2005 年 11 月 23 日 星期三 【微冷】


返9.30, 好眼睏。
逢星期四就會好累好眼睏!

今天上PRD, 上到勁中眼睏,
之後頂不順, 不知不覺扒在台上睏,
但又聽到miss 講野, 之後就聽到miss 問同學仔我是不是有事不舒服or sleeping....
之後我就彈醒啦, 好辛苦呀!
又好似以前ive 時這樣啦, 聽到頂不住就扒在台上也不知道~~~
太累!!!

放學在library 溫書, 溫了一陣, 之後睏了一陣, 精神了點, 再溫。
4時多過去紅碪火車站m 記吃了小小東西, 一邊等下人,
在m 記溫下書。
都坐了幾個小時, 等家瑩放學過來,
又坐了一陣, 傾了一陣。

晚上去了旺角, join 埋其他人, 去了新世紀dinner,
都幾開心, 傾下計, 癲s笑~
原來我地個個都係傻傻地的, 永遠都沒有變過,
物以類聚!





>>November 25, 2005 at 12:08:32 PM GMT+8

2005 年 11 月 22 日 星期二 【晴】


今天畢業禮, 終於在ive 最高的學歷也完成了,
好像一個完結。

一早起身, 約了清一起去, 在美孚再等阿明一起去紅館。
阿明, 把口都是這樣地 "衰!"..哈~

一去到, 就見到同學, 和他們映相, 之後才入去典禮,
其實初去到, 感覺好似有點怪怪, 好似和之前秘書班的感覺不同,
但典禮開始到中段, 感覺就好些...
好怪, 不知什麼來的怪感覺。

之後出去join 爸爸, 媽咪&阿妹去映相,
好多人呀, 又熱又曬!
之後就join 同學仔去映相, 映到咁上下, 就call zoe 家瑩, michelle 她們映相,
感覺就好似之前秘書班畢業咁....哈!

都映了很久, 各自和自己high dip 的同學去食飯。
我們8個人, 落了黃埔吃lunch, 超餓, 有人餓到差點暈,
可能太累, 又熱又餓吧!
喪吃一輪後, 我們本想去碌bowling,
但唔抵!
之後搭巴士去了旺角唱k,
在短短的巴士車程都有幾個睡得著!

今天, 都幾開心, 大家都覺得難得放假見到大家, 都想玩耐d。

是時候要收拾心情,
返回做也做不完的projects, assignment 和dissertation 當中了!!


>>November 23, 2005 at 3:45:25 PM GMT+8

2005 年 11 月 21 日 星期一 【微冷】


昨晚4時睏, 今早都沒早返去上有關dissertation的堂!
返12.30 的ER, 今天, 見到個個同學仔都黑眼圈 + 燥底!
我有點燥吧, 但覺得既然交了就不要再為這份 "野" 糾纏。
不過.......大家都為著昨晚的process 滾到上天花版,
大家都盡吐苦水.......!
一邊吃lunch 一邊講............明白!

今晚, 上網無意讓我看到了一朋友打的一小段字,
原來我在這日記打的東西, 無意給對方看到後,
對方會誤會我的語氣, may be 是意思.........
很想說一句, 其實那天, 對我來說那一剎那確是有點忟,
但很快就沒有事!
而打在日記, 是想記當天所發生過的事, 不是想存心記仇...
沒有仇可記呀!
哈~~~ 原來這樣, 會令這朋友也因此而對我有另一種看法!!!
雖然如此, 但現在我們大家都好像沒有發生過似的,
而且還嘻嘻哈哈!
頒望不是表面是這樣, 內心卻不一樣,
就好像 "被著羊皮的狼...."
不要不要!!!!!!!!
.........

今天, 很累!!!!


>>November 22, 2005 at 4:13:09 PM GMT+8

2005 年 11 月 21 日 星期一 【微冷】


由21號下午4.30 開始做到22號凌晨3.30!


>>November 21, 2005 at 7:30:31 PM GMT+8

2005 年 11 月 18 日 星期五 【微冷】


忙~~ 今早6時才睡,
睡到下午1時, 被人打電話叫我去街。

我們去元朗, 今天又食shake shake 薯條,
喪!
在千色撞見阿明和他阿哥, 他兩個專注地揀衫,
我就一望就望到他啦, 咪響佢全朵 "林嘉明!!", 哈~
記得佢話 "你係屯門人黎喎, 點解係度?!"
個definition 係 "我係屯門人就好難想像在元朗出現?"
唔make sense 的問題!
我落元朗多過入屯門。

行到6時多, 在元朗廣場撞見姬姐, 基爸爸, 義義和諾諾,
和姬姐傾了幾句, 好卦住她!
她終於做完要忙的東西了, yeah~

我們2個繼續行, 晚上好大風,
我們又行返去千色, 之後打邊爐,
又打, 勁飽, 又笑!

今晚又繼續做我的fast cat case!
manual 這part 好難想到要寫什麼, 救命!


>>November 19, 2005 at 6:44:11 PM GMT+8

2005 年 11 月 17 日 星期四 【微冷】


返學, 又在九龍塘轉火車返學, 因不想在佐敦行,
擺到明懶到連行都唔想行! 曬$~

返到去, 勁傾case, 唉~ 錯晒!
miss, 冇得同part-time 班人比較, 佢地做緊野一定見過呢d 野,
我地就完全憑空想像.......你話一兩個錯成咁就抵你去面黑,
但2班都係咁錯到飛起, 就知乜事啦!

我們傾到2時多, 但都迷茫。
勁肚餓, 未有野落肚,
我們3個去了火車站間m 記食shake shake 薯條,
突然勁想食呀。
之後就繼續傾, 而我就開始呆, 太累啦,
累到個人暈暈地, 個人好似乜都停晒唔識郁,
4時多才走, 累到想跪在地!
因在火車站的關係, 走時當然也不想行, 就順勢搭火車,
又唔抵啦~
在西鐡睏到差點落不切車。

返家睏了一陣, 和媽媽落街吃dinner, 之後繼續做個case!


>>November 18, 2005 at 6:39:51 PM GMT+8

2005 年 11 月 16 日 星期三 【微冷】


昨晚開始不舒服, 個肚又痛啦!
半夜3時多又痛醒起身痾....>_<
之後有點想嘔的感覺, 但就控制自己不准嘔!
then 吃了點藥, 再睏!

今朝, 都有點不太舒服, 沒有返9.30 的堂!
想整天不返的, 但想想下, 都是睡多一陣好了,
唔想蝕呀!
返11.30 堂~

又傷風, 上堂勁辛苦, 抖不過氣!
employee reward 有report 要做了, 嗚嗚,
但我想不會太難, 2千7百多字jei, 好快好快~

放學在poly 撞見娟娟, 和她傾了幾句, 我就放學她就繼續上堂..哈!
見她較之前精神了一點, 可想而知大家之前是 "有幾喪!"
難道每個大學生都要忙到不似人形,
累到喪晒面都黑埋好似得罪全村人, 捱到2日當1日睏再病埋,
這樣才叫 "大學生的生活"??
深信抓緊耶穌, 安靜在衪當中, 才得安息 (休息)

快速回家休息! (鼻涕源源不絕咁流, 把聲沙到男人咁....alto變tenor再變bass)

放學打電話去問, confirm 了29/11下午考,
是時候溫喇, 29號考, 還有大約2星期。


>>November 17, 2005 at 8:54:35 AM GMT+8

2005 年 11 月 14 日 星期一 【微冷】


11.15am 才起身, 返12.30 堂, 遲了少少。

放學去都會food court 吃lunch, 以後不再吃那間越南!

之後傾fastcast case, 好累!

今晚趕做個case, 做到頭痛, 個頭而家好痛, 但又不想吃藥, 我已經成日吃啦~

比我睏好嗎?


>>November 15, 2005 at 4:06:19 PM GMT+8

2005 年 11 月 13 日 星期日 【晴】


今早返了早晨祈禱會!
之後上strategy, 蘇斯黃又發癲s 啦,
明明上星期講話今堂上lect.4, 但佢好話我地唔check, 應該上lect.5 喎!?
真係滾呀, 我地個個懷疑她自己唔記得, 又係度死牚啦~
之後都上lect 4. 但她就勁飛d slide, 膚顯我地咁去教,
癲s 咖!
佢真係好變態, 好難頂佢!
考試死緊都得~

今天又上到5.30, 又上個成日伸利出黎個個dr. 堂,
佢叫我地分組又盟塞, 明明人地3個人根本都成唔到group,
但又死拆開人地分好4個人一組的人去第2 gruop,
幾唔efficiency o既野都做得出, 擺明dump 波鐘。
廢到極點! 真係好廢~
係咁對住slide 照讀, 仲要飛points,
到放break 前問個條根本冇人識答o既問題問足5分幾6分鐘,
都係唔出聲, 就咁hea...hea 到break!
break 又break 了20分鐘, 變態!
下半堂他就上網照讀一d 野, 上埋d 香港同英國的人力資源學會網,
係咁照讀, 而我地全班都o 晒咀,
有部份人睏覺, 包括我, 太眼睏啦,
我睏到好似坐車返學咁, 對正個dr.正中間係咁中眼睏, 中到個頭跌落黎個隻!
下星期又黎腎啦!

今晚有和ive high dip 的同學dinner gathering, 但都沒有去, 太累啦,
累到爆燈......打比阿明, 佢.......由昨天話到我今天, 都暗示我 "冇heart",
唔知乜野意思囉, 阿林生!!!!!!

唉~~ 明天傾fastcast case!

入了poly 後, 神好似沒有什麼要我做般,
到前排祈禱向神講講現在的情況: "天父, 你要我在這裡做什麼? 好似不知道要怎樣做, 一切都沒有進展, 沒有工作咁o既? 只有返學放學做project傾project........就是這些嗎?"
怎料最近開始有工作要我做了,
開始發覺有羊羊在我身邊打轉, 開始有同路人和我傾更多....
雖是這樣, 但仍一邊等候一邊開始工作,
聽聽神要我怎樣做吧!


>>November 14, 2005 at 3:06:00 PM GMT+8

2005 年 11 月 11 日 星期五 【晴】


和dan dan 去花墟買花, 都幾多人, 好多都是買for 畢業。
原來dan dan 最愛太陽花, 哈哈, 都幾靚呀~
發覺我原來對花是沒有大感覺的,
"喜歡哪種花?"
我說 "沒有甚麼特別喜愛, 但又不厭惡!"
哈........應該說其實我最愛 "金莎花!" (浸禮時收過, 好好吃的金莎)
而一支在玩具反抖城買到的大大支 "毛毛玩具花", 也幾得意! (永遠不死的花嘛!)
所以, 有人說 "係女仔都鐘意收到花!"
我就絕對不認同!!!!! (莫非我係男人呢個comment 係真o既?)
而且, 也會令我久不久想起yr.2 時情人節前夕所發生過的 "惡夢".......
就好似不小心踩了大便般, 這 "惡夢" 始終都有陣除........
ek! 諗起想嘔!!!

之後搭火車去city, 今天city 勁多人映畢業相,
我們都周圍映, 映到有蚊咬....
見到別人畢業的快樂, 我也替他們開心,
自己也幻想明年帶四方帽時的我........
11月23日就到我在紅館畢業.....有點期待.....
不過最期待還是出年我的畢業禮!


>>November 12, 2005 at 1:44:49 PM GMT+8