2003 年 7 月 12 日 星期六 【晴】

呢幾日去左camp﹐oc聚同埋pre pre。又玩到癲左~~
星期五果日係oc聚﹐都好多人架~~有terry﹑fion﹑anna﹑掃把﹑fenix﹑阿蜜﹑doris﹑wendy﹑dennis﹑剛﹑何b﹑flora﹑阿賢﹑edmund﹑ellen﹑joman﹑loading﹑阿諾﹑肥ken﹑阿偉﹑水魚﹑阿東﹑阿濠﹑阿杰﹑阿集﹑大ken同sara﹐真係好鬼死多人...入到南丫島﹐囉左房坐左陣﹐就由島民fion帶我地行去一個叫「蘆鬚城泳灘」既地方﹐果度唔算靚﹐仲有好多石仔添﹐但我地都有去玩下水。男仔就踢波﹐女仔就係旁邊玩下咁。我同fion﹑anna行左落水﹐因為有好多石仔既關係﹐搞到好似玩腳底按摩咁﹐fion仲不停嗌痛﹐唔知佢係咪有暗病呢？跟住﹐由於ellen自己既要求﹐我地就勉為其難咁掟左佢落水﹐勁好笑...佢之前仲想掟anna落水﹐我同fion係度﹐佢梗唔會得逞啦！我地三個仲成日諗點整人﹐難怪阿剛同fenix都話﹐我地三個一齊既時候一定冇好野...今次比人掟落水既有fenix﹑ellen﹑掃把同edmund﹐我就幸保不失﹐呵呵~~
玩完就一齊番房﹐d男仔唔知係咪hyperactive﹐竟然仲去踢波﹐而女仔就留係屋度吹下水咁﹐我就真係支力死﹐番房訓左陣~~班男仔就係因為咁﹐搞到個個損手爛腳﹐都唔知佢地玩咩架...番哂黎之後再係房玩左陣﹐就差唔多時候出去bbq喇。我好鍾意bbq架﹐因為我d燒雞翼﹑麵包同棉花糖都好好食架~~好多人都食過喇﹐呵呵~~咁多人一齊bbq﹐真係幾壯觀。
飲飽食醉又番房喇﹐不過我仲未有得抖﹐因為要準備pre pre個camp fire﹐又同一班大組長去左練武。又跳到成身汗﹐仲好支力﹐冇法﹐因為我都唔想我到時跳到勁難睇...
之後真係番去lu﹐比左個機會輔導同節目吹左陣水。我真係唔知道咁樣做係咩有幫助﹐我只係想大家知道大家既難處。問我具體方法﹐我真係唔知道﹐我亦都唔知道佢地點諗﹐可能我真係能力有所不及﹐唯有盡我可能...
跟住佢地又番去玩﹐我都有玩左陣﹐又同fion行左陣﹐再番去吹多陣水﹐唔知幾點﹐我又訓左喇。真係繼terry之後﹐我係訓得最多果個？訓到矇矇矓矓﹐又比人打左下﹐佢地玩killer輸左就玩埋我...
到左第朝﹐好多oc唔知係咪太支力﹐都陸續走哂﹐唔係太多人留低埋個pre pre﹐有d都留低左﹐食埋晚飯先走。下晝果時雞泡都入埋黎﹐同我地一齊玩games同camp fire﹐我仲同佢幾個玩得好癲添。跳camp fire又同阿烽互踢沙﹐卒之兩個都成身沙﹐真係吹漲...不過我竟然冇比人掟落水﹐我都估唔到...
之後去左食海鮮﹐都幾好食架﹐不過好貴呢...其間﹐我地果邊有一台外國人有人生日﹐我地就幫佢唱生日歌﹐幾十個人喎﹐勁開心啦﹐就送左我地每台一支啤酒。跟住又見到田少﹐個個爭住同佢影相﹐anna見到呢個「民族英雄」開心死佢~食完野又番房。沖完涼﹐我﹑雞泡﹑terry﹑sara同john c﹐就周圍落組玩﹐六組各有特色喎...
我就係咁樣玩通頂喇又﹐好彩之前果日都叫訓得夠...到八點幾先番房訓﹐都係訓左兩個鐘咋...到左中午﹐成個pre pre就正式完結﹐各組四散lu~~我就同雞泡佢地去左食埋lunch先﹐再番中大﹐因為我有工開呢~~
我做到成八點幾先番屋企食飯﹐夜晚再搞下呢樣﹑搞下果樣咁先訓...卒之﹐我都有得訓喇~~


我諗我知個問題出係邊。
我會用自己既方法去解決。
　
　
多謝你地...

>>November 12, 2003 at 8:12:01 AM GMT+8

2003 年 7 月 6 日 星期日 【晴】

維維個日記~~
維維今朝一早就俾陳曉烽同陳韻祺既電話嘈醒, 因為我地要商量albert生日既celebration, 咁連生日果個都話要食k buffet, 咁我地梗係順佢意啦, 之但係今日既人物只係得維維、阿烽、ally、anna同埋albert, 獸父同索媽& eva都黎唔到, 咁咪即係又係當然組聚..............
我地四個約早左出黎買禮物,好開心呀, 俾我見到我近期既寵女一號~~~阿賢~~~yes.我真係覺得送個腰封俾佢好好架, 但係佢地話恐防albert會嬲, 咁我都係送左一set沖涼玩既野,我諗沖完真係變左做bubble the lord, 之但係albert, 你真係唔好一次過用晒呢d鹽呀、泡泡、浴珠呀, 唔係我真係驚會有化學作用, 沖完你得返d骨係度.
五個人去返上次同anna慶祝生日個間neway, albert真係不槐係albert the lord, 佢唱k真係咩著數都多d, 人地最多八五折無啦啦又可以八折、明明冇香檳送又屈到一枝返黎..總之佢真係一個lord...完全係勁!

唱k玩得好開心,我地今晚唱d歌真係好絕, 我地係咁唱d合唱歌, 真係咩接近、帝女芳魂、情牽百子櫃...總之咩恐怖歌都唱晒, albert食k buffet真係咩都做得出, 佢真係拎左兩盒未開既橙汁返黎....又有好多海鮮, 佢真係一個海皇, 咩海鮮都食,仲食左好多添, 佢仲話呢度d k buffet好味過180蚊d酒店buffet, 唔通....lord既口味真係唔同d ?

唱到十一點幾,但係我地賴死唔走,係度玩truth or dare, 又玩,呢個遊戲真係玩左好多次,仲知道左好多albert既秘密添......不過呢個遊戲唔講真話都係斷大舊同iris雙腳je, 所以我地都幾唔顧iris同大舊對腳既生死.

Albert~~~~happy birthday

>>November 12, 2003 at 8:10:54 AM GMT+8

2003 年 7 月 6 日 星期日 【晴】

陳曉烽個日記：
今日係albert the lord 0既大日子, 佢牛一, 我, anna同fion就去0左citysuper買禮物俾佢, 本來有個好靚0既腰封想送俾佢, 但係礙於albert係lord, 需要面子, 所以我0地一眾peasants(anna, fion, ally)同slave(我)就揀0左其他0野, 分別係d浴鹽呀, 沐浴珠珠呀咁囉, anna就別出心裁揀0左d香味花瓣等albet可以0係浴缸度上演黛玉葬花同埋舉高美腿呢兩幕, 我就揀0左粉紅色0既碎花浴帽俾佢, 我0地仲叮囑佢唔好一次過用晒果d 0野, 咪一陣佢座好似童話故事0既城堡就會冒起無數0既泡泡, 仲可能會產生化學反應爆炸死0左咁就真係生日變死忌咯(touchwood~)!
買完禮物就出返商場啦, 其間我寸0左fion同ally無數次, 唔知點解我把口好似越黎越絕, 終於去到neway樓下間ok, 等albert the lord等到傻0左, 我又買左支紅豆味甜筒, 佢0地一人一啖都無0左半支囉, 個口真係大! 之後又滴到周圍都係啦~ 仲有頭先0係citysuper果d屎, 唔係, 係太陽油(仲要係大隻佬用黎show muscle時搽0既古銅色)蹟0係隻手度, 好彩阿微波ally(呵呵~)有濕字巾... 最後都係我0地上去先, 唔等albert, 一上到去就係咁瀝0野食, 開心到... 果晚唱0左好多歌呀~ 仲要點0左好多合唱歌同組合0既歌, 大家都勁開心, 我0地要繼續咁有spirit呀~ 俾個u我 俾個c我~
繼上次anna生日, 打極電話都book唔到tea buffet 0既位而lord albert打去grand hyatt一擊即中後, 今次0係neway係有8折(學生証都係得9折), 仲要得五個人都有香繽囉, 真係著數皇, 佢仲食0左無數0既蟹同瀨尿蝦, 總之見到果幾碟骨就好似0岩0岩有隻海怪食晒海入面d生物咁, 好彩我唔識游水...
truth or dare: albert the lord 要加油
合唱歌&組合歌:
接近
醇酒醉影
勁愛你
曼谷maria
魅力移動
只能抱著你
冷雨夜
光輝歲月
苦口良藥
會過去的
what makes a man
my love
帝女芳魂
他都不愛我
小飛俠
愛一個人
等等

真係好開心...

下次一定要齊人!!

通緝 (wanted):
1. 中國籍女子, 英文名eva, 19歲, 操流利廣東話及英語, 就讀香港中文大學英文系, college為uc.
2. 中國籍男子, 外號大舊, 21歲, 操唔流利廣東話及基乎每個字都發音不正確0既英語, 就讀香港中文大學綜合工商管理學系, college為uc, 特徵係樣衰同淫賤.
3. 中國籍女子, 英文名iris, 外號中大籐原紀香, 20歲, 操流利廣東話, 就讀香港中文大學綜合工商管理學系, college為uc, 性格豪放, 縱色縱慾, 喜結交男性, 尤其係有錢仔.

>>November 12, 2003 at 8:10:04 AM GMT+8

2003 年 7 月 6 日 星期日 【晴】

Happy Birthday to Albert the Lord~~
今日係我地阿bert生日既大好日子﹐好可惜﹐我都仲係要開兩個會﹐見左george兩次﹐好彩有餐免費飯食﹐如果唔係﹐真係唔鬼想去...由十二點半開到三點幾既兩個會。開完會就見到自由黨個記招做緊直播﹐威到呢~~之後就叫左班人落去食tea﹐有我啦﹐fenix啦淫賢啦﹐淫偉啦﹐仲有臭包。之後就出左去尖咀會fion﹑anna同阿烽喇。
出到去city super﹐佢地買左好多沖涼用既野比阿bert﹐好似好開心喎如果有得用呢d...但唔知阿bert會唔會浸浴既呢？會完佢地都差唔多時間去集合地點喇﹐因為阿bert話要去k buffet﹐佢講得既﹐咁就梗係要去啦~~之但係﹐今日得我﹑fion﹑anna阿烽同阿bert咋﹐獸父﹑索媽同eva都唔得閒﹐灰！阿bert遲左d﹐但唔緊要﹐因為佢今日大哂﹐大到連neway都要就佢。佢真係the lord黎架﹐人地拎到八五折﹐佢就拎到八折﹐人地要六個人先有香檳送﹐但我地五個人都可以比佢屈到支香檳番黎﹐仲有仲有﹐人地拎一杯杯既野飲番房﹐佢就拎左兩盒未開既橙汁番黎﹐人地拎壽司就拎得兩三件﹐佢就拎到差唔多一碟﹐超勁！佢真係the lord﹐能人所不能之餘﹐食野都超可怕﹐因為佢一個人都怒吞左八隻唔知咩蟹既蟹鉗﹐再加多一大碟我地特登拎比佢既瀨尿蝦﹐佢仲食得津津有味添！食海鮮食到呢...
我地果組人都係癲架~~人唱k我地唱k﹐我地就唱埋d勁可怕既合唱歌﹐咩接近呀﹑帝女芳魂呀﹑仲有醇酒醉影呀...臨完場果期我地仲唱埋英文歌﹐唔知d waiter入黎果時會唔會覺得呢間房既人好high class呢？無他既﹐因為我地有albert the lord丫嘛~~
cut哂歌我地都唔捨得走﹐仲係度玩truth or dare﹐知道阿bert一d野喇~~不過﹐就算我地講大話都好啦﹐斷既都係獸父同索媽既雙腳之嘛﹐我地都玩得好放心~~
之後﹐成十二點幾我先一個人飛van番屋企﹐之但係點幾番到屋企﹐唔知點解會做野做到六點﹐痴哂線...


An empty street
An empty house
A hole inside my heart
I'm all alone and the rooms are getting smaller
I wonder how, I wonder why
I wonder where they are
The days we had, the songs we sang together
And oh my love
I'm holding on forever
Reaching for a love that seem so far

So I say a little prayer
And hope my dreams will take me there
Where the skies are blue
To see you once again, my love
Overseas from coast to coast
To find the place I love the most
Where the fields are green
To see you once again, my love

I try to read
I go to work
I'm laughing with my friends
But I can't stop to keep myself from thinking

I wonder how, I wonder why
I wonder where they are
The days we had, the songs we sang together
And oh my love
I'm holding on forever
Reaching for a love that seem so far

To hold you in my arms
To promise you my love
To tell you from the heart
You're all I'm thinking of

I'm reaching for a love seem so far

呢首係我地cut歌前最後一首。
正如fion所言﹐好似真係唱得好開心...

>>November 12, 2003 at 8:09:27 AM GMT+8

2003 年 7 月 6 日 星期日 【晴】

誰真誰假？
坦白講我真係唔知﹐亦都唔會知。
我冇能力去深究。
為左o'camp﹐我咩都做得出...
以大局為重似乎就係我宜家應該做既野﹐亦都係我呢個位要做既野。
我相信我對得住自己﹐就足夠。

>>November 12, 2003 at 8:08:47 AM GMT+8

2003 年 7 月 5 日 星期六 【晴】

呢排成日都見到萬里無雲既天﹐令我諗起加州藍色既天空（esp. L.A.）...
唔知我表弟點呢？唔知dickens點呢？
...
如果我仲係上年既身份﹐我一定諗都唔使諗﹐再飛多次﹐因為果度好舒服﹐尤其係天氣﹐好正！
但我真係唔希望﹐我想去既原因同上年一樣...


一點三仆番去開觀委﹐卒之成點九先開會...唉...
跟住兩點半開中代﹐卒之都開片喇﹐有戲睇~~果然係仇深似海...大家都係做野﹐唔使去到咁盡掛...各為其主之嘛...搞到好疆﹐搞到要辭職﹐仲搞到法定人數不足開唔到落去﹐要下次再續﹐麻鬼煩﹐下次又講kill soc咪即係沒完沒了？唔係掛？！所以﹐個會開到七點零就搞掂。跟住同su班人出左city﹐佢地就幹聚﹐我同winnie就為左有人一齊食飯（我係囉﹐winnie可能唔係既~~）﹐所以我食完飯﹐九點又番會室做埋d野喇~~
做到十二點又番落恆生﹐仲同fion煲左陣電話先訓~~

>>November 12, 2003 at 8:08:13 AM GMT+8

2003 年 7 月 4 日 星期五 【晴】

下晝出左去睇「六樓後座」。
估唔到真係咁好笑﹐有dd三級笑話。
唔知點解硬係覺得套戲有d鬆散。莫非黃真真玩慣左半紀錄片式？
夜晚又同terry玩D2﹐比人話我cheap添！一玩又玩到四點﹐都唔知有冇搞錯！
好眼訓又好頭痛呀！


孰真孰假？
見過鬼﹐我怕黑囉...

>>November 12, 2003 at 8:07:38 AM GMT+8

2003 年 7 月 3 日 星期四 【晴】

10月3日 時髦的信徒
宮位：天秤座 9-11 天秤座 二 本位的 風像

10月3日出生的人總喜歡把觸角往外伸，不斷去探測最新的趨勢。他們不只愛趕潮流，更精於創造潮流，至少在他們的社交圈裡是如此。他們愛慕時髦的衣服、住宅、車子和觀念，各方面都走在流行尖端；不過，他們也有傳統的概念，一旦在哪裡落地生根，就會在那裡打下成功的基礎。
他們胸襟寬闊，不拘小節，對每件事情都興趣滿滿，往往是身兼數個領域的專家。他們的心靈飛揚、意氣風發，還容易得意忘形。盡管他們可以接受許多不同的經驗，但好惡仍然頗為強烈。今天出生的人對事業非常認真，總是竭盡所能地希望能夠做到最好。如果他們具有特殊才能或是擔任主管，便會成為別人崇拜或模仿的對象。不過，這樣拚命工作的強烈衝動，卻可能將他們的精力全數消耗殆盡。

他們相當清楚自己在社會裡何特殊時刻所扮演的角色，行為舉止總是有些戲子的調調，而且幾近於表現狂，所以，最令他們飄飄欲仙的，莫過於成為聚光燈的焦點了。雖然他們能夠長期獨處，卻非常難以被人忽略的滋味，仍然需要時時回到眾人面前，汲取群眾的注目。他們經常覺得必須督促家人或工作伙伴的進度，不管是例行公事或瑣碎雜務，他們都無法靜觀其變，非要插一腳不可。10月3日出生的人對自己的品味極為自豪，所以他們被任何人批評為沒品味，必定會視之為一大侮辱。

今天出生的人同時具有內向和外向的個性，是個奇特的組合體。他們常能看穿別人內心的改變，卻不願意讓別人了解他們，而且大多只喜歡花時間和一小群人認真相處，也只願意與三兩知己分享生活的點滴。除了不太愛花時間與家人或子女共處之外，這些人倒還算是盡職的雙親。他們必須留意不要流於膚淺與勢利，否則不但會對晚輩立下壞榜樣，更不利於自己的人際關係。有些今天出生的人經常被指揮為踩著別人的肩膀往上爬，或是“西瓜隈大邊”的勢利之人。

幸運數字和守護星
10月3日出生的人會受到數字3和木星的影響。受數字3影響的人經常可以爬到他們活動圈的最高位置，而且以獨立性自豪。木星與天秤座特有的金星能量互相搭配的結果，將使今天出生的人具有個性樂觀、發展性強的社交前景。

健康
對今天出生的人來說，不論各種年紀都可能深受“盛宴後遺症”或“外食後遺症”之苦。他們經常假借“應酬”之名，沉迷於酒精、咖啡和香菸之中。關於這點，請盡可能地節制，或乾脆戒掉。今天出生的人經常匆匆用餐，速戰速決，或像夾心餅乾一樣擠進快節奏的生活形態中，其實，他們只消放慢生活步調，慢慢享用餐點、細嚼慢咽，並規律地運動，就可以達到不錯的健康狀態。

建議
當你忙著和時代賽跑時，不要忽略你的靈性發展。找出生活的原則，專心於個人的發展。不要因為受到誘惑而偏離了軌道，因為，看起來閃閃發亮的，不見得就一定是價值連城的黃金。

名人
愛蓮諾拉杜絲(Eleonora Duse)義大利舞台劇女演員，為現代舞台劇改革者，經常在男友達努齊歐(D'Annunzio)所寫的戲劇裡擔任要角。
美國劇作家、藝評、散文作家及小說家維達(Gore Vidal)，著有諷刺戲劇《麥拉布雷肯里吉》，以及歷史三部曲《伯爾》、《1876》、《林肯》。
法國劇作家亞拉岡(Louis Aragon)，以處女作《夜行者》震驚文壇，被譽為超現實主義派最出色的作家，並曾主編共產黨周刊《法蘭西文藝報》。
恰比切克(Chubby Checker)美國搖滾樂歌手，開啟扭扭舞熱潮。
美國低限主義作曲家史提夫雷契(Steve Reich)，為創作電子音樂的先鋒，作曲頗受亞洲和非洲音樂的影響。
美國禮儀專家波斯特(Emily Post)，以《社交規範藍皮書》為所謂的“美國風範”建立起一套標準，她同時也是小說家。

塔羅牌
大秘儀塔羅牌的第3張是“皇后”，象徵有創造力的聰明才智。她是達到極致的完美女性、孕育大地的母親，也是我們夢想與渴望的化身。當牌面正立時，代表魅力、優雅與毫不保留的愛；當牌面倒立時則有自負、矯情及無法容忍缺陷的意思。

靜思語
衣著的目的，究竟是要隱藏、還是要曝露個人的底細？

優點
識時務、時髦、熱忱。

缺點
困擾多、自命不凡、頗愛現。

適合的戀愛對象
1月26日、2月11日、4月23日、5月2日、5月8日、5月20日、6月30日、7月24日、8月14日、9月29日、10月26日、11月7日。

適合的朋友對象
2月1日、3月9日、6月3日、6月29日、7月3日、7月8日、7月17日、8月8日、8月31日、9月19日、10月23日、11月11日。

>>November 12, 2003 at 8:06:54 AM GMT+8

2003 年 7 月 3 日 星期四 【晴】

這響聲使我 記得你
索性去換過 我手機
這間屋使我 記得你
住到隔四十里
想清洗所有記錄 試過結識你
就當相戀這幾年我斷了氣記不起
我共你 縱是有開心過 更多不快回憶 要清理

從頭抹掉你 從頭刪掉你
不必紀念碑 來年重聚再回味
仍然記住你 猶如為難自己
相愛後怎能變知己

從頭抹掉你 從頭刪掉你
搬出了六樓后座尋夢那場地
杜絕前事再回魂 杜絕懷念你
莫非分到一吻後 就終生都要記得你

一起欣賞過 每齣戲
慣性儲下了 每張飛
今天一整套 也拋棄
沒証據 約會你

從前我日記 頁頁都是你
今天努力撕 毫無懷念那餘地
杜絕前事再回魂 杜絕懷念你
莫非分到一吻後 就終生都要記得你

損毀的 可以再修理
愛錯卻沒法 背得起
小心的剪接 我的戲
遇上你 那段戲
...

>>November 12, 2003 at 8:06:27 AM GMT+8

2003 年 7 月 3 日 星期四 【晴】

今朝一早起身（兼比電話嘈醒）﹐就係為左番甲寅睇睇d師弟妹考成點。番到去﹐除左我就得文仔...灰囉...同阿紫佢地八左陣再同文仔吹左陣水就出去輔聚喇﹐我又遲到喇！遲左三個字多d﹐阿苗仲遲﹐yeah~~
今日輔聚去唱k...又係k﹐係我把聲最唔得既時候就次次都係唱k﹐雖然係咁﹐但我都有唱﹐呵呵﹐仲嗌傷多次添！大鑊...估唔到阿may又唱得幾好聽喎~~唱到三點就走人﹐因為我仲有下場---睇戲。原本諗住睇六樓後座﹐點知夾唔岩時間﹐唯有睇左千機變先~~
套戲真係...爛！成套戲七成都係打﹐都唔知佢打乜鬼野...救命﹐又冇乜劇情﹐唉...不過佢符合到我「唔想用腦」既原則﹐咁就算啦﹐都好耐冇睇戲喇﹐係時候叉下電...
講番今日放榜﹐搵番詩華﹐佢唔太滿意成績﹐不過都係果句﹐順其自然啦﹐你又點知呢條路唔好呢？行落去先知架嘛~~佢講我先知rebecca番左黎﹐今日仲係佢生日添﹐不過我唔記得左打電話比佢﹐真係唔好意思...我係度補番先~~
rebecca！生日快樂~~~

>>November 12, 2003 at 8:05:54 AM GMT+8