2003 年 8 月 6 日 星期三 【酷熱】

今日係reg day第一日﹐即係我細o 搞reg既日子﹐我就去左幫手﹐因為想望望有機會入我組既新生﹐順手睇睇其他dept有冇正人﹐點知...我一係幫手reg科﹑一係搞大O既野﹐搞到我幫到手既時間加埋都係半個鐘多d...真係...唉...佢地仲話有靚女添！呢下我先後悔點解唔留係度幫手﹐而去左做一d同冇做過冇咩分別既野...
夜晚就分人喇﹐佢地口中既靚女都冇入到我果組﹐仲要對我果組既人都好似冇咩印象﹐搞到我想知我果組係咩人都唔得添！灰！就係因為開細O呢個會﹐我好夜先番上uc﹐技管都學完舞喇﹐冇得玩添...
聽日就到我地大O reg day做野喇﹐唔知係咩一幅景象...好緊張...

>>December 2, 2003 at 3:36:05 AM GMT+8

2003 年 8 月 5 日 星期二 【晴】

一朝早起身落去franklin同大學開個死人交流會﹐好無聊﹐又係迫我地改名﹐就順佢一次﹐我地自己改﹐好過用佢地d死人名（真係聽到都實笑死果種囉...搞到我滴哂汗）。開完會﹐好難頂﹐勁眼訓﹐就走左去訓﹐訓到差唔多先去準備開會。今日個會又係離奇地短﹐於是又join左大組長﹑加埋阿祺﹑john c同掃把一齊去食宵﹐食到十二點幾又番uc﹐搞左一陣d doc﹐又落恆生同佢地傾互片﹑順手又吹左陣水先訓﹐都已經成七點幾...有冇搞錯！

>>December 2, 2003 at 3:35:32 AM GMT+8

2003 年 8 月 4 日 星期一 【乍寒還暖】

下晝同技管﹑節目﹑大組長佢地睇完場﹐跟住就去左開四院會﹐原本諗住開完會仲有時間剩﹐仲可以施施然咁同技管加anna﹑fion一齊去食飯（佢地話宵喎...）﹐點知好唔好彩﹐臨散會又收到na個死人電話﹐叫我地三個書院去番佢地果度拎番走d sponsor---紙袋喎﹐我就勁愁啦﹐其餘兩個p都話係男仔丫﹐雖然na個市拓話d野輕到一個人都搬到﹐但我點都蝕d﹐就拉左阿偉同岩岩經過（真係經過咋...）既terry一齊去啦﹐點知去到﹐我頂你個肺﹐一個人都搬到？！你搬比我睇丫﹐六大箱紙袋呀﹐要terry同阿偉果d咁既人就可以一個人一搬一箱囉！如果我真係咁蠢自己一個去左搬就真係愁爆...又call車﹑又要洗多左錢﹐又落大雨﹑勁唔方便﹐呢d都算喇﹐但我條氣真係勁唔順囉...激死！搞到我遲左去同佢地食飯﹐好彩都叫做等埋我﹐因為我地去到﹐佢地都未叫野食...仲係anna﹑fion佢地同個老闆bargin緊正營既sponsor。
我第一次同技管佢地去食宵咋~~何b真係好鬼搞笑架原來...
食完野就番去又做野﹐原來勁多doc要搞﹐但我又勁冇心機﹐於是做到咁上下就唔再留係度﹐落番恆生諗住再做﹐但都係頂唔順周公既召喚﹐六點幾就訓左喇...

>>December 2, 2003 at 3:34:50 AM GMT+8

2003 年 8 月 3 日 星期日 【晴】

果種力不從心﹑不能控制既感覺又番黎喇...
有冇人/野可以比到d信心我？因為我一直都比唔到自己...
一方面﹐我好想撐...
但一方面﹐卻又無能為力...

狀態呀狀態﹐你係邊？快d番黎啦~~~

>>December 2, 2003 at 3:33:22 AM GMT+8

2003 年 8 月 2 日 星期六 【晴】

係時候收手喇...
o camps全力衝刺！


有時真係好奇怪點解我會咁健康...
如果要咁樣先有得休息咪真係好折墮...
好矛盾...
但真係...
如果可以...
唔想...

究竟我想點？

>>December 2, 2003 at 3:33:00 AM GMT+8

2003 年 8 月 1 日 星期五 【晴】

今日同fion番左去跟阿偉果組練舞﹐開頭fion都唔肯一齊跳﹐不過最後都比我拉左去一齊玩。好彩我之前都叫學過幾個舞步﹐唔太難﹐好快就學識lu﹐營舞都好好玩呢~~camp fire就仲好玩喇﹐不過可能之前跳過soci版既關係﹐搞到唔係太記得uc版某d位﹐有d樣衰...
學跳舞真係好好玩﹐尤其是呢d咁簡單for fun既舞啦~~
之後就同fion出左旺角食tea行街﹐兼搵組飾。行到七八點﹐anna都join埋﹐我地係咁買野﹐fion又買左幾件衫喇﹐仲因為要湊夠數先有折頭﹐叫埋我同anna一齊買...不過我都唔係買左好多野...早知真係豁出去啦！
我仲未買到襯衫用既頸鍊呀﹐激死！點解d鍊咁鬼短？仲有散紙包...唔得﹐呢兩樣係下次血拚時候既must buy item！
就係咁...行到十一點幾﹐"支力"到我地死...

>>December 2, 2003 at 3:32:31 AM GMT+8

2003 年 8 月 1 日 星期五 【晴】

感覺有點像案件重演﹐不過這次﹐最壞的角色由我扮演...

>>December 2, 2003 at 3:31:50 AM GMT+8

2003 年 7 月 31 日 星期四 【晴】

今日去左書展﹐原本我都唔知呢期係書展﹐如果唔係上次輔聚billy講開的話...真係瘀爆...
真係好想鬧死人陳曉烽﹐明明一早打左比佢等佢多d時間準備出門口架啦﹐都可以等我離開中大佢先起身﹐都唔知有冇搞錯﹐不過呢期收左火﹐少左鬧人。算！放佢一馬...
好彩我今日番中大﹐因為比輔導處召左上去拎book房果張野﹐真係麻煩...我唔打電話去問﹐都唔諗住覆我﹐kitty冇番之嘛﹐就唔會搵第個跟佢d野？乜咁科層架...
之後諗住番dept拎本枕頭書﹐點知唔記得左一至二係lunch﹐搞到我白行一徜﹐超無奈...
跟住出左灣仔喇﹐等左阿烽好云﹐唔知幾耐先黎到﹐我又勁肚餓﹐就走左入m記食lunch﹐呢期都好鍾意食熱氣野﹐真係找死﹐明明已經唔夠訓仲食d咁唔健康既野...
排左一輪隊先入到會場﹐冇幾耐阿偉又出黎join埋。佢兩個唔知係咪因為同系﹐定係天生咁乞人憎﹐不停咁夾攻我囉﹐勁無奈...雙拳難敵四手...佢地仲話要出本「大O血淚史」黎話我﹐過份！哼！阿烽竟然手指拗出﹐遲d一定家法侍候...
年年都行書展﹐年年都係冇咩收獲﹐今年都唔例外﹐仲要未撞過熟人﹐都算特別﹐係臨走前去左搵阿敏華...
之後一償所願去左大快活食個新出既晚餐﹐都唔係太好食﹐有d失望添！

>>December 2, 2003 at 3:31:24 AM GMT+8

2003 年 7 月 31 日 星期四 【晴】

copy from ling姐 diary（其實都係sara diary）
急事，慢慢的說；
大事，清楚的說；
小事，幽默的說；
沒把握的事，謹慎的說；
沒發生的事，不要胡說；
做不到的事，別亂說；
傷害人的事，不能說；
討厭的事，對事不對人的說；
開心的事，看埸合說；
傷心的事，不要見人就說；
別人的事， 小心的說；
自己的事，聽聽自己的心怎麼說；
現在的事，做了再說；
未來的事，末來再說；
如果對我有不滿意的地方，請一定要對我說。

>>December 2, 2003 at 3:30:04 AM GMT+8

2003 年 7 月 30 日 星期三 【晴】

今日算係幾得閒﹐只係要出去輔聚。之但係﹐一起身就比人耍既感覺真係唔係好好囉...由輔導處耍去c5再番輔導處...玩野咩....
之後東哥佢地速遞左個franklin雞扒包比我之後﹐又係時候出去輔聚喇。唔記得左點解﹐成班人係度傾傾下組旗就係度怒笑﹐好似係講既支竹點搞﹐笑到我肚痛...
阿may﹑billy同karen都pic左好多野﹐有d唔好意思添﹐我好似冇乜做過野﹐睇番個時間表﹐距離個camp真係唔係淨番好多時間﹐但我發現大細o都仲有好多野未搞掂﹐有d開始擔心﹐究竟搞唔搞得掂呢？


估唔到﹐呢個消息黎得咁突然﹐一d先兆都冇﹐我聽到都真係呆左一呆...
好希望係佢飛之前仲搵到時間食餐飯...
我原來為左大細o﹐忽略左好多好多野﹐屋企發生咩事我唔知﹑朋友發生咩事我唔知﹐基本上根本就唔會有機會見到我既朋友仔（搞大細o既除外）﹐仲有﹐就連新聞我都冇睇﹐因為我連書展都唔知...好大鑊囉我覺得自己﹐簡直與世隔絕﹐發生咩事？！

>>December 2, 2003 at 3:29:35 AM GMT+8