2006 年 2 月 24 日 星期五 【晴】

■■■	星期六的聚會	■■■
星期六下午，由於要負責開始，所以唔敢太遲到大牛，去到大牛都差不多2:00，但原來佢地F.5/F.7的祈禱還未完，所以要等佢地完祈禱再食埋野先開始聚會，攪到我有小小亂，因為諗住大家一齊玩的遊戲，只有少部份人玩到。BUT, IT'S OK.之後的分享又因為D人陸續入黎，又攪到我D亂，不過，我只係想講﹕我地真係主的佳偶，主真係我的真良人，無論我地變成點，幾多年後，無論我地還愛不愛主都好，主仍然都係愛我。 唱了誰影響主最深，真係深體會惟有我才能影響主最深，惟有我才能滿足主。 聚會分開有敏萍姐同慧英的分享，OK喎，起碼大家都有參與，個個都集中，但係咪個個都明白個中的意思，就真係要等佢地諗下啦。我地在世有我地要做的事，不知有否忘記主從天來的異像?不知你明白在世我們是寄居，是這世上不配有的人，如果你真知道將來的家鄉，如果你真明白你在世主比你要作的事，我想你會容易為主放下世界，將萬事看作糞土。你會想為主完成祂的美夢同心意。為主作更大的事。 擘餅聚會中，心裡真有感動，我真係要下苦功，當看見主的榮耀時，開聲讚美主。不理旁人的眼光，不理我的口才有幾差，惟有知道主的欣賞。 完聚會後，再分組祈禱，心裡有一渴慕，渴慕團裡的姊妹個個都能睇得準同清楚，唔好心眼模糊。之後就係同工相聚，今次的聚會怪怪咁，因為冇祈禱開始，冇祈禱完結，當中只係不停傾月程，不過因為要就師姐佢要走，大妹姐又話自己好疲倦，期望月中的同工相交祈禱，分享自己的享受。

>>February 27, 2006 at 5:23:59 AM GMT+8

2006 年 2 月 21 日 星期二 【晴】

■■■	連續2日的論壇	■■■
22號一早又要起身啦，因為係美麗華攪左個論壇，我地工作人員約左7:45係酒店等，真係辛苦都嘔呀，大約訓左5個鐘就要起身，去到酒店都仲要遲tim，不過唔係最遲果個，2日的論壇都係講﹕內地香港知識產權刑法論壇，一聽個名就知唔係好明佢講咩，一聽個名就知係大陸人多，再加係講國語tim，真係唔訓就奇呀。 不過好彩係當佢地去聽野的時候，我就可以去食早餐，因為酒店包埋架，雖然只係食蝦餃同燒賣果d，不過都有d特式野係西式架，好過冇啦，仲要一定要飲杯咖啡tim，如果唔係我估訓著覺tim呀我。 開幕式叫左梁愛詩同海關關長黎，都幾nice呀，見過佢地幾次架啦，又冇架子，good 呀。跟住大部份人都係21晚新春團拜見過，第2朝又見啦，佢地都訓得唔夠，個個都撐住黎架咋。之後就係聽一d好正統的國語，同唔正統的國語，我地會會長d國語都係麻麻地，只係得個會名讀"琚A其餘果d就.....不過都好過好多人架啦，連海關高級總監d國語都係差架，所以我覺得應該學好d普通話先。 中午同佢地食埋lunch先走，但中午已經係食中式一圍的送，真係飽得要命呀。下午番到會已經3:30啦，仲有一大堆野未做，又要拼命咁做，但因為太眼訓啦，所以早d回家訓覺，明天繼續又係美麗華。 ----------------------------------------- 第2朝又係一早到美麗華，吸引左尋日冇早餐的經驗後，今朝一早去了MAC記得食早餐，其實我只係想飲杯奶茶同食下野，通常早餐我都唔係食得多。果然一個早晨全餐我都食唔晒。去到美麗華我係第一個到的工作人員，等齊人又開工，跟住又係影下相，派下野，等時間過。原本諗住唔食LUNCH就走，但因為太多老闆閃左，攪到我地D工作人員要留低攝下位，所以LUNCH又係食果D中餐，飽到上心口呀，之後會長車我地番公司，其實我都話唔洗，但會長話要，咁咪車啦，一車就死啦，因為司機位旁的那個位好唔辛苦，司機又唔知行左咩路，又彎多又成，攪到我番到公司就嘔啦，嘔番晒D野出黎，個頭又暈，全日下午都做唔到野，想死咁。

>>February 27, 2006 at 5:28:51 AM GMT+8

2006 年 2 月 20 日 星期一 【晴】

■■■	各界商會新春團拜	■■■
星期二又到各界新春團拜，地點係會展grand hall，全晚攪左130圍，我負責台上紀念品組，其實我都係早一星期先知我負責台上紀念品組，但星期一先攪完自己個會的新春團拜，星期二又黎，真係好辛苦架。而亞may就負責reception，2個都係忙，我就最忙，因為全晚差不多時間都台上。 星期二果日一早番到會就忙住攪星期三四的論壇，我都唔係好明點解d活動要係一星期攪晒，好忙架嘛。下午2:00就走，連lunch都冇時間食喎。去到會展又到開會時間。由3:30開到4:15，跟住就分組briefing，我果組都好，起碼果2個理工學生都肯做，又乖，但另外2個商會的幫手就麻麻地，一個掛住咬手指同坐係度，一個就咩都唔識做，連行去邊都要人帶住，好似個小朋友咁。 4:30原本要做rehersal，但司儀又未得，d老闆又未到，攪到5:15先做，我地食飯的時候，攪到去到6:00，因為會場冇留工作人員枱，所以要提早食飯，就係lee個時候，我就去reception搵may拎坐席咭攪我地果2枱的嘉賓席，當出到去就見到蘇生係度著係袍，但見佢著唔到，所以就幫下佢啦，跟住個個見到我幫佢，就話蘇生你就好啦，有人服侍，之後冇那那係我果邊排左一條隊，有5個老闆排左係度等我幫佢著喎，嚇死我呀，因為我唔係負責幫佢地著衫，我連飯都未食，但見到佢地又著唔到，所以最後都好快幫佢地著晒，之後果d就惟有話﹕唔好意思呀，我有其他要負責，我要先走啦。就係咁，返到入去就佢地已經食完，我食左小小野，就走啦，因為6:45要stand-by。 7:00準時間始晚宴，我地覺得司儀就麻麻地，何婉盈同十三妹，dj就係dj，玩遊戲的時候，竟然命令d老闆，講野又大聲，破壞晒d氣氛，個何婉盈咬字唔清楚，讀又讀錯人地d名，不過唔關我事，我係負責台上d事，攪完opening，跟住就係就職典禮，程序較簡單。交換d紀念品又冇咁多，較易控制。攪完之後，其實都冇咩特別，不過當最後大抽獎的時候，冇那那比司儀叫我行出d，話要負責對佢地d抽獎券喎，大佬唔係我負責架，係FS組負責，又要比佢話OVERRUN左好多架啦，你醒小小啦，真係激氣呀。 攪好晒D野，拎埋封利是就走LU，果時已經11:00啦，利是錢用黎搭的士，一程120蚊，仲有80蚊袋，但第2朝7:45要去到美麗華負責論壇，我寧願200蚊都唔要，我已經講明下年唔好叫我負責啦，有咁多人，叫佢地啦。

>>February 24, 2006 at 4:42:54 AM GMT+8

2006 年 2 月 19 日 星期日 【晴】

■■■	新春團拜	■■■
星期一晚我地舉行了新春團拜，另外還有第4次例會，基金會第2次會議，第3次副會長會同聯席會議。我最怕一次過開咁多會，only影印都影印死呀，我地已經由星期六開始影，去到星期一一返到會就即刻攪，跟住去到11:00先影完，跟住就執野啦，又要攪埋夜晚的團拜野，萬九樣野都未做好。 去到2:00司機黎幫我地手車野去灣仔萬麗海景酒店，因為夜晚我地會將d紀念品派晒比會員，所以總共帶左8箱野走。我地忙到頭又亂，又冇化妝，嚇死人咁。由3:30開到7:00，我就另外5:00-6:00去左基金會開會，但之前又要攪夜晚d野，真係忙到飲一口水都沒時間呀。 去到基金會開會，其實都定唔到野，因為會長d意見另類，同其他人又唔夾，其他人又唔鐘意佢d意見，明明話6:00join番埋一齊開會，攪到6:30先得，因為會長唔協調，某副會長一味主張同無線攪活動，一個就話攪golf，一個又話攪研討會，一個就話攪tennis，樣樣都攪咩唔得，咁唔洗做其他野，因為基金會其實係附屬會，主力的協會都有大把活動，你估我地萬能咩。 最後都係迫住話遲d先傾，因為時間已遲了。去到協會開會的地方，我就去攪夜晚的powerpoint，又要同司儀夾下稿，又要攪下d紀念品，又要攪下d坐位，但係咁忙碌的時間裡，我都能夠豆到利是喎，真係勁呀，見到前會長就祝佢身體健康，見到老闆就祝佢生意興隆，見到夫人就祝佢青春常駐，用我不爛之舌一晚總共得到1200蚊的利是錢，可以幫補不少。 但全晚都冇時間食野，因為要不停updated司儀，又要預備紀念品抽獎，又要幫佢地唱卡拉ok，真係打碟都係我，全晚只係食左碗全酒店最出名的生炒糯米飯，就係咁攪到全晚個胃都唔舒服，因為唔消化呀，早知咁就唔食啦。 執好晒d野都差不多10:30，跟住就搭巴士回家，返到屋企都11:15啦，沖埋涼又12:00啦，明天又要去新春團拜，不過係53個商會係會展攪的，又要做到死啦。

>>February 22, 2006 at 1:25:04 PM GMT+8

2006 年 2 月 14 日 星期二 【晴】

■■■	決心天天以神為樂	■■■
信主後唔係無難處，難處有幾大不重要，在乎我怎樣看難處。

>>February 17, 2006 at 11:10:16 AM GMT+8

2006 年 2 月 13 日 星期一 【晴】

■■■	與主過的情人節	■■■
A friend sent an early "Valentine" to see if it will make it around the world by Feb. 14th. For God so loV ed the world, That He gA ve His onL y BegottE n SoN T hat whosoever Believeth I n Him Should N ot perish, But have E verlasting life." John 3:16

>>February 14, 2006 at 11:04:09 AM GMT+8

2006 年 2 月 10 日 星期五 【晴】

■■■	余弟兄信息	■■■
嘩...近期聽余弟兄的信息，心靈真係好有享受。仲有可以學習普通話tim，因為有個姊妹翻譯得好好，又好聽喎。正呀。 路加福音﹕11章 耶穌在一個地方禱告；禱告完了，有個門徒對他說：求主教導我們禱告，像約翰教導他的門徒。 耶穌說：你們禱告的時候，要說：我們在天上的父（有古卷只作：父阿）：願人都尊你的名為聖。願你的國降臨；願你的旨意行在地上，如同行在天上（有古卷無願你的旨意云云）。 我們日用的飲食，天天賜給我們。 赦免我們的罪，因為我們也赦免凡虧欠我們的人。不叫我們遇見試探；救我們脫離兇惡（有古卷無末句）。 當日提到我們日用的飲食，天天賜給我們。我們的祈禱應該係日日架。主唔會教你不如求神將一生的飲食都賜給你，而係教你要日日去求。因為惟有咁你先日日記得神。祈禱另外就係要主意內容，你祈禱的內容中唔中你需要呢?主教我們，要求自己常常行在神的旨意中，當你體會神的國好快降臨的時候，你就會知道你為何在世上而活，同時也會明白怎樣在世上而活，因為你天天都知道神好快會降臨，也明白自己在世上的目的。 另外，主也明白我地會受好多的試探，所以佢要為我地祈禱，求神不叫我們遇見試探；救我們脫離兇惡。因為主知道我地的艱難，也明白魔鬼的詭計。全個主禱文，其實係一個概括，而近期余弟兄甜美日程內的祈禱，就係主禱文的擴大版，由朝早起身開始，就可以祈禱，余弟兄仲叫我地最好一早就祈禱晒，咁就包冇走雞啦。 由日常生活到心靈到面對仇敵，都可以由祈禱去對付。果真係好呀，我近期都學習由一早起身就將祈禱紙的祈禱，祈禱一次，如果時間唔許可，咁就親當自己睇完聖經之後禱告埋去，心靈容易返到神面前，就算有仇敵攪，好容易就叫主救我，免我遇見試探；救我脫離兇惡。同樣體會亞爸的愛多左，容易默想神的愛。 弟兄姊妹，真係不要只顧聽道而不行道呀，當你實行出來的時候，你會有前所未有的喜樂而信心，體會神更深架。

>>February 14, 2006 at 10:44:28 AM GMT+8

2006 年 2 月 8 日 星期三 【晴】

不幸的消息

生、老、病、死是人生必經的階段，今日收到個不開心的消息，某弟兄悄悄地離開了。事情發展得太突然，因為新年還見到佢同太太行街，雖然精神較差，但未致咁嚴重，早前仲見佢打日記，日記仲打到2月6日，今日竟然就收到佢離開的消息。

悄悄的我走了，
正如我悄悄的來，
我揮一揮衣袖，
不帶走一片雲彩。

>>February 9, 2006 at 7:15:31 AM GMT+8