2007 年 1 月 9 日 星期二 【晴】

■■■	07年的第一個靈修team	■■■
今朝7:00起身，因為天氣凍的關係，手腳同頭腦都不清醒也不協調，所以做每一樣野都慢左，攪到我去到公園已經7:40啦。起初我心裡仲諗會唔會有人呢?我真係低估左每一個。雖然不是個個都準時到，但寶貴每一個都黎到，阿怡就除外啦。 當望住天空的時候，心裡好寶貴阿爸望住我，主同阿爸都好欣賞我架。祈禱後個個都走lu。雖然時間只得短短幾十分鐘，但我寶貴每個的選擇，寧願訓少幾十分鐘都黎親近主。 p.s 之後同番芷君講我地有靈修team呀，逢星期三架，佢先同佢講，其實佢已經冇靈修lu，因為冇姐姐約佢，又唔見我地黎，所以佢都冇出喎，但當我同佢講的時候，佢話佢一定黎。原來主不單要我地親近佢，仲要叫番芷君一齊去親近佢tim。主的意念真係高過人的意念。

>>January 15, 2007 at 3:32:17 AM GMT+8

2007 年 1 月 8 日 星期一 【晴】

■■■	最憎比人屈	■■■
次次咁係咁架啦，又比人屈啦。我最憎就係果間咁ge死人公司呀，次次都係咁，唔願意跟野又擺晒款好想跟咁。今次又話我知11月的時候已經send左個file，file裡面講佢今次登的廣告唔洗比錢架喎。真係痴痴地線。 唔收錢的時候又唔見你講，收錢的時候先講話我知11月的email裡面的file喎。張form又唔見你填foc，係file裡面果欄先填，擺明陰我姐................. 十萬個火都黎埋..................火火火火火火火火

>>January 9, 2007 at 4:54:15 AM GMT+8

2007 年 1 月 1 日 星期一 【晴】

■■■	2007年心願	■■■
家團﹕1. 重新安排靈修team 話說有一次，隔離族讀基智的芷君黎問我點解咁耐都冇出靈修team喎，果一刻我都好吃驚，因為其實我地同佢只不過一次join埋祈禱咁大把，其餘日子多數佢都有姊妹同佢一齊，佢果一次問我，我答佢﹕前排好忙呀，所以冇出囉，咁佢竟然跟住問我﹕咁幾時會見到你呀。我果一刻仲驚﹕幾時會見到我。我最後惟有答佢﹕我諗下啦。 係果幾日，心裡都有提醒，唔係芷君想見我，而係主想見我面，聽我聲音呀。前排真係忙得太緊要，忙到咩都唔記得，連家團的事都忘記了。但多謝主合時的提醒，也寶貴一班姊妹的配合，2007年重新安排靈修team，期望每個姊妹都唔好忘記主的恩惠同時記住那是上好的福份。 第2樣就係為家團的姊妹祈禱﹕當聖誕放假期間去親近主的時候，親近完主後心裡有個提醒，就係為組裡面每個姊妹逐一提名祈禱，原本諗住親近主後便走的我，用了大約5-10分鐘為組裡面每個姊妹提名祈禱，再一次體會提名祈禱的重要及功效﹕ 少媚﹕起碼有機會見到佢個人 芬芬﹕渴慕自己追求主 雅婷、慧珊、碧茹﹕願意肩負去牧養小羊，也願意出靈修team 惠儀仔﹕聽到佢阿爸表示願意信主 期望繼續多為組的姊妹祈禱，你沒有為她祈禱，可能就係沒有人為她祈禱。所以保護性的祈禱，對每個b/s都好重要。 自己2007年的心願﹕ 1. 更實際操練甜美日程 2. 更明白主的託付(還記得相交的時候，pc話要明白主的託付，咁就專心羅，我想如果要專心先明白主的託付，咁豈不是全教會只得幾十人明白主的託付嗎?佢有時的表達，我不是太同意) 3. 更清楚主的帶領(工作及事奉)，因為心裡另有一個心願，但不知是否主的帶領

>>January 15, 2007 at 3:26:04 AM GMT+8

2006 年 12 月 31 日 星期日 【晴】

■■■	大團聚	■■■
今年大團聚，心裡好歡樂，因為可以與我所寶貴的b/s一齊。今次因為放假中去大團聚，所以有時間預備小禮物，每人一個小飾物，不過因為比我預期的貴，所以未能做到個個都有，整了10個都已經200蚊啦，我諗不如我自已開番間黎做都好，一定吸引b/s幫親。還有我食物，壽司，星期六足足用了我3小時去整，都未話唔少呀。雖然冇人讚我的食物，但我覺得好好味架。 今年的大團聚特別開心，因為有一班致同道合的b/s一齊去，一齊返，最後係車度仲一齊唱詩歌同慧英請食糖水tim。真係好開心呀，可以一同經歷同感受家的溫暖。我其實都幾怕自己一個坐車去，坐車返，所以我會揀搵人陪，今年有晶晶、淑玲、慧英陪我，特別開心。最後返的時候，仲多左幾個不速之客tim，但全程都好開心，多謝屎龍。 聚會今次真係坐得好後呀，後到聽唔到野，因為不停有人係後面行黎行去。所以在此post偉雄的notes比大家參閱。 早上聚會：神的心意．主的託付（一）天父要我們作祂的親孩子 引言：影響人生五大要素 1. 從默想到敬拜：敬拜是心靈與神擁抱，情愛交流；人生中最重要；與不渴有關（約四13-23）。 2. 甜美日程：唱詩、敬拜，幫助默想和體會真相；不會有心靈黑夜或枯乾期。 3. 小組實行：是核心，須更新；每個要投身在小組和牧養中，才能質量增長，無人能擋。 4. 家族跟主：不單心靈突破，也要在香港有大作為，為兒童、成人、長者、為中國、世界預備。 5. 健康之路：身心都可以有出路，再次青春；吃好的，做運動；與主相愛，有夢，就不會老。 一大核心：神的心意，主的託付 - 保羅向著標竿直跑；主託付我們完成祂的心意。 - 神的心意，主的託付是全地、全宇宙最好的。 - 清楚這核心 　1. 才有動力行出影響人生五大要素。 　2. 才有火焰和熱情（passion）；例：主看見前面的喜樂，輕看羞辱，忍受十字架。 　3. 才能忍受苦難；例：約瑟的夢、保羅的異象，因為這託付實在難鉅。 珍貴資源：主給我們寶貴的話、信息 - 要多聽信息，參加聚會，正如保羅殉道前也竭力追求（皮卷、書、外衣，提後四）。 - 重複學習：現代基督徒走課太多，但我們是為神的心意被造，信主後不是自動知道，要追求。 神的心意：我們作祂的親孩子 - 要珍貴託付，因為這是神和人的滿足。 - 神的心意就是我們的人生意義。 1. （約一1-4, 9, 14）太初：主就是道，道與神同在，道就是神，道成為人。 2. （創一26-27）創造：神按自己（父、子、靈）的形像造我們。 　「我們」：神是三而一的，並不孤單；祂竟邀請我們進入這愛的團契，與我們聯合。 　「形像」：神是無限的靈；我們也有靈，能與祂溝通、親近、相愛。 3. （弗一4-6）創立世界以前：預定我們在基督裡得兒子的名分。 4. （約十七24-26）主釘十字架前：要指示父的名，還要再指示；祂渴望父愛祂的愛在我們裡面。 　這章聖經四次提到「父所賜給主的人」。 　連其他人也要知道父對我們的愛（約十七23）。 5. （約十四1-2）現在至永恆：父的家；神要我們作父的兒女，且是家。 6. （約廿一）主復活後：首個信息就是他的父成了我們的父，我們是祂的弟兄。 7. （羅八11-17）聖靈的工作：使我們呼叫「阿爸、父」；同證我們是神的兒女，與主同為後嗣。 8. （約壹）約翰九次提到我們是從神生的。 9. （啟廿一7）永世：神要作我們的父，我們要作祂的兒子。 認識神，才認識自己 1. 神是無限的靈（約四24）；我們也有靈，要得者祂才滿足。 2. 神是光（約壹一5）；我們需要光，包括真理、聖潔、公義………。 3. 神是愛（約壹四8, 16）；我們需要愛和關係，被祂愛，與祂相愛，彼此相愛。 4. 神是永遠的生命（約壹一2）；這與「靈」也有關。 下午聚會：神的心意．主的託付（二）主渴想得著我們 引言：享受至深親情，得著主為至寶 - 神不單有愛，也有情──最深親情。 - 我們要最深進入與父和主的愛中，親身經歷，進入敬拜，得著基督為至寶。 一、主是我們永遠的祭司（詩一一○） - 父起誓立主為祭司。 - 主獻上自己為祭。 二、主永遠成為人（約十七） - 衝過看來不可能，bridge the gap。 - 祂更要永遠住我們心中。 三、愛的夢想與愛的盟約 - 在創世記第二章，主「急不及待」說出祂的愛夢：骨中的骨、肉中的肉；在新約，由保羅說出來這是極大的奧秘（弗五32）。 - 雅歌，就是主愛的盟約。 四、滴血的心表明主愛 - 主為我們心受傷，忍受十字架。 主走了三步 1. 從天到地，永遠成為人。 2. 釘十字架，除清障礙。 3. 永遠住在我們心中。 晚上聚會：神的心意．主的託付（三）大使命 一、主的託付（太廿八16-20）：大使命 1.「你們要去，使萬民作我的門徒」 　a. 學習，與師傅一起（救人、學習、進步）。 　b. 不是只有傳福音，還有建造教會。 2.「給他們施洗，歸於父、子、聖靈的名」 　a. 與主聯合 　b. 相屬（屬於父、子、聖靈） 　c. 新造的人 3.「凡我所吩咐你們的，都教訓他們遵守」 　a. 不是選擇某些命令，而是全都遵守。 　b. 建合遵行聖經的教會（合神心意）。 二、使徒行傳第二章引證大使命（使二42-46） - 當日聖靈大大臨在，我們也很需要聖靈的工作。 1. 恆心遵守使徒的教訓：對照「凡我所吩咐你們的，都教訓他們遵守」。 2. 彼此交接：有相交、有關係（小組）。 3. 擘餅：聽主話，遵守祂的教導。 4. 祈禱：晝夜到主前，有穩定的祈禱時光（徒三1），一同禱告（甜美日程）。 5. 用飯：有愛筵（相愛、身體健康）。 三、新約書信與主的託付、神的心意（用以弗所書為例） 弗一：兒子、阿爸。 弗二：兩下合而為一；神家裡的人。 弗四：聖靈所賜合而為一的心；聯絡得合適。 弗五：極大的奧秘，基督的教會聯合。 四、啟示錄：神心意的完成 1. 啟二至三：七個教會時代說明主要什麼 　- 以弗所教會──起初的愛 　- 士每拿教會──至死忠心 　- 別迦摩、推雅推喇教會──脫離錯誤 　- 撒狄教會──恢復真理 　- 非拉鐵非教會──弟兄相愛（一心一意彼此相合，林前二）、傳福音、認識主名 　- 老底嘉教會──主快回來，我們要被提 2. 啟廿一至廿二：新城 　- 神要我們作祂的兒子 　- 神的帳幕就是父的家 五、過去八年主在溫哥華的恩典和作為 1. 身體突破：健康 2. 心靈進步： 　a. 認識父：我們的親阿爸，父的心 　b. 認識主：良心佳偶 　c. 甜美日程 　d. 敬拜：敬拜父和主，彼此通透 主在更新這流！我們要成為「愛侶戰士」。

>>January 10, 2007 at 1:23:49 AM GMT+8

2006 年 12 月 26 日 星期二 【晴】

■■■	親近主	■■■
難得1日沒有野做，食完早餐後就去親近主，天氣沒有想像中那麼溫暖，在球場中坐了一會兒後最終都係頂唔住，改去匯景。又是我的老地方。 匯景公園其實令我諗番好多野，無論開心/不開心，都已經過了。今天淨係唱詩歌敬拜父與主都用了1小時，但心裡仍然十分享受。享受父的愛，默想亞爸差祂愛子到世上的時候那種分離的傷感，但原來目的是要主尋找我，要我番到父懷裡。那種目的是那麼深遠。同時也默想主那份亳無保留的愛，主來到世上為要將父的心腸顯明，也惟有主那份愛，使我明白/知道何為愛。 讀聖經約:十七。主分離的祈禱，當中多數不是為自己祈禱，當要面對死亡的時候，人總是為自己祈求，但寶貴愛我的主竟然為愛祂的人祈禱，主也真是明白我地在世所受的苦難，但主不求我地離開世界，只求父保守我們。主真是多麼多麼的好呢。

>>January 4, 2007 at 5:22:09 AM GMT+8

2006 年 12 月 25 日 星期一 【晴】

■■■	親戚飲茶+舊同事party	■■■
一早又被亞媽嘈醒，因為要同表妹飲茶，表妹同2個表弟係澳洲同英國番黎放假，所以去飲茶喎。最後去左九龍灣大榮華，因為亞媽成日話好好味喎d野，不過我又覺得麻麻地咋。 由11:00坐到2:00，飲完茶之後去左行一陣街，跟住又那那林番屋企，因為約左6:30去coco屋企開party，去到coco屋企剛剛6:30時間剛剛好。因為d野食已經準備好啦，所以可以即刻開餐食呀。但又係由於叫得好多野食，最後又係當垃圾tim呀。 今次個個d禮物都係trendyland買咁，我抽到個米奇老鼠筆筒。

>>January 2, 2007 at 6:04:06 AM GMT+8

2006 年 12 月 24 日 星期日 【晴】

■■■	麗恩屋企打邊爐	■■■
由於25號晚約左去麗恩屋企打邊爐，所以25下午便準備離開，但因為24號聚會時感覺好凍，所以我將我件褸、睡袋同頸巾都留低左，攪到我好袋好輕。 由6:00等到6:30先有的士，個的士司機仲要係生手女司機，仲要係咁不停急停、又開車、又係咁用call台同其他人講好驚喎。攪到我仲驚過佢呀。不過係架車度真係唔多舒服，仲想想地嘔tim，最後燕瑜有小小想嘔，不過多謝珍珍的白花膏，一搽即刻冇事呀。去到西貢碼頭不過已經7:00啦。 之後即刻轉小巴，一落車即刻買生果，跟住又即刻跳上的士去油塘。去到麗恩屋企都差不多8:00啦。佢地已經食得差不多，攪到我去到好似大食怪咁，不停食食食。最後食到10:00番屋企。 番到屋企即刻沖涼訓覺。因為實在太疲倦了。

>>January 2, 2007 at 5:59:42 AM GMT+8

2006 年 12 月 23 日 星期六 【晴】

■■■	白腊灣camp	■■■
24-25日去了西貢白腊灣camp，個camp係3日2夜架，不過我25號晚出黎去麗恩屋企食飯，26號就陪左表妹一家同我自己一家去飲茶，晚上就同舊同事開p，所以我去得2日1夜。 但係lee個camp真係好開心，笑料多蘿蘿，淨係一個姿姿都笑死你，再加上惠儀仔d出色表演，笑到死都得。但我感謝主使我能去到camp，其實我係可以選擇去南洋大團聚，南洋是我另一個家，這個家同樣有需要，也同樣可以感受歡樂。但我選擇留下同學生的b/s一齊camp，因為我好似多年都冇同大家去camp啦。今年選擇留低。但我的選擇無錯，正如志明哥所講﹕今年的camp不會在同一時空下再次出現，就算你再黎多一次，也不會再有這樣的人，事、物。當妍妍同姿姿決定留低的時候，我心裡其實都好想留低，如果有人問我，我都會考慮下，but冇人問，所以都係照計劃去做我一連串的行程。 今次的camp多謝姿姿的笑料提供﹕三顧草盧、亞哥的糖、Albert Au等。但我最深刻的係佢臨訓前差不多1:00的時候，佢竟然話未同主耶穌祈禱，佢話要為自己同未信人祈禱，雖然我唔知佢為自己同未信人祈禱D乜野，但淨係佢LEE份誠意，我相信主必聽她的祈禱，也正正是她那夥單純愛主的心，深深的觸動我心，一個初信每日都會為自己祈禱，回想自己，有時信自己仲多過信神，為未信人祈禱，那夥渴慕的心，我可能比她還少，難怪聖經講﹕在前的必要在後，在後的必要在前，如果你那夥心也是陳舊了，快快祈禱，好似志標哥哥講﹕再一次將自己謙卑的尋求神。

>>December 28, 2006 at 12:10:02 PM GMT+8

2006 年 12 月 19 日 星期二 【晴】

尋日一日回光返照，精神到不得了。9:00就返到公司，整天不停做野，執野，我極度相信係我回光返照的一天。因為18號晚完左典禮，老闆仲會要請食宵夜，食到12:00先返屋企，最攪笑明明有的士站唔去，老闆叫我地陪佢行一陣tim喎，就係咁，攪到12:30先返屋企，最後攪到1:30先訓覺，當訓的時候，個腦仲仍然好active，不停轉，最後2:30先入睡，5:00就比家姐的鬧鐘嘈醒，總括一句訓得太少。

再加上尋晚阿爸生日，去酒樓宴開2席招呼親朋好友，最後返到屋企好似一條死屍咁。最後又攪到12:00先訓覺。

今日終於回復如照，訓........................訓到8:00先知醒，全日存於腦閉塞的狀態，咩都唔想諗，咩都唔想知。好想.....................快d返屋企訓覺。

>>December 20, 2006 at 7:39:47 AM GMT+8