|
2006 年 3 月 16 日 星期四 【晴】
| ■■■ |
GOOD NEWS |
■■■ |
尋晚臨放工的時候，亞姐話問我野，咁我就話咩呀。跟住亞姐話又到REVIEW的時候，佢話比2個我揀，1係加人工，1係輪住放長短周。我諗到唔洗諗就話﹕輪長短周啦。亞姐都有小小奇怪架，佢話﹕你唔鍾意錢呀，不過我其實都揀長短周架，但如果你揀加人工，我都冇所謂。咁我就話﹕加咁多人工比我，我仲驚呀，容乜易遲D話你唔值得LEE個價錢架，加多左人工，咁即係要做更多野，咁梗係唔加啦。另外，我就真係想星期六放下假，可以自己長時間親近主又得，同D妹親近主又得。
最快可能5月先開始長短周，即係返2個星期，放1個星期，因為得3個輪住返。不過如果果段日子好多野做，咁放就冇得補錢/假。但如果果個星期六係有活動，要返工，咁就會補錢。
我聽完之後，其實心裡好感謝神，主聽我不少祈禱，當我為著父的心意同父的國去祈禱的時候，父連我未祈禱的事都為我成就。心裡好感恩。
|
>>March 17, 2006 at 7:15:10 AM GMT+8
2006 年 3 月 15 日 星期三 【晴】
| ■■■ |
接待江門巿領導 |
■■■ |
尋晚去了美麗華接待左江門巿書記同副巿長等人，原本諗住我同亞姐都唔留低食飯，但問會長的時候，佢竟然叫埋我地留，因為想多人d坐係度喎，係坐係度咋，所以我地就留低，不過佢咁講姐，其實都有好多人攪架，一時又話播dvd，一時又播會歌，一時又跟下d送，一時又幫佢地影下相。都幾忙啦。
由於大陸人早食飯，所以我地7;00就開始食啦，一路食、一路傾，去到9:00，都算ok啦d時間。2個鐘一餐飯。坐係我旁的老闆好攪笑，佢問我個backdrop自己整架，咁我就話唔係，酒店包埋架，咁佢問點解冇logo，咁我就冇答佢，因為免費只係d字(仲要d字其實次次都係拎番出黎用)，仲要包埋個logo，你比咩。咁佢竟然話﹕乜你咁蠢架，免費梗係要整埋個logo啦，你應該要問埋佢啦。我只可以無言以對。
跟住佢又問﹕點解你同亞姐都咁好似面青口唇白咁架。跟住我就話﹕唔係呀，都唔係有病。跟住佢話﹕我知啦，你地2個基本上都唔會離開yic，日又係yic，夜又係yic，都唔照都陽光，夜晚就返去訓，你地咁就梗係唔黑啦。好似我咁有陽光咩。又係無言以對啦我。
|
>>March 16, 2006 at 5:02:03 AM GMT+8
2006 年 3 月 14 日 星期二 【晴】
近期的習慣
早上﹕一起身會首先同主、父同聖經講早晨。跟住就會將甜美日程裡面d祈禱，祈禱晒去，近期真係感到不同，以往容易比仇敵攻擊，容易胡思亂想，當我實行咁樣的祈禱之後，竟然少了好多唔好的意念，心思容易想到主自己。
由出門口到去到地鐵站，我就會聽mp3，聽余弟兄的信息。搭地鐵的時候，我就會親近主啦，可能有時只看著一段的詩歌，又或者看一、二句聖經，跟住默想歌詞或默想聖經的話。
返到公司逢去廁所去的時候就會祈禱，多謝主或者讚美主。
放工的時候又係聽mp3。
臨睡前又會聽mp3，因為平時行路去聽，所以較難drop note，臨睡前坐係床去聽，就可以寫到野。(唔好以為好耐喎，通常都係15分鐘咋)
訓左落床的時候，就會祈禱，為屋企人每個去祈禱。為自己訓得好而祈禱。之前每晚都係只為這2樣去祈禱，但近期就多左，首先感謝神，跟住為自己的得著而祈禱。(唔好以為又係好耐喎，有時會祈祈下訓著左，但通常都係5分鐘)。
原來與主過甜美日程唔難架，大家一齊進步。
>>March 15, 2006 at 8:14:19 AM GMT+8
2006 年 3 月 14 日 星期二 【晴】
| ■■■ |
COCO生日 |
■■■ |
尋日冇出祈禱會呀，因為COCO生日，去左旺角食飯。最攪笑係我唔記得係邊度等喎，所以就出左雅蘭行，行左一陣諗唔到係邊到等，諗住CALL人的時候，竟然見到NICOLE佢地，真係好啦，唔洗打電話都搵到人，又唔係行左錯路。
原來又係去迎囍食飯，又係果間，上次新年先食完，今次又去食，但係都係食小菜。今次有溫小姐、石小姐、NICOLE、COCO、JANICE、ALAN、阿東、MAY MAY同我。次次都係笑JANICE，不過今次唔同啦，今次我地傾下9月尾10頭一齊去旅行，上次就話坐船，今次就話坐飛機去台灣，但傾完先知大家講的原來大家誤會左D日期，跟住最後講講下又話去石小姐碧貴園果度玩，其實都幾好呀LEE個決定，因為唔洗用咁多錢，去台灣大家都要請假先得。
之後，我地就講COCO結婚啦，因為佢係一個好瘦，好男仔頭的女仔，我地話佢唔適宜著婚紗，佢應該著西裝，跟住JANICE仲話可能佢派D生果全部都係蕉，同埋佢一入場之後就會不停食野，因為COCO成日要食野架，食飯又要食2碗架。笑到我地死死下。
食到9:00就走啦，因為大家都好疲倦，大家都好飽呀，COCO仲食左2個大壽包TIM，勁呀。返到屋企都差不多10:00了。
|
>>March 15, 2006 at 7:12:22 AM GMT+8
2006 年 3 月 13 日 星期一 【晴】
我的佳偶阿、你美麗如得撒、秀美如耶路撒冷、威武如展開旌旗的軍隊。 求你掉轉眼目不看我、因你的眼目使我驚亂。
在地鐵裡親近主時，所看的聖經，雖然地鐵真係好多人，但我專注的看當中的那一句﹕求你掉轉眼目不看我、因你的眼目使我驚亂。心裡好出奇，竟然我這平凡裡的一個，今日神竟然因為我的眼目而使祂驚亂，奇嗎?
但係默想這一句聖經，竟然可以默想到彷彿周圍一個人都沒有，只有主自己，只有主凝望著我，只有主用欣賞的眼光望我。當我再望下周圍的時候，再發現周圍真係有好多人望著我，不是我美，而係我的冇那那係地鐵裡微笑咋，真係好好笑。係好迫好迫的時候，冇那那有一女子係地鐵度微笑。
全日就只係諗住這句聖經，我想就係余弟兄所講的餘味。
>>March 15, 2006 at 6:53:51 AM GMT+8
2006 年 3 月 12 日 星期日 【晴】
| ■■■ |
星期日的聚會 |
■■■ |
尋晚又係發夢發到癲呀，一合埋眼就發喎，唉.......
一訓醒都已經9:00啦，跟住諗住可以快D出門口，去到大牛都係10:00啦，點知係執野的時候，媽媽不停行黎行去，攪到我問佢攪咩啦，佢又答得冇喱頭話﹕唔知家姐咁早去左邊喎，真係攪笑呀。跟住我米同佢講﹕係咪食早餐呀，你食唔食呀，不如去大家樂食啦。
就係咁同左亞媽去左食埋早餐先去大牛，但係當中都感受好需要時間同亞媽傾下計，傾計過程中比我知道左個好消息，因為近期晚晚我都為屋企人祈禱，因為4月份沙田果邊應該會有預工，我好想約亞媽去，但因為佢隔個星期日要返工，我好擔心預工果日佢要返工，咁所以我祈禱求主使佢如果攪預工的那一日唔洗返工，但係星期日媽媽話我知，佢以為個個星期日都唔洗返啦，因為改左星期五返3節(早上到晚上)，星期六就返2節(早上到下午)，所以星期日佢唔洗返喎。聽完之後幾開心呀我，因為我知主一定聽左我祈禱，唔驚星期日返工而黎唔到啦。
去到大牛原來都未開始，因為等埋雅婷先開始，我深信雅婷必得神稱讚，考mock都出黎聚會，真寶貴。
生日會完後我地一齊玩uno，好好玩呀，今次輪到我win番一次。但最攪笑係最後的一鋪，唔明白點解慧英會一手都係牌，但都係出唔到，惠儀仔又攪到一手都係牌，最後攪到冇牌抽，要負牌，我得番一隻的時候，惠儀仔竟然換我手的牌，但其實我仲負緊牌架喎，佢都叫uno喎，所以佢又要再負多5次，但係負到玩唔到呀，最後的一鋪冇計到分lu。
|
>>March 14, 2006 at 8:15:24 AM GMT+8
2006 年 3 月 11 日 星期六 【晴】
| ■■■ |
星期六的聚會 |
■■■ |
星期六倩盈帶左個同學仔黎，佢叫zoe呀，同我另一個秘書個名一樣架，佢幾靚女架又文靜，join左初信聚會前一part，跟住就同佢傾計啦，起初都唔知點咁，跟住都算ok啦，倩盈成日同你唱反調架，真係激死呀，一時問佢會唔會再犯罪，佢又會，問佢聽唔聽主耶穌話，佢又話唔聽，跟住佢仲話我﹕咩你真係有準備講野架，大佬呀，你估福音真係吹水咁咩，話講就講呀，又冇講d背景黎我知喎，真係笑死呀。
不過我都感謝主呀，因為我尋晚同前晚都訓得幾差，不停發夢，發到傻呀。但係傾計的時候，心裡都有聖靈幫助同帶領，用左一刀剪的十字架，講左個福音，倩盈仲話我好勁tim，又激死呀。當中講到惟有我們的罪，使我們與神的愛隔絕，但寶貴主親自用祂的寶血買贖我，同zoe講的時候，心都好感動。傾左大約半小時啦，知道佢係小六的時候已經表示信主，也經歷過神聽佢祈禱，雖然沒有返聚會，但佢竟然主動問倩盈返邊度聚會，係邊度返tim，真係寶貴主對每個b/s都長情，主千方百計都掛念我們，想我們返到祂面前。
傾到4:15要走啦，因為我們要擘餅啦，送到佢去地鐵站，跟住我地就返上去聚會啦，心裡再有主愛的感動。
聚會之後就為一班F.5繼續祈禱，多謝倩盈的祈禱，寶貴每個為主的付出，深信主裡勞苦決不徒然。今日實在太疲倦啦，再加上同ZOE傾計就仲疲倦，真係個腦都唔想郁呀。
|
>>March 13, 2006 at 8:46:45 AM GMT+8
2006 年 3 月 9 日 星期四 【晴】
| ■■■ |
訓得好左 |
■■■ |
以前講我自己訓得唔係咁好，所以我而家每晚臨訓前都會祈禱，我唔單止係早上有保護式的祈禱，連晚上我都會為家人同自己訓覺的時候祈禱，求主都同樣保護我。
果然，這3晚都咁祈禱之後，我訓得比之前好，冇發惡夢，同埋都冇乜發夢tim呀。主真係聽祈禱的神，也是可以經歷的。再加上我每晚都為家人祈禱，感覺大家的關係比之前好，起碼星期一為家姐慶祝生日，都食得開心呀，同屋企都傾多左，星期二都有同細佬傾過佢的問題，起碼佢都覺得自己咁樣的生活係唔正常呀，願主繼續祝福我同我的家人。
|
>>March 10, 2006 at 8:36:58 AM GMT+8
2006 年 3 月 9 日 星期四 【晴】
我需要祂，一點都不奇，
但因祂愛與計劃，
祂竟需要我，更戀慕著我，
這真是奇中奇。
今朝默想的時候，看到這詩歌裡的歌詞，心裡真得好出奇。我們需要祂，去求祂是理所當然的，因為主是神，祂是全知、全豐、全能的那一位。但今日主竟然求我地，求我地比佢見下我地，求我地比佢聽下我地的聲音，竟然全能無限偉大的主，今日竟然住在我們的心裡。
唔知你覺得出奇嗎?如果都未，我鼓勵你去細想，細想一下主從天降世為人的事。
>>March 10, 2006 at 8:12:46 AM GMT+8
2006 年 3 月 8 日 星期三 【晴】
| ■■■ |
接待活動 |
■■■ |
今日連續接待左2個拜訪團體，第一個係深圳巿聯合會，第2個係山西商務廳。
其實d人都係吹水多，係咁講自己果度有幾多個億的資產值，係咁講自己果度面對十一、五規劃有咩做呀。跟住d時間就咁講左啦。
早上接待連埋食lunch，都幾快架啦，由1:15食到2:00，準時食晒咁多味送，真係吹到佢地個廚房死呀，一叫起送就要即係有得黎，遲左15分鐘就話要見經理，我係係我地先咁樣做架啦，跟住廚房一次過送晒d送黎，一係唔黎，一黎就6個送一齊到，嚇死大家。不過國內人早食飯，所以佢地都好肚餓架啦。所以好快就食晒，跟住又吹佢黎飯同湯水甜品，又係一次過上晒。幾好呀，我地又有得食，有又得打包。
下午就約左山西省商務廳d人，其實佢地係處長級，比較低級，所以只左個中國部幹事接待，又係吹自己d發展、幾多個億呀，次次都講幾多個億架喎，唔嫌架咩。不過佢地都趕住走，所以3:00就完了。
時間剛剛好呀，如果長d時間都做唔到其他野呀。
|
>>March 10, 2006 at 4:27:48 AM GMT+8
|
|
|
|
廣告 |
|
|
讀者留言 |
| 路人留言
|
 I really underst
>>July 3, 2006 at 3:58:55 AM GMT+8
如果俾我都會揀長短週架!
<br
>>March 17, 2006 at 10:29:50 AM GMT+8
好開心知道你訓得好左, 因為我都
>>March 12, 2006 at 12:48:14 PM GMT+8
你又唔早d話我知,我近排又係夜晚
>>March 8, 2006 at 2:09:44 PM GMT+8
你近排好似好奈冇打日記喎! 我得
>>February 21, 2006 at 9:11:37 AM GMT+8
咁....
<br>唔換到換左.
>>November 10, 2005 at 1:04:28 AM GMT+8
百利恆井水，如血之寶．
<br>
>>October 7, 2005 at 10:33:22 AM GMT+8
I will always su
>>September 6, 2005 at 11:57:22 PM GMT+8
唔好咁唔開心啦!主了解你一切的感
>>August 29, 2005 at 3:50:31 PM GMT+8
我係一個7月1日被遺棄嘅小朋友!
>>July 4, 2005 at 7:52:19 AM GMT+8
我係騙局嘅受害者!
>>June 15, 2005 at 10:17:21 AM GMT+8
點解你成日發埋d咁嘅夢架!
<b
>>May 18, 2005 at 9:30:41 AM GMT+8
女主角,幾時幫我地簽個名呀?
>>May 1, 2005 at 3:33:58 PM GMT+8
我地會為你祈禱架喇!願主將平安賜
>>March 26, 2005 at 1:15:22 PM GMT+8
放心啦, 我地會代禱記念你架啦!
>>March 24, 2005 at 7:07:39 AM GMT+8
依家輪番我問你有沒有工可以俾我做
>>March 24, 2005 at 2:18:55 AM GMT+8
RE大佬同ssf﹕唔好係度玩野喎
>>March 9, 2005 at 2:38:53 PM GMT+8
Re: 十大殺手，我唔知你係邊個
>>March 9, 2005 at 9:52:09 AM GMT+8
ssf 你究竟係邊過,竟然夠膽咁
>>March 9, 2005 at 7:49:48 AM GMT+8
答嘴：宇宙大佬，我份工要受好多氣
>>March 8, 2005 at 11:29:21 AM GMT+8
我提意你不如做ssf 果份工啦!
>>March 8, 2005 at 7:57:49 AM GMT+8
實在恭喜妳可以辭職，我都好想好想
>>March 7, 2005 at 10:57:06 AM GMT+8
睇黎個亞姐都唔會做得長囉!
>>March 1, 2005 at 7:40:04 AM GMT+8
唔關我事架...
<br>係大妹
>>February 22, 2005 at 2:41:42 PM GMT+8
睇佢真係唔似傻仔喎!
<br>仲
>>February 22, 2005 at 5:41:54 AM GMT+8
大妹姐會為錢殺人?
<br>我好
>>February 18, 2005 at 8:07:06 AM GMT+8
我點知?
<br>我識得佢吖麻!
>>February 17, 2005 at 7:50:28 AM GMT+8
喂，你唔好用"撇低大妹姐"呢幾個
>>February 15, 2005 at 7:26:15 AM GMT+8
我果日係馬鞍山親近主喎!
<br
>>February 15, 2005 at 3:43:55 AM GMT+8
re大佬﹕你又知係周星星架咩，唔
>>February 9, 2005 at 9:40:18 AM GMT+8
re大佬﹕如果你出我地星期日的馬
>>February 9, 2005 at 9:39:02 AM GMT+8
新年快樂!
<br>你好似今件未
>>February 9, 2005 at 6:04:41 AM GMT+8
"愛你一萬年"係周星星係西遊記大
>>February 9, 2005 at 6:00:17 AM GMT+8
嘩!你解啟示錄都幾清楚架喎!
<
>>January 26, 2005 at 6:25:20 AM GMT+8
多謝晒﹗好感動呀﹗係呢個咁寒冷既
>>January 15, 2005 at 11:39:46 AM GMT+8
re小公主﹕張相梗係冇問題啦，等
>>January 12, 2005 at 1:25:12 PM GMT+8
re汽球﹕咁你多d留言啦..
>>January 12, 2005 at 1:23:44 PM GMT+8
re SSF:我已經預備
>>January 12, 2005 at 1:22:26 PM GMT+8
我好LIKE你個留言板LO...
>>January 9, 2005 at 11:07:04 AM GMT+8
我想要既保濕潤唇膏都唔使你送嘞，
>>January 4, 2005 at 3:53:31 AM GMT+8
依家唔洗你送個坐枱
>>January 3, 2005 at 6:25:17 AM GMT+8
我已經幫大妹姐扲咗
>>December 31, 2004 at 8:00:07 AM GMT+8
我已經幫大妹姐扲咗
>>December 31, 2004 at 7:54:23 AM GMT+8
哈.... 地點都係寫下既o者.
>>December 28, 2004 at 11:40:13 AM GMT+8
RE宇宙大佬﹕
<br>你要的禮
>>December 21, 2004 at 1:36:38 PM GMT+8
係唔係寫低就有禮物收架?
<br
>>December 21, 2004 at 1:00:53 PM GMT+8
RE SSF﹕
<br>你要保濕
>>December 21, 2004 at 12:17:37 PM GMT+8
re SSF大仔K仔﹕
<br>
>>December 21, 2004 at 12:15:11 PM GMT+8
re小公主﹕
<br>你的禮物冇
>>December 21, 2004 at 12:11:56 PM GMT+8
我唔貪心的啦,我想要朱古力就得啦
>>December 21, 2004 at 8:51:52 AM GMT+8
|
|
