|
2005 年 11 月 20 日 星期日 【晴】
| ■■■ |
吵大獲 |
■■■ |
尋晚，返屋企打邊爐，原本開開心心，但之後就發生左大獲野。
事源家姐係星期六拎左部相機去影相，咁細佬唔知道，當佢星期日用的時候，佢就delete左家姐d相，咁當家姐尋晚諗住拎番d相的時候，細佬就話佢知，已經delete左。果一刻家姐好嬲，我估佢大聲到隔離單位都聽到佢講野，真係好大聲。之後，家姐就話d相係用黎星期一交比校長睇。咁而家就冇相啦。家姐就問細佬點解delete左佢d相，細佬就話﹕因為佢冇講拎左部相機去用，佢就唔知道，咁講的時候，佢語氣就唔好，咁家姐就用佢d語氣回答佢，又串啦，又成。跟住就開始吵大獲。你一句，我一句。跟住家姐又喊，細佬又喊。之後亞爸、亞媽就話一人少句啦。家姐就話我地包庇佢，攪到佢而家咁。
之後亞爸就行開啦，亞媽又行開，當行開的時候，家姐又話唔準去訓呀，今晚要解決件事。我就問佢﹕你究竟想點。家姐就話﹕要細佬道歉。但當我叫佢道歉的時候，家姐又話自己份人工得2萬幾，你有本事就去搵番份2萬幾人工的工，又要供亞媽份保險，又要比家用，自己又要交學費，又要還大學的loan，又要咁，又要咁。跟住細佬就話﹕我冇2萬幾架，你殺左我啦。
由9:00吵到12:00，都未停過，講完又講，又係講細佬唔好，又講佢唔積極，又講自己比好多錢出黎。我終於頂佢唔順，就話﹕咁而家要唔要我地跪地多謝你呀，你咁偉大。家姐竟然話﹕係我孝順姐。我孝順得濟。咁我就話﹕唔delete都delete左啦，你又拎番晒以前d野出黎講，你又想點先，又話自己孝順，孝順好似唔係用錢黎衡量架喎，你講你自己比咁多錢，你可以同我地講架，我唔比係一件事，你而家咁講，好似話我地唔比咁喎。咁家姐就話﹕我知你地冇錢呀麻，咁我米比埋羅。次次食飯都係我比架啦。我就話﹕好似係你自己搶住比咋喎，我都可以比，咁我眼見你比，我米就你羅，下次aa羅。
之後又話細佬剛剛先搵到份工，冇出息，一路又唔搵野做，又坐係屋企，又唔搵工，又唔知想點，又叫佢搵份有前途的工，要做高科技人員喎。亞媽就話﹕咁你不如開間鋪頭比佢啦，個個都係老闆，冇人打工啦，佢又唔係唔做，你又要佢做高層，佢冇咁quali點做呀。行行出狀元姐。
終於去到1:00，阿媽就頂唔順，佢話﹕如果你有咁大難處，你家用米比少d羅，又冇人叫你比咁多。份保險又唔係我叫買，咁一係cut左佢羅。之後阿媽就走左落街行，當佢走左的時候，家姐又喊，細佬又喊，都唔知攪咩。家姐又講﹕亞媽多病，亞爸又多病，想多d照顧佢地姐，都唔岩呀。又話想請工人番黎，又話我地唔幫手。之後我就話﹕工人係亞媽話唔請，況且屋企又唔係大，我話請part-time，佢又話唔請，咁我就話﹕lee個話題好耐之前都傾過架啦，而家又講番出黎。
之後，亞媽番黎，佢就叫我去訓唔好理佢，又叫細佬沖涼，唔好理佢，佢short左。之後我就去訓啦。
訓係床度我為左佢地每一個去祈禱，心裡唔想見到佢地傷心，又唔攪成咁，只不過係delete左d相姐。又為家姐祈禱，跟住就係亞爸同亞媽祈禱。
|
>>November 21, 2005 at 2:28:25 AM GMT+8
2005 年 11 月 17 日 星期四 【晴】
連日發夢
lee個星期因為要開ot，所以晚晚攪到夜媽媽先走人。見屋企人都冇得見，何況見b/s，唔知係咪太掛住佢地，竟然連續2晚發夢都夢到b/s喎，仲係好攪笑的。
第一晚，我發夢竟然夢到美鳳大肚喎，我地仲走埋去摸佢地肚tim，我、麗香同珮思都有去摸，但當麗香去的時候，佢就好大聲咁講﹕好得意喎。跟住美鳳就話佢﹕你咁大力，攪到我好痛呀。笑死我地咁濟。
第二晚，發夢去開家服侍會啦，跟住冇那那大妹姐話要早走，因為有個朋友有事。之後敏萍姐就走黎問我啦，知唔知點解大妹姐成日要早走呀?咁我就話﹕唔知喎，點解呀，你知咩?跟住敏萍姐就話﹕佢拍拖呀。我就o了咀啦，仲話﹕下，係咩，我唔知喎。但敏萍姐都唔知係邊個係邊個黎架喎。隔左一陣，pc由大牛門口走入黎話，死啦，德福果邊有車禍呀，跟住我就話﹕死啦，大妹姐好似去左果邊喎，有冇事呀。pc之後就話﹕唔係呀，咁大件事，快d去睇下啦。之後就醒左啦。
我估第1件事發生的可能性大d，但第2件就........哈哈。
>>November 18, 2005 at 9:09:28 AM GMT+8
2005 年 11 月 17 日 星期四 【晴】
| ■■■ |
連日開會超勁眼訓 |
■■■ |
16,17,18，連續3日都要一日開會，真係訓到未訓醒，就要開會，我次次都係未訓醒就開會，真係好辛苦。
16/11--開第九次籌委會，痛苦的我，連會議紀錄都要繼續寫，仲有最後一次要開tim，由10:00開到11:30，就係咁講埋D冇關係的事。呀主席成日講要多D人係REPCETION呀，要招呼嘉賓好D，要清楚明白全晚的RUNDOWN，又要咁，又要咁，但又唔係重要野，又講要有段時間飲酒呀，又要咁叫，又要司儀咁講，直頭浪費時間呀。開到11:00，會長終於食完早餐之後，就到佢講野啦，又到佢要加LEE，又要加路，最攪笑係佢d委任狀冇位擺，建議拎番出黎滆左d金去，用黎食飯，但d金價錢用黎食換麵都唔夠。開到11:30，大約d野都傾晒，但會長因為冇人陪佢食飯，所以又叫埋籌委會主席，又叫埋我地一齊去陪佢食飯，佢請客喎。其實我地唔想食架，但因為會長叫到，所以我地又去食啦。
17/11--又要開會的時候，但今次其實我已往都冇去開，但亞姐唔知點解發老脾，唔入去開會，叫我去聽喎，因為今次係同production house傾野，傾rundown、banner、現場佈置等，但我唔知頭唔知路，入到去都已經開始左，攪到都唔知點咁。跟住到傾banner的時候，因為之前係亞姐傾，跟住佢叫會計做，我只係聽過d野，但佢地講的時候，又同我地傾的不同，當我問番亞姐的時候，亞姐就即刻走入黎問番攪成點啦，原來會長自己話左事，叫d人咁放，唔跟我地原本咁講，所以亞姐就發脾氣咁講﹕咁我唔跟啦，你跟晒佢啦。就係咁，個情景突然間好薑咁。之後我地就繼續傾其他野，我又加番我地秘書處的意見，最後都ok啦。傾傾下竟然傾到2:00先開，早上的時光就係咁過左。
下午仲要對埋本年刊，真係想死呀，因為冇那那d字明明對左有，今次拎過黎的時候又會冇左，真係激死。攪完對稿，又死都要我地要mark數字又要吸公司印，跟住我地又要copy一份，最後攪到10:30先走。所以如果見到我夜晚仲開msn的話，咁即係話我仲開ot，可以hi下我，等我知道有人理下我。
18/11--朝早又開會，因為下星期三又要開會，所以要傾埋d工作人員安排，時間仲係9:00，但我今朝成8:00先起身，仲要洗頭，因為尋晚太夜返屋企，冇洗頭但有沖涼架我，之後就訓覺啦。所以都係遲到返到會，大約9:25先返到，不過我唔係最遲，會計都未返，由9:30開會，竟然開到12:00呀。天呀，又冇半日啦，又要執工作人員的detail rundown，又要整野，d時間去得好快呀。不過我今日實在太眼訓啦，冇心機去整野呀，要訓下覺先得。
|
>>November 18, 2005 at 8:38:48 AM GMT+8
2005 年 11 月 14 日 星期一 【微雨】
足印
1﹒憶當天的那段舊夢，祂彷似與我夜裡共行，
沙灘中的每段道路，編出你與我兩雙足印。
漫漫路無論多少崎嶇，都有基督緊握我手，
遇寂寞但也不孤單，明白你是共行。
2﹒祂當天親身的應許，祂必會與我伴結前行，
一生中的每段道路，都必會帶領我經過。
路漸盡回望我的一生，雖有祂一起的腳縱，
但絕望並困境之中，全是孤單足印。
3﹒每次我心中多悲傷，祂怎卻遠去剩我獨行，
每次我感到是寂寞，祂怎卻遠去剩我孤單。
默默地在我身邊的主，跟我低聲輕輕說出，
在絕望路裡的一雙，原是我的足印。
副歌：
回望我過去，多少的失意，但你每次每次也在旁，
是你抹我淚痕，是你揹我經過！
明白到有你居於心深處，我不再是獨行!(我不再迷路向！)
前路有你共行，留下雙雙足印。
>>November 15, 2005 at 6:35:31 AM GMT+8
2005 年 11 月 13 日 星期日 【晴】
| ■■■ |
赤柱安靜 |
■■■ |
   
尋日獨自一人去了赤柱安靜，原本要返公司開ot架，但因為打比亞姐，亞姐話印刷果邊都未得，要星期一先可以對稿，咁亞姐就問我番唔番公司做其他野，咁我就答佢﹕最緊要都係對稿姐，其他野留番星期一先做啦，我唔返啦。就係咁，所以星期日唔洗返工。
起初我都諗住出聯團祈禱會架，但我又好想自己去安靜下，因為平時的親近主時間好趕，11:00開始，大約12:30就要完，warm-up得黎，都冇時間睇聖經，顧住睇聖經，又冇時間相交，所以每次都好似食快餐咁。果日，我見就算我去到祈禱會，我都係遲架啦，所以我最後決定去安靜。
赤柱係我一個都好鍾意去的地方，因為一來唔會暈車浪，因為我搭地鐵再轉小巴，二來車費都唔算好貴，三來都算好快去到。我10:00出發，食完早餐之後就搭車啦，雖然車程悶悶地，但諗起可以去安靜，自己好似個小朋友咁，我仲帶埋曲奇餅去tim，好似去野餐咁呀。
去到赤柱之後，大約11:30，搵到好地方安靜，沿著bbq場去，有個岩石位置，都幾舒服，坐低的時候，望望天，望望海，我心裡好舒適，心也可以靜落黎。其實我都係比較下海多過上山，我此終都係喜歡望海多d。
唱詩歌的時候，心裡再一次擁現"足印"的詩歌，因為足印所講的情景就係沙灘的情景，我近期好喜歡唱的一首詩歌。近期的長時間OT，又令我容易有一種孤單的感覺，返工、放工、訓覺。真係好似與世隔絕咁。但寶貴"默默地在我身邊的主，跟我低聲輕輕說出， 在絕望路裡的一雙，原是我的足印。"
在親近主的時候，心裡寶貴主對我的愛不是好似波浪咁洶湧，祂的愛好溫柔，祂的愛好似海沙天星咁多。寶貴主沒有長久責備，也不永遠懷怒，寶貴主的愛每日都是一樣。我都唱左幾首歌比主聽，跟住祈求主使我不再低沉，使我心靈醒過來，再嘗主恩的滋味，使我知道祂是美善的。
親近主到1:00，開始好急，想去廁所，所以就由岩石堆中站起來，去完廁所之後，我仲想祈禱多一陣，找地方的時候，竟然比我找到個水上活動中心，佢個平台係冇人架喎，超正呀個環境，又睇到整個沙灘，對腳又唔洗入沙，又冇人喎，可以好自己咁望住天祈禱，原本好有心志咁為晒全團姊妹祈禱，但當為完自己祈禱之後，就覺得冇咁多口水，為埋自己組的同工、姊妹祈禱之後，好似已經斷氣一樣，對唔住啦咁多位，為唔晒全部人祈禱tim。
之後去左麥當勞買雪糕食，但因為本雪糕好快融，所以冇食lu，之後行左一陣，因為得自己一個，比較悶d，所以大約2:30就搭番車走lu。
之後，因為諗住買過一套suit，所以去了太古，我有vip咭呀麻，但結果我都要比998，真係貴呀，不過我因為得2套咋，所以買多一套都好。就係咁又晒錢啦。
|
>>November 15, 2005 at 6:35:01 AM GMT+8
2005 年 11 月 13 日 星期日 【晴】
只有放下自己的痛，才能感受別人的痛；
只有不覺得自己被負，才能甘心為人付出；
只有甘心的付出，才發現自己原來是這樣有福。
節錄自某人的日記，值得大家思想下。
>>November 14, 2005 at 4:29:12 AM GMT+8
2005 年 11 月 11 日 星期五 【晴】
| ■■■ |
超勁眼訓 |
■■■ |
尋晚，返到屋企已經好攰啦，攪完晒大約12:00訓覺，一訓低的時候，竟然發覺隻手好痕，再望下有隻黑色野係我隻手度，跟住我即刻砵走佢，當戴番眼鏡的時候，一望原來係隻曱甴呀，佢定左係度，我即刻走番出廳，叫細佬用殺蟲火啦，細佬竟然仲驚過我，最後惟有叫埋阿爸、阿媽起身，一齊對付佢。
當阿媽入到房的時候，又唔見佢喎，當我係房邊的時候，小強竟然飛出黎呀，嚇到我半死咁濟。之後我叫阿媽用殺蟲水攻佢出黎，真係用效呀，佢一出黎，阿媽就徒手殺死佢啦。
因為隻小強，我全晚都冇覺好訓，一係用被卷住自己，郁都唔郁，又驚好似又有d野走黎走去，所以全晚都訓得好辛苦。
第2朝起身的時候，好似冇訓過覺咁，全日就係咁暈下暈下，感謝主唔洗開ot，但去到聚會的時候，個人好似就暈低咁，坐低的時候，個人好似就死，完全諗唔到野，但我點到捱到聚會完，原本諗住黎唔到聚會，所以冇諗到做d咩，但講左幾句之後，就分組祈禱。
之後，原本係去慶祝小志強同耀民的生日，但真係頂唔順，回家食左小小野就即刻訓覺了。
|
>>November 15, 2005 at 7:11:53 AM GMT+8
2005 年 11 月 10 日 星期四 【晴】
| ■■■ |
白開OT |
■■■ |
星期五的那一天，亞姐因為晚上要去個典禮叫人入會，所以得我一個人去進行對稿的工作。但我係5:00先到番黎對，亞姐果時就走，佢原本叫我等埋佢，但冇理由等到佢8:30先過去架，我唔想好似舊年咁要對通霄。
由於我地本書最終都要擴大多一頁，所以我地係活動相果度埋手，將d活動相拉大，由8頁改為9頁。我大約6:30出門口要去九龍灣果間公司對稿，去到都已經7:30了。
坐低對下對下，又改下改下，攪到9:30，差不多之前要改的果d都改左，跟住到最重要的活動回顧，因為要睇住佢改，佢又低低地，講完又講，終於係10:45改好晒。諗住咩都好順利啦，順順利利咁走啦。
返到屋企都差不多11:00啦，跟住先食杯麵，當開始食的時候，收到亞姐電話，佢問我走左未，我就話走左啦。跟住佢同我講﹕要hold住，因為剛剛係典禮度見到d前會長，當比d稿佢睇的時候，竟然話我地d排位有問題，要重新再排過。一聽之下，我今晚的心血原來係白費，因為活動回顧果度又要縮番一頁，又要打回原形。即係=冇做過野。
白白做多4小時的ot，白白浪費左d時間。
|
>>November 15, 2005 at 11:26:07 AM GMT+8
2005 年 11 月 10 日 星期四 【晴】
一路忙、一路忙
由11月開始，我每晚的放工的時候，由7:30改為最夜的9:30。因為今年的周年大會同就職典禮實在相差太近，月頭攪完周年大會，月尾就攪就職典禮。亞姐又忙住自己搬屋，攪到d文件係我做。又有定期的通告，會議紀錄，我連上一個的會議紀錄都未寫呀。
尋日朝諗住可以出到小組的，但當下午的時候，收到新的邀請信，因為我地個主禮嘉賓要改，原本冇諗住印過，但新會長話要印，咁我地就要印啦。尋日下午只係做print label，貼label，寫速遞，都冇晒半日，仲有好多野都未做過，所以最後都係冇出小組，我都差不多成9:30先走人。
返到屋企差不多要10:30，所以我連亞旺我都追唔到睇呀。真係有d唔開心。電話又唔得閒聽，攪到我都冇mood打電話比b/s，連師姐都冇call，就黎我係隱閉青年，因為我係自閉係公司，跟住就一路自己做野，食飯又係公司，跟住就係夜媽媽先走，返到屋企，就沖涼訓覺。完全可以冇同人接觸。
下星期就開始入忙碌階段，連rundown都未得，但又要開會啦，2個星期開3次會，d會議紀錄我想申請唔寫呀。但亞姐竟然叫我寫point form喎。唉，一句講晒都要寫。
我估我d黃金時間係由6:00-10:00，因為惟有果時間先可以同亞姐開會傾問題，但今年的會長係好麻煩，又多要求，有要求唔緊要，但問題係佢成日係最後的階段先話有問題，又要改，又要換，大佬，你估全世界等你咩。
>>November 11, 2005 at 4:32:08 AM GMT+8
2005 年 11 月 9 日 星期三 【晴】
買枕頭
尋晚又係訓得唔好，再加上因為床褥高左，所以攪到個枕頭扁左。由於訓覺係好重要的事，所以我尋晚特登去買番個枕頭，去左荃灣揀，原來枕頭都有好多款，有平有貴，竟然一個枕頭要300蚊，都唔知有咩好。
最後我揀左88蚊的枕頭，都算舒服，起碼我尋晚訓的時候都OK，最多都係5:00先起一次身。
尋晚當我拎個枕頭番屋企的時候，阿媽又問我仲乜要買喎，咁貴不如叫佢買喎，跟住我話﹕費時啦，唔係你換左我張床褥，我都唔洗買啦，我驚你幫我買左個6吋高的枕頭比我訓呀。跟住阿媽又開始話，如果唔係平我都唔買呀。又話咁，又話咁。真係激死呀。
>>November 10, 2005 at 5:35:47 AM GMT+8
|
|
|
|
廣告 |
|
|
讀者留言 |
| 路人留言
|
 I really underst
>>July 3, 2006 at 3:58:55 AM GMT+8
如果俾我都會揀長短週架!
<br
>>March 17, 2006 at 10:29:50 AM GMT+8
好開心知道你訓得好左, 因為我都
>>March 12, 2006 at 12:48:14 PM GMT+8
你又唔早d話我知,我近排又係夜晚
>>March 8, 2006 at 2:09:44 PM GMT+8
你近排好似好奈冇打日記喎! 我得
>>February 21, 2006 at 9:11:37 AM GMT+8
咁....
<br>唔換到換左.
>>November 10, 2005 at 1:04:28 AM GMT+8
百利恆井水，如血之寶．
<br>
>>October 7, 2005 at 10:33:22 AM GMT+8
I will always su
>>September 6, 2005 at 11:57:22 PM GMT+8
唔好咁唔開心啦!主了解你一切的感
>>August 29, 2005 at 3:50:31 PM GMT+8
我係一個7月1日被遺棄嘅小朋友!
>>July 4, 2005 at 7:52:19 AM GMT+8
我係騙局嘅受害者!
>>June 15, 2005 at 10:17:21 AM GMT+8
點解你成日發埋d咁嘅夢架!
<b
>>May 18, 2005 at 9:30:41 AM GMT+8
女主角,幾時幫我地簽個名呀?
>>May 1, 2005 at 3:33:58 PM GMT+8
我地會為你祈禱架喇!願主將平安賜
>>March 26, 2005 at 1:15:22 PM GMT+8
放心啦, 我地會代禱記念你架啦!
>>March 24, 2005 at 7:07:39 AM GMT+8
依家輪番我問你有沒有工可以俾我做
>>March 24, 2005 at 2:18:55 AM GMT+8
RE大佬同ssf﹕唔好係度玩野喎
>>March 9, 2005 at 2:38:53 PM GMT+8
Re: 十大殺手，我唔知你係邊個
>>March 9, 2005 at 9:52:09 AM GMT+8
ssf 你究竟係邊過,竟然夠膽咁
>>March 9, 2005 at 7:49:48 AM GMT+8
答嘴：宇宙大佬，我份工要受好多氣
>>March 8, 2005 at 11:29:21 AM GMT+8
我提意你不如做ssf 果份工啦!
>>March 8, 2005 at 7:57:49 AM GMT+8
實在恭喜妳可以辭職，我都好想好想
>>March 7, 2005 at 10:57:06 AM GMT+8
睇黎個亞姐都唔會做得長囉!
>>March 1, 2005 at 7:40:04 AM GMT+8
唔關我事架...
<br>係大妹
>>February 22, 2005 at 2:41:42 PM GMT+8
睇佢真係唔似傻仔喎!
<br>仲
>>February 22, 2005 at 5:41:54 AM GMT+8
大妹姐會為錢殺人?
<br>我好
>>February 18, 2005 at 8:07:06 AM GMT+8
我點知?
<br>我識得佢吖麻!
>>February 17, 2005 at 7:50:28 AM GMT+8
喂，你唔好用"撇低大妹姐"呢幾個
>>February 15, 2005 at 7:26:15 AM GMT+8
我果日係馬鞍山親近主喎!
<br
>>February 15, 2005 at 3:43:55 AM GMT+8
re大佬﹕你又知係周星星架咩，唔
>>February 9, 2005 at 9:40:18 AM GMT+8
re大佬﹕如果你出我地星期日的馬
>>February 9, 2005 at 9:39:02 AM GMT+8
新年快樂!
<br>你好似今件未
>>February 9, 2005 at 6:04:41 AM GMT+8
"愛你一萬年"係周星星係西遊記大
>>February 9, 2005 at 6:00:17 AM GMT+8
嘩!你解啟示錄都幾清楚架喎!
<
>>January 26, 2005 at 6:25:20 AM GMT+8
多謝晒﹗好感動呀﹗係呢個咁寒冷既
>>January 15, 2005 at 11:39:46 AM GMT+8
re小公主﹕張相梗係冇問題啦，等
>>January 12, 2005 at 1:25:12 PM GMT+8
re汽球﹕咁你多d留言啦..
>>January 12, 2005 at 1:23:44 PM GMT+8
re SSF:我已經預備
>>January 12, 2005 at 1:22:26 PM GMT+8
我好LIKE你個留言板LO...
>>January 9, 2005 at 11:07:04 AM GMT+8
我想要既保濕潤唇膏都唔使你送嘞，
>>January 4, 2005 at 3:53:31 AM GMT+8
依家唔洗你送個坐枱
>>January 3, 2005 at 6:25:17 AM GMT+8
我已經幫大妹姐扲咗
>>December 31, 2004 at 8:00:07 AM GMT+8
我已經幫大妹姐扲咗
>>December 31, 2004 at 7:54:23 AM GMT+8
哈.... 地點都係寫下既o者.
>>December 28, 2004 at 11:40:13 AM GMT+8
RE宇宙大佬﹕
<br>你要的禮
>>December 21, 2004 at 1:36:38 PM GMT+8
係唔係寫低就有禮物收架?
<br
>>December 21, 2004 at 1:00:53 PM GMT+8
RE SSF﹕
<br>你要保濕
>>December 21, 2004 at 12:17:37 PM GMT+8
re SSF大仔K仔﹕
<br>
>>December 21, 2004 at 12:15:11 PM GMT+8
re小公主﹕
<br>你的禮物冇
>>December 21, 2004 at 12:11:56 PM GMT+8
我唔貪心的啦,我想要朱古力就得啦
>>December 21, 2004 at 8:51:52 AM GMT+8
|
|
連日發夢
一路忙、一路忙
買枕頭