2003 年 3 月 8 日 星期六 【雨】

上晝食完自己煮既brunch又要去上course﹐仲要上一至七﹐真係悶到呢...好彩今日帶左本漫畫同買左零食去...
不過一落左堂﹐真係火都黎埋﹐因為我要去表哥既婚宴。婚宴本來係一件開心既事﹐但要我落雨既兼係的士司機晚飯時候既灣仔截的士去一個冇其他公共交通工具到達既山卡拉地方（陽明山莊）去飲既時候我真係勁慶囉﹐唔使呀？！有錢都唔使搵個咁「格涉」既地方丫﹐「懶」hi-class~~可能就係因為慶慶地﹐我都唔記得左我食完brunch之後都冇食過野就灌左兩杯紅酒落肚﹐咁就中招喇...瘀到呢...仲搞到呀媽冇啖好食不特止仲要屋企人搭貴的士同我番屋企﹐真係罪過~~><
早知唔鬼去啦！

都唔明點解人地飲大左會亂講野﹐會暈低﹐自己就好清醒﹐講野好有條理﹐仲記得叫呀媽去食野﹐叫人唔好比野我食/飲﹐因為我驚會嘔﹐叫呀媽拎個電話比我﹐驚有人搵我喎...雖然我知唔會有...咁究竟﹐我有冇飲大到呢？

>>March 11, 2003 at 6:45:21 PM GMT+8

2003 年 3 月 7 日 星期五 【晴】

今日訓到十一點都唔願起身﹐但要上course﹐唔可以再繼續訓﹐食完飯就出去。為左張cert﹐要我出到去九龍上個悶到嘔既course﹐仲要係二至六﹐本身又眼訓﹐真係辛苦﹐聽日仲係一至七﹐囉命...一定要準備d零食同漫畫﹐唔係都唔知點過！
仲係好眼訓﹐要訓多幾日先可以回復體力喇...

>>March 8, 2003 at 3:00:52 PM GMT+8

2003 年 3 月 6 日 星期四 【晴】

會室真係唔係一個人訓既地方﹐我咁眼訓都係訓下醒下咁﹐好過冇訓少少啦...billy就慘喇﹐訓唔到生保地方﹐成晚冇訓過呀~~
上左一陣差唔多訓哂既reading soc﹐淑英好唔願意咁放左我地走﹐又番上去做野﹐真係漫長的一天...搞左咁多野﹐最開心既就係﹐班yr 3玩得好開心﹐有香檳噴﹐有拉炮玩﹐有個算唔錯既波波橋﹐有野食﹐有燒豬切...原來影畢業相要準備咁多野﹐我未搞過都唔知準備呢d野會咁辛苦﹐不過﹐佢地開心就得啦﹐希望佢地畢業得開開心心啦。之但係噴香檳係有代價架...我﹐噴到部相機既鏡頭呀﹐搞到部機「癡立立」﹐唔知係咪靜宜﹐噴到我應一應﹐如果影唔到d靚相就真係死得唔抵喇！仲有d無妄之災﹐physics果邊玩得太勁﹐d人又狂噴香檳﹐又掟蛋糕﹐我又比姚強唔覺意噴到﹐激死！
一直到三點幾四點佢地先散哂﹐我地就執野。將d汽球逐個擊破真係超好玩﹐不過吹果時就好辛苦喇。食完個tea原本諗住同king佢地去打羽毛球﹐但真係太「支力」﹐卒之都係同billy落番soc房放低d野再走。一係soc房坐低就訓著左﹐全無知覺﹐訓到六點﹐billy就等埋我先走﹐再送埋我番去﹐真係麻煩佢喇﹐如果唔係我又一定訓到去羅湖...
夜晚原本要去舊生會個活動﹐初頭同高芬備案會遲d到﹐因為想訓多陣先﹐之後佢打番電話黎話我可以去﹐放我一馬﹐比我繼續訓﹐實在太好喇~~不過好多舊同學都好耐冇見喇...唯有等校慶聚餐啦~~

>>March 8, 2003 at 2:51:45 PM GMT+8

2003 年 3 月 5 日 星期三 【雨】

尋晚就威啦...做功課做到四點半﹐訓左個半鐘﹐又再做過﹐搞左咁耐先叫頹做完...跟住就要執執個樣同d野﹐因為聽日要搞畢業相﹐今晚又要屈蛇﹐搞到我好似唔知做乜咁﹐拎左好多野﹐好彩billy黎我屋企睇下仲有咩物資可以比畢業相用﹐順便做埋苦力﹐我先唔使拎得咁辛苦。
走果時精神好好架﹐但唔知點解一上叮噹果堂一陣間就訓著左lu﹐訓到不醒人事~~同呀roy﹑billy食完lunch就番左soc房﹐因為普通話要mid-term﹐原本諗住溫﹐但都係訓左﹐到三點半先起身溫﹐跟住就去考喇。我諗都ok啦﹐唔係話好多唔識既﹐坐左半個鐘就交卷走人！
之後番左soc房﹐我見又落雨﹐又凍﹐高芬又唔去﹐我又tired﹐所以我都冇去練習喇...（藉口多多﹐不過我真係唔想一個人去做gym...）係soc房同佢地玩非洲話事啤﹐真係懲罰層出不窮...christine先去信和樓做電梯女郎﹐再係男廁大笑﹐然後就叫余綸做sashimi﹐PK係梳化游水﹐我都唔好得幾多﹐要咀CKB既汽水機！玩到冇幾耐就鋤dee﹐我既「缺乏睡眠燥狂症」又發作﹐真係嚇親莊員...
之後就上UC開始搞聽日d野。之前因為聽flora話樂社inaug﹐kenny會著suit﹐就走左上學休八﹐一上到去﹐我就電話響﹐真係瘀到呢...michael﹑kenny﹑zoe﹑julie同阿蜜都著左suit呀﹐個樣l真係唔同哂﹐好grand﹐好靚﹑好型﹐但kenny件oversize既suit真係...冇野好講囉。
多得UCSU借出會室比我地整個波波橋先唔使我地係出面吹風﹐fion又供應糖水﹐太好喇~~整到十二點到﹐個個都走哂﹐aaron又要去NA屈蛇兼做reading soc﹐為免billy自己一個係會室睇住條橋﹐我都留係會室冇屈蛇lu﹐早知唔使帶咁多野啦...

>>March 8, 2003 at 3:08:15 PM GMT+8

2003 年 3 月 4 日 星期二 【雨】

今朝一彈起身﹐望下廳個鐘﹐嘩！八點四！又唔使上強哥果堂喇...走左第1,2堂﹐都仲要番去上japan soc。我番去果時真係好精神架﹐唔知點解上上下又頭重重訓著左lu~尋晚都唔算太夜訓丫﹐早知走埋啦﹐同冇聽過冇乜分別...
同一大班人食完飯就要上何東sign up interview﹐落大雨﹐但果個時候已經冇轉堂巴﹐唯有死死地氣淋住雨行上去﹐好狼狽囉！跟住上完pe堂又趕番落cc上stat tuto﹐我同阿king玩到呢﹐余綸都忍唔到笑﹐成班人勁high咁﹐唔知發生咩事。上完stat又上research tuto﹐竟然第一個就比人抽中講hypothesis﹐自己都唔知自己份野寫乜﹐點講？所以又係頹過。tuto又over run﹐結果都係講得果五個人。
上完哂一日既堂又要開會喇﹐今次係開春茗e﹐大家只係不停咁拋意見同埋玩﹐卒之又搞到十點半先散得。我又要番屋企開始我漫長既一晚﹐因為今晚要搞掂stat﹑reading soc同溫埋聽日普通話mid-term丫嘛﹐仲要出多隻手出黎搞畢業相rundown。billy都捱病左喇﹐我冇理由唔幫手掛？真係...唉...

>>March 5, 2003 at 11:44:53 PM GMT+8

2003 年 3 月 3 日 星期一 【雨】

又係一早起身﹐不過今日冇落去買早餐﹐淨係好乖咁睇japan soc既reading﹐因為今日有tuto...但無論點睇﹐我上堂之前都係睇左一份咁大把﹐唉...lunch又係自己煮﹐今日整長通粉﹐d汁加左料﹐不過都係未夠好食﹐差d咩呢？要試多幾次先得~~
點零鐘又番cu喇﹐要去psy soc房搵阿娟﹐睇下佢果d汽球得唔得﹐billy就係咁上stat tuto既時候出出入入﹐都唔知係咪上堂架~~跟住上japan soc tuto﹐因為之後個死人月會﹐我要早走﹐今堂都係冇乜出過聲﹐不過算啦﹐都唔expect我會講到d咩啦...個月會﹐好悶﹐雖然係李遠哲﹐不過講教改都真係冇乜興趣﹐自己又tired﹐訓下﹑傾下計就搞掂左喇。期間想拎份stat notes出黎睇﹐點知果時先發覺留左係soc房﹐即刻打電話番去﹐好彩阿濤好好人﹐肯係火車站等我比番份野我﹐哈！如果唔係我都唔知點做功課...
之後大o組聚﹐算做齊人啦﹐一班人就出左去唱k。anna講得岩﹐我真係放棄左我把聲﹐食熱氣野﹑飲咖啡﹑唱k﹑捱夜乜都做齊﹐睇黎我好快就唔使再出聲...我好耐冇試過玩得咁放咁開心喇﹐唱就盡情咁唱﹐笑就放聲咁笑﹐又無啦啦同大舊打起上黎﹐雖然只係玩下﹐但我其實真係好想搵人同我打交﹐好想搵人比我打﹐佢唔好彩喇﹐比我係咁打﹐之但係我番到屋企都發現我有d「傷痕」喎﹐佢都唔叫蝕哂~~
總之今日就好開心啦~~但諗起跟住果幾日既非人生活就真係....我聽日已經要上12346789,10再加開e﹐要做stat同reading soc...真係有咁耐風流得咁耐折墮喇！

究竟咩事呢？頭先係k房又無啦啦突然間暈暈地﹐宜家又係咁﹐有d天旋地轉既感覺...好誇！

>>March 4, 2003 at 5:40:04 PM GMT+8

2003 年 3 月 2 日 星期日 【雨】

又係星期一﹐又要番學﹐仲係呢個咁忙既禮拜既第二日﹐但我仲係懶懶閒﹐遲幾日實做死...
一早起身﹐唔知點解好想食腸粉﹐就走左落街買﹐兼買埋晏晝果餐。食完早餐就睇下stat notes﹐不過睇唔明﹐算！到咁上下就煮lunch﹐好叻呀﹐整意大利麵~~不過唔夠好食﹐下次要加d料。
食完飯都差唔多要番去上pe﹐真係好似好得閒咁﹐慢慢行上u gym﹐呵~~唔知點解﹐今日好似冇乜力咁﹐但我明明有食飯呀...上完堂呀嘟話要上clinic但唔識去﹐咁我拎完對釘鞋就同佢同ada上左去。係clinic坐左一陣就走左﹐不過我好後悔點解唔順便睇埋﹐因為番到soc房就勁暈﹐企都差d企唔到﹐都唔知咩事﹐咁又過左個幾鐘﹐又係時候練習﹐點知落雨﹐雖然可以做gym﹐但因為仲係暈下暈下﹐所以都係決定還番對鞋之後就捉左billy番上水﹐要睇畢業相用既汽球嘛~~
哈﹐佢好白癡﹐以為自己以前去過上水﹐原來係去過粉嶺。咁我就帶住呢個第一次去上水既人係石湖墟周圍行﹐比佢睇果d好平既汽球﹐咦﹐原來都ok岩用喎﹐又抵！之後我又想食腸粉﹐所以又帶左佢去明記請佢食我覺得最好食既腸粉﹐哈...真係食完唔使食飯...

呢兩個禮拜日日都帶住部discman出街﹐真係「隨身聽」...

>>March 4, 2003 at 5:24:12 PM GMT+8

2003 年 3 月 1 日 星期六 【晴】

已經兩星期，甚麼都足夠了
不再沉淪
因我決定放棄
雖然狀態不會一下子就回來，但我會努力

不再浪費時間
不再讓人擔心
不再以心情不好為由走堂
不再因別人的好意而內疚...只需說聲謝謝

嘗試從其他地方尋找快樂
我知道，這不是我的全部
時間可以幫我整理一切

感謝各位的問候、關懷

>>March 2, 2003 at 5:29:12 PM GMT+8

2003 年 2 月 19 日 星期三 【晴】

I will recover soon...

的確﹐
應該再自私多一點﹐多愛自己一點

給予自己時間
儘快恢復過來
這是與好友的約定

>>February 20, 2003 at 6:12:41 PM GMT+8

2003 年 2 月 18 日 星期二 【晴】

《轉圈圈》

就重來一遍　想讓自己 try again
在落幕之前　來得及學會　笑著說再見
假裝在無意之間　拉開了膠卷
曝光的昨天　留下空白的畫面
終於到這天　去讓自己 fly again
要張開雙臂　放心的飛　頭也不要回
當愛沒有了明天　當心思無解
真的無所謂　我不要誰來安慰

轉個圈就讓一切 go away　有天總會了解
因為傷心　曾經流淚　愛就因此能體會
轉個圈從此一切 go away　若真心愛過誰
那種感覺　永不改變　它永遠都在心裡面

終於到這天　我要自己 fly again
要張開雙臂　堅定的飛　頭也不要回
不再傻傻的等明天　希望誰了解
我真的無所謂　誰也不要來安慰

轉個圈就讓一切 go away　有天總會了解
那些傷心　那些眼淚　讓愛深深被體會
轉個圈從此一切 go away　若真心愛過誰
那種感覺　永不改變　它永遠都在心裡面

永不幻滅　愛的滋味　一生慢慢去感覺

>>February 19, 2003 at 4:54:39 PM GMT+8