2006 年 4 月 1 日 星期六 【晴】

■■■	家團同工相聚	■■■
星期日的同工相聚，其實心裡真係好寶貴每個為主在F.5的日子仍然為主付出的姊妹。不過星期日果日我感覺有點兒力不從心，由朝早的肚痛，都下午的腸不舒服，真係好難集中精神，精神太差了。不過好彩有敏萍姐係度撐著。 大家相交感恩的事項時，真係體會神的祝福及美意，祂確是我地開心，也能體會神恩典夠我用。另外，當大家操練甜美日程的時候，也能經歷主更多。無論如何，正如聖經所講﹕ 我們這至暫至輕的苦楚、要為我們成就極重無比永遠的榮耀。原來我們不是顧念所見的、乃是顧念所不見的．因為所見的是暫時的、所不見的是永遠的。

>>April 6, 2006 at 10:09:17 AM GMT+8

2006 年 3 月 31 日 星期五 【晴】

■■■	妍妍生日快樂	■■■
4月1日又到妍妍的生日，又係啟賢的生日。今日倩盈的同學仔ZOE有黎呀，好開心呀，冇見佢2星期啦，其實開頭心裡都驚佢會唔黎呀，因為黎左第1次就係同佢個別傾計，唔知佢有咩反應架嘛。跟住2次都黎唔到，次次都話有事，我又驚佢會唔會唔黎喎，不過今次佢真係有黎呀，仲幾留心聚會TIM，果然理科生真係理科生呀，果然女拔真係女拔呀。接收力勁過人。哈哈。 聚會完左我地就玩遊戲啦，有雅婷同惠儀仔帶遊戲，生日主角有妍妍、啟賢、長敏同錦蓮。不過長敏同錦蓮就冇玩遊戲，玩的途中又出現偏私的情況，玩幾次都係話試下先。玩到聲都沙埋呀。之後最攪笑係雅婷冇那那問我有冇買蛋糕喎，果一刻我冇諗過佢要我準備喎，咁當然就冇啦，但因為果晚我地留低係大牛食飯，所以最後我同寶寶一齊去地鐵站買蛋糕，仲要加上送倩盈走，又熱喎，真係好遠呀條路，但都好喎。其實早前同寶寶係MSN傾過計，今次係第1次2個人面對面咁傾計，所以講到好多野，主真係好呀，為我預備機會。

>>April 6, 2006 at 10:09:00 AM GMT+8

2006 年 3 月 27 日 星期一 【晴】

■■■	出唔到祈禱會tim	■■■
星期二的那一天，本書又要再對過，因為佢成日都係改D唔改D，攪到次次SEND黎的FILE都有錯，攪到我都冇心機同佢再對呀，當我再收到的時候，咁梗係要再對清楚啦，問題就黎啦。個跟開本書的老闆佢自己話唔記得我地有對藍紙的那回事，講左好耐都話冇聽過，咁我地都算啦。咁米自己攪啦。點知果日上午我地對埋最後一次，將藍紙送左返印刷公司之後，下午老闆竟然打電話黎問我地本書點喎，咁米答佢份藍紙送左番去印刷公司啦，你話唔洗對呀嘛，咁我地冇睇呀(其實有睇的)，果一刻老闆竟然話咁我派我秘書過黎對啦，費時又話我唔做呀，又向會長面前篤我呀。咁喎。咁最後佢秘書負責由觀塘去荃灣拎番份藍紙去我地公司荔枝角。佢秘書3:00出門口，又話程程都係搭的士喎，最後黎到我地度都已經係5:00啦，我地對一份藍紙起碼要2小時呀，佢就惟有坐係度對，咁我地就惟有望住佢對羅，其實係好白痴同低能的工作。好似一本字典咁佢不斷你D中文字。因為佢秘書唔係好識中文架喎。 最後我地歡送佢秘書走都已經7:45啦，我仲要執埋D野喎，又要對佢改左D咩喎，最後要8:30先走人呀。

>>April 6, 2006 at 10:17:05 AM GMT+8

2006 年 3 月 26 日 星期日 【晴】

■■■	開會比人串	■■■
星期一開例會的時候，因為我地將會有本書出街，果日拎埋去開會果度，順便諗住比老闆望下，問下有咩意見，點知個老闆冇黎喎，咁佢秘書就叫我拎去問下會長同其他人意見啦。其實個老闆自己平時都唔跟野架啦，功就佢架，如果有咩事佢就一定話唔係問題，好似本書咁呀，佢由封面到內容都冇比意見我地，游得我地自己攪，問佢意見的時候，佢可以3-4日都唔覆秘書，咁我地都跟唔到進度。本書明明要3月底出街，但而家已經攪到要4月啦，咁佢又話唔關佢事啦。 咁我米拎書比會長睇啦，會長又問我﹕點解要佢睇，明明係個老闆跟，而家要佢睇有冇攪錯呀。咁佢就話會話下佢啦，果刻我就驚啦，因為話得比佢知，咁即係話我篤佢出黎啦，再加上會長秘書又加多幾句話佢唔跟野啦，又比番秘書處做啦，咁會長同常務副會長都話會親自打比佢問下佢，咁我就仲驚，因為件事會一發不可收拾。 跟住當本書再傳去另一個老闆度的時候，佢竟然問點解裡面有度公職冇佢資料，對答如下﹕ 老闆﹕點解冇我的資料架 我﹕ 你秘書冇比喎 佢﹕你又知我秘書冇比 我﹕咁我地有出會員通告架喎 佢﹕我冇收過唔得呀 我﹕但係我地record出左2次架啦 佢﹕咁你有冇問我秘書呀 我﹕我冇問 佢﹕咁米係羅，你都冇問，咁又點可以話我冇資料比，又或者我收左都話你知冇收過呢，唔得架 我﹕.......................冇聲出 佢﹕下次你地醒小小啦，係份通告度打埋要佢覆有或冇 我﹕咁米要126位會員都覆晒我地先知，有時佢地唔覆我地架 佢﹕你醒小小啦，又冇叫你問晒，你淨係問我米得羅。 超無奈呀。

>>April 5, 2006 at 8:40:43 AM GMT+8

2006 年 3 月 25 日 星期六 【乍寒還暖】

■■■	星期日的聚會	■■■
星期日去左科大親近主，約左芬芬係觀塘搭小巴入去，入到去時間剛剛好。不過打比雅婷，佢又唔知醒，碧茹又剛剛先出門口，慧珊又唔聽電話，最後由11:00等到11:20先走人，留番大妹姐係巴士站繼續等。 原本諗住去番平時果間房架，但竟然比人reserved左，咁又落過雨又冇咩地方，所以攪到成12:00見到美蘭姐先有專家介紹我地去下面的運動場。跟住又大批遷移去運動場，點知運動場又有人踢波，真係激死呀。但都照舊係運動場啦，因為冇咁多時間，又咁多人一齊，好難搵地方。 唱左幾首詩歌，但都幾難集中，因為太嘈啦。當散開親近主的時候，同芬芬去沙灘邊安靜，真係寧靜得多，真係好舒服，也好開心，雖然天陰陰，雖然濕濕地，但同主親近時可以咩都唔理，可以舒暢咁去享受主，由於時間唔多，為免芬芬唔明聖經，同佢都傾左一陣，講番聖經講d咩，又講番跟隨主的人生應該係點。因為大妹姐會同佢傾受浸呀，願面前見到佢受浸榮耀主同跟隨主到底。 親近完主，當行番去的時候，就見到慧英同阿怡同少薇一齊到啦。阿怡就擘完餅就等少薇，跟住先同佢一齊過黎，所以黎到都差不多1:15，跟住我就同左佢地2個一齊親近主，其實都係傾下計，關心下佢地，同唱下詩歌，不過我諗親近主係冇一定的規定，主要係關心下佢地，因為好耐冇咁的機會同佢傾計，又好耐冇見少薇啦，同佢地唱左2首詩歌，心裡有負擔去講野，對佢地，我有信心主一定唔會撇下我地為孤兒，我同樣都信心，有一日佢地會睇見主的寶貴。阿怡都話會穩定返星期六日聚會架，我會多鼓勵佢地。 當差不多2:15的時候，係要走啦，因為佢地全部都食緊野，我地join番佢地的時候，佢地都食完啦。跟住我同芬芬就一齊走啦，因為芬芬都唔好太遲返屋企，佢屋企人唔鍾意。而我就係要返公司就番d野，因為本書要趕住出街，但竟然今朝話我知冇左個file喎，真激死呀。所以要返一返去send file同埋check佢send晒d file比我未，我print出黎返屋企對稿呀。

>>March 29, 2006 at 10:45:08 AM GMT+8

2006 年 3 月 24 日 星期五 【乍寒還暖】

■■■	星期六的聚會	■■■
星期六返到公司的頭3小時都冇野做喎，仲可以睇報紙同嘆早餐tim，但去到12點，忽然間工作量超多，因為我地原本有本書要出街，咁佢係星期五已經話會比我對稿架啦，但對黎對去都係對得果1-2份稿，其餘果d都未比得我對，咁當我再問佢的時候，佢就話星期六會send份hard-copy比我對，咁我就惟有等星期六啦，但係星期六由9:00等到12:00都未見佢送份稿黎，咁我仲諗住可以對下稿或者帶份屋企對啦，點知佢成12:30先黎到，但當我見到佢份稿的時候，仲激氣，因為份稿佢大部份都係廣告，我即刻打電話比佢，問佢點解，對方竟然話唔知情，佢只有咁多稿係手，仲答我以為全本書已齊tim。 最後惟有問番我第一個聯絡人問番佢點解，佢又話我知已經send晒d file去架啦喎，又答我唔明點解，最後惟有佢直接同我跟番晒。但本來係我係聚會度開始帶屬靈早操先，跟住先到慧英啦，最後我都係打比慧英知我可能遲到。 本書最後的結論係佢星期六加班同我做晒d稿出黎，我星期日番去check，因為星期一要開會，咁我就係2:00走人，一支箭咁跑去大牛。 當我去到大牛門口的時候，個胃好似頂住咁，好似好想嘔，但又唔係胃痛，又唔係肚餓喎，好唔舒服啦，當一上到3C2，當放低D野坐低的時候，個頭勁暈，真係一合眼就暈啦，果一刻我諗如果我真係暈左，大妹姐會唔會幫我搽油呢? 如果我真暈左咁咪大家都冇得聚會。果一刻我即刻祈禱，求主幫我，我唔想暈呀。 當坐多一陣，果然冇咁暈，但都超辛苦呀，惟有心裡默默祈禱，因為我今次會分享呀，我已經預備得唔係咁好，星期五先有時間諗下講咩，諗清楚D次序，同為聚會祈禱，所以都幾驚啦，又好趕啦，又頭暈啦。 之後當唱歌的時候，已經好番好多啦，真係感謝主呀。當分組玩拍賣的時候，氣氛都不錯，妍妍講得好呀﹕朋友/家人得救的快樂，比起從其他而來的快樂，快樂好多。感動慧珊用晒佢100年買愛主的心。雅婷就買左專心事奉神。期望大家都立定心志，跟隨主到底。 當分享的時候，其實都未叫最好，因為實在撐住上，但寶貴聖靈的引導，慧英的分享好好呀，我好寶貴佢所講的，不知你們有咩得著?其實每次的分享都預備好耐，要用時間去諗去預備，唔好比我地覺得你地唔留心/自己傾計啦，都會幾hurt架。因為只想大家更明白聖經同神的旨意如何。 時間剛剛好，去到4:10完晒聚會，4:15參加擘餅聚會，不約而同地係聚會裡好感動。感動到說不出話來。 完晒所有野之後同左慧英、麗香同珮詩一齊祈禱，我更覺祈禱的重要與寶貴，能有一點時間的相交，能將大家的難處互相分擔，真係太寶貴啦。祈禱幾多都唔厭，因為知道阿爸聽我的祈禱。 完埋同工相聚後就同左敏萍姐、大妹姐同倩盈去食飯，其實心裡有小小掙扎，因為個咀又生飛滋啦，唔係好想食野，又太疲倦啦，又想早d休息喎，但倩盈叫到，就惟有捨命培君子啦。最後差不多10:00先走人。

>>March 28, 2006 at 5:16:28 AM GMT+8

2006 年 3 月 23 日 星期四 【乍寒還暖】

■■■	會展工作	■■■
尋日下午去了會展工作，因為有個晚宴係果度，而我地會亦買左2張枱，而我又係幫pvchk做台上的工作人員。 3:00去到會展開會，跟住分工，我果組得4個人夾埋我，一個較為有經驗，其餘2個都係精神緊張果d，一個叫佢去請何宣威講野，佢竟然話唔知邊個係何宣威，要走出去睇下先喎，嚇死我呀，我就即刻叫佢唔好緊張，冇人知你唔知架，係中間位置伸一伸就得架啦。冇問題架啦。另一個又係緊張果度，叫佢去拎番件紀念品，佢竟然跑出去喎，又嚇死。大佬，又唔係比賽，洗唔洗跑呀，最後都係同另一個經驗較好的調位。 6:00食完為工作人員預備的飯後就開工，因為6:45要stand-by。但問題係個walkie唔work，一時就聽得，一時就聽到人地的士台的對話，但我係講唔到的。所以最後都係電話聯絡。台上的工作都係例牌果d，拎紀念品，交換紀念品，招呼d人上台，都唔係好明架，次次年年都係lee個位置，有冇其他比我揀下呀。 全晚的程序都好無聊，不停d人上上落落，又不停d紀念品出出入入，跟住就係有拉丁舞表演，又有rosemary唱歌，跟住就完啦。 全晚攪到10:15先完結，跟住就執埋d野，等派工錢，因為每次佢都有200蚊比番，我就用果200蚊搭的士番屋企。番到去已經好疲倦啦，那那林沖涼即訓覺。

>>March 24, 2006 at 8:07:15 AM GMT+8

2006 年 3 月 21 日 星期二 【晴】

■■■	GOOD NEWS 2	■■■
原本PLAN的長短周計劃﹕期望最快可能5月先開始長短周，即係返2個星期，放1個星期，因為得3個輪住返。不過如果果段日子好多野做，咁放就冇得補錢/假。但如果果個星期六係有活動，要返工，咁就會補錢。 但今日亞姐去完開副會長會，係一個PRE MEETING，佢地定案係又會加人工，加幾多我就唔講啦，唔係好多，又唔係少啦。又會輪長短周，係4月份開始，而長短周輪的方法係會計放中間果2星期，我同亞姐就隔一個星期放，GOOD呀。星期六要返工的話，就唔補錢，係叫我地平日放假。又GOOD喎，因為我大約有11日假都未放。哈哈。可以得閒就放下假下RELAX下啦。 我聽完之後，心裡好感恩。不過亞姐話叫我好好睇住間公司喎，我都唔明佢的意思。

>>March 22, 2006 at 7:16:48 AM GMT+8

2006 年 3 月 19 日 星期日 【晴】

■■■	星期日掃墓	■■■
星期日一早就要起身，因為要去將軍澳掃墓，由於吸收左上年係冇早餐食的經驗，今年我特別同亞媽講要去食早餐先，所以又要再早D起身。 前一晚明明同亞媽講好左7:15起身，係夠時間架。點知亞媽係6:45就入黎叫我地起身，又大大聲聲話，又話要食早餐，仲唔快D，你唔知你地慢麼麼喎，淨係家姐都有排攪啦。佢咁講，果然應驗左，因為家姐要起身沖涼同洗頭，攪攪下，我同細佬差不多要7:30先刷牙。不過我地都去食早餐，只得我同細佬2個，原本諗住食埋早餐出發架啦，點知亞姨佢地又未到喎，攪到最後又番屋企等。 差不多8:30，舅父先車我地去油塘，之後我同家姐同亞媽包尾先行上山，攪完晒D野都差不多11:30，佢地就番屋企，我就去朱記搵番班B/S。 親近完主，再番大牛原本係同工相聚，但又係得番我、大妹姐、敏萍姐、慧英同師姐。雖然得幾個人，但好似好耐冇咁相交的時光，大家都傾到心靈計，最後為大家祈禱完後就走啦，因為我個腦真係諗唔到野啦。

>>March 22, 2006 at 7:11:36 AM GMT+8

2006 年 3 月 17 日 星期五 【晴】

就算再過十年，就算再過百年，你愛還是何新鮮。

今朝一起身，腦裡不奇然湧出這一句的詩歌。全首歌其實我不太懂得唱，又唔明白點解會湧出這一句。但當我思想這一句的詩歌時，心裡寶貴主的愛確實日日都係新鮮。

神的愛真是何動人，深深融化我的心
誰能像你愛我深，誰能像你愛我真
神的愛真是何高深，深深震撼我的心
這愛過於我所想，越想越嘗深長
啊 當我正默想，而憶起這份愛，每次每次感動我
就算再過十年，就算再過百年，你愛還是何新鮮
主啊 我愛你 到永遠永遠
無論天晴或遇陰雨，沒法使你我可隔絕
我願 跟隨你到天涯海角
直到一天我見你面，那份心情難以述說，快樂無比

>>March 18, 2006 at 2:52:24 AM GMT+8