2005 年 3 月 7 日 星期一 【微冷】


今日12時多清打來, 我又未瞓醒, 又語無論次啦!
之後再瞓, 瞓到1時起身。

起身吃lunch, 又看季節, 幾好看,
真是n 年前啦, 記得以前細過剛入小學時阿媽就睇,
但我就不知道講什麼, 但就記得叫季節啦, 幾好睇。

下午又喪彈琴啦我, 不過彈完後就自己走去踩單車,
很久也沒有踩過單車啦, 之前又忙又凍.......
今天天氣真是perfect 呀, 感謝神~
自己踩入去天水圍, 今次由洪水橋石(土步) 入去,
終於起好了條路, 好踩好多, 所以好易踩呀, 爽!

去到天水圍, 條單車徑都好多人, 見到些十多歲中學生,
放學唔返屋企在河濱公園食煙, 玩, 攬頭攬頸...
唉~~ 著住校服咖大佬....
個心都替他們傷心, 覺得他們好像不知道自己做什麼!

沿途也見到有人放狗, 勁得意, 好多隻,
更見到有隻曲架bb仔, 個女仔拖著, 好得意呀, 不過好瘦呀!
一見到這些狗就想起屋企個隻衰仔福!!

7時多返到家, 好想游水呀, 天氣快些熱就好啦!

龍龍：你跳桌上舞, 我唔識咖, 我只係識灑卓尚武ja~


>>March 8, 2005 at 12:56:13 PM GMT+8

2005 年 3 月 6 日 星期日 【颳風】


話說講到我靈修完就出門口等余清,
等等下見到流料敏, 但還未見清, 故我怕阻她就叫她先上車。
最後等到9.10分才見到清, 之後才上車~~

我們當然又喪行, 行到癲ss, 返到學校門口見到阿明, 流料敏&connie,
但我們都只是眼見他們在對面馬路, 都跑不到上前。

一返去就上e-logistic, 阿旺又是這麼廢, 我想絕大機會都不會見到他不再廢!
上堂一邊聽一邊上網, 又打下日記, 又返去看下webct 的notes~

之後就去樓上茶餐廳lunch, 和suki, 清, nona一起傾計, 都幾好笑!
then 就返去上cross cultural lecture,
入room 上堂之前和余清講了一件事, 沒有人知的,
而她未聽我講前其實都有懷疑的...之後就入room 上堂。

上堂用心聽, 有些又是和舊年一樣,
好記得有part, 又是講處理conflict 的方法,
又是avoid呀, forcing呀, collaborative係win-win 呀嘛, 舊年假面人成日講, 講到噴晒口水........
舊年記到死, 多到爆, 記來做case study,
但今年雖然也是講這些, 但每個point的content 就好少。
michelle和我說 "又是這些", 我們一起"唉!" 一聲!
想起都煩, 見我今年還記得仲可以寫返出黎就知什麼事啦~
不過今次上這堂都幾好笑, 因為michelle 不停地畫q版公仔,
先是畫阿旺william 個樣, 之後就畫amy, 再之後就畫假面人catherine,
then 再畫elaine.....畫到好似, 一畫完就傳給我們看,
我們就再加他們的代表句上去, 幾好笑。
之後死michelle 就畫阿朱個樣, 朱古力ball, 幾好笑呀,
繼而畫我個樣, 但畫到我個樣好似變態咁, 之後又畫家瑩。

這兩小時都okay 的, 之後就上contem. issue, 補堂~
這兩堂都幾好, 講Enron collapse 的reason,
上次聽這個case 時聽到後半part 就扒在台上瞓左,
完全唔知講乜, 所以今次到做這個question 時,
快速望過, 阿sir 話有13 points,
但我都只是找到8 points.........
放break 時和nona & 朱出學校門口傾計,
本來都不想出, 因為nona 出去吸煙,
但又傾開一樣野, 所以都算啦, 陪她出去。
我們3個就講呀講, 原來她們都有這個感覺, 哈哈,
笑到爆呀!

之後返上去時, 見到個原本上開的課室熄晒燈,
只見到幾個人在那裡, 想幫我們拿bag 走,
原來轉了課室, 因為個projector 有問題, 用不到。
之後就好快上完另外一小時~

放學自己一個人走, 因為好痛, 腰又痛, 肚又少痛, 又喪眼瞓~
在西鐡又喪瞓, 返到家大家一小時後就去教琴,
今天教6.30, 因為個靚妹仔病了, 最後個中學妹妹仔又有事改了時間,
所以今天只是教一個靚仔, 勁爽呀!
好快就返家吃飯, 正呀, 有雞吃!

晚上在部腦看返好多相, 見到自己兩三年前個樣,
真是難頂到爆+驚嚇! 再一直看下去, 好似人地電視瘦身實錄咁,
咁當然不是好似電視般那麼誇張, 但一看都覺有變,
況且現在都是............
一邊看, 一邊見到當中這兩三年其間有瘦返, 有肥返, 又有瘦返........
又看到03年5月22日, yr 1 時, 和她們映的相, 勁好笑,
本來都想忍笑, 但始終都不能呀!
有一張是映cindy 的腳,
她在lecture room 用右腳夾住一支筆, 左腳夾住一支塗改液, (冇錯, 是赤腳)
地下放著一份BE notes 扮寫,
是用腳寫.....這張相記得以前映時都笑到就來嘔的,
想不到今晚再看時都仍然那麼好笑!! 超變態!
就這樣, 又讓阿媽見到我對住部腦傻笑, 又話痴左線囉~

時間就過得這麼快, yr 1時的快樂........就這樣過了,
現在還有半個sem 就畢業.......唉! 歲月不留人呀!
都話我冇乜時間剩咖啦~



>>March 7, 2005 at 3:55:47 PM GMT+8

2005 年 3 月 6 日 星期日 【微冷】


今早我好準時起身, 將出門口時,
余清打來要一起去搭車, 之後就搞到9.00才出門口。

就在屋企hea 時, 我襯著時間靈修,
好感恩, 神向我說話, 我聽到感受到主爸爸是明白我心內的憂傷。

我看詩篇第3篇1~8節~
勁有感受, 好想在星期日崇拜時上台分享下!!

之後見到余清, 和她分享, 那刻都好開心~~
神會為我申冤的, 會撐我的, 因為衪愛我!!!

現在上堂中, 今天的事, to be continue....


>>March 7, 2005 at 2:58:21 AM GMT+8

2005 年 3 月 5 日 星期六 【颳風】


今天我10.30 返到教會,
見到主日學沒有分班, 大大小小的都在hall 中剛看完一套片。
因為基哥說10.30 返去教會練一陣歌,
但最後有去東莞那班的青年人, 最早返是我,
之後就邦 & 宗, 陳姑娘 & 錢哥哥都極奇地忙預備崇拜的事務,
而其他的還未到, 所以.....最後都是沒有練!

之後崇拜, 今天請了江傳道來講道,
他倆夫婦也是和我們一樣是中華傳道會的會友,
不過是佑寧堂的。
覺得江傳道把聲好溫柔, 好好聽,
而且, 他是一個自小就是muslim國家大的人, 所以以前是回教徒,
感恩是他也是一個少有的以前是回教徒現在而成為基督徒的傳道人。
見他現在倆夫婦被呼召將會去最難傳福音的回教國家宣教, 真的好有心!!
求神大大使用啦!

講道完後, 就到我們上台分享上星期去短宣的事,
又唱了兩次在短宣中的 "主題曲"....
雖然唱了好多次, 而我也彈了好多次,
但仍然是好聽, 我覺得最感動的都是歌詞,
我有一邊陣一邊唱咖!!

之後在教會hea一陣, 傾下計,
好快就去元朗吃lunch, 吃上海麵,
個人自己落錯單, 斑馬婷說不是米線是粉絲,
之後個阿姐就換啦;
then 就到我那碗沒有米線, 只有淨雲吞,
就叫個阿姐換, 怎料另一個阿姐好唔老脾,
話斑馬婷那碗不是粉絲咩?
斑馬婷就好大聲話個阿姐 "咪粉絲囉!"
因為個阿姐不知道是我那碗有問題, 還以為仍是斑馬婷那碗有問題,
後來珊珊見到那兩個阿姐話我們 "玩野"~
嘩...我沒事, 唔出聲黑面眼尾都唔再望個阿姐ja ma!

吃到好飽, 好眼瞓呀~
但約了燒燒出觀塘! 我們又好耐沒見啦! ^_^
所以累都出啦~
之後和婷坐西鐡, 她出荃灣, 而我就去觀塘。

去到搭地鐡時, 沒有位坐, 勁累,
累到企係度都瞓得著。
轉車後去到九龍灣才有位坐,
坐幾個站都坐呀, 但我都瞓得著喎!
差點落不切車。

去到和燒燒行倉, 但好像沒有東西買般,
只在屈臣氏outlet 買了一支cream,
想買對陶瓷公仔的, 但總有一隻是有點污衊,
而燒燒就買了兩對再買兩張沙灘椅, 好變態,
就這樣好多野拿啦。

在觀塘好快就行完, 又累,
之後我們兩個就說不如去將軍奧,
就搭地鐡啦,
但我們又傻仔啦, 搭到去油塘就下車,
因為我們太累傻左呀, 落錯車,
還搭錯車過了海, 去了Quarry bay 呀!
但在油塘去quarry bay 真的好快呀, 幾goodss 喎!
去到quarry bay, 我們兩個在月台上在傾究竟我們返將軍奧還是在quarry bay 出閘行街呢?
但quarry bay 除了康山乞衣島 & 太古城外, 都沒有好行!!
之後就決定搭返對面月台去將軍奧。
其實我們是想去上次去過的東薈城, 在坑口站的,
但我們又再一次傻仔, 真的正正在將軍奧站下車,
而且還出站, 之後愈行愈覺得有問題,
燒燒話為何會和上之行的不同?!
之後才醒悟!
那我就打給jenny 問, 她說要行好遠, 而且我們又不識路,
所以我們最後都去將軍奧廣場。

但我們因為好累, 去將軍奧廣場的美心吃tea,
一坐就坐了大約1.5小時, 之後就因為累就走了。
幾勁呀~ 我們兩個傻仔山長水遠+幾經波折去到將軍奧就只是吃美心,
型到爆呀!

之後又捱地鐡返太子轉車再搭西鐡。
我和燒都覺得觀塘那邊好黑人憎, 又遠又僻,
去到將軍奧更覺有天水圍feel~
oh no 啦真是~~~~~~~~

好累, 燒燒說好想去吃buffet, 但又不知道去那裡吃,
但我就不想再吃啦, 飽飽地+累到死!

在西鐡上我又喪瞓~~


>>March 6, 2005 at 4:27:38 PM GMT+8

2005 年 3 月 4 日 星期五 【乍雨乍晴】


星期六, 又一早起身,
10時去天水圍教琴, 教了2個學生就累了。
下午返教會教映彤, 她2個星期一點也沒有練過,
忟到爆, 勁話她, 話她如果不再練琴就不要學,
完堂時她還坐在琴前, 動也不動, 嚇到她死。

之後返家吃lunch, 吃完東西就上一陣網,
不久和個朋友傾電話, 怎會這樣的,
原來有些人講野會加插自己所想像出來的句子來周圍和人講,
使到其他人聽到就會覺得當時人是真的有講過這些話,
意即 "係度作野!" 當時人都 "冇講過同埋冇聽過!"
但知道真相後, 他們又會好奇怪般不想去相信這個事實,
寧願去相信那個 "被作的句子" 是真的......so suck!
可能這樣, 他們會覺得這個故事更加動聽吧,
而且他們又講得快樂, 聽的也感到興奮! :(
唉~ 聽到有點嬲, 但又覺得不是別人的錯,
可能他們沒有話題, 總覺得這個話題令到他們講得開心而周圍講吧!
他們的行為我也無法去控制, 但由它吧,
況且他們都不知道其實我已經......(因為沒有和人說過, 除了一位姊妹)
所以他們會以為我沒有, 就覺得這個故事會有更多的發展吧!
anyway, 作為朋友的, 好多謝他向我說出真相~
不過聽到這個故事, 我聽到驚, 真的好驚, 個心勁跳,
之後就覺得好凍, 凍到個人在震, 不是講笑, 真的在震,
後來要勁飲熱水, 直到出門口去到輕鐡站才不覺得凍!

下午繼續喪教, 好煩!
晚上再去家瑩屋企教, 累到人都痴!

之後返家快速吃飯, 沒有時間, 好趕呀,
因為今晚返教會團契!
勁好玩呀, 阿邦帶, 我們在空地放滿圓櫈, 台仔 & 2塊白版,
之後就要一個人用毛巾遮著雙眼,
我們其他的就分了有些是好人, 有些是壞人,
做好人的就要向著"盲人"勁講帶路,
壞人的就擾亂這個 "盲人"。
好好玩呀, 勁好笑, 我們勁嘈,
姬姐第一個做"盲人",
要聽我們邊個好邊個壞來去經過這些障礙物由起點去到終點。
之後就輪流做 "盲人", 但我們愈玩愈癲ss,
愈後來做 "盲人" 的, 其他的人所設計的障礙物愈變態,
我們有把櫈壘到好高, 萬一個 "盲人" 一聽錯當中壞人的 "跣" 人指示就好玩,
又把白版和台欄住出口, 得好細小的路讓 "盲人" 過。
到宗做 "盲人"時, 我們把他困在一塊白版&櫈之中,
又勁叫他蹲低, 最好笑還要他雙手放在頭上才過到,
因為會撞親頭, 但好明確這些都是我們壞人的指示,
襯他還未過完塊白版就叫他起身, 想他撞到, 哈哈, 幾好笑呀!
之後有一round 是蘭子做 "盲人",
我們全都是壞人, 得周偉雄一個是好人,
等蘭子好難聽得出誰說的是真話, 讓她去到終點。
阿邦最後才做 "盲人", 所以我們所放的障礙物就愈變態,
初頭沒有什麼阻礙, 但到終點時就放了勁多櫈, 還把2塊白版夾得好埋,
之後在白版後面再放張台, 這張台還要壘高了的;
後來阿邦聽我們指示行, 行到中段就我們就不出聲,
他們更在中段玩傳ball, 阿邦就站在中間好無奈, 幾咁好笑!
之後帶他去到差不多終點時, 我們要他蹲下&雙手放頭,
又叫他無啦啦跳起, 但其實是沒有東西的, 講到好似有野阻住他要他跳起,
最好笑是我們要他蹲完過完一塊白版, 又要他再返轉頭再蹲過行返入去,
之後又再叫他爬住行出來才到終點, 笑到爆炸。
其實最開心就是做壞人, 因為在欣欣做 "盲人" 時,
我指她行, 有2次她都撞到東西, 因為她信我講,
幾咁變態! 笑到死, 勁比人話我邪惡!
到最後估時, 欣欣都以為我是好人幫她的, 哈哈~~

at last, 我們返去hall 分享剛才玩的games,
又分享經文,
哥林多前書10章12~13節,
"所以, 自己以為站得穩的, 須要謹慎, 免得跌倒。
你們所遇見的試探, 無非是人所能受的。
神是信實的, 必不叫你們受試探過於所能受的。
在受試探的時候, 總要給你們開一條出路,
叫你們能忍受得住。"

在玩時真的有好多誘惑, 試探, 不知道那條路是正確的去到終點,
但總會有聲音叫我們行得正確, 會幫我們去行過,
這就好比神時常在我們身邊帶領著。
不過神有時會容許試探發生在我們身上,
因為當中神要鍛鍊我們, 要我們成長,
要我們在當中學習倚靠衪, 但我們受的試探,
就好像經文說 "必不叫你們受試探過於所能受的"
神不會讓一些我們受不到的試探發生在我們身上,
但試探時, 總會給我們一條出路去行。

今晚的團契幾好, 講到10.30 才完, 之後好快地就走,
行返出村時勁凍, 但一出到輕鐡站後又沒有那麼凍。

雖則對前路迷網, 但我都交了好多給神去處理,
但始終都還有一點點憂心, 所以都要努力禱告,
沒錯, 不是要神照著自己的意思去行,
雖然希望, 但都要順服神的旨意, 要記著先,
因為神會開一條路, 比最好的我去行,
人眼中以為這樣好, 其實在神眼中還有更好, 更會超乎你所想所求!
今晚感恩, 又有得著, goodsss~


>>March 5, 2005 at 5:39:21 PM GMT+8

2005 年 3 月 4 日 星期五 【乍雨乍晴】


點會咁咖?!

to be continue...

>>March 5, 2005 at 10:10:34 AM GMT+8

2005 年 3 月 3 日 星期四 【乍雨乍晴】


今天一早約了余清一起返學, 就出門口時阿明打來,
驚死我們兩個好似前日般遲大到, 那到時累人就唔好啦,
thx!

今天去參觀Hactle (超級一號貨運站), 坐旅遊巴直去chek lap kok,
在旅遊巴上勁和余清傾計, 傾到停唔到咀...
大家都是基督徒真是好, 有好多分享,
有問題對方都會用神的角度去要我想, 感恩!

首先去到office, 見到出面勁多飛機,
原來平時搭飛機的機場眼看都只是一點咁細小, 真係 "一隻手指就摔死你"。
之後我們聽了大約15分鐘的video簡介,
then 那裡的人就帶我們由3樓開始往下參觀。
原來hk 真是好勁咖, 全世界第二大, usa 第一,
覺得自己都好難得有得去到禁區。

我們帶著禁區證入去, 見到那裡都不算忙, 都不是太多貨,
因為那時不是繁忙時間, 原來如果是繁忙時間,
會勁多貨不停地move。
見到3樓上面的一個好似壽司運作模式的, 俗稱 "黑洞",
原來那裡不需要人去控制, 全由電腦自己去move,
那刻我有個奇想, 如果我坐在那個box, 由得個 "壽司機" 起勢咁運我,
快速地在那幾層樓高的 "黑洞" fi 一聲入box, 唔知會唔會好似fedx 廣告般掉左我出街呢?
哈~~ 不過當時我沒有笑出聲。

之後raymond sir 要求那裡的人讓我們可否去凍房參觀,
嘩...幾goodsss 呀,
我們個個好似小朋友般臨時有新野玩就有莫明的興奮!

我們要踩過幾重貨物運輸器才去到凍房,
他們說我們一定要小心地過, 因為當我們不小心踩中其中一個轆,
就會當我們是貨物move 我們走,
所以都幾搞笑!

去到凍房後, 一開個大門, 原來得1.8 度,
入到去都okay 的, 但就開始慢慢, 慢慢地凍,
之後就feel 到自己對腳冰.....好在不是急凍, 如果是就好好笑 (諗下個情境)
再行入少少, 得 -18度, feel 到自己塊面冰左。
之後有映下相, 好似去了哈爾濱feel,
不過那裡始終不是貨倉, 只是運送貨物的地方,
所以都沒有什麼貨在那裡,
不過我都有映到相。
嘩~~ 如果夏天入去, 一定型爆, 參觀參到病左唔知有冇得claim $?!

之後就落去到底層, 是貨車, 飛機, 也是最dirty的地方,
但又不是真的好dirty jei~
then 我們又行入去屬於海關地方, 也是做清關的地方,
見到幾個阿sir, madam 好似好閒般站著看我們...
但看似他們好似好閒, 但如果在繁忙時間, 一定忙到爆炸,
那刻我又幻想那裡有一大堆貨積住等清關,
d 阿sir, madam就起勢check 貨check 到喪o既樣, 幾咁好笑!

之後就完了, 返返office, 映幾張大合照就坐返車返學校。
那裡都幾好看呀, 參觀都大約參了2個多小時, 知道好多東西,
也知道原來Hactle 免費幫商家把貨在hk做好所有清關, 再直接送上大陸,
少了好幾層手續......
好記得他們的一句 "快, 靚, 正"。
開心有機會去到, 確實有得著, 感謝神!

之後我們又餓爆左啦, 我和余清早餐都沒有吃,
一直餓到2點幾才吃lunch~
在回程車時我們傾去那裡lunch,
又和前面jenny & yan 講笑......
傾傾下, 決定去旺角韓燒。

7個人去韓燒, 7隻喪食猛獸就這樣開始大戰!!
最後吃到4時才走~
其實我開始有點眼訓, 差不多走時我發現自己又有串咀行為出現,
窒完呢個窒個個, 好似好不滿咁!
不過又確實有點不滿喎, 成日就聽到一個人話另一個人,
覺得被話的一個好慘, 雖則話就話佢唔係一個易嬲的人,
但人都自尊的....
有時大家都會有笑, 我也有, 但笑完就算, 唔好不停咁話啦,
仲要講埋一d 三級野, suck!
真係好不滿, 自己又唔係好喎, 做乜要係咁話人jei....
不過我都係講下自己感受, 又或者被話的人又真是覺得沒有所謂!
一來我都有為被話的一個唔抵, 二來又不滿為何一些人要時常這樣講這些。

之後就心帶少少不滿地走, 和余清 & jenny由旺角行去尖沙咀,
要消化呀~ 我們3個行到好似差人行bit 咁咁慢,
又累喎~ 之後行去hankow road 間esprit, 因為搬左,
之後就勁累地去了映sticker相, 第一次映得好靜, 好正經~
then 就和余清搭地鐡走, 爆多人....

去到美孚換免費飛, 排長龍, 第一次見客務中心排到打了2個圈,
那時都大約7時, 之後和阿清行去盈輝臺的parkn'shop 買野,
then 落去找阿洲, 八下佢做成點, um...我覺得有少少呃人成份!
不過點都好, 要看他自己認為適合or not 囉~
之後請他吃了個蛋"韃" 就和阿清搭西鐡了!

在西鐡2個喪瞓, 我瞓到唔想落車!!


>>March 4, 2005 at 2:33:40 PM GMT+8

2005 年 3 月 2 日 星期三 【颳風】


今朝幾好野呀, 話約了余清9點搭11在西鐡等,
但我落到去西鐡, 不見余清, 就打給她, 原來她聽錯了我說 "搭1", 即10點1。
之後我們10.15分才上車, 遲到囉!

返去上cross cultrue lecture, 好像幾充實。
到差不多下堂時, 死elaine 要我們全班分6組for 日後project,
但最後elaine 說我們分了8組出來, why?!
因為班入面有2個 "勁人" 說要自己一個人一組, 幾型呀!

2小時cross culture 後就直落再2小時contem. issues,
嘩...早餐我一向都沒有吃啦, 但lunch 時間還要上堂,
餓爆, 之後就落canteen 買個salad tuna fish sandwich,
上contem. 時食, goodssss~
raymond sir 講3月有幾日有part-time "益" 我們,
就是在burberry 公司做stock-taking!
那刻聽到後幾好笑呀, 笑乜呢?!
就是阿sir 一講 "有份p/t 係burberry 公司的...."
有些同學就即時話 "做呀! 做呀!! burberry 喎!"
我聽到後覺得好可笑呀,
阿sir 都未講清楚是做什麼, 未講wages 幾多, 就話做呀做呀,
咪即是做點貨點倉, 有班同學仔真是....我當時又傻笑囉!
後來知道清楚後, 我也有寫名, 希望有得"撈"下, 呵呵~~
之後講case study, 阿sir 講到後半part 我也頂不住扒在台上睡。

落堂後上了樓上茶餐廳吃tea (lunch),
之後返去上eng, 唉~ 又是補堂, miss 好煩啦又!!
每次上親eng 都覺得好煩!
死agnes 勁說今天要教快點, 因為放學後她要做評判, 唉~ singing contest 嘛!
好煩好累!! 唔知呀, 好煩呀佢真係!

5.30放學, 清&洲陪我去旺角買褲, 勁搵, 周圍搵,
那刻我個人勁忟, 覺得好煩~
行行下發現有2個miss call, 一個明一個joseph,
打返比阿明, 原來他們說在美孚站等我,
嘩~~ 聽到後覺得佢地好型呀, 唔比我放學唔得閒唔返屋企咖?
佢地好醒呀! 況且我們又沒有約定話要一齊走......
後來話返比阿清知, 阿清話點解佢地唔打比佢話等佢, 只係話等我一個,
我都唔知點解喎!
阿洲聽到後就話一定唔係阿明提意話等埋我囉!
不過我同阿清都同意阿洲講唔係阿明的suggestion,
因為我地都知道佢地2個份人的性格.......
況且, 我呢期都唔想同joseph搭車走, 因為我想訓覺, 我想一個人諗下一d 野!
唉~~ 點解一個拿distinction 的人會咁醒咖?

then 就繼續搵褲買, 唔係我唔想求其買,
係有d 太貴唔抵, 有d 抵得黎又冇size, 有d 又驚話核突....
之後終於在女人街是但買了2條, 一條我, 一條斑馬婷。

then 就去油麻地等埋斑馬婷, 就行去青年歸主協會學hip hop jazz,
初頭個人呆滯, 但跳跳下又幾好玩, 之後就開始精神...
不過好快, 我都跟得到的, 但總覺得自己跳得怪怪,
可能這裡不夠鏡子吧, 看不到自己跳成點!

之後就走, 在附近吃我的dinner, 又餓爆囉!
和斑馬婷傾計, 有為到一點事可惜, 有為神傷心, 所以我要為別人祈禱。
之後我們行返落去旺角街市等接駁巴士去南昌, 再搭西鐡返家!


>>March 3, 2005 at 6:31:31 PM GMT+8

2005 年 2 月 28 日 星期一 【乍雨乍晴】


不太記得今日做什麼啦,
只知道自己又訓到好晏先起身。
之後又彈下琴, 癲癲地!
夜晚睇電視做創世紀時無啦啦望下隻福頭件衫,
我問媽咪邊個買呢件咁o既衫比福頭, 咁好笑o既?
因為福頭件衫背脊個度有個牌仔係印住隻假snoopy,
我猛係度笑, 之後媽咪話 "咪就係你買囉, 你話係花園街買呀嘛舊年!"
嘩...幾好笑呀, 原來我自己買完都唔記得左呀, 仲係度笑。
之後我就起勢笑阿福頭件衫入面個隻假snoopy 啦,
因為真係好假咖, snoopy 個口係紅色一pad,
我話係蕃茄口, 之後又笑, 笑到就來死,
阿爸見到我笑成咁, 就起勢猛咁講隻snoopy 假, 愈講愈好笑,
想我再笑多d, 幾變態呀, 個肚笑到抽住左!
阿媽就話我又係度痴!

夜晚就係咁笑, 笑到人都癲就過左啦。


>>March 2, 2005 at 9:15:24 AM GMT+8

2005 年 2 月 27 日 星期日 【颳風】


今日又不想起身, 天氣涼返。
余清又不知醒, 得我一個人返去,
去到學校地鐡站撞到jenny, 和她一起行返學校。
返到去又是上e-logistic 的廢柴堂, 但我都有聽書,
一邊聽一邊上網囉~

lunch 時去了酸辣, 之後返去上cross culture lecture,
miss 又好煩, notes 的又講得不太多, 廢話就多羅羅!
但上堂時我就一邊聽書一邊作我的supplementary letter,
我個腦好辛苦, 轉不到, michelle 就幫手作一些, 感謝呀!
後來和michelle 傾開, 她突然給我她手上的介子我看,
原來定婚介子, 我即時覺得好笑 & 驚訝, 心想: 咁快?!
她年尾會結婚啦, 嫁去美國, 真的和那個鬼佬結婚!
我叫她想清楚, 但michelle 這個癲人, 我都會信她會做得出這些事來~~

之後一小時break, 和阿洲去了city 交form,
勁多人, 排恆生都爆晒人, 之後就交form,
打給dan dan, 她上堂, 要test, 又見不到面了。
後來遲了15分鐘返回學校上cross culture 的tutorial,
唉~ 補課喎, 返到去, 看case study,
看完後, 再等她講解都等唔切啦, 上了一小時我就走了,
因為今天教5.30 琴呀~
出到課室後就想我返來都是廢的, 好似什麼也沒有講過~

走時在西鐡又訓死左, 勁想成個人霸曬成張櫈來訓唔想落車。

之後就努力教琴啦, 好似好耐冇返過工咁!

==============================================================

講返星期六, 日!

星期六和星期日上了東莞短宣。

星期六一早11時在上水等齊弟兄姊妹後就在大快活吃lunch,
我們一邊吃一邊傾到時和工人玩的games & 程序~
之後我們就在上水火車站join 陶長老,
then 就上火車去羅湖, 羅湖過關都okay 多人。

我就大家就努力過關啦, 行呀行, 陶長老講明去到過了羅湖關口就在左邊等,
之後奇事就發生啦, 我們大家都到齊過了羅湖關口在左邊等,
琛圳那邊的催弟兄也到了, 但我們等也等不到陳姑娘,
等了十多分鐘也不見陳姑娘出關, 以為她被關口人捉住呀~
之後我打給她, 但她熄了電話,
基爸爸 & 宗宗就醒啦, 行去琛圳火車站找陳姑娘,
估她應該行了過去。
陶長老說過關時見到陳姑娘是行得快過他的,
所以說她應該一早就過了關。
後來基爸爸 & 宗宗果然在琛圳火車站找得返陳姑娘呀!

由於那天陳姑娘著了件紅色大褸, 我們班年青人就稱她為 "紅鷹"!
嘩哈哈, 勁好笑呀!
之後我們就勁說, 我們要保護紅鷹, 不容她再次走失,
我們就組成了 "保護紅鷹組", 勁好笑呀!
前後夾住紅鷹, 而我們亦有代號咖,
我叫 "雙魚豬", 婷婷叫 "金牛狗", 邦邦叫 "山羊狗",
珊珊叫 "巨蟹鼠", 宗宗叫 "山羊鼠"....
我們用walkie 講 "雙魚豬 calling"......

之後我們就在琛圳搭火車上東莞常平,
原來今次只得我們佳音堂主要上去, 不像上次那麼多人,
怪不得其他堂的人說不知道有這次短宣啦。
我們8個人, 再加陶長老 & 琛圳的催弟兄,
雖然人少少, 但沿途心情都是happy 的。

上到東莞火車站後, 就等酒店車,
又是上次那間5星酒店, goods~
上到酒店後放下東西, 很快就再坐酒店車出發去工廠。

去到工廠後, 我們就在禮堂和那裡負責工廠福音的負責人傾 & 介紹,
都是上次的人~
之後我們就在房仔內練下詩歌, 我就彈啦,
then 有一部份基督徒工友也入來, 一起唱詩練歌,
愈來愈人入來, 大約廿人啦, 之後彈彈下, 我feel 到董彬也坐在我後面呀,
聽到他唱歌好大聲呀! 哈哈!
(董彬咪就係上次彈琴彈得好勁個個囉, 我地叫佢做李雲迪呀!)
宗宗見到後, 細細聲話給我知, 叫我快d 去擁抱人喎, 傻傻地呀,
好在人地不太懂得廣東話, 那他聽到我就死得啦!

後來我們就和班基督徒工友一起傾星期日查經的內容&問題...
在傾的其間, 邦邦在我隔離中眼訓呀,
他完全聽不到懂普通話, 我見到他的眼睛完全沒有焦點咖,
個樣勁好笑, 我望著他來細細聲笑, 他才懂得醒呀!
廢事啦, 人地見到佢係度中眼訓, 好肉酸咖嘛!!

之後我們在出面hea 呀hea~
見到上次演 "馬利亞" 和她的朋友,
和她們傾了幾句, 她們記得我們啦。
之後和珊珊傾下計, 轉頭就不見婷婷啦!
那時我都知阿斑馬婷去了找董彬咖啦~
所以我也走入間房仔, 因為只有房仔有琴,
而董彬就只有在有琴的地方!!
哈~~ 果然給我猜中, 他們真的在那裡,
一入到去, 就見到董彬在彈琴, 斑馬婷就站在側邊。
後來我叫董彬彈隻 "耶穌愛你", 因為好好聽呀,
但想彈之際, 李姐就要我們去飯堂吃飯啦, 那時5時許,
呀~~ 又5時許就吃飯啦!!
之後董彬就說不如彈一遍, 彈完一遍就去吃飯,
哈哈~~ 他一邊彈一邊唱呀! 勁好聽!
之後問他記不記得我, 他說記得呀, "上次跳舞那個麻!" 哈哈~
好在我來ja, 如果唔係, 他就收檔去食飯咖啦,
見我係度就待登再彈多次唱多次我聽, 呵呵~
好在入一入去jei, 如果唔係比斑馬婷抽晒水!! 哈哈..愈諗愈好笑呀!

"這世界有個千年不變道理，那就是耶穌愛你．
在世上沒有任何的逼迫患難，能使我們與神的愛隔絕．
你是否願意同為神的兒女，一生讓耶穌愛你？
在世上沒有任何的困苦愁煩，能使我們與神的愛隔絕． "

勁好聽呀!
聽完後, 我們就去吃飯了,
一樣啦, 我們也是和工友一樣, 吃 "大獲飯",
排隊自己 "畢" 飯, 之後就有人分 "食送",
有一樣幾好吃的, 我們以為是瓜, 不知名的瓜,
就走去問工人這是什麼瓜, 她們說是筍來的,
勁好吃呀~~ 和工人一邊吃飯一邊傾計啦, goods~~
坐我隔離的那個女工友個樣勁後生, 幾靚又斯文,
她叫我猜她多少歲, 我估20啦, 之後她笑, 原來27啦,
嘩嘩聲呀~~ 我都想個樣咁後生呀~
之後有2個工友遲來吃飯, 見她手上有樽腐乳,
見她們撈飯來吃, 我和婷都想吃,
之後她們叫我們試食, 幾好吃呀, 辣的呀~
原來她們自己做的, 習慣每餐都撈來吃!

吃飯後, 有少少時間得閒, 就和工友打ping pong ball 和桌球,
打桌球先好笑, 完全不懂, 催弟兄教我開ball,
good 呀, 他說我出杆好呀, 但始終都是不懂玩, 總是沒有力把ball 打出去,
時常都好細力, 所以好難入。
和基爸爸, 我們班年青人, 個個輪流打,
基爸爸個姿態先型, 隻腳呀, 好似一隻鳳爪, 幾好笑呀~
哈~~ 不知何解我們時常用鳥類來形容大家~
基爸爸因為打得太勁, 我們稱他為 "白頭教父", 型到爆呀!
後來到我打, 打極都不是直線, 歪咖, 他們打個白ball 放完再放,
放到最好的位置才給我打, 幾經辛苦才有一個入球呀!
哈哈~~
(發覺班工友每日都是吃完飯就有這些娛樂打ball, 覺得太過閒, 比我這種生活就不習慣了)

晚上, 我們就和工友圍在一起唱詩, 珊&婷帶唱詩, 我又彈啦,
唱了幾首, 有好多她們都未唱過的。
我們帶了有一首叫 "在乎你"上去, 她們勁鐘意呀~
唱完又唱, 唱完又唱, 因為真的幾好聽的~

之後就和她們玩遊戲, 好變態咖, 癲狂地玩。
其實起初分了組玩, 我帶第9組, 她們都較被動,
勁叫她們找個代表出去玩 "世界之最" 都好辛苦呀~
之後就好好多啦, 和她們都開始熟,
到最後2個games 時, 就開始癲, 玩 "一元五角" 時,
她們更要我解釋怎樣玩, 因為好多games 她們都未玩過!!
我就辛苦啦, 用國語解釋, 勁慢又核突呀,
後來她們都明, 之後就玩得瘋癲啦!!
最後就玩 "瘋狂踩爆ball", 好癲呀, 勁比人追住踩個ball 呀, 最後都爆!

完了games 後, 就分組分享,
其實我完全估不到自己一個人要帶組分享的,
因為沒有準備要講什麼,
好在只是和工友傾下計, 但要講國語...呀~~
但感謝主, 我講的她們都明白,
又簡單講下見證, 原來自己組有4個工友都是基督徒,
和自己組的工友唱下詩, 她們勁鐘意 "在乎你",
要我教她們唱, 我們組帶頭唱詩, 之後其他組也跟著一起唱詩,
哈哈~~ 其實我不知要講些什麼, 所以唱詩囉!!
後來又傾下計, 有個男工友, 他說讀書時未聽過耶穌這個名,
到來了這裡做事才聽過, 他又講在電視常常看到的菩薩呀, 佛呀...
聽落其實他是有興趣想知更多關於耶穌的。
之後我和其中一個基督徒工友講解給他聽,
講完後, 個工友就問他信不信.....有好幾次啦, 耐不耐她又問他信不信,
但個男仔就說想想, 要慢慢來啊!

之後大家分享好後, 李姐就帶我和工友禱告, 就完了。

晚上返酒店, 由於太早吃飯和晚上的瘋狂運動後,
我們在酒店酒樓飲夜茶吃點心, 我們一邊吃一邊briefing。
之後去了紅鷹間房聚會, 大約20分鐘啦,
就返房沖涼, 再看多陣電視, 1時多就睡了, 勁累呀!

=================================================================

星期日朝早, 8時許才起床, 電話鬧鐘響都不想起身,
斑馬婷 & 珊珊都繼續睡!!
到最後都起身, 好辛苦,
9時落到餐廳吃自助早餐,
之後就坐車出去工廠,
一早又聚集一班工友, 其實都okay 多, 但都有一部分去了教會,
所以都有些不在工廠。
我們在禮堂又唱詩, 祈禱, 她們又勁唱 "在乎你",
哈~~ "在乎你" 這首歌今年又成為短宣的主題曲了!

後來就去飯堂分組查經, 我和阿邦和工友一組,
工友以為是我們帶查經呀, 其實是她們當中有組長帶的麻,
但她們以為我們帶, 沒有準備, 那我和邦更加啦~
之後就快速看組長份題目, 再一起讀那幾段經文,
都知是講什麼, 但用國語真的有點困難, 聽就沒有問題啦, 但講.......
她們見我們努力地說, 大家都有分享, 感謝主!
後來李姐走過來幫手帶了一陣, 幾good 呀, 即時鬆一鬆,
感謝主呀~~

後來因為要好快吃午飯, 所以都好快完。
吃飯時都吃不下啦, 因為早餐吃飽, 錢哥哥更竟然奇蹟地沒有吃呀~
我們就唯有勁飲湯, 蕃茄湯, 幾好飲!!

之後就返去hall 和她們玩games,
又再瘋癲過, 有禮物就會好投入咖啦,
我就映下movie, 映下相, 幾好笑呀!

玩完後, 就大家傾下計, 珊珊玩變一蚊魔術,
她們勁鐘意魔術, 走晒過來, 記得上次來龍龍表演魔術她們都好興奮!
後來我又變, 我也變到, 但她們就試變都變不到!!

之後我們就映了大合照, 工友勁friend 般, 映時搭著我膊頭,
我心想, 如果在hk, 很少會只有識兩日的人會這樣對你!
幾開心的, 映了幾張, 之後不久就走了! 因為要趕火車。

2時許出到常平火車站, 去程沒有劃位的,
阿邦就時常講是不是在窗口上落的火車~~
回程火車沒有位坐, 好累呀站到, 不過大約半小時就返到琛圳。
返到琛圳後, 我們在羅湖商業城行了一陣就走了, 頂唔順呀累到~

返到hk, 在巴士上勁訓, 返到家又勁訓!

感謝神給我們又再一次有機會去短宣,
當中雖然只有我們的堂去負責所有programme,
好驚以為會做不來, 但原來都okay 做得來的,
而且工友們都好開心。
雖然好似玩多, 但其實唱詩當中都把福音帶出來,
況且她們都好喜歡唱歌。
在分享時都感謝主帶領我自己一個去帶一組,
過程中好驚自己會沒有人明我說什麼, 又怕她們悶, 不知自己要說些什麼,
但好開心最後都和她們傾到計, 而且也明白我說的。
總之一切都感謝神!!


>>February 28, 2005 at 5:19:07 PM GMT+8