2003 年 4 月 17 日 星期四 【晴】

今日﹐都係乜都冇做﹐仲訓到成十二點。其實我唔係冇野做﹐陳曉烽都講得岩﹐佢話宜家唔paper做遲d實做死﹐但我仲係冇乜mood﹐或者係我仲未想做﹐懶得就懶。咁就訓左成日﹐因為我尋晚發左個夢﹐雖然psy話用自己既記憶力去記一個夢會好浪費﹐但係我真係想記﹐仲想睇下可唔可以發埋落去﹐最好唔好醒添﹐我知發夢仲開心過現實係好灰﹐不過﹐唔發夢都唔會係現實出現...現實唔係唔開心﹐不過始終有d野發夢先會出現﹐就比我天馬行空一陣啦...

呀哥病左﹐好擔心﹐佢本身身子又弱﹐又岩岩出黎做野冇耐﹐真係好驚佢會捱病﹐宜家肺炎又咁勁﹐佢以前又有肺炎前科（典型果隻）﹐唔知會唔會更加vulnerable呢...？唉....><

真係﹐人越大就越多野掛心﹐因為你唔再可以只顧自己﹐仲要睇埋屋企﹐身不由己...

>>April 18, 2003 at 3:55:36 PM GMT+8

2003 年 4 月 16 日 星期三 【晴】

今日又有組聚呀﹐太開心喇﹐但都要開完個會再走上uc book完野先可以落番中菜廳﹐搞到我冇乜時間同佢地吹水。食飯期間發生左件好恐怖既事﹐差d唔記得﹐就係iris媽以驚人既手法用一張handbill將一隻係落地玻璃上爬行既超怪昆蟲一野整死﹐仲要連handbill「痴」係玻璃度﹐我相信出面望入黎一定好核突﹐難為iris仲要以勝利姿勢係前面留影﹐我就嚇到呆左...
仲有樣野﹐我地講講下話諗住去旅行﹐大舊就話去長洲（頹爆！）﹐albert竟然話去歐洲！！仲話如果我地成家人去﹐我地淨係出機票﹐食宿等等就佢包﹐因為佢話果邊幾個國家都有親戚喎~~嘩！唔只係upper class﹐簡直係noble class啦...不過可惜﹐要搞o camp又要上summer course都冇時間去lu~~但我地就話下年去﹐希望下年有錢啦﹐機票都唔平架~~
最可惜eva黎唔到﹐好耐冇見佢喇﹐咁都比我係嶺南梯見到佢﹐yeah~~咁我今日就見哂所有人喇！仲要比我見到大舊兩次咁多﹐另一次就係食完tea﹐同仙仙婷婷打乒乓波果時走上學休見到既。
走上學休既原因﹐係想叫flora帶我去「毛澤東房」睇下既﹐點知鎖左﹐出版部又鎖埋﹐淨係去左舊會室﹐宜家變左活動室﹐係鏡房﹐仲有yamaha鋼琴添！跟住走過去屬會室﹐竟然比我搵到...我地uc soc個信格！我頂！點解我地會唔知架！竟然仲有兩年前既信係度！有冇搞錯！唔上去睇下咪留到個會室比人拆先知？？

原本諗住屋企做下野﹐點知都係頹左﹐唔想做﹐算啦﹐聽日先啦...突然間諗起首「明日歌」﹐都真係灰灰地...

>>April 18, 2003 at 7:38:03 AM GMT+8

2003 年 4 月 15 日 星期二 【晴】

走左頭兩堂﹐上左34堂就上uc組聚。好慶幸我地組仲係咁好﹐成日出黎食飯同去玩﹐呢班friend令我覺得好開心﹐同佢地一齊咩都講得﹐仲開心...

hae左幾粒鐘﹐無聊之極﹐係會室又冇人理我﹐anna同fion又要訓覺﹐好無耐﹐discourage左我以後上會室hae既諗法...由兩點幾hae到八點先傾大o莊﹐其實即係聽上莊講下野。近距離聽雞泡佢地講野﹐唔知點解﹐覺得佢地真係好得﹐有種做p既風範﹐sara講得冇錯﹐我相信係佢地身上可以學到好多野﹐因為我淨係聽佢吹一陣都已經覺得佢有料﹐可惜雞泡今年已經畢業﹐希望屈爺會後繼啦﹐跟佢都應該學到好多...不過我都未諗落邊部﹐其實除左節目都ok既﹐之但係節目又應該最有挑戰性﹐最辛苦又係佢﹐用得腦最多又係佢﹐真係唔知點揀。一路聽雞泡講﹐一路聽阿包講左好多今年學校對o camp既新措施﹐如果全部都成真﹐咁個camp真係搞唔過﹐因為一定難搞得好玩﹐咁多restriction...

開始有少少同情阿包添...^^"


或者﹐我最後都會做唔出...
雞泡都講得好岩﹐既然係自己take up既﹐就唔應該越做越頹﹐要承擔責任。
之但係﹐對自己好亦都好重要﹐唔係下下做咩都為人地﹐做埋人地果份。
點算？
理性既天秤又一次玩死我...

>>April 16, 2003 at 4:22:01 PM GMT+8

2003 年 4 月 14 日 星期一 【陰】

開始覺得呢個sem係暫時最一塌糊塗既日子﹐好多不愉快事件發生...最少﹐係我唔開心囉...

今日係第n次對大學生活失望。
我唔想有人難做﹐我一定會做番我應該做既野﹐但係我對其他人講過既野亦都係我自己做野既原則﹐我會係適當既時候做適當既決定。個個人都有自己既責任﹐我唔可以話我盡哂我既責任﹐但我覺得我已經對得住自己。我承認我學業上係頹﹐但我會係唔影響到其他人既情況下頹死佢﹐都唔關其他人事。可以話我唔體諒其他人既情況﹐冇所謂﹐當我係衰人我個心仲好過d。我下次再講同一句說話既時候﹐我一定會加埋實際行動﹐話我自私又好﹐話我唔負責任都好﹐我都會以我工作原則做大前提。

後悔﹐黎唔切﹐亦都冇用﹐唯有盡做宜家可以做既野同plan好將來要做既野。

頭﹐又痛喇...

>>April 15, 2003 at 4:27:18 PM GMT+8

2003 年 4 月 12 日 星期六 【雨】

好早就訓（四點）﹐一朝早起身（六點幾）﹐灰到震﹐鬼叫我要做功課...做得七七八八就係時候番中大傾presentation outline﹐去到嘉莉個宿就十一點﹐收到小丹個電話﹐原來我唔記得約左佢十點半係上水等比d past paper佢﹐要佢特登走出黎仲白行一倘﹐真係超級唔好意思...
差唔多兩點又係時候上去本部開會﹐個present未傾完都未走先﹐都係中代臨會緊要﹐費事無啦啦比人彈劾啦~~「我在中大的第一個馬拉松會」...兩點開到八點半﹐足足六個半鐘﹐已經有好多議程skip左留番下次開﹐都要搞咁耐﹐下次好似要過埋學生會果幾份proposal同budget﹐加埋今次skip左果d﹐睇黎下個會好有可能要通喇...

身子弱...以後都唔敢唔夠訓去開中代d會喇...

>>April 13, 2003 at 5:07:31 PM GMT+8

2003 年 4 月 11 日 星期五 【晴】

呢個星期最難捱既一日...
有咁耐風流有咁耐折墮﹐大把功課等住我做﹐仲係要睇reading既添...好辛苦先睇完一份japan soc既﹐再寫埋份outline都已經六點﹐做左成日先得果一份﹐另外果份睇左兩parts﹐睇到我發脾四都唔知佢講乜...我唔係唔想睇﹐但真係好discouraging囉﹐我已經係第n次比soci既reading打沉﹐好灰囉﹐我d理解力原來仲好差...放棄左佢先﹐做埋份research要緊﹐聽日交﹐仲有reading soc﹐星期一交﹐但聽日都唔會得閒做...
今晚又做唔知要做到幾點...

今日下晝發現左套日劇﹐瀧澤秀明做既《Antique - 西洋古董洋果子店》﹐除左有都幾靚仔既瀧澤之外﹐最吸引我既係---配樂！係Mr. Children耶~~~~~~~！！成套劇都播住佢既歌﹐真係睇得好開心架~~~~~~~以後要個個禮拜六追先得！


好對唔住我d groupmate添﹐我咁頹...做group project既唔好處就係自己頹會累死人﹐我唔想呀！><

>>April 12, 2003 at 6:06:25 PM GMT+8

2003 年 4 月 10 日 星期四 【晴】

係屋企﹐好地地﹐就係冇心機睇japan soc既reading...一開電腦check mail就有兩個好消息---japan soc唔使上tuto﹐即係唔使做present！淨係交份present既report就得﹐仲比多一日時間添！仲有就係happiness既paper 23號先交﹐exam改左take-home exam﹐好野！即刻成個人頹哂...XD
之但係﹐我都係推左七輝個tea appointment﹐因為...我又唔想出去...差d推埋阿洪個appointment﹐不過﹐琪琪同婷婷實在太大誘惑﹐一定要去~~就係咁﹐出到去﹐兩個八婆都遲到...一.一"
原本係食飯既﹐但阿洪突然又提議去唱k﹐咁就去左red box（又去唱k﹐比陳曉烽同殷煒樺鬧多次添！XD）﹐琪琪遲大到！不過比我係黑暗既k房中都叫做見過人地真面目...^^"
唱完k﹐琪琪佢地走左就同婷婷去左食宵﹐吹左一陣水﹐如果唔係要趕番屋企都真係想吹耐d~~


係icq對話之中﹐我好似同自己講緊野咁﹐佢所講既野其實都係我宜家所經歷緊既...兩個人﹐都走唔出一個局...
原來呢樣野並唔罕見﹐只係我見得少...唔開心...幾時會好？


「好羨慕有目標的人」﹐曾幾何時我講過﹐宜家發覺﹐原來我淨係識得羨慕...

>>April 11, 2003 at 6:04:11 PM GMT+8

2003 年 4 月 9 日 星期三 【雨】

今朝又訓晏左﹐好唔開心添~~起身就燒左兩隻國語歌既碟孝敬媽咪﹐佢話想聽d舊歌喎﹐一見到隻碟賣廣告就兩隻眼發哂光...

下晝同roy﹑billy﹑小彩出左啟德「碌ling」﹐順便再「督」埋波﹐之後就做左樣殷煒樺同陳曉烽一定會鬧我既野---我地去左唱k！哈！本來fion佢地都想話今日去﹐因為我話今日都會出街﹐就順便﹐宜家我真係「順便」去左唱k添！
我都未試過可以完全唔記得一首歌點唱﹐今次真係第一次﹐衰係「窗外的天氣」手上....完全唔記得melody！一.一"


我唔明﹐點解我頭痛忍到﹐腳痛忍到﹐胃痛都忍到﹐但...

>>April 11, 2003 at 9:11:06 AM GMT+8

2003 年 4 月 8 日 星期二 【陰】

要還擊死人陳曉烽：
做咩話殷煒樺又燒埋我果撻？我係都唔會好似殷煒樺咁C&P架喇~~係寫得疏咁又點？我都唔係好想寫喇......
仲有﹐我唔會做大組長呀！唔好夾埋殷煒樺「立亂」填我個名...


今日同高芬﹑華仔﹑b﹑仙﹑thy﹑龜去tea﹐跟住走左上仙仙屋企打麻雀﹐係佢地打牌既同時我開左仙仙部ps2玩捉馬騮﹐哈！好耐冇打過機﹐打左兩個幾鐘就有d"支力"﹐捉左阿b同我掉位比我落場打﹐好耐冇打過牌﹐變左站長﹐雖然冇死thy個超級站長咁過份﹐但我打左幾舖先食得個一舖真係霉...玩下玩下都唔覺玩到八點...卒之又冇時間做功課lu~~

>>April 9, 2003 at 4:07:04 PM GMT+8

2003 年 4 月 7 日 星期一 【雨】

窗外雨聲滴滴答答...

OC？組媽？真煩...鬼唔話兩樣都唔做...

「屋漏偏逢連夜雨」﹐腳傷未瘉﹐腰骨又痛...提早衰老？


好白痴...

>>April 8, 2003 at 4:04:39 PM GMT+8