2004 年 1 月 19 日 星期一 【乍寒還暖】

今日真係麻煩死﹐因為要上悶得黎又唔訓得既RW﹐pedro又叫我交功課喇﹐但我真係驚交唔到比佢…
番到宿﹐因為今朝唔記得左填洗衫﹐發現已經比人填哂﹐得番四點。好不幸﹐等我仲諗住洗哂d衫先番屋企﹐點知落到去﹐個洗衣機仲比人霸住﹐真係好麻煩﹐因為呢個洗衫事件浪費左我好多時間﹐又太複雜﹐我都懶得講喇﹐總之就係由四點幾搞到七點﹐我d衫都係乾唔哂啦！激死！但又趕住走喎﹐唔理lu~~
之後就同阿偉食飯﹐and then番屋企﹐又係支力死兼激死既一日…

>>January 30, 2004 at 6:14:18 PM GMT+8

2004 年 1 月 18 日 星期日 【雨】

又落雨﹐停未架究竟…？
今朝番到宿舍﹐見到間房已經回復番本來面目﹐好彩…之後又係上堂上堂上堂…原來個普通話老師都幾好喎﹐我又識多一個同學仔喇﹐上堂果個叫Annie﹐今堂果個叫Cindy﹐記住佢先！唔係就會唔記得﹐但我已經唔記得佢讀咩…跟住上天文﹐死人陳曉烽又唔上堂﹐佢真係變成走堂怪喇﹐都唔知佢take天文黎做咩。我仲發現多一樣野﹐就係…原來手球隊個隊長阿峰都有take天文！我覺得…佢個樣真係好嚴肅﹐雖然我都知佢地成班都係玩得既人﹐但係…我就係咁覺得啦…
上完﹐又落去e-research喇。我諗佢遲早係我呢個sem唯一一堂會走既堂囉﹐因為真係太悶喇…我近呢兩堂都有訓﹐仲要係睡眠質素頗高果種﹐第一堂冇訓係因為我遲到早退咋…你話點算？！
卒之搞掂哂所有堂﹐安安樂樂番宿舍lu~~咁又一日﹐聽日實忙死…

>>January 30, 2004 at 6:14:12 PM GMT+8

2004 年 1 月 17 日 星期六 【乍寒還暖】

又落番雨喇﹐真係又凍又乞人憎呀！
今日係聯合書院幾年一度既開放日﹐梗係要同屋企人去睇下啦﹐順便等我番去探下班丫嘛！番到去﹐嘩…我都唔想講架﹐不過真係少人左少少﹐但可能係因為早之嘛﹐我諗夜少少會好d既…應該…
同各位吹左一陣水﹐影左d相﹐又同屋企人周圍睇左一次﹐我又走番去宿舍拎野﹐一上到去﹐嘩！嚇左一跳！間房仲亂過我地三個係度果時﹐唔使下話？！竟然亂得過fion原本張床？！真係好想睇下住我地房既係咩樣既中學生…拎完野﹐又行一陣就去左staff can食飯﹐食完野﹐我地都差唔多時間要走lu﹐因為我仲有下場---又去hku。不過今日係去睇波only﹐咩都唔使做。係寒風冷雨下﹐我同阿偉都去到旺角個小巴站﹐點知原來成隊波都係果度等﹐唔係下話？！如果架小巴再遲d﹐咁呢場波就真係唔使打啦…原來成班人都好好笑﹐係小巴成程都係咁係度講﹐笑到我唔停得口﹐好有趣丫班手球隊都！
去到場﹐女子先岩岩打完上半場﹐咁我就睇埋下半場啦﹐我覺得﹐hku果隊真係幾差﹐我地冇理由唔贏架嘛﹐球速唔係太快﹐但個龍都接唔到﹐hku就抵輸啦﹐不過整體而言﹐兩隊個水平都唔係好高﹐係有一兩個睇落去勁d。
到男子喇﹐我覺得好恐怖囉﹐好大力咁掟個波﹐好似掟死人唔使本咁﹐我仲拍到有一球掟到個龍暈暈地咁…兩邊都係…只要係男仔玩既運動﹐我都覺得有d血腥﹐因為佢地好暴力…xp
睇完場波順便睇埋個closing﹐卒之最後cu都係贏唔到overall﹐不過miss chan話尋日女田贏左喎﹐都算唔錯丫~~
睇完哂﹐就同阿偉同埋佢d隊友食韓燒。其實我係咪唔應該去呢？好似有d阻住佢地咁﹐好唔好意思呢…

>>February 3, 2004 at 8:41:35 AM GMT+8

2004 年 1 月 16 日 星期五 【微冷】

落左成日雨﹐估唔到今日會好天﹐真係有少少想佢落雨等我唔使比賽…唔知點解﹐因為呢個比賽令我既情緒好唔穩定﹐我自己都唔知點解﹐可能係覺得自己狀態唔好﹐所以後悔應承左去比賽啦﹐搞到呢期有少少失常﹐仲搵人發脾氣添﹐對唔住呢！
同阿偉搵左好耐先搵到車搭﹐唔識路丫嘛﹐鬼叫hku d場咁鬼麻煩咩﹐山卡啦咁﹐都唔知咩地方黎既﹐我點都要講多次架喇﹐好彩唔係讀hku﹐我好開心可以係cu讀﹐呵呵~~去到個場果時佢地已經開始影相lu﹐好彩仲叫趕得切…
我又係第一項比賽喎﹐所以坐左一陣就要落場lu﹐身都未熱完﹐撞鬼…我係個場度見到小玲﹑阿雪﹑楊愛卿同傻堂呀！小玲個樣真係唔同左﹐太耐冇見喇﹐唔知其他人宜家點呢？另外﹐好彩多得傻堂咋﹐我地架小巴去到黃克競果時佢就上車喇﹐如果佢唔係度﹐我地可能唔識落車…
講番個比賽﹐so so同turbo兩個各有最少兩個項目係身﹐個場四圍走﹐真係辛苦﹐我就淨係得一項﹐所以好得閒﹐而且體力都集中d啦﹐卒之我地三個各拎左頭三名﹐中大都算係咁啦。好彩係個場到有傻堂比我解悶兼發洩﹐我先冇咁緊張咋~~最慘係我比賽果個位﹐睇唔到偶像跑步個樣啦~~但見到佢跑二百都仲向後望﹐真係好得戚﹐偶像唔得咁架﹐要謙厚d嘛…莫非真係比人污染左？！
睇完哂個比賽﹐都冇睇個結果就走左lu﹐冇法啦﹐我仲有下場嘛﹐要出去做節﹐食團年飯﹐yeah！
咁就一日﹐真係好支力…

>>January 30, 2004 at 6:11:43 PM GMT+8

2004 年 1 月 15 日 星期四 【暴雨】

又係海文早堂﹐遲到﹐仲開始頂佢唔順…差d訓著﹐不過都仲頂得順﹐唔知下堂會點喇。上完堂﹐又開會﹐冇咩好講﹐不過開開下會又係reg月會既時間﹐我讀左咁耐都未試過自己reg月會﹐多得大舊囉﹐不過下個sem就點都係自己reg喇﹐趁宜家睇下點reg都好。原來reg月會真係好似打仗咁﹐岩岩開始有得reg之嘛﹐就就已經冇左四十個位﹐都唔知點人點reg架…reg完月會開完會﹐就上左u lib借書﹐不過搵黎搵去都搵唔到應該搵果本﹐唯有借左本second edition﹐但我都唔知佢岩唔岩用架﹐但點都借左先啦嘛。
番到宿﹐又係時候執野喇﹐我今日比人迫遷呀﹐做咩？咪就係因為個中學生營囉﹐我地應承左借間房出黎比佢地訓﹐咁我地三個都要走人lu。岩岩番黎都唔夠兩個禮拜又要番屋企住﹐住幾日又話番黎﹐跟住住多兩日又新年﹐又要搬番屋企﹐真係麻鬼煩﹐希望復活節唔使又搬啦﹐因為將d衫搬黎搬去真係幾辛苦﹐我聽日仲要比賽添﹐搬黎搬去浪費我d energy呀…
唔知班中學生會點對待我地間房呢？真係有d驚…

>>January 30, 2004 at 6:11:05 PM GMT+8

2004 年 1 月 14 日 星期三 【乍雨乍晴】

我好難過...

打爛左隻杯...好鍾意...買唔番...唔開心...
唔舒服...冇好過...好支力...冇精神...唔開心...
冇狀態...跳唔起...退步...唔開心...
佢整親...我唔岩...唔開心...

好唔開心...

>>January 15, 2004 at 2:00:47 AM GMT+8

2004 年 1 月 13 日 星期二 【晴】

對唔住...我以後都唔玩喇...
希望你快d冇事啦...
>.<

>>January 15, 2004 at 1:57:23 AM GMT+8

2004 年 1 月 8 日 星期四 【寒冷】

今日忙死左﹐一樣野接住一樣野咁做...
一朝早就上早堂﹐七點半起身﹐上海文哥既contem都係遲左少少﹐仲要冇野食...海文嘛...我信得過佢教既﹐不過﹐我真係唔係好頂得順佢d英文﹐monotone又細聲﹐真係聽到我想訓﹐之但係我又冇訓過﹐好勁！呢個禮拜既堂我都冇訓過架~~~
上完堂就開會﹐又係好輕鬆咁開啦﹐都就黎落莊咯﹐冇咩要做啦都。開完會就同billy﹑roy同karen去左本部食飯﹑吹下水咁﹐好快搞掂又同billy去左借書印contem既readings...海文真係恐怖左d囉﹐六個禮拜竟然有19份required readings？！唔係掛...我同billy借左六本書就上左uc影印﹐又做影印妹﹐好慘﹐我好明白果d一番office就成日淨係做影印既人既苦況﹐因為要我企係影印機前面幾個鐘都真係想死﹐係悶死囉...影印完﹐搞完一大輪﹐還埋書﹐又係時候去sit下莊個會喇﹐今次唔使做presentation lu﹐因為要知既佢地都知得七七八八﹐不過我仲未提佢地要留意番學生會既野﹐遲d先啦都係﹐等佢地搞掂手頭上既野先都唔遲既﹐我仲要諗下pre-諮有冇野玩﹐呵呵~~
開完會﹐嘩﹐我已經活動左成十個鐘﹐唔得掂﹐要抖抖先﹐就番左宿訓﹐點知一訓就訓到十點﹐野都冇食。
呢個時候﹐就係我同fion打勝漂亮既一仗既時刻。話說阿杰同何b同時間問fion我地有冇野食﹐佢地話佢地就餓死咁話﹐咁我地就有d通心粉可以比佢地啦﹐咁何b就問我地可唔可以煮埋﹐點知阿杰就話佢地自己煮喎﹐所以我地就同何b講冇問題﹐因為阿杰煮埋﹐順便加多句﹐幫我同fion煮埋﹐呵呵~~佢地好無奈咁拎左d通心粉番去煮啦﹐煮好左﹐我同fion就落去食﹐食完仲就咁走左去﹐留番d野佢地自己洗添！哈哈！簡直係最漂亮既一仗呀~~~
食完呢餐﹐仲同阿偉食埋思源糖水~~~呵呵~~~好滿足既一日~~~

差d唔記得﹐今日撞到阿爺﹐佢話下禮拜去打邊爐喎﹐唔知今次搞唔搞得成？

>>January 10, 2004 at 6:48:07 AM GMT+8

2004 年 1 月 7 日 星期三 【晴】

下午練習。
天氣好，心情好，即使狀態不太好，沒甚進步，也罷，算個開始。

>>January 10, 2004 at 6:34:57 AM GMT+8

2004 年 1 月 6 日 星期二 【颳風】

今日出左成績喇﹐唔睇由之可﹐一睇﹐簡直係傷心欲絕啦...就係因為一科french﹐比佢一鑊炒起﹐拉低哂我所有成績﹐加埋soc psy既落井下石﹐如果唔係﹐淨計我d major都唔算好差架...我同房d成績都唔算太好﹐莫非我地房真係有d問題？點解我地咁命苦架...好彩呢個sem既french drop得快...
夜晚諗住去瘋狂購物等我發洩下﹐點知因為太夜﹐乜舖頭都close哂﹐乜都買唔到...算...好過我再受到赤貧既雙重打擊...都係等呢個sem再發奮啦﹐呢個sem唔係take左好多course（咁耐以黎最少credit既一個sem）﹐d course又唔算太harsh（除左contem...）﹐我諗應該會ok番d掛...

最晴天霹靂既係...我仲差過何b﹐呢個係恥辱！簡直係比死更難受﹐我接受唔到呢個事實﹐快d搵人殺死我好過...(>.<)

>>January 9, 2004 at 5:01:28 PM GMT+8