2006 年 7 月 21 日 星期五 【晴】

■■■	繼續慶祝生日	■■■
尋晚一個十年冇見的小學同學約我食飯，本來約左7:30係apm等，但我最後要8:00先到，冇計啦，尋日一朝去左灣仔拎d冇謂的邀請咭，差不多10:00先返公司，跟住不停做，不停做，做到lunch，跟住冇那那個會計又話自己唔舒服，要休息，都唔係好明，1個星期可以病咁多次，上次就話傷風，今次就話食錯野，又要訓覺啦。咁又要做埋接線生，自己又要打電話，又要聽電話，真係忙得緊要呀。 差不多5:00先收齊晒將要出街的書的e-mail，print晒出黎都差不多6:00，再對一次，跟住諗住亞姐拎返屋企對啦，因為佢星期六off，點知佢話叫我等佢睇埋先走喎，一等就等到7:15啦，冇計。亞姐大晒。之後那那林撇。 今次去食飯的地方係上次亞晶帶過我去的Relaxing Tea House plus caf讜 Aroma，今次去人比較多，上次去的時候，全間鋪頭都冇人，今次去就FULL晒喎，真誇張，不過地方都叫舒服，又坐得耐，差不多10:15先走人。咁耐冇見，大家都覺得大家冇變，仲問番有冇見過以前的同學TIM，佢唔知點解好似好清楚D小學同學做緊乜咁，佢話我知最攪笑係D男仔﹕有個做左黑社會大佬，有個做左送外賣，仲有個原來係藍田M記做經理TIM，真係攪笑呀，D女仔好幾個都結左婚，有D就變得好靚。大家都住藍田，唔係好明點解佢會撞到咁多人，我就連一個都撞唔到。

>>July 22, 2006 at 1:45:18 AM GMT+8

2006 年 7 月 18 日 星期二 【晴】

■■■	生日竟然會有人工加?	■■■
尋晚放工的時候，亞姐冇那那同我講，老闆決定再加我500蚊人工，咁我問點解冇那那又加啦，因為3月先加完，今個7有冇那那點會加架呢?原來佢話我知會計因為剛剛過左試用期，而會計佢話佢要求個人工同我一樣咁高先留係度做，如果唔係佢會辭職喎做喎，咁亞姐就同d老闆佢地商量，咁會長就覺得如果又要另外登報紙請人，又要轉人，又唔知新請果個得唔得，咁不如沿用lee個啦，橫點而家會計都差不多人工，咁所以決定加比佢。我聽完之後就知點解會計點解近排咁開心啦，因為佢加薪幅度真係好高，試用期之後佢加左3500蚊人工呀，而我點解會加，因為d老闆話我點都做得耐過會計，如果會計人工同我一樣的話，驚我會唔開心喎，所以加多500蚊比我，我聽完之後，我真係唔希罕佢果500蚊呀，亞姐仲要話係象徵式咁加小小比我，比我覺得有分別喎。我超。 亞姐跟住仲問我﹕點解話你知加人工，你一d興奮都冇?你唔開心咩，加左你500蚊喎。我想同佢講﹕如果係因為別人同我人工一樣，而加我的話，我唔覺得有咩值得開心喎。況且我唔覺得有咩咁興奮喎。 走之後，忍唔住打比秘書姐姐同佢講，佢話我而家地位冇之前咁高架啦，連會計都多過我，又話老闆又係果句，比d心機做，同因為加多500蚊，所以叫亞姐比多d野我跟喎，我真係想講﹕多過500蚊，又要咁又要咁，會計加3500喎，佢又可以準時放工，又可以傾電話，又可以咩都唔洗做，你覺得公平嗎? 尋晚因為太激氣啦，所以去左元綠食壽司，食豪d，豪果500蚊比佢呀。

>>July 20, 2006 at 4:10:31 AM GMT+8

2006 年 7 月 17 日 星期一 【晴】

■■■	不停慶祝我生日	■■■
星期日 同屋企人去左美麗華酒店食buffet，講起美麗華就激氣。因為我上個月係佢果度開會的時候，個部長話可以同banquet果邊講，可能食buffet有得平架。咁我見佢咁講咁我米去問下個banquet個副總經理啦，當我問佢的時候，佢話我知，得佢先可以discount我架咋，其他人都比唔到，傾完一大輪，佢先話最多最多可以比75折我喎，咁我就難開心咁話比家姐知啦，點知家姐話我知，通街都拎到75折啦，因為一打電話去book的時候，佢就會話你知，飲食男女有cuopon可以剪架。我即刻想打比果個高層話佢。 星期日完晒聚會去到美麗華都已經7:00，食左幾碟都已經好飽，今次又係果d燕窩buffet，同上次我食的一樣，咩野都加d燕窩落去，咩名都加燕窩2個字落去。 甜品就冇咩款式揀，d熟野又麻麻地，最攪笑係刨冰同燒烤果d係一齊，d油周圍都係，但又會有人係度整刨冰。跟住我地同d吸煙區坐得太埋，麻麻地enjoy。 星期一 同舊同事去左尖沙咀海運裡面間Dan Ryan's Chicago Grill食野。今次有coco、nicole、溫小姐、janice同亞東。有janice的地方就有笑話架啦。果間餐廳我都係第一次去，但佢果d rub就冇意粉屋果d咁好味，比較乾，但碟碟都好大碟，6個人食左5碟野，一碟係凱撒沙律、一碟係炸魚、炸蝦、炸魷魚，一碟係rub同燒雞同薯條，一碟係意粉、 一碟係小食(薯仔皮、洋簸擐P雞翼，但仲要係每人一件蛋糕同法國麵包，真係飽死呀，眼見個個外國人都不停食，我係度諗如果我日日都係咁食，我驚我遲早都係咁肥呀。 食飽左之後，仲有一件超肥的蛋糕tim，仲有人幫你唱生日歌tim喎。真係開心啦，不過果件蛋糕，我地都唔係好想食。最後行左陣海港城就走人lu。 星期三又約人食飯、星期五又約左個小學同學食飯，星期六可能又約b/s，下星期二就到我媽媽生日，又係食呀。.......................食食食。

>>July 18, 2006 at 10:21:03 AM GMT+8

2006 年 7 月 15 日 星期六 【晴】

■■■	第1次join少年團	■■■
星期日第一次join少年團的聚會，心情有些興奮。我只知聚會時間係10:45開始，大約去到12:30，但裡面會做咩就唔知啦。今日去到地鋪已經比較趕，多謝阿怡的領詩，幾好呀。敬拜完左之後就去少年團啦，今次特種部隊有惠儀仔、曉琳、我同大妹姐。而大妹姐因為要講信息所以大約11:30就走人。 少年團的聚會真係好攪笑，但我地得出的結論係負責的哥哥一定要咩都得，首先係領詩啦，要自己彈埋結他，跟住領詩的時候又要加埋分享同攪下氣氛啦，之後又係果個哥哥講信息喎，今次係用無神論大會講，所以個哥哥一人扮演5個角色，仲要轉聲喎，另外個powerpoint仲要自己做埋tim，之後就係分組扮演的時間，途中又要控制秩序同招呼下d家長，聚會完之後就係玩遊戲同生日會，亦都係果個哥哥負責，一日聚會全包宴咁。勁呀。 不過d小朋友都幾好呀，打聽完之後發現大部份都係中產階層弟兄姊妹所生的仔女，所以物質好豐富，個個都有手提電話，其實我都唔係好明架，要黎做咩呢?阿爸阿媽係3樓聚會，個仔女係2樓聚會，唔通咁都要打電話?? 男仔小朋友係比較活躍，周圍走，女仔比較斯文，女仔普遍都鍾意打扮同叻，或者係學好多樣野。最重要係當d阿爸、阿媽一聚會完，d小朋友就唔見晒，因為全部都接走晒，好似托兒所咁，十分攪笑。

>>July 19, 2006 at 3:45:34 AM GMT+8

2006 年 7 月 14 日 星期五 【晴】

■■■	星期六的聚會	■■■
星期六初信有﹕慧玲、可兒、dubby，所以聚會的時候陪左佢地入初信，我主要陪慧玲，佢的反應都幾好呀。好似同你好熟咁，咩都可以講，不過佢就去唔到我地camp啦，因為佢答應左另外教會去camp，不過佢會去創興喎，希望更多人同佢熟啦。 今次聚會講主必快來，起初都驚佢唔明呀，不過又ok喎，佢又明喎，仲話好簡單姐，主耶穌有1日會返黎接我羅。果然醒目。完左聚會之後，本來諗住叫少媚送佢走，點知佢淨係叫我喎，又係咁同少媚講﹕唔洗送啦，好近架咋。唔洗你送啦，琳琳送我就得架啦。情景好似好驚少媚咁，跟住同我講，其實唔洗送都得啦，橫點咁近呀。哈哈。 擘餅聚會少左子誠哥哥同music team，感覺真係好少欠咁d野咁，投入情度比較低，好似好想快d聚會咁，個人感覺咋。不過惠康哥哥的分享往往都能觸動人心的。 完左聚會又係同工相聚，acutally我prefer祈禱完左之後先傾野會好d，好似為左傾野而傾，咁同開會冇咩大分別。當有人有意見的時候，磨擦就會發生。惟有在主內有一同的睇見，才能平心靜氣咁傾。 當傾到wild camp的時候，那個羅啟賢不停問﹕究竟有幾多人去呀，究竟有邊d妹會去呀，究竟約幾點入呀你地，不停問lee樣，問果樣，攪到我地話﹕羅啟賢你係米請食飯呀。問咁多我地而家答唔到的問題，你想點先。最後都係答佢唔到架啦。惟有再問d妹啦。

>>July 20, 2006 at 8:33:37 AM GMT+8

2006 年 7 月 10 日 星期一 【乍寒還暖】

■■■	發夢去左馬來西亞	■■■
lee幾日都擔心雅婷同慧珊佢地2個出外，唔知會攪成點。我已經好似亞媽咁不停吹佢地買齊晒d野，又要叫佢地預備d咩野、咩野，跟住尋日當佢地真係要走的時候，心裡真係有d唔捨得，係咁不停叫佢地好好照顧自己，留意自己的財物，又叫佢地平安呀。好似有講不完的話說。當到7:30的時候，我又驚佢地上唔到機，成日諗唔知會唔會唔記得帶証件呀。 尋日同慧珊傾電話的時候，先最驚，已經11:30架啦，都未攪店，又話要upload相機d相，跟住又唔識得去中港城，又唔知點去，仲問我係米係海旁果邊，嚇死。跟住我問佢機票果d袋好未呀，佢竟然話我知boarding 果張呀。我果一刻仲驚，邊有咁快有boarding呀，我問佢果張係米e-ticket，佢就話唔知呀。仲仲驚。跟住我話果張應該係e-ticket黎架，你要小心保存呀，唔好唔見，因為回程的時候，你都要拎番張紙出黎架，佢就答我﹕下，乜係咁架咩。我仲仲仲驚多幾分。 跟住尋晚就係咁諗佢地幾點到呀，會發生咩事呀，見唔見到亞公同群英姐呀，所以尋晚發夢竟然夢到同佢地2個一齊去左馬來西亞，真係日有所思，夜有所夢。

>>July 11, 2006 at 2:25:57 AM GMT+8

2006 年 7 月 7 日 星期五 【晴】

■■■	福音聚會	■■■
星期六的福聚，我陪左雅婷的同學仔-慧玲，上次其實佢都有黎，但因為唔係我傾，而佢比我的印象都幾cool，唔多講野，可能讀理科啦，同埋雅婷話佢上次都有好多問題，所以未信，今次再約佢黎，起初我心裡都想佢今次未必咁順利信主，但我感謝主聽左多人的祈禱，今次慧玲竟然一tick就tick現信喎。嚇得我一跳呀。原來主係早2日已經預備左佢個心，而佢係2日已經參加一個演唱會，但果個係一個信主的人講番自己的改變。佢果時其實已經諗住信，跟住佢再參加星期六的福聚，所即刻決志祈禱。今次同佢傾計的時候，我才發現原來佢都幾玩得，又唔係太cool喎，一黎就不停問我叫咩名呀，做咩架你。同上次見到佢的時候，係完全唔同，真係主親自預備佢個心呀。同時，希望佢能夠穩定的參加聚會啦。

>>July 10, 2006 at 9:27:22 AM GMT+8

2006 年 7 月 7 日 星期五 【乍寒還暖】

■■■	電話費超標	■■■
尋晚由9:00開始傾電話，不過淨係傾福音聚會有邊個黎，安排下邊個陪邊個，同埋同亞怡傾左一陣，都傾到11:30，之後再打埋比慧珊，因為佢剛剛放工，最後攪到12:00先沖涼。由於不停傾電話，攪到電話LIMIT超標，今次都應該再比多200蚊TIM。真係肉痛啦。我要CHRAGE番慧英叫我等佢講手提的時間先得。 尋晚臨訓前都有為每個將會黎的祈禱，跟住為埋自己訓覺祈禱，一祈禱完就訓著了。真係快得緊要呀。 今朝睇雅婷的日記時候，心裡好寶貴佢對每個姊妹的愛，感動最後都有提到我。哈哈。其實冇諗住架，雖然只係小小禮物，但我深信主預備比她的必是更大、更美的禮物。勇敢為主走上啦。好好照顧自己呀。我對雅婷同慧珊都有信心，就係佢地2個返回必定會不同了。

>>July 8, 2006 at 4:59:19 AM GMT+8