2006 年 6 月 18 日 星期日 【乍寒還暖】

■■■	冇那那又比人話	■■■
星期六果日，前陳會長(前任姓陳的會長)話今個星期三約左武漢海聯會d人食飯，叫我約會長同另外3人去，點知4個人得1個話ok，咁米照覆佢秘書啦，點知今朝為左lee單野又比人話我溝通有問題。因為得1個人，咁我米照問比錢果度點呀。係米攤份呀，因為我地會冇錢架喎。就係lee句就出事。 今朝前陳會長打比出席的那個副會長，話左足足幾分鐘，就係話點解我地冇budget預算係食飯，咁係米餐餐都要佢比呀。跟住就牽連好大啦。因為佢話星期三食飯cancel，黎緊答應去天津做論壇主持人又話唔做，跟住9月份去北京又話自己唔去，唔好預佢喎。唉...........救命呀。我今朝一聽左之後，惟有勁為自己祈禱，求主幫我對答啦。 中午會長同副會長一齊打比我，問我究竟講左d咩，點解前陳會長咁興喎。我惟有一五一十咁講晒出黎，結果我都唔知係點架。惟有求主幫我啦。 無辜受牽連，真無奈呀。

>>June 19, 2006 at 6:47:45 AM GMT+8

2006 年 6 月 17 日 星期六 【晴】

■■■	親近主的提醒	■■■
人到我這裡來，若不愛我勝過愛（愛我勝過愛：原文是恨）自己的父母、妻子、兒女、弟兄、姊妹，和自己的性命，就不能作我的門徒。 我們要留意，主用「恨」這個字，從沒有意思說人要憎恨自己的父母、妻子、兒女、弟兄、姐妹。祂只是強調相比之下，對祂的愛必須超過所有其他的愛。人若要成爲真門徒，就必須對祂有超越的愛。一個門徒不能因為對家庭的顧慮，而背棄對主的忠心。這種「恨」不是一種仇恨、仇視，而是一種對立、一種堅拒，堅拒撒但藉著任何人事物妨礙我們跟從基督。一個人如果同時事奉兩位主，必然會「愛」其中一位，而「恨」另一位。他會對自己較「愛」的一位表現出親附、忠誠和賣命，而對自己「恨」的一位則否。這是說，主帶來了救恩和真理；但當人不是普遍地接受時，信主與不信的人之間便產生了一種對立和衝突（信仰衝突），而這樣的衝突最首先、最直接的會發生在他們的家裡。因此，在關鍵性的時刻，基督徒往往要從基督與家庭之間作選擇。他們必須首先考慮基督的命令，才顧及父親、母親、兒女；而這種選擇在家人看來，無疑是一種「恨」。這是基督徒要付的代價。主的話是絕對的，如果我們沒有愛祂勝過愛我們的家人、勝過愛自己的性命，我們就不能作祂的門徒。沒有中間路可走。

>>June 22, 2006 at 7:31:30 AM GMT+8

2006 年 6 月 16 日 星期五 【陰】

■■■	忙碌的星期六	■■■
早上係得閒得好緊要，因為今日得我一個人係公司，會計同亞姐都係短周，所以我冇叫我自己做任何野，只係等時間過等放工。 1:00那林林走人，去到大牛買左腸粉就番上2B食。途中不停同電話比人，問佢地係米黎緊呀。今日我會參加初信聚會，因為可兒、EDITH、YUKI同KELLY都會黎。一個人確實好難傾到咁多個，所以惟有選擇同可兒傾下計，同佢熟下。佢真係一個咩都唔知的小朋友，但又好鍾意返聚會，希望佢比聚會吸引啦，因為其實佢都想返都係朋友的關係，佢話唔係好明白聚會究竟講緊D乜，真係要多D為佢祈禱先得。 因為同左可兒傾計，而冇機會同KELLY傾計，所以都唔知佢情況係點，上次福聚同係慧珊同佢傾，唔知佢點呢? 傾完計就去擘餅聚會啦。而YUKI就係倩盈的同學，但因為佢都唔係咁想返聚會，只係因為倩盈問得多，所以先黎，下次未必會黎。而EDITH就係天主教徒，由細到大都係，我真係為佢傷心呀，由細就只認識一套錯誤的宗教，仲以為自己所信的是對。 聚會完左之後就落大牛祈禱。祈禱完之後就參加家族同工相聚，由7:00坐到9:30呀。真係辛苦呀。下次如果都係夜晚開的話，真係要買定野食呀。因為太肚餓啦。不過今次傾得幾好呀。有D方向式的問題，大家都一致。而對我地團有利的方向也算明朗，願主繼續祝福同帶領我們前走。 相聚完之後，因為要傾下星期六分家團的安排，所以我、慧英、敏萍姐同大妹姐就去左林記度食野，因為如果再同子誠哥哥食，我估有排都未返到屋企。食到10:30就返屋企啦。今晚真係過得充實呀。

>>June 22, 2006 at 7:23:55 AM GMT+8

2006 年 6 月 14 日 星期三 【陰】

■■■	同慧英慶祝生日	■■■
星期三晚同慧英慶祝生日，近幾日因為中午用左d時間睇踏定教會路途本書，所以唔係食左太多野，果晚7:30去到都未食得，但其實個胃有小小唔舒服啦，最後差不多要8:15先食飯，一食就知一定出事，因為個胃頂住頂住，最後返到藍田都係頂唔順去左廁所嘔番晒d野出黎，真係辛苦都死呀。下次早d話我知咁遲先食飯呀唔該。 食完飯去同慧英睇背囊，但我都冇心情睇呀，因為太辛苦啦。大妹姐又顧住自己買野喎，明明話係佢買架嘛，又唔睇，最後我話去旺角的時候同佢睇。跟住搭地鐵的時候，又同亮紅一齊，我實在冇心機同佢講d我唔係我明白的野。問我傳真號碼點用?我真係唔係好明，攪完一輪先知原來佢話睇到份工，但果份只有一個傳真號碼，咁我先了解佢講緊d乜。最後我都解釋左佢知，最後佢問我勞工處好似唔洗錢傳真架喎，我都識點答佢，因為我真係唔知喎。 嘔完番到屋企好似冇食過，我到今日中午食完飯又嘔，真係唔明點解，好似又冇食野咁，但其實好辛苦架。夜晚我都唔敢食飯，只係食左碗通粉咋。我一定要講番佢地知先得，唔該我生日我唔會揀去果間食野。

>>June 16, 2006 at 8:34:34 AM GMT+8

2006 年 6 月 10 日 星期六 【乍寒還暖】

■■■	芬芬的受浸聚會	■■■
今朝早一早就起身啦，因為要call醒少媚同阿怡，跟住就執好d野就出門口，因為我去油塘參扶阿怡黎大牛同攪下佢塊肉醬。當我去到大牛其實已經10:45啦。扶左阿怡去擘餅，我再join番親近主。今日好開心呀，因為見到少媚又準時到聚會喎，仲可以一齊親近主tim，超勁開心呀。仲有佢地肯留低玩啦，我地差不多7:30先走人呀。 親近主又係睇腓立比書，保羅真係為主撇下一切，人生的追求的路要清楚，如果唔係只會跟住世界走。雖然得小小時間，但我心裡都有股說不出來的大喜樂，可能真係camp中有不少的得著，也有可能係姊妹的心願，令我心興奮。 聚會時東雄講的比較難吸收，可能佢太疲倦啦，尋日又要預備信息，又要帶遊戲，今日明顯地疲倦。願主加佢力。 下午就係芬芬的受浸聚會，今次共有6個b/s受浸，其中一個係志光的爸爸，所以人特別多。而最深刻的有個弟兄，佢叫蔡金棠，佢之所以揀果日受浸，是因為果日就係佢太太(姊妹)的生忌，佢太太早前因為癌症而離開了。果一刻真係感動到我流淚，佢話佢可以做的只可以係同日紀念佢，但佢會努力返聚會同跟隨主，眼望住佢2個好細的小朋友時，真係難過呀。 之後的慶祝會係由碧茹同雅婷hold，真係好開心呀。玩的時候真係笑死人呀。笑到我肚痛呀。最攪笑係大妹姐扮芬芬喎，又係一絕。 玩完又到玩"爛骨頭"的時候，大妹姐的名句又出黎啦，再有多2句tim。不過我下次都唔玩咁多，因為我連發夢都係玩緊佢，仲不停少媚你d頭髮阻住我呀。哈哈。

>>June 15, 2006 at 8:36:47 AM GMT+8

2006 年 6 月 9 日 星期五 【乍寒還暖】

■■■	星期六的聚會	■■■
星期六又係短周的日子，所以我一連放4日，好正呀，不過因為去camp去疲倦啦，所以訓到差不多10:00先起身。跟住食埋早餐之後就出門口啦。今日約了一齊親近主，但個個都遲到。差不多1:00先開始，下次要準時d啦。 當睇腓立比書的時候，保羅話要常常喜樂，係要常常，因著主而喜樂。當你跟隨主的時候，當你體會主是復活的時候，你便會喜樂。 今日的聚會好開心呀，1.因為見到少媚準時2:30黎到聚會，2.志明所講的我十分有同感，3.我係擘餅聚會中開聲。

>>June 14, 2006 at 7:34:47 AM GMT+8

2006 年 6 月 8 日 星期四 【溫暖】

■■■	F.5 CAMP~3	■■■
係CAMP中相交最深刻的係KINKI，好深感受佢比主愛震撼佢心同佢認真對主，也體會佢的改變。 另外，芬芬同慧珊屋企的難處，也放係我心裡，但其實自己的表達方式真係要改變。同時我也發現慧珊真係冇手尾架d野，又冇記性，同埋係好倚賴人，咁樣出外真係好好有問題。 少媚同阿怡也熟了不少，不過阿怡其實較早前已熟左d，但少媚因為會考冇見一段時間，所以少見面。但經過今次camp之後，佢地都有心志，就係穩定地返聚會。 另外，當志明哥查腓立比書的時候，佢講4章都有要點﹕ 人生的工作、生命的目的 人生的道路、生命的樣式 人生的追求、生命的得著/獎賞 人生的供應、生命的力量 你的人生究竟想清楚未? 今朝起身已覺好大雨，大家好眼訓咁。不過冇辦法啦，叫早d訓又唔肯，但都叫做享受了片刻的安靜，跟住聚會後少薇姐話係黑色暴雨，果一刻又知道冇得走住，本來好趕的午餐，最後可以慢慢咁食，之後仲有時間同芬芬同kinki傾下計同食暑片tim。再加上我收到子誠哥哥的書簽呀，真係喜出望外呀。坐車的時候，子誠哥哥又係同我坐車尾，全程都好攪笑。 途中因為慧英叫我地去小組，其實有小小唔係好想去，因為真係太疲倦了。但慧英叫到，好啦。不過好彩我地去有咋，原來官中果邊早放，但又冇同慧英講，如果唔係我地去，可能只得3丁友小組咋。不過佢地去小組都好，起碼彼此再有支持同祈禱中互相支持呀。

>>June 14, 2006 at 3:03:50 AM GMT+8

2006 年 6 月 7 日 星期三 【乍寒還暖】

■■■	F.5 CAMP~2	■■■
今次去camp的F.5有﹕雅婷、慧珊、少媚、阿怡、碧茹、芬芬、kinki同德莉。仲有我同佩茹啦。真係最多人的一團。尋晚的相交，我發現原來個個都有自己的擔子，也有個別的難處。但寶貴難處可以互相的分擔，也可以彼此代禱。 我也發現我地團個個都感性架，芬芬喊的時候，KINKI望住佢又會喊，慧珊相交又喊，少媚相交又喊，但我寶貴大家可以真的講到心事，因為大家都是一家人。當走天路的時候，我寶貴有一班B/S一齊走，不是獨自一人。我更寶貴大家在主內的心願。 相交到3:00先訓覺，但8:00又要起身啦，因為10:30有聚會，所以又要掙扎地起身，在床上思想﹕今日有主是最精彩的。雖然天氣唔好，只能係門口親近主，但個個都聽話咁預備好自己咁坐定定。我真的好歡喜，大家同有一心志向著神。 親近主時有KINKI的領詩，有雅婷的預備聖經。真的舒服呀我。當我聽雅婷的分享時，佢所講的正正是我早前當經歷難處時，自己心裡的感受，但雅婷講到這全是魔鬼的計謀，利用我地以往的陰影來影響我地，我地唔好理會佢呀。哈哈。主用雅婷所講的來幫我。主真係妙呀。在此，多謝雅婷。 聚會中，子誠哥哥再仔細講腓立比書。再查考1-2章，體會從前逼迫教會的掃羅，因著主的開眼，使他改變成愛主的保羅。 下午原本係自由活動時間，我地返左去玩"爛骨頭"，之後就真係因為身體上需要而要休息下，我實在太疲倦了。原本好想同姊妹個別傾下計，但真係頂唔順，所以去訓覺，一訓訓到5:30先起身，因為6:00食飯呀麻，哈哈，LEE個CAMP一係食、一係訓、一係聚會同講野呀。 我襯有時間出左去同主祈禱，跟住就去食飯lu，又係食，今次仲嚇親同枱的志漾同冬菇tim，佢地發現原來d姊妹係咁大食架。哈哈。當冬菇問我照顧佢地辛唔辛苦的時候，我答佢﹕我唔辛苦架，睇住佢地食已經好開心。真的體會為父為母的心腸，我唔會偉大到自己唔食淨係望住佢地食，但我真係希望將最好的留返比佢地。 晚上的相交聚會，我真係沒有諗住相交，唔係唔投入，而係我渴望佢地F.5的相交，因為今次CAMP係為佢地而設，我只係參加。佢地先係主角，所以我覺得應該留番D時間比佢地。我地團當中有雅婷、慧珊、阿怡、佩茹同KINKI，也是KINKI的相交最感動，因她的體會是最大的，也是最發自內心的，同樣也是最激勵到人的。 聚會完後返到房又係繼續的相交，因為早上親近主時沒有相交，同樣佢地晚上又冇咁多時間相交，所以晚上又有相交聚會。今次定的題目係﹕今年暑假的目標，及5年後在主內的目標。第1個相交的係德莉，佢的目標原來話係結婚喎。佢浮誇的動作，真係笑死人。其實定lee個題目，只係想大家真係想清楚自己的目標，尋日晚上的感動，要化作動力，再加上明確的目標才能長久地幫到自已，如果唔係只會係3分鐘的熱度，一時衝動，好想進步，但最後卻只會原地踏步。 而5年的目標，個個都話好長，其實真係唔長架，不是在世的目標，其實係想大家思想下在主內的相標，是否仍然想被人照顧，是否仍然想同現在的一樣，如果唔係，就應該大有想望，主可能係5年內返黎呢?(我不是說預言)，但主真係好快返番，當你仍然沉醉你的個人理想中的時候，當主真係返黎，你是否已經裝飾整齊等候主。 最後又係相交到3:00先訓。雖然係好眼訓，但最後都有祈禱先訓，我同德莉祈禱的時候，彷彿佢係訓著左咁，又唔知佢聽唔聽到我講野。一陣又會問﹕咩呀。哈哈。

>>June 13, 2006 at 9:17:20 AM GMT+8

2006 年 6 月 6 日 星期二 【乍寒還暖】

■■■	F.5 CAMP	■■■
尋日冇那那話今朝要開會，起初我仲諗住著運動褲架麻，點知因為要開會，所以著得要斯文小小，但我冇理由著高~Z鞋架麻，不過感謝主係公司有對斯文小小的鞋放係度，所以換埋鞋其實都ok啦。 開完會我先知真係有一大堆野未做過，開埋會食埋飯先番公司，跟住就趕住做野，好想係放工前做晒d野，但因為冇那那有攪個籌款比賽，好多野都要攪，最衰係會長要飛啦，所以趕住係今日裡面趕起晒d文件。但我幫亞姐打好第一份之後，其實都已經接近6:00，我d電話開始不停響，果一刻亞姐先醒起原來佢唔記得我lee2日係放假，佢話佢唔記起喎，跟住問我係米趕住走，又問我係米要放晒2日，我惟有答佢我真係要放晒呀，因為我入camp啦，我真係趕住呀，因為我趕小巴呀。就係咁亞姐惟有放我走，不過我估我沒有下次的機會。 我打多一份通告之後就趕住走啦，因為我真係想快d入去聽信息，途中仲同敏萍姐傾電話，去到油麻地差d唔記得落車，其實係我要係嘉樂商場附近搭小巴，又其實我唔識得去架喎，不過真係感謝神呀，比我盲中中咁搵到個小巴站，由油麻地去西貢真係快得緊要呀，我估大約30分鐘就到西貢碼頭。之後又好感謝主比雅婷撞到仁坤，佢話搭的士入喎，真係好呀，唔洗比錢呀。 去到放低d野就去聚會啦。係聚會中志明哥查腓立比書，講得有深度，真係令人希奇呀。要再花時間去思想先得。之後回到房的時候，因為配房問題，最後joan姐要去麗玲姐度訓，跟住我同雅婷就迫左入去8人房，第1晚有9張床架，不過我地有11人，我地第1晚便相交啦，起初的相交係冇咁deep，簡單d，但當越圍越多人的時候，大家都相交大家係聚會的得著及難處，我真的寶貴我能入camp，使我有機會與大家再熟落及明白大家更加多。

>>June 12, 2006 at 9:09:11 AM GMT+8