2003 年 3 月 17 日 星期一 【晴】

趕research功課
上japan soc tuto
社會盾女足
打籃球

冇心情
冇精神
唔寫喇
功課都唔做喇
由得佢死啦
最多聽晚做死佢

>>March 18, 2003 at 3:44:37 PM GMT+8

2003 年 3 月 16 日 星期日 【晴】

今朝早起身諗住做功課﹐點知自己又懶懶閒﹐都得做得果一條stat﹐搞到我要帶番去做埋佢。食完飯上唯一一堂既pe﹐同miss韓傾開尋日d成績﹐佢話我地都跳得幾好﹐阿斌又有咁大進步都好開心喎﹐不過﹐要人擔心既﹐佢當然係好擔心﹐無奈...唯有希望佢快d企番起身啦﹐我都冇野可以做啦...
上完堂去左cclib做功課﹐好乖﹐卒之做好stat﹐但呢個禮拜仲有research﹑law同reading soc﹐睇黎都係唔使訓...
之後na book左場練波﹐我梗係要去啦！又打籃球又踢波﹐好鬼"支力"﹐但好開心~~好耐冇打咁耐波~~聽日我可能要守龍呀﹐好驚添﹐我既動態視力淨係容許我去拍出d波而唔可以接實﹐希望都夠打啦...
我右手同左腳都廢左武功﹐好明顯係過度疲勞﹐又酸又痛又"支力"﹐都要捱埋呢個禮拜既幾場波﹐仲要趕功課唔使訓﹐睇黎有排先回得到氣...

今日戴起彭彭以前送既但我冇戴過既一條手帶﹐突然醒起好耐冇見過佢喇﹐上次舊生會活動我又冇去﹐宜家好似study leave喇﹐唔知佢點呢？淨係可以係diary睇到佢既近況...唔知其他師弟妹又點呢？希望快d有時間番去八下就好喇...

今晚要趕份research﹐唔知幾點有得訓...

>>March 17, 2003 at 3:20:03 PM GMT+8

2003 年 3 月 15 日 星期六 【晴】

一朝早起身番cu搭車出bu比賽~~好唔好彩﹐尋晚其實訓得唔係咁好﹐訓下醒下咁﹐可能驚唔知醒啦...出到去好快就開始比賽喇﹐因為係第一項﹐我都幾驚唔夠熱身﹐但都ok啦...到比賽果時真係好緊張﹐因為d人真係好勁﹐唔係人黎架﹐點解可以跳得咁高既？？自己又唔知做乜﹐跳果時竟然有d頭暈﹐可能唔夠血糖啦﹐但自己又唔記得買糖喎﹐以前次次比賽都有﹐係今次唔記得左﹐就出事喇﹐一路都發唔到力﹐係miss韓班到d糖黎先叫頂到陣咋。結果我都好滿意﹐因為係自己既bp呀~~149~~好開心架真係﹐雖然都係過唔到150...呢個高度只係得第六﹐可想而知d人有幾勁~~
跳完之後有個惡耗...我唔見左隻錶...雖然佢好殘﹐仲比我整到壞壞地﹐但始終係我自己買既第一隻錶...好灰...
比完賽之後等埋高芬就去左同田徑隊人食lunch﹐我發覺自己係田徑隊真係特別摺﹐點都出唔到聲﹐其他地方就算係新相識我都唔會咁﹐究竟係咩令我咁陌生呢？？d人唔係唔認得﹐不過就係冇傾計...
食完野就走喇﹐原本想同高芬去睇衫﹐不過趕上堂﹐冇法~~上course玩role play﹐都幾好玩丫﹐不過自己做得唔係咁好﹐第一次﹐冇乜經驗嘛﹐算係咁啦~~

跳得出咁既成績﹐我真係好開心﹐我都見到miss韓都開心架~~所以好多謝指導過我既miss韓同阿俊﹐佢地可以話係我第一個正式既教練﹐見到自己有進步﹐真係好好~~^^


講完開心﹐想講唔開心；唔開心既都費事記喇﹐所以唔講咩事喇。
只不過﹐原本我好在意既一件事﹐係我訓左一覺之後﹐又好似冇乜野喇﹐再唔可以令我傷感﹐淨係有d心情唔好。究竟係我睇得開左﹐定係...？

>>March 16, 2003 at 4:10:11 PM GMT+8

2003 年 3 月 14 日 星期五 【晴】

今日好忙呀~~朝早要番cu幫dept做「機佬」...又見到果d「fans學生」﹐真係....又冇禮貌喎﹐問史提芬問題又唔企起身﹐一舉起相機就即刻遮住塊面...唉...可能尋日真係玩得太過份喇﹐隻手好酸痛﹐影完我先發現﹐有幾張相日光我都唔記得熄閃光燈﹐d相實炒哂粉...難為史提芬仲話我上次影得好﹐真係失禮哂...
影完相做完野就去飯局﹐呢兩日食野都唔使錢﹐好開心！食完野就出番去上course﹐三點半至九點半﹐一個鐘食飯﹐好彩今日呢個導師唔似得上個禮拜果個﹐呢個講得生動有趣好多﹐雖然我覺得佢講唔哂﹐但起碼佢唔會令我訓哂丫嘛﹐都叫學到野啦~~不過聽日係role play練習﹐有d驚添﹐唔知係點架呢？
番到屋企又十一點喇﹐聽朝仲要早起去比賽﹐又"支力"又眼訓﹐但都要check埋mail先訓...

上完course坐mtr番屋企既途中竟然比我見到german同nicole姐﹐咁都撞到？

希望聽日有番d成績啦﹐好緊張呀~~

>>March 17, 2003 at 3:21:33 PM GMT+8

2003 年 3 月 13 日 星期四 【晴】

今日上reading soc上到我呢...早堂真係好唔掂﹐尋晚夜一夜都搞唔掂份summary﹐卒之係差唔多冇睇過reading既情況下作左篇summary頹交就算﹐我相信阿淑英一定會剷我...唔知係因為夜訓定咩﹐一路上堂個頭就痛到乜咁﹐食左panadol都冇乜用﹐勁辛苦...捱完三堂就走上uc同yumeji影相﹐卒之見到fion個殘樣...又見到german同姚強﹐又影﹐哈！影完相係會室吹水﹐講講下是非﹐無啦啦話一齊入中大代表會﹐真係搞笑到呢...之後屈到kenny請我食uc can三文治﹐呵~~真係好好食呀！
之後﹐難得一見既奇景---我上幸福論﹐呢堂係我呢個sem上既第三堂咋﹐威到呢~~不過都係訓左大半堂...上完堂就走番上uc搵左阿b落pool side cafe食tea﹐咖啡好好味﹐好開心！多謝死肥b係好無聊既時候聽我講埋d無聊野﹐仲要請我食tea~~
之後趕上uc gym打社會盾羽毛球﹐我真係好耐冇打喇﹐自從form 2開始都冇打喇﹐我仲以為我已經唔鍾意打羽毛球﹐原來唔係呀﹐我仲好鍾意玩﹐不過今日打得唔夠盡興﹐如果唔係耐冇打﹐又就住就住﹐一定可以打得仲狠d~~我下一場一定會再努力d架~~之但係已經搞到我隻右手廢左武功﹐冇哂力﹐聽日仲要做野添呀...

>>March 14, 2003 at 2:54:22 PM GMT+8

2003 年 3 月 12 日 星期三 【晴】

要去interview呀今日。我都冇諗過interview既問題會咁政治﹐真係比佢問到口都啞。算！都預左冇機﹐當去學下野都好﹐又可以試下自己d普通話﹐雖然自己緊張到口都窒埋...
上law﹐好威﹐一路聽discman一路睇reading﹐都唔係上堂既...卒之同阿yu講左要postpone﹐做左postpone怪...又做左d瘀野﹐明明想講postpone one week﹐點知講左one month﹐真係嚇親anna...呢幾日唔知發生咩事﹐自星期日開始日日都有瘀野﹐死啦...
普通話派番mid-term﹐唔滿意呀~~不過鬼叫自己冇溫過書咩...
上完普通話走左落去八下男足踢成點﹐我真係估唔到我地會輸成咁﹐比人數四比零？我唔係度既時候發生左咩事？？
之後唔想練習﹐雖然我帶左衫﹐但唔想練﹐就去左高芬到﹐訓到七點先同佢行過去夏鼎基﹐填完問卷拎埋衫就走左lu~~早知唔拎d衫番去拎得咁辛苦啦~~
番到屋企fion打比我話佢冇bump汽球既bump﹐我原本借到一個架﹐點知...人算不如天算...好彩最後都借到一個﹐one and only one﹐我盡左力喇﹐可以問既都問哂...真係有d擔心佢唔知會搞成點﹐最衰我唔記得拎我地果個bump比佢啦﹐激死！


唉...
我唔明點解我d friend上左莊之後個個都做到隻狗咁！唔好再勞役我d friend﹐唔係我同你地死過~~

我諗我真係要戒粗口喇﹐唔可以再嚇親我d可愛單純既同學仔...<--大O friend同院慶friend除外...

>>March 13, 2003 at 4:44:53 PM GMT+8

2003 年 3 月 11 日 星期二 【晴】

好叻呀我﹐上到早堂research﹐小彩話已經好耐冇見過我上呢堂﹐呵~~要佢跌眼鏡添！
我發覺我宜家就算上到堂唔訓覺﹐都只不過係開眼發夢...
lunch特登上左cherry度借大笪地果時既大聲公...跟住...唉...經此一役﹐以後會室冇熟人我都唔會走入去喇...
上完pe再上stat tuto﹐開頭仲以為得我一個人上﹐好彩阿king有黎﹐兩條友上tuto我都未試過﹐不過都幾好﹐真係學到野﹐咁都可以捱到兩個鐘﹐余綸好野...
之後社會盾開幕﹐我竟然唔記得搵人作slogan﹐真失策...不過我地college咁「多人」﹐作唔作都罷啦...唉...都唔強求喇...卒之今日既結果係我地拔河包尾﹐但張德勝竟然送左盒朱古力比我地﹐六人七足就拎左第二﹐都ok啦...我好乖喇﹐企硬拔河冇落場﹐淨係六人七足先落去玩﹐費事太用力整到腳...那又如何？...
之後上左uc搵fion同anna食飯吹水﹐跟住同fion過na搵ron拎波波橋個架﹐真係多謝na﹐多謝阿roy啦~~過番uc之後就係度睇cusu比人插喇。如果可以留耐d就好喇﹐好想睇下有冇舌劍唇槍既場面。可能係我偏見啦﹐我覺得cusu個p個樣好串...真係唔鬼投佢地票﹐鬼叫佢地又搞d醜聞出黎...一陣cu又見報就真係多得佢地唔少喇！


如果要我hurt人﹐我寧願hurt死自己...
「理性與感情﹐邊個會分得開？...某時候總會由感情做主宰。」<---幸福論tuto
好可惜﹐我就係咩時候都分得好開﹐就連應該用感情直覺做判斷既時候都係理智壓倒感情...

>>March 12, 2003 at 4:35:50 PM GMT+8

2003 年 3 月 10 日 星期一 【晴】

又係屋企煮野比自己食﹐原來煮野食都可以好開心~~食完就番去上幸福論tuto﹐個prof真係好搞笑﹐我真係希望我可以attend哂佢d堂架﹐奈何...
上完堂係su室hae左陣又落番soc房﹐同aaron﹑billy佢地傾下社會盾既野﹐呀苗又好好人地幫我抹番乾淨上次比香檳整污糟既鏡頭﹐就係咁﹐又唔去上law喇﹐份assignment仲要星期四交添！之後仲落左去嶺南同佢地打籃球﹐不過隻腳...真係貪玩左d﹐聽日唔會喇~~
仲以為今日可以早番屋企﹐點知都係要搞莊務﹐我都費事講喇﹐總之結果係八點九先離開中大啦！

個tuto﹐真係幾應...
「每人一生都會有遺憾﹐無可避免﹐有d人既遺憾會係感情方面既...」
...
可恨我既記憶力太差﹐到左呢個時候我已經唔記得哂其他﹐淨係記得「腰心腰肺」果下感覺...

>>March 11, 2003 at 7:01:29 PM GMT+8

2003 年 3 月 9 日 星期日 【晴】

忘　我沒有很努力要自己去遺忘
那些和日記一起收藏的過往
孤單在思緒之中變得很漫長
想　我沒有很刻意讓自己不去想
那些和照片一起靜止的模樣
我學著堅強　堅強到不用學著不想　學著遺忘
還是害怕夜深人靜時總想起你
還是害怕不經意的聽見你的消息
然而當愛已經沉澱得太清晰
當擁有已經是失去　就勇敢的放棄
還是會害怕一個人時就很難忘記
還是害怕突然寧願當初沒有決定
然而當愛最後的出口是分離
我會這麼相信　走下去

>>March 11, 2003 at 7:08:27 PM GMT+8

2003 年 3 月 9 日 星期日 【晴】

宿醉未醒﹐今日都仲係「暈舵舵」咁﹐都未試過飲到咁大鑊﹐尋晚一合埋眼就好似過山車果種感覺﹐雖然幾過癮﹐不過都係唔好試多次...
上晝fion黎左上水﹐因為佢送舊又要整波波橋﹐已經幫襯左NA喇﹐宜家就入黎買汽球﹐帶左佢買完野就同佢去左廣成食野。我自己都好耐冇去過果度喇﹐食左個茶餐﹐d牛肉通依然係咁好食﹐不過因為早得滯冇紅豆冰賣...><...之後想食腸粉但明記竟然未開﹐fion冇口福喇~~再逛多陣就番cu喇﹐到火車站先發覺我唔記得帶「發達通」﹐死fion又唔肯等我﹐唯有死死地氣買飛啦﹐點知fion把口勁臭﹐我入左五十蚊佢竟然找番四個十蚊比我﹐真係...啤~~~
番到去係soc房又hae左陣就去上pe﹐頭暈暈真係乜都做唔到﹐算~~跟住又番soc房hae﹐到六點先施施然走上夏鼎基練習。係今個禮拜最後一次正式練習喇﹐因為之後要休息到星期日。好似好耐冇練過﹐好耐冇去過夏鼎基﹐好耐......依然係暈暈地既狀態之下﹐不過可能因為尋晚夠訓﹐跳得都叫ok啦﹐星期日可以再好d就好喇﹐不過到時得番高芬同我打氣lu...
番到屋企又乜都唔想做﹐反而搵到一首好好聽既歌﹐哈~~

>>March 11, 2003 at 6:42:14 PM GMT+8