2005 年 12 月 30 日 星期五 【晴】

■■■	2005~~感恩事項	■■■
1. 工作 2005年曾經試過辭職唔做，因為工作實在太辛苦了。9:00至晚上不知何時，又試過去到凌晨2:00先回家，天昏地暗，同屋企只能用紙張通訊。再加上亞姐的離去，新來的又不知何謂，會計又諗住走，所以我決定先行步，一走了之。但會長多番的挽留，再上加亞姐又肯番黎做，會計又唔做，而我的人工確實是我離開後不能有的，多次思想後又留下來了。人工仲多左tim，但其實咁高的人工反而令我有d驚，我唔想做咁多野。 05年出團去過雲南、北京、內蒙古、澳門。計埋之前去過的河南、湖南、四川、廣州，就黎走遍全中國了。每出一次團就病一次，精神又差過一次。但卻能大開眼界。 2. 心靈 2005年的心靈光境較平淡，或者叫做沒有什麼突破。06年期望心靈更新，開擴我的眼界。 聖經上未能盡我能力去睇晒。屬靈書籍只睇左5本，仲有何西亞書、屬靈八福、馬丁路德傳...等等未睇完。06年我會努力架。 3. 事奉 05年背負家團長的職責，但好多時都係懶懶閒，好多時都係靠慧英幫忙。 05年加入家服侍相聚，一同為教會共商國事。 05年開始分享信息，雖然每次都覺得自己講得不好，但唔好先有地方要進步，06年我會繼續進步。為主勇敢。 05年也是事奉上的一個低潮期，覺得自己幫唔到妹妹，覺得自己好冇用，心裡好難過，也被仇敵攻擊得好厲害。但感謝主扶持我到如今，比我睇見妹妹的成長，比我知道她們的寶貴，也比我看見自己的軟弱。也比我知道為她們的祈禱的重要。 4. 身體 05年病的次數少了。只係每次出完團就病，一病就病大約2星期，還記得雲南團之後同內蒙古團之後的發燒同傷風，病到喊了出來。真係有苦自己知呀。但我暑假裡操繰游水，雖然係7-8月期間只游了4-6次，但到如今都未病過喎。真係主保守同操練回來的成果。但健康食品，我就真係冇咩興趣啦。 5. 家庭 父母年紀身體開始有不同的毛病，又同家姐鬧交，攪到氣氛麻麻地，但其實自己都發覺少陪屋企人，因為好多時要開ot啦，又要參加聚會，星期日已甚少陪屋企人飲茶啦。

>>January 4, 2006 at 3:10:47 AM GMT+8

2005 年 12 月 27 日 星期二 【晴】

■■■	馬來西亞之旅--感恩事項	■■■
1. 主聽禱告 1.1 惠玲唔見身份証 其實果一刻我只有擔心，擔心好多野，又擔心惠玲唔知去唔去到，又擔心過關有冇問題，如果真係去唔到，咁我地點樣好呢，又冇聯絡電話，d物資咁點呢。好多好多。但果一刻裡面我將一切交託比主，讓主帶領，真係經歷主聽我祈禱。 1.2 返到聚會地方，冇人開門 當係亞公車我地返聚會後，我地上到去聚會地方，按極門鐘都冇人開門喎。果一刻我其實知道群英應該未訓，因為佢唔會唔理我地而走去訓覺架。但又找不到人幫手。就係果時，我地一齊求主幫忙，就係果時比我地發現左個電話號碼。哈哈。 1.3 亞公架車死火 lee次係最深經歷神的及時幫助。當大家都唔知點做的時候，連亞公都唔知咩零件壞左，我地4個係高速公路上祈禱，求主幫手。果然主又再一次聽我地祈禱。起碼架車可以去到馬六甲呀。之後架車都整番好tim。 2. 心靈更新 難忘在新加坡安靜的時候，主不斷的供應，享受長時間的安靜、與主傾心吐意的機會。心靈得到復甦，也同時擔子得以輕省。

>>January 5, 2006 at 4:52:54 AM GMT+8

2005 年 12 月 26 日 星期一 【晴】

■■■	馬來西亞之旅--第6日	■■■
一早又起身啦，預算9:30出門口去食早餐同親近主，當去門口的時候，我已經再提惠玲帶齊野同埋最緊要的key呀，惠玲就話帶齊架啦，當行去食早餐的時候，惠玲突然問我﹕國家哥哥住邊果楝的no係幾多呀，我即刻話唔知呀，你冇叫我記喎，我冇記呀，原來惠玲唔記得左呀，果一刻又死火啦，因為新加坡d樓全部都係用號碼，即係345、346、347咁，唔似香港咁叫xx樓、xx樓咁，所以最後我地惟有由原本去的那一條路回程番去，感恩係尋晚行過2次，都叫記得咋。如果唔係真係唔知點算，因為惠玲又唔記得帶電話簿呀。 食完早餐，我地就去親近主，親近主的地方係惠玲介紹，係d屋村中間，冇那那有一個湖喎，好攪笑，但好靚呀d環境，全旅程最長享受神的時間呀，大約2小時啦，坐近湖邊，享受陽光，享受父、子親情，仰望湖面，看見鄰光片片，金光閃閃，湖面一片寧靜，真令人響往。好寶貴有那自己時間去親近神，在香港往往親近主都要照顧一班妹妹，又要你供應佢地，又要你give give give，但在這假期裡，神不斷比、比、比，我好似只係度不斷吸、吸、吸。哈哈.... 親近完主就回程，因為我地預算12:45去機場，感謝主的士司機都好好呀，問我地應該去terminal幾，起初我唔知佢講咩，因為我訓緊覺，當亞佩同惠玲回答到九唔搭八的時候，我先醒，感謝果個司機車我地呀，比佢都搵到我地jet star aisa應該係邊度。 攪好晒d行李後，我地就去食飯啦，因為機上係冇餐的，食得飽飽之後就入閘了。回想01年，亞爸、亞媽送我地機，又回想係機度惠玲佢喊到收唔到聲，果一幕情景又像昨日一般。 返到香港，mother已經call我啦，oh.... i miss her so much. 返到屋企，阿爸幫我煮公仔麵，食完之後就沖涼訓覺了。因為明天要返工啦。

>>January 5, 2006 at 7:35:46 AM GMT+8

2005 年 12 月 25 日 星期日 【晴】

■■■	馬來西亞之旅--第5日	■■■
連續幾日缺乏休息，塊面已經有幾粒大暗瘡，真係慘呀。 今朝由原本諗住8:30起身，終於又係訓多半小時，9:00先起身，一起身我就去了洗頭，之後去食早餐，又係昨天的早餐款式，又係kayah包。食緊早餐的時候，亞公冇那那介紹個居鑾的弟兄比我地識，情景係好攪笑架，亞公話﹕lee個叫琳琳、lee個叫佩佩，lee個叫玲玲。我話﹕亞公你估我地係熊貓咩，lee個係安安，lee個叫佳佳。由於同枱仲有寶儀、蕾蕾、佩瑜，所以我話要介紹埋佢地﹕lee個寶寶、lee個叫蕾蕾、lee個叫瑜瑜。笑死人咁濟，全枱都係複名。跟住亞公又叫個弟兄望下我地，香港的姊妹黎架。我同亞佩直刻feel到個弟兄好無奈，人地諗住黎食早餐，點知要佢做咁多野tim。 由於聚會時間10:00開始，我地只得大約15分鐘的時間安靜，跟住就要返房拎埋行李落去還key同聚會，回程的時候，佩瑜都有同我地同行，心裡好配服佢的勇氣，一個女子嫁到馬來西亞，放下香港全部野，仲要面對多方的難處，而家仲有埋bb，真係勁呀。當聽完佢所面對的艱難時，心裡為有默默地為她祈禱，求主為她開出路。 聚會的時候，有一個同感，就係南洋大團聚，好鍾意唱詩歌同埋睇video/powerpoint，講少少信息，就會唱歌架啦。偉良哥的表達方式好似余弟兄架，最攪笑係佢有首歌係講向日葵的，佢又扮花咁托住下巴，好似個小朋友咁。其實我心裡明白佢同月娟姐的難處，但竟然是一個小朋友咁向著神。又係勁人呀。 完左聚會，就係交換禮物的時間。之後就係食飯啦，今餐的最後午餐係最豐富的，因為有豆腐呀。好味呀。之後影下相，就要走啦，我地坐國家哥哥的車返佢新加坡的屋企，我地借宿一宵呀係佢屋企，但因為少娟姐會同king姐佢地係KL玩下，所以只得國家哥哥一個帶住我地咋。第2朝國家哥哥佢要返工，所以今晚我地會一齊食飯。 由馬六甲去新加坡，快即要2小時，如果遇到塞車，即要4-5小時，所以上車的時候，我地祈禱，求主使我地能盡快去到。主真係聽祈禱架，全程都好暢通呀，去到新加坡邊境的時候，因為我地冇填白咭，所以國家哥哥要停車埋一邊，等我地填，當我地填的時候，個個好似白痴TIM，上一站又填HK，下一站又填HK，惠玲仲攪笑，國藉話填CHINA，住又係CHINA，笑死人呀。 去到國家哥哥屋企，都係大約7:00多，放下行李，執下野，跟住就跟國家哥哥去食野，由於惠玲話今人要成大約20蚊坡紙，而我地全部身家夾埋都係得120蚊坡紙度，果一刻好驚冇錢呀，唔敢大魚大肉呀，點知去到FOOD COURT一望，一碟炒飯都係2.30蚊，大約12蚊港幣，果一刻我地又知道唔可以相信惠玲啦，佢D記性又差左啦。 食完飯回去，就輪住沖涼，果一刻我真係好眼訓呀，眼訓到我等沖涼的時候都訓著了。沖完涼之後就較精神，所以大家計下LEE個旅程用了多少錢，同每人夾多少錢，每人大約洗了1000蚊港幣，夾埋機票1600蚊，大約2600啦。都叫OK啦，而由於惠玲唔見身份証，而我係出發前已經有負擔幫輕下佢，所以冇收佢尾數。 之後我頂唔住啦，我要訓覺啦，因為果一刻已經11:00啦。

>>January 5, 2006 at 7:34:05 AM GMT+8

2005 年 12 月 24 日 星期六 【晴】

■■■	馬來西亞之旅--第4日	■■■
原本set左7;30起身，但因為頂唔住，訓多半個鐘，去到8:00先起身，攪到晒d野就去搵亞佩啦，點知原來佢都未起身喎，所以我同惠玲就去食早餐先，因為我地驚冇得食呀，但落到去原來都唔係好多人咋喎，個個都未起身，食早餐的時候撞到巧英，一個好爽的姊妹，寶貴她為神家的付出。 早餐有我的致愛kayat麵包呀，超正呀。食完早餐，我同惠玲就去親近主啦。因為前幾日都冇時間去親近主，我心裡確想有長時間去享受神。去到對面公園搵個位坐低，就唱詩歌，好開心呀，又好感動，難忘以往為主的小小付出，難忘01年為主出外的日子，彷彿好像昨天一般。享受神的愛沒有分晝夜、沒有分時段，也沒有分季節，寶貴主的愛沒有一刻的減少，反而因我們信主的日子而增多。回望以往，沒有後悔將人生交比主，展望將來，盼望能活得更精彩。 親近完主之後，我地就回去啦，因為要參加擘餅聚會呀，望見枱上的餅與杯時，真係感受神的愛不分種族，枱上的餅仲係我同群英姐整的呀，真攪笑底的垃圾桶蓋。參加擘餅聚會人數大約200人，但因為主要用華語，難去投入其中，但也深享神的情與愛。 完左擘餅之後就係意奮哥的分享時間，因為太眼訓啦，再加上某情度上覺得我不是其中一份子，我只參加南洋大團聚的香港代表團之一，所以覺得自己是旁觀者，但我都有為自己祈禱，使我有b/s的負擔，使我投入其中。 信息完左之後就係食飯時間，飯送又係昨天的咁，又係菜、辣肉、煎魚/炸雞，d飯又係咁，開始覺得麻麻地了。但比起我以往，我已經叫做好大進步，因我記得以往我死都唔食就唔食，唔鍾意就唔鍾意，但人大了體會不能對事物太執著。照食吧。 食完飯，我地就睇亞公的車整成點，如果整好，我地就可以去馬六甲觀光下。如果唔係就要留係camp site啦。蕾蕾同我地一齊返去我地間房度等亞公，傾傾下佢同曉峰就回來了，佢話架車整好啦，真係開心呀。就係咁我地有機會去走下啦，真係多謝亞公呀。其實有時都會諗，佢地成日都可以去馬六甲架啦，可以話熟晒，但為左陪我地攪咁多，我有時會過意唔去，因為每個b/s都會有佢的難處，或者亞公都需要自己攪下野或者休息下啦，但為左陪我地，佢又要開車，而我地又唔係一定要去買手信，所以心裡都幾掙扎，免得就免麻煩b/s去接待我地。真係寶貴大家都是一家人呀。 去到馬六甲，因為我地有3架車，第一站係蜜蜂場，買蜜糖，我只係買支細架咋，因為如果要開水都可以飲好耐，再加上細支大約20港幣，就算唔好飲都唔浪費呀，不過最後亞公話送比我呀，真係又唔意思啦，但我好開心呀。亞公佢肯送野比我地啦。...哈哈 第2站，陳金福手信鋪，一間買搽果d油或者高好出名的鋪頭，其實佢裡面都有好多野買，但都唔係佢出架，最後買左一盒高，一包肉骨茶咁大把。 第3站紅屋區，影下相之後，我地就走了，因為我地7:00聚會，但我地7:00先返camp site，已經遲了。返到去又係求其爬d飯落肚之後就聚會啦。今晚的聚會對我來說仲辛苦，因為係眼訓再加上眼訓，係超眼訓，偉良哥d華語，聽得較辛苦，所以好想聚會快d完呀。 當聚會完之後，原本寶儀同亞蘭話出去飲野，但因為佢地2個都疲倦，所以決定改左去我地間房傾計，一傾又去到1:00先走人呀。我地間房變左係接待傾計的地方咁。想傾計呀，去我到度啦。當中寶貴寶儀佢為教會的付出，照顧一班妹妹對我一個姊妹來說已經不容易，(因為我已經係啦)，佢仲要照顧係一班弟弟，都不能夠講係弟弟，已經F.5了。好大個架啦，但見佢地其實都係好幫寶儀架，好大個，但又好關心別人。雖然有D唔聽話，但都好架個個。也明白姊妹的難處多了。 傾完計，我地就要執野啦，因為明天就要走啦，話咁快又過左一日。開心時間好快過，真係真架。

>>January 5, 2006 at 7:33:02 AM GMT+8

2005 年 12 月 23 日 星期五 【晴】

■■■	馬來西亞之旅--第3日	■■■
今日一早又要起身，因為今日係去馬六甲入CAMP的日子，一早就聽到群英姐攪野，執野，但因為尋晚太夜訓啦，所以我起唔到身幫佢手。果時都係8:30咋。訓到9:00，終於頂唔住，起身啦，因為外面真係好嘈，當一出門口，就見到2個弟兄，仲走埋黎同我握手TIM，果一刻有小小唔知點咁，一個香港姊妹未刷牙，未洗面，個頭又亂，又著住訓覺衫，就要同人握手，真係過意不去。所以冇問野，就去廁所了。 當我地執好野之後，都差不多10:15，原本諗住去買野食，但又驚亞公上到黎唔見我地喎，因為我地約左10:30係聚會地方等，所以我地的早餐係幾個生果、2個蛋糕、亞爸比我地D餅乾同野飲。 差不多10:30，亞公就到，我地plan的行程係去馬六甲食粒粒雞飯，因為亞佩未食過，跟住再去馬六甲行下之後先入camp。亞公幫我地拎晒d行李上車後，跟住我地就上車啦，但事情往往出人意外，事件就係咁發生啦﹕ 當架車行到HIHGWAY的時候，冇那那聽到亞公話﹕唔係呀，死火啦。我地問咩事，但亞公連咩事都唔知，淨係知道架車有事，就係咁我地係HIGHWAY停左落黎，等亞公睇下咩事啦。跟住亞公就話有d零件有問題，可能要換車或者拖返去整啦。果一刻我都唔知點算，因為同我地原本plan好的計劃有出入啦，但最大問題係如果要整又要攪好耐，要拖番去又要換車，咁都唔知點啦。果一刻我地惟有祈禱，我第一次係高速公路度企係度祈禱。4個女仔係度祈禱，亞公就係車頭整車，d車係旁邊響安，好攪笑的情景，我祈禱求主使萬事為我地互相效力，亞公有智慧去整好架車，架車能夠去到馬六甲，使我地有平安同喜樂。 祈禱完後冇幾耐就見到督銘哥哥架車到，佢帶左零件黎，整完之後，亞公話可以頂住先，可以去到馬六甲，去到先再整。就係咁，我地食完kfc就上路，亞佩同蕾蕾去左督銘哥哥架車度坐，而我同惠玲就係亞公架車。車程雖然長左D，人地用2小時就去到馬六甲，我地足足用左4小時先去到。但感謝主在途中同亞公有時間傾下計，問下安邦家的需要。另外就係享受在車程中望望天、吹吹風，因為冇開冷氣，但也問題不太大。 終於去到CAMP SITE啦，時間都去到4:00了。拎到房KEY後入房LOOK下，嘩....靚得緊要呀，有2張床，又有冷氣、又有熱水爐，真係豪華般的享受呀。我地放低野之後就去排舞，因為今晚有各區表演。 食飯的時候，其實冇咩送食，但都覺得好好味，可能一路都冇食過野啦。之後參加晚會，好正呀。有亞爸首新歌，又有兒歌，又有各區表演，我地果隻歌都OK喎，個個都話好齊，哈，估唔到用左1小時排，同rehersal左6次就有咁好成績，都算幾好啦。 參加完聚會之後，我地就返房啦，今晚我地叫左亞蘭黎我地房傾計，又係盡吐心中情的時候啦。但因為太眼訓啦，又未沖涼，當我沖完涼之後，原來亞蘭已經走左，果一刻惠玲先去沖，但果時已經2:00了。我真係超級眼訓呀，等唔到佢，我就訓著了。

>>January 5, 2006 at 7:29:39 AM GMT+8

2005 年 12 月 22 日 星期四 【晴】

■■■	馬來西亞之旅--第2日	■■■
第2朝，大約9:00起身，因為10:00我地約左寶儀，佢帶我地同群英姐去玩呀。 當起身的時候，覺得訓得好好呀，可能真係太疲倦啦，所以一訓訓到天光。當我地等緊寶儀的時候，竟然見到祖安呀。還記得2001年認識佢的時候，佢仲好細個，又肥肥地，相隔4年的時間，今次見到佢，佢已經高左好多，不過都係肥肥地，但其實佢都好好架，起碼佢果時有寄信比我地架，又會講下近境，但人大左，又讀書忙，所以冇返聚會，但當佢知道我地過去的時候，佢竟然走上聚會地方找我地架，果一刻我覺得好感動，起碼佢仲記得我地呀。 但因為寶儀架車只坐得我地幾個，最後惟有同佢係聚會地方影下相，傾下計，我地連同樣好想見到永聲都冇機會見到呀，不知佢而家點呢?不知佢個樣有冇變到呢?之後我地去左食早餐，早餐竟然係壤豆腐喎，一早食炸野，真係攪笑呀，不過我地欣賞果杯凍奶茶(dad 冰)，即係拉茶啦，好好味，好好飲，好滑，又正，好想飲多一杯架，但又驚冇廁所去要忍住，所以滿足到自己就夠啦。 一早我地的目的係time square，係一個室內的機動遊戲場，係一個商場內，有個機動遊戲場，類同西九龍城咁，但大好多，好多，個商場有成7層咁多tim，行到行死你呀。我起初諗住有時間去親近主啦，但點知時間唔夠啦，我地一開始，竟然走左去玩機動遊戲先，哈哈。 機動遊戲場都有好多野玩架。但係好多都係旋轉的遊戲，轉到頭都甩呀。由於好耐之前係海洋公園玩過一個類似八爪魚的機動遊戲，玩到我嘔咁濟，所以我對於d類似的機動遊戲都好少玩。今次我只係望住佢地玩咋。跟住就玩大一個頪似千秋的機動遊戲，轉上去，又轉番落黎。之後，我地就去左小朋友天地度玩，玩得仲開心呀，因為有碰碰車啦，又有旋轉木馬，但佢係小蜜蜂，跟住仲有小火車啦，好靚架d景，都冇諗住會咁靚tim。大家姐就不停叫﹕好靚呀，好靚呀，仲大聲過d小朋友呀。 玩完小朋友玩意，我同亞佩就去玩玩山車，由坐低到開始，足足等左成5分鐘，我地仲趕時間架麻，d工作人人員手腳真係慢左d，check完又check，又傾下計先開始，最攪笑係我同亞佩當仲係度傾緊計的時候，冇那那架過山車就走啦喎，都唔知時間咁。起初唔覺得驚架，但係原來一開始就有一個傾斜位係好斜架，果一刻嚇死我咁濟，因為冇預料到呀。之後好快就完啦。玩完遊戲之後，我地就走啦，因為寶儀架車個parking時間又到了。我地又趕去下一站"the mind"(我估咁串啦)去食午餐。 唔知係米早起身，又唔夠訓，個頭痛得好緊要，我係合埋眼都暈暈地咁，佢地行的時候，我都冇咩反應，最後求其搵左間餐廳坐低食野，多謝寶儀幫我買的咖啡，飲完之後精神百倍呀。(講笑姐)，不過飲左好好多。食完野又食雪糕啦，最攪笑係同個女仔講，we come from HK, we want bigger ice-cream.原本諗住佢唔會啦，點知真係比其他人的大d架喎。好正呀，我果杯blue- burrery，好好味呀。價錢好平咋，港幣大約7蚊啦。超抵呀。 當食緊雪糕的時候，竟然見到祖安呀，感謝主呀，因為佢上午的時候，特登去time square找我地呀，但佢又搵唔到喎，當我地走的時候，佢先到，所以見唔到面。咁岩又係THE MIND撞到佢喎，好開心呀，可以同佢傾耐D，同鼓勵佢返聚會。佢仲帶我地去買手信tim，真係感謝主呀。 買完手信，我地就回程啦，因為時間都去到差不多5:00了。返聚會地方休息下，跟住8:30約左b/s食飯。多謝蘭姐的安排同約人啦。 去到媽媽當，就見到永健，仲有葉太啦(佢老婆)，跟住仲有蘭姐、寶儀、珮瑜、有銀、麗芳、秀雲同群英姐tim。食飯不停講笑同問下大家情況，真係好懷念01的日子，仲記得同永健同亞公上山傾計同睇螢火蟲，如今永健已經結左婚同有個女tim，真係時間過得好快。 食完飯，我地就去左亞公屋企坐下，睇下相，佢間屋都好靚喎。又大、地方又好。裡面都好靚呀。一入去，亞公就唔知比杯咩黎飲，飲到我死呀，太酸啦。但都多謝佢啦。坐左一陣，又見到楊志偉，之後亞公就車我地走啦，順便去雯歡屋企一看，佢間屋係好大呀，但因為唔係太熟，不便打擾太耐。當亞公車我地返聚會地方的時候，我已經同惠玲講，尋晚我見到隻大老鼠呀，好大架，希望今次睇唔到啦，點知一落車就見到啦，隻老鼠大到好似成隻貓咁大呀，仲唔走喎，嚇死我地呀。 上到去聚會地方門口，先係全晚最攪笑的時候，因為我地按極門鐘，都唔群英姐黎開門喎，果時大約1:30架啦，再按又係冇反應，我地好擔心冇門口入啦，而惠玲又冇帶電話簿出街喎。但因為大閘與門之間有個通告板的位置，就係好擔心的時候，比我地見到有個電話，寫住樂齡聚會，可以聯絡張小姐啦，咁我地就駁一下，因為太夜啦，如果果個唔係b/s，真係唔好意思啦。當一打的時候，有人接喎，一聽之下，咁似群英姐的聲音，原來佢未訓，佢仲係度整餅，但因為個門鐘壞壞地，按極都冇人聽，佢又好擔心我地，我地係出面又好擔心。仲知就係笑死人呀。我地仲以為群英姐係姓曾tim，因為我地叫佢做曾太祖呀麻。 沖完涼，仲幫群英姐整餅，起初我以為惠玲同亞佩有整過，點知2個都冇，惠玲仲攪笑喎，當群英姐叫佢開爐啦，佢竟然問要唔要落油呀，嚇得我同群英姐死死下呀。一整之下，竟然整到3:00先訓得覺，真係太眼訓啦，惠玲同亞佩就早過我訓。 咁就過左一日啦。

>>January 5, 2006 at 7:23:14 AM GMT+8

2005 年 12 月 21 日 星期三 【乍雨乍晴】

■■■	馬來西亞之旅--第1日	■■■
整晚都訓得不太好，可能開心得濟，全晚訓下醒下咁，原本諗住7:00起身，但冇那那個鬧鐘冇電喎，攪到我遲左，大約7:30先起身，不過剛剛好呀d時間原來。 落到巴士站，今日得10度咋，係最凍的冬至，攪到我著好多件衫，又大風喎，去到巴士站又剛剛走左架車，咁諗住要等好耐先有車啦，感謝主呀，剛剛走左架車，跟住即刻又有架車到，佢見我咁比大風吹法，所以提早開門比我上車，真係感謝主呀，如果唔係我就凍彊啦。 由於E車架巴士係轉好多到地方，我足足用左1小時30分鐘先入到機場，真係想死呀。去到機場CHECK-IN的見到好多b/s，我地14人一齊出發，行李要一齊磅，因為有好多人帶好多野去呀。當我地攪好晒d手續後，惠玲就陪佢亞爸、亞媽去飲茶，原本叫埋我地去架，但我想飲我每日飲的奶茶呀，所以就推左佢啦，再加上我知道果間美心好貴架，慳得就慳啦。最後同亞佩去左大家樂食早餐，食完早餐，又匯合惠玲，買下野、去下廁所，之後就要趕住去boarding啦，時間過得好快，特別係開心的時間呀。 上到機，坐好後，就同惠玲同亞佩傾計，傾左好多少為人知的秘密。因為我地的jet star aisa係冇飛機餐食的，所以早餐食飽d，我又有帶蛋糕上機，但途中都多謝美芳姐不斷請我地食的糖、蕃薯、麵包等。食得飽飽地就訓覺啦。因為我地機程大約3個半小時。 終於去到新加坡啦，落機第一件事就係即刻去拎行李，因為少娟姐等我地，之後趕住去搭車。而我地d行李裡，又有d係比新加坡的物資，所以要即刻換晒d物資出黎，放d厚衫入去。攪完之後，我地去埋廁所就上路。起初我唔知有幾趕，仲估有時間啦，點知少娟姐話要去搭的士啦，因為想趕巴士啦。落左的士，我又見少娟姐行得好快，咁我地又行快d，去到巴士站剛剛搭到架巴士去JB(新山)。全架車得我地係外藉人士，所以好多時候都係全車D人等我地，真係唔好意思呀。架車去到新加坡邊境，我地就出新加坡境，跟住又入馬來西亞境，跟住又上車，又落車，攪完一輪之後，大約去到6:00先到新山。不過感恩係架巴士路線係新開架，個站剛剛停係亞爸、亞媽果度，一落車就見到佢地啦。真係開心呀。 由於我地要趕搭7:00車去KL(吉隆坡)，所以又馬不停蹄咁上車，令次係坐亞爸架車，佢車我地去食飯，全程好開心呀，因為可以同細細妹坐呀，佢成日講﹕不要、不要(國語)。好攪笑呀。 去到食飯的地方，好快地食完飯之後，原本諗住我地比錢啦，點知亞爸已經比左錢啦，再加上亞爸幫我地買左車飛呢。我地梗係唔得啦，點可能要亞爸比錢呢。最後我地將D錢靜靜地放係佢地的背囊裡。 多謝亞爸為我地預備的食物同飲品，真係好大幫助呀。由JB新山搭車去KL吉隆坡，足足搭左3個半小時，但由於架車大約成8:00先到，所以去到吉隆坡都差不多11:30啦。當我地仲以為未到的時候，原來已經到左啦，因為我地知道會望到KFC，但一路望過去都望唔到，最後問人先知原來要轉彎先望到架。當我地下車的時候，我地唔覺得好怪架，但路人會覺得羅。點解?因為當地天氣大約有成30度，但因為我地係架車好凍，再加上我地有褸，所以你會見到有3條友，夜晚晚大約12:00，拎住個:琚A著住件褸，係條街度行喎，幾攪笑呀。亦到因為咁，亞公一眼就望到我地，佢叫蕾蕾叫我地先知佢地架車剛剛到。 一上車，亞公就問我地係米有病，咁熱著咁多衫，果一刻我地先知我地係怪物咁比人地望住晒。車程上又有說又有笑，真係好開心呀。我地頭2日會去教會聚會地方訓覺，亦都係為左群英姐先早一日出發架咋。去到聚會地方，都已經12:30啦。安頓完，又沖涼，又攪下行李，又執下野，訓得落床都差不多2:00多了。但最攪笑係，當訓覺的時候，群英話佢自己開始肚餓喎，仲問我地食唔食野tim，但我地果一刻真係疲倦到死呀，你試想下，由一早到機場，足足要一日的時間先到目的地，又飛機，又車，又上又落。眼訓到我地個個死死下咁濟，最後同群英傾傾下之下訓著覺lu。

>>January 5, 2006 at 7:27:05 AM GMT+8

2005 年 12 月 20 日 星期二 【晴】

■■■	馬來西亞之旅	■■■
今日返工的時候，仲要比亞姐話我一輪，其實佢唔係對住我講，而係同會計講，全日都冇講過野，氣氛好怪，當我走的時候，我同會計一齊走啦，佢問我亞姐有冇叫我filing喎，我話冇啦，佢話好似亞姐有叫我file，但我唔file喎，我就話聽到冇聽過。跟住會計先講點解亞姐唔講野，因為佢嬲我唔幫佢手，一味估住自己玩同埋唔識得自動自覺喎，下下都要佢提我先去做喎。我果一刻好嬲，因為我覺得如果你覺得我有問題，點解唔直接話我或者同我講，而要同人地講，咁係咪我真係好有問題呀。聽完之後，好唔開心，我打比師姐講番，心裡都舒服晒呀。多謝師姐係百忙中都抽空聽我呻。 今次的旅程由明明的5人團，陸續有人去唔到，首先係文瑤、跟住係志邦。途中又有惠玲不停的話死火啦。由買唔到車飛直去KL，到惠玲整親腳，跟住到今晚惠玲打黎，又死火啦，原來佢唔見左個銀包，咁即係咩都冇啦，果一刻好擔心，好驚佢去唔到，因為好多野都係佢聯絡。心裡果一刻諗左好多野，諗到莫非真係主叫我地唔好去，可能有事發生，心裡好唔舒服咁，果一刻又急住打比人問下意見，又要叫惠玲去報失先，突然間好多野攪咁。之後同亞佩講啦，佢話去問下舅父先，跟住我就打比一個弟兄啦，問下意見。之後惠玲話問過冇身份証都ok架喎，佢又唔去報失。果一刻好驚，好擔心佢去唔到啦，就係果一刻我祈禱，求主祝福同保守。 之後，我就繼續去執野，攪好晒d野，大約12:00就訓覺了。

>>December 29, 2005 at 2:04:55 PM GMT+8

2005 年 12 月 19 日 星期一 【晴】

蝴蝶蛹的故事

有一個人無意中找到一個蝴蝶蛹。

幾天後﹐他留意到蛹出現了一個小孔﹐他就停下來觀察它。過了幾個小時﹐他見到裡面的蝴蝶用它細小的身體掙扎從小孔出來。
看來很久也沒有一些進度﹐小蝴蝶好像盡了最大努力也沒有辦法出來。這個人於是決定幫它一把﹐找來一雙剪刀將蛹的儘頭剪開。

蝴蝶這樣就很容易出來。

但是這蝴蝶的形態有一點特別﹐它的身體肥腫﹐翅膀又細又弱。這人繼續觀察蝴蝶因為他相信翅膀會漸漸變大而它的身體會越來越小。

這沒有發生。小蝴蝶餘生只是托著肥腫的身體和細弱的翅膀﹐在地上爬著走。

它永遠也不會飛行。

這個善良的人不了解蝴蝶必需用它細小的身體掙扎從小孔出來﹐它必需經過這個過程﹐蝴蝶才可以將身體裡的體液壓進它的翅膀裡。神在此有一個很奇妙的設計﹐就是蝴蝶從蛹中掙扎出來是為著預備它將來飛行需要的裝備。

生命裡面的掙扎是我們必需有的。如果神允許我們順利地過一生﹐我們也許就此不會變得堅強。
也不會成長。

所有當你碰到有逼迫或苦難﹐記得有人正為你禱告﹐最後你也會明白主在你身上的計劃。願望你有一天決志參加我們的行列﹐與我們一齊飛到天家。

>>December 20, 2005 at 4:55:05 AM GMT+8