2003 年 9 月 20 日 星期六 【晴】

見到其他人做得如火如荼﹐日日開工﹐甚至見到佢地開會﹐自己就好想落埋去幫手...
但係﹐我並唔係佢地一員﹐只能旁觀...
有時﹐真係再想involve多d落去﹐幫得就幫﹐但係﹐自己又不在其位﹐唔知用咩身份落去幫手﹐感覺怪怪的...好矛盾...

OC命之餘﹐又有d疏離既感覺...
似乎﹐我真係要放手一段時間...

>>December 4, 2003 at 4:12:55 AM GMT+8

2003 年 9 月 20 日 星期六 【晴】

有位心理學家曾寫道，一個成熟稱得上真愛的戀情
必須經過四個階段，那就是：
共存(Codependent)
反依賴(Counterdependent)
獨立(Independent)
共生(Interdependent)

階段之間轉換所需的時間不一定，因人而易。

第一個階段：共存。

這是熱戀時期，情人不論何時何地總希望能膩在一起。


第二個階段：反依賴。

等到情感穩定後，
至少會有一方想要有多一點自己的時間作自己想做的事，
這時另一方就會感到被冷落。


第三個階段：獨立。

這是第二個階段的延續，要求更多獨立自主的時間。


第四個階段：共生。

這時新的相處之道已經成形，
你（妳）的他（她）已經成為你(妳）最親的人。　
你們在一起相互扶持、一起開創屬於你們自己的人生。
你們在一起不會互相牽，而會互相成長。


但是，大部分的人都通不過第二或第三階段，

而選擇分手一途，這是非常可惜的。

很多事只要好好溝通都會沒事的，不要耍個性，

不要想太多要互相信任，這樣第二、三階段的時間就會縮短。

和所愛的人相遇相戀是非常不容易的，不要輕言放棄。

兩人相聚是因為有緣，相知是因為有心，

真的得好好珍惜這福份莫說分手不是無由，希望看到上述的四個階段，

真能給大家一些啟示與領悟並惜緣

我們會逐漸變成我們所愛的人。

妳和他本來沒有相同之處，外表不相像，性格也是南轅北轍，

一旦愛上了，年深日久， 妳會驚訝妳的眼睛有點像他的眼睛，

他的微笑也有點像妳的微笑。

你們走路的步伐也有點相似，說話的語氣也愈來愈相像。

他的脖子上有一顆痣，一天，妳發現自己脖子上也多了一顆痣，

原來我們會變成我們所愛的人。

妳本來喜歡腳踏實地的人，而他一向比較輕佻，

但你們愛上了，他竟會不知不覺變成一個老實人，

這個改變，連他自己也不曾察覺。

他本來喜歡活潑的女孩子，卻愛上了拘謹的妳，

這些日子，妳竟愈來愈活潑，妳差點認不出自己。

我們會逐漸變成對方理想中的人，這種改變，絕對不是刻意的。

兩個人愈愛得長久，氣質也愈來愈相近，

妳曾經以為他不是妳夢寐以求的那種類型，

然而，有一天，妳驚訝地發現，他已經變成妳喜歡的那種類型，

妳不必再到處尋覓，他就是妳要找的人。

深深愛著一個人的時候，妳原來真的會一點一點的失去自己，

為甚麼妳還會覺得快樂呢？

大概是因為妳在失去的當兒，也是賺了，

妳把他的氣質和他的微笑都賺回來。

>>December 4, 2003 at 4:12:39 AM GMT+8

2003 年 9 月 18 日 星期四 【晴】

今日原本有五個meeting﹐但我一個都冇去到﹐除左sa個會係因為要搞市拓野之外﹐其他都係因為我去左睇醫生同番屋企休息...
冇去傾兩個project﹐有d唔好意思；冇去兩個同大O有關既meeting﹐有d遺憾。遺憾係因為﹐似乎我冇辦法令佢好頭好尾﹐只不過一個e﹐我都開唔到...
越黎越覺得﹐我病係因為過份不安而致。呢次係咁﹐上次又係咁...

>>December 4, 2003 at 4:12:13 AM GMT+8

2003 年 9 月 17 日 星期三 【晴】

我...原來不屬於任何地方﹑任何團體...？
alienation...

>>December 4, 2003 at 4:11:48 AM GMT+8

2003 年 9 月 16 日 星期二 【晴】

有強烈既疏離感...越黎越覺得﹐同其他人格格不入﹐我係咪有d問題呢？
咩都唔想做﹐咩都唔想理﹐又得唔得？
好想逃避...如果project唔係group既﹐我唔會做；如果present唔係group既﹐我唔會睇reading；如果唔係想自己冇咁摺﹐我唔會搞活動...原來我係咁諗...好唔想做野﹐點算？已經去到一個病態既嚴重﹐再唔搞掂佢我會一路摺落去﹐但﹐又力不從心...
如果唔使開會就好喇...我唔想開會唔想到想死...
好想一個人﹐咩人都唔見﹐我好支力...

>>December 4, 2003 at 4:11:27 AM GMT+8

2003 年 9 月 14 日 星期日 【晴】

今日落左堂﹐差d又唔記得搵Dr. Ng﹐又係傾research writing﹐佢唔想我drop喎﹐就再傾番個course﹐我又輸左比佢喇﹐因為個offer真係幾吸引﹐之但係﹐我都好懷疑究竟我做唔做得到﹐萬一佢比個咁既offer我﹐我都仲係做唔到﹐咪真係好cheap？再者﹐又真係好似有d唔公平喎...
個o'nite postpone左﹐突然間多左一晚空閒出黎﹐原本諗住去開放日傾莊﹐不過一黎太支力﹐二黎...提唔起勁﹐所以既然訓開﹐就繼續訓﹐冇出到去喇。列左夜晚﹐就同irene﹑小電電做埋聽日tuto要交既一個experiment report﹐做做下anna又話要開市拓會﹐突然間忙到呢...不過個experiment真係悶到呢...市拓唔知點解咁人才濟濟﹐睇黎都係因為掃把既「英明領導」啦...^^"
今晚...成四點半先訓...都唔知有冇搞錯...

仲以為我入左院慶出版﹐好似有番d狀態﹐仲叫有d貢獻﹐點知原來都係仲未回復到...做乜都提唔起勁﹐唔想上堂﹑唔想做功課﹑唔想搞任何活動﹑亦都唔想參與任何活動...好想摺埋﹐最好比我係張床度攤下﹐咩都唔使諗﹑唔使做﹐咁就好喇...

回復唔到狀態果種感覺...好難受...
但我真係提唔起勁做任何野...

>>December 4, 2003 at 4:11:06 AM GMT+8

2003 年 9 月 13 日 星期六 【晴】

今日係補祝索媽iris生日既大日子﹐我同anna係開完一日勁眼訓既中代會之後就番上湯宿join佢地煮野食。今次﹐eva同阿bert都黎唔到﹐又唔齊人添！不過唔緊要﹐最緊要都係玩得開心！
我地整左好多野食﹐我地七個人：獸父﹑索媽﹑anna﹑fion﹑烽﹑我同埋突然加入既輝叔（雖然佢同冇食野差唔多...）都食唔哂咁多野﹐即使阿爸已經怒吞一大碗湯加兩大碗飯...食完飯﹐就梗係有飯後甜品啦﹐fion煲左一大煲綠豆沙湯圓（雖然之前比大舊叫做「葉綠素水」...）﹐仲夠分比好多人添！叫埋阿偉黎﹐食完糖水﹐就一齊去左思源飲野唱k。
我地又組聚﹐真係好令人羨慕架我覺得﹐我地可以keep到一年都咁有family feel﹐希望我地冇咁忙既時候又可以再組聚啦~~

>>December 4, 2003 at 4:10:39 AM GMT+8

2003 年 9 月 12 日 星期五 【晴】

究竟我呢期搞咩呢？硬係提唔起勁去做野...唔好話搞活動﹑開會啦﹐就連功課﹑堂都唔想上﹐要做既野又拖左勁耐都未做﹑一係又唔記得做野...
suppose我呢個禮拜係要打電話宣傳o'nite﹐但我係完全冇左件事﹐就算記起﹐都係記得果一陣﹐呢個禮拜又唔係多野做﹐究竟我做緊咩...自己既野就唔做都算﹐因為衰都淨係衰自己﹐但宜家...我都唔知講咩好喇...
唔講我都唔知﹐我月尾有個project要交添...死啦...我幾時先醒？！
時間...慢慢唔夠用﹐我想做既野太多...似乎﹐又高估左自己...
或者﹐一個人先係我所想要...

>>December 4, 2003 at 4:10:17 AM GMT+8

2003 年 9 月 9 日 星期二 【晴】

今朝係呢個sem第一次走堂...一起身就八點半﹐諗左一陣就決定走左個social psy﹐因為﹐真係太眼訓喇﹐我諗走一次半次都唔會成為習慣既...所以今日就淨係上左love philosophy喇﹐好唔好彩﹐我做左果group影印既負責人﹐我要影18份呀~~~開頭都以為唔係好多﹐點知我係ucsu由六點半影印影到九點囉﹐都唔知有冇搞錯！搞到我冇哂mood去睇聯宿競技...其實嘛﹐真係冇乜氣氛令我去睇囉﹐湯宿咁少人咁...競技第三樣係掃把波﹐唔知佢係咪一項比人咀咒既活動啦﹐原本乜事都冇﹐但突然間落起雨上黎﹐仲要係好大雨添！聽番kenny講﹐原來已經係第三次掃把波行雨程喇﹐真係好邪...之後就係互片﹐又係圍片aylwin既環節﹐冇咩特別野好講﹐不過﹐我有幫下手咁囉...
片完就出去食宵...又係怒con人﹐有d悶囉。三宿p同大組長都con哂﹐我好彩走得甩...但走唔甩被「劈」既命運﹐不過﹐都唔係飲左好多...叉仔仲慘﹐比人怒劈﹐都唔知發生咩事...獸父好似飲左好多﹐阿爺都係﹐不過yvonne仲恐怖﹐飲到唔識停咁...最搞笑都係要同下莊飲酒﹐一下就倒左d豉油落d酒到同edmund猜枚﹐我地真係嚇死﹐幾驚yvonne猜輸﹐好彩...edmund一啖就飲哂﹐真係可怕...最尾...我都係走唔甩比人做...>.<
第一次參加呢d宿舍活動﹐講真﹐如果唔係識人既話﹐係freshman咁黎都會幾悶﹐因為玩得最high果班都係老鬼﹐又冇乜點理d freshman﹐有dd不足...

>>December 4, 2003 at 4:09:52 AM GMT+8

2003 年 9 月 4 日 星期四 【晴】

今晚約左雞泡食飯﹐話哂都係上莊p﹐點都應該請番餐既﹐點知最尾都係...
下晝開完會﹐再以一人之力搞掂左部電腦之後﹐再同anna﹑烽﹑狗落左pool side食野﹐跟住就出左去行左陣﹐又買左d野﹐就差唔多時候食飯喇！
雞泡果然係一個「阿sir」look﹐不過又點睇都唔似一個阿sir﹐唔知呢？佢唔似一般既阿sir囉﹐我只可以咁講﹐再加上佢d「咄咄逼人」既口氣﹐又真係...乞人憎...呵！講笑~~係百人一朱食飯﹐一路食都係有一句冇一句咁傾﹐我好似都冇咩講咁﹐可能佢會覺得好悶﹐我真係頹左少少啦今日﹐鬼咩﹐幾晚都咁夜訓﹐又早堂﹐勁難頂囉...直到阿偉打黎﹐我地就移師左去第度飲野喇。果度好正架個feel﹐d野都幾好飲喎﹐就係果度我地傾左ok耐﹐咩都傾d。佢好有能力令人講野﹐仲好多野講添...
我同佢唔算好熟﹐但唔知點解﹐我好容易同佢講野﹐可能佢真係有佢既特別之處啦﹐不得不承認﹐我真係好服佢﹐起碼﹐佢係我所見既人之中﹐仲咁有理想﹑咁執著﹐佢知道自己想點﹐呢樣野係我最羨慕﹐因為﹐我真係唔知自己想點...我同佢傾左幾個話題﹐我同佢都有唔同睇法﹐係佢面前﹐我發覺自己既觀點硬係唔全面﹐又或者係佢既理論太強啦...越黎越覺得﹐佢先似係讀soci既人...
無形中﹐我吸收左佢一d睇法﹐因為我覺得佢岩d囉...好難得﹐搵到個明白我點解想頹既人...原來咁樣都係好正常...

>>December 4, 2003 at 4:09:05 AM GMT+8