2005 年 2 月 4 日 星期五 【颳風】


星期5返學, 好像不太記得做過些什麼了,
之後好似去了荃灣....唔記得啦 (失失地憶)
返到家勁睡, 睡到9時許看甜酸爺爺, 再叮返d 野食,
再看大長今, 晚上再看烈火雄心。

到今朝又早起身教琴, 好累啦又 (個個星期都係咁講, 應該話日日都好累!)
12.30 返教會教映彤, 激到我即時大叫救命,
我諗出面清潔個阿姐, 芳姨, 同一個在做野的弟兄都聽到我大叫!
好在陳姑娘未返到jei~
真是攞你命!
之後就返家吃lunch, then 就再去chelsea 教,
又人都癲, 梁晧先生又話唔聽了, 我黑晒口面, 比面色佢睇啦咩事呀!
已經不想再出聲了, 真的太累, 散晒啦, 我因此氣絕身亡就唔抵喇~
晚上過家瑩屋企教家齡, 走時在輕鐡站撞到流料敏,
完全喪屍精華被她&她的媽媽看到, 樣衰到爆炸!

唉~ 發覺這期電視做一些風水呀, 奇幻潮呀咁,
完全是撒旦的節目, 做埋呢d 係度迷惑人心!!
風水講到自己好得咁, 有晚見無線做風水,
見到就勁唔鐘意, 我就按過去亞視,
怎料亞視在訪問蘇民峰, 個死人蘇文峰又開到聲話自己好有料咁,
比朱慧珊又讚佢個人好潮, 話唔同一般風水師個look 咁,
聽到就想嘔, 潮佢個頭, 潮濕就有佢份!
把頭髮又長又lap, 核突!
奇幻潮又鬼鬼怪怪....
勁唔鐘意呢d 節目, 迷惑人心的撒旦節目...
神在聖經上所說的真係o岩呀,
在這未世的世代, 真係有好多呢d 咁o既野出現~

明天我要準時返教會呀, 因為要彈琴呀, 要記得知醒至得喇!!!

um...上次fashion week d $ 幾時出呢?! 我又比人吹喇!
總共8千幾9千蚊, 我點出住比你地先呀?! hey, 想我乾塘咩!


>>February 5, 2005 at 3:10:21 PM GMT+8

2005 年 2 月 3 日 星期四 【颳風】


幾日沒有上網, 因為上不到。

星期2和阿洲去了旺角配眼鏡,
但揀來揀去揀了很久, 連續幾間樓上鋪, 都揀不到,
最後阿洲揀了一副戴了個樣會 "升價十倍" 的眼鏡,
不過都幾貴, 後來放棄!
之後就行街, 買衫,
晚上我們去了廟街吃飯, 好多人,
和對面一個鬼佬&香港女仔搭台,
4個人一張細台, 好迫~
一見到對面個鬼佬&香港女仔, 就即時想起michelle&她的鬼佬bf, 好想即時笑!
我們2個傻人都叫了5樣野, 張台放唔落, 因為對面人地又有野係度,
初頭都怕食唔晒, 但後來竟然吃得晒, 勁!!
又黎啦, 又一邊食一邊笑到爆炸, 對面台個鬼佬都眼望望呀!
之後在廟街行, 一邊行一邊笑,
在那裡見到有檔女人賣毛毛拖鞋, 我們就走去揀,
怎料, 個女人呀, 佢問我係咪阿洲個家姐呀, 又話有d 似,
我聽到啞左呀, 係咁望住個女人,
阿洲即刻話我地係同年咖,
個下真係好似阿明成日咁話 "hurt 到爆!" 呀~
之後我問個女人, 係我個樣老定係阿洲個樣細呀?!
佢先笑笑口話, 差唔多啦!
唉~ 怪不得佢度度賣廿幾三十蚊, 佢賣十五蚊啦, 因為呢個女人講野唔得呀!
真係 hurt 到爆呀!!
後來行出去油麻地, 我講了一件當時都笑到我爆咀o既事比阿洲知,
他聽到後即時在街上大笑, 笑到激大聲, 抽筋仔咁,
等過馬路時他蹲了在地上笑,
被對面的一班人望著我們, 真係 "lor" 到爆!!

星期3和阿洲去了沙田文化博物館看紅白籃展,
本來阿明都話來, 但最後他被阿爸要他整屋頂而沒有來~
好在我們在星期3去, 因為估不到會咁少野睇囉,
係就係好睇呀, 但少呀嘛, 咁比$ 去睇就唔抵啦, 雖然我地係5蚊!
在那裡映下相, 之後在新城市映相,
之後我們搭巴士落了荃灣行街,
在荃豐撞到李碧, 我們的對話如下: (註: 我地2個一邊問一邊不停咁揮手say gd bye咁樣)
我: "放學呀?"
李: "去邊呀?"
我: "放學呀?"
李: "去邊呀?"
我: "放學呀?"
李: "去邊呀?"
我: "放學呀?"
李: "去邊呀?"......(記住, 我地2個係企係度隻手係不停咁揮的)
無錯, 我們就這樣的對話重複了大約4, 5次,
最後, 點都要有人踏出第一步去答先咖啦,
之後我就回答: "係呀, 今日day off, 去行街呀~"
李碧才答我她放學去返工。

之後和阿洲去了南豐10樓看看去配眼鏡,
勁多人, 我們2個都揀了很久,
之後我就揀了個紅紅地的膠框, 都okay 的,
希望配完出來不會好似上次那副成個lesbian 咁啦,
到時咁就真係hurt 爆啦! (又hurt 爆?! 係呀, 學左阿明嘛)
之後阿洲都是揀不到, 仍然好卦住戴左個樣會"升價十倍" 的眼鏡!

今天返10.30學, 這個sem 最遲返的一個時間,
和阿清去到美孚, 收到阿明個電話問去那個room 上堂,
我就以為他已經返到學校, 覺得他好勁啦,
點知, 他說仍然在元朗, 嘩...10.30 我和清在美孚都遲啦,
原來有人更離譜在元朗囉, 10.10才起身, 哈哈~~
連上2小時cross culture tutorial,
又笑啦, 因為這個miss講野都幾多廢話,
我和洲在discuss 時又勁笑,
又笑miss, miss 又以為自己講野好好笑咁,
其實我地笑緊佢講野點解可以咁廢ja,
搞到成班只係聽到我地2個笑聲, 好 "lor"~
本來下午有2堂contem. issue, 但kwok sir 病了,
所以今天就可以12.30 就走了,
我們想去麻辣, 但見到好多中學生呀, 多人到爆,
又撞到阿文他們說好多人,
之後夾埋11人行去酸辣啦, 一樣好多人,
最後我們11個去了飲茶,
好變態, 勁tick點心, 勁掃狂掃,
張點心card 中點可以給到爆晒格,
其間見到好多好笑野:
1. 見到阿明個樣好得意, 一路唔出聲, 只有食, 望住d 點心個樣真係好得意,
2. 佢地講學校sao 個一肥一瘦勁冇禮貌o既服務, 講到火都黎埋, esp. 見到阿文滾晒個樣好好笑,
3. 高妹唔小心"鬆" 爭批到阿明個粉果趺左落黎,
4. 高妹夾乂燒酥唔小心趺左落碗豉油度, 但仲要食, 一路食一路叫咸,
5. 和阿洲笑到收唔到! 高妹改了我們個名叫 "癲s", 人地 twins, 我地叫 "癲s"...
我們食到大約2時半, 之後我&清陪阿洲再去旺角樓上鋪看眼鏡,
最後他都盡地一鋪, 去配了 "升價十倍" 的眼鏡,
真的幾襯他, 但好貴呀, 加加埋埋計到平$770,
以前就覺得這個價錢okay 的, 但現在有這麼多樓上鋪的眼鏡都好平,
就覺得貴了, 唉~ 鬼叫深近視咩!
差不多1蚊1度呀~
之後去行街, 行到個人好熱好焗, 之後就好眼訓了, 無力再笑。
阿清約了sogo, 我和洲搭車,
差不多落車時又笑啦, 勁驚落車後一個人仲係度笑,
後來都好快off 左總制control 到~
在西鐡又訓到跳樓死咁o既樣!!

明天, 好唔想上eng, 又9.30啦, 唉!


>>February 3, 2005 at 5:45:06 PM GMT+8

2005 年 1 月 31 日 星期一 【颳風】

好怪, 心情好怪, 由尋日sem b 開學第一日, 個心就唔知點咁,
極唔想一樣野發生, 有時會唔知點面對!
自己知要自然d 唔想比人發現呀,
亦都好想自己唔係假扮出黎.............

嗚嗚~~ 精神分裂 + 人格分裂~~

點解會咁?! 我心理係咪有d 唔正常呀?!
每次都係, 當過左o個個階段之後再前進一步,
我就會即時卻步, 更有逃避o既情況出現......
真係次次都係咁....
覺得自己好變態!!!!!

>>February 1, 2005 at 4:23:04 AM GMT+8

2005 年 1 月 29 日 星期六 【雷雨】


今天都是起不到身早起上主日學,
最終睡到10時就起身, 返了11時的崇拜,
返到去崇拜, "努力向前, 向著標竿直跑..."
時常都聽, 但今天我都有想自己是不是時常想著以前的好 or 不好....
真的, 如果時常停留在以前, 人就不會向前......

其實今天崇拜都幾眼訓下, 懷疑自己有渴睡症,
但我有聽, 聽得留心咖, 不過係坐得衰jei~
完了後蘭子和宗宗話我在前面想訓般, 想用糖掉我呀,
不過當然沒有這樣做啦~

今天都好快完, 因為講員臨時有些要早走,
好怪, 第一次見她一講完就要走...哈哈...
完了後被美玲姨捉住, 要我和珊珊練一練下星期她要帶的歌,
想我們2個下星期在台前唱...做二人詩班, 微型到爆, 哈哈~
但....最後都有一首歌要我彈啊,
但下星期不是我做司琴, 惠貞姐做,
我們都有點怕不是全部歌都交給她彈時, 會怕她不開心...
知道就練啦, 彈下彈下就好精神了, 勁開心,
發覺我愈來愈喜歡彈詩歌, 好想把這些送給主爸爸!

之後在教會hea 了一陣, 喪笑一下, 癲一陣,
就和斑馬婷去了元朗吃粥, 好多人呀今天,
之後我們去了元朗廣場行, 看了一陣書,
就去了IT 買鞋, 勁抵呀, special offer,
她買了2對, 我買了對傘仔鞋~
今天和婷婷都傾了她返工上的事,
不過她講多過我, 我都想講多些, 但累呀,
唯有用我對耳仔去聽啦, 懂得聆聽係好咖, 哈哈~

之後回家就睡覺了, 這幾天根本都不夠訓,
天氣涼返, 睡醒都不想吃飯~


>>January 30, 2005 at 1:38:36 PM GMT+8

2005 年 1 月 28 日 星期五 【晴】


好幾天沒寫日記了,
星期四, 五去了澳門玩, 都幾開心!

一去到在酒店放抵東西再出去玩時,
在街上見到一班大約4,5年級的小朋友橫過馬路,
我們都有好心叫他們小心點, 會危險的,
一講完, 我就見住和我們講過野的小朋友被一架電單車撞到,
我見住架電單車個男人向前飛出來, 個小朋友就彈開了幾尺訓左係度唔郁得,
成個full version 被我完完全全看到, 那刻勁驚, 驚到個人啞左,
想喊, 喊唔到, 好驚, 個心唔知想點,
勁唔開心, 一去到澳門玩都未玩就見到呢d 野!!

之後我們周圍去, 映了好多相, 又笑到就來死, 癲晒!!
記得在大三巴前吃豬扒包&葡韃, 映跳起身離空半天掉的相, 勁開心,
搞到全場最嘈我們!
晚上在議事亭那條街映相, 勁靚!
哈哈, 一映完就大叫 "索!!", 唯有用 "人靚係唔同d " 來回答~ 唉@_@變態!
周圍去去到好累, 晚上返酒店吃buffet,
我們完全想像不到是打邊爐buffet 囉,
即時減低了食慾, 但我們傾得好開心, 傾了好多東西~

晚上再出去映相, 但10時許, 好多商鋪都關門,
覺得沒有東西看, 唔開心, 突然好卦住香港!
澳門條街好鬼嗅, 因為好多電單車, 男女老幼學生都駕電單車,
都唔知用乜鬼油, 嗅到死! 去到邊都係嗅的~
水呢, 又咸喎, 在酒店飲又咸, 返上房飲又咸, 出街食野飲又咸,
之前去都沒有這樣的!
晚上又去買珍珠奶茶飲, 愈飲愈口渴~
想去澳門蘭桂坊, 去問路, 怎料問正同是香港人不過在澳門住的,
他們說不要去, 叫我們不要想到好像香港的一樣,
飲最多都只是珍珠奶茶, 講得好搞笑的!

後來我們就返酒店啦, 我 & jenny 沖涼先,
因為知道余清會沖得好慢好慢好慢~~
jenny 搞掂就過了隔離房玩, 我就想等余清才過去,
怎料....電視做緊烈火雄心還有大半個鐘才做完, 阿清就入去沖涼,
涼了很久, 我在房內都忍不住眠了一陣, 當我一醒時,
電視做什麼音樂節目都做完了, 阿清還未出來,
嘩~~ 沖涼沖了差不多2小時, 好勁呀,
之後我就走去隔離和他們說, 訓醒都未沖完呀!

晚上過了隔離玩, 玩了好多野, 之後無聊到竟然玩ture or dare,
真是好無聊, 但又好好笑, 笑到嘔,
阿洲和阿清最勁, 勁玩dare, 好盡,
我就不能啦, 累到就來死, 唔想郁~
不過他們要我扮斯文, 勁辛苦, 要我扮2個round,
自己都不想望到自己個樣, 難頂到爆!
阿洲扮得最多, 笑到想死~
玩玩下就朝早6時,
之後返過去訓, 訓到9時就起身,
累到死!!

第2朝去了海防博物館附近,
之後就趕返去check out,
and then 去氹仔, 買手信,
但好可借第2日落雨濕濕, 搞到個個都燥燥地~
我們一行5人, 都有3個人唔舒服!
之後就返出去, 去映蓮花廣場, 好多自由行,
後來又搭車去了個塔, 都okay 靚, 又映 "索" 相,
之後落山, 落到去想搭巴士去港澳馬頭,
但架架車都好多人, 因為放學時間,
想搭的士, 但........
連續好多架, 架架的士都有人,
我和阿洲即時在街上大叫為何架架都有人,
之後他更說十萬個頂, super 頂 x 好多次方, 好搞笑,
勁唔開心, 後來就決定一邊行一邊等的士,
行行下, 奇事就發生, 我們發現我們的酒店就在後面,
即時發癲般又勁叫好開心好野可以唔洗$ 搭返酒店車送我們去碼頭!
澳門真是細到無倫!

上到船激訓, 訓到個人流口水呀,
之後jenny 先走, 約了人,
我們4個在尖咀吃法國野, 勁好味,
但清&joseph 就覺得不夠般, 勁吃,
joseph 餓傻左, 全日都沒有點出聲!

後來joseph 就走, 我們3個去了星光大道映相,
好變態, 勁和阿洲在街上笑, 阿清都唔理我們, 照行,
好辛苦, 好似開了個笑穴就唔識off, 乜都笑!
最記得 "money exchange" 變了 "monkey exchange...."
後來行行下, 發現我袋鉅記手信濕曬, 原來我個水樽溜水,
搞到成支水冇晒, 成袋野好似水塘咁,
我在我d 手信只係個盒濕了, 如果唔係就唔食得!
要送比人個d個盒都濕埋, 唔開心呀!

後來洲送我們搭車才停止笑聲!

好眼訓, 今朝極唔想起身教琴~


>>January 29, 2005 at 6:40:14 AM GMT+8

2005 年 1 月 24 日 星期一 【炎熱】


今天11時許12時返到學校, 她們在canteen 等我&清,
原來是約了11時呀~
因為今天要返去 present year-project, 所以要返學!
好唔願意返去, break 緊都要返學~

之後我們去了酸辣啦又,
吃完酸辣後, 行返去學校時我, suki & 清3個就勁講笑,
我們又講 future tense 的事啦, 好笑到震呀,
笑到企左係度唔識郁, 好像很久也未試過這樣啦,
即時想起我和燒燒都是這樣!!
之後就返學校 free-booking 對著部腦,
我們6個就一邊對住部腦一邊癲笑,
好快地搞好了個最final 的ppt,
之後就去album 看相,
nona 勁唔抵得我同個靚仔映個張相, 嘩哈哈!

2.30 約了郭sir present,
我又講得好快?!
不過她們的英文呀, 有些字讀錯,
見到阿sir 一聽到她們有讀錯字就jot down 寫野啦,
又寫我們的comment.....
唉~~ 有些明明好簡單的都讀錯, 唔抵嘛, 扣分!

pre. 完一出來就見到joseph,
嘩哈哈~ 他送了3粒金莎給我呀, 朱古力呀!
之後我們在地鐡站join 阿洲就去poly 拿application form,
但.......唉~ 打給阿劉.....他才醒覺........有2嫂就乜都唔記得啦!
去到我們只拿了本form ja,
那本course 簡介派完了, 要自己上網看呀, 麻煩!
真的點都要問問阿劉啦~

之後有打給娟娟, 但都知她上堂中,
後來我們去了city 拿form, 在又一城才收到娟娟的回電,
傾了幾句啦!
之後我就打給dan dan, 問她在那裡拿form, 她說早知幫我拿啦,
後來她說在教務樓2樓的梳化等我,
但....因為要趕著上堂, 最後都見不到dan dan!
其實我都忘記她要上堂~

city 超多人, 比poly 還要多, 見到有個男的, 笑爆咀,
我們3個望了望囉!
好勁呀, 青綠色綿納, 綠色high-light 頭, 粉紅色socks,
the first sight 好似女人, 但後來就知是男!

之後我們3個去了波鞋街......

在西鐡又訓, 好累啦今天!


>>January 25, 2005 at 1:10:07 PM GMT+8

2005 年 1 月 23 日 星期日 【微冷】


今天星期一, 昨晚我沖過涼都4時才去訓,
所以昨晚都醒咖啦, 叫joseph & 清打電話叫我起身,
因為若沒有人叫我醒, 我會一直長眠直到下午3,4時都得呀~

10時許醒了, 之後一刷完牙又有電話,
講講下都講了45分鐘, 仲有邊個呀, 又係joseph, 今餐真係斷氣,
講到累, 訓在阿妹張床上講,
剛剛起身刷過牙後又訓係度囉...short short 地!

下午點幾約了joseph, 清 & 洲我們4個在元朗報名,
報了5個人, 第5個就是jenny 啦, 因她住得遠在將軍奧所以沒有來。
最後計計埋埋, 每人只是$426, 抵到爛呀!

之後我們去了錦田吃nepalese food,
他們竟然覺得好吃呀, 哈哈, 原來有好多人和我口味差不多咖,
下次要去吃 indian food! good~s~
在那裡, 洲 & joseph 又話我唔斯文, 叫我學下阿清,
之後我咪學囉, 她怎樣吃塊nan, 我又跟住怎樣吃,
她 q 腳, 我也有呀~~
但後來又被他們發現我坐到好似個男人咁.......
勁笑我呀, 笑到肚痛咁, 特別阿清, 笑到吞不到呀,
之後嬲嬲地, 都忍受不住自己扮斯文個死樣,
索性做回自己好了!!
照大啖吃nan, 唔q 腳啦!!
話你知喇, 我今日著褲ja, 如果我著裙, 會好d 咖啦, 起碼坐都唔會坐得咁衰先!!

之後阿清先走去返工,
我和洲&joseph 3個傻人在錦田行,
一邊行一邊傾計, 都忘記了笑了些什麼了。

then 我們去搭西鐡, 洲出旺角,
我和joseh 返屯門曬相,
之後行了一陣街, 終於在manning 買了要買的東西,
then 送我去chelsea 開工, 因為6時要教琴,
但....又未夠鐘喎, 在平台坐一陣爆笑傾計, (應該話係狂講野)

今晚, 時間過得好快般, 好快就教到7.45, 收工,
回到家都8時了, 好開心, 又有雞吃!!

今晚要combine 個year-project的, 同學仔send 晒過來了,
但......我到現在也未開始 "埋尾".....
晚上還在家裡起勢彈琴, 又彈了好多好聽的詩歌,
好累呀, 但又要彈, project 都唔去!!

我個電話爆分鐘啦真係, 比人講中左!!
好唔開心, 要用阿媽個張card 啦!!
還有成個星期捱呀~

今晚彈了一首歌, 覺得好好聽呀,
叫 "衪等待你"....

知不知此際耶穌, 正到你面前在等,
衪想此際能與你, 同渡著這刻。

可否將心裡門開啟, 邀請衪進入心中,
衪可將心裡愁困, 全然變做安慰。

雖然短短的一首歌, 但真的好好聽, 歌詞又好,
感覺好溫暖呀!


>>January 24, 2005 at 4:58:02 PM GMT+8

2005 年 1 月 22 日 星期六 【晴】


睡過時, 沒有返到崇拜, 唔開心!
到12.15才彈醒, 道都講完啦~
好cheap, 常常都是這樣, 不過我又真的好累~

昨晚應承去屯門大會堂聽有關聖經講未世的talk,
所以今天下午都出去, 但好多人~
一去到那位姊妹好熱情, 我自己是基督徒都被她那種熱情有點嚇一嚇,
但好快就沒有這個 "嚇" 的想法了, 都幾好傾啊!

之後好多好多好多人入去, 我們在都幾前,
但......一開場, 就feel 到有點不對...
阿清囉, 她記錯了今天是講這個topic 呀,
原來今天是佈道會for 未信的人咖,
那我去真是, 有點晒呀, 比未信o既人就好啦,
不過....今天個佈道會, 也較悶啦, 因為她們說原來是for 年紀較大的人啊,
而且她們都不知道.....唉~~ 怪不得啦, 一開場, 中國舞, 哈哈!
太多不清楚啦!!!!
在佈道會上好記得, 聖經入面的一句 "我們愛, 因為神先愛我們"
(呢句野令到我今日好深刻下, 雖然成日聽, 好熟!)
想到自己呢兩, 三年愛人愛多左,
可以講係接納 & 包容人多左,
笑聲都多左好多, 好多時都係控制唔到,
仲比人話我點解可以笑得咁恐怖....但...感恩咖!
以前o既我真係好黑人憎,
唔妥人呢樣唔妥人個樣, 諗野諗自己先,
講野又衰喎! (雖然而家講野都唔係好咖啦, 嘻!)
但以前, 我亦都係一個唔鐘意自己o既人,
可以話係自卑咖~
所以, 根本自己都唔愛, 又點會識去愛人呢!?
又好記得今日個佈道會個長老 (佢地唔係牧師講o既) 話 "江山易改, 品性難移, 唔o既用係基督徒身上咖...."
yes, 因為耶穌會將我改變得更好,
無論人認為幾難改o既野, 認為我呢一世都改唔到o既,
我就係因為接受主耶穌而改變得到...
諗起好多野, 諗起自己以前同而家的改變...
多謝主耶穌!
你好愛我, 我都好愛你

都差不多6時才完, 之後在市中心買了個勁好味的朱古力雪糕吃,
那刻勁開心呀, 朱古力呀,
吃吃下還有一大粒朱古力吃呀, 幾開心!
哈哈~
之後去了旅行社拿catalogue。

晚上在家做final year project, 做到眼訓啦又,
今晚專登飲左個雞精呀, 費事做做下又係度發癲,
真係好d 咖~! good~s~
做做下joseph 又打來, 又傾計啦, 好在沒有斷氣ja~
不過他今晚發現了有個價錢更平的呀, 總之較我們之前看的平了80元,
抵呀~~~ 幾開心!

今天就這樣啦, sem 唔sem break 對我來說都是忙o既,
真是 '恭喜晒!'

好期待下個月第一次去練歌的情況呀!


>>January 23, 2005 at 7:21:25 PM GMT+8

2005 年 1 月 21 日 星期五 【颳風】

續前一編日記...

晚上在chelsea 教到5時許6時,
累到個人又喪屍,
之後走去美心吃個粟米雞翼,
一邊吃一邊和洲講電話, 講約去邊度玩, 又笑,
一個人差點噴雞肉!

20分鐘後就行去對面雅都家瑩屋企教家齡,
個人開始講不到野, 因為我發覺今天講了好多野,
好累好眼訓, 口又乾, 就來要斷氣!

之後原來我教琴都教到7.30 才收工,
所以收工後即打給珊珊,
因為今晚有團契, 去姬姐屋企, 本來約了7.30在翠湖輕鐡站等,
但我點飛都飛唔到啦, 屯門去天水圍!
之後就搭西鐡去天水圍,
joseph 又打來, 又講, 我又講野啦,
就來氣絕身亡!

then 去到姬姐屋企都8時,
在樓下打電話給基爸爸問他幾號幾樓密碼...
我次次去都忘記, 去了很多次了, 都不記得要問,
好明顯我根本就完全沒有心去記過他們住幾號幾樓!

今次團契有姬姐, 基爸, 斑馬婷, 珊珊, 阿劉, 阿宗, 欣欣 & 雄,
有些都不得閒沒有來。
今年第一個團契阿斑馬婷帶, 和上年有次她帶的團契差不多, 都是問問題,
雖然這樣, 但我今年和上年所想所答的, 有好大不同了。
第一題: 04年有什麼事是最不開心
第二題: 04年有什麼事是最開心
第三題: 神在這兩件開心&不開心的事中有沒有帶領過你
第四題: 覺得自己的優點是什麼
第五題: 覺得自己的缺點是什麼
第六題: 這些缺點有沒有令你 "撞過板"
第七題: 你覺得去年自己學了什麼

好明顯以上問題, 和上年的答案有好大好大的不同,
發覺自己今年清楚了些什麼.........
清楚自己的恩賜,
清楚自己性格上有什麼改變, (我知自己被神改緊一d 野, 但好慢, maybe 不太明顯!)
清楚自己即將在這一年裡想怎樣為神做一點事...

今晚, 分享了好多, 每人都講了好多,特別姬姐,
好像很久也未試過大家圍在一起分享。
大約10時許完, 之後我們就團契會議,
來年團契的方向&負責人等,
05年我會負責做康樂, 不知道呀, 想起自己好想做這個位,
好想留意一些出面辦的陪靈會, 奮興會,
or 類似 "得勝有餘" 這些camp去推給大家年青人一起去參加, (聽我妹講真係好正, 所以好想出年參加得到呀!)
有時又想, 自己今年join 了入ACM,
這一年都會有好多用音樂去敬拜讚美的function or 出隊,
都想大家去參加.........
想想想........希望今年自己真的有個心去努力做好這個位啦!!

今晚, 個心情好點點, 沒有較之前不太開心,
都有癲笑o既!! 又喪婆~
今晚我真的好累, 累到被阿劉話我今晚個樣總是和平時有點不同...
他後來才發現原來我個黑眼圈大得好離譜!
唉! 我都知咖啦! 平時都有, 不過當喪累時就會更清楚見到~
走時和欣傾計, 她也說我今晚個眼圈....
呢d 咪就係要做喪屍其中一個條件喇!

明天希望能夠早起返到主日學啦~~

5婷, 今晚我真係the highest level 喪屍, 可惜你睇唔到, 真係好想映張相比你睇我個高級喪屍樣咖 (淨係我對眼都夠你睇), 包你前所未見, 見到仲會嘩嘩聲呀~


>>January 22, 2005 at 5:52:52 PM GMT+8

2005 年 1 月 21 日 星期五 【微冷】


星期四晚3.30 睡, 昨天星期五就返去考試,
最後一科啦, 死IBE。
好樣衰, 其實都有點不舒服, 所以一返到去就去了toilet,
所以遲了幾分鐘。
之後就入去room 213,214 考啦,
孖房, 就知整個course 的人都在這裡啦,
但一入到去, 我好白痴地就找了個位坐,
原來個位不是我的, 是A 班的,
但那個位又本身編了是沒有人會坐的。(但又有卷係度喎)
我都覺得奇, 坐下後, 見到隔離家瑩望著我,
之後我就環顧四周, 全部是a 班的人,
我即時想, 我班d 同學仔呢?!
即時覺得好樣衰呀!
之後阿sir 認得我, 走過來點我名之後,
就聽到他和其他老師講我呢個b 班1 號坐了a 班的位。
我心知, 就不理, 埋頭起勢做!
阿sir 又沒有叫我坐回後面b 班的位。

考到最後一分鐘, 個case.......唉!
之後見到電話有7個miss call,
其中有個是阿媽的, 就打返去,
媽說早上學校打來問我是不是沒有返去考試,
之後咪解釋囉, 又遲了幾分鐘去toilet 開始至坐錯位......

放學後就趕去會展出show,
半小時內去到都4.30了, 阿洲又跟埋我地去,
他說想去看看fashion show 因未看過~
去到後我在back stage 問人借pass 讓他入場囉。

好快就做完, 6時收工, 已經好眼訓了,
之後在灣仔在"兔仔林" 陪人吃tea,
4個傻笑地吃, 搞到好甜呀, 因為我又吃朱古力toast & 朱古力奶。
之後在"玩具街" 行了一陣,
撞到何嘉業, 傾了幾句~
之後就走了, 我和妹去西灣河, 去太湖吃飯, 阿麻生日。
好飽又眼訓, 吃不到東西, 好似梗硬去食咁, 好鬼死折墮!

昨晚吃飯時聽到阿媽講阿公在上面就來死,
上面個工人說他突然睜大眼, 郁都唔郁, 全無反應,
叫又唔郁, 掂又唔郁, 總之冇反應,
已為佢死左, 打電話落來hk 嚇到阿婆喊住咁打比阿媽。
但阿麻生日不想她聽到, 所以細細聲講。
個心好唔開心, 他未信主咖!
本來要阿媽今朝即上大陸去看他,
但再夜少少阿婆打來說他打了針後又沒有什麼事,
聽到他再次罵人的聲音!
個心才靜一靜。

昨晚搭車返家時, 阿媽又同我嘈阿妹昨晚冇返屋企訓,
嬲到阿媽死, 其實話黎話去就話佢電話都冇個,
又話昨天全日都冇個電話直至去到太湖食飯才見到個影...
夜就話夜唔打, 但第二朝返TDC 時都可以打過話冇事.....
唔知~~ 好煩呀真係!!!
一個又唔聲唔聲成日要人擔心, 一個又因為擔心成日係度煩...
我都唔知點!

到今朝, 又教琴, 又10點,
好眼訓, 要教人樂理啦, 好驚呀!
緊緊張張咁!
返到家12.30 沖過涼, 吃lunch,
妖! 吃lunch 時又聽到阿爸阿媽係度嘈,
好煩! 好唔開心!

這2個星期累到我就來死, 又加埋d 煩野,
真係好想搵日長訓呀, 唔好煩我!!!

一陣又要去教琴, 又教到7時許啦!!

個胃又痛.....~~~


>>January 22, 2005 at 6:40:09 AM GMT+8