2004 年 1 月 5 日 星期一 【晴】

尋晚到宜家都心情忐忑﹐點解？咪就係因為尋日miss chan個電話囉...佢又講到兩大冇人玩﹐中大會好傷咁﹐又話佢兩個唔得閒﹐點都要搵人出場﹐就搵埋我﹐但佢話下個禮物六就比賽喇喎﹐之但係我成個幾兩個月冇練過﹐跑都跑唔郁啦﹐仲叫我跳﹐我真係唔知點算...所以我就不停咁問人意見﹐問究竟我應唔應承好...好多謝咁多個悿我問﹑聽我發牢騷既人﹐卒之﹐係諗左一晚之後﹐我都係決定左參賽﹐即使係練唔足都好...又係既﹐始終有得出賽都算係一種光榮掛...唔知呢？不過我就冇乜大期望lu﹐冇可能係個零禮拜培養到比賽情緒架嘛...至少我唔得囉...

>>January 8, 2004 at 4:13:16 AM GMT+8

2004 年 1 月 4 日 星期日 【微冷】

我覺得...我d同房除左無良之外﹐仲係豬黎架~~~點解？件事係咁既：話說尋晚同房f較左鬧鐘﹐放左係書台度﹐諗住今朝可以叫醒到自己番早堂啦﹐點知﹐個鐘係就係準時響﹐之但係就點都嘈唔醒佢﹐反而係我訓得唔好﹐所以醒訓左﹐聽到鬧鐘聲之後就叫醒左佢﹐佢先知醒起身熄個鬧鐘。熄左鬧鐘之後﹐佢好自然又番番落床﹐繼續訓﹐呢個時候﹐佢另一個鬧鐘就響喇﹐佢都好自然咁拍熄左佢之後再訓過﹐卒之係我好奇怪點解佢番早堂﹐八點三都唔起身既時候﹐就拍醒左佢喇...佢果然係一隻...豬！另一個用房a仲厲害﹐因為係咁多鬧鐘響既情況之下﹐佢都係訓得好安落...仲有﹐佢要番十點半﹐佢個鐘十點就響﹐每五分鐘響一次﹐佢拍熄左幾次先起身﹐真係好野...
咁你地話﹐我d同房係咪好typical...？

我想講﹐我好討厭spe既department office~~~因為今日佢浪費左我好多時間﹐仲要我三顧草蘆！激死我喇！

>>January 5, 2004 at 5:05:40 PM GMT+8

2004 年 1 月 2 日 星期五 【微冷】

清涼的日子，中午，一個人走在街頭，在家的附近走走，買了一堆日用品供宿舍之用。

傍晚，再出去一倘。這回，是揮霍。看來，買東西對我而然比較接近一種手段，而非必然目的。

>>January 3, 2004 at 3:31:48 PM GMT+8

2003 年 12 月 31 日 星期三 【晴】

二零零四

願‧豐富生活‧積極人生


因為…
我討厭欠缺上進心、責任心的頹人…包括我自己。

>>January 3, 2004 at 3:26:01 PM GMT+8

2003 年 12 月 31 日 星期三 【晴】

晚上﹐看頒獎禮﹐是一個應該穿黑色禮服出席的頒獎禮。

看到許志安﹐甚至黃耀明唱得幾乎哭了﹐真的傷感。

有點唏噓﹐有點無奈。

>>January 2, 2004 at 4:05:41 PM GMT+8

2003 年 12 月 30 日 星期二 【晴】

今晚大除夕喎﹐梗係要出去玩啦！
下晝去左睇《安娜與武林》。嘩！真係爛到呢...真係有閒錢先好去睇呀﹐因為實在係唔值得入場睇﹐都唔知個劇情想點﹐散到死﹐又無聊...一個字﹐差。
之後就去左食野啦﹑行街啦﹐我想搵漫畫嘛﹐咪捉埋佢去囉﹐點知佢就買到﹐我就搵唔到﹐哼！跟住就上去山頂lu~~好耐冇上過山頂呢﹐宜家都好靚喇﹐不過風景仲靚！香港既夜景﹐真係好靚~~~原來﹐香港都可以咁靚~~~
係山頂﹐同果度既人一齊望住棟大廈度既燈飾倒數﹐真係好好玩~~！

各位‧新年快樂！

>>January 1, 2004 at 6:09:58 PM GMT+8

2003 年 12 月 29 日 星期一 【乍暖還寒】

佛山之行最後一日。
今日可以訓晏d呀﹐訓到十點...一.一" 起身﹐又吹水﹐跟住就去食飯lu﹐順便買車飛番香港。同大伯娘食午飯﹐跟住就搭車走lu~~唔知點解﹐呢程車既時間好似又短d咁既？
番到屋企﹐梗係hae下啦~~係屋企休息下都要嘛﹐點知﹐唔睇電視由自可﹐一睇就晴天霹靂...
傳黎梅艷芳既死訊...

今年係樂壇不幸之年﹐三位巨星先後去世。雖然我自己唔係特別鍾意佢地﹐但係﹐點都有一種婉惜...
哀...

>>January 1, 2004 at 5:37:41 PM GMT+8

2003 年 12 月 28 日 星期日 【晴】

佛山之行第二天。今日都唔算早起身﹐都只不過係九點幾...一起身﹐就係度傾計﹐一路傾到差唔多十二點先出去食野﹐同二伯父佢地食喎﹐食x江菜（唔識寫丫嘛﹐係咁架喇﹐音：斬o岩切﹐唔知係咪咁架﹐明掛？？）﹐幾特別﹐又好好食喎！有d好得意既野﹐叫「泥丁」﹐開頭覺得佢都ok核突﹐不過食落又幾得意喎！仲有d糖芋頭﹐好似好滯咁﹐但甜甜地﹐好好食。呢餐食到好飽呢~~
跟住就同阿媽去左祖廟果邊行下﹐話哂都係佛山既心臟地帶嘛﹐仲係歷史既見證﹐難得番黎點都要去睇下既。點知個入場費要成廿蚊一個人﹐好唔抵囉﹐入面其實都冇咩睇既...基於「唔抵」呢個原因﹐我同阿媽就決定唔入去﹐淨係係門口影下相咁就算喇。行左個零鐘到﹐就係附近搵左間coffee shop飲咖啡﹐好耐冇試過兩母女坐低傾下計喇﹐正如阿媽所講﹐係美國之行之後就冇試過lu~~同阿媽傾下﹐先知原來屋企狀況呢排係咁......
行完哂﹐又打的去堅哥屋企。佛山打的好抵﹐十零蚊咋~~去到佢屋企﹐嘩~~屋企裝修得好靚呢~~又同好可愛既姪女玩。今餐係打邊爐呀﹐不過唔知係咪個tea既沙律太多﹑食得太飽﹐我食左冇耐就停左手lu~~再傾下計就番去lu~~咁又一日喇！

>>January 1, 2004 at 5:37:51 PM GMT+8

2003 年 12 月 27 日 星期六 【乍雨乍晴】

今日好凍呀...仲要番佛山~~~
開頭以為坐車坐好耐添﹐原來都只不過係兩個鐘到。同阿爸阿媽用左十分鐘過關﹐就係羅湖下面坐車上佛山喇。經過兩個幾鐘既車程就到左佛山喇﹐但我地竟然打唔到電話比大姑媽呀~~~好彩打到比姑婆﹐如果唔係﹐人生路不熟﹐都唔知點算...
卒之就係姑媽黎接我地啦﹐就一齊去左食午飯喇﹐叫左三道菜﹐好彩唔算太大份﹐我地三個都食得哂﹐唔會哂野~~不過果度d野食真係好平呢~~食完野﹐就番左姑媽屋企﹐放低d行李﹐同姑媽﹑姑丈傾下計﹐跟住就約哂d親戚今晚去邊度食餐飯咁﹐搞完一輪﹐就同姑媽去左姑婆屋企探下佢老人家喇。
姑婆好似真係老左好多呢~~不過都依然好可愛！係果度同表姑媽﹑姑婆佢地傾左好耐計﹐就去左食飯既地方喇「好多人呀﹐有兩圍呢﹐大部份親戚都到左﹐好熱鬧﹑好開心喎！我原來有幾個好可愛既姨甥/姪喎！真係幾得意架~~雖然我唔太鍾意細路仔...
食左一餐好大堆頭既飯﹑影左d相之後﹑就去埋單啦﹐嘩！真係抵到呢~~兩圍都只不過係四百幾咋﹐仲食到飽哂添！仲抵過去食宵夜~~~
食完野﹐就同家姐去左行街添！d野都賣得好平呀﹐我仲睇中左d鞋﹐不過可惜丫...行左冇幾耐就走lu﹐因為d舖頭都算早關門嘛。
番到去姑子媽屋企﹐梳洗下﹐咁就一日喇！

>>January 1, 2004 at 5:37:59 PM GMT+8

2003 年 12 月 26 日 星期五 【寒冷】

今日好忙呀~~~一起身﹐就要去郵局拎番個包裹﹐都成個禮拜喇﹐再唔拎佢就會掟番番去寄件者果度喇。原來係我張credit card呀~~~我卒之都有番credit card用喇~~yes！
拎完叮﹐就番左宿舍﹐要執野走喇嘛﹐要執好d野準備close宿呀。番到去﹐執左一大袋衫拎番屋企﹐諗起開學果時耍搬番哂d衫呀﹑呢樣果樣番去就真係想死喇﹐都唔知點搬好！咁鬼多~~
執完野﹐又要執下部電腦啦﹐搞下呢樣搞下果樣﹐整左好耐又hae左好耐先捨得番屋企﹐真係好鬼死趕呀﹐因為原本約左阿媽去買野﹐點知因為太晏﹐阿媽就自己一個去左買野﹐我番到屋企佢都買完喇...點解要買野？因為聽日要番大陸丫嘛~~我都成兩三年冇番去喇﹐d人都唔記得咩樣喇﹐我好似真係太耐冇番過去﹐所以阿媽話放假不如番去探下親﹐我就跟佢番去喇。
番到屋企﹐都係時候同屋企人出去行下﹑睇下燈飾喇！放左咁多日假﹐都冇乜時間同屋企人共聚天倫喎﹐梗係要出去行下啦~~不過阿哥要番工﹐冇得去喎~~
出左去食飯啦﹐跟住就係尖東行下啦~~~其實都唔係行左好耐﹐我部相機...又唔記得帶電﹐想影多d相都唔得...不過都唔緊要啦﹐一家人出去玩下就開心架喇~~

>>January 1, 2004 at 5:38:12 PM GMT+8