2005 年 1 月 4 日 星期二 【颳風】


今晚做到人都癲, 滾瀉, bee bee聲呀!
send 黎send 黎, send 到而家,
又話星期一, 二個兩日send,
唔係要我捱眼訓等你個份野下話?!
還有........另一個低突的gp member, 咁就叫做左, 完全係做錯囉,
send 黎個份野完全係上次individual 自己做個份,
根本都唔係即將要交個樣野, 食屎啦叫佢~

做做下其間又心臟病發, 好在到最最最後清楚d 冇事。

真係唔想拖野拖到最後個一刻,
我自問我都係懶, 但我懶極有個譜, 都會預到d 時間出黎,
而且做出黎o既野都有效果呀!
但有d 人, 懶都不特只啦, 大家彼此彼此jei,
但做出黎既野, 冇效果o既!!
唔洗諗住有人地同你地執手尾就搞到咁下話?!
離譜到震囉, 有時真係唔知點開口話佢地, 唔通鬧咩?!
乜都唔知咁, 唔知咪問囉, 又唔問喎, 求祈交樣屎片就算~
唔止一次咖啦, 忍屎都忍唔到咁耐啦!

不過佢求祈甚至唔做係佢既事, 考試都會考返呢d野,
點都係於我有益囉!!!!!

以前dip 時成班同學仔不知幾團結,
group group 都okay 做到野, 而家...食屎啦!
滾到bee bee 聲呀!


>>January 5, 2005 at 6:03:58 PM GMT+8

2005 年 1 月 4 日 星期二 【颳風】


一早返去上最後一堂mkt tutor,
個case 都幾easy, 好快&中point, 喎呵呵!
之後和michelle 去了麻辣,
又麻辣啦~
去到見到個師奶, 勁話食唔到辣,
原來她誤會了小辣只是辣, 不是麻,
所以她知道後就勁話個老闆,
又說自己吃到辣, 但吃不到麻...
煩到死, 個老闆勁說不好意思&應承加碗清湯給她,
但她都嘈!!
我和michelle 都覺得是個師奶自己唔睇清楚,
人地大大間鋪寫住 "四川麻辣米線" 啦!!!
今次我們吃平時吃開的套餐 share 外,
更叫了麻辣雞奕吃, 麻到個咀震上震~~
又好full~~

走時和michelle 兩個又發癲, 笑到就來死!
一切都是由一個打錯電話開始....
"喂?!"
"hello, mum?!..." (一聽就知是賓賓打來)
"你打錯!"
之後我們兩個就發大這個話題來說,
勁說 "mum?! 今晚買乜送?!"
"pork chop?! ye?!"
扮到把聲.....真是無得頂, 笑到咯咯聲!

後來返去上wta, 又做我的web,
做到勁忟, 因為申請個死tripod, 又唔得,
放geocities, 又低能,
之後勁問阿sir, 即時想打爆部腦, 忟到爆!!
成班都好多同學仔做到人都癲, 個個勁問阿sir~
後來差不多落堂, 我都知阿旺都煩咖啦, 咁多學生問佢,
我都問阿旺 "阿sir, 你幾時噴煙呀? 我都知我激到你噴煙咖啦!"
氹返阿sir 囉!! 我忟自己jei, 都不想影響到人, 何況阿旺咁好有問必答喎!

放學和清, 之後在學校門口撞到林嘉明,
之後在mtr 站join 埋joseph, queenie & 洲,
在車箱內我們6個又好嘈, 癲笑了2個站後就搭西鐡。
在西鐡上又傾計, 講呀講, 就提議去食b仔,
之後我, 清, joseph, 馬騮明就即時下車去食,
痴線的, 又食了。
我們又吃pancake, 又吃涼粉, 在那裡都傾了好多野,
我懷疑林嘉明唔係我地班咖囉, 講一些同學仔的名都不知道~
都講到大約4.30 就走。
我陪清去屯門買東西, 搞一輪都6時許了!

晚上氣溫都是陰陰涼, 仍要努力做eng.......
唉~~ 阿唔該啦, 份year-project proposal呀...
快d 到手啦, 我地要做ppt 咖!!
下個sem......我們3個真的想轉個其他group member!
本來都不想轉, 維持現狀, 但...想想下, 都不想再難頂下去~~
哉, 努力呀~ 不可失見證!!


>>January 5, 2005 at 2:19:56 PM GMT+8

2005 年 1 月 3 日 星期一 【乍雨乍晴】


昨晚做功課做到凌晨4點, 沖過涼, 4.30 才睡,
本來都不用做那麼久, 但....我發現原來我一開始就做錯,
做到爛晒, 東一忽西一忽...那些pics.時常x我, 嬲到滾!
後來慢慢remind 返d 記憶, 原來我舊年是這樣做的,
所以........要重新做過~ 好低能!!!
其實都不想睡, 想看著個天光, 因為做到個人由累變到精神,
但又抵受不住半夜的寒冷, 所以都是走去睡,
都唔知做乜!

就是今天day off, 所以可以勁睡,
正當發緊個靚夢其間, joseph 打來嘈醒,
原來1.30 pm, 唉~ 我個靚夢呀, 發唔返啦!!
之後都再睡到2時才起身。

下午就去了屯門入票, 撞到麗珍姐買送, 之後行了一陣,
個人都唔知自己做乜咁, 又唔知自己做乜喇!
條街都okay 多人, 後來買了廿四味就返家了。
有點眼訓.......

好多野做, 真的好想打爆eng miss 個頭!!
下個sem 不想見到她呀!

唉~ 呢期都唔知自己想點!


>>January 4, 2005 at 9:08:50 AM GMT+8

2005 年 1 月 2 日 星期日 【乍雨乍晴】


連續打了3日邊爐, 今天喉嚨有點 "kwok"~

唔係好知自己做乜, 真係唔知做乜,
做左乜野都唔知, 點解要咁做, 唔知, 控制唔到咁!
都唔知自己做乜鬼, 諗緊乜野jei?!
係我發自內心去做呢個action, 定係外在factor 影響到我咁做?!
有時做緊o個個action 時, 個腦都會停一停諗一諗自己點解要咁做,
好似抽唔到身咁.....但...真係幾開心的,
我知唔係做d 唔見得光o既事,
但係真係想知自己點解要咁做同諗乜野!
好煩呀~
我諗我要分清楚!

下午上wta, 做flash & font page, 怎料走時只save 了index 去我email,
那即是我在堂上做的flash 呀, pics 呀, 冇晒啦!
勁唔開心! 好嬲!

今天好累好眼訓, 但6點又要去教琴,
好辛苦, 完全睡著!
今晚個老闆娘問我為何15號要請假,
我說 '有事做囉'.....
唉~ 點講jei, 唔通話我要返fashion show 而唔返呢度呀?!
後來想想下, 2月26日我又要請啦, 因為想去短宣呀~
但........呢排都唔係我請得多, 係d 學生自己話唔得閒要我去就時間ja ma,
車...唔關我事!! 呵呵!

又有好多野未做, 喪屍ing 啦~

唉~ 真係好唔開心好煩!
唔諗唔諗唔諗唔諗......但又好似唔得喎! -_-"


>>January 3, 2005 at 1:39:49 PM GMT+8

2005 年 1 月 1 日 星期六 【乍雨乍晴】


今天想早起返主日學,
但最後都起不到床, 太累啦, 又凍, 因昨天喪屍地去教琴!
最後睡到10.10 am, 即時彈醒,
因為今天到我做司琴, 要在崇拜開始前早少少返去,
最後, 都要跑落樓, 珊打來問我在哪裡 (因為珊今天做主席帶領崇拜)
感謝主, 因即時有751, 即上,
就來去到泥圍, 陳姑娘打來問我在哪裡,
之後一下車, 就即跑, 無錯, 我又喪跑,
跑入村途中, 又見到有些弟兄姊妹行返去教會,
他們都知道我今天又做司琴而又怒跑返去~
好累, 本來個人都好眼訓, 但跑到個人精神左!!

入到hall, 就練一陣, 之後就開始了。
今天珊珊做主席帶崇拜都幾好, 她說緊張怕混亂,
但好好, 沒有問題呀! good!
而我們配合得幾好, 呵呵呵! 真是感謝主!
但今天...........是陳姑娘講道, 好長好長好長.....
我條腰骨還有少少酸痛, 因為坐得太久而轉動了好多次坐姿!
其他條腰沒有問題的轉了幾個姿勢, 何況我呢?!
如果今天不是我做司琴, 我一定會坐到頂不順條腰痛而提早少少出去副堂走一趟企下!
雖然講道較平時其他牧師呀, 講員呀, 講得耐,
但....都get 到個中心思想, 明白她說什麼!
一句 "凡事都有神的安排!"
(看哥林多後書5章17~19節)

崇拜完後, 就祈禱會, 在祈禱會中都有提及自己的事,
因為真的好想分享下, 都有小小的見證的......
最主要是真的希望不是一時的興起, 而是甘心的去為神做&努力,
所以都請大家代禱啦!! ^_^
完了祈禱會後, 感謝錢哥哥 & uncle peter 的意見, 呵呵!

之後我們班年青人去了元朗廣場的肯德雞一邊lunch 一邊傾來年團契goal~
原來時間都不早, 因為我們都好遲出去, 所以傾到我遲到囉!
因為下午約了同學仔在屯門吃tea, 唉~ 我吃不下啦!
去到市中心我們去了溫莎tea, 我都沒有叫野食, 飽呀!
其間都好爆笑地坐了大約1小時啦,
真是笑到嘔呀~
但我們笑得太大聲, 被前後左邊 (我們是最右) 的人望著呀,
所以我都收歛一些, 笑到咁上下就control 一下!!
如果那時我在學校canteen or 別人屋企, 一定唔理咁多係咁笑呀! 笑到拍台啦!
真的好恐怖呀又!
後來在屯門行一陣, 有人走得好突然, 說要返去溫書;
不久又有人話約左人要先走;
最後得我和另一個在屯門行,
因為晚上約了can & dan 打邊, 太耐冇見啦, 不過死elaine 又不來,
認識了8年的好朋友!!! (好在每年都有幾次見面, 呵呵)
就是晚上也要在屯門, 所以在屯門行街hea 時間囉~
行到都幾累, 又想看戲,
但我都不想看, 因為都沒有戲想看,
而且時間不好啦。
後來行行下, 撞到之前話約左人而要先走的一位人兄,
我就跑過去啦, 我跑過去時見到他好似忍不住笑才應我,
原來他一早見到我們,
但又不叫我們喎!
好鬼死cheap 囉, 冇禮貌呀!
又話約左人, 但自己先say bye bye一個人在行 (又比我地撞到),
乜野事呀?!
之後送人搭車, 自己就走返上去join can & dan 啦!
去到我們3個又去了映相, (每次gathering 都映呀, 哈~)
之後去了東星打邊,
有好多呀~
但好多很久都沒有來,
我等了很久的金菇, can 等了很久的芝士腸, dan 等了很久的粟米,
最後我和can 的都到好後才來到, 但dan 的粟米,
最終到埋單時都沒有來到, 唉!
我們3個傾了很多事, 勁多呀, 感覺幾好! 又好笑喎!
就是人少少才可以傾得那麼多&暢快呀!
我們大個啦, 講返以前中學的白痴野,
鬧交啦, 唔妥對方啦......
想起也覺得好笑, 再加上以前我們的白痴樣,
現在完全 '脫變' 呀! 喎呵呵呵~
深信神在這幾年都改變了我好多!
我們3個打了很久呀, 打到個個塊面紅晒,
又飲少少beer...其實只是笑都笑到面紅啦!
最後打到11 pm 才埋單, 勁耐呀!
之後就走了~
因為明天dan 一早要去北京, 所以她屋企吹她返去執野,
如果唔係, 可能我們會再打得耐d 呀!

晚上和 燒燒傾電話, 最記得一句 "嘩, 唔好晒呀, 我上呀..."
好搞笑呀, 聽到真是好要命囉! 死未!

明天, 返學, 即是說, 就來考試了,
快溫啦, 陳喪屍!
還有, 我們group 的year project.....好似....


>>January 2, 2005 at 4:59:29 PM GMT+8

2004 年 12 月 31 日 星期五 【乍雨乍晴】


昨晚好開心, 笑到就來死,
4個人, 都可以瘋癲,
應該是只有我們完全進入瘋癲狀態!
去到荃灣買送, 之後搭taxi 上去, 好凍~
打邊爐, 勁多野食, 其間有人扮港姐傅詩詩把聲,
你地2個勁扮, 但真是不明白為何可以唔笑喎!
最終導致我們另外兩個笑到死,
笑到跪在地上, 繼而坐在地上,
笑聲完全震撼全層樓呀!!!
feel 到好恐怖, 但控制唔到~

邊了好幾個鐘, 都吃不完,
後來就打麻雀, 打到11時許,
人地媽咪, 人地爸爸 & 人地細佬返來,
因為等不切外面的寒冷而不等倒數就返來了。
阿細佬看著我們打麻雀~~
打打下, 有人叫 "花呀, 花, 花, 花..."
阿細佬就說 "好似烏鴉叫 "啞, 啞, 啞, 啞" "
嘩哈哈.......即時笑到嘔呀!
之後又瘋癲地叫住笑~~
阿細佬就不停地講烏鴉叫!!!!

又打到勁看電視, 4個勁緊張地看王喜 & 楊怡,
打不到牌!

晚上, 看著電視倒數, 看見咁多人, 就覺得d 人痴線,
企係度一數完就跑, 驚走唔到!!
比我見咁多人就冇mood lu~
不過......倒數.....我沒有感覺喎!!!
我地咪一路照打牌囉~ 呵呵!

打到1時許就走了, 在半山上等的士, 凍到震呀!
西鐡, 多人多到爆!!!!

今朝, 好痛苦地起身, 好凍呀!
8度, 這裡又再低一兩度了,
之後入天水圍, 又大風, 好辛苦,
隻手, 彊硬化!
一陣又繼續, 好累啦又~
陳喪屍, 頂住呀!


>>January 1, 2005 at 4:47:31 AM GMT+8

2004 年 12 月 30 日 星期四 【乍雨乍晴】


市區清晨7度, 死未, (未死得!?)
我這裡還要凍啊!
今天除夕, 04年, bye bye 啦,
但意味著, 我即將又老一年了, 好快就到!

昨晚, 應該是半夜,
陳家福細膽, 聽到出面的風聲, 就會驚!
半夜4時多, 不停在我床邊 '嗚嗚嗚嗚' 叫,
痴線咖! 我唔洗訓呀~ 好似鬼叫咁!!
之後我起身, 去過toilet, (著住件羽yung出去呀, 半夜家裡應該有4,5度)
返去訓時又嗚, 要命呀!
之後就抱陳家福上來訓, 但衰仔都不是訓,
在我側邊定型 (郁都唔郁, 頭都唔轉下個隻),
半夜三更見到衰仔個樣, 一開眼就見到好似鬼咁樣!!
你都咪話唔驚~
不久又鬼叫, 上到來訓都鬼叫;
後來衰仔又要落地, 我就讓牠落,
但落到地後, 又在我床側邊勁抓勁嗚,
煩到嘔c, 就這樣.........
來來回回, 上上落落n 咁多次,
差不多一個鐘, 都未能入睡呀!!!
搞到今天又訓到下午2時才起身呀, 累死人。
但不是一覺訓醒喎,
因為10時多 (好早呀!) 基爸爸打電話來關心了幾句,
大約11時許12時家瑩打電話來又傾了幾句,
之後大約1時多joseph 兄又打來傾了句。
唉~ 好辛苦地, 再發埋下半part 的夢.......

剛才check e-mail, 我又 lai 野啦,
個非洲朋友佢........我就來心臟病~
冇可能冇可能冇可能冇可能...
唔係o既唔係o既唔係o既唔係o既...

好凍呀, 今晚......不想出去呀,
但現在就要出去, 唔知點咁,
個人想留在家, 但個意志就想出去!!!
要出啦, 要和honey出去買送呀, 買定今晚呀~
我呢個菲律賓人, 係時候出去買送服務大家啦!!!

happy new year & God bless!
Jesus loves u all~~


>>December 31, 2004 at 7:53:36 AM GMT+8

2004 年 12 月 29 日 星期三 【乍雨乍晴】


好凍, 前晚睡到半夜凍醒,
昨晚加了個睡袋, 沒有事了。

今天條腰還有少少酸痛, 感謝主的醫治!

下午和阿洲&林嘉明去了元朗,
為的是想吃龜鈴膏, 被人講到也想吃埋一份,
之後3個無聊人就去了元朗養和堂吃,
不過最後.......只有馬騮明吃龜鈴膏,
我和阿洲飲涼茶。
鬼咩, d 人有coupon, 只拿了一張出來!!!!
後來去了大榮華隔離的出名盤菜鋪頭, 因為明晚他們十幾個吃盤菜,
我也想試, 但明晚約了dip 的好朋友去打邊。
之後3個無聊人就去了影相, 條街好凍, 凍到我流眼水,
影相後畫公仔, 我幫馬騮明畫了件粉紅色ming, 真的好襯你呀!
無計, 我畫得靚麻!!

明天, 可以去打邊& count down, 地點, 和上年一樣, 呵呵!!
不過.........都是我們幾個啦, 因為有2個要返大陸。

好凍呀!!!!!

補返上次去南沙張相, 全部人係齊度!



>>December 30, 2004 at 2:00:17 PM GMT+8

2004 年 12 月 28 日 星期二 【颳風】


好快就2005年, 大約還有兩天就到啦,
不過都好似沒有什麼感覺。
時間過得超快, 咁就一年了,
今年都發生了很多事呀,
神又帶領我去經歷一些困難,
這年有開心, 有唔開心, 但好似經歷好多不開心,
但我又好快會開心返, (有人話我樂觀, 我都覺咖, 哈哈)
亦又因為這些不開心經歷, 神就要我更抓緊衪。
也發覺自己在這一年都有成長到的,
至少好多時想法都和以前有些少改變啦。
回想03, 04年真的發生了好多事,
這個20, 21歲過得都過得幾豐富, 有神的帶領呀~
感謝主!
來年真想為神做更多事去事奉,
找到了自己的恩賜, 就想努力去做,
如果我是因為為主做事是做到好忙,
我想我都會從忙中得到快樂,
因為為主做事是開心的, 會得到主的喜悅,
到時就會enjoy, 而不是覺得辛苦!

晚上收到信, 我照著信封指示, '小心開啟', (講到好似有炭蛆菌咁要小心開)
信封面還寫著 "耶穌的愛頂呱呱",
沒錯, 真是頂呱呱咖!
一開了封信, 原來是一張hand-made & 有心思的new year card,
我看得出咖! 多謝你們!!!
打開看到你們寫的一字一句, 真的開心,
我真的想打出來, 不知道你們mind or not,
但.......我會照打的, 嘩哈哈哈!!

"joyce: 感謝主, 平安夜, 見到你願意為神傳福音的火熱,
真係真係開心!
願你在新一年比主用更多, 為神奉獻更多!
A-men!
我們一齊行呀, 在神的愛中彼此學習,
祝福你有健康, 神必醫治你!"

我想話呢, 平安放那晚, 我覺得自己不夠火熱呀,
有個心, 想做更多, 但那晚好累 & 腰痛得令我做不到。

"joyce: 開開心心又過了一年, 這04年來,
看見你的靈命増長了不少, 感謝神!! (佢有2個感嘆號我都打埋出黎咖)
亦看見你的性格也有新的改變, 越來越喜歡你,
係陳凱瑩你啊!"

其實我覺得我呢年靈命較之前軟弱呢,
仲有, 又響左我全朵!!

"joyce: 知道您常有腰骨痛, 但仍為神工作,
為您的信心及奉獻, 獻上讚美!
願大家一同成長, 互相分担! 努力!
分別為您健康&精神祈禱."

yes, 大家一齊行, 一起努力,
其實信心我也要慢慢學習 & 學習中, 因為有時我都好小信!
現在明白一件事, 就是當有心&努力去為神做時,
神就會為我們開路........
就好似珊珊你在大學有心想搞個基督徒學生聚在一起,
一起敬拜&有個糖水會咁, 初初睇個勢好像好難會搞得成,
奇妙地神就把這一切一切的, 不論人, 事, 地點都預備好,
叫你能夠搞得成, 你話係咪感恩呀!
所以真係唯有祈禱才能尋求得到~

各位..........pre 新年快樂!


>>December 29, 2004 at 5:17:24 PM GMT+8

2004 年 12 月 27 日 星期一 【乍雨乍晴】


昨晚竟然又和林嘉明講電話都可以講到2.30 am囉,
搞到3點才訓。

今天好感恩!! 感謝主爸爸呀!
今天又可以睡到1時, 嘩哈~~
要補返之前的睡眠不足症!
今天感恩的是我右邊腰沒有之前2日那麼劇痛呀,
而且可以好快就起到床。
雖然還有少少痛, 但行路快過之前幾日,
不過都要小心, 因為行路時始終都要 '就住'。

下午溫書, 感謝主我可以溫到兩課, 好過完全沒有溫。
全日都覺得好凍呀!

6時許7時出門口, 因為晚上要去觀塘試音~
真是好感恩呀, 神要我今天條腰骨可以好好多,
就是使我今晚能夠可以去到試音!
我想如果我條腰好像前幾天般痛, 癱子咁feel,
一定不會出去那麼遠呀!
因為今次試音都可算是為神而去,
當我有心去做時, 主就會為我開路, 感謝主呀! (好難形容心中個種感恩同開心呀!)
我真的好有這個心志去用這些現代流行詩歌去事奉的,
所以......又是好感謝神呀!!

ACM 那邊約了我今晚8時去到那裡的office 試音,
但我昨天看過map, 知道話就話觀塘, 其實是牛頭角站最近,
所以我在牛頭角站出, 但去到,
那裡是工廠區, 天都黑, 又凍, 又沒有太多人在街上,
找了一陣, 但怕迷路行錯路... (因為夜晚行未去過的路我會是夜盲症囉)
之後就問的士司機, 之後再行去好快就到了。
那裡的office 就是在工廠大廈內,
去到上7/F, 再行多一層才到。
原來學傳的office正正就在ACM的office 的隔離,
怪不得之前他們說學傳是ACM的好鄰舍啦。

去到都見到幾個人在等,
之後入到個room tick 名,
then 又再等....等......
在等的其間和幾個姊妹傾計,
幾好傾, 有位姊妹由01年開始就參加大型詩班,
之前都想報名參加詩班, 但信心不夠,
到今次終於報名參加詩班。
另一位就從未參加過大型詩班,
一來就報名參加這個詩班了;
又有一位個樣好細的妹妹仔, 幾靚女,
我以為她16,7 歲, 原來19...
呵呵呵...她也以為我和她一樣大, 呵呵呵!!
我在等其間, 都見到有人來,
原來都幾多人來interview!
她們說在等時好緊張, 但我就一點緊張也沒有。

之後到9時許才招我入去個studio 試音,
原來Esther 和另一姊妹試我。
唉~~ 入到去就清唱自備的歌,
我覺得我揀錯歌囉, 今天把聲都是咳咳地,
我揀了 '榮美真光' 去唱, 初頭都好地地,
但唱到後面是要高音的, 我唱不到呀,
走走地!! 幾樣衰呀!
之後完後, 就要我站起身, 唱scale, 試我個 range 去到邊囉,
這part 沒有問題啦, 不過我始終都是低音人, 唱alto 會好好多,
所以我都可以落到唱到好低。
之後又知道我識看5線譜, 就給一首歌給我要我即時看譜即時唱,
完全和以前考琴時的Aural 一樣囉, 即是考sight singing 呀!
但這part 我唔掂呀, 因為平時好少練, 以前考琴這part 都低分咖!!
我和Esther 說5線譜看得不太熟, 會好慢和識少少咁囉。
之後我唱到大約10個音就okay stop 我啦!
後來就考我listening, 嘩~~ 好長呀!
即是那位姊妹彈了一段都幾長的音樂,
彈了兩次, 之後要我唱返出來。
真是完全和以前考琴時的Aural 一樣囉,
不過以前考都沒有那麼長, 今次好長好多音呀!
但我聽得到記得, 唱到喎, 呵呵呵!!
之後Esther 問我問題,
問我為何想參加詩班呀, 即是我個心志!
講了都okay 多, 好像傾計般,
心理想講的就講, 真心話!
後來她又講ACM 詩班的要求要幾高下, 不同大型詩班.....
嘩....

之後出來時, 見到還未入去試音的幾個姊妹, 就笑囉,
我都不知道自己為何又失控地笑 (少少jei, 唔係發癲個隻)
她們問我怎樣...........

後來就走lu, 好凍呀條街。

兩個星期內有通知okay or not, 不過我覺得一半一半,
有可能會fail 入不到多囉, 因為個sight singing和唱歌都......
不過一切都交給神, 如果神是要我去這樣事奉衪,
就會給我機會.....相反就.......
我個心是怎樣神會知道的。
總之一切都順服於神, 會有衪的心意~

總之感恩啦, 之前傷了條腰要個幾兩個星期才好,
今次就第6日, 條腰就好了好多,
知道是神要我踏出第一步去試囉....
其實舊年都想參加, 但後來都沒有send 到封信去......
知道你們有為我身體禱告, 神的的確確是聽禱告咖!


>>December 28, 2004 at 5:27:45 PM GMT+8