要用條"c架麻，所以郁親佢就會好痛，攪到個人down down地，冇心機。好似麗香咁講﹕好灰咁。 尋日聽個電話，同對方講我個會的名的時候，佢成日都聽錯，明明係青年，佢就聽左係千年，成日講，千年、千年呀。都話係青年羅。跟住係工業家，佢又話工業界，咩千年工業界呀，咩會黎架，真係激死呀，最後得出個結論係話我係痴"c根喎。真係想死我呀。幾時好得番呀。 甜美日程祈禱果然又係有料到，孖住飛滋變成一大粒飛滋，今次真係好痛呀。

>>October 10, 2006 at 1:47:35 AM GMT+8

2006 年 10 月 5 日 星期四 【晴】

■■■	操練祈禱	■■■
再次操練甜美日程的祈禱，我相信惟有持守操練，惟有keep住做，才能影響我這個人最真。 近期每日操練早上甜跪，雖說甜跪，但只係講一句﹕今日我又能享受主同阿爸的愛，又或者今日比昨日能活得更精彩。之後出門口講﹕父呀，我愛你。主呀，我愛你。聖靈呀，我愛你。行路的時候跟甜美日程的祈禱。每逢去廁所的時候，就同主講﹕我又能經歷你更多啦。就係咁簡單。 就係咁令我更覺得與主相親相近的寶貴，24小時的同在唔知你有冇真正體會主的同在的寶貴。更令我心靈更輕省，因面對工作的壓力，我想人人都會知，但未必能體會同了解，因每人面對的工作環境都不同，但寶貴當我講﹕主呀，我又能經歷你更多，主呀，今日必定比昨日更精彩的時候，我心裡能體會主的幫助，主的權力。我又可以活在與主無阻隔之中。 繼續操練是必需的，也要多為自己祈禱，同時也需對抗魔鬼。因仇敵必定眼紅我呀。

>>October 18, 2006 at 2:00:34 PM GMT+8

2006 年 10 月 3 日 星期二 【晴】

■■■	思念天上的事	■■■
所以，你們若真與基督一同復活，就當求在上面的事；那裡有基督坐在神的右邊。 你們要思念上面的事，不要思念地上的事。 因為你們已經死了，你們的生命與基督一同藏在神裡面。 基督是我們的生命，他顯現的時候，你們也要與他一同顯現在榮耀裡。 近期因為工作十分忙碌，令整個人陷入緊張狀態，所以一起身，已經想緊有咩未做好，突然又會諗起好似有d野做錯，又會即刻想怎樣算好呢? 往往心思同意念都會環繞工作。但聖經上同我地講，要思念天上的事，我果一刻想，我是活在世上，怎樣可以思念天上的事呢? 原來聖經話我知，你們若真與基督一同復活，就當求在上面的事，因為主已經復活了。就是咁簡單，主已復活了，不單活在天上，更活在你我的心中。

>>October 18, 2006 at 5:32:47 AM GMT+8

2006 年 10 月 2 日 星期一 【晴】

■■■	傷風菌入腸	■■■
特會的時候，唔知係米坐係病人身邊，所以假期果日已經feel到自己唔係好舒服咁。 當返工的時候，拎住本甜美日程祈禱，一祈完禱就頭暈暈咁，去到九龍塘仲驚，因為好似聽唔到d人講野，變左一舊舊咁，眼開始花花地咁，越來越暈，好彩有志健係度，又感謝主剛剛去到太子，即刻叫佢扶住我坐度，一坐度就即刻心跳加速，又不停流汗，嚇死我呀，我幾驚我會死呀。坐左15分鐘後開始好番d，因為要返工，所以都係返工羅，但全日周身唔舒服咁，放工之後那那林去睇醫生。 醫生話我係起感冒，仲話我d傷風菌入腸tim，不過因為屬於初期，所以冇咩特別事。佢話因為我唔舒服，而加上又企咁耐冇郁，所以會頭暈喎，佢仲叫我下次係米都郁下個人同對腳喎，如果唔係又暈過架。 就係咁又冇左$205啦。甜美日程果然有料喎。一祈完禱就暈啦。

>>October 9, 2006 at 2:21:22 PM GMT+8

2006 年 9 月 30 日 星期六 【晴】

■■■	特會	■■■
連續幾日的特會又過去，今次雖然並沒有任何好勁的感覺，或者好澎湃的信息，但我就覺得對甜美日程更加了解。 參加咁多場的特會，特別係團隊b/s的相交最放係心，可能余弟兄所講的太多啦，而特會時間又短，想講果d又講唔到，成日都係話到正題啦，但講講下又到bye bye的時間呢。 對甜美日程再有多些體會，但我都係覺得要多操練同埋學習keep住，係一件好難的事。對上一次的特會，係4月份，由果時開始，我都係有祈禱，但未必係持久，想持久想繼續，唔係口號，而係你自己有經歷才可以，有享受，才可以keep到你這個人持續去做，如果唔係又係變左3分鍾的熱度。 今次再學習祈禱的功課，再用信心去學習。

>>October 9, 2006 at 2:15:07 PM GMT+8

2006 年 9 月 29 日 星期五 【晴】



從約翰福音講到主所行的七個神蹟。十分喜歡劉志雄長老所寫的，其中一段講﹕魔鬼的手段

對不夠愛主的基督徒，魔鬼的手段是讓他們愛世界、追求世界、在世界中捕風捉影，希望賺得更多，享受更久。對愛主的基督徒，魔鬼用的手段就是讓神的兒女忙碌，讓神的兒女愛慕，追求耶穌基督以外的活動和成就。

魔鬼不怕你多做事、不怕你多開大型聚會，不怕你神蹟奇事，熱鬧活動。只怕你連於元首耶穌基督，最怕我們親近主，等候神，讓神成為我們的生命，成為我們的力量。

我覺得劉志雄講得好好。值得一看。

>>September 30, 2006 at 3:40:09 AM GMT+8