2004 年 12 月 26 日 星期日 【颳風】


凍啦凍啦, 終於返回北半球的12月啦。

今天睡到7時許醒一醒, 不記得為何要醒了,
之後再睡到下午1時, 正!
右邊腰仍然是痛 >_<

聽到新聞東南亞地方地震有 tsunami, 好震驚兼恐佈呀~

之後下午溫mkt, 都只是溫了global advertising,
then 就去教琴, 條街好凍。
只教1小時, 都坐不定, 好煩!
明天怎樣 '冷' 去觀塘喎, 又唔識路~


>>December 27, 2004 at 1:10:23 PM GMT+8

2004 年 12 月 25 日 星期六 【微冷】


聖誕節12月還是廿幾度, 下午熱到 '無得頂',
覺得自己在澳洲過聖誕。

25號星期六, 教琴, 累, 教到又中眼訓, 好在沒有人知!
晚上去吃飯興祝, 映相相, 好開心....
昨晚, 我見到好多野!! (沒有同你地講喎!! 哈哈~)
玩到好夜, 相機又映, 貼紙相又映, 映了好多, 又是爆笑的怪怪相。
之後趕不到西鐡, 送個朋友仔去搭N 車, 之後自己搭的士返家!
好累~

今早要8.30 返到教會reheasal,
但.......睡過時, 遲到9.30 才返到。
今天, 仍然是 '癱子' feel, 有點難頂,
因為平時行得最快的我變成行得最慢!

感謝主, 今天好順利, 只是崇拜未完我就行了出去hall,
因為坐得不久........
後來聚餐, 都幾開心和新識的朋友仔傾計, 笑下講下。
之後下午就開始節目,
但覺得上年好像好看過今年.....

下午見到梁姑娘, 和她傾了幾句, 幾開心!

到我們做的drama, good 呀! 好快好順利, 感謝主。
之後更臨時拉夫組隊參加歌唱比賽,
完全是 '搞屎昆', 我們組了 '瘋癲5人組',
好變態, 完全沒有人完全記得歌詞, 但要唱喎~~
那些動作....型囉!!!
但我彈琴, 一味卦住笑啦我~
成班癲野!!
最後......竟然會拿到季軍囉!!
我即時好大聲 "o下?!!" 一聲,
見到我們個個都呆了, 好搞笑, 完全想像不到我們會有獎呀!

抽獎環節, 沒有期望, 因為由細到大都沒有抽獎運,
最後當然沒有啦, 我是永遠都不會抽到獎的人, 哈哈~

差不多走時我們年青人又映聖誕周年相,
之後就走了!! 今年都沒有映那麼多相!



溫書! 溫書!

蚊: 你做乜響晒人地全朵呀? 哈哈! 我唔洗搵個愛鍚我個人啦, 我大把人鍚, 耶穌又錫我, 你地又錫我, 我個朋友仔又錫我....呵呵呵, 唔洗搵咖啦!!!


>>December 26, 2004 at 2:05:05 PM GMT+8

2004 年 12 月 23 日 星期四 【微冷】


今晚去了朋友的教會party, 都okay 開心,
幾多人的, 但時間過得好快,
其實初初都有點dead dead 地,
我妹妹還想說走, 因為覺得好悶, 好像被人呃,
但我就覺得別人有心請我們去就不是這樣,
而且到後來都okay 開心, 只是自己的投入jei~
抽獎時, 我們自己佳音堂的就有好多人都抽到,
被姬姐說我們去到別人教會 '又食又拎'....
而且, 有樣奇事發生,
就是去朋友教會前的2小時,
在家看了一隻之前在佳音堂借的dvd '向生命致敬 -- 向左走, 向右走',
2小時後, 就在朋友的教會的聚會中其中一個環節, 也是看這套,
完全exactly 一樣, 掉轉頭都識做返套戲出黎呀,
因為其實再之前, 我自己一個人又看過,
所以前後夾夾埋埋我看了3次, 好在電視做時我沒有看jei。

再夜少少, 我們去了市中心佈佳音, 完全即興,
想join 興福堂班弟兄姊妹一起, 但都沒有, 因為都打散了, 自由人。
因為今晚平安夜, 有十多間教會在市中心大會堂出面的廣場搞show,
有幾個攤位, 又有人在台上夾band唱詩, band show, 做默劇, 好多人。
而我們就即場報名組隊佈佳音~
雖然好多人, 但又不知道那些人是不是target, 都有點不知所措,
後來就走出第一步, 都okay, 被我看中的target 都笑笑口接受我派的東西。
其實今年是第一次在聖誕節在街上佈佳音,
都好想做多一點, active 一點, 但.......我條腰骨......又怕晴晴悶~
後來站著台前看show, 傍邊都有班年青人, 就和婷婷走過去和他們傾下計,
第一班就未信的, 第二班就信了的;
記得第二班年青人中有個男仔說好欣賞我們&會支持我們...
都是一個鼓勵。
後來都見到阿妹和興福堂班弟兄姊妹一起周圍佈道,
而且派了很多東西, 又見她們好熱切地和陌生人傾計,
覺得阿妹他們班年青人好熱心!

之後和娟娟在一個攤位附近撞見一個中學同學,
初初覺得熟口面, 後來才醒起。
好surprise就是她結了婚, 在一間中學內的教會做幹事,
而husband 是另一間中學內的教會的傳道人....
以前中學時見她好像有點出來玩的感覺, 但現在變了,
真是 '估你唔到' !
神就是這樣奇妙, 把一個人轉變得 '估你唔到'~
唉~~ 她和我們同年呀! 結了婚, surprise 到震,
反醒下啦陳哉, 嘩哈哈哈 ... (我又痴啦)

後來我們就圍來傾了一陣今晚的感覺就走了,
都等不到在那裡的倒數呀, 好累呀......條腰,
斷左唔知點, 嘩哈哈, 諗起就覺得好搞笑!!

明天, 一早去教琴, 晚上約了朋友仔 ^_^
直踩啦又, 睇下聽日喪屍樣有冇升級先!!!


>>December 24, 2004 at 6:22:23 PM GMT+8

2004 年 12 月 23 日 星期四 【微冷】


24號, 平安夜, 各位屋企人(煒煒, 只有你睇到), 各位關心我的弟兄姊妹, 我愛的朋友仔同學仔, 叔伯兄弟, 街坊.......Merry Christmas!

今早好開心, 因為終於可以睡到下午1時許, 好爽!
昨天真是累到傻呀~
但我條右邊下腰骨仍然好痛!!

今早收到幾個電話, 好似忘記了是誰人打過來, 講完好似沒有講!
未訓醒呀, 係 "留" 打咁o既聲啦~
又收到幾個朋友仔的sms, 一句 "Merry Christmas!" 都好開心了~
不過最記得最後個電話就是ACM 打過來要我去試音囉! 呵呵~~

希望今晚條腰唔好咁痛!!
求主醫治!


>>December 24, 2004 at 6:19:07 AM GMT+8

2004 年 12 月 23 日 星期四 【微冷】


今早返8.30 (又是時間做開頭),
較了6.40 起身, 但睡到7.05, 即時彈醒,
約了余清 & joseph 搭西鐡, 今次余清終於準時,
搞到我好似遲到落車站咁!!!
又沒有位坐啦, 返8.30 就會沒有位坐, 好累呀, 在車上又要喪笑喎!!

返到去好眼訓, 3小時marketing lecture 啦又,
這個 sem 最後一個 marketing lecture, good 呀!
隔離班的fd & 家瑩都沒有返, 得我 & 瑋瑩一起坐,
上到最後1小時就勁眼訓, 變態呀, 最後中眼訓。

後來我們3個 和 高妹, 嘉明, 郭洲, 葉安 lunch,
他們帶我們去hsbc 對面間野吃, 都幾好呀, 但好大碟, 飽死左!

下午返去上contem. issue,
今天miss 阿sir, 學校的staff 在hall 有party,
都幾好笑, 因為break 時行出去聽到有miss 唱歌, 嘩...嚇突啦!!
上contem issue, 好眼訓呀,
到講case study 時, 講皇家馬德里怎樣business 化去gain money,
完全沒有興趣囉, 講波咁, 之後就累到訓左,
條腰又痛喎 (冇錯, 我又腰痛啦)。

放學和同學仔去habour city 的pizza hut 吃tea,
因為joseph 有coupon, 正!! 我們當然 "馬" 住老細啦, 哈哈~
個芝脆批真是幾好味的, 我們6個吃pizza 就飽, 死未!
其實我都不餓, 時常都是這樣! 所以今晚都沒有吃dinner~
即時這幾天時常4時許5時吃dinner 囉!!
之後在disney 行一陣, 見到公仔就勁想笑, 我們好似發癲般勁拿著公仔笑&玩!
then 就去映下相~~

晚上就pis 了同學仔去旺角, 約了燒燒看戲, 好似好耐冇見咁!
看 '北極快車', 比我想像中不太好看,
普通啦, 看3D, 幾好的,
看到最後給我發現3D卡通的眼睛, 個個好似盲妹盲仔咁, 好像不對焦,
之後我們兩個勁笑, 是忍笑呀, 因為戲院內都沒有人笑,
而且那時都不是笑位, 所以就忍笑, 好辛苦呀,
如果成間戲院得我們兩個, 我深信我們一定會嘩哈哈大聲怒笑呀!

後來行多陣就走了, 好累, 條腰骨又痛到甩咁濟!

返去搭西鐡沒有位坐, 勁辛苦!

這個假期要溫書.........又好忙了, year project.......嘩哈哈!

5婷：你講個句 "照胃鏡, 靚爆鏡", 令到我即時諗起個胃鏡個塊鏡片爆左留左係個胃度, 幾咁核突呀!


>>December 23, 2004 at 4:49:36 PM GMT+8

2004 年 12 月 21 日 星期二 【微冷】


今天又累啦, 返去上mkt tutor. 3個case studies 迫住來。

lunch 和 michelle & 鬼佬吃麻辣,
個鬼佬來了hk, 好搞笑,
終於見到他真人扮聖誕老人聲, 笑死左,
他說我和michelle 時常笑, 是不是 "some kind of communication"..
唉~~ 更好笑是他辣到勁流鼻水...
始終都是我和michelle 最合拍地吃個大米線, 嘩哈!!
之後傾了一陣, 個鬼佬就好啦, 可以放那麼多日holidays,
放到26 Jan, 就26 Jan 才返美國...woo!!
後來我要返去上堂, 所以就比他們先走。

下午返到去上 wta, 都沒有教書了, 因為都教完,
但好多同學就做功課, 又上網check 大學 non-jupas 的info,
我和阿洲又發癲了, 笑了很久, 他今天太high 啦!!!

放學就和 joseph 去浸大拿 non-jupas 的form & info,
拿了幾份, 因為要幫其他同學仔拿。
後來就去了又一城行了一會, 之後又去tea, 因為要傾功課,
tea 時他打電話返學問 miss 英文, 問問下就miss竟然要他幫手做有關eng 教學的servey,
哈哈, 笑死人啦, 無啦啦要他做多一樣野, 班長就是這樣了!
後來去地鐡站, 之後又行返去又一城, then 又去地鐡站...死未~
6時許7時返到家, 好累了, 都吃不落, 只吃了幾粒菇,
之後就在輕鐡站505位等清放工, 拿東西給她,
then 就返教會練 drama。
今晚都練得幾好, 整體個 flow 都okay,
好快就練完了, good!
返到家可以見林峰~
晚上又要做eng, 好多呀, 怎料發現沒有a-4 紙,
快快地落去買, 街上有點凍呀!


>>December 22, 2004 at 3:24:14 PM GMT+8

2004 年 12 月 20 日 星期一 【晴】


今天day off, 好累 + 好灰!!

昨晚凌晨4.00 才睡, 做死人的勁課~
今朝睡到11.30 給林嘉明的一個電話嘈醒,
好難頂, 累到爆炸呀! (o拿, 我唔係唔幫你啦, 一醒就覆返你啦!)
之後再睡到12幾許被媽咪勁叫醒我,
唉~~ 累到想嘔呀!
後來就去醫生看report......
"嘩, 原來你條腰骨好直咖喎...肺都好清, 膽同肝都好正常..."
最後建議我10多日後過了christmas再去醫生寫紙去照胃鏡!
死啦, 胃鏡, 好驚呀, 個個都話好辛苦的,
之前sam sam 生前照完胃鏡就嘔;
聽我婆婆講照胃鏡個喉嚨會流血;
媽咪就時常講好辛苦的;
朋友仔都話好辛苦......
嘩!! 嘩!! 嘩!! 嘩嘩聲呀!
有點恐怖!

下午陪媽咪去hair cut, 之後行了一陣,
返到去又開始起勢做埋個CILL,
好難受呀, 完全灰晒, 好多好多, 15個weeks 的一次過做起,
joseph 聽到我把聲就知道我灰左, 成個人變左灰色...死未!
清清都灰呀, 好難受呀!
大家一齊灰啦, 話知lu~

之後好難頂, 在梳化看一陣電視都睡著,
好在阿 nona 打個電話來, 我才醒一醒,
之後又做囉!
做到人都癲~ 好白痴呀, 成個傻仔咁!!

今天........好難受啊~~~


>>December 21, 2004 at 5:41:56 PM GMT+8

2004 年 12 月 19 日 星期日 【微冷】


今天我聽5婷話要準時返, 所以今天準時地返到 IBE tutor.
一返到去都好少人, 阿安德尊又講書啦。

lunch 和jenny, yan, queenie & 慧慧去吃 '香港仔',
都okay 好吃。
本來我們5個是join 高妹他們, 都有十幾個,
但我報錯地點說去 '譚仔', 其實是 '香港仔',
所以他們就去了隔離的 '譚仔', 沒所謂吧。

後來上WTA, 阿旺show 南沙的相出來,
被人話一見就見到我個樣,
無計啦, 我映相上鏡都不由我控制, 嘩哈!!!!
後來break 時又走去阿洲隔離坐睇相,
笑到我們2個死, 被人話我們兩個的笑聲好恐怖。
有時在想都不知道是不是我感染別人也是這樣笑,
因為無論我和那個一起笑, 都會令到別人也像我笑得恐怖!!

後來要補課, 好鬼累, 補IBE, 又見到安德尊,
因為要講exam revision, 所以連A 班一起都好多人返。
走時落樓梯pk, 好在沒有扭傷, 他們以為我在玩玩到蹲在樓梯呀!
到水機載水時, 被隔離班的阿大昆, 結果他打到我尖去飲水, cheap呀!

走時又和joseph走, 在美孚站時撞到林嘉明,
3個又笑住地去搭西鐡, 笑到咯咯聲。
後來和 joseph 去豆漿大王吃麵, 因為有點肚餓,
本來都不肚餓的, 但被 joseph 係咁non-stop 地講就連我都餓埋。
後來就一起行去chelsea, 他回家, 我就去教琴,
但................oh no!
個吱喳妹原來星期六那天已經補了堂,
我和個老闆娘都以為她今天會有堂, 以為上次補堂只是補再上星期,
原來不是呀.....所以原本要教6.00, 最後要6.30 才有個學生。
之後就行出去, 打電話比 joseph 話, 早知不打啦, 打左比人笑呀!
如果知道是6.30 我們就會去市中心吃tea 啦, 唉! 趕到死死下。
又打比jenny, 被人笑啦!
之後就hea, 去屈臣氏hea, 買最愛的朱古力.......

教到差不多8.00,
本來教完後又要出返去西灣河和姑姐她們一起做節,
但我真的好累, 而且又好忙,
下午已經打給媽咪說不會出去了,
有好多野未做呀。
我的 marketing plan, eng, CILL, IBE 份功課,
這些都是這個星期內要做起, 死未!!
放假又要溫書, 之後又要做contem. issue 的present,
final project 又未做起.........唉!! (長唉~~~)

陳哉! 努力呀, 有神係度一定得咖!!


>>December 20, 2004 at 1:30:11 PM GMT+8

2004 年 12 月 18 日 星期六 【微冷】


今早想返主日學, 但真的好累,
最後睡到10時, 返11時的崇拜。
原來今天崇拜我做司琴, 但完全不知道,
上星期又沒有人通知給歌譜我要唱什麼歌,
又沒有那張事奉人員的name list, 所以......
都是今朝搭輕鐡時去到藍地站, 姬姐打來問我在哪裡才知道,
不過都是自己的疏忽。

後來就當然一下車就喪跑返去教會,
沿途在村口見到幾個弟兄姊妹,
見到邦邦&大嫂, 再跑到入村時就見到溫生&他的朋友,
再跑到近塊田時就見到趙生趙太...
後來就uncle peter 呀, 錢哥哥呀, 周觀平呀!
沿途一邊跑一邊見到他們就一邊勁叫 '早晨'~

一入到都沒有練到, 又不知自己將會彈什麼歌, 就開始崇拜了,
唉~ 今天著得超級casual, 如果我知道自己今天做司琴就會著得斯文點啦。
好感謝神, 今天彈得okay, 沒有人發覺我沒有練, 嘩哈~
如果不是主爸爸, 我想我會彈得好樣衰, 這些能力都是出於衪, 不是我。

後來余牧師講道, 即是懂中醫那個呢,
我竟然中眼訓呀, 因為我真的好累, 個頭有少少少少痛。
好唔掂呀, 從未試過在崇拜一坐下就想訓,
平時都有想訓的, 但不會完全合上雙眼中眼訓嘛,
好衰呀覺得自己, 好嚴重呀, 第一次這樣嚴重中眼訓。

下午又飢饉, 我們去了元朗吃台灣麵, 都okay啦,
後來想跟在一起一齊行街, 但我有點不舒服, 就先回家。
在輕鐡上都激睡, 睡到差點不記得下車呀!!

所以今天好快回到家。

下午upload 了些南沙團的相了,
未完全upload 晒, 因為有些他們都未send 過來,
只up 了部分。





international business 班在工商局映的, 但都未齊人

>>December 19, 2004 at 3:58:20 PM GMT+8

2004 年 12 月 17 日 星期五 【微冷】


下午在chelsea教琴, 又好想打巴佢兩個!
一個就多咀到無倫, 好想打佢;
一個就唔衰得, 唔錯得o既, 我想即時走出去tim 呀,
好煩, 我已經累到震咖啦, 真是好激氣, 人都癲!
在那裡一邊教一邊聽到教彈結他個靚仔阿sir 彈結他,
平時聽得少少, 今次聽得幾多,
彈得幾好聽, 呵呵!!
都講過識彈琴or 彈結他的男仔吸引咖啦, 嘩哈哈!

之後返家睡了一小時, 就再去家瑩屋企教,
好辛苦呀, 下午已經教到想合埋眼訓!!

發呆啦, 返到家和媽兩個吃飯,
發覺我整個星期沒有在家吃飯啦,
突然好開心, 雖然未齊人,
但和家人一起吃飯是開心的,
要珍惜現在擁有呀!

現在時常都上不到網,
一時上到一時上不到, 所以icq 都q 不到啦,
言下之意即是收不到file~~~ 想喊呀!
想upload 相上webshots 都有困難......
不過見到這些相就會想起當時的情形,
好爆笑, 有些怪相見到到現在還識笑。

份report 前幾日已經打電話來說send 了去醫生那邊了,
不過我都未有時間去看result, 我想要到星期二才有時間去看。


>>December 18, 2004 at 4:18:46 PM GMT+8