2003 年 6 月 10 日 星期二 【晴】

上完堂無無聊聊又上番UC﹐仲諗住尋日唔記得拎OC房既匙﹐就去輔導處拎啦﹐點知佢竟然話「上次講左比你知條匙直接去恆生樓拎架啦」﹐我頂！你有鬼講過！算~~咁咪行落恆生囉﹐果時落緊雨﹐我行左恆生122級樓梯落去（我數過﹐真架！）﹐去到原來要我交兩張相先比條匙我！點解我又會唔知架？！因為一：我未做過宿生；二：我唔係正途入宿﹐所以收唔到通知；三：冇人講過我知；四：我蠢囉咁！
激到我呢...走番122級樓梯上番會室﹐慶到我周圍亂咁掟野（嘗試破壞會室﹐不果）﹐跟住勞煩左tracy同大ken落去reg番兩間房...我就係會室訓左...但訓唔到﹐因為播緊《無間道》！之後就打機打到開會~~
我今日都唔算好惡丫~~不過語氣上表達左我既小小不滿之嘛~~
開完會﹐行政部就去左食宵﹐不過tracy冇去﹐加左個g@ry。卒之三點幾先番到屋企~~好眼訓~~


食宵既時候講左好多好與眾不同既人﹐個個都好特別﹐特別做得野...所以我出左一個「不是人」既list...
雞泡 <-- 佢一定唔係人！
Yumeji <-- 多才多藝到呢...
Winnie <-- 佢係咪音樂同語言天才？
G@ry <-- 係咪天生工程師？定係賊仔...

應該仲有好多未比我discover到...


>>October 22, 2003 at 2:29:43 PM GMT+8

2003 年 6 月 9 日 星期一 【晴】

今日係interview最後一日既日子﹐見到班大組長真係辛苦﹐in左四日﹐日日都講差唔多既野﹐所以為左冇咁悶﹐我今日都冇聽哂﹐仲走左去食tea添！in完仲要搞埋個list出黎﹐見佢地揀黎揀去真係好麻煩架﹐好彩﹐我唔係大組長...
今日仲比anna鬧﹐原來anna真係好惡...
未搞掂我都要走落去開細o個會喇﹐已經遲哂大到﹐仲要人等我﹐真係有d唔好意思添！但最威既係﹐我七點幾自己一個行辮子路果邊呀﹐實嚇死flora~~好彩今日傾左唔係好多野﹐九點幾十點就可以離開中大喇﹐聽日就唔知喇...xp


Ally的個人資料
攻擊　　54
防禦　　79
敏捷　　75
耐力　　87
意志　　82
智商　　89
種族　　天使
職業　　神官
屬性　　土


From:
http://vega.cs.tku.edu.tw/~u7197120/RPG_Test.htm


>>October 22, 2003 at 2:29:10 PM GMT+8

2003 年 6 月 8 日 星期日 【晴】

上完堂就捉左billy去coffee con食飯﹐唔食由自可﹐食完就已經落雨落到好可怕﹐初時都以為搞得掂﹐等billy遮我上uc（我又冇帶遮...）﹐點知行到田家炳我真係頂唔順﹐已經成身濕哂﹐乜都唔理唔肯行﹐等到雨細d就叫大ken拎把遮落黎比我先行上去﹐遲左開會﹐好彩係行政會...
開完會就上去八下interview。之前call左fion番黎幫手﹐如果唔係就唔夠ec。阿烽都有番黎比人in﹐佢in完之後就同埋fion一齊落uc can食tea。佢兩個真係好搞笑﹐fion想比件牛肉阿烽﹐點知手勢差﹐一野彈哂d湯落阿烽件衫到﹐搞到佢勁樣衰﹐哈哈~~之後聽聞佢要買番件衫先囉~~
in到差唔多尾果group就到包建豪﹐死臭包竟然作2x7黎片我！比人片﹐好唔開心添...xp
in哂之後就同winnie﹑fion出左沙田吉野家食飯。fion話我鬧佢﹐其實都唔係丫﹐唔好講到我咁惡先得架...食完飯行左陣﹐fion死都唔肯食雪糕﹐算~~但我又唔記得想同佢傾咩喇~~

>>October 22, 2003 at 2:28:26 PM GMT+8

2003 年 6 月 7 日 星期六 【晴】

今日番去開觀委會﹐點知番到校巴站就走左班車﹐下班仲要我等八個字﹐打比anna佢又未番﹐但我又唔想自己行上去喎﹐所以就等埋anna一齊搭下班車。早知唔等佢自己行上去啦﹐一上車就開始落雨﹐等我地到本部仲要嘩啦嘩啦咁喎﹐我地變左落湯雞﹐仲要係franklin開會﹐都唔知會唔會冷病...
開左冇幾耐我又要走番上uc睇interview﹐原來比我想像中多人係我識得既。唔知點解硬係覺得interview係一種好悶既野﹐所以我都係冇乜落去幫手。開頭仲以為in完我仲有時間落番去開中代會﹐點知in到最後果group﹐anna佢地都上番黎喇﹐勁早完呀個會。好彩今日冇開片﹐我冇蝕到﹐不過下次個agenda一定好長﹐我又唔驚呀﹐最多係uc訓。希望下次有戲睇啦~~
搞掂哂d野佢地又唔去食飯﹐就唯有番屋企﹐之前仲同flora去左食雪糕添！番到屋企就訓左喇﹐好"支力"...

>>October 22, 2003 at 2:27:58 PM GMT+8

2003 年 6 月 6 日 星期五 【晴】

早左番去拎d乘車證﹐之後先同sara食飯﹐仲撞到胡可智！同我講左一大輪既﹐個結論係唔好kill soc。拉票咁低莊？
去開藝墟個會﹐又係cusu...我用左好友善既語氣去表達我既不滿喇已經﹐唔好怪我。到現時為止依然係最悶既會﹐好彩今次已經係最後一次（如無意外...）。好想快d搞掂對外既野﹐淨番d對內既野﹐又上左軌道既時候一定會好好玩！^^
跟住走番上uc睇interview。我真係唔係好知發生咩事﹐因為我都係唔識問問題啦﹐仲要拉埋我落水﹐但聽日要我落場？唔係喇掛...硬係覺得唔係幾好...


希望...
大o可以run smoothly﹐無風無浪
大家快d熟絡
做得好好睇睇
我唔好再唔記得野
唔好屈我屈得咁甘
快d搞掂哂對外既野
細o順順利利

有組聚！

聽日睇到人開片

我張床永遠都係我隔離﹐最好仲唔係兩層既...等我可以即刻訓落去﹐行都唔使行


>>October 22, 2003 at 2:27:38 PM GMT+8

2003 年 6 月 5 日 星期四 【晴】

今日去左做野搵錢﹐分別係做「研究生」同student helper。
上完堂見到winnie就捉埋佢一齊上輔導處﹐因為我要搞oc房d野。途中打上會室冇人﹐就好好人咁搵埋番緊黎既大ken一齊食飯﹐免得佢一個人上到會室冇野做。食完野就番會室﹐打埋d輔導員電話就同大ken一齊落去做「研究生」。之後又上番uc﹐再搞埋oc房d手尾就到五點再幫college做野。今次終於做photographer﹐我有冇長期飯票就睇今次喇...
之後好明顯係得閒得滯﹐做完野仲係會室sit埋su常會﹐到十一點先走﹐好鬼眼訓﹐早知唔睇...

>>October 22, 2003 at 2:26:39 PM GMT+8

2003 年 6 月 4 日 星期三 【晴】

今日上french又遲到﹐遲左半個鐘呀！乜都蝕哂喇...仲要比miss問到口啞啞﹐因為我真係唔知佢講緊乜野...灰到呢...唔溫書似乎真係唔得﹐不過宜家都未係好得閒溫（其實係冇心機溫...）
上完french就同sara一齊上番uc開個四院會。原來我真係冇記錯﹐cusu真係做錯野！咁ok啦~~我唔幫手架喇佢做到咁...唔鬼理佢喇﹐由佢去死啦﹐星期六先再插佢。講番個會﹐傾左幾個議題﹐好彩sara係度做記錄員﹐唔係都唔知傾咩/傾到邊。我突然間覺得好對唔住班OC添﹐傾左咁耐既野竟然唔可以係四院comprimise﹐卒之都係出左另一個決定﹐我覺得好似前日個會浪費左佢地咁多時間discuss都得唔到認同咁...雖然我都覺得宜家呢個係最多college贊同又比較公平而且對d新生黎講唔錯既decision...（至於係咩就下次GM先講啦﹐因為仲有兩個惡耗﹐我覺得係囉﹐可能佢地反應冇我咁激烈既﹐但我都有比人片死既危機...）
開完會﹐搞埋OC房果單麻煩野（真係超級麻煩﹐最衰就係我咁遲先搞呢d野啦...而家都唔知點交待...）﹐就同大ken落左pool side食tea。食左個麵﹐大ken又請我食雪糕（佢死梗喇﹐一不離二﹐二不離三呀﹐呵呵~~~）﹐我地吹水吹左兩個幾鐘﹐估唔到佢都幾好傾架喎~~

今日卒之忍唔住上左dept appeal我個research﹐咁岩強哥又唔係度﹐就留左msg比佢﹐希望佢會幫我睇睇個分啦...之但係番到屋企就收到academic report喇...莫非﹐我遲左？仲可唔可以appeal呢？個分都出左喇...

>>September 13, 2003 at 11:16:24 AM GMT+8

2003 年 6 月 3 日 星期二 【晴】

今日去左參加六四燭光晚會﹐係我第一次參加呢類集會。約埋阿烽﹑anna一齊去﹐仲有好多cusu﹑ucsu人﹐加埋fenix﹑娟同winnie﹑g@ry。
十四年前既事﹐我唔記得清楚﹐我只記得當時係電視面前見到直播天安門鎮壓學生既情境﹐坦白講﹐我果時唔知發生咩事﹐但慢慢﹐每年既六月四日﹐我都知道點解會有燭光晚會。歷史﹐我大概知道﹐但我想了解更多﹐一黎﹐我自己係一個中國人﹐我覺得對歷史事件係應該有認知﹐再者﹐我已經係一個大學生﹐我都應該關心多d中國既事務﹐我唔再好似中﹑小學咁﹐坐係度等人地比資料我﹐應該主動d去參與﹑去了解自己想知既事﹐而呢件事當年就發生係中國既大學生身上﹐我係咪應該了解下中國學生當時既想法呢？
不過﹐去完今日既晚會﹐唔知點解我有種失落既感覺。我開頭係想藉著呢次機會﹐了解下一邊既立場﹐同埋聽下佢地既睇法﹐甚至睇番當時發生既事。但可能我開頭冇理解清楚呢個晚會既意義啦﹐我睇唔到一個理性既討論或者回顧﹐反而只係一面倒地發出反對聲音。負責既團體只係播放學運人士既錄影帶﹑帶領集會群眾叫口號同唱歌。我覺得呢d野比較煽情﹐同我想睇到既野唔同﹐所以先會有d失落。
仲有既係﹐其實我本身對於民主中國既理念有疑問﹐我想知道點解d人會認為民主係中國推行一定有好處？首先﹐我知道民主呢個概念係由西方傳入﹐咁西方既思想又係咪真係適合係中國既文化中實行呢？漢﹑唐時代所行既都係封建﹑中央集權既政治體制﹐佢地都有過興盛時代﹐雖然﹐行呢種方法既條件係要封閉同本身富饒﹐但係咪行民主政治就一定係好事呢？個晚會有個point係「還政於民」﹐我想知﹐還政於民係咪一件好事？因為我係度諗﹐如果所有人都參與政治決策﹐個社會會唔會好分化﹑好亂？咁又去到一個問題：社會應該係精英決策定係全民決策呢？第二﹐人權係邊個define？其實呢題問題我讀law果時都想問﹐不過都係冇問到。呢個term好似又係西方既產物﹐咁究竟呢樣野又係咪會因文化而異呢？如果係的話﹐又點解要將呢樣野套用係中國？
我好少會諗到呢d野﹐只係我想知道多d。呢d只係單純既提問﹐並唔係質疑d咩。有冇人可以解答我既問題﹐令我了解多d宜家既情況？

>>August 10, 2003 at 12:17:32 AM GMT+8

2003 年 6 月 2 日 星期一 【晴】

十二點半至十一點
四個會
行政﹑「乾淨衫」briefing﹑院慶﹑GM
唔好唔記得我仲要上堂
好"支力"...
不過﹐好好笑﹐無啦啦開開下會就con人﹐成班人都癲架...
都好﹐起碼知道成班人都易熟﹐講說話易左。


正如fion話﹐我煉緊仙...
今日全日淨係食左一盒「寶卡」杏仁古古力餅﹐一包蜜瓜奶﹐加一啖同fion係kevin度偷留黎既咖哩薯餅飽。
一個字---勁！

>>August 10, 2003 at 12:16:22 AM GMT+8

2003 年 6 月 1 日 星期日 【晴】

考完french﹐係屋企睇左隻vcd就去左人地屋企玩。
頹玩左半日﹐打機﹑打牌﹐唔知點解打到好眼訓﹐可能之夜果晚未訓夠...
睇高芬打機真係好好笑﹐成班人唔打牌就係睇佢打機。可能佢好笑打啦﹐一路捉馬騮一路都笑料百出...
好似好耐冇見班friend﹐好開心！^^
不過﹐french就慘喇...

>>August 10, 2003 at 12:15:43 AM GMT+8