2005 年 3 月 31 日 星期四 【暴雨】


"外表上帶著一種神祕感，不易讓人窺視內心世界
個性獨立自主且真性情，難以抗拒的歷練與智慧
外表冷豔內心熱情澎湃

如果投入了一愛情關係，會變成不折不扣的女人
努力專心的以愛情為主

人生歷練通常極為豐富，冷靜理智心胸十分開闊
不會凡事計較怨天尤人"


今日返學, 沒有等阿清, 因為她今天都沒有返學。
今天都準時返學, 開心!
eng 堂又覺得好煩了, 第2個小時去了lab 錄音,
和suki 做partner, 我們就在這短短時間內作好份draft,
好變態, 史上最求其最快速的錄音, 沒時間呀。
miss 在講野我們都照錄, 收到聲都話之佢,
起勢講, 錄到過了時間, 講完一次就算, 都沒有時間去翻聽了。

之後上了茶餐廳lunch, then 返去上e-logistic,
眼瞓到無倫, 留意聽都不知他講什麼, 考試又死梗啦!
好辛苦捱過這2堂, 上到後段我又發癲ss, 勁笑,
她們都不理我, 又話我痴線啦!
我都不想, 但真的好悶呀~

放學在canteen 傾FYP 上次份1st draft 的present,
之後又傾下份2nd draft, 再傾下cross culture 的present~
效率好快, goodssss~~
不過今天都預計不會做啦, 好累!
預備溫下個test啦joy~
elaine 痴咖, 條條mc 都好貴咖~



>>April 1, 2005 at 12:50:27 PM GMT+8

2005 年 3 月 30 日 星期三 【晴】


今天去了design center 出show,
又是上次堅尼地道28號那裡,
不過今次是做A/T。

變態, 11.30 去到, hea 呀hea,
我們11個dressers 勁傾計,
去到執下衫。
等呀等呀, 等到大約4.30 才吃lunch,
超~~~ 肚餓, 個個都燥狂症呀!
我們勁order 食物, 而且更要飲品, 又要奶油多,
勁瘋癲ss! A/T 的staff 出去叫外賣返來,
一返到來, models 痴線咖, 沒有order 都照拿,
拿了我們的, 她們都唔理咖!
後來我盒飯更被個model 搶左呀,
好在那裡個staff 給我拿回來, 但拿回來後盒飯少了一半,
因為個model 死都要吃飯呀, 咪比一半佢囉!
我又不知道那個model 拿了我的,
若我知道, 我一定轉位做佢dresser 呀, 睇下到時我拉唔拉佢d 肉呀拿?! 哈~
之後成班就好開心地坐在露台的地上吃飯,
勁講笑傾計, 笑到爆炸呀!

到8.15才開show,
等開show 其間, 勁和鬼妹仔蘭子catherine同阿b 她們勁玩勁笑,
笑到玉兒&阿怡死下死下, 玩鞋抽都玩餐飽,
笑到出面些guests 都聽到我們的喪笑怪聲,
要staff 入來話我們, 不過真係好癲ss!
今次要每個dresser serve 2個models 呀~
都幾緊張咖!
今次到我serve 個 "羅滋威爾冇眉人" 呀,
她make-up 好就入來, 勁大陣煙味,
個口呀, 嗅到無倫呀, 玉兒咁遠都聞到佢嗅呀,
那陣煙味簡直是xo 極品呀, 嗅到你唔信呀~
不過她換得勁快, 都okay~~
另一個是陳小韻, 她沒有來reheasal,
搞到一開show 就去,
勁怕出錯呀, 又要顧"冇眉人", 又要顧她。
不過她自己都好緊張,
成日話 "死啦....又叫我啦...好驚呀...未扣好呀!" (提高八度音頻)
我雖然自己都有緊張, 但都叫佢唔洗緊張囉!!
喪咖佢~
本來我們勁傾計傾到喪笑都是講bra bra 的問題,
後來一見到樂基兒走過來, 就即時收聲,
哈哈~~~ 廢事啦!!

又打仗啦, 不過好快就打完仗啦, 勁快速度執好衫就走。
9時多就走。
走時和阿b 蘭子勁在條街上勁講自創的韓國話,
好似咖, 又好笑, 街上的人以為我們講真呀~ 哈哈, 變態咖~~

之後搭西鐡走, 大約10.30 就返到家。

今天沒有返學, 又沒有dancing......


05年3月29日


屎呀拿, 我督ke~~



>>March 31, 2005 at 5:10:22 PM GMT+8

2005 年 3 月 29 日 星期二 【晴】


昨天入了塘福, 一早約阿洲&yammi 在東著城parkn'shop 買食物入去。
then 再等jenny & 阿安, 去了m 記食lunch。

之後搭巴士入塘福, 去到早了半小時check in,
間site 都okay 靚&乾淨, 只是地方細了少許。
在那裡玩cards, 之後出去沙灘玩數字球,
玩到好熱, 映下相。
玩玩下又落雨, 就返上屋,
繼續玩cards。
不久就看"鬼來電", 麻麻好看,
但他們就驚, yammi 更躲在被內,
我就看到笑, 有一幕隻鬼扭個女仔隻手&頭,
我和jenny 笑到收不到, 套片看到估你唔到。

大約8時落樓下bbq, 玩下black magic,
阿洲勁話玩心有靈犀, 但我們沒有出聲想buy 佢玩,
因為話個games 實在............勁好笑,
勁說要玩, 但我們唔理佢。
燒到11時許就返上屋!

上到去個人都開始累, 但又要看 "創世紀",
之後沖涼, 沖到變水塘呀!
後來又玩cards, 之後hea 下, 玩下killer,
再玩埋 "大電視", hea 到5.30 才睡,
喪眼瞓!

瞓到8時許就給人拍門要起身,
最後我hea 到9時許。
阿洲煮埋昨晚吃剩的食物,
這兩天勁吃黑椒食物, 到早餐都是, 離不開,
食到yammi 勁叫辛苦~
我們要吃菠蘿解返!
之後我們又玩接字games,
個腦轉不到, 累到想不到東西。
阿安又給一些迷題去估, 不過全都是有味的,
唉~~ 這兩天最難頂的就是勁聽到他講這些,
癲ss 咖, 想死呀! 不過他又知好多野喎,
好像樣樣野都懂, 而且會知得好details,
連電視劇在很久之前看過一次的都還記得。

玩到10時就執拾, 大約11.45 am check out。
我們在等車想出返東涌其間,
就突然想去大澳, 之後就去對面線take 11號巴士。
其實本來都想去踩單車, 但阿安就好似會心臟病發般不想去, 太累了。
去到大澳勁大風, 我已經好凍了, 吹到人都癲ss!
在那裡行下, 映下相, 去返上次青年camp 時林嘉麟帶我們食的大菜糕~
之後再映下相, 行到去個唔記得乜乜廟, 見到有人拍戲,
我們當然行過去八, 見到谷德超, 鄭中基。
見到他們轉身過來, 望住我們!
jenny勁開心見到谷德超, yammi 就叫鄭中基~
後來有2個住在那裡的倆兄妹, 又走過來聊我們講野,
勁問點解我手上的相機, 又問阿安手上的食物, 又問阿洲拎的水,
勁問jenny 怎樣整用象筋整星星! yammi 就行開唔理~
其實那刻都驚驚地他們是不是email/警訊般的藉小朋友呃人,
但應該不是的。

後來出巴士站take 11號返出東涌,
一上車架巴士勁大陣汗味, 超難頂,
但後來都要瞓, 一小時車呀,
瞓到死左, 個頭一撞個玻璃就醒, 一醒就到了東涌地鐡站。

我們去了東薈城food court 吃tea,
之後走了, 好累!
大約4時搭地鐡, 返到家都只是4.50, 快啦,
在西鐡勁瞓, 又繼續瞓死左,
返到家又繼續.............瞓!

這兩天處於退休式的生活, 都okay 爽!

5婷: 星期3我唔洗教琴的, 我呢d 已經當了自己係老闆o既人, day off 的日子是用來休息的, 哈~


>>March 30, 2005 at 1:01:26 PM GMT+8

2005 年 3 月 27 日 星期日 【炎熱】


好熱呀!
下午和阿洲去了尖咀歷史博物館, 想看孫中山呀,
但我們入場後, 發現和之前的一樣, 以前看過的,
都是講 "香港故事"....但算啦, 這個topic 我看極都不厭呀,
因為我實在太愛看歷史呀, esp. 講hk~~
後來發現原來孫中山的就是這lobby 放出來的這樣多ja~

之後在尖咀行一陣就走了, 因為5時許返去教琴,
原來今天教2個學生, 爽呀~ 有個學生轉了星期六才學呀!
哈~~ goodssss!


>>March 28, 2005 at 12:15:18 PM GMT+8

2005 年 3 月 26 日 星期六 【暴雨】


早少少返教會, 因做司琴, 練下歌嘛!
崇拜時間較平時長了少少, 見他們&會眾唱歌都幾投入啊!
講耶穌復活永生...其實Easter 都預了是講這些。
和蘭子坐, 真是死呀, 會笑的,
但我都知道要留心聽道, 所以我都專心聽的。
不過在聖餐時&最後報告時就開始short short地,
因為見到余牧師拿起聖柸時手震,
見住柸中的葡萄汁瀉了出來, 那刻幾想笑。
之後望去後面, 阿劉二哥又忍笑, 阿梓就笑住口叫我們不要這樣,
呀~~~ 我都不想, 知道老人家是會手震,
但那刻真是控制不到, 自己好衰呀!

完了後hea 一陣, 好熱, 好煩啦又覺得, 痴線!!
之後和珊&梓去了蘭子家, 珊珊問蘭子意見,
then 她們走, 我就在蘭子家吃lunch, 快速吃,
和阿玲&她家姐一齊lunch, 見到蘭子&阿玲話她家姐真是好好笑!
吃完後就和蘭子一起出去九龍灣練歌。

遲了少少去, 但都是剛祈完禱。
練呀練, 蘭子被人點名有些歌要唱second soprano, 哈哈~
今天都幾少人, 因為好多人都去了旅行,
所以今次我們alto 計埋may may都只得6個人。
勁驚唱錯和音呀, 因為人少, 聽不太清楚其他人唱的呀~

這次我們早了練完, 之後分組, 我組得4個人, 組長都不在。
他們知道我交了得求見證, 要我在組中分享下, 呀~
分享完後就大家講下近期的事,
我分享這幾天心情不知何解時常都不好,
黑晒面, 之後展昭就用好快的說話速度講了好多話 "....唔好緊張, 一緊張就有壓力, 一有壓力就會心情唔好......(下有幾廿字)"
我們3個聽到後笑到死, 講野速度奇快,
我就說他成個林子祥咁, 笑到爆炸,
不過他就hurt 爆, 說為何不是李克勤or梁榮忠....
笑到死呀!
之後祈禱就完~
再等埋蘭子那組完後就一起走。

落雨呀, 煩到爆!
和蘭子在地鐡內又做喪婆, 癲ss的!
好累, 想瞓, 但和蘭子看雜誌, 見到好多fashion show 的相,
見到上次個 "羅滋威爾冇媚人", 上到雜誌都一樣咁樣衰!

之後返家吃飯!

呀~~~ 我唔可以再有串咀行為出現啦, 又有人中我招呀~!
sorry sorry, 我要盡量控制, sorry呀~

5婷: 你堂堂lecture 都廢咖? 係咪咁好玩呀? 我星期2,3都off 呀, 死未!
不過我都有廢lecture 呀, 你都過黎玩返轉啦!

靈異相呀, 睇見都驚!!



見鬼呀, 死未!



>>March 27, 2005 at 2:57:52 PM GMT+8

2005 年 3 月 25 日 星期五 【晴】


今日心情爛到爆, 昨晚又做到夜一夜搞到勁燥底。
好煩, 看事事都不順眼呀~~
我知我又有串咀行為出現!

今朝個學生, 你好野!!
教完她之後就勁面黑, 離晒譜, 下星期我話她!
累到返家, 吃lunch 時都沒有出聲,
完全不想出聲, 下午online 了一陣,
都好煩呀, 有些人問同一個問題問完又問.....
你自己又唔去做? 係要我去做o既!!!!!!
頭又痛喎, 加上又勁級累, 完全喪屍中的xo 呀, 極品!

下午去chelsea 教, 教到想瞓,
鬧學生啦又, 打佢咖啦 (其實已經打左), 勁想車巴~~
成首歌被我用筆勁圈圈圈, 痴線咖!!!

之後返家瞓了大約半小時 (feel 到自己成pad 屎咁dat 落床),
打算睡到夠鐘就去教ka ling,
但家瑩臨時打來說她阿妹今堂請假,
即時爽晒!!
所以今晚我可以早好多返教會bbq~

心情一直都好爛, 燥到爆, 勁唔想出聲!

返到教會後, 見到他們已經開始燒,
因為4時許就開始, 見到好多人!
他們見到我個樣都話我做乜咁o既樣,
一來我真是覺得好煩, 二來又真是好累呀, 就來隨地都瞓得!

之後慢慢燒燒下, 和其他人傾下計, 又笑下癲s下, 就好好多了~
因為愈夜愈精神, 和弟兄姊妹講下d 傻仔野笑一餐心情都好好多!!

今晚和 "大嫂" 傾了好多計,
哦~~ 要開始欣賞某些人的優點了,
原來某人咁有 "魅力" 咖?! 哈哈~~~
之後又見到玉兒,
很久不見, 她瘦到面都尖埋!
有位叫阿雞的朋友仔 (陳姑娘叫佢做雞仔, 哈哈, 笑到爆),
是珊珊的朋友, 大約2,3年前見過他, 但他已經不認得我了。
哈哈, 都話我個樣變得厲害啦, 變晒....加埋而家變態左!!!

差不多走時在hall 彈琴, 他們練歌,
prepare 明天崇拜的獻唱!

最後差不多10時就走了, 和梓梓在LRT 內傾了幾句!!

從未試過心情如此的爛, 長時間處於面黑狀態, (由昨天下午開始)
不過晚上心情有好轉, 要感恩的!!

5婷：你幾時有廢lecture 呀? 我就黎畢業啦, 仲未玩到lecture 呀, 唔制呀!


>>March 26, 2005 at 5:05:40 PM GMT+8

2005 年 3 月 24 日 星期四 【微冷】


今天邦的baptism, 要好早起身,
但我今朝4時才睡, 因為我點幾2點才做功課。
太忙啦, 不做沒有時間啦~~

今朝感謝主沒有遲到, 約了和蘭子一起搭西鐡出去。
我們又好變態, 勁笑,
因為在西鐡內我們把送給邦的禮物再寫些字句上去。
折開 "你我衪的約會" 這本書, 隨意看下有什麼字句,
之後就在書的第一頁做reference, 說第幾頁第幾行的字有了改動。
哈哈~~ 勁好笑, 我們起勢找一些字句,
快快找了幾句寫。
好記得 (不記得第幾頁第幾行了), 有句是 "思恩認為奧馬莎是完美的..."
之後我們就在第一頁寫: [第x頁, 第x 行, "思恩" 改為 "邦邦", "奧馬莎" 改為 "joyce"]
哈哈~~~ 我是完美的, 真是好笑呀!!!
又有一頁 ch.9, 原句是 "你仍為他是你的夢中情人嗎?"
我們在reference 寫 ["你" 改為 "邦邦", "他" 改為 "蘭子"],
哈哈~~

之後好快去到九龍塘, 又是香港神學院內舉行浸禮。
去到不久, 見到個hall 好多人呀, 可能今次多人洗禮啦,
和我上次洗時差好遠呀~ 嗚嗚.....
無計啦...我上次撞o岩SARS, 行灑水禮, 沒有浸到, 和老人家一起灑.......

我們坐到最後, 有些人要企位。
10時開始, 唱唱下詩時, 我feel 到最左邊有個人好似望著我, 郁來郁去!!
之後我望過去啦, 原來龍龍!!
那刻勁好笑呀, 不知道, 望到他個樣就好好笑~
很久沒見啦, 他今朝打來說起不到身, 估不到他會那麼快就來到~
因為他那邊的堂也有姊妹行浸禮, 所以也來。
他說我瘦了, 喎呵呵呵~~~
他又是喪屍, 我又是喪屍, 但.....我頂得順起到身....
龍龍真係老了!!

好多人呀~ 講完道後, 之後落樓下花園仔,
他們逐個逐排隊等入去施浸!!
阿邦最後一個, 當他浸完起來時, 唱完 "快樂日",
我們就好似叫fans 咁叫佢個名.....哈!
之後劉牧師祝福完後就所有程序完了。

我們映下相, 再等邦邦換好衫出來又映!!
勁笑呀! 他一出來, 我又好似叫fans 咁話要同佢映相,
死未!!!
阿邦都帶了好多朋友來!

映映下相, 見到龍龍走過來, 傾了幾句。
之後見到他和他自己堂的弟兄姊妹映相,
他那個pose, 型到爆呀....好似人地選港姐企前排個d,
我和斑馬婷在遠處勁指住佢黎笑!
之後我們走去和阿曉映相, 我和斑馬婷一人扎花, 哈哈~

之後佳音堂的就成班一起行去新世紀飲茶, 好肚餓呀!
沿途一邊行一邊和蘭子阿宗阿劉勁講笑!!
我們又找返上次03年上東莞時在酒店晚上發生的事來講, 哈哈~~~
好變態, 我勁話阿宗 "都話你鐘意我咖啦!!"
用這句來要脅他般, 好好笑!!
蘭子就勁話 "但我又暗戀佢喎!"
蘭子一聽到我咁講, 就好似狐狸精好嬲的樣行過來,
真係好好笑咖!! 成班癲ss 左咁!!
就是用這句, 我呃了4條朱古力百力支,
珊珊勁問他要都好耐才比, 哈!

去到飲茶, book 了3圍台, 邦邦和他的朋友坐,
我們年青人再加陳姑娘, 梁姑娘 & 錢哥哥一圍。
喪吃呀, 個個好似等唔切般, 好肚餓呀!
又映下相, 發下癲sss!!
之後邦邦走過來, 我們叫他折禮物, 笑爆!

好累!! 之後我們幾個返西鐡返家,
今晚都沒有去劉永生中學參加聯合崇拜了,
好累, 好多野未做!!!
返到家睡到8時起身吃飯~

繼續努力做功課~~





>>March 25, 2005 at 1:47:08 PM GMT+8

2005 年 3 月 23 日 星期三 【晴】


下午和阿洲去了旺角,
順便把以前努力得來的cert 給他幫我scan 去u之外,
我們去了信和book site~
見到有幾間都幾靚,
但我仍然擔心好像去年教會青年camp 時去的site那樣恐怖有 "失" 咬!
最後book 要塘福的, 希望到時不是 "相不符實" 喇!

之後在旺角行了一陣, then 吃了個tea~
勁好笑, 沙律那些菜...好似蘆仔吃那些!

本來心情都不太好, 不太想出聲!
阿洲說和平時的我不同!
到後來抽起條筋想去尖咀看 impressional 畫展,
就行過去, 沿途開始講笑, 心情好些!!
但我們行了去歷史博物館,
見到有孫中山南洋革命看, 我就勁興奮,
勁想看這個topic。
之後想入場, 但只有半小時就close,
所以沒有入去,
但在lobby 看了少少有關這個topic 的圖片&介紹,
勁好看呀! 真的好想入去看呀!
看得好開心, 我勁鐘意歷史的, 勁正呀~!
找日一定要去看。

之後行返去文化中心,
在門口有香港電影節的function,
見到好多記者, 明星, 勁多人呀~
好多外國人勁映相, 有個鬼佬激到站在垃圾桶上。
我們又擾攘一翻, 笑笑下, (好變態, 唔記得笑乜了)
就行去隔離藝術博物館看下門口的畫展, 雖然已經close。

之後就搭mtr去油麻地和斑馬婷去吃dinner,
快速吃完就去dancing。
又跳到就來死, 好快呀, 跟到, 但未熟, 太快了!
我又跳到勁笑啦, 時常都覺得有好笑的就大笑,
成班都聽到我的笑聲, 更聽到後面有人說有一個動作好似matrix,
我又大笑, 死啦....好恐怖呀!!
其間那裡的同工做了一套默劇, 都有幾個笑位...
但其實....當中都有peny 曾經經歷過的一幕,
而她自己都有講....但沒有太詳細講啦,
以前我聽過她的見證, 所以都明白她為何第一次排這劇時就喊!

今堂我們又跳到過時, 好累呀!
和斑馬婷&阿妮一起搭西鐡,
好累呀! 但我瞓不到, 因為聽到隔離個男仔講電話,
哈哈~~ 我八卦?!
又不是呀, 我聽到!!
原來個男仔都是基督徒~

半小時返到家, 之後即沖涼,
看下份eng功課怎樣做...
現在就打算看tv創世紀先,
之後才做啦, 哈哈~~
不過我feel 到明天會激累, 因為要早起,
阿邦浸禮, 又去九龍塘了!

唉~~ 沒時間啦, 要快些做呀, 最死就是份project.....

今晚醒起原來我其中有張cert 有我以前中4,5 o既學生相在當中,
樣衰到爆的學生相...(好驚嚇咖)
唉~~ 除了劉金龍時的同學仔見過我這個樣之後,
都再沒有人見過了....
想不到今天會被阿洲見到以前的我!
唉~~


>>March 24, 2005 at 4:38:47 PM GMT+8

2005 年 3 月 22 日 星期二 【微冷】


今早起不到身, 個人散晒有點不舒服。
打給蘭子不去買東西, 之後睡多半小時,
想想下再打給蘭子都是遲少少出去,
因為若不去, 就只得蘭子一個人去買,
到時就真是so suck!
之後睡多一陣就好好多了!

下午咪出去市中心囉, 勁想快些買完快些走,
因為好想做功課!
但都......

先是去了愛書店, 買了一本好似叫 "你我衪的約會",
勁吸引下, 講基督徒的戀愛, 約會等,
又有講與神的約會。
之後我們去了美門書坊買其他東西,
都okay 多。
then 3時多去了大家樂吃tea, 因為我和蘭子都未吃lunch。
之後就去乞衣島10蚊野買個box 載禮物。

買完飛快地走, 返到家4時許,
即時online 搞poly 的form, 唉~ 煩到震!!
明天要給人和我scan.......

快速搞掂poly 份web form, 就飛出門口去教琴。
好無聊, 返一小時工就走,
走時落雨, 又煩!

返到家吃飯, 之後上網做功課,
搵死人, 又煩上煩!

唔想出聲講野, 我都知我今日又勁串咀!!


>>March 23, 2005 at 4:06:26 PM GMT+8

2005 年 3 月 21 日 星期一 【炎熱】


今天off, 11時多cindy 打來叫我起身,
之後約了在長沙灣吃酸辣。
吃到2時, 慢慢行返去haking,
在水機等家瑩放學。
見到隔離A班的同學仔, 就知道michelle 應該都放學啦,
就打給她, 怎料她走了堂, 自己放自己學,
和鬼佬去又一城看戲!!

之後我, cindy&家瑩3個就去旺角行一陣,
好熱, cindy 要即時買件短袖衫。
後來我們在花園街口搭701接駁巴去南昌西鐡站,
then 再搭西鐡返屯門。
3個在西鐡勁瞓, 又跳樓死樣, 條頸勁痛!

返到屯門, 我們3個在市中心行一陣,
買了少少東西, 見到母明的公仔匙扣,
勁得意, special offer, 想買的,
但又不知卦在那裡, 所以最後都沒有買。

之後sammy 打來到了巴士總站在k52 等我們,
我們就過去, 行行下就撞到zoe 行過來。
很久也沒見sammy 啦, 一樣咁好笑!
sammy 說我又變了, 靚左, 呵呵~
zoe 都說原來前幾日學校sing con 返來撞到我都說不認得我!
sammy 說我, 家瑩 & michelle 都變了,
問是不是haking 的水飲到人.....
哈哈~~ 我話其實是我們3個讀同一科讀到靚, 哈哈~~

then 家瑩, zoe, sammy, cindy & 我搭車入龍鼓灘,
去了龍鼓灘燒烤樂園。
我們開始燒不久, 差不多8時, michelle & 鬼佬就入到來!
本來我們見不到她, 是她突然走過來嚇我才知道他們已到。
很久也未試過被人嚇到成個彈起啦!

一邊燒又一邊發癲ss, 今次我和個鬼佬 (terry) 較之前熟絡了點,
傾多了計啦。
terry 未試過這樣bbq, 和外國不同,
他一來到就同隻燒烤乂亂"吉" 食物,
難熟的肉和快熟的丸腸也 "吉" 在一堆。
他不知道要用手套, 就用用來吃熟食的乂來輔助去 "吉" 生肉,
幾咁好笑, 不過我又不敢大笑去笑人啦!
之後michelle 就教他囉。
阿sammy 和zoe 兩個就勁爆笑, 互相叫對方講英文問鬼佬野~
之後我們就作野同terry講話sammy 其實係巴士時已經起勢咁practice英文!
笑到我們死!
之後zoe 又講她上次在巴士遇到個咸濕佬事件,
terry 知道後就講笑地說比著他也會對我們起肘 (我啋!!)....
之後死michelle 就指著sammy 話除了sammy....
sammy 更爆了一句 "impossible!!"
嘩哈哈...真係笑爆咀呀!

後來映相啦, 又映怪相,
好驚嚇的, 勁好笑!
之後我就頭痛了, 後來她們一邊燒一邊看大長今。
燒到11.30 pm, 就走了!
我們行出去等巴士, 等巴士時聞到一陣屁味,
問是不是有人放屁........其實估應該是坑渠味啦!
之後我個頭又勁痛, michelle 給白花油我塗,
家瑩就用手指向我左手的虎口位按穴道,
但她好大力, 按到我人都癲ss, 個人唔知點咁,
勁唔知點呀真係, 之後他們見到我個樣就勁笑我個樣好痴障,
但我那刻真的覺得好痛, 好抽筋咁樣,
他們就勁笑, cindy 猛勁指著我來笑,
但我真係好難形容呀, 痴咖~
後來zoe 又話又有一個方法, 就是在用隻手起勢扯我個頭,
之後sammy 又話不如扯頭髮, 每邊扯10下就不會痛。
哈哈~~ 真是笑到爛咀呀, 其實都是因為扯頭髮痛而不覺頭痛ja ma~

上到巴士後, 我們又勁映恐怖怪相, 激好笑,
我們個個笑到咯咯聲, 成車都聽到呀,
但真的好好笑, 個樣超scary!

後來他們在智樂下車, 叫他們搭x 車 & m車,
我和家瑩在西鐡總站下車。
不久cindy 打來, 原來巴士的尾班車已經開了,
他們沒有車返出去,
那就教他們去搭亡命啦~
唉~ 我也忘記了原來在屯門開出的車是很早沒有車的。

我搭最後一班西鐡, 返到家, 吃了粒克痛, 剛好做創世紀,
再看完tv 就快速沖涼!

好飽, 點瞓呀?!

今天終於叫做約齊了人gathering, 真是好難約呀!

我要做的東西還未做啊!
明天又有野做了, 想快快買快快搞掂呀, 唔想揀,
叫我揀野又頭痛啦~
好煩....聽日又返工, 唔想返工呀, 返返返, 冇時間啦, 返!
諗起就忟, 唔好以為我學校有差不多10日的Easter假放就以為我好得閒先得咖?!
有假放等於沒假放, 大把野堆住我做呀....
好傷心, 仲叫我去做乜做物~~
不過根本佢地就expect 你係會應承會去做咁.......
仲要有要求你要做到點, 最好係乜, 最好係物,
係度同之前的做比較喎! 你自己做囉!
我頂頂頂!!! 係度比壓力人!!
我唔理呀, 總之我覺得呢個對我黎講係一種壓力囉!
諗緊點解之前有時間又唔去做, 係要等埋人先去做,
但弊在而家佢又冇份做喎!


>>March 22, 2005 at 7:25:21 PM GMT+8