2003 年 3 月 27 日 星期四 【晴】

好辛苦咁番到中大﹐捱完reading soc就後就開會﹐就收到好消息﹐中大停課喇~~一停停一個星期﹐太好喇﹐因為我有足夠時間休息﹑睇reading同做功課嘛﹐今個星期d tuto又唔使上喇﹐最重要係﹐我唔使再一拐一拐咁行黎行去﹐我發覺因為我太依賴隻左腳﹐搞到我隻左腳宜家仲痛﹐上次打波整親又未好得番哂﹐唉﹐算....
今日都算威啦﹐上完happiness就搵埋阿婷去MLC交表同交錢報summer course﹐去完馮景禧去fulton再去財務處再番馮景禧﹐行到我呢...搞左我差唔多成粒鐘...灰！@@"

呢排日日都好眼訓﹐"支力"得要死﹐我諗我要大昏迷一兩日先做到野喇...

>>March 29, 2003 at 3:47:04 PM GMT+8

2003 年 3 月 26 日 星期三 【晴】

今朝一早番學（已經遲左叮噹果堂）﹐見到阿b﹐佢做左「三才」﹐我就即刻拉埋佢去上堂﹐等落堂就去食飯。上完堂諗住行小橋流水上本部﹐點知掛住周圍望﹐搞到右腳拗柴﹐激死！好辛苦上到本部﹐搵埋高芬﹑華仔﹑仙同joman一齊食飯﹐見到高芬佢地戴著口罩﹐突然間覺得佢地好似真係醫生...@@*好耐冇咁齊人喇﹐我宜家好似不停咁搵番d中同聚﹐唔知係咪因為肺炎恐慌使然呢？突然間好想見到佢地﹐知道佢地d近況囉~~高芬比人歧視？搞錯！
食完飯又捉埋阿b去clinic﹐我第一次比人迫我戴口罩...一.一"等左勁耐先可以見醫生﹐但係佢d口音...我好難先知道佢講乜﹐救命....
之後又行去上law﹐聽左一陣又頂唔順訓左lu~~仲要訓到不省人事﹐唔係anna話阿yu講緊我﹐我都真係意識唔到要起身走人...我好似有d唔舒服﹐隻腳又搞成咁﹐所以又犧牲左堂普通話﹐早d番屋企休息下lu~~好彩之後問左小萍﹐佢話個miss都唔計attendence喇﹐咁即係話只要我跟住幾個考試做得好好睇睇﹐我都仲有機會啦﹐yeah~~

>>March 27, 2003 at 5:31:55 PM GMT+8

2003 年 3 月 25 日 星期二 【晴】

唔多開心...

不過﹐夜晚去中唱又見到咁多部員﹑組員﹐有一個咁好既show﹐﹐仲有得去食宵﹐就已經開心番lu~~
原來我都幾易滿足~~

下晝知道高芬冇事﹐真係個人都鬆哂﹐不過﹐華蓮既人比人歧視？！太過份！雖然宜家高危﹐都唔使咁呀？！

中唱d人既實力真係幾強呢﹐個獨唱冠軍又的確唱得好好聽喎﹐unplugged版愛如潮水﹐連albert咁挑剔都贊好﹐可想而知~~
去食宵既時候我﹑fion﹑同albert不停咁唱歌﹐果然係一班好鍾意唱歌既組mate呢~~

>>March 27, 2003 at 5:19:08 PM GMT+8

2003 年 3 月 24 日 星期一 【晴】

happiness present果份reading我睇左兩次都唔係好知佢講乜﹐我都未試過睇到發脾四...卒之tuto頹present過左之後又係咁吹水。
上完tuto就搵左仙仙同我食tea﹐好耐冇見過仙仙喇﹐又可以同佢tea同佢hea﹐幾好！
食完tea又係時候上law﹐呢堂好似好耐冇上過...派番份mid-team﹐我竟然都會有32分（35 full mark）不過﹐個range係30-35﹐通常d人都around 33,34﹐即係我都係below mean啦應該...算啦﹐用左兩個鐘copy & paste出黎既野係咁上下架喇﹐我都唔強求lu~~
之後幫anna拎野上su﹐既然上左去﹐我就唔落嶺南搵erica打排波lu~~我決定以後都唔會企圖或意圖係會室做功課﹐因為實係掛住傾計﹐乜都做唔到...等我仲諗住做好stat先番屋企架嘛...
番到屋企又同屋企人提下exchange d野﹐我都係維持原判﹐唔去lu~~

呢排唔想番屋企都會係library做下功課先番屋企﹐好過係屋企對住部電腦淨係掛住icq...

>>March 26, 2003 at 6:24:03 PM GMT+8

2003 年 3 月 23 日 星期日 【晴】

今日都可以訓到成十點﹐實在太好﹐訓醒先同呀媽出去食飯﹐之後就番cu上pe。
上完pe冇耐就要去cc康樂室睇社會盾乒乓波比賽。佢地真係好勁﹐aaron同小美都贏左單打冠軍﹐雖然混雙贏唔到cc﹐但uc亦都不負眾望成為乒乓波大贏家﹐yeah~~

好悶﹐唔識打乒乓波﹐又冇乜人理我﹐唯有摺埋一邊...

死啦﹐聽日要present﹐但份reading睇極都唔明...

>>March 26, 2003 at 6:14:41 PM GMT+8

2003 年 3 月 22 日 星期六 【晴】

今日好搞笑﹐因為下晝roy同billy入左黎上水。roy話想行下喎﹐真係得閒得滯...三個好無聊既人就咁係度行左陣﹐去左明記食腸粉﹐之後就出去join春茗慶功喇~~
出到去k房﹐個個都好搞笑﹐尤其係強仔啦﹐都唔知佢咩年代出世既？！竟然想點曾路德﹑區瑞強d歌﹐仲要唱左「十分十二吋」﹐驚到呢...難得我同小彩都有同佢癲﹐唱左分飛燕﹐哈！billy就永世一個「王傑腔」﹐唱咩都係咁﹐仲要走哂beat﹐笑到我呢...roy就勁唱juno d歌﹐真係想死﹐不過不得不認﹐佢d歌都幾好聽﹐之但係唱果個就...（roy同juno都差唔多啦...）我就係咁唱d佢地唔識既台灣歌﹐灰到呢...april同小彩就正常d﹐咩都唱﹐不過yan由此至終都冇乜點唱過﹐蝕哂！
就係咁﹐我地由七點唱到兩點幾先收聲﹐得番我﹑小彩﹑billy同roy﹐四個人食埋宵先飛van番屋企﹐都唔明點解我會係最後一個番到屋企囉...卒之四點幾先訓~~
雖然今次慶功唔齊人﹐不過都好好玩呀﹐希望仲有第二次啦~~

>>March 26, 2003 at 6:15:18 PM GMT+8

2003 年 3 月 21 日 星期五 【晴】

訓左好耐好耐﹐成兩點幾三點先肯離開張床。可以訓咁耐乜都唔做真係好滿足﹐今日仲要一d野都冇做過﹐好休閒呢~~


我寫diary既原因係就算其他人好耐冇同我接觸都可以知道我發生咩事﹐我睇人地既diary既原因都係一樣﹐我好想知道其他人發生緊咩事﹐耐何呢只係我一廂情願﹐只係得我一個人日日咁寫。始終﹐要知道其他人既近況﹐都係直接問下佢地好d﹐靠佢地寫既diary真係唔得。但係﹐試問我又點可以問哂咁多人既近況呢？真係唔可以對所有人都一樣咁好...再者﹐即使你想對人好﹐都無從入手...


睇黎﹐個exchange都係要放棄﹐屋企又唔係有錢﹐我點可能同佢地講要幾萬銀去支持我？原來﹐「錢唔係萬能﹐但冇錢就萬萬不能」...或者當初我唔試apply﹐今日都唔會咁失望；但都可能﹐比我證明到我可以有呢個機會已經好好﹐有幾多人可以得到過呢d機會？即使我冇去實行﹐至少我知道﹐我唔係冇能力既﹐只不過係比external factors阻礙到我。但同時亦都比我知道﹐呢個世界係冇equal opportunity﹐所有野係capitalism主導既地方﹐SES似乎已經係一切﹐我都冇說話好講...
我其實都唔知自己想唔想去。話就話去左可以睇得多d野﹐可以睇下其他地方既發展﹐但亦可能真正既原因同我當時去美國既原因一樣...如果係咁﹐我寧願唔去﹐因為已經違背左exchange既意義。其實﹐我唔去﹐留番係度都仲有好多野可以比我試既﹐起碼可以take下summer course﹑搞下ocamp﹑同friend一齊住宿﹐都唔錯啦~~

>>March 22, 2003 at 2:57:36 PM GMT+8

2003 年 3 月 20 日 星期四 【晴】

上完reading soc﹐發現自己睇野既perspectives仲係唔多夠﹐似乎我都係冇乜sociologial sense...我覺得好難catch到d concept﹐究竟點樣將咁多野link到一個institution﹑socialization﹑organization...？呢個sem就黎完喇﹐我都好似冇乜野學過咁﹐下個sem既classical可能會玩死我...
上月會跟yumeji學野﹐其實我真係唔多識影相﹐對影相冇乜sense﹐反應又唔夠快﹐我真係驚做唔到要求﹐但我仲係好想要呢份工﹐唯有再學好d﹐希望之後影既相有番d sense啦...
幸福論﹐好似成日講d野都係對住我講咁...「一個人唔可能將所有野攬哂上身﹐唔可能做哂所有野﹐呢個世界唔容許你兼顧咁多樣野。如果你有良知既﹐就會因此覺得內疚﹐唔會得到快樂...」「對所有人都咁好即係對所有人都唔好」...應到呢...
上完哂堂因為要開會﹐都冇落去同cc影畢業相﹐不過算啦﹐同cc yr3都唔算太熟﹐唔緊要啦。開完會又要上uc book場﹐跟住同billy﹑kenny去食tea（一個好奇怪既配搭）。好唔好彩﹐我又胃痛﹐好彩有帶panadol﹐但食左都好似冇乜用...

好痛好痛﹐訓左覺就冇事lu。如果所有既痛楚都係訓一覺就冇事咁就好喇...

終於終於...我都有一日半日可以休息下喇﹐美好既星期六呀~~


估唔到場仗真係打得成﹐究竟呢個世界會變成點呢？我突然間諗起《彼女》﹐或者呢個會係一個好既結局都唔定...就算唔係好﹐都可能係呢個世界無意中已經向住呢個方向前進...可能好灰﹐但事實又係咁喎...呢個係咩世界？

>>March 22, 2003 at 9:59:50 AM GMT+8

2003 年 3 月 19 日 星期三 【晴】

stat...真係唔知上黎做乜﹐除左開頭十五分鐘﹐其他訓哂﹐始終都係要自己番屋企睇notes...
尋晚卒之頹頹地copy & paste左上個sem份individual八成落份law paper度交﹐如果唔係一定交唔到﹐唔想比人扣分呀~~
上完堂就上uc gym打社會盾羽毛球﹐女雙夾靜宜贏左得第三﹐男雙aaron同梅樑又贏左冠軍﹐可惜混雙我同梅樑夾贏唔到shaw﹐winnie真係好勁﹐仲好衰唔衰我地輸左先知如果混雙贏左我地uc羽毛球就得第一喇﹐好灰囉...
之後搵左fion同anna食飯﹐又同佢地吹下水。睇黎星期六都係出唔成街﹐因為我冇錢耶...
夜晚收到mail﹐話恆生樓有醫科生中招﹐好慘呀﹐希望d醫科同學仔唔好有事啦~~
另外仲有一封mail﹐都唔知係好事定壞事﹐宜家有conflict﹐究竟我應該點做？


終於...
我知道點解高芬會話講「多謝」好陌生喇...果種感覺就好似兩個完全唔識既人講野咁﹐好冰冷...

>>March 21, 2003 at 3:39:33 PM GMT+8

2003 年 3 月 18 日 星期二 【雨】

上research
上japan soc
上pe﹐又係miss韓﹐又係果句...但我無能為力
走research tuto去打社會盾三籃
閃到左腳
輸波
做law paper
...

點解個個都叫我錫下自己但我永遠都做唔到？莫非我係一個自虐狂？？

>>March 19, 2003 at 1:38:06 PM GMT+8