2003 年 4 月 26 日 星期六 【晴】

又一歲　又一歲　新曆舊歷到底幾歲
我可以飲水可以買醉　兩溝有趣
黎一個飯局　去慶一慶祝
我未許願先吹蠟燭
甜品做前菜　梳乎厘重有排未焗得熱
麥記當雅谷丫　唔該阿叔叔　
order先黎客牛扒　五成熟　半生熟
咬落要有血有肉

他熟得快　爛得快　太快有結果了吧
他種瓜所以便有瓜
我卻想開花　只擔心青春未夠花

得一半熟嗎　仍然有一半未曾定形吧
仍留下許多可塑造性嗎
不管長幾高　有種激素　仍然在拒絕進化
越大越誇　成年永不會是成熟期吧
難得在這關卡對牛彈結他
未獲得掌聲怎可以回家
浪漫在我未看化

有時細　有時大　我就有慢有快
到夜晚曳曳　然後日頭就去扮　乖乖　先交得差
今日食肉　聽日食齋　咁樣先係最高境界
我既世界　仲有大把貨買
有得o徙時仲唔去o徒
著西裝　配一條領呔　襯一對白波鞋
行街左搖右擺

他　又高貴　又優雅　卻欠缺了風格吧
統一標準要是似他　我有反對吧
煎雙蛋必須熟透嗎　不可半熟嗎

誤撞誤打　成年了恐怕並無特權吧　
年輕沒規矩都會愛護有加
這身份有得拖嗎　成人就收足大細路半價　
亂撞亂打　頑皮也不過十年廿年吧
寧願像被扣分　身分證繼續查
而無需假裝正常人家　未任性過就老化

>>April 28, 2003 at 2:06:33 AM GMT+8

2003 年 4 月 25 日 星期五 【晴】

今日番左學校睇廿週年個展覽﹐真係...幾細規模﹐冇辦法﹐乜都唔搞得﹐蝕哂！又唔係好多舊生番去﹐我地班﹐十隻手指都數得哂﹐唔可以見多d人﹐有d可惜。
個展覽淨係得學校歷史同上水歷史（中史科）﹐雖然小﹐但資料都唔少﹐都好多野睇﹐我好奇怪點解佢地可以搵到咁多文物番黎？？連舊相機都有！學校又有好多舊相睇﹐d miss阿sir以前個樣真係勁難認﹐尤其係阿chow啦﹐哈哈！原來王潤以前個樣係咁架！佢宜家同死肥黨一齊發福lu~~我仲見到楊sir「以前織髮後」個樣添！
好蝕呀好蝕呀！原來尋日番去既話﹐本校刊就係送既﹐但今日番去既話﹐就要用六十大元去買﹐搶錢！本野又冇我份﹐又貴﹐我又冇帶錢﹐所以冇買lu~~但本野都好有記念價值架﹐起碼都有講甲寅既變化﹐冇買都有dd後悔。
走左就同harbour同仙仙加埋係半路撞到既健兒同學去食lunch﹐又係吹水﹐跟住就去同billy﹑嘉莉傾japan soc個project。efficiency好低呀~~又掛住吹水﹐套戲又多野講喎﹐又講好耐都organise唔到篇野﹐勁煩﹐我又掛住諗其他野﹐好心散...搞左勁耐卒之叫搞掂左﹐聽日就要努力咁趕paper喇﹐要努力！因為搞掂呢份野我就得番一日時間溫stat﹐好似少左d喎...不過﹐又未有mood開夜溫書...

竟然係m記比我撞到文仔？又係一個好耐冇見既老同學﹐嘿嘿...佢竟然話我型左﹐唔知開心定唔開心好...

夜晚﹐電視播左叮噹大電影《太陽王傳說》。好似好耐冇睇過叮噹動畫﹐宜家有得睇﹐仲要係大電影﹐唔知點解真係好開心。睇番陪住我一齊成長既叮噹﹐好似童年既感覺又番番黎﹐乜都唔做淨係坐係電視機面前﹐依舊係咁勵志既動畫﹐好warm...

甲寅真係唔同左﹐唔單止設施唔同左﹐連個感覺都唔同左﹐好陌生﹐或者係因為我離開左太耐喇...

可能﹐我唔應該高估自己係人地心目中既重要性。我同其他人一樣﹐都係咁多個人既其中一個而已。突然諗起《小王子》。或者考完試又可以買番本英文版黎睇﹐學完法文﹐唔知可唔可以睇原版呢？

>>April 27, 2003 at 8:49:56 AM GMT+8

2003 年 4 月 24 日 星期四 【晴】

今日原定係睇左套戲就去睇番d有關既reading﹐準備聽日傾project果時有料傾。但話左「原定」﹐咁就梗係有變啦﹐上晝就係度睇埋呀哥新買既漫畫﹐中午就比呀媽拉左出去行街食飯﹐都好﹐我都係時候買番d衫換季喇~~呵呵﹐好開心﹐因為都買到野番黎﹐兩母女就係咁一路行一路買﹐卒之番到屋企執好哂所有野都已經四點幾﹐要睇埋套戲﹐咁就差唔多七點﹐所以﹐下晝都係冇睇過reading既~~

聽日係甲寅校慶﹐循例都要番去睇下既﹐話哂廿週年﹐得一次﹐又係岩岩先離開一年既母校﹐加上我都有receipt要比番office﹐點都要番下去﹐睇下佢今年搞成點都好。我唔係幸災樂禍﹐不過我真係覺得佢搞得唔係時候﹐我仲係好唔明﹐點解唔上年搞左佢呢？？算啦﹐講多無謂﹐失策係啦~~又一個比我玩﹑唔做野既藉口就真！

由於今日冇做過野﹐我宜家要開始做野lu﹐今晚夜d訓係啦~~

>>April 25, 2003 at 3:48:07 PM GMT+8

2003 年 4 月 23 日 星期三 【晴】

下晝要考普通話口試﹐但我今日先搵考試用既article﹐好彩我記得凡凡d reading度有份好短既岩用﹐不過﹐有好多字都唔識讀﹐搵左好耐先搵齊d讀音﹐最衰自己又起身起得晏﹐搞左勁耐都唔係練左好多次﹐就要番好考﹐不過我都唔驚﹐因為口試一定好過筆試~~
考完個口試就同嘉莉﹑billy佢地去搵地方睇《青春電幻物語》﹐要黎做japan soc個project﹐好可惜﹐我地搵左好多地方都冇得借venue加equipment﹐最後問michael借左部notebook再問crystal借左對speaker﹐諗住係學休睇啦﹐點知﹐michael部notebook原來係虧既﹐聽唔到聲...灰哂...搞左咁耐都係睇唔到﹐卒之託佢同房阿翔幫我地燒多一套﹐比嘉莉拎番宿睇﹐我就拎左正本番屋企﹐聽日睇~~

今日上uc既時候﹐見到好似係凡凡係架好cute既車入面﹐我應該冇認錯人﹐真係好cute...架車﹐不過加埋佢﹐就唔知點解好好笑...好彩佢應該認唔到我﹐如果唔係見我係度笑得咁勁﹐我份take-home實凍過水...

呢排唔知搞咩...明明都唔算夜訓啦﹐但總係訓到起唔到身﹐個鐘響過都完全冇知覺﹐跟住個人成日都好"支力"咁...又唔係好集中到精神﹐雖然平時都係咁架喇...一到夜晚又頭痛喎....

呢排唔係太想講野﹐如果各位見到我﹐我又冇聲出﹐一定唔係你地既錯。

>>April 24, 2003 at 5:29:00 PM GMT+8

2003 年 4 月 22 日 星期二 【晴】

唔知搞咩﹐尋晚已經十二點訓啦﹐但今朝都可以訓到唔識醒﹐成十一點先離開張床﹐但之前係全無知覺囉﹐訓到痴哂線~~
下晝番去考research writing個written test﹐之後就同billy去搵japan soc既料﹐全無頭緒之下﹐都係決定轉topic﹐咁就有左新目標﹐呢兩日又要努力做喇﹐唔係都唔知點交...又send左mail比teresa叫佢postpone﹐唔知得唔得呢？就算唔得﹐都正如嘉莉話齋﹐唔得都交唔到...
夜晚見到flora個diary咁靚﹐卒之「的」起心肝去學點搞個background﹐卒之搞到宜家咁﹐仲拉埋billy落水添！搞左好耐呀﹐因為太多圖圖可以揀喇﹐試左成十幾次lu~~暫時都係用住呢個先啦~~就連字既顏色都玩左好耐...嘿嘿...又一次證明﹐有choice係痛苦既~~

又頭痛﹐我頂...

>>April 23, 2003 at 5:29:48 PM GMT+8

2003 年 4 月 21 日 星期一 【晴】

尋晚成三點先搞掂份paper﹐訓著左就唔想起身﹐原本諗住早d起身執執篇頹野﹐點知都係搞到九點幾先起身﹐索性唔執喇﹐番左cu先算。番到去dept﹐交左research writing 既application﹐就要執執份paper﹐咁都比我吹多百零二百個字出黎﹐不過睇哂成份野﹐一d都唔可取…唔好肥我就得喇…
先後上本部同高芬佢地食飯﹐順便拎埋grant loan form﹐再去上happiness。雖然我呢個course上左唔係好多堂（因各種原因走哂…）﹐不過我仍然覺得係好正既一個course﹐如果我下年仲有時間﹐我真係希望可以sit番﹐因為走左咁多真係蝕哂﹐阿凡凡又真係講得幾好架﹐又其係講題外話講香港政府既時候﹐真係好過d名咀…XDDDDDDDD
上完堂就同fion﹑anna同阿烽去左唱k﹐係﹐又去唱k﹐我就黎minor唱k架喇…估唔到我地少少野都可以笑餐矇﹐無論係阿烽食左好多筍﹑定係juno既尊容﹐都係咁笑﹐痴線﹐仲要扮利嘉兒教普通話。我地最尾唱左幾首電視劇主題曲﹐勁開心﹐下次要唱多d﹐唱埋《接近》先得！
食完飯就番屋企lu﹐又可以早d訓﹐等聽日有精神又開始做另一份功課﹐茫無頭緒﹐好有難度囉…仲要係group添…唉…

又有人叫我做大組長喇﹐其實我都有d心郁既﹐不過又有好多limitation喎﹐好難取捨呀~~我諗考完試之後又一樣諗死既野就係o camp入面究竟我要做咩位喇…果然係﹐有選擇先至係痛苦…

>>April 22, 2003 at 3:33:00 PM GMT+8

2003 年 4 月 20 日 星期日 【晴】

今日卒之要面對現實---聽日dead既幸福論paper。始終都係要做添﹐hea左幾日﹐都仲係冇乜貨﹐唔知點算好﹐都係頹吹架啦。又要睇多次《台北晚九朝五》﹐因為我打算寫呢個﹐不過﹐睇完發覺其實都好似冇乜關係﹐但為左唔想再諗另一個題目﹐都係繼續用佢。睇多一次﹐發覺套戲其實都幾好﹐不過佢講既野又好似簡單直接左少少﹐唔知呢？
聽日唔使開會﹐所以都係決定同fion佢地出去﹐話想番學最後一日出去玩喎﹐呵呵﹐又係fion major﹐實開心死佢。希望聽日會有多d人去啦﹐不過咁遲先約人﹐唔知佢地去唔去呢？

到宜家﹐份paper都係吹左差唔多一半咋﹐要繼續吹埋佢先得.....又頹左.....一.一"

今日又收多幾個reply喇﹐好開心﹐個個都寫得好好笑~~^^

>>April 21, 2003 at 4:17:05 PM GMT+8

2003 年 4 月 19 日 星期六 【晴】

一開mail見到婷婷send比我既有關自己既信﹐記番起之前阿烽都有send過比我﹐我見又唔想做其他野﹐就填左份野寄左比好多好多人﹐原本都唔諗住會有人reply﹐不過夜晚番到屋企竟然已經收到四封﹐好開心囉﹐佢地真係會覆我架~~等我知道佢地一d野﹐我覺得好開心架﹐佢地寫d野仲好好笑添！fion既畢生志願竟然係米虫﹐又話自己唔鍾意講粗口﹐笑到我呢...

下晝就出左去同婷婷﹑仙仙﹑筠筠﹑琪琪﹑七輝tea﹐吹水吹水﹐吹到成八點先比屋企人打電話鬧番屋企...知道文仔宜家情況危急﹐真係希望佢manage到啦﹐講真﹐佢咁忙﹐又好難怪既﹐希望佢捱得過下個sem﹐唔好比人踢出去啦...

夜晚﹐anna send番好多相比我睇﹐除左睇到我個樣勁冇精神之外﹐仲有就係我地大O既溫暖﹐呵呵~~

>>April 20, 2003 at 3:37:10 PM GMT+8

2003 年 4 月 18 日 星期五 【晴】

岩岩問阿斌﹐先知佢原來整斷左條紉帶﹐好嚴重﹐遲d要做手術。前果幾日miss韓先同我講佢有機會去全國賽﹐宜家要做手術﹐之後都要休養﹐去唔成﹐真係有d可惜。不過好彩﹐佢都係第一年﹐仲有機既﹐我信佢仲有得突破既。希望佢早日康復﹐快d番黎練習啦！因為到左下年﹐都唔知仲有d咩人會留係跳高場lu......

>>April 19, 2003 at 3:41:11 PM GMT+8

2003 年 4 月 18 日 星期五 【晴】

睇左fion個diary﹐我都有d感動﹐原來個個對大O都咁有感情（雖然有個令人有弒父衝動既阿爸...）﹐太好喇﹐呢個家好有溫暖﹐呵呵~~至少﹐比我知道仲有咁多朋友...
我諗我都係時候做番d我應該做既野。我依然覺得﹐係自己take up既就要好頭好尾﹐我無論如何都會撐落去既﹐我相信情況都唔係我想像中咁壞既！就快考試喇﹐手上仲有一份paper﹑一份gp project﹐三個take home﹐要加油！有莊務﹐遲d仲有OC做（兼助幹？？XDDDD）﹐唔可以再頹落去﹐唔理lu~~要回復「工作就是一切」既狀態﹐其他可以唔理既我都唔理喇~~要做番個有幹勁既傻婆先對得住自己~~~
你！我唔理你喇~~~xp
突然間﹐好想開會添﹐哈哈！^.<

今日有個好開始﹐開始睇睇happiness既notes﹐諗到少少題材﹐不過仲要睇睇得唔得先﹐因為我覺得好難寫﹐仲有兩日﹐要盡快﹐頹做都係咁話﹐因為仲有project未開始﹐都諗到少少料﹐唔知岩唔岩用呢？始終係gp project﹐唔可以累死人﹐哈！

心情好好﹐因為今日天氣好靚﹐好舒服﹐衰就衰在冇出去行番個轉。希望日日都係好天氣！

早睡早起~~^^



「大個女　縱使失戀　工作至上　才爭氣」

>>April 19, 2003 at 3:40:12 PM GMT+8