|
2005 年 12 月 4 日 星期日 【晴】
| ■■■ |
星期六去了理工畢業禮 |
■■■ |
  
星期六大半日去了理工，因為我地會捐左300萬比理工攪課程，一年一度的畢業禮實有我地份，今年又係，舊年只得亞姐去架咋，但今年因為佢話有成120個畢業生會出席午餐會，而午餐會又係我地比錢的，我地會送d紀念品比佢地，所以亞姐叫埋我去。
去到理工差不多11:30，原本諗住佢地冇人幫手，點知原來有4-5個女仔幫手，仲已經放好晒d紀念品，咁果刻我登起眼望住亞姐，因為星期六係我最唔到出去的時候，因為又要趕住走，今日又係分家團擘餅tim，所以我更加唔想遲到啦，但亞姐話果邊冇人幫手，如果有都唔想叫我去啦。我叫佢去問清楚又唔問，最後原來佢已經攪好晒d野，我只能o著咀望住佢。
之後為左打發時間，我地去樓下望下個場地，因為要影大合照，所以要攪個地方，其實都係想唔好咁無聊姐。到12:30午宴開始的時候，會長因為係理工的名譽院士，佢又同校長食緊飯，所以佢係親小小時間走過黎講幾句說話之後就走，但大合照的時候，又走過黎影相，所以佢係蛇黎蛇去的。
食完飯之後，我地就同佢地落去霸地方影相，我就同亞姐一人拎住會長同常務副校長呂新榮的院士袍，原來佢地d貴野係唔同d，係特別重架，仲有頂博士帽，拎到手到痺呀。等佢地黎都等左10分鐘，佢地真係跑到咁黎架，影完相之後，佢地就走，我都趕住走，因為要趕返大牛擘餅呀。
2:00去到巴士站，竟然等到2:30先有車，我真係好驚遲得太多，擘唔到餅咋，心中勁祈禱，希望快d黎啦，點知等左半個鐘先有車，不過感謝主係架車好快就到創紀，我大約3:00就到大牛啦。
|
>>December 7, 2005 at 8:09:00 AM GMT+8
2005 年 12 月 1 日 星期四 【晴】
| ■■■ |
接待湖南友 |
■■■ |
12月1日，一早仲要去接待湖南人，因為佢地經我地邀請落黎香港，順道想拜訪幾個商會，所以我地幫佢安排拜訪活動，安排不特只，仲要我跟車同佢地去，因為車係我會長借出黎，咁司機只會聽我講，司機又唔識國語，所以我都要跟車去，就係咁早上9:30係萬麗等佢地。
人物﹕湖南省工商聯會長、湖南省益陽巿工商聯會長及海聯會副部長，3條友。
第一站﹕中華總商會，地點係中環，由於我地係灣仔出發，時間又早左，所以大約9:40就到人地果度，一入度去，佢地真係未ready好，仲要問我點解早咁多到喎，大佬我都唔想架，早左咪早左羅，咁米坐係等下羅，坐低的時候，有個乜主任入黎，佢竟然國語係唔識得講，又好串咁講，話我地d會董唔係度返工架，冇咁早到，所以你地要等下，睇下video先啦。跟住又坐一陣，之後就等d會董到，一個個咁到，所以等到10:10先齊人，個個都講下野，但d會董都好老，個個都係伯伯黎，最攪笑有個永遠名譽會董，佢講左3次話去拍照，次次都唔等人講完就話去拍照啦係米，跟住又有個會董提佢等埋人地講完先，好似有老人痴呆症咁。
拜訪完之後就車佢地返酒店，因為佢地下午先再去拜訪，所以我就親果段時間返公司，返到會都差不多12:30，之後我仲要拆信，睇fax，睇e-mail，因為亞姐又去左開會，又係親台灣、澳門2果邊d人過黎，所以去左傾06年論壇的事，做完一大堆野之後，我又走啦，又去灣仔萬麗酒店接佢地去九龍總商會。
今次見果d又係伯伯，仲老得緊要，大約都有80歲左右，攪笑係佢地望相的時候，戴住幅眼鏡都睇唔到幾時影架喎，仲我代佢地講，係1998年呀，跟住佢地就好似講古咁講，真係唔得你死呀。之後去到4:30我地就走人啦，因為佢地要去匯合大隊食飯，跟住去機場。
當走的時候，佢地又話想去睇下相機，咁我就充當導遊咁帶佢地去睇下野，但當會長問我有關香港經濟同失業率的數據時，我只能答都好左好多架啦，答唔到佢想要的野。
|
>>December 7, 2005 at 7:23:58 AM GMT+8
2005 年 12 月 1 日 星期四 【晴】
| ■■■ |
就職典禮 |
■■■ |
今年的就職典禮係我做得最差的一年，不是我做得不好，而係d秘書唔協助，又遲黎，又唔話我講，又有自己主意，仲有個以為自己咩都得，點知一有事，佢竟然話自己唔知道喎，真係吹漲呀。
11月30日一早因為已經遲起身，又要沖涼又洗頭，所以攪到9:00先出門口，我為左快，所以揀左搭的士返公司，因為call車，所以都係收我80蚊，返到公司附近收到會計call話要買名牌，所以去左文具鋪，買完返到公司都已經10:00了。亞姐之後話會長會過黎睇下長head table擺位，等下佢，又執下野，最後攪到11:30先走人，我同會計走先，因為亞姐仲有野執，我地最後痴左某秘書的車坐，去到金紫荊都已經11:50，好快地叫左d野食，因為有班男仔幫手，好彩多得亞tim幫手，如果唔係執死我地。
食完飯，那那林去會議廳，我地晚宴的地方，我安排好班男仔執野，因為分開佢地執紙袋內的野，我地set場內的檯獎，好快地去到5:00執好晒，我諗今年因為有班男仔幫手，我地少做好多野，舊年執到我地死死下咁濟。之後就同會展breifing，叫極個籌委會主席秘書一齊開會，佢都冇反應，因為我地用walkie-talkie，佢竟然冇聽住，仲話我知有講到喎，真係激死呀。之後就開始做rehersal，因為有2個就職，又有model表演，又有武當的表演，所以好趕呀d時間，d老闆又吹住話要佢地成日等，d表演團體又未ok，最後大家吹吹下，就做左個rehersal，但因為d老闆走晒出去，所冇冇咩人係度聽我地講野。
當開始晚宴時，因為我果邊典禮的工作人員都唔係舊年果d人，所以要講得好清楚，我已經briefing左3次，又問埋佢地ok唔ok，佢地又答我ok喎，咁我咪以為佢明白晒啦。就係咁就出事，當協會就職時都ok架，但當交換紀念品時，因為ballroom team冇捉到d嘉賓出黎，d上台嘉賓個個走黎我度拎野，但我地原本係諗住輪住去，再加上又加左3個紀念品，所以一時間好混亂，會展果邊又走出2個人黎幫手，但我地冇叫佢地架喎，咁司儀就以為會展果個幫手係交換紀念品的嘉賓，就係咁又更加混亂，最後迫住係混亂中交換d紀念品，有d冇交換，有d上左台都唔係果份，跟住會長同籌委會主席黑晒口面咁望住我同亞姐。唉
過左交換紀念品之後的環節都好架，抽獎禮物果邊都ok啦，咁我就問番佢地啦，點解會攪錯喎，咁一個秘書就話﹕我唔知呀，佢仲話另一秘書唔知做緊咩，我只係遞左d野出去架咋喎，佢比咩我咪遞咩羅，我冇睇架，我咩都唔知呀，咁我又走去問另一個秘書啦，佢就比較誠實咁講話佢自己攪錯左，為左咁我地都唔開心左幾日，因為果晚籌委會主席話晚宴有99.8分，欠果0.2分就係交換紀念品果一環，而會長就話去年交換紀念品有成50分都冇錯，點解今年得10都會攪錯，唉....你估我想架咩?
全晚只係靠中午時間食的午餐維持到夜晚，夜晚只係飲左1杯水，最後攪完晒d野都差不多11:30，返到屋企大約12:30，冇食野因為太眼訓啦，沖完涼即刻去訓覺。
|
>>December 7, 2005 at 4:21:32 AM GMT+8
2005 年 12 月 1 日 星期四 【晴】
我的孩子:
你或許不認識我, 我卻認識你的一切. 詩139:1
你坐下, 你起來, 我都曉得, 詩139:2
我也深知你一切所行的; 詩139:3
就是你的頭髮也都被數過了. 太10:26-31
你是照著我的形象所造的. 創1:27
你的生活, 動作, 存留, 都在乎我, 徙17:28
你也是我所生的. 徙17:28
甚至在你尚未成形以先, 我已曉得你, 耶1:4-5
在創立世界之前, 我已揀選了你. 弗1:4
你不是個錯誤, 你所有的年日都寫在我的冊上, 詩139:15-16
我定準你的年歲和所住的彊界, 徙17:26
你的受造, 是極其奇妙可畏! 詩139:14
我在你母腹中塑造你, 詩139:13
領你由母腹中出來. 詩71:6
我被不認識我的人所誤傳, 約8:41-44
我並非冷漠而憤怒的, 乃是完全的愛. 約壹4:16
我願在你身上揮霍我的愛,
只因為你是我的孩子, 我是你的父親. 約壹3:1
我能給予你的, 遠超過地上的父親所能給予你的, 太7:11
因為我是完全的父. 太5:48
你所領受各樣美善的恩賜, 都是從我來的. 雅1:17
因為我是你的供應者,我必供應你需的一切. 太31:33
因為我是你所懷的意念是要叫你末後有指望, 耶29:11
因為我以永遠的愛愛你. 耶31:3
我向你的意念其數比海沙更多, 詩139:17-18
我因你歡欣喜樂, 番3:17
我決不停止施恩與你, 耶32:40
因你是我的珍貴的產業. 出19:5
我全心全意栽培你於此地, 耶32:41
我要將偉大奧秘的事指示你, 耶33:3
如果你一心一意尋找我, 就必尋見. 申4:29
以我為樂, 我就把你心裡所求的賜給你, 詩37:4
因為是我在你心裡動工, 使你心裡能立志行事. 腓2:13
我能為你的成就一切, 遠超過你所求所想的. 弗3:20
我是你最佳鼓勵者, 帖後2:16-17
也是在一切患難中安慰你的父親. 林後1:3-4
你傷心的時候, 我靠近你, 詩34:18
如同牧人懷抱羊羔, 我懷抱你在我胸前, 賽40:11
有一天, 我要擦去你一切的眼淚並帶走你在世上的一切苦楚. 啟21:3-4
我是你的父, 我愛你如同我愛我的兒子 – 耶穌一樣, 約17:23
因為在耶穌裡, 就顯明我對你的愛, 約17:26
祂是神本體的真像, 來1:3
祂來是表明我要幫助你, 不是敵對你, 羅8:31
並告訴你 : 我不追究你的過犯. 林後5:18-19
耶穌受死, 使你可與我和好, 林後5:18-19
祂的死, 是我愛你最極致的表達 - 約壹4:10
我為你捨棄了我所愛的一切, 使我或許能得著你的愛. 8:31-32
你若接受了這份禮物 – 我的兒子耶穌, 你就接受了我.
約壹 2:23
無論任何事都不能叫我的與你隔絕. 羅8:38-39
回家吧! 讓我為你預備一個天上所見過最大的宴席, 路15:7
我一直是父親, 也永遠是父親, 弗3:14-15
問題是 …… , 你願意成為我的孩子嗎? 約1:12-13
我在等著你. 路15:11-32
愛你的爸爸, 全能上帝
>>December 2, 2005 at 10:50:41 AM GMT+8
2005 年 11 月 27 日 星期日 【晴】
| ■■■ |
最後衝刺 |
■■■ |
28/11
係我地最多野做的一日，又要執野，又要pack野，又多電話call，又要remind d嘉賓出席，所以係會長果邊申請左個女仔黎，雖然唔係做好多野做，佢只係負責幫我地痴label，但佢都由9:00痴到下午4:00先痴晒150個label同坐席label，跟住就幫我fax d reminder，fax得咁上下，佢就走人lu，因為佢放工時間係6:00。不過都冇可能要求咁多啦，好過冇啦，之後就由我同會計一手一腳做野。
今晚的晚餐係pizza hut，我最怕係開ot食pizza，因為又唔係好想咁肥膩，但最後會計同亞姐都話食，所以都係叫pizza，一食完就生暗瘡啦，勁唔開心呀，之後其實都唔係好多野整，但都未停過手，最後攪到12:40先走人。
返到屋企好散晒啦，惟有那那林沖涼跟住訓覺。
29/11
又係9:30返到公司，對眼好似冇打開過咁。今日會長果邊派左個HR的女仔黎幫手，佢又係幫我地做分檯的工作，由9:30做到下午3:00，之後佢就好急咁問我地仲有咩做架，一問之下原來佢放5:30，佢驚要遲放工喎，咁要同佢上司講番，真係麻煩呀，原本仲有D後補LABEL要貼，佢都做唔晒就走左啦，咁我地都冇特別要留難佢，費時話我地黑薄人啦。
由於冇人幫我地手，所以要自己黎做，一做就做到1:45啦，途中食左外賣，又係果間咁的將寶堡，食到怕呀，今年又係食佢，真係厭呀。不過冇辦法啦，惟有那那林食完，快D手，快D做好，快D走人。最後唔等亞姐，我地就自己PACK野，一共有15箱物資要帶過去，真係好驚呀，咁多野帶，不過如果可以，連部電腦都想帶埋過去呀。最後迫亞姐走佢先肯走咋。
返到屋企都已經差不多2:15，冇洗頭下沖完涼就訓LU。
|
>>December 5, 2005 at 11:26:37 AM GMT+8
2005 年 11 月 27 日 星期日 【晴】
| ■■■ |
預備禮物 |
■■■ |
由於聖誕節我不能同同團的姊妹一齊渡過，所以一早已諗左想送聖誕禮物比佢地，又一早地已諗左送咩野，為左保持神秘，我唔講比大家知，但希望我執得切啦，因為我手腳慢呀，而家先整得比5個人，起碼我想整比10個姊妹的，希望大家見諒呀，如果收唔到，因為真係數量有限，惟有用其他補救。
上星期我已經開始寫我的聖誕咭，真係救命呀，未有聖誕FEEL就要寫定聖誕咭，不過都係因為我太慢啦，所以我要而家就開始寫啦。希望大家有機會收到啦。
我感謝主的愛比天星、海沙還要多，我感謝主愛無窮無盡。(這是小小貼士黎架啦)
|
>>December 5, 2005 at 10:50:29 AM GMT+8
2005 年 11 月 26 日 星期六 【晴】
| ■■■ |
星期日擘餅 |
■■■ |
連日的ot，攪到個人好似散晒咁，星期日的擘餅聚會，其實心裡面好想去3c大堂聽下志明哥講信息喎，咁諗住問下曉琳佢會係3a還是3c擘餅啦，點知曉琳話佢係3a喎，就係咁我就惟有陪佢入3a啦，點知一入到去......竟然志明哥都係3a喎。
真係感謝主呀，志明哥講得好呀，佢問我地﹕主係米已經復活左，如果真係復活左，咁點解我地冇乜反應，可以冇反應咁坐係度，佢話應該會開心，會雀躍，我地應該有光彩，雖然可能有好多纏擾，但我地卻可以脫下纏累，跑那前面的路程。
不過此終都未試過3a擘餅，有d怪怪地咁，未算好投入其中，但都寶貴主同在。
之後去了康寧道公園安靜，身體好疲乏，個腦好似實晒咁，但寶貴能在微風及陽光下安靜，享受那一瞬間的舒暢。也寶貴能同4朵小金花加小肥肥一齊去安靜。有時候，我會好似媽媽咁唔想佢地長大，好想佢地仲好似小朋友咁去痴住你，但當係現實當中的時候，又好想佢地能成長，果然做人媽媽係好辛苦的，又想佢痴住你，又想佢唔變，但有時又想佢長大，能獨立。
果一刻好想同佢地﹕l love both of you so much. 無論4個變成點，l love you also and as before. 小肥肥係一個最令我開心，見証她們每個的成長，也是我感恩的事。但有時又會想佢地唔知會變成點，真係會計師、空姐、ceo同文員?但無論如何，最緊要係常在主愛裡，常將神的話放在心上，唔好輕易忘記主、唔好將主放埋一邊。
親近完主，食埋野之後就去apm，因為大妹姐話講番12月份的月程比我知，由3:30坐到4:30，最後大約5:00就走人，因為今晚要去同阿爸食飯，原本係11月30日食飯的，但因為我有function，所以改左係星期日食，只有我屋企人，咁11月30日就會叫埋阿姨佢地一齊食。
|
>>December 2, 2005 at 8:56:57 AM GMT+8
2005 年 11 月 25 日 星期五 【晴】
| ■■■ |
星期六又要留低 |
■■■ |
星期六一早我已經要預備pack野，但因為有太多文件要執，所以要攪到1:00先pack野，因為我只係諗住pack4箱帽，所以要好快手咁做，心裡仲諗住可以係2:30走人啦，最多都係遲小小到大牛啦。點知........
當會計幫我手pack野的時候，我心裡仲好開心tim，因為可以比預計時間快d走，當差不多pack完的時候，亞姐就問啦，叫唔叫飯食啦，咁我就話唔好預我啦，我走架啦，咁亞姐就問我d野整好啦咩，我就話7788啦，如果要留，我打算星期日返黎喎，跟住會計就話﹕下...星期日，星期日我唔得閒喎，我諗住今日執埋呀。咁亞姐就話，佢星期六、星期日都係公司，佢就冇所謂，咁我就話﹕我果d野ok晒架啦喎，亞姐問我﹕d排檯呢?司儀稿呢?，其實果2樣都唔係我跟，排檯一直都係會計跟緊，司儀稿就係會長秘書跟，我都冇點過，之後亞姐就話﹕咁不如星期六一齊留係度啦，我請食飯啦，快d執完快d走人啦。跟住又同我講，你都要跟多d野啦，會計係會計，會計只係計數架咋，會長秘書又唔熟d野，司儀稿衰左都係我地有問題架，就係咁send左份司儀稿比我，叫我執下佢，一開一睇就大件事，份司儀稿好似係度叫我填充咁，d窿多過乜，有排寫，有d唔暢順又寫過，有d有問題又要重寫，全份都係我寫過咁濟。
由4:00開始寫份司儀稿，竟然可以寫到8:00，仲要係會計係7:00就走人啦，佢話亞姐都唔需要佢幫手，坐係度又冇用，所以佢整好佢d野就走人啦，留低我一人繼續執份司儀稿，因為亞姐話星期一要去同司儀開會，佢又想星期日有得睇下，所以寫到我死死下，最後一齊係8:00走人。
竟然星期六都要做到8:00先走得，原本諗住call下佢地，不過果日有同工相聚，我估佢地有排傾啦，點知原來好早就走人啦。我就拖住疲乏的身體回家。
|
>>December 2, 2005 at 4:28:24 AM GMT+8
2005 年 11 月 23 日 星期三 【晴】
| ■■■ |
連開3個會 |
■■■ |
早上9:30-11:30，工作人員會議，之後11:30-2:30係酒樓的籌委會會議，之後，其實我係唔洗去開會，但突然間，會長叫亞姐今晚去開會，原本亞姐今晚係要去開基金會的會議，時間係6:00-7:30，咁會長竟然叫佢6:30係酒店開會，擺明係叫亞姐唔去開基金會會議啦。之後亞姐就叫我去，但其實我連佢開會傾d咩都唔知，基金會的會長又係short 架，會議議程又英文，又中文，玩人咩。之後，佢又話要傾d會計上的野，咁我都唔知架麻，咁我就叫不如叫會計去啦，今朝開左2個會都未做過野，亞姐竟然話咁不如開完基金會之後返公司做羅，仲short過會長呀，我直頭話佢知no呀。
中間得個2小時做野，執完晒d野之後，大約5:15走人，去到酒店都差不多6:00，已經見到d老闆到左，今次的會議，其實我係個白痴咁坐係度，我只可以答到d簡單問題，不過深果d己經比亞姐答晒，因為亞姐都係答唔知，唔清楚，因為d老闆問番d n年前發生d事，x知咩。不過都有比老闆串，因為通常要通過番上次的會議紀錄同財務報告，但因為我地幫緊就職典禮，文件冇帶，所以比老闆串，開會要帶果d野就冇帶，個人連個腦都冇帶。
中間，會長call我就要亞姐走啦，咁亞姐就走啦，得番我同基金會會長秘書係度，之後好快就過左啦d時間，因為協會會長到左，咁好多野又唔方便同佢傾，所以就係咁先。
之後安頓左佢地食飯之後，我就去攪亞姐同會長秘書，傾多一陣就走啦，我自己搭巴士返屋企。
|
>>November 28, 2005 at 1:03:06 PM GMT+8
2005 年 11 月 21 日 星期一 【晴】
| ■■■ |
吵大獲後 |
■■■ |
吵完大穫之後，大家都好安靜，當第2朝起身的時候，亞媽突然捉住我，嚇死咁濟，問我知唔知家姐近排做咩喎。我就問佢唔知啦，尋晚訓覺的時候，又起身，又開燈，又關燈，又訓覺，好似要唔比你訓咁，所以都訓得好差。
咁亞媽就話，好似少見佢男朋友喎，係咪失戀呀，我即刻答佢，唔係呀化，失戀?跟住亞媽好似好有理由咁講，又話近期心情差，脾氣暴躁，個人short short地，十成十啦。之後亞媽叫我問下佢喎，我即刻話，唔係呀化，我唔想冇命呀。我會死架，尋晚攪到成1:00先訓，我唔想今晚又係喎。最後亞媽話咁等佢自己問喎。
|
>>November 28, 2005 at 5:16:36 AM GMT+8
|
|
|
|
廣告 |
|
|
讀者留言 |
| 路人留言
|
 I really underst
>>July 3, 2006 at 3:58:55 AM GMT+8
如果俾我都會揀長短週架!
<br
>>March 17, 2006 at 10:29:50 AM GMT+8
好開心知道你訓得好左, 因為我都
>>March 12, 2006 at 12:48:14 PM GMT+8
你又唔早d話我知,我近排又係夜晚
>>March 8, 2006 at 2:09:44 PM GMT+8
你近排好似好奈冇打日記喎! 我得
>>February 21, 2006 at 9:11:37 AM GMT+8
咁....
<br>唔換到換左.
>>November 10, 2005 at 1:04:28 AM GMT+8
百利恆井水，如血之寶．
<br>
>>October 7, 2005 at 10:33:22 AM GMT+8
I will always su
>>September 6, 2005 at 11:57:22 PM GMT+8
唔好咁唔開心啦!主了解你一切的感
>>August 29, 2005 at 3:50:31 PM GMT+8
我係一個7月1日被遺棄嘅小朋友!
>>July 4, 2005 at 7:52:19 AM GMT+8
我係騙局嘅受害者!
>>June 15, 2005 at 10:17:21 AM GMT+8
點解你成日發埋d咁嘅夢架!
<b
>>May 18, 2005 at 9:30:41 AM GMT+8
女主角,幾時幫我地簽個名呀?
>>May 1, 2005 at 3:33:58 PM GMT+8
我地會為你祈禱架喇!願主將平安賜
>>March 26, 2005 at 1:15:22 PM GMT+8
放心啦, 我地會代禱記念你架啦!
>>March 24, 2005 at 7:07:39 AM GMT+8
依家輪番我問你有沒有工可以俾我做
>>March 24, 2005 at 2:18:55 AM GMT+8
RE大佬同ssf﹕唔好係度玩野喎
>>March 9, 2005 at 2:38:53 PM GMT+8
Re: 十大殺手，我唔知你係邊個
>>March 9, 2005 at 9:52:09 AM GMT+8
ssf 你究竟係邊過,竟然夠膽咁
>>March 9, 2005 at 7:49:48 AM GMT+8
答嘴：宇宙大佬，我份工要受好多氣
>>March 8, 2005 at 11:29:21 AM GMT+8
我提意你不如做ssf 果份工啦!
>>March 8, 2005 at 7:57:49 AM GMT+8
實在恭喜妳可以辭職，我都好想好想
>>March 7, 2005 at 10:57:06 AM GMT+8
睇黎個亞姐都唔會做得長囉!
>>March 1, 2005 at 7:40:04 AM GMT+8
唔關我事架...
<br>係大妹
>>February 22, 2005 at 2:41:42 PM GMT+8
睇佢真係唔似傻仔喎!
<br>仲
>>February 22, 2005 at 5:41:54 AM GMT+8
大妹姐會為錢殺人?
<br>我好
>>February 18, 2005 at 8:07:06 AM GMT+8
我點知?
<br>我識得佢吖麻!
>>February 17, 2005 at 7:50:28 AM GMT+8
喂，你唔好用"撇低大妹姐"呢幾個
>>February 15, 2005 at 7:26:15 AM GMT+8
我果日係馬鞍山親近主喎!
<br
>>February 15, 2005 at 3:43:55 AM GMT+8
re大佬﹕你又知係周星星架咩，唔
>>February 9, 2005 at 9:40:18 AM GMT+8
re大佬﹕如果你出我地星期日的馬
>>February 9, 2005 at 9:39:02 AM GMT+8
新年快樂!
<br>你好似今件未
>>February 9, 2005 at 6:04:41 AM GMT+8
"愛你一萬年"係周星星係西遊記大
>>February 9, 2005 at 6:00:17 AM GMT+8
嘩!你解啟示錄都幾清楚架喎!
<
>>January 26, 2005 at 6:25:20 AM GMT+8
多謝晒﹗好感動呀﹗係呢個咁寒冷既
>>January 15, 2005 at 11:39:46 AM GMT+8
re小公主﹕張相梗係冇問題啦，等
>>January 12, 2005 at 1:25:12 PM GMT+8
re汽球﹕咁你多d留言啦..
>>January 12, 2005 at 1:23:44 PM GMT+8
re SSF:我已經預備
>>January 12, 2005 at 1:22:26 PM GMT+8
我好LIKE你個留言板LO...
>>January 9, 2005 at 11:07:04 AM GMT+8
我想要既保濕潤唇膏都唔使你送嘞，
>>January 4, 2005 at 3:53:31 AM GMT+8
依家唔洗你送個坐枱
>>January 3, 2005 at 6:25:17 AM GMT+8
我已經幫大妹姐扲咗
>>December 31, 2004 at 8:00:07 AM GMT+8
我已經幫大妹姐扲咗
>>December 31, 2004 at 7:54:23 AM GMT+8
哈.... 地點都係寫下既o者.
>>December 28, 2004 at 11:40:13 AM GMT+8
RE宇宙大佬﹕
<br>你要的禮
>>December 21, 2004 at 1:36:38 PM GMT+8
係唔係寫低就有禮物收架?
<br
>>December 21, 2004 at 1:00:53 PM GMT+8
RE SSF﹕
<br>你要保濕
>>December 21, 2004 at 12:17:37 PM GMT+8
re SSF大仔K仔﹕
<br>
>>December 21, 2004 at 12:15:11 PM GMT+8
re小公主﹕
<br>你的禮物冇
>>December 21, 2004 at 12:11:56 PM GMT+8
我唔貪心的啦,我想要朱古力就得啦
>>December 21, 2004 at 8:51:52 AM GMT+8
|
|
