2003 年 4 月 6 日 星期日 【陰】

真係...自己都覺得自己悶！

>>April 7, 2003 at 6:08:16 AM GMT+8

2003 年 4 月 4 日 星期五 【晴】

又係屋企冇野做﹐怒煲容祖兒隻新碟﹐都ok好聽喎！
夜晚去左姨媽屋企燒野食﹐又食又拎﹐搬左一套貓之眼同幾本我冇既超神Z番屋企﹐宜家先借咁多漫畫﹐擺到明跟住個禮拜都唔使旨意會做到野...一.一"

悶得滯﹐越寫越少...

joey首《Honey!》好搞笑...首合唱歌又好好聽﹐唱k有得唱就好喇~~
我想去唱k呀~~唔知fion同阿烽佢地係咪真係敢去呢？anna就一定唔會去啦﹐驚得要死...@@"

>>April 5, 2003 at 3:59:09 PM GMT+8

2003 年 4 月 4 日 星期五 【晴】

想不起　怎麼會病到不分好歹
連受苦都甜美
我每日捱著　不睬不理
但卻捱不死　又去癡纏你
難道終此一生
都要這麼　不可爭一口氣

很謙卑　只不過是我太過愛你
連自尊都忘記
跌到極麻木　只好相信
又再爬得起　就會有轉機
若我不懂憎你　如何離別你
亦怕不會飛

由這一分鐘開始計起　春風秋雨間
恨（限）我對你以半年時間　慢慢的心淡
付清　賬單
平靜的對你熱度退減

一天一點傷心過　這一百數十晚
大概也夠我　送我來回地獄又折返人間
春天分手　秋天會習慣
苦沖開了便淡

（說甚麼再平反）
只怕被迫一起更礙眼
（往後這半年間）
只愛自己　雖說不太習慣
畢竟有限　就當　過關

>>April 5, 2003 at 7:47:24 AM GMT+8

2003 年 4 月 3 日 星期四 【晴】

放假第七日﹐無聊﹐所以收到阿烽同fion話一齊去hae既電話就出左青衣城lu~~
雖然有三個人﹐但都係hae...今日係兒童節﹐所以有出奇蛋食﹐多謝fion~~阿烽又請我地食tea~~^^最衰anna佢地要開會﹐冇咁早出黎同我地一齊癲。之後去左奧海城冒險樂園﹐怒玩左一陣「推銀仔」（呢個係一定要玩﹐原因懶得講）﹐玩到架火車倒哂d銀仔出黎﹐勁開心！跟住就玩個怒掟既game﹐咩都發洩哂出黎﹐超好玩囉！
等anna﹑flora同kenny出埋黎就一齊去食飯﹐竟然係去左m記！不過大家都好耐冇去﹐冇乜所謂~~kenny早走之後又去左行vcd舖﹐我又買左隻dvd﹐$29咋﹐好抵！跟住去左食糖水﹐唔好食...唔會再去多次~~
咁又一日﹐好"支力"呀~~

>>April 4, 2003 at 4:19:07 PM GMT+8

2003 年 4 月 2 日 星期三 【晴】

今日訓晏左少少﹐九點半~~都好﹐起身好精神~~
lunch整左新學既意粉﹐雖然第一次整﹐不過阿媽都話唔錯架﹐下次有機會再改進一下就見得人喇~~
下晝約左筠筠﹑仙仙同婷婷去tea﹐最衰thy同嘉琪唔得閒啦﹐好耐冇見過嘉琪同筠筠喇﹐一次過見哂就好喇~~見到肥筠部相機...我都仲係好想買﹐要快d賺錢先得！
傾傾下竟然見到阿豬出﹐就又拉埋佢一齊坐~~又係一個好耐冇見既中同﹐哈！中途有消息話我地又放多一個禮拜﹐真係...都唔知好事定壞事﹐好就係可以現休息多一個禮拜﹐唔好就係...我寧願快d上哂d堂快d搞掂個試快d放暑假啦~~
咁講法﹐我下個禮拜又可以約多次中同聚啦﹐yeah~~
好彩話放多個禮拜假﹐因為我又唔小心整到隻腳喇﹐激死﹐果然拗柴後一個禮拜都係「番拗」高峰期﹐識話fion唔識話自己添~~又要休養...都冇錢出街咯﹐唔差在啦~~

>>April 3, 2003 at 3:42:24 PM GMT+8

2003 年 4 月 1 日 星期二 【晴】

朝早起身﹐同aaron﹑billy出柴灣訂soc紙soc file﹐又係香港島﹐好遠耶~~下個禮拜一又要番去拎soc紙﹐咁多﹐咁拎？
去完柴灣就同billy落左銅鑼灣食飯﹐之後仲順便行埋citysuper先番去。好多我未見過既野﹐嘿嘿﹐又買左d野食同意大利麵條番屋企﹐聽日可以整新學既意粉~~^^
番到屋企好﹐好"支力"﹐又昏迷左一陣﹐食完飯到十二點幾又訓過。
放假真係唔係食就係訓喇...

>>April 3, 2003 at 2:17:46 PM GMT+8

2003 年 3 月 31 日 星期一 【晴】

越黎越覺得香港多災多難...肺炎又遲遲未能解決﹐cu又有事喇﹐另外今日又一惡耗﹐張國榮去世既消息。雖然我唔係佢歌迷﹐但我真係覺得可惜﹐佢唔單止係一位好既歌手﹐仲係一位好既演員﹐佢參選既金像獎仲未揭盅架﹐唉﹐金像獎一大憾事...

仲有一樣好抵死既野﹐就係有人係網上假做新聞﹐話香港會成為疫埠﹐實行搵人做April Fool﹐點知勁多師奶信喎﹐走哂去搶購超市貨物﹐搞到d正常購物既人都要迫餐死﹑排餐死先買到果少少野﹐我頂！我地唔明點解d人會信d未經證實既野﹐unofficial都仲要言之鑿鑿咁傳比其他人就真係太過份啦﹐搞到人心惶惶。就算係真﹐都唔使咁驚丫﹐聽到人講話「到時冇野入到黎香港架喇﹐會封鎖哂架﹐趁宜家快入貨」﹐嘩！救命！果下我真係想笑﹐疫埠都唔會唔比輸入掛﹐係唔比輸出之嘛﹐真係得啖笑...

我覺得自己越黎越過份﹐份research六點鐘dead﹐我五點九先做完send過去﹐我之前仲要差唔多做錯哂喎！開頭原本諗住睇哂書﹑notes﹐好比心機咁做啦﹐點知根本就錯哂﹐激到我呢﹐冇辦法又冇時間下﹐又頹做lu~~research可以話係呢個sem暫時做得最頹既第二位﹐第一位非law莫屬﹐呵~~


聽日要出柴灣~~如果有mood﹐真係想遊電車河~~


個頭好死痛...激死！

>>April 1, 2003 at 6:13:53 PM GMT+8

2003 年 3 月 30 日 星期日 【晴】

今朝起身﹐同屋企人去飲茶（高危呀！不過﹐茶樓都冇乜人...）﹐先施施然睇今日考試d notes﹐真係睇一睇就算﹐頹到呢...一路搭車一路睇﹐點知早左勁多﹐所以就上左thy個apartment先﹐睇下佢果度咩環境都好丫嘛~~嘩﹐真係亂到呢...同佢之前住宿都冇乜分別﹐一樣咁亂﹐雖然地方唔大﹐不過我相信﹐只要執執佢﹐一定好使好用好多﹐不過﹐宜家落左去阿thy手上﹐就...

見到阿thy由自己既屋企搬到咁遠既地方住（雖然都有老豆一齊）﹐突然間覺得﹐自己住就好似係獨立左咁﹐真係好想快d試下自己搬出去既滋味﹐不過﹐在此之前﹐試下住宿既滋味先啦~~

我都唔明點解個試會比咁多時間我地做卷﹐成三個鐘﹐但我一個鐘就搞掂﹐覆左兩次卷都不過係三點四﹐費事坐咁耐就走啦﹐諗住死thy都會好快啦﹐又話要買魚蛋比我﹐咪諗住等埋佢﹐點知我係下面食多個tea佢都未得﹐都唔知佢搞咩搞咁耐...
卒之等埋佢落黎就帶左我去買「香港仔魚蛋」﹐真係...好抵死...行咁遠﹐仲要我拎埋比死肥b！好彩我好人﹐唔係食埋佢果份！哼！

見到好多「叮叮」好想搭﹐最衰今日冇乜時間﹐如果唔係﹐由北角搭去西環﹐一定好爽！
下次要準備定相機﹐電車沿途影下﹐去到西環又睇下果d比較老既地方﹐唔知西西所描繪既景色﹐可唔可以係西環搵到呢？
到時﹐仲可以去埋hku搵佢地添！
哈﹐講到越黎越ideal喇﹐但我幾時先有咁既閒情逸志？


又發神經﹐好想買野﹐好彩冇咩我想買既野出現係我面前﹐淨係買左本簿仔...好敗家添...
又要諗下點樣好好利用本簿仔先唔會浪費d野...


diary個count過3600喇~~

>>March 31, 2003 at 3:25:28 PM GMT+8

2003 年 3 月 29 日 星期六 【晴】

又係頹過既一日﹐話就話早d起身溫下書﹐卒之都係十點幾先起身﹐書？梗係冇溫過啦~~
食完飯就番cu開中代任前會。唔知點解﹐可能我係果度只不過係一個samll potato﹐冇乜title﹐我硬係覺得格格不入﹐同班su又好似有d距離﹐或者﹐真係有無形既class啦﹐又可能﹐只係我自己既感覺...工作上﹐已經唔係同一個世界...

我都唔明﹐cu都差唔多係一個疫區啦﹐仲有人黎郊遊既？？？

開完會食完tea﹐竟然係會室玩uno！！好耐冇玩過﹐我都差d唔記得屋企有一副。佢地玩d rules同我玩開果都唔同既﹐好難適應呀~~唔得﹐下次唔會再咁白痴成日出錯牌！不過﹐幾時先有下次？

玩uno...又諗起cancel左既社會盾喇...唉﹐浪費左一班oc既心血...肺炎真係搞到中大風聲鶴唳...
上次唔知同邊個講起﹐話我地入左黎之後就咁多事發生﹐都唔知搞咩既...

開完呢次會﹐選左職員﹐下次開會就要揀入咩委員會喇﹐有幾個﹐其實我都唔係好知佢地係點運作﹐淨係知幾煩。最搞笑係﹐應左weber所言﹐話就算幹事會過左﹐都要過埋代表會先可以郁到d錢﹐又要議決又要監察﹐科層到呢...

夜晚電視播《暗戰》。好睇既戲真係幾時睇﹑睇幾多次都係咁好睇架~~


真係好想知﹐究竟有咩人睇過我個diary呢？點解可以一晚有幾十個count？？咁比面「谷」起我個diary既人氣？？


發覺自己既情緒越黎越fluctuate﹐日頭可以好開心﹐一到夜晚﹐只要有少少唔對路﹐就可以好唔開心﹐都唔知發咩神經﹐死啦﹐再係咁落去﹐點做野？嚇死人呀我驚...
到呢一刻仲control唔到自己﹐我覺得已經係我既問題。

>>March 30, 2003 at 4:29:43 PM GMT+8

2003 年 3 月 28 日 星期五 【晴】

超開心﹐今日係咁訓﹐首先今朝成十一點幾先起身啦﹐食完飯睇陣電視hea左陣又訓過﹐訓到五點呀~~可以咁訓法﹐真係有少少奢侈...呵呵~~
訓醒又睇左《about a boy》﹐幾得意丫~~

我覺得可以係屋企無無聊聊都已經好幸福喇﹐如果唔係有呢個假期﹐我會咁得閒係度hae？
不過﹐放得呢個假期亦都意味住肺炎已經好嚴重﹐因為佢﹐好多大型活動都要取消﹐包括我地個社會盾。唉...幾時先可以控制到個情況？真係屋漏偏逢連夜雨....香港...仲有冇得救？雖然凡凡講既野好誇﹐不過都有佢既道理﹐將來可能唔係內地人黎香港﹐係香港人番大陸﹐而且仲要有quota﹐甚至唔比我地番去定居添...死未！@@"

再者﹐放呢個假都唔知係咪好事﹐d schedule搞到好亂﹐功課﹑tuto﹑又唔知點﹐上唔哂d堂又要補課﹐但考試日期又唔postpone喎﹐真麻煩...

聽日﹐要開會...點解唔係48小時前通知加agenda？

>>March 29, 2003 at 3:43:47 PM GMT+8