2006 年 9 月 13 日 星期三 【晴】

■■■	行程第二日	■■■
今日可以遲小小起身，不過大約7:00就起身，因為9:00要去到全國工商聯。 第一站會見全國工商聯副主席，又係果間反光的細小房間，又係連冷氣都冇，要自己去開。之後傾到9:30就一定要走，因為約左10:00見商務部，但最慘係北京一定塞車，我地差不多10:15先到，但果邊d人已經好唔耐煩，因為接住10:30佢地要見自由黨，所以我地只得15分鐘會見，但副部長都好架啦，比見15分鐘我地，所以10:45先走人。 跟住就去北京師範大學咩咩咩研究院，聽野喎，咪又係比機會d老闆訓覺，不過果d學院真係大到嚇死你呀，果座圖書館好似一間醫院咁，圖書館只係學校的一部份咋。食完飯又上路，去北京服裝學院，因為d老闆比錢贊助，今次去拎番個獎，之後又係同d同學傾下計，但因為要趕番去食飯，所以又要走人啦。 年年的回請宴黎的人物都係small potato，但今次竟然有d大人物黎，果然人大出碼係唔同d。食完飯就走人啦。返到酒店，仲要逐間房送帽，因為冇那那個老闆搵人送左50頂帽黎，真係吹漲呀，已經夠多野架啦，仲要送野黎比我地酒店，送唔洗仲要拎埋去新疆tim。 攪好晒d野又到12:00啦，明天仲要5:15起身，因為要搭8:55飛機去新疆了。今日訓得5個鐘。

>>September 23, 2006 at 2:28:34 PM GMT+8

2006 年 9 月 12 日 星期二 【晴】

■■■	行程第一日	■■■
一早就要起身啦，因為約左6:30係機場等，而尋晚仲執野執到好夜，全晚又緊張到死，驚自己唔知醒，又約左van仔5:15係樓下等，所以大約4:45我就起身啦。 去到機場已經見到老闆，仲比我見到上次話我的老闆tim，驚到鼻哥窿都冇肉呀，因為佢係自己買機票的，所以佢自己攪check in，如果唔係真係比佢鬧死我，事關我地group tickets的要等埋中聯辦的官員黎先攪到。而我地搭8:05分的機，所以一上機就訓覺，KA機真係唔同D，同國內果D冇得比，飛機餐好食十陪呀，再加上果班機冇咩人，可以一人霸一行都得。 一落機就即刻去酒店換衫之後就去拜訪活動，其實我一早已經要著好套SUIT，因為上到酒店之後要拆箱又要執野，所以係冇時間執自己野架。 下午係一系列的拜訪行程，先去會見全國政協副主席，地點係人民大會堂，唔好覺得好靚，其實冇冷氣，都好焗架，而會見的其實地位是很低的等於見董建華一樣，但我地果團有3個全國人大、4國全國政協、20個各省政協，所以d闆不斷訓覺，都幾失禮人。不過我係人民大會堂拎左佢一個杯墊，哈哈。 之後就係見中央統戰部，會見副主席黃躍金，傾完一大輪野之後就食飯，最攪笑係傾計的時候，d老闆d國語真係我都聽唔明，唔知點幫佢翻譯好。最後講講下變左講廣東話。 食完飯就行左一陣之後就返酒店，原本諗住去按摩，點知要210蚊/鐘，所以冇去到，唔去都好，因為太早起身啦，要早d訓。但訓覺的時間已經係1:30啦。 今日訓得4個鐘。

>>September 21, 2006 at 8:14:50 AM GMT+8

2006 年 9 月 10 日 星期日 【晴】

■■■	我的工作	■■■
望住眼前的一大堆仍未做好的工作，只有苦笑自知。 亞姐叫我帶埋去北京做喎。再苦笑。

>>September 12, 2006 at 12:50:37 PM GMT+8

2006 年 9 月 5 日 星期二 【晴】

■■■	為你的一切歡呼吧	■■■
凡投靠你的，願他們喜樂，時常歡呼，因為你護庇他們；又願那愛你名的人都靠你歡欣。(詩 5:11) 你們義人應當靠耶和華歡喜快樂；你們心裏正直的人都當歡呼。(詩 32:11) 因為你曾幫助我，我就在你翅膀的蔭下歡呼。(詩 63:7) 我歌頌你的時候，我的嘴唇和你所贖我的靈魂都必歡呼；(詩 71:23) 你們當向神 ─ 我們的力量大聲歡呼，向雅各的神發聲歡樂！(詩 81:1) 我羨慕渴想耶和華的院宇；我的心腸，我的肉體向永生神呼籲（或譯：歡呼）。(詩 84:2) 知道向你歡呼的，那民是有福的！耶和華啊，他們在你臉上的光裏行走。(詩 89:15) 求你使我們早早飽得你的慈愛，好叫我們一生一世歡呼喜樂。(詩 90:14) 來啊，我們要向耶和華歌唱，向拯救我們的磐石歡呼！我們要來感謝他，用詩歌向他歡呼！(詩 95:1-2) 全地都要向耶和華歡樂；要發起大聲，歡呼歌頌！……用號和角聲，在大君王耶和華面前歡呼！……願大水拍手；願諸山在耶和華面前一同歡呼；(詩 98:4, 6, 8) 普天下當向耶和華歡呼！(詩 100:1) 願聖民因所得的榮耀高興！願他們在床上歡呼！(詩 149:5) 耶和華 ─ 你的神是施行拯救、大有能力的主。他在你中間必因你歡欣喜樂，默然愛你，且因你喜樂而歡呼。(番 3:17)

>>September 8, 2006 at 6:01:20 AM GMT+8

2006 年 9 月 4 日 星期一 【晴】

■■■	靈修team	■■■
星期二一早去了靈修team，寶貴的姊妹又黎到啦。雖然每次時間唔多，但將早晨的時光比過主，寧瀉不同。 今朝親近主的時候，個腦轉得慢d，只集中默想其中一句﹕我活著就是基督。 今天原來你活著就是基督啦。究竟你有冇彰顯神的榮耀呢? 你活著是為主而活呀。究竟你的生活與主相似嗎? 還是聚會就是羊，在外是隻狼呀? 下午的工作雖然好多，但我真係眼訓得好緊要，最後lunch的時候買左杯coffee，老人家應該早起係得架喎，唔同我未老，我今日照鏡的時候，個樣同年紀好似唔似得好緊要，個個老闆仲話我細個tim，唔通真係信主的人會越青春?哈哈。

>>September 8, 2006 at 4:21:08 AM GMT+8

2006 年 9 月 3 日 星期日 【晴】

■■■	同亞晶食飯	■■■
星期一約左亞晶去apm元氣食壽司，其實都唔知係佢約我，還是我約佢，因為上星期佢打比我的時候，佢就話我唔記得我約左佢食喎，但問題係我根本就冇約佢，又何來唔記得呢? 不過上星期因為病到死死下，我都唔想食野，今個星期一好番，就即刻晚晚唔番屋企，亞媽嬲死我架啦。 因為今個星期好忙呀，攪到我星期一果日7:00先走人，但約又係7:00喎，所以我係遲到架。不過因為約埋大妹姐，但大妹姐又係遲到喎，所以其實都相差不遠，大約7:45到達元氣。 食左一輪之後，其實覺得冇咩特別野好講，好似怪怪咁，大妹姐就不停話﹕好眼訓呀，要快d番屋企訓覺啦。攪到我都唔好意思叫多一次之後就走啦，但因為實在冇時間買去新疆的裝備，所以叫左不嬲可以好夜訓的亞晶陪我行街，最後可以叫買左件cool max的衫，想買褲都買唔到，再加上時間又差不多啦，所以走人lu。中途不停講笑話，笑死我啦。 回家途中接到碧茹的電話，原來佢想叫我幫佢print野，我果一刻問番佢，幫你print左咁點拎比你呀，原來我完全唔記得左靈修team呀，多謝碧茹提我咋。所以我加快咁返屋企沖涼後即訓，因為明天又要早起啦。

>>September 8, 2006 at 4:13:43 AM GMT+8

2006 年 9 月 3 日 星期日 【雷雨】

■■■	為父為母的心腸	■■■
只在你們中間存心溫柔，如同母親乳養自己的孩子。 我們既是這樣愛你們，不但願意將神的福音給你們，連自己的性命也願意給你們，因你們是我們所疼愛的。 尋日組的同工相聚中，分享以上的聖經，為父為母的心腸究竟是什麼? 就是看你所照顧牧養的弟妹如同母親乳養自的孩子，看她們為你自己的孩子。 如看每個為你的孩子時，你就會想到究竟應該如何牧養她們，她們會否是比人疏忽呢、她們會否心靈飢餓呢、她們會否發育不健全呢(在神家中成長)。當你要牧養人的時候，你就真係要仔細思想。 最後為人父母的甚至連自己的性命也願意給她們，因她們是你們所疼愛的。做任何選擇的時候，都希望為她們想想，有時可能連自己的性命都要心甘情願地為她們付出，(不是講得那麼誇，只是有時對自己所喜愛做的事，或自己幾時出聚會，也要在她們的角度上思想後再為自己決定。甚至要自己捨己，可能會少訓左d時間，因為要陪佢地親近主，有時會少左自己溫書的時間，因為要搵時間同佢地傾計。

>>September 4, 2006 at 2:42:11 AM GMT+8

2006 年 9 月 1 日 星期五 【晴】

■■■	黎緊要去北京及新疆	■■■
9月13-18日又要出團啦，今次又係一年一次北京團，跟住再去新疆。新疆今年我地去行火焰山，我其實都唔知要預備d咩去，我只知道我要個病快d好番，跟住先有精力再去諗野同預備d野。北京團而家有37人，新疆團就有30人，不算太大，同埋我地交左比旅行社攪火焰山果part，所以我地只係參加活動，應該比較輕鬆掛。 願主使我今次能有閒情去經歷主偉大的創造啦，因為聽聞火焰山有好多天然的石同古蹟。

>>September 2, 2006 at 3:28:48 AM GMT+8

2006 年 8 月 31 日 星期四 【晴】

■■■	9月1日啦	■■■
詩篇90 神人摩西的祈禱）主啊，你世世代代作我們的居所。 諸山未曾生出，地與世界你未曾造成，從亙古到永遠，你是神。 今朝去了靈修team，雖然又過了一年，但彷彿佢地冇改變咁。我心裡真的真的寶貴每個姊妹。難得持守及堅持。 今朝又係與去年一樣，又係睇詩篇90，當中被吸引的是﹕我們相信的那位，但從亙古到永遠都永遠，永遠，永遠不改變的神。主是我們安息的地方，也能在當中得到十全的保護。黑社會都要收你錢才可以保護你，其實也未必能真正保護到你，但在那位從亙古到永遠的神裡面，我們能得到免費的十全保護，祂還應許你其他好多野tim，你有否諗過呢?

>>September 1, 2006 at 4:12:19 AM GMT+8

2006 年 8 月 27 日 星期日 【晴】

■■■	病到我死死下!	■■■
足足病了一星期，彷彿好似未好過，又唔見有咩好轉。整個人整個星期好似發緊夢咁呀。 由上星期喉嚨開始痛、跟住咳、跟住冇聲，最後到星期四晚去睇醫生，醫生話氣管炎，星期五全日休息，之後星期六-日去左大牛camp，又到星期一、星期二同星期三都係咁，未好番，最大問題係明明冇痰都咳到有痰，好似d老人家咁，把聲又唔得，個人又勁攰。 星期日已經食晒d野藥啦，其實好少食晒d藥都未好番，美蘭姐話我可能係大牛camp出事，明明好番因為唔夠訓又差番喎，可能啦，所以lee幾晚我番到屋企就係食，跟住食藥，跟住好準時大約10:00對眼就自動合埋咁，要訓。晚晚就係咁訓訓訓。但訓又唔覺特別好喎，好似好熱，又好似好凍咁，晚晚就係咁又過1日啦。 到今日為止，仍然係咳同有痰，把聲仍然未好番。見字者請為我多多祈禱，我9月1日仲要去靈修team架。

>>August 30, 2006 at 4:53:22 AM GMT+8