2003 年 7 月 2 日 星期三 【晴】

尋日又係開GM既日子﹐我三點就番到去﹐因為要交pre-camp張宿位申請比anna poon﹐好彩唔使我搵佢﹐我將件苦差事交左比kenny﹐自己企埋一邊﹐呵呵~~個anna poon竟然話唔一定比到宿位我地﹐話咩要同細o d pre-camp夾。唔好比宿位我丫笨！我最多咪唔搞o'camp﹐超~~班大粉腸又係衰既﹐搞到我遲左幾日先交得張野比佢...輔聯果d我就怒拖﹐輔導處果d﹐睇在除左anna poon之外都係好人份上﹐我都會好準時架嘛...唉...
交完之後就係度執d工作計劃﹐準備開會用﹐勁麻煩﹐如果唔使交﹑唔使過你話幾好呢...仲有輔聯果張content我都未寫﹐都係下個禮拜佢奪命追魂call先算啦...頹得就頹！之後有落恆生放低d野﹐仲比個田生嚇死﹐勁惡囉﹐我都唔知發生咩事﹐無啦啦比人兇﹐仲搞到我係果度企得耐而比蚊咬﹐都唔知係咪小紋黎架﹐係咪死得？！
唔知點解﹐好快就到開會既時候。因為某d人做野做得唔夠完美既原因﹐累到掃把再一次比人con左﹐已經係第三次喇﹐究竟佢會唔會有破紀錄既創舉呢？係三個月之內唔知會比人con幾多次...罪魁禍首仲話佢好內疚﹐都唔知係唔係架...
又一個自己都唔知自己做咩既會開完之後﹐就去左沙角食宵﹐今次有：fion﹑祺﹑偉﹑kenny﹑john c﹑terry同濠。成班人﹐都唔知有冇搞錯﹐成程巴士係度講埋d勁賤野﹐都唔當我同fion係女仔？雖然我都唔多似係...食宵...由十二點幾食到三點幾﹐吹水吹到唔想走囉係...john c真係好搞笑﹐佢講野既content淨係得一半係重點﹐其餘既都係粗口﹐仲要通常講野第一句都係粗口...唔知邊個講起diablo先既﹐跟住就幾個人係咁講﹐搞到阿偉同fion勁悶﹐哈！但呢個話題都差唔多講左一粒鐘...又有好多D2之約喇﹐但我真係唔係好識玩...
食完就番宿。點知番到宿我同fion都唔眼訓喇﹐沖完涼就落左313同阿濠﹑阿偉吹水...咁又吹到天光﹐我頂唔順﹐七點幾八點就訓左lu~~唔知佢地幾點訓﹐我淨係知起身果時阿濠已經走左﹐我仲係比阿偉d電話嘈醒。阿濠同fion好似冇訓過﹐哈﹐好慘！
跟住兩點就落左snack bar食飯。最衰fion要番屋企先﹐如果唔係實捉埋佢去開四院會。同阿濠係會室玩層層疊﹐以前都唔覺好玩﹐宜家可能悶得滯﹐覺得激好玩﹐仲要玩埋四連環﹐痴哂線~~之後捉住阿濠﹑kenny同阿偉就開四院會﹐悶到呢...cc果個又唔黎喎﹐都唔知開會黎做乜。就黎頂唔順...可唔可以搵人代我去開呢個會呀...頂...開左冇幾耐﹐我見冇貨就要求下次續會﹐費事哂時間係度拉鋸﹐痴哂線...
跟住以為恆生有麻雀可以打﹐就落番313﹐點知冇腳﹐灰到呢...吹左陣水就散水lu~番到屋企勁"支力"囉...
頭先同terry佢地打D2﹐我累死左何b﹐真係衰到震﹐哈！聽日唔好喇...

>>November 12, 2003 at 8:04:40 AM GMT+8

2003 年 6 月 30 日 星期一 【晴】

咁大個女﹐都係第一次遊行咋~~
今日係反廿三條大遊行既日子﹐我就跟住ucsu去遊行。點知出師不利﹐我落錯車﹐早左個站啦應該﹐入左維園﹐由於勁多路封左﹐我兜左差唔多半個鐘先出得番去中央圖書館﹐好霉囉果下...去到聯合書院既集合地方﹐有好多人呀~~join番佢地之後仲要等多個幾鐘先可以開始行﹐真係多人到呢~~行左冇幾耐﹐d人就開始黎料喇﹐班大粉腸同阿包開始出slogan﹐好威囉﹐我地d slogan咁押韻﹐比起cusu d頹貨真係好好多架﹐所以﹐我地出哂鏡啦﹐esp.阿包﹐直情有兩個記者係影住佢dem slogan囉...聽日要買番份報紙先得...唔知會唔會係「聯合書院繼上年四院互片淫賤slogan之後﹐用反政府口號出位」....？
我地由兩點幾集合﹐行到八點先去到中環﹐真係長期抗戰﹐少d意志力都唔得﹐因為真係又"支力"又渴又餓咁囉...我地嗌到聲嘶力竭架都﹐我把聲又傷多幾錢重...
行完之後就去左食飯﹐係稻香打邊爐...熱辣辣打邊爐？？係呢﹐我都唔知點解會上左去...食飯既時候就淨番fion﹑anna﹑烽﹑kennys﹑edwina﹑flora﹑edmund﹑剛﹑包﹑偉﹑杰﹑濠﹑叉﹑媛﹑fenix同蜜﹐好熱鬧呵~~
估唔到﹐遊行都可以咁開心？


突然間諗起呢首歌喇又...
「不快樂　我很不快樂　有一種想哭的念頭
　卻又說不出那是什麼...」

>>November 12, 2003 at 8:03:30 AM GMT+8

2003 年 6 月 29 日 星期日 【晴】

同其他人打交道絕對唔係一件易事...亦一d都唔好玩
點解人同人之間咁複雜？
如果可以再簡單d...咁就好喇...

>>October 22, 2003 at 2:47:46 PM GMT+8

2003 年 6 月 28 日 星期六 【晴】

維維個爆笑日記（真係好鬼好笑~~~不過ok長...)：
28/6
今日係輔導員briefing既日子, 維維話就話係oc, 但都唔知有咩輔導員添, 今日終於可以睇下喇~~
都唔知點解咁就去左觀塘一間酒樓度食飯, 成個二樓都係我地既,樓下仲要貼住張紙寫住"香港中文大學聯合書院迎新營簡介會"真係威到呢, 駛唔駛咁誇呀????
成晚既氣氛都真係唔錯,都係mc~~john c同flora既功勞呀,個run down真係唔錯,而者我地oc都唔錯呢, 食飯都食得好開心, 食到十一點幾, 我地影埋大合照就各自散,自己搵下場節目lu, oc本身提議話唱k, 真係唔掂啦, 維維邊有咁多錢呀, 之後就落bar飲酒, 真係一個經實惠既夜晚好節目呢.

等我諗諗先...人物有terry、阿偉、阿鐘、掃把、肥ken、大ken、john c、阿祺、阿包、P高, 女仔呢, 有yumeji、anna、ally同維維

一行十四人上左一酒吧,初初yumeji話過我地地知間bar好雜, 我地梗係信佢啦, 佢住觀塘ma,估唔到d男仔話女仔留低, 佢地上去睇下咩環境,睇完仲落返黎陪我地上去, 真係估唔到佢地都有gentle既一面,上到去一坐低, 都十二點lu, 梗係同anna講生日快樂啦~~

其實間吧都唔係好雜jei, 佢地即刻係度串yumeji﹕"嘩~~真係好雜, 因為我地係度真係好雜" 好好笑, 睇落我地真係似好雜既人~~

維維咁大個女都係第一次落酒巴, 講出黎真係有d瘀, 冇既, 因為同芳芳佢地一齊又唔需要咁激下下要飲酒,大O 呢,因為阿烽唔飲,又唔會去, 細O呢, 個個都咁馴, 都係唔去架啦.所以呢一次真係維維第一次去bar.

今晚玩得好開心, 係咁玩大話骰、"789,飲到嘔".我又係咁輸,所以要罰飲好多酒,被人罰左飲好多杯, 自己又飲完一枝又飲埋anna個枝,計計埋埋都應該四枝,冇計,成日輸,俾人話係骰魔同厄酒飲添,真係挑戰我既極限呀,我咁大個女都未試過一次過飲咁多ga, 但係我都仲係好清醒wor."789"真係好好玩呀,因為我地問左好多好抵死又好好笑既問題,d問題有d核突到嘔呀~~d大組長明明聽左性騷擾工作坊個talk ma , 點解竟然會仲多左性騷擾ga, 哈哈~~

飲到三、四點, 我地就走lu, 原來我唔係岩岩想像中咁飲得, 我一企起身個下完全覺得個人冇可能行到直線, 而者兩隻腳仔軟晒呢, 個頭仲痛到爆炸,要anna扶住我行去撘飛van,同anna、ally、阿偉一齊返宿舍

點知~~~~~~我地三個女仔係oc房呢一晚,一齊失眠~~~~~~~~~~~~~~


29/6

今日係我大0 既好姊妹anna既生日, 梗係要講聲生日快樂先啦~~
先講今日既人物先﹕獸父大舊、索媽iris、anna、ally、阿烽、維維, 仲有最勁既albert the lord既主人albert~~eva好可惜呀黎唔到, 因為佢有兩份補習係身呢~~~

維維、ally、壽星女anna三個今朝十一點一早就係oc房起身,之後就刻返企沖個涼先,趕仆三點係grand hyatt既組聚, 真係好辛苦呀維維, 岩岩先可以訓得著就要起身,尋晚維維飲酒飲到好夜先返宿, 跟住我地三姊妹就返oc房訓, 點知三個四五點先有得訓, 本應好快訓著啦, 點知三個齊齊失眠, 維維到今朝先可以訓得著, 點知一訓著就要起身, 真係愁爆喇~~

返到屋企, 沖左個涼, 洗埋副con, 又夠鐘要出門口lu, 想恰一恰都唔得, 灰到呢~~,即刻就出去尖沙咀, 因為大0 組聚去grand hyatt食 buffet呢, 好開心呀, 維維到宜家都未食野呢, 終於都可以食lu, 維維同anna都覺得albert真係好不可思議,事關我地兩個尋晚將buffet club既酒店電話怒打諗住訂位, 間間都話full晒, 點知我地派出albert the lord出馬, 竟然訂到位, noble class真係唔同d, 佢都唔知用咩特殊管道訂位既.

我地三點三到左尖地恒, 就上去grand hyatt, 真係好grand添~~我地唔駛問一定好失禮喇,講野又大聲, 又唔小心係咁爆粗,仲要係咁搶野食.....但係一家人食野又真係好開心呢,又傾計又食野, 而者都唔係好貴添, 正、正、正!!!

食完野,本身維維、ally、anna三個仲有下一場架, 就係街節節目部部聚暨賀anna、wendy生日既 k buffet,但係獸父大舊不堪寂寞, 佢放棄佢ucba大組長練武..唔係,係練舞而同我地走左去唱k.維維同ally心諗, 我地呢舖杰喇, 又食buffet、又唱兩次k、尋晚又飲酒,我地既靈魂真係就快離我地而去, 條頸仲要流到一頸血添,真係又支力、又大出血呢.

不過,我地一家人唱k又真係好開心既, 因為albert同大舊唱得好好聽ma, 唱完k, 我地都支力到死,所以我地就各自歸家lu,維維同ally係靈魂衰竭同荷包壯烈犧牲既情況下真係唔可以繼續落去,頂唔順返左屋企, 好衰咁離棄左sara同yumeji. anna就繼續佢下一場,由尋晚十二點anna生日開始,維維同ally真係陪佢過生日過左差唔多廿個鐘,完全係勁!

~快樂因大O而起~

>>October 22, 2003 at 2:47:15 PM GMT+8

2003 年 6 月 28 日 星期六 【晴】

尋日係briefing既大日子﹐好明顯我一個咁唔正經既p﹐加埋一班唔當我係女仔既大粉腸﹐餐飯就梗係玩到癲左啦！（我講緊我﹐唔知班輔導員係唔係...）一開始我就勁頹咁致辭（public speaking係我死穴）﹐再玩埋d勁低b遊戲﹐拉埋我落去玩（應該係玩埋我...）就係咁玩下食下就到左十一點。為左同anna倒數生日﹐要搵個地方坐﹐卒之上左樓上間bar﹐有terry﹑yumeji﹑anna﹑fion﹑阿包﹑淫偉﹑kennys﹑祺﹑p高﹑john c﹑掃把同阿中﹐成班人就係度劈酒﹐飲左唔少﹐仲要玩大話骰同「七八九」﹐好彩我有古古力旁身...期間淫偉比人「性騷擾」﹐要除衫﹐真係好抵死...p高就一早「湯」左...阿包又好早走左...不過都無損我地貪玩既精神﹐越戰越勇﹐卒之玩到三點﹐費事番屋企﹐就同fion﹑anna﹑淫偉番oc房。最弊既係﹐我飲到暈暈地﹐fion飲到頭痛﹐而我地冇帶野入oc房﹐今日三點又要組聚﹐夜晚仲要部聚﹐咁即係今朝無論狀態幾差都一定要早起身番屋企先再出去﹐真係"支力"到呢...
我雖然遲左幾個字﹐不過總算出到去組聚...去凱悅食tea buffet﹐high到呢（不過同獸父一齊﹐high極有限...）~~我又唔係好食得落喇...之後我地成家又發神經﹐落左去唱k。由於經過尋晚勁玩﹑勁嗌﹑勁癲﹑勁飲酒加夜訓既「洗煉」﹐我宣佈我真係失聲囉...所以﹐都唔可以玩多場部聚喇﹐甩左sara同yumeji底﹐冇得親口同wendy講生日快樂﹐真係唔好意思...不過真係頂唔順喇﹐玩左兩日好鬼"支力"...
好日都冇得玩﹐一玩就玩足兩日...痴線架~~~



案件重演...

>>October 22, 2003 at 2:46:19 PM GMT+8

2003 年 6 月 23 日 星期一 【晴】

宜家係五點半﹐我未做哂d野﹐不過都打算訓喇...最衰呢個位睇唔到日出﹐唔係一定好開心~~
鳴謝：淫偉借出手提電腦一部﹐唔係你地都睇唔到呢段日記。

>>October 22, 2003 at 2:43:39 PM GMT+8

2003 年 6 月 19 日 星期四 【晴】

尋晚係oc房訓左一晚﹐因為今朝個french要final。
間房得自己一個﹐我又乜都冇帶入去﹐但好開心喎﹐因為唔使留係屋企比人嘈住我溫書﹐又唔使比人話我夜訓﹐又冇咁多野引誘我唔溫書（雖然都係冇乜點溫...）。
不過最重要係﹐我唔使再怒打字﹐仲要一路打一路諗點講﹐又唔使定時check mail﹐係咁禁個制一d都唔好玩
---因為我有一晚唔使對住部電腦。
唔使做一晚都幾好丫﹐起碼唔會加深近視---一晚咁多啦~~

>>October 22, 2003 at 2:43:12 PM GMT+8

2003 年 6 月 17 日 星期二 【晴】

力不從心...

似乎已到了極限

>>October 22, 2003 at 2:42:46 PM GMT+8

2003 年 6 月 13 日 星期五 【晴】

點解覺得一個人有另一個人既影子？
或者﹐背景有d似...身影有d似...就連聲線都...
好驚﹐因為同佢講野﹐個腦會不期然諗起另一個...

>>October 22, 2003 at 2:41:28 PM GMT+8

2003 年 6 月 11 日 星期三 【晴】

尋晚成五點半先訓﹐因為我番到屋企仲開番部電腦﹐搞埋投票d野。不過好彩我開電腦﹐因為一開icq就收到好消息~~
所以今日上堂基本上都係混混噩噩﹐好彩都跟到佢講咩﹐不過一break就訓到不省人事...
上完堂同婷婷約左彭彭食飯﹐好耐冇見過佢﹐佢又就黎考完cert喇﹐希望佢今年真係順順利利啦~~
之後就番屋企怒訓﹐聽日要做role play都冇乜點搞﹐好彩婷婷搞掂左~~

>>October 22, 2003 at 2:40:24 PM GMT+8