2007 年 2 月 27 日 星期二 【晴】

■■■	新亞姐比人炒	■■■
新亞姐點解咁快比人炒呢? 話說新年前舊亞姐拎番佢條key，咁新年後又冇比番佢喎，咁26號果日晚，舊亞姐走先，跟住我做多一陣就走啦，我完全唔知佢冇key喎。當佢7:00想走的時候先記起冇key喎，咁佢一路都冇我地d手提，所以佢做一個好愚蠢的行為﹕佢打比會長，話比會長知佢冇key鎖唔到門。會長一聽之下，火都黎埋，你冇key關我咩事呀，所以佢比左個舊亞姐的手提比佢，叫佢自己聯絡。 咁27號果日我地有個公益金記招啦，會長一黎到就問我攪咩野，其實我知佢問咩，因為舊亞姐已經係26晚打左比我問我，最後我叫佢拎係會果度果條spare key鎖門。跟住我同佢講﹕其實你地都知佢點架啦。 開完記招之後會長那那林開左個小組會議，叫我勸舊亞姐留低，炒左個新人，但果問題係叫我去勸喎，個個老闆都唔叫，叫我。我何得何能呀。 最後同亞姐傾完，亞姐都係話諗下，不過應該機會不大，因為佢應承左佢老公喎。 28號果日返黎，那那林問番佢攞番晒d野，同埋那那林叫佢做晒d野先，其實佢果一刻都唔知會比人炒架，仲好開心咁同人傾電話tim。等到中午，會長叫佢過去，佢一去就去左3個鐘，其實同佢傾都係1個鐘咋，點知佢都唔知之後去左邊，5:00返黎跟住就不停碎紙，咁我就問佢交番d野出黎先，佢竟然答﹕你自己睇羅。放晒係度啦。跟住我拎番晒黎啦，咁份份問佢﹕佢竟然話﹕我唔知喎，我唔記得左啦，你自己睇啦。最衰係仲有一句﹕唔見咩，可能碎左啦掛。幾冇責任呀。 跟住仲衰係﹕佢將電腦裡面d野delete晒呀，佢打過d files同書信全部delete晒呀。

>>March 6, 2007 at 10:44:07 AM GMT+8

2007 年 2 月 21 日 星期三 【晴】

■■■	2日1夜番禺旅行團	■■■
初五、初六同屋企去了番禺2天旅遊，起初我話跟中旅去，因為中旅果個團好d，坐船又舒服d，d行程又好d，住又住碧桂園五星級好d，不過細佬又要左揀右楝，去2天團佢都可以問齊左咁多間旅行社拎資料，攪左2星期，終於都係決定楝番中旅的時候，中旅就已經full左啦。最後迫於去報關鍵。 初五就已經要7:30去到尖沙咀集合上車，去到又大把人，不停搵搵搵，終於搵到個領隊，跟住佢又叫我地7:50先上車，所以那那林去食早餐，食完就上車啦，一上車就大件事，個領隊唔識數數字架，係咁話多左人，不停數又不停數，數黎數去都唔"琚A係咁叫人舉手又點名，最後原來佢數多左2個，佢同司機喎。真係............... 跟住就去接埋沙田同粉嶺d團員啦，點知又玩數數目，攪到個司機又車番轉頭話搵人喎，點知又係冇錯喎，係咁問邊個落左車呀，有冇人上錯車呀，攪到個司機頂唔住叫佢攪好先叫佢去開車。 第一日的行程其實係最精彩的行桯，去到深圳轉車，我一見架車就即刻要祈禱，因為架車我真係未見過咁殘，一上車好似漏水同有事咁，嚇到我死呀。跟住去到第一景點，原來係食飯，不過時間只係11:00就食飯啦，點解呢?因為其他團去左參觀，為左唔同佢地撞，所以我地要食先喎。跟住又因為落雨，所以提早上車喎，咁即係冇得遊覽啦。 第二個站就去左睇動物，都叫ok啦。因為佢只係派門票跟住你自己去睇羅，所以冇特別。之後又話因為要霸位睇show，所以要提早食飯，今次5:30又食飯啦。但果餐可以叫做最好的一餐。食完就話去表演啦，點知個司機又唔識路，又唔知車左我地去邊，黎黎去去都係果度轉咁，最後去到啦，又開始左，所以坐得冇咁好羅。 我估最好都係間酒店，話晒都係5星級酒店黎架，我架間房冇那那仲轉左套間tim，套間與普通房的分別就係﹕我間房有廳，廳有個電視，長梳化，跟住轉入去先係睡房，睡房又有電視、廁所都有2個tim。起初仲以為好好啦，點知個廁所沖涼唔去水，攪到個廁所濕晒，好似水塘咁，惟有改由門口果個tim。 第2日就係d買野團，買蜜糖、買茶葉、買珠寶、買杏仁餅，差不多7:00先番羅湖，去到羅湖都差不多8:00，所以去左細佬介紹的打邊爐，好味喎，仲好抵tim，7個人食左300蚊咋。食到飽死呀。最後轉火車又轉地鐵，返到屋企都12:00lu。咁就完左我地2日1夜的旅行團。

>>March 6, 2007 at 6:08:15 AM GMT+8

2007 年 2 月 15 日 星期四 【晴】

■■■	心情不佳	■■■
近期比個新亞姐激到死呀。日日都要頂佢幾句咀先安樂。 1. d email全部唔睇forward晒比我，我問佢點解forwards晒比我，佢話叫我跟住................. 2. d email全部唔睇，問番晒我份email講咩野，叫你睇又唔睇，又要我講，你估我係你秘書呀........ 3. 講晒全份email，竟然冇留意喎，填form又填到錯晒，最後仲要我問番我欠d咩喎。....... 4. 英文又唔識，淨係不斷打﹕for your reference / for your information........ 5. 電腦又唔識用，成日問undo個制係邊，開d file又開唔到，printer又話print唔到野....... 6. fax機同影印機都唔識得用喎，成日係fax out果度搵人地fax入黎d fax............. 7. 成日話我收埋佢d野，我都冇收埋，擺到明係枱面啦............. 8. 11:00冇那那去洗微波爐，洗到12:15去叮飯，食到2:30喎，跟住仲話去銀行tim.............. 9. 夜晚6:15又叮飯，食完飯之後先走人，short架............... 10. 開會d文件又唔準備，我幫佢整埋，竟然將份文件扮自己出喎............cheap呀 11..........................................數之不盡，頂住條氣呀。 攪到我lee 幾日不停咳tim..............

>>February 16, 2007 at 5:08:02 AM GMT+8

2007 年 2 月 13 日 星期二 【晴】

■■■	新舊亞姐炒大穫	■■■
今朝新舊亞姐大比併，話說星期一新舊亞姐一齊去開會，同d老闆傾下3月份攪果個網球比賽，去到之後新亞姐就以為舊亞姐已經了解晒banner同backdrop的事情，咁佢就冇問啦。係一句都冇問。咁尋日因為我跟banner果d野，所以問番新亞姐，新亞姐就叫我問舊亞姐，咁舊亞姐一聽到就話﹕我只係講左一句話brenda知道制作公司的資料，並沒有講其他。咁新亞姐就話﹕我以為你已經知道晒啦。 跟住就開始一連串的反擊，舊亞姐又話佢﹕唔知你又唔問下我。成日淨係講﹕唔知、唔知，有咩用呀。新亞姐又話舊亞姐將d收收埋埋，明明係合作又唔幫佢手。最後舊亞姐頂住條氣，6:00就走人。 今朝會長秘書fax左2張紙過黎，1張比舊亞姐，1張比新亞姐cc舊亞姐，新亞姐就淨係自己睇，冇比舊亞姐喎。事件就係咁開始就火駁起黎﹕ 舊亞姐﹕吳小姐(新亞姐)，你將d fax收埋做咩呀，你睇唔到cc比我架，你想唔比我知呀 新亞姐﹕張小姐(舊亞姐)，我唔知你係入面喎，我係諗住比你睇架，不過我唔見你喎 舊亞姐﹕我梗係係入面啦，你唔想比我知咪出聲囉。 新亞姐﹕其實我冇所謂架，你想知我比番晒你知都得，你要霸住晒d野咪霸囉，我黎唔係乞食，你想話幾時番黎做，我都比番個位你坐，你叫我做lee樣咪做lee樣羅，但會長叫得我咁做，我就梗係跟會長咁做啦，我係打工人黎架咋，唔通話佢知唔得咩。 ......................................... (跟住你一言、我一語) 最後舊亞姐話一定同會長講，新亞姐又跟住咁講。會長都好忙呀。不過之後聽聞會長都想炒新亞姐，因為佢實在太唔得啦。

>>February 14, 2007 at 8:22:35 AM GMT+8

2007 年 2 月 13 日 星期二 【晴】

■■■	情人節	■■■
有主這個情人不是最好嗎? 今早返工的時候，心裡突然哼出﹕ 愛沒有終點，永不止息，是我心靈的體驗 有時連自己也覺得平凡得很 但星際之外，宇宙之間 卻有一份深情的注視 每次抬頭當與祂相觸的一刻 我頓然覺得自己不渺小 因為祂奪了我的心，因為祂樂意永為人。

>>February 14, 2007 at 1:23:15 AM GMT+8

2007 年 1 月 31 日 星期三 【晴】

■■■	聖經的話	■■■
當將你的事交託耶和華，並倚靠他，他就必成全。你當默然倚靠耶和華，耐性等候他；不要因那道路通達的和那惡謀成就的心懷不平。當止住怒氣，離棄忿怒；不要心懷不平，以致作惡。 當睇到以上的聖經時，心裡很受安慰。也知道主真係了解我。面對新亞姐，真係唔知點回答佢的問題，好嬲定好笑。面對自己的問題，主叫我心平安。

>>February 2, 2007 at 7:19:29 AM GMT+8

2007 年 1 月 29 日 星期一 【晴】

■■■	不同的需要	■■■
每個人在不同的環境中有不同的需要，面對不同人的需要時，有人不以為然，不聞不問地走開，有人無奈地搖頭，跟住離去。有人積極協助，甚至連自己所有的都貢獻出來。 面對每個有需要的人，有時自己都好想盡全力去協助，但面對各人的反應時，有時都會令自己卻步，原來並不是每個都想你去幫助，人心真係難測。

>>February 2, 2007 at 7:16:31 AM GMT+8

2007 年 1 月 28 日 星期日 【晴】

■■■	作祈禱的人	■■■
<節錄自使女的blog> 一、極需禱告的人（Men of Prayer Needed ） 二、我們所能承擔的，乃是出於神（Our Sufficiency Is of God） 邦茲描述上一個世紀的傳道者『以才幹代替恩典，以口才代替敬虔，以修辭代替亮光，以名聲與聰慧代替聖潔』，這情況在我們這個世代是有過之而無不及！教會快步奔向頭腦化、計劃化，信徒都羨慕知識型的領導，傾向有條理、有風格和吸引人的講道，這也是自己的寫照，以致刻意地著重了信息的編寫和表達。 但作者深切地提醒：“字句的講道（letter-preaching）是叫人死的… 我們過於注重預備講章，以致忽略了預備最重要的事－心。一個預備好的心勝過一篇預備好的信息許多。預備好的心帶來預備好的信息。”而預備心的唯一方法便是祈禱：“祈禱使傳道者以心靈講道。祈禱把傳道者的心放進他的信息中；祈禱也把傳道者的信息放進他的心中。” “Men are God's method.” 願我們在祈禱中被神模造成合用的人，作“心的傳道者”（heart-preacher）！ 講道有字句的講道（letter-preaching）和給予生命的講道（life-giving preaching）。很多人星期天返教會是為了聽一篇好信息，盼望知多一點，也會令自己好一點，這是神要我們聚會的真正目的嗎？究竟我們渴望領受甚麼呢？是悅耳動聽，令頭腦充實一些，激發一時感動的話？還是刺入心靈，令全人被主得著，影響一生愛神和順服神的話？ 講道的人必須以祈禱預備好他的心，我們又有否以渴慕的祈禱，預備好自己的心來領受信息呢？

>>January 29, 2007 at 6:07:45 AM GMT+8

2007 年 1 月 26 日 星期五 【晴】

■■■	同亞公、蕾蕾食飯	■■■
星期六晚約了亞公同蕾蕾、惠玲、亞佩去食飯，亞公又過黎啦，唔明點解咁有錢架? 地點係旺角，亞公不知在食野，只想不停講野，so揀左間日本壽司鋪頭坐，真係叫左小小野食咋，亞公真係食小小咋喎，跟住就開始不停傾計，中間蕾蕾、惠玲同亞芝去買野，我同亞佩同亞公傾計。 外地的b/s其實真係好勞苦，信息唔係成日有得聽，個個都十分忙，在狀態的數埋不夠10人，但卻面對不同地區b/s的需要，每次去其他地方最需要用最少半小時或以上，有些甚至要用1日，少d祈禱同恒心都唔得呀。 食飯的時候，我試下問侍應因為他們2個是外地黎，可唔可以送多一杯野飲呀。得喎。真係感謝主呀。跟住亞公話我做公關架，把口咁勁。笑話也因亞公而起，不停問可唔可以送多件壽司、可唔可以送多碟....最後問可唔可以較細d音樂。真係笑死呀。 食完飯後還是依依不捨的離開，我想亞公還有太多想講的說話了。應該最快都要等12月才能再見，但更寶貴我地彼此是一家人，更寶貴有燦耀的永恒等著我們，到時有排講lu。 之後又可惠玲傾計，真係又有排講呀。攪到差不多12:00先返到屋企，明天的擘餅聚會我估都狀態都不佳。

>>January 29, 2007 at 5:59:17 AM GMT+8