2003 年 5 月 12 日 星期一 【晴】

今朝八點鐘就彈左起身﹐搞左一輪﹐點知番到去都係同阿婷一齊遲到...
好難學呀﹐一種完全未掂過既語言﹐初初學原來真係咁難﹐究竟我果時係點學英文同普通話既呢？
唔係學左好多野﹐不過發音真係好難﹐同英文又唔同﹐字都唔同d﹐又唔知佢點發音。可能係岩岩開始學定唔知係咪第d原因啦﹐miss都冇教點捲舌果d既﹐佢自己又捲到痴哂線咁...
法文好伕好好玩﹐我會比心機學﹐之不過﹐一開學就要買書﹐我d錢又飛走左喇...好唔開心添...
上完堂就同婷婷出左旺角食飯同行街。我原本想買衫﹐不過行左好耐都冇著落﹐d衫實在係好唔岩囉﹐不過就買左個袋﹐都叫有d收穫...
好悶呀﹐又就黎要做功課﹐又唔開心添...

>>June 4, 2003 at 6:09:42 AM GMT+8

2003 年 5 月 11 日 星期日 【晴】

自肺炎假期打後﹐發現原本擋著吐露港景色﹑在火車與公路間的顏色板﹐大部份已被拆去﹐終於可以看一看海了。只可惜﹐事與願違。沒錯﹐原本令人眼花撩亂的隔音屏已拆卸﹐但海原來也被填了一部份﹐似乎已不可看見海水。以前是海的地方﹐現在是一堆堆黃土﹐甚至有些小丘﹐更甚的是﹐已「綠草如茵」。究竟是科技進步重要﹐所以要填海建「科學園」﹐還是海洋環境保護更重要？似乎還不到我去干涉﹐但這樣的境況﹐卻讓我想起學生報中有關校園建設的報導。我明白校園擴建有其需要﹐但我真想知道中大校園的將來會是怎麼一個樣子。一個最大﹑最綠化的校園﹐會怎樣去平衡環境與校園發展？我只是不願見到另一個科學園——犧牲環境去造就所謂的發展與需要。

>>June 4, 2003 at 6:09:15 AM GMT+8

2003 年 5 月 11 日 星期日 【晴】

今日要番cu搞送舊。一朝早都唔記得約左billy傾音樂d野﹐禁熄左個鐘就繼續訓﹐直到佢打電話黎先識醒﹐但都係好唔願意﹐搞左好耐先起身...越黎越懶訓﹐都唔知聽日開始點番930 french...之後搞完一輪﹐食完飯就同阿媽出左去行一陣﹐我又買左件外套﹐好開心﹐不過始終都未買到我想買既衫﹐因為冇時間呀﹐或者聽日可以捉婷婷同我行一陣既~~之後就先番dept交research writing既reply slip﹐原來pedro識講中文！@@"原來佢都唔係好惡丫~~開始冇咁驚佢lu~~跟住拎埋地鐵個form就上番uc。真係多得大kenny﹐好好人咁等埋我先鎖會室﹐不過﹐估唔到su係唔見左條鎖匙...一.一"好彩輔導處有﹐卒之搞掂﹐之但係同時ucba又係學休interview喎﹐又比我見到大舊﹐仲有alex同albert。之後等billy佢地買完野上黎就開始佈置喇。一路搞到七點幾個function就開始﹐好多野食呀~~有壽司又有pizza﹐食到好飽~~之後玩d其實幾白痴不過又玩得好開心既遊戲﹐哈﹐睇黎班yr 3都玩得幾開心架﹐希望佢地都有番個美好既回憶啦~~我地又有珍寶珠食﹐d yr 3整左一束珍寶珠花比我地﹐好靚架~~之後就join雙番東佢地去左思源﹐似乎我都入埋佢地果組架喇...係思源又撞到amily﹑阿杰同german﹐今日撞到好多uc人喎﹐平日都唔見有咁多...
今日好開心﹐因為我覺得個活動搞得幾好﹐最緊要我地搞得開心﹐d yr 3又玩得開心囉~~

>>June 4, 2003 at 6:08:54 AM GMT+8

2003 年 5 月 10 日 星期六 【晴】

今日係母親節﹐不過唔淨止同媽咪慶祝﹐因為我地一家除左哥哥都出左婆婆度同佢慶祝﹐雖然我冇送野比婆婆﹐不過我諗見到d子子孫孫都應該係開心既~~我地係新都城行街﹐媽咪睇中左個銀包﹐我見又唔係好貴﹐就買左做母親節禮物喇﹐開心就得啦~~不過我又冇哂錢lu...又快d問哥哥囉番佢果份錢先得！

係舅父屋企睇左套《這個夏天有異性》﹐真係...有d爛...唔知點解睇完好眼訓囉...又唔係好知佢套戲想點﹐之但係﹐呢排就想搵d類似﹐唔使用腦﹐睇完都冇感覺既戲睇﹐但屋企又冇﹐我又冇mood又冇精神睇屋企果d﹐因為果d睇完好辛苦﹐要用腦...果日睇完既《下一站...天后》又係唔使用腦﹐幾好~~不過﹐睇完又好無聊喎﹐都唔知仲睇唔睇d類似既戲好...但我又唔想下下睇完戲都要用腦...

>>June 4, 2003 at 6:07:56 AM GMT+8

2003 年 5 月 9 日 星期五 【晴】

尋晚早訓﹐但今日都訓到十一點﹐其實仲可以訓耐d﹐不過為左睇《Antique》﹐我一定要起身。其實之前果套卡通都幾好睇架﹐不過我今日唔記得左﹐所以就算九點鐘醒過都係冇起身睇電視。冇錯﹐我起身既原因就係為左睇電視﹐基本上睇完套野聽完d咁好聽既歌就可以再訓﹐不過﹐見今日天氣好好﹐又想出去行下﹐加上係時候買d野比媽咪做母親節禮物﹐於是食完飯就出左沙田。講開沙田﹐我睇左幾個人既diary﹐發覺好似好興出沙田咁﹐先係我地考完japan soc就出左去玩﹐睇到fion個diary就話原來果日佢同anna都出左沙田﹐跟住就係阿烽﹐佢尋日都出左沙田玩﹐果然係大O一條心﹐出街既地方都一樣...講番我今日出街﹐我出去都係得一個目的﹐就係去買queen's既蛋糕﹐我見到個母親節蛋糕﹐雖然冇我果日想買果個咁靚﹐但係都已經好靚﹐起碼我覺得好過x心果d先﹐又「行」又貴﹐點似得queen's既又高貴又抵食﹐於是我諗都唔諗就買左佢番屋企lu~~不過話時話﹐我真係好憎d咁多人既地方﹐仲要咁唔好彩撞岩今日沙田有個大function有容祖兒﹐搞到果度鬼死咁多人﹐迫到呢...差d撞到我個蛋糕呀！我臨走都有望一眼想睇下joey既﹐不過今日都冇戴眼鏡﹐慳番！仲有樣野﹐我都唔係好鍾意d化妝小姐﹐我唔係睇唔起佢地既職業﹐之不過﹐煩住人都有個限度丫﹐我明明帶哂耳塞聽緊歌﹐佢都唔係唔知﹐仲要係我面前係咁講野﹐我一句都聽唔到﹐都已經講哂話唔使理我﹐佢都係咁講係咁講﹐佢煩唔煩架？唉...
番到屋企又係hae﹐原本想訓下﹐點知阿媽叫我幫佢染髮﹐唯有留番今晚先訓。冇訓晏覺夜晚會訓得好d架~~於是夜晚食完飯就拎個蛋糕出黎食喇﹐佢地都話靚呀﹐好開心！最緊要媽咪滿意~~最衰冇DC﹐如果唔係就可以影下相﹐又可以比其他人睇下個蛋糕同我屋企人幾咁美好﹐呵呵~~我要DC呀~~~~~~~~~~所以今日做左個覺得有少少白痴既舉動﹐就係寄左信去抽獎﹐獎品係一部Pentax OptioS﹐好想要﹐又輕又細又型﹐仲有optical zoom﹐不過﹐又好貴...唔靠抽獎我都唔會買得起﹐之但係﹐我不嬲都冇抽獎運﹐所以先話我呢個舉動白痴﹐蝕左個信封同郵票...我要錢呀~~~
今日就同媽咪慶完母親節喇﹐不過未買禮物比佢...聽日就要同婆婆慶祝lu~~又去街街~~

發覺自己又開始追電視劇﹐不過已經唔係無線﹑亞視自己拍果d﹐亦都唔係明珠﹑國際買番黎既外國劇集﹐而係無線買番黎既日劇《Antique~西洋古董洋果子店~》同埋韓劇《明朗少女成功記》（阿thy話原名係咁）﹐好好睇架~~《Antique》就有都幾ok既男演員﹐瀧澤秀明﹑藤木直人同阿部寬﹐不過最重要都係d background music﹐初時誤打誤撞睇左第一集先知﹐係Mr. Children呀~~搞到我呀哥都有睇喇宜家﹐仲話係Mr. Children既音樂特輯...不過佢入面整果d蛋糕真係好靚﹐仲好似好好食添...見到d咁靚既蛋糕真係有d幸福既感覺架~~~另外套《明朗少女》就好好笑﹐成家人一齊睇﹐一齊笑﹐好開心架﹐雖然個劇情有d老土~~
我推介呀~~快d去睇啦~~

>>June 4, 2003 at 6:07:06 AM GMT+8

2003 年 5 月 8 日 星期四 【晴】

今日做埋份take-home﹐比想像中快﹐吹左冇幾耐﹐都冇乜心機做﹐好快咁做起就send左lu~
之後就係咁訓﹐訓到一半﹐先收到小彩電話﹐再收到小電電電話﹐佢話想我做組長...其實冇所謂既﹐不過我驚同人玩唔熟之嘛﹐再者﹐一切以大O為先﹐佢地ok﹐我ok囉~~仲比我揀輔導員添﹐有冇人想跟我？呵呵...其實﹐都唔知今年有冇ocamp啦﹐但一切都要6月先成定局﹐即管放長雙眼睇下囉~~
就黎母親節﹐唔知買咩比母親大人好...又冇乜錢﹐好煩添！但我腦中又浮現queen's既蛋糕喎~~~

>>June 4, 2003 at 6:05:40 AM GMT+8

2003 年 5 月 7 日 星期三 【晴】

尋晚玩完﹐今朝好唔願起身﹐不過都要起﹐因為聽日就要交份happiness take-home。
打開份試題﹐嘩﹐佢問果d我都好似冇乜聽過既﹐鬼咩﹐我上過幾多堂丫﹐計埋有冇上左五堂呢？...真係好後悔走左咁多堂﹐一黎係凡凡真係有料﹐聽佢講野真係ok﹐二黎係個考試好麻煩...係果十題入面要我揀一條都難啦﹐仲要揀三條。好不情願地揀左條享樂主義就開始睇reading同notes喇。好衰唔衰﹐我係部腦面前就會左click右click﹐知道我之前用開果個open diary死左server﹐所以就轉左去宜家呢個度﹐見我個版面咁靚﹐就知我搞左唔少時間。冇錯﹐就係係take-home期間﹐我搞掂左大部份版面配置﹐寫左五個diary﹐仲睇多本漫畫﹐出去食左餐飯﹐再訓左個幾鐘﹐計埋我無無聊聊既時間﹐其實做份野既時間唔多囉﹐不過對住佢又茫無頭緒﹐又唔怪得我架喎...到左宜家﹐我只係岩岩做好埋第二題莊子﹐兩題我都唔係好知自己寫乜﹐寫到好虛無﹐仲有一題又唔知揀咩好﹐唉﹐有選擇既痛苦呀~~~
P.S.由於之前果幾篇diary係用我好差既僅餘記憶寫出黎﹐基本上我都唔係好記得果幾日發生過咩事lu~~

>>June 4, 2003 at 6:04:39 AM GMT+8

2003 年 5 月 6 日 星期二 【晴】

今日真係好開心﹐因為我已經考哂sitting﹐淨番兩個take-home咋﹐呢d梗係遲先算啦~~
個japan soc真係冇想像中難﹐起碼d mc同t&f都係睇過書同notes再上過下堂都識﹐之但係個essay就冇乜信心喇﹐因為我都唔知寫d咩好﹐求其吹左d野比佢就算﹐快手執哂所有野就舉手走人﹐費事繼續坐。今次科科都早走﹐係d野易定係我全部都唔識？唔知呢？
考完試就梗係去玩啦~~之但係之前要開會﹐我落dept簽完payment就上番uc can開會喇。參加送舊既人真係好少﹐好有可能搞唔成﹐搞得成都好似好冷清咁﹐唉...鬼叫有sars咩﹐我地都想搞得好好睇睇﹐比d year 3風風光光咁走架嘛...
開完會就去玩lu~~我又想唱k喎﹐咁岩電芯佢地又打黎話搵billy唱k﹐於是又join埋一齊﹐去左沙田唱k﹐好多人﹐好開心~~跟住就去行左陣﹐我又買雪糕食﹐呵呵~~仲睇到好多好靚既擺設﹐好想買哂佢比我入宿呀﹐好似搬屋咁添！唔知我入宿之後可唔可以放咁多野入去呢？我驚我地到時冇地方訓...之後想去和民﹐點知七點去到都係要等位﹐佢仲話要等三個鐘。嘩！使唔使咁誇呀！於是就去第度食日本野﹐揀左間應該開左冇耐既沖繩料理﹐叫左好多好多好野食﹐成台都係﹐個個都好開心﹐一黎係d野真係幾得（我就覺得好好食）﹐二黎係﹐成台都係野食果種感覺好正好滿足﹐真係好開心架~~所以多人食野就有咁既好處﹐可以叫好多好多野再share黎食﹐唔知幾時再有咁既機會豪一次呢？
食飽飽我地仲係果度傾左好耐計﹐傾到九點幾﹐之後覺得好似阻住人做生意咁（一黎霸住張台﹐二黎係我地好嘈）﹐所以就移民左去新城市廣場出面果度﹐坐係度繼續吹水﹐由九點幾傾到點幾﹐乜都傾﹐痴哂線﹐我地果然係soci人﹐竟然可以吹水吹咁耐...之後﹐番到屋企都兩點幾喇﹐雖然好'支力'﹐不過今日真係好開心！

>>June 4, 2003 at 6:04:09 AM GMT+8

2003 年 5 月 5 日 星期一 【晴】

真係溫書架我﹐不過真係好心散﹐成日係屋企行黎行去﹐幾個鐘都睇唔到一個chapter。不過﹐我真係最有興趣溫係呢科﹐但冇心機﹐都冇乜辦法﹐本書我對左成日﹐睇得好慢﹐化但係本野同上堂講果d差唔多﹐我真係覺得唔睇都ok架﹐但又過唔到自己果關﹐卒之睇到兩點都係要訓﹐如果唔係聽日唔夠精神做仲死。
不過係訓之前﹐我都做左d一定要做既野﹐就係約人考完試去玩喇！首選梗係一齊考japan soc既soci同學仔啦﹐於是又係搵billy﹑roy同小彩﹐不過諗去邊就麻煩喇﹐所以交左個波比第個~~之後睇多陣書就訓左lu﹐仲差一個chapter多d﹐聽朝可以KO佢既~~

>>June 4, 2003 at 6:00:39 AM GMT+8

2003 年 5 月 4 日 星期日 【晴】

朝早起身執執篇research﹐終於交得﹐收埋yannie個reply就安心哂﹐乜都唔理lu﹐就算知道果篇野係ok垃圾~~跟住就要溫語精﹐雖然唔計credit﹐但都唔係好想fail囉﹐係度睇下聽下d phonetics﹐乜佢地有分別架咩？！頂...
突然醒起又想組聚﹐於是就即刻send sms比佢地﹐等阿烽佢地果個session考完就可以聚一聚﹐於是我就點幾鐘番去﹐順便去dept交printing a/c既錢同上輔導處簽payment﹐點知番到dept見到jacky﹐佢話佢成年都冇交過a/c既錢都冇事﹐佢個賤人...之後又見到阿roy同billy﹐roy話第二書店好似就黎摺﹐宜家有discount喎﹐最衰我趕時間﹐唔係我都落去睇下有冇野岩﹐雖然我都唔睇書...之後上去簽完payment就搵佢地﹐阿烽﹑anna同fion都到﹐哈﹐又係我地四個﹐又吹水又影相咁﹐我地玩自拍﹐uc can d staff睇唔過眼要幫我地影張相﹐好抵死...跟住就到我去考語精﹐撞到flora一齊入去﹐做左唔夠半個鐘就乜都搞掂哂﹐個普通話真係易到呢...phonetics就唔知喇﹐不過唔難囉﹐應該合格既~~半個鐘之後勁多人舉手走﹐搞到我等左好耐先走得﹐之但係我同flora出左黎之後kenny都未出得黎﹐仲係度垂死掙扎...原本想搵佢地去食tea﹐點知kenny又唔去﹐兩個人又去唔成﹐就番屋企lu﹐之但係我又好想食士多啤梨雪糕﹐於是唔理屋企仲有盒花生古古力﹐都走去買多盒士多啤梨cheese cake雪糕﹐點知...都唔好味既﹐都唔係我要既士多啤梨味﹐好唔開心添...
雖然星期三要考japan soc﹐但我番到屋企都係訓同hae﹐完全冇左回事咁...呵！

>>June 4, 2003 at 6:00:10 AM GMT+8