2006 年 8 月 8 日 星期二 【晴】

■■■	F.5的放榜	■■■
一早約左8:00係康寧道公園親近主，去到已經見到雅婷、慧珊同曉琳。其實我有時唔係好明白，點解d姊妹改左自己返學時間，自己又走去約晒人幾點親近主，但又唔會同你講一聲。都幾無奈。 基智原來8:00要返學，所以我地只係同寧波親近主，雖然時間得小小，但寶貴阿ken、可兒、碧茹、芬芬、kinki都有黎。 今次我主力係陪芬芬去放榜，祈禱完後就同佢地去寧波，去到間學校的時候，原來發現寧波好舊，舊到嚇死人咁，問可兒的時候，佢最攪笑係答我﹕度門係新架。 跟住我地就去禮堂霸位比ｄ升到中六的啦，第一個見到可兒，有９分，跟住KINKI有10分，之後芬芬有8分，當見到雙眼紅紅地咁行過黎的時候，我已經想喊啦，係我想喊，唔係佢想喊，因為我實在太緊張啦，連電話都差Ｄ跌埋，我估我下年都唔適宜陪人，因為我驚我心臟病發呀。 之後有ＫＥＮ的１３分，跟住係碧茹的１４分，仲有洪福仁的４分。當知道分數後，就決定同芬芬試去沙田ＩＶＥ睇下入唔入到啦。所以就同佢地分道揚鑣啦，因為可兒要去葵涌先有得讀，咁我就同芬芬搭的士去沙田。沿途不斷同慧英基智果邊ＫＥＥＰ　ＣＯＮＴＡＣＴ。 去到沙田發現冇咩人，諗住一定得啦，因為佢果科商業資訊科技．．文憑收７分，佢有８科喎。點知原來芬芬考syb A，當計番syb B的時候，佢就少1分，仲要係因為降GRAD，所以就入唔到果科，跟住同個老師傾，佢就話全部得1個COURSE"硱\架咋，佢可以讀或者試其他間。就係咁，我地又由沙田搭番的士去九龍塘李惠利，感謝主呀，因為KINKI又係果度，跟住不約而同地見到好多B/S，跟住我同芬芬講，如果有咁多B/S同你讀埋同一間都冇有怕啦。 就係咁又排隊，又填FORM，多得大妹姐係度，所以佢霸住個位比KINKI，又霸住個位同芬芬影印。不過當再霸的時候，已經比人SAY NO啦。 由11:30等到12:30先拎到張註冊証明書同學費單，之後因為我得半日假，所以下晝就只好搵麗香陪佢，剛剛麗香又陪完可兒由葵涌搭地鐵走，所以時間剛剛好。而慧英就留守係IVE等阿怡黎，而珮思就陪少媚去MORR HILL再試。 實在陪人放榜心裡壓力都好大，好似咩都係你講佢去做咁，有時又覺得D決定會唔會錯呢，所以我不斷問果個IVE姐姐，讀FOUND DIP升上去的機會有幾多呀，申請GRAND LOAD點架，課程係讀咩架，學費要比幾多架，如果唔比錢有冇機會再試其他架......我估個姐姐都覺得我好煩架啦。 下午返到公司，其實都唔係好想做野，因為實實在在太疲倦啦，尋晚又訓得唔好，5:00就醒啦，因為驚自己遲到啦，之後6:00又醒啦。又因為要早起，到下午都冇食過野喎，因為芬芬話佢自己唔肚餓喎。所以我都冇食野，我諗下次係買定野食比自己會好D。 之後又要傾KINKI啦，佢又係15/16咁，但問題係佢唔知自已想點，所以又傾一輪，不過多謝大妹姐係佢身邊啦。雖然大妹姐話好激氣架啦，就死架啦。但最後都陪佢不停去，港九新界一天遊咁。真係辛苦佢啦。

>>August 14, 2006 at 8:42:35 AM GMT+8

2006 年 8 月 5 日 星期六 【晴】

■■■	又轉到星期日擘餅+參加少年團	■■■
今日8:00就起身，因為大妹姐叫左9:30要到大牛霸位，當我9:30去到大牛的時候，原來已經有好多B/S到左啦，仲要係親近緊主TIM，我估如果要我d b/s咁早起身，真係有d困難，因為今日少媚差不多10:15先到大牛，遲左半個鐘呀，阿怡反而冇遲到喎，大約9:50就到，大家可能真係要用d時間適應咁早起身去聚會，因為好耐冇試過啦。 今日聚會好大感動，但因為成日要掛住d人到未呀，邊個未到呀，所以未叫好集中精神，期望下次能集中享受主啦。今日當我想叫唱專一的愛時，已比日權叫左，不過唔緊要，最重要都要思想到神，想到主的愛，想到主對人的付出時，何不心動呢? 擘餅聚會完左之後，就去少年團聚會，今次的小朋友明顯比上上次少，民生話d小朋友可能去左旅行，又或者d阿爸阿媽冇帶佢地黎，其實我有時都會諗，一個信左主的父母所生的小朋友，唔係應該都係好鍾意返聚會架咩，點解d父母會咁有原則，一定要學果樣，又要學果樣，但就可以唔返聚會呢?小朋友中，有d真係好叻，有d好勁，但我未見到有邊d同主關係好好，可能未懂得去默想掛，領詩的姐姐我想佢對果首詩歌好有得著，但真係難免深左d，同埋佢講得又深，叫人去默想神的愛，小朋友真係難左d。 聚會完之後玩的遊戲仲攪笑，同我地星期六玩的差不多，中學生又係玩果d，小學4-5年級又係玩果d，唔係掛。所以d小朋友又係自己有自己玩，d同工又有自己攪。我地幾個就企係度羅，因為個遊戲實在太深啦。 玩完遊戲之後就趕住去食飯啦，因為已經1:30啦，2:30就有F.5輔導，所以用左唔夠1小時去食飯。之後又到大牛參加輔導，聽完D miss 阿sir講完之後，佢地先明白升上去有咩結果，係咪個個都適合呢?真係有時覺得佢地個個都唔知發生緊d咩事咁，一味掛住升f.6，又或者高估自己的分數。真係救命呀。最救命的係阿怡同少媚，2個都好似中左毒咁，話自己一定讀自己part time果間咁的colllege，可以讀到degree架喎，我真係好驚佢地係比人欺騙，因為F.5唔論你的成續係點，只要讀3年就可以有一間唔知咩澳洲大學(COLLEGE)所頒比你的唔知咩DEGREE，你話驚唔驚，仲要D學費貴到嚇死你。講緊都唔明咁，最後出動到MISS出馬，叫佢地唔好咁諗，腳踏實地咁去報IVE又得，去讀其他都好，唔好將D錢擺去咸水海。 之後又到雅婷傾啦，個個都傾過，最後攪到我地6:30先走人。就係咁就1日啦。

>>August 11, 2006 at 5:03:51 AM GMT+8

2006 年 8 月 4 日 星期五 【晴】

■■■	星期六的家團聚會	■■■
今次的家團聚會係第一次又轉番全日家團活動，星期日先擘餅，所以星期六可以去玩到6:00。 開始聚會的有燕瑜+碧茹，跟住就係玩小小遊戲，之後就到東雄講信息，我諗因為地方大，而東雄又唔用mic，所以難集中精神。4:30就開始玩遊戲啦，一玩就到6:00。不過今次都算幾成功，我地果組笑口組就win左tim，不過下次要改名先得。因為比人話我地娘得濟。 東雄成日攪混亂，都話拎番自己組收埋的野，佢又去搵我地組收埋果d野，去到又同佢相撞，又要等佢地先左先得，攪到我地遲左番去tim。跟住我地果組有阿ken啦，其實我發覺阿ken都可以講好多野，唔係好靜架喎。 玩完之後就傾下F.5放榜要陪人的組合，一數之下，原來有成13人係F.5，都係多得緊要呀，可以陪的又不多，但有D已經諗住佢得架啦，所以都OK掛。 之後又同工相聚啦，今個月有3次同工相聚，1次家族同工相聚，我D星期六、日就係不停相聚啦。相聚都OK啦，起碼要傾的事都傾左，要安排的都安排左。之後我又趕住走啦，因為志健媽媽生日，要去食飯，其實次次都係去酒樓食架啦，今次又係，今次冇咁悶，因為同左佢個姨甥女玩，好勁架，我估佢大約3-4歲，就已經飲啤酒同玩啤牌啦，大過左都唔知變成點，不過佢係幾靚女架喎。我估參加港姐都得。 食完飯返到屋企都10:30啦，明天又要早起啦，因為明天9:45參加擘餅聚會。

>>August 11, 2006 at 4:47:49 AM GMT+8

2006 年 8 月 2 日 星期三 【晴】

■■■	又慶祝生日	■■■
尋日秘書姐姐約左我食飯，地點係譚魚頭，2個人食左380蚊野，好貴呀，不過其實食左9碟野，同埋2個甜品。由於秘書姐姐已經不在係另一商會做野，而家1人做2份工，都幾辛苦架，所以當話佢請的時候，心裡有d過意唔去。當我話不如我請的時候，佢就話我生日一定要佢請，當佢生日的時候就輪返我請，我一定會，但上年其實因為我太忙我都冇請到佢食飯tim，今年一定要請番佢先得。 譚魚頭係香港都係第一次食，因為我第1次食的時候係四川食的，果次因為係國內，所以d食物都係麻麻地，都唔知係咩就已經放左落煲度，熟就食啦，都唔咩黎，但今次去食的時候，真係好好味呀。我地已經9:00後先入座，所以有得平，38/碟的減到28/碟，但其實都叫貴架啦，但好味的野要用多d錢先買到架啦。 食到差不多，秘書姐姐繼續努力埋去，所以佢話飽到想嘔呀，但其實可以唔食架啦，所以秘書姐姐肥過我羅。中間傾談的都係公司野，佢最抵死係拎埋佢公司d信問我點寫，因為以往佢商會果d信會比我睇，我會同佢修改下，而家做埋佢顧問，又問我點寫好，不過果d信唔係商會信，所以我唔識得寫。

>>August 10, 2006 at 2:03:31 AM GMT+8

2006 年 8 月 2 日 星期三 【晴】


今年生日收到最多的係衫，共有6件，有我最鍾意的黃色同埋未曾買過的綠色。有長袖、又有短袖。真係太開心啦。仲有我最鍾意的小飛俠tim。哈哈。在此多謝各位的心意，真係好歡喜呀。今年的禮物特別多，又特別合我心水。

>>August 4, 2006 at 8:03:04 AM GMT+8