2003 年 5 月 22 日 星期四 【晴】

今日係UCSU inaug既大日子~~（我好似真係做左助幹咁...）我應承左幫手做receptionist﹐所以番學果時仲要帶多套衫﹐因為我絕對唔會著住果套好斯文既衫番去﹐實在係好唔自然。係會室hae到五點就幫手準備inaug喇。但套衫真係好唔自在...之但係見到班su人著住套suit滴哂汗咁既樣﹐我就覺得我好好多﹐見到佢地都熱...仲有d莊相真係...
冇得睇個inaug既片...好唔開心添...不過算啦﹐鬼叫我要做野。個inaug完左就係度同人吹水。又有人叫我做大組長？講笑啦...我走唔甩亦都冇諗過走。 不過我最驚既係﹐一個我連佢講野都聽唔明既人想做大組長？點搞好呢？

插曲：忘記帶回兩本法文書與裝滿功課﹑notes﹑大O document的files﹐所以今晚公務/功課癱瘓﹐我再偷得一晚空閒。

>>June 4, 2003 at 7:42:42 AM GMT+8

2003 年 5 月 21 日 星期三 【晴】

好似好耐冇試過係仲有陽光既時間番屋企﹐晚晚都要開會嘛因為...
今日上完堂﹐再做埋「研究生」﹐拎左果三舊水就番左屋企lu~番到去先五點﹐先係附近d頹商場hae左陣先番屋企﹐係屋企突然想食野﹐仲可以噠拖走落街買麵包﹐好free既感覺﹐都不知幾開心！

原來我阿爸剪左頭髮﹐我宜家先知...屋企換左個爐頭﹐我尋日先知...可能遲d﹐我剪左頭髮佢地都唔知...

>>June 4, 2003 at 7:29:21 AM GMT+8

2003 年 5 月 20 日 星期二 【晴】

又開左三個會﹐行政藝墟同OC大會。
行政個會都係傾下今晚有咩講﹐但就傾左好多關於我既問題﹐或者我之前真係冇諗到會有咁大風波﹐亦都冇乜諗過工作量同時間分配問題﹐我真係諗得太簡單﹐甚至唔夠遠見。我好唔成熟﹐冇諗過我做一樣野會影響到自己又影響到其他人﹐要tracy同sara佢地為我擔心﹐真係好對唔住。我好多謝行政部既人﹐因為佢地好支持我既選擇﹐我都知佢地好好人又好做得野﹐我同佢地講野都可以好暢所欲言﹐唔知點解呢？好似好熟咁添！
跟住就到藝墟喇。由於之前左次藝墟會唔係我開﹐我亦都對呢樣野冇乜概念﹐再加上開開下會我勁胃痛﹐冇乜心機就頹開喇﹐冇乜建設性添...不過﹐真係好鬼亂﹐或者開頭係咁啦...死得！
OC大會﹐好緊張...好多人聽我講野﹐又一次individual presentation...希望之後唔會再咁緊張啦...

>>June 4, 2003 at 5:03:57 PM GMT+8

2003 年 5 月 19 日 星期一 【晴】

今日係大系送舊既大日子﹐一大班人係大尾篤﹐唔係燒野食﹐係食盤菜﹐夠特別喇掛！
之前去左覆診﹐醫生話我聲帶果舊野已經神奇地消失左﹐之後唔使再覆診lu~~之但係﹐我把聲仲係咁沙既？覆完診仲去買左件衫添！有新衫著~~
雖然有得玩係好開心﹐不過呢d都比一件事override左我既好心情...

我估唔到﹐原來我個diary有咁既用途囉...
我真係好唔開心﹐我明白佢地既concern﹐但都估唔到係「利用」我既野。似乎我唔應該再寫咁多野落diary﹐呢度唔係一個好地方﹐我極度感慨！一個sharing既地方變成收集資料作其他用途既地方﹐我好無奈！
睇黎我都唔應該再咁單純。始終一個公開既地方都有佢既危險性﹐萬一有一日我吹水講過既野變成第時犯罪證據咪唔得了？
所以﹐我諗對唔住都要講句﹐一黎呢排公務繁忙﹐二黎又出現OD既特別用途﹐呢度可能只會用黎不定期寫d虛無飄渺既廢話既地方囉！

>>June 4, 2003 at 7:08:06 AM GMT+8

2003 年 5 月 18 日 星期日 【晴】

今日又係開會既日子。
首先開左個四院會先﹐第一次同其他三院既人見面﹐ok丫﹐好nice呀佢地都。今次最主要都係傾番點「對付」輔聯﹐我地立場一致﹐傾好哂對策﹐好辦事~~^^
跟住就去輔聯個會﹐比我見到阿king同阿dum喎~~阿dum好搞笑﹐搞到個會好似好輕鬆咁。我就不負眾望﹐冇乜出過聲。傾左頗長一段時間先可以議決營期。之但係成個會最令我印象深刻既﹐就梗係雞泡發言啦﹐我真係覺得佢講既野係有point﹐而且﹐佢真係有一種做p既風範﹐呢種魅力我不諱言唔係人人都有。我覺得佢講既野好logical﹐而present佢既論點時都organise得好好﹐唔怪得知佢會係sara既偶像啦﹐原來如此~~
我覺得一個勁人係---講野有point﹐present得理直氣壯﹐而且有種風範。我知有d人係有point﹐但唔識講野就扣哂分啦~~我呢d？冇point架喎...不過有時歪理都會理直氣壯...

終於知道咩叫「honne」同「tatemae」﹐仲有「bureaucracy」同「老狐狸」...
不過我都明咩叫「各為其主」...

開完會之後就出左去join雙番東既組聚﹐食左餐﹐再同嘉莉慶祝埋生日﹐我就拖住疲憊既身體番屋企...

>>June 4, 2003 at 5:01:23 PM GMT+8

2003 年 5 月 17 日 星期六 【晴】

今日連開三個會....大行政（crossover雞泡）﹑觀委﹑中代常會...由十點（am）開到十二點（pm）﹐真係馬拉松...
最勁既係﹐我係食左早餐之後就係中代會怒食零食﹐再之後就係開哂會之後同kenny去左食宵﹐食無定時到呢...我諗﹐呢個就係我既暑假喇...

>>June 4, 2003 at 6:29:26 AM GMT+8

2003 年 5 月 16 日 星期五 【晴】

好威呀我今日﹐要去上first aid course﹐出左門口先記得﹐我成身得八毫子現金﹐發達通仲要得幾蚊﹐搭得一程火車咋﹐但我要先出九龍塘再去旺角﹐之後仲要搭巴士番屋企喎﹐點算呢？於是我就做左樣好無聊既野。先去九龍塘地鐵交form﹐"do"到個發達通負左﹐要去恆生囉錢﹐再入番發達通﹐但都係用哂果一百蚊﹐始終得番八毫子現金﹐之後就出旺角上course﹐再搭番巴士番屋企。番到上水﹐想買麵包都唔得﹐因為麵包舖又冇得"do"又冇得用eps﹐好慘...冇錢使真係好慘...最衰今日要上couse﹐如果唔係我都出左去馬會個招聘日啦~~
痴線架﹐三千六份工有三萬幾人見﹐十個人爭一份？？好恐怖...不過宜家經濟唔好﹐係咁架喇...諗起我就真係麻煩﹐又唔番得regular既工﹐因為有regular既french course﹐又有partial regular既會要開﹐咁試問我又點會有工開？唔通...真係要等人接濟？？點算...
邊個有份工可以比我做呀？我咩都做﹐不過番唔到朝九晚五﹐最好時間彈性d啦﹐呢樣最重要...不過似乎淨係補習先可以符合到我既要求...:(

我真係勁慶﹐簡直想#%^%&*^x佢囉！
話說阿烽話佢有個friend個friend讀左d soci couse﹐唔識做功課﹐想睇下我幫唔幫到手﹐咁就send左佢個friend（唔係讀soci course果個）個icq比我同佢傾啦﹐佢就send左六題問題比我﹐問我有冇見過類似既野﹐但我可以話未見過囉﹐因為d問題都幾specialized in某d field﹐咁我問佢想我比d咩佢﹐答案定咩﹐佢居然話「最好essay啦﹐做左既」。食屎啦！果度六題呀！我宜家同你好熟呀？識都唔識你就叫我搵/做六題essay比你交功課？！你冇病呀？！妖！跟住我就同佢講話未見過呢類題目﹐因為唔同field﹐佢居然話「咁你地year 1唔識寫essay既咩？」！我頂佢啦！我唔識寫？！我唔敢話寫得好﹐但我識囉！我今年寫既essay囉黎掟死你都得呀！
態度咁唔好﹐你叫我點幫得落手？二黎我真係唔係好識﹐真係費事幫囉！


頭一次在KTV以外的地方看到梁靜茹的MV﹐在巴士的roadshow中﹐我聽到一段很熟很熟﹐熟得我可以靠微弱的旋律也能唱出歌詞﹐到了副歌我才發現熟悉的歌詞正是她的歌﹐才用我的近視眼去看那電視。雖然不太能聽到﹑看到﹐不過﹐那首歌窩心的歌詞我還是能背出來...

>>June 5, 2003 at 3:30:18 PM GMT+8

2003 年 5 月 15 日 星期四 【晴】

今朝早做起份paper﹐即刻就send左比阿yu﹐再趁未係時候番學﹐再訓多一個鐘﹐好過冇！
跟住就去上堂﹐仍然係好難呀法文...又要我再記過d vocab﹐又要學拼音﹐學黎學去都學唔好...
之後因為要交grant loan form﹐就同婷婷分手走上本部﹐比我撞到高芬同華仔﹐呵呵﹐佢地卒之考完試喇~~係搵我吹水先好喎~~
開頭仲以為我會冇lunch食﹐點知收到sara電話話同kenny食蛋糕﹐我就好開心咁去交grant loan form喇﹐但自己又唔記得影印多份﹐又要走番去影印中心影印﹐..................﹐之後就交埋form﹐再買左野飲就行上uc梯（呢個簡直係自殺行為﹐勁熱！）﹐去uc can同佢地會合。個芒果蛋糕好好食呀﹐之後就一路吹水吹到我夠鐘落去meet Dr. Ng先走。
sara之前話大概一個鐘到﹐我諗住好快啦﹐點知佢又講得勁慢﹐卒之講左個幾鐘。好多野要做咁喎﹐搞到我好似又去番小學咁﹐又有暑期作業做喇...不過最重要既係﹐又要用錢買書呀~~~勁貴﹐我一放假已經用左幾百蚊買書﹐冇哂錢喇﹐又冇收入﹐都唔知點算...
我岩岩今日先交完yr 1最後一份paper﹐估唔到我聽日就要開始做yr 2既功課﹐真係...一.一"


我早知自己一定會後悔...
為何註定要這天？

>>June 4, 2003 at 7:49:44 AM GMT+8

2003 年 5 月 14 日 星期三 【晴】

今日全日既目的就係做paper﹐不過我當然不負眾望﹐大部份時間都係度hae...
好悶呀份死人paper﹐自己又差唔多冇上過堂﹐唔知佢講咩﹐d notes都唔知做咩﹐全部point form﹐睇完同冇睇冇咩分別。既唔知佢問乜﹐亦都唔知答咩﹐所以﹐就一路icq一路求其做。做到兩點﹐卒之都係淨番半題﹐頂唔順﹐都係順醒聽日先做﹐理得佢死...之但係聽朝又要上堂﹐好眼訓呀...

>>June 4, 2003 at 6:13:43 AM GMT+8

2003 年 5 月 13 日 星期二 【晴】

今日番去開會既目的就係form部﹐真係好矛盾﹐因為我幾個部都有d興趣﹐大行政﹑節目同市拓﹐不過最後階段竟然係大行政﹑節目同技管徘徊﹐flora同肥ken又係咁﹐唔知入咩好。卒之我地三個入唔同部﹐我就大行政﹐flora就技管（得一個女仔﹐flora so哂啦~~）﹐肥ken入節目。anna同fion就入左市拓﹐兩個人講就講得好聽﹐話做市拓都會落節目幫手提意見﹐又睇下到時佢地會唔會咁得閒~~
當個個部都好順利咁form哂﹐我地大行政既問題又黎喇。大ken就決定左做財政﹐但我﹑sara同tracy就為post而煩惱﹐三個都唔想做p又唔想做文書﹐個discussion就係咁疆左。好彩﹐雞泡係度﹐佢同我地傾左一陣。雞泡果然係雞泡﹐唔知點解﹐佢講既野總係有種攝人既說服力﹐唔通係charisma？！不過佢講得都好岩﹐我地既工作可以成個部share哂﹐名呢樣野只係有名無實﹐最重要係成個部既合作性﹐經驗﹑人面都變得唔重要﹐最後得番我同tracy做候選﹐discussion就係比一個yr 1學多d野﹐定比一個有經驗yr 2令開頭run得smooth d﹐不過都係冇結論。個critical point就去左我有細o組長做﹐所以tracy最終都係當上大p一個~~^^
開完個會就同anna﹑fion﹑肥ken落pool side食tea﹐又係雪糕﹐呵呵~~食完就走人lu﹐因為fion番工又遲到~~
之但係﹐夜晚收到sara同tracy電話﹐因為某d因素﹐tracy唔想做p﹐講左一輪﹐最後當上大p既竟然係我？連我都覺得有d難以置信。不過又岩既﹐我呢d除左ocamp就無牽無掛既人﹐忙d都唔緊要﹐反正我都唔想咁得閒...
下個禮拜就開始take up d野﹐又開始忙lu~~

好野~~我終於有printer用喇﹐買番部新既放係屋企﹐遲d仲可以拎入宿添！快d買埋部腦就好喇﹐因為我好想打機...

又頭痛喇...都唔知係咪有病。
我可以整番個counter計下平均一個禮拜有幾多日夜晚會頭痛。

>>June 4, 2003 at 6:11:18 AM GMT+8