2006 年 8 月 25 日 星期五 【晴】

■■■	2日1夜大牛camp	■■■
今次camp係我的主意，因為好想每個都回想今個暑假難忘的經歷，也想每個都對面前充滿信心，雖然例牌每個都相交，雖然好似環境又係大牛，下次我想都係要揀個另外個地方先得，因為大牛並不是camp的好地方，一d camp氣氛都冇呀。但寶貴每個b/s的相交。 今次的相交比上次好得多，起碼個個的相交大家都有講自己的經歷，另外，也有雅婷同慧珊的相交，慧珊又真係長左d，但我深信佢地的經歷確實難忘同豐富的。 相交完就得番我地幾個訓，原本我諗我自己一個自私的睡袋，因為我實在頂唔順d藥力發作啦。原本雅婷就同慧珊一個，但唔知點解最後慧珊唔郁喎，佢同淑玲就痴埋一齊又唔郁喎，攪到個個都唔知點咁，最後惟有我出動我的睡袋啦，同雅婷share，多謝碧茹的地席，如果唔係我驚我凍死左係大牛。因為訓訓下，我上方的婷婷就不停講﹕c.......好凍呀，shu.........好凍呀。跟住就不停郁黎郁去，攪到好嘈咁，我見佢咁可憐，所以我就招呼左佢睡係我地中間，咁即係3個一個睡袋，當諗住繼續訓的時候，就聽到婷婷的鼻鼾聲，攪到我冇覺好訓。就係咁訓下醒下，終於去到8:00啦，可以起身啦。 執番d眼耳口鼻後就去食早餐，之後就參加擘餅聚會，聚會後原來係海山哥哥的分享，正呀。有料之人呀。今個月都會查但以理書，感謝主唔洗去少年團住，可以聽下信息同參加聚會。不過聚會時間太短啦，又話去食飯啦，根本都食唔落，最後去左地鋪玩破產大王，玩左一陣又番上去大牛幫手攪farewell d野，我覺得東雄玩緊我地，又叫人地剪500個心心，到最後只用左100都冇，攪左整晚得個吉呀。 farewell完左之後番屋企啦，因為個人暈暈地咁，那那林攪好d野又去訓啦。

>>September 1, 2006 at 1:43:01 AM GMT+8

2006 年 8 月 19 日 星期六 【晴】

■■■	星期日參加不同的聚會，走死呀	■■■
星期日一早又要起身啦，因為要負責事務，大約8:35到大牛，原來係一早先開登的，故此我地可以好快就霸位坐啦。其實只係洗果少少野，可以唔洗咁多人咁早黎大牛啦，因為咁早黎到，之後佢地就好會攰同眼訓。 今日有雅婷同惠儀仔一齊親近主，而本來慧珊應該陪麗恩的，但佢又唔知醒啦，感謝主有敏萍姐陪佢，攪完一大輪野之後，先去買早餐食，所以冇咩時間自己安靜。下次事務唔該分配得好d啦。 今日的擘餅，心裡有感動的時候，但因為要夾番時間去少年團的活動，所以也十分緊張，再加上當聽志明哥感動的分享時，東雄就打黎啦，佢竟然話我知得番5分鐘咋，如果唔係我地惟有自己去啦，我就同佢講，好快架啦，就飲杯架啦，根住東雄就講﹕得番4分鐘咋，冇時間啦。就係咁惟有同大妹姐講﹕我地要走啦，我要真係要快d走啦。所以當我飲完杯之後就即刻傳比佢地，一飲完就即刻走人。 今日去少年團的我、倩盈、碧茹、惠儀仔、曉琳、淑玲同婷婷。而少年團今日就去科大玩水戰，話明玩水戰架啦，lee個梁惠儀竟然唔記得帶衫，而淑玲同曉琳就冇帶褲。所以玩起上黎，只有碧茹同婷婷係最放的。 玩完水就要換衫啦，我就更加似亞媽咁，因為我除了我的背良外，仲要拎多4個女仔的袋加紙抽袋，仲要佢地行先過我，攪到我要跑去呀。換好衫就番上車走人lu，因為已經1:40啦。返到大牛攪好晒d野後又趕住去食野啦，因為2:30有學生聚會，我地2:00先去食野咋。 下午的聚會，寶貴有志明哥同子誠哥的分享，另外仲有志標哥哥的踏地啦，我肯定婷婷一定知醒呀。聚會後因為要傾下黎緊的前路同方向，所以大妹姐迫我地去九龍灣麥當勞坐，我坐左一陣咋，因為要趕住去食飯，今次係同惠玲、亞佩、小儀、志邦同joe joe一齊食飯，又係好耐冇見的6人組。 因為我遲到呀，去到佢地已經食緊啦，不過起初的氣氛怪怪，因為大家都唔講野，好似得我講咁，不過之後好好多，因為太多攪笑野啦。最後食到10:30走人，因為大家都眼訓lu。 返到屋企沖涼都12:00啦，咁又過了忙碌的一天。

>>August 23, 2006 at 6:16:23 AM GMT+8

2006 年 8 月 18 日 星期五 【晴】

■■■	星期六家團聚會	■■■
星期六去到大牛同芬芬有小小時間親近主，跟住2:30正式聚會，今次有慧珊同麗香的領詩，慧珊果然聽明我講野，相交主要以心靈供應為主。 之後輪到東雄講的信息，今次講起樓的比喻呀。東雄又用佢果d嚇死人講法講出沉降的問題啦。哈哈。 完左聚會又到玩遊戲的時間，今次我地玩話劇，我地果組第一樣要扮的係抽油煙機，問題係我地扮得不太全神，但最後醒目的碧茹都估到。之後就係扮職業，我地果組扮野天皇芬芬果然不負我地所望，第1個扮得最迫真，所以好容易比我就估到啦。由於我地果組出左皇牌，所以win 完又win啦。第3個係自由發揮題，我地果組係黃昏、海底同美少女戰士，而劇種係粵劇feel，當中有撥水法、又有高8度的叫聲，同呂奇的腔調，真係十分攪笑。最攪笑莫過於芬芬同慧珊扮演美少女戰士時候的對白，黎啦................我地變身，美少女轉身變，要變成戰士。我地要提月行動，警惡程奸。笑死人呀。 最後我地果組又win啦。因為有啟賢的高分數，下次都要買起佢先得。玩完遊戲之後，心裡其實好想同雅婷傾下計，覺得佢番黎之後，有d怪，唔係咩大問題，只係不夠投入姐。之後有機會同佢傾番近期佢的感受，我想都是好呀，因為實在冇咁的時間同機會同姊妹傾計，使我能明白佢未習慣d咩，又覺得有d咩要進步，同埋佢變得屬靈得濟，哈哈。有時候要配合同協調下先得。在幫人的時候，唔好成日話自己冇牧養的恩賜，因為牧養人恩賜個個都會有架，就算有講道恩賜，但一味得你講，冇人留低聽都係問題啦。另外，牧養人的時候，係需要自己先捨己，心裡只有弟妹的需要，如果唔係，就只會自己覺得好辛苦同唔知為咩而咁做，惟有將自己擺上，先看見別人的需要，才顧及自己的需要。 本來最後諗住同佢祈禱架，但因為我地又要同工相聚，所以做唔到咁多，但最令我驚訝的是﹕第2朝一早竟然見到雅婷9:05就到大牛，同惠儀仔親近主呀。當你願意做的時候，我想每一個一定能做到，何況要幫的妹妹又可以早到呢。真的呀，我估惠儀仔一定知道雅婷的苦心，下次佢一定會好的表達比佢架啦。

>>August 23, 2006 at 10:18:35 AM GMT+8

2006 年 8 月 18 日 星期五 【晴】

■■■	交稅呀!!!!	■■■
尋日收到綠色信封的物體，心已料到要比稅呀。上年比大約4千幾，咁我估差不多啦。點知一開之下..................竟然要交7千幾蚊呀。天呀.......... 我加的人工加加埋埋差不多等於要比的稅呀。雖則話出年1月先交，咁則係話我要拎差不多半個月糧黎交稅呀。打工仔呀，真係命苦呀。無良稅局呀，專扼我lee d 身冇一蚊的蚊之仔僱員呀。 so sad呀，尋日我又立心志，唔買衫，盡量少出街，多番屋企食飯，日日帶飯，慳得就慳。7千幾蚊呀，7千幾蚊呀。雖然我家姐話佢交成幾萬蚊都試過啦，咁梗係啦，佢人工都3萬幾，我只係佢1半都冇呀，咁佢梗係要交多d啦。so sad......so sad......

>>August 19, 2006 at 4:01:26 AM GMT+8

2006 年 8 月 17 日 星期四 【晴】

■■■	相交小組	■■■
尋日又係歷史性一次咁早去到大牛，大約6:30就到啦。因為尋日去左理工聽一個無聊的course，聽一班海關同律師係到講d好似好有用的野，但實際上係加重我地workload的事情。 明明5:00就可以走架啦，仲諗定去食下午茶tim，點知比2個人不停問題，問足半個鐘之後先走得，跟住仲要同我地legal adviser一齊走，所以被迫去左地鐵站先走人。不過果時都6:00啦，所以惟有去大牛先食野啦。 食完康祥都已經7:30啦，跟住上番去大牛3c相交，不過尋晚大牛好多人呀，仲要係人地的祈禱會tim，所以係嘈雜的聲音中相交，而大妹姐就不停同人揮手，佢就成日話d人望住佢同佢say hi，但其實係冇人同佢打招呼架喎，我地懷疑佢有思覺失調。

>>August 18, 2006 at 7:28:27 AM GMT+8

2006 年 8 月 16 日 星期三 【晴】

■■■	又去游水啦	■■■
尋日因為亞姐已經飛左，所以可以準時走人，又因為太恨去游水啦，尋日特登夜晚去游。原本諗住冇咩人，點知人山人海，係大池冇咁多人咋，中池d人迫到死呀。但我都叫游到啦，最後游左2次來回就走啦。 唔知係米人老左，d骨頭都弱左，游完之後對手舉都唔舉唔起，真係好想死咁。返到屋企食左d生果，跟住就訓啦，個人好似唔攰，但對手同隻腳攰到死咁。訓訓下隻手仲麻痺tim，我估我十成十用錯力去游，不過我熱身運動已經做左架啦。下次都係游慢d，同埋買個浮板去游先得，如果唔係，我驚對手會斷呀。 不過唔知下次幾時有機會會去游呢?

>>August 17, 2006 at 1:38:44 AM GMT+8

2006 年 8 月 15 日 星期二 【晴】


星期六off的上晝，去了真係好多年冇去的藍田山親近主，當坐係同一個好多年前坐開親近主的位置，當又望著同一個天空的時候，心裡真係感受良多。

7年前的暑假，每日一個人早上上山，坐係涼亭內親近主，雖然得自己一個，卻不是獨自一人，因為有主與我同在，雖然每日都好晒，但卻能享受與主的甜蜜，真係認同﹕上得山多終遇主。而家好多b/s好鍾意冷氣的地方，但卻少了外出的機會。心裡真係覺得如果要享受到主，真係要出去先得。起碼唱歌都唔需要就住就住。

>>August 16, 2006 at 4:35:49 AM GMT+8