2003 年 5 月 3 日 星期六 【晴】

做左全日research﹐本來諗住份野都不過係執埋幾堆野一齊﹐應該唔係好難﹐點知都搞左勁耐﹐因為非常之inconsistent﹐我一之過睇番哂所有自己既功課﹐發現自己都唔知自己寫乜好難搞。開頭都ok有心機搞﹐之但係後尾真係頂唔順﹐又見到d既就咁執埋都ok﹐就c&p埋尾﹐跟住訓左lu~~但都已經三點幾四點...好眼訓﹐聽日仲要考語精﹐但phonetics都係唔知佢做緊乜...聽朝先算！

>>June 4, 2003 at 5:58:46 AM GMT+8

2003 年 5 月 2 日 星期五 【晴】

今日全日係屋企﹐因為諗住溫下書﹐點知都係東搞搞西搞搞咁﹐都冇乜野溫過﹐睇左少少japan soc﹐又上網玩左陣語精既test﹐點知佢d練習有答案係錯既﹐廢廢地...之但係後日交既research就冇乜點郁過﹐始終都係唔係好想做﹐越黎越對research既功課反感...不過好彩﹐呢個都完喇﹐交完呢份野就乜都完哂﹐我都唔會對呢d功課有咩感覺...
落街買左盒花生古古力雪糕﹐因為好想食雪糕﹐但係又冇士多啤梨味賣喎﹐唯有試下新口味﹐開頭以為都唔會好好食﹐但食落都幾好喎﹐仲有花生古古力豆食添！

>>June 4, 2003 at 5:58:09 AM GMT+8

2003 年 5 月 1 日 星期四 【晴】

今日係預祝高芬大壽既日子﹐所以就約左一大班人一齊出黎食飯。真係超耐冇見amanda﹑鉗鉗同阿俊喇~~講真﹐雖然同d好耐冇見既中同聚舊兼慶祝係好開心既事﹐不過我真係有d唔開心囉﹐又係約人既問題﹐我唔係要求d咩﹐之但係﹐我希望d人唔做都出下聲丫﹐即係有d交帶好喎﹐我最討厭d冇責任感既人。所以話﹐我好討厭搞聯誼活動﹐下次搞呢d都唔好搵我搞喇﹐太麻煩喇﹐我又唔識猜人地心意﹐又要決定哂去邊﹑做咩...etc﹐我出名冇主見﹐但每次到左呢d時候就一定係個個都話「你話事啦」﹐咁我真係唔識話事丫嘛﹐如果唔係我都做左d重要職位啦...
算...講番高芬果筆。唔知點解﹐佢好似好唔好彩咁（唔知係佢唔好彩定我同阿thy行衰運喇...）﹐我同阿thy明明係queen's睇中左個好好好好靚既士多啤梨蛋糕（冇錯！係好鬼死靚既！唔好質疑我。）﹐點知﹐我地轉個頭搞掂哂所有打諗住去買既時候竟然遲左一分鐘﹐係一分鐘！咁就比人捷足先登買左去﹐好唔開心囉...真係好鬼靚架嘛﹐望住個蛋糕仲有幸福感覺﹐幾難得...唯有退而求其次啦﹐都係queen's既古古力蛋糕﹐不過﹐佢竟然話淨係收cash﹐當時我同阿thy身上既錢淨係夠買半個囉﹐唯有死死地氣去火車站勁多人既atm排隊拎錢。除左蛋糕﹐連食飯既地方都有問題囉﹐開頭決定果間又話冇得訂台﹐咁咪等到約定時間之前大半個鐘諗住等位啦﹐點知佢話太多人﹐唔再登記住喎﹐要等到約定時間再登記﹐頂﹐咁冇理由要佢地黎到一齊等嘛﹐咁毫唯有轉地方囉﹐真麻煩！
其間﹐為左諗買咩比高芬﹐我同阿thy係沙田遊蕩左好耐﹐卒之都係見唔到靚野﹐好唔開心呀﹐好彩﹐食番個雪糕補數！番到屋企呀媽又買左盒雪糕比我﹐呵呵~~
仲有樣好重要既野﹐我竟然見到獸父大舊？！嚇得我丫...又呃左兩個下莊小妹妹同佢食飯...佢真係...好似冇換衫...好污糟！

>>May 3, 2003 at 5:02:03 PM GMT+8

2003 年 4 月 30 日 星期三 【晴】

尋晚真係走左去睇《春逝》﹐睇到四點先訓﹐搞到今朝十一點先起身...@.@
起身就同阿媽同阿哥去飲茶﹐美心都好抵呀﹐食到好飽﹐不過等位都等左成個幾鐘...一.一"
食完野就出左去搵fion同anna佢地﹐因為話想組聚之前出去行街﹐佢地約左兩點半﹐我就遲先出去join佢地﹐點知三點鐘出到去﹐佢兩個都未到銅鑼灣﹐激死！好彩我有帶本modern japan出去睇﹐大大話話都睇左三四頁架~~~進度唔錯~~~等到佢地出黎都成三點半﹐之後三個人就係銅鑼灣周圍行﹐各有收獲咁啦！我買到charm bracelet喇！好開心﹐因為佢地個個都話好睇﹐又唔貴﹐不過佢地竟然話我係kitty之流？唔係掛...我未有咁誇﹐雖然我都好鍾意佢個香水樽吊咀...
跟住我地係約定時間之前用最少既時間買左禮物比大舊﹐CK同POLO喎﹐佢有賺啦﹐嘿嘿嘿...有人同佢慶都已經賺左唔少﹐唔使佢生日都係屋企發「毛」~~
食完日本野再去食糖水﹐不停吹水﹐好開心~~不過講到爆料我真係玩唔起...估唔到iris媽咁勁﹐真係越妖豔既女人就越狠毒...阿媽好野！值得學習~~^^"
最衰阿烽冇黎啦﹐唔係就可以全家人影番張card﹐不過唔緊要﹐相信我地考完試會有更精彩節目﹐呵呵~~
eva又心郁想玩大O﹐太好喇~~~佢做埋輔導員﹐阿烽都可能會做﹐咁又可以一齊玩囉~~

同eva搭車走果時吹水﹐竟然有兩個男人搭嗲﹐唔知想點咁﹐我同eva勁驚囉﹐要即刻落車等第架﹐真係滴哂汗...
一.一"

唔開心囉﹐又係約人約人約人...卒之都係我？究竟宜家想點？

>>May 1, 2003 at 5:41:12 PM GMT+8

2003 年 4 月 30 日 星期三 【晴】

夏天到了﹐因為《春逝》...

春天過去的一天﹐她態度突變。他試過苦苦哀求﹐試過死纏爛打﹐但她心意已決。「不想喝酒﹐不想喝醉；喝醉了又會以為她還在等我。」﹐對﹐他曾經清醒過。在音樂停頓的一幕﹐靜得發毛的一幕﹐「我們分手吧...分手吧！」。以前﹐她試過坐在他膝蓋上學駕駛。現在﹐她已有了自己的小車﹐不再需要他接送。他把車子劃花的同時﹐似乎心裡亦被劃一道傷痕﹐刺耳的聲音代替了心碎的聲音。然後﹐秋去﹑冬來﹐春天又再來臨﹐奶奶一句「巴士和女人一樣﹐走了就不能挽回」。難道﹐男人就不是嗎？然後﹐然後﹐一個舉手的動作﹐讓寂寞的她再想起去年春天的他﹐但﹐他已準備好迎接夏天...

我﹐準備好了沒？

>>May 1, 2003 at 5:11:04 PM GMT+8

2003 年 4 月 29 日 星期二 【晴】

由於上星期六番甲寅既時候benny唔使番﹐所以我趁今日得閒就番去交番張receipt比佢﹐順便比埋本physics既past paper比小丹。benny話張cheque會過期架﹐得半年﹐但我地個a/c又未開﹐所以我都未入數﹐好彩佢話如果入唔到都可以開過張﹐咁我就索性交個波比下屆啦﹐我地開個a/c開兩個幾月都冇乜作為既~~好似好賤添！xp
之後就見到小丹﹐佢好可愛囉﹐竟然買左好多零食比我﹐真係好得意呀佢。佢仲話我知﹐我上左選科本書到﹐原來上個月做完helper比人訪問係for果本野﹐小丹仲話我肥左咁﹐灰到呢...一.一有冇人有大學選科本野？我好想睇呀呀呀~~~
下晝﹐失驚無神收到小電電既電話﹐竟然係問我做唔做細O組長？！又係組長...似乎個個都認為我係做呢位既人...講真﹐細O冇大O既大組長咁慘﹐都有得諗既﹐但真係要諗囉...做組長要take up多d野﹐但我又要搞大O﹐我有d驚我搞唔掂添﹐都係再考慮考慮先~~
跟住成個下晝上網hae﹐都唔知做乜﹐又係冇mood~~之後又係訓﹐日日都係咁訓﹐有病喇就黎...
夜晚收到幹事會工作計劃...點解...可以咁多頁？！有排睇兼有排過喇...

突然間好想睇番《春逝》...

>>April 30, 2003 at 4:11:53 PM GMT+8

2003 年 4 月 29 日 星期二 【晴】

如果你很愛很愛一個人，可是有時候難免會受你所愛的人的氣。
你可能會很氣很氣，但不論如何氣，不要去爭輸贏、爭面子...
要記得，不論如何，自己都不要做一個後悔的人，寧可讓一步。
　如果你能夠原諒他，那就原諒他...那怕自己情感也很受傷。
　如果你不能原諒他，那就同情他...因為他可能哪裡不舒服。
　如果你不能同情他，那就祝福他...希望他的低潮快快過去。
　如果你不能祝福他，那就幫助他...讓他了解你總是關心他。
　如果你不能幫助他，那就走開吧...時間會讓這不愉快過去。
只因為你內心深處明白，她是一個值得你愛的人...
你並沒有很大的損失，只是讓了小小的一步，卻能維繫真情...

如果你很愛很愛一個人...你一定要趕快說出來...
不論對方覺得多肉麻噁心都無所謂。快點告訴他...不要害怕。因為能愛和能被愛都是一件好事。

如果你很想很想一個人，你一定要讓他知道你想他。因為思念和被思念都是一種莫大的幸福。
時間很匆促，生命很短暫，不要以為以後再說還來得及，不要以為以後讓他知道也不遲；生命的猝逝是你不能預料，不能想像的。
如果你只是等待，等待對方懂，等待對方明瞭，那麼，就以遠不可能相惜，相知，甚至相愛。

用自己一天的二十四分之一的時間，去想念一個人，去告訴一個人，去對一個人好。讓他明白你多麼珍重他。
你們彼此在對方心底的份量會越來越重。
愛是可以互相感應的。

如果，你真的用了那樣的心，於是有一天，或許他會比你先到達生命的盡頭。
你不會太悲傷。因為你知道，和他一起的所有時刻，我是用真實的生命愛他；即使看不見他，我也用了很多生命想念他。或許會很難過，因為他不再溫熱。但是，看不見卻依舊存在。
所以不必悲傷，不必掉眼淚，不要讓他覺得不安，不要讓他感覺悲傷。你不哭，不是因為你不愛他，那是因為你真的愛他。所以讓他知道，你也很好。

最真切的情感，是要捨得的。

不要錯失任何表達情感的機會，讓喜歡的人喜歡你就是一種幸福哦！

>>April 30, 2003 at 6:30:49 AM GMT+8

2003 年 4 月 28 日 星期一 【雨】

今日考stat呀﹐一朝早起身先識驚﹐八點幾又再開始溫書﹐睇左d past paper同assignment﹐跟住下晝就番去考lu~~開頭真係驚唔識架﹐不過﹐做落就ok囉﹐因為有得照抄架嘛﹐搵岩份assignment就怒抄﹐唔使好耐就做好lu~~連check多一兩次之後就早走﹐好威﹐第三科早走...如果冇記錯。
考完試﹐上uc搞埋d麻煩野﹐就同anna﹑阿烽去左pool side食雪糕﹐超開心﹐因為又有士多啤莉雪糕食~~哈！
跟住就番左屋企中昏迷﹐原本諗住開始睇睇japan soc既reading﹐卒之都係冇﹐算啦﹐休息埋今日先算~~夜晚好無聊地整左個friend test﹐原來諗個test出黎好難架﹐都唔知問咩好...我發現左我個test有三題特別易錯﹐好難咩？
albert send左佢d歌比我聽﹐好好聽呀佢把聲﹐真係好正~~^^

得閒去睇下啦﹐睇你知我幾多野~~
http://AllyPoon.friendtest.com


原來﹐我比想像中平靜

>>April 30, 2003 at 6:03:30 AM GMT+8

2003 年 4 月 27 日 星期日 【晴】

今日要番cu執番好份japan soc先交得。不過其實我同billy都真係冇乜作為﹐因為份野差唔多嘉莉一個人執哂﹐真係執咩"pieces of work"囉﹐個個做既都有唔同風格﹐簡直就係碎片﹐之所以我就唔太鍾意group project囉...
執哂份野都成五點幾﹐原本想去lib溫書﹐卒之都係頂唔順﹐番左屋企訓﹐之後就食飯睇電視﹐夜晚成十點先開始溫書﹐雖然係stat﹐又好似唔係好難﹐不過都覺得自己有d過份。但係﹐到宜家都仲未有考試既感覺囉﹐都唔覺得聽日係考試既﹐搞到我唔想溫﹐唔溫又好似冇乜所謂﹐因為係open book﹐唉...總之就係頹啦...不過﹐都溫到成兩點架﹐好似好勤力咁添...

>>April 29, 2003 at 5:13:12 PM GMT+8

2003 年 4 月 26 日 星期六 【晴】

今日要趕起japan soc project我負責果part﹐簡直係大工程﹐因為我都唔知點可以吹到5頁囉...
又訓到唔識醒﹐成十一點先起身﹐仲要睇stat睇到三點先開工﹐但...都係唔識落筆﹐因為我覺得要我organize好我負責果都有好大問題...努力左好耐﹐岩岩先叫做搞掂﹐但聽日仲要番去430﹐同嘉莉﹑billy佢地果兩part合番埋先交得﹐好驚聽日執完整唔到15頁出黎...
聽日真係要衝埋stat d野佢﹐因為我幾乎未溫過﹐都要番cu啦﹐睇黎聽日都係留係圖書館溫書好﹐費事係屋企又掛住上網...stat係唯一一科有d信心架﹐唔可以比佢死...

屋企﹐好似越黎越嘈...可唔可以靜下？點解個個都各持己見﹐唔試下用人地既角度去睇﹑去諗野？好煩呀...當聽唔到算﹐唔好拉我落水就得...

好友心煩﹐我好明白﹐希望佢可以理清自己既感覺。同佢傾﹐似乎我都有d野明白左...
原來﹐我係一個輸到賠本又再賭到破產既人...嘿﹐我諗我仲會去賭既﹐不過唔係宜家﹐等我儲番d本錢先啦...再者﹐我都冇時間去賭lu~~

>>April 28, 2003 at 2:07:24 AM GMT+8