2005 年 5 月 18 日 星期三 【陰】


今早返去上cultral 堂,
一返去就test。
癲癲地咁樣, 我知差點100分........嘩哈哈....(自己發緊夢)
好累, test 完就上多1小時, 講lec 14 的case...
不是不想聽, 是真的好悶, 就來癲s!

下午cancel 了contem. issue 堂, 所以好早就放學,
今天okay 廢。
去到美孚才1時, 之後就打返去和媽咪去市中心飲茶!
個人好辛苦, 唔知想點。

個肚又痛, 想痾想痾咁, 唔知想點囉, 頂佢唔順!!
今晚又繼續溫書啦, 星期六又test~~~



今日仍然記住那天祈禱時見到的畫面....
那天一合上眼就見中間有個十字架, 是白色的,
好似是插住在地上般, 好光,
不久在十架2邊又慢慢在地上標出2隻細的十架,
又是發白光的, 好靚.........
到現在都不明解釋, 為何會見到呢?!


我們沒有對話好幾天了.........
喀! 真的好忙嗎?!
不過事實又是如此的.......


>>May 19, 2005 at 10:52:43 AM GMT+8

2005 年 5 月 17 日 星期二 【晴】


今日12.30 起身, 不久就溫cultural。
在中學時代時就會那麼早就溫書,
真是n 世都未試過下午就溫書呀,
通常最早都晚上8點才開始溫 (晚上我最精神, 完全是貓頭鷹)

下午呆了般坐在sofa 睇notes,
個腦實左, 好似看來看去都是這些。
一邊溫一邊吃山渣餅 (食晒啦, 我今晚飲藥後冇得食啦),
個人勁無意識般.....放野入口, 個腦呆滯記notes, 之後就肚痾2次。

這期好鬼忙, 搞到一緊張就肚痛痾屎........!
唔知想點, 好唔舒服啦我已經, 又面青唇白啦 (成日都發生)
o拿~~~ 一講起我又想痾屎啦~

5婷: 係呀, 就係佢啦, 佢都姓陳咖, 帶眼鏡咖嘛!


>>May 18, 2005 at 11:24:13 AM GMT+8

2005 年 5 月 16 日 星期一 【晴】


去元朗吃米線大王, 都唔知食左乜野落去, 唔想食。
之後去覆診, 個人廢左!!



>>May 17, 2005 at 12:29:34 PM GMT+8

2005 年 5 月 15 日 星期日 【酷熱】


昨天星期日, 約了iky 早了返教會主日學。
因為覺得最重要是栽培, 不是返了教會就算!
不知為何好想把這位姊妹慢慢帶到去神那邊~

下午去了練歌, 去彩虹練, 因為和大型詩班一起練8月聚會的歌。
好開心的~
其實昨天是全球祈禱日, 在香港大球場舉行,
我都好想去的, 但要練歌。

未去練歌前, 和弟兄姊妹在元朗吃完lunch 後,
他們就去大球場祈禱, 我就見有時間, 就在元朗行一陣。
行到近大棠站, 過馬路時見到阿明,
之後我再行去west rail 前面的天橋時,
見到阿清教會的兩個弟兄, 阿國賢 & 阿峰,
不過他們看不到我!

昨天練歌都幾開心, 和自己本身acm choir 的人一起坐,
和翻版常盤貴子 & 一個我不記得她名子的姊妹坐。
之前去acm office 練歌時蘭子都講過她好似常盤貴子,
之前長頭髮時更似, 現在短了頭髮, 都仍然好似,
還要坐她隔離, 就更加更加更加覺得似, 哈哈, 好搞笑~

蘭子和我要分返alto, soprano坐, 所以練歌時都沒有怎麼喪笑~~
但走時, 搭車和蘭子又開始喪癲s, 勁笑, 笑到肚都痛埋,
見後面個人好無奈!!

今早又好早起身, 去了柴灣劉永生中學 (柴灣堂),
中華傳道會的 "宣教go go go 工作坊"。
好眼睏呀, 那麼早去到柴灣!

我們佳音堂的就負責粵北的短宣分享。
開始時我們唱兩首歌, 我做司琴,
完全不記得第一首歌要repeat coda 囉。
當我沒有再彈coda 時, 其他人都沒有唱,
只有紅鷹繼續, 突了她的聲音,
阿宗都有和我講返那一刻他們個個都呆一呆, 之後先再join 入去,
我就沒有彈啦, 那part 他們自己清唱囉,
咁核突, 突然加返音樂入去, 如果我加得唔o岩位, 就好桃突啦!!

之後我和珊珊兩個出去分享返上兩次東莞短宣的分享,
珊珊講得好好呀, 我就自己都不知道自己講什麼, 哈~

之後有看返上次其他堂的弟兄姊妹去河原短宣的相,
最後一張見到龍龍和一班農村小朋友映相,
我和斑馬婷勁笑, 因為那張相在projecter 放了很久都轉下一張。
見到威龍個樣成個太老hea (爺) 咁款, 無得頂呀! 哈哈~

到最後來, 見到家行呀, 原來她也是中華傳道會的, 活門堂。
家行是我在ive 的團契識的, 但之前我都有估她是活門堂, 直覺覺得,
原來是真的。
阿珊都識得家行咖, 原來家行以前讀呂祥光,
即時覺得細界好細呀!
好開心她報了名去參加8月的河源短宣, 到時可能會見呀!

今次珊珊都帶她的housemate 來這個工作坊, 叫cindy,
原來她是柴灣堂的, 和阿成同組帶兒童&青年團咖。
我和斑馬婷就問她柴灣堂的人, 因為有些我們都識的,
好搞笑, 最想知就是alan 現在怎樣啦,
又知道mouse 這期都沒有返崇拜,
寶珍生完個bb 後就肥了好多.......
話杰杰返來hk 和cindy 吃飯都不和斑馬婷吃飯....
聽到都有點搞笑。
又再一次證明細界真的細細細呀~

lunch 時我們去了吉野家吃lunch,
我和珊, 婷 & cindy 4個一起坐,
阿基爸爸姬姐他們就一堆坐。
走時見到阿業, fion姐, 和他們傾了幾句,
見到他們覺得有點搞笑, 哈哈, 不知道, 好想笑囉。
在工作坊時, 他們的堂帶敬拜唱詩,
我望下fino姐唱歌個樣, 再望下阿業彈結他個樣,
就好搞笑.......唔知呀, 想笑唔笑咁呀我, 又傻傻地~

吃lunch 時吃到想睏呀。
走時我們搭mtr, 在車內勁映相,
映完相我又喪左咁起勢zoom 埋鏡,
驚見斑馬婷原來咀附近有粒墨,
之後我和宗就勁笑是霄雲墨...
又映姬-li 睏覺個樣, 不過被她發現,
竟然斜視個鏡頭笑, 個樣勁搞笑, 又笑到喪,
之後就被阿婷話我變態!!
zoom 埋去睇人個樣真的好好笑呀, 好索咖!!

返到家3.15, 勁累, 就睏一陣,
5時去教琴, 7.50 pm收工!
今晚吃飯有點胃口了, 前幾日吃幾啖就不想再吃!

參加了今年的專使, 知道應該多數會入屯門組,
goodss, 近呀!
阿珊今年就做helper, 分了入葵青組~
好期待今年的精兵&專使訓練呀, 今年的6, 7, 8月會充實了, 哈哈~
其實更期望學到怎樣去佈道, 出去外地短宣, 和其他教會的專使一起合作。
(原來f.5, f.7 叫精兵, 大專生叫專使, 都是最近才知道, 呵呵~)
見到珊珊舊年在專使學到好多, 我都想學。

星期四又test cultural, 好想溫書, 但又好累!

5婷: 睏唔著打比你, 你會唔會睏著左我打比你你會發脾四咖!?
不過希望如果我打比你時你係發緊惡夢啦, 咁你就會多謝我啦!


>>May 16, 2005 at 2:22:07 PM GMT+8

2005 年 5 月 13 日 星期五 【晴】


昨天3時訓, 終於睡到沒有失眠啦,
因為真是累到嘔屎呀, 之前兩晚都....
加上昨晚溫書, 完全唔知講乜的, 死記,
溫到個人喪喪地, 所以昨晚一上床就訓得著。

今早一早起身返去test 死人e-logistics,
一入到hall, 行到最前我的一號位,
見到阿sir 笑住咁o既四萬口望住我, 仲指一指個位我睇,
阿旺真是阿旺, 傻佬咁!
今次test 我想會合格吧, 但求合格啦真是。
buyer aggregation model 就只記得第一句, 之後就失左憶,
唉~~
10至12, 但我大約11時就走啦, 廢事見住份卷都唔識眼火爆呀~

個腦 & 人都喪累, lunch 去五十嵐吃lunch。
都幾肚餓, 但就不想吃東西, 去到都不想去揀吃什麼,
求其啦。
我, 清, 洲, 明叫了2個2人餐吃,
勁多野食, 吃剩!

大約2時返到家, 之後睡了一陣,
4時去天水圍教琴, 之後又返屯門教ka ling。
教完後, 就喪去元朗搭276去上水,
今晚去了北區大會堂 "神伴你每天" 的音樂會。
我們其實要4時要去到reheasal, 但我7.30 才去到,
趕住去咖啦, 超熱!!!!

今次去到齊齊做黑衣人, 拿了pass 就好快ready。
初初在演奏聽門口派程序表給入場觀眾 (覺得派紙都幾好玩喎!)
之後就返入去坐。
我們負責台下事奉的詩班員就住在上層最後的位,
成班黑衣人在後面一邊跟住唱一邊做動作, 都幾開心。
今次又滿座啦, 出面又好多人入不到來,
其實好多都是教會, 團體來的, 好多基督徒。

中段有ivan & 一位詩班員姊妹講見證,
那位姊妹講的好感動呀。
一位失去家庭的人, 遇到人生最低點, 埋怨神,
沒有工作, 沒有家人, 隻腳有事,
導致以後都不能再去跳舞, 因為她的工作就是做舞台劇的。
自細失去家庭, 不知何為愛,
之後返返主身邊, 認罪, 現在她不能重返以前的工作去跳舞演出,
但現在都不用再用柺杖, 能行動自如,
可以在台上以唱歌, 簡單的舞蹈去事奉神,
真的感恩。
她現在不再是一個表演者, 是神用的一個器皿!
好感動!

中段牧師講道, 有句好深刻,
他說 "耶穌係加利利海邊問彼得, 你愛我多過你的魚, 漁船嗎?
有時我地真係會愛某d 野多過愛耶穌........."
".......只有人離開主, 神從未離開過我地.........."
".......有個比喻, 耶穌係一棵樹o既樹幹, 我地人係樹上的枝子,
如果枝子離開樹幹, 就不能再生存...."

之後我們班黑衣人就去收奉獻,
和個台勁近, 距離個喇叭好近, 隻耳就來聾呀!
我們在門外等ready入去收奉獻都覺得緊張呀~
本來只是收奉獻都沒有什麼, 但就要好清楚我站的位置,
傳奉獻袋的flow 不可出錯!
又在門外等時冰氣凍到無倫, 所以一切factors 加起來就會有緊張出現啦。

晚上我們又是最遲走的, 我已經好累好累了!
走時買了個包吃, 和蘭子飛van 仔回家,
就來昏下去了!!!!!!!!

勁忙勁忙........星期四又test 啦, 我累到反晒胃勁想嘔呀!

5婷: 你又好似我咁累到個人散晒都係失眠呀, 真係齊齊o也屎呀!


>>May 14, 2005 at 5:18:35 PM GMT+8

2005 年 5 月 12 日 星期四 【晴】


失眠, 昨晚都睡到, 今朝不願起身, 散曬!

一早返eng, 喪行啦, 遲到嘛, 返到去沖完涼咁o既樣囉!
坐下不久, 又分返group 去傾27號的present,
我就勁打呵欠, 叫住黎打, 好鬼大聲,
因為覺得好煩呀, 又眼訓, 見到miss 就煩。

lunch 行到去星仔吃, 超抵!
怪不知那麼多人去啦, 勁多野送, 總之一入去就有得送。

之後熱住咁行返學。
返去上e-logistics, 又是廢堂一個!
上了一陣, 又話break, 之後我們落了free book 搞份FYP,
做了很久, 又做到反反地胃, 之後就燥燥地講左粗口。
覺得自己勁唔掂, 以前都不會講, 燥極都是在心講粗口,
現在發覺這星期我已經講了2次, 今次還很大聲,
被人問我 "你講乜話?"~
我仲答 "講粗口囉!!"
唉~~~ 講完那刻有罪疚感, 之後聖靈就向我說 "當止住怒氣"

其實我們想12時許就搵raymond sir, 因為好卦住他............的鑰匙去324 print FYP,
但事隔幾小時, 3.30 才可以有鑰匙, 還要是amy 代阿sir 去開門給我們, 都未見到阿sir。
最後324 被人book 了上堂, 要去242 print!

勁耐沒去242 啦, 記得yr 1時上OTS 就入這間room,
入到去242, 就令我想起以前我們yr 1時上miss li 堂的情境。
記得我和michelle 2個住左邊第一行,
cindy & 家瑩坐我們後面;
在我們右邊的是gil gil & 金梅,
又有zoe & sammy...
angle 就是坐最後的, 和nichole 坐, 哈哈!
突然好卦住我們班變態秘書班呀!!!

我們在242 print, 我組最後得我和阿清2個去print,
阿明那組也一起去print。
阿安就提議他那組和我鬥快print 份FYP,
最後都是我們快, 因為多得個快靚正printer!
阿明就勁被阿安吹print 快d~
最後搞到大約4.30, raymond sir 竟然入來,
我就可以順勢交給阿sir了, goodssss~~~

之後都5.00 走, 勁累勁眼訓,
但在west rail 和阿清勁傾計, 沒有睡。
之後返到家, 想訓又訓唔到, 但就知道個人勁累!!
最後差不多7時才睡一睡, 之後就吃dinner 了。

今晚又要努力溫 "廢柴上堂同冇上堂留心聽同冇聽睇極notes查晒字典都唔明" 的 e-logistics,
明天tests, 但又只是test 1.5 hours 又走得個d。
明晚ACM 在北區大會堂第一場聚會,
要4時去到reheasal, 但我都未放工,
最快7時啦, 不過好在我都是做 "黑衣人", 在台下事奉。
求主保守明晚的聚會吧!!!



>>May 13, 2005 at 1:39:03 PM GMT+8

2005 年 5 月 11 日 星期三 【晴】


o也屎!! 昨晚失眠, 輾轉反側幾次!
好累啦已經, 累到人都癲ss, 還要失眠, 個腦勁多野諗囉!!
大約3時許才睡得著。

今早上cc 堂, 新哥&阿峰present,
阿新哥把聲無得頂到爆, 勁難聽, 好辛苦, 唔知佢講乜。

之後上CI, 我們第2組出去present, 阿sir 說對我們所揀的topic 勁有興趣& 'very good!"
哈~~ 他當然有興趣啦, 這個news真係新到唔新, 今年才有專家發表有這個問題出現....

今次present 我又低能啦, 不知為何勁想笑,
但當然到我pre 時又會正常返。
是但啦, 求其pre 咁, 都不夠時間~
但落堂時阿sir 又說我們pre 得幾好, 哈~

放學上去阿姐食tea, 應該是lunch!
之後返學校繼續努力份FYP, 勁辛苦~
做到個反胃, 隻眼好想爆開!
最後都是得5千5百幾字, 都未到6千,
不過算啦, 好在交hard copy, raymond 都不會逐個數啦!
算是這樣吧, 幾個小時就搞好最後這part & 成份完整的做好~
唉~~ 遲下要present 返出來啦!

返到家想睡, 但都睡不到, 失眠!
今晚一定要溫書, 好想嘔, 因為太累又睡不到...

小事一側:
今日呀, 一pre 完, nona 就向我說 "又望啦" 我真是好不安呀! .
不過我都不知道, present 時勁望住阿sir那邊單一方向!!
好唔掂喎再係咁, 我諗我會有忍唔住o既一天。


>>May 12, 2005 at 11:33:07 AM GMT+8

2005 年 5 月 10 日 星期二 【晴】


北上, 晚上落返羅湖吃飯,
吃飯前在商業城行一陣時見到個勁有型靚仔鬼仔,
搞到我好緊張。


>>May 11, 2005 at 3:01:04 PM GMT+8

2005 年 5 月 9 日 星期一 【雷雨】


"如果你是被一個常常被批評,被責罵的環境中長大.那麼,我相信你現在一定在意別人的眼光吧,對於他人的批評會耿耿於懷,對於別人的讚賞,會樂透半天!

曾經,做很多的事情,都希望得到他人的讚賞,期望著別人去了解所付出的努力,給一點的鼓勵.對於所作的事,往往出發點都已放在得到讚賞的層面上.越是得不到應有的鼓勵,就越希望得到應得的嘉許.口頭上掛著十件八件覺得做到了不起的事,擺於在人前,在等待被讚賞的一刻!可是現實是令人失望的,著眼於得到讚賞的行為往往令他人感到煩厭,你越強調你了不起,可惜,你越不是."--- copy from 龍龍


下午和媽去旺角, 約了阿婆&嘉鳳飲茶,
勁耐無見!
之後4時多返元朗看醫生, 看了勁耐, 5時半才走得。
戒口, 死啦, 無辣不歡的我就黎日日食粥水。

晚上起勢做present, 星期4 pre...星期5交FYP, 6000字+, 好似好難, 但又好似唔難,
唔知點, draft 1 & 2 加埋又大約4千幾5千字....
但今次最last又好似沒有什麼要加...唉~ 希望能夠達到!

昨晚學人溫e-logistic, 溫了ch1, 就好眼睏, 死頂睇埋"創世紀II" 就睏。

數算神恩典, 昨晚又一次好近好近地經歷到神。
當我仍然煩惱沒有辦法時, 神就給我極好的預備~
真是發覺每次都是最最最後關頭的時間, 神就會出現得好近去幫我!
halleluja~


>>May 10, 2005 at 3:01:03 PM GMT+8

2005 年 5 月 8 日 星期日 【雨】


死仆街!
呢世都係咁咖啦你!
無藥可救, 曬氣~
嬲到爆炸呀~


>>May 9, 2005 at 2:44:41 PM GMT+8