2005 年 4 月 10 日 星期日 【炎熱】


昨晚和燒燒傾電話, 傾了好多, 勁好笑,
"...我鐘意呀!" goodss 呀! 好似無賴咁呀!
梗硬黎講, 唔知醜咁呀! 哈~~

今早返e-logistic 9.30, 在車站撞到流料敏,
和她一起行返學。
上堂上下網, 聽了個case, 之後print 返上次份功課,
這樣就2小時了。

lunch 去了酸辣, 下午返去上cross cultural,
和michelle 坐, 她一入來就發癲ss 又打交了,
都幾變態, 上堂就好留心去聽, 後面班人就勁傾計大聲到爆!
上到中段頂不住, 實在聽到眼瞓, 扒了在桌上睡了大約十多分鐘啦。
之後彈醒, 和suki, nona 傾星期四present 的ppt,
efficiency 奇高, 好快就知要講什麼&負責的parts。

放學nona 找raymond sir 傾野, 我和suki 等,
等等下又等埋阿洲。
和阿洲去葵芳join 阿yan & jenny,
最大目的就是去扭核突青蛙。
死青蛙死青蛙, 又扭了3隻,
阿洲扭了我最鐘意那隻呀, ArtFrog, 好靚咖!

後來行一陣, 阿yan 帶我們去食碗仔翅,
then 就走了。

今天本來提早了教5.30, 因為星期六有個學生在今天補堂,
但當我返到屯門站時, 那裡打來說她媽咪不記得今天,
而且趕不到來, 嘩!! 話要補7.45 pm 喎, 咪癲ss 啦, 要我8.15 才收工,
我不肯呀!
之後就即刻搭車返家, 抖一陣才出去教啦!

今晚又做cultural 的present 了, 努力!!


>>April 11, 2005 at 1:06:47 PM GMT+8

2005 年 4 月 9 日 星期六 【酷熱】


返崇拜, 紅鷹講道, 今天講得幾好,
好有心去聽, 而且還覺得幾好笑, goods~

之後和基爸爸, 義義, 智智, 恩琴, 斑馬婷, 映彤, 珊珊入天水圍吃越南。
又是飢饉呀!
之後我沒有去ACM 練歌, 因為不想出去, 而且有點頭痛,
和婷, 珊, 映彤, 恩琴行了一陣。
在那裡有些錫安教會的人在傳福音,
走過來和我們講, 我們問她是什麼教會才知道, 要小心異端!
行完後大約5時就去天水圍運動場看義義足球比賽,
天龍足球隊, 勁呀!

之後陪大姐去拿con, 第一次帶con, 要學帶。
我見到都覺得有點驚, 帶來帶去都帶不到;
帶到了, 又不懂除下來。
最後個視光師教大姐, 好快就學懂了,
因為之前是個普通sales 教她帶, 帶了很久都不能,
而且還教教下走了出去。

我有問個視光師我隻左眼這樣能否帶, 她說都可以,
但點都要試過才知, 好難講!
mm...我又怕如果整傷了就真是不做手術也不行呀~

最後大姐成功帶到, 我就走了。

今天在天水圍逗留了好多時間~
好衰, 不去練歌!!


>>April 10, 2005 at 12:13:42 PM GMT+8

2005 年 4 月 8 日 星期五 【炎熱】


一早6時多醒了醒, 以為8時許,
看真點, 哈~ 再睡!
之後教琴, 頭有點痛。

下午返教會教映彤, 和她打了一陣交,
打完交就衝出教會, 之後返家睡一陣,
去chelsea 教。
之後又返家抖一陣, 再出去教ka ling。

在車站等車時, 發生了一件事:
我等車, 個男人站在我側邊,
我見迫就退後站, 個男人又跟住我退後,
之後就即轉身 (他手執電話聽電話般),
就問我: "唔好意思, 有冇散子..."
之後又問有冇20蚊, 我話冇,
他說他在車上跌了八達通, 又話趕住去機場....
(那時我在找有沒有散子和他唱!!)
他再問我有冇10蚊, 我話有,
給了他.........等他和他唱$,
但之後他定了一定, 沒有反應想和我唱錢,
我就知我lai 野, 就好唔禮貌咁同佢講 "我比左10蚊你我冇$啦喎!"
之後他向我說 "唔洗緊張....(講了些廢話)....我而家冇八達通, 跌左, 我要趕住搭西鐡去機埸, 西鐡坐出去要14個幾, (下有幾十字廢話)....."
我就話他 "你唔係話冇散子同我唱$ o既咩?! 我比左你我冇$ 咖啦!!"
他就即刻呆了呆, 又扮晒講電話, 又問返我 "咁你係咪唔夠呀?!"
我話 "我冇$ 囉, 我以為你同我唱散子嘛!" (緊係死都話自己冇$)
個男人就比返10蚊我, 之後就一邊走一邊話我 "原來你咁姑寒...你咁姑寒咖!?"
講了好多次, 一邊講一邊好快咁飛走去西鐡站。
那下幾好笑.....個男人知道我有懷疑, 就好快咁走左!
其實如果是真, 月台上有好多人, 又有師奶, 又有阿叔, 還有好多人,
我冇得唱, 可以問另一個啦, 而且更可向cutosmer service counter 搞,
為何一問我不遂就即走?!
咪見我教琴教到喪屍樣就以為我係呆好呃先得咖?! 我頭腦仲清咖!
最憎些人把口, 一開口就問有冇散子, 係人都以為他沒有散子去唱啦,
原來是問人拎$呀!!

其實這件大約左1年多前都曾經被人呃過, 呃了我20蚊呀!
又是在輕鐡站, 記得那時我趕時間去教琴, 又是有個男人問我,
又是手執電話扮聽, 又是話趕住去機場。
其實剛才個男人一邊呃我時, 我個腦就想返起1年多前這件事,
眼見面前這個男人個look 和1年多前呃我個男人個look 有90%相似,
所以...........今次我知道他又呃人囉!!
我話完他之後, 想即時鬧他 "又係20蚊?! 又趕住去機場?!"
但想問口之際, 他就話我 "姑寒" 呀, 好快咁走上去西鐡,
我廢事做潑婦係條街度大鬧, 因為他都走得好快。

以後都是要眼見對方真的手拿錢才拿銀包出來和他唱!
好在今次我窒他, 他又驚月台上其他人聽到才比返$我ja,
如果他搶了我銀包咪死!?

下星期又忙了, cross cultural present & 交fyp draft 2, 差點忘記呀!



昨晚發夢又見到你了.....幾開心!


>>April 9, 2005 at 1:44:17 PM GMT+8

2005 年 4 月 7 日 星期四 【炎熱】


今天只返12.30 的e-logistic lecture,
和清早了去美孚吃lunch。
早了返到學校, 見到hall 有得捐血, 就走入去捐,
因為我以為會好快就捐完, 頂到盡會遲半小時上堂啦,
怎料搞到1.30 才去上堂, 只上1小時。

入到去, 阿旺都只是講了少少notes,
所以都okay, 傻的, 等我還以為差好多要趕抄返。
上上下堂, 覺得對眼有點腫, 懷疑捐血捐到d 水份谷到上臉,
feel 到塊臉被水谷到衡!
後來我沒有理會, 放學和清&洲去了葵芳打機。

一入到機鋪, 就見到queeny, 我們即話她學又唔返, 但又去打機,
原來她星期一上了, 所以今天不用上堂, 但就有返學交功課。
之後她教我去較彈琴機的mode, 我就玩, 好快她就要走要去補習!
今天玩了幾次彈琴機, 打太鼓, 起勢升grade 呀, 哈哈~
之後玩殺蟲水噴蟑螂, 又玩小新, 好搞笑的!
玩完後就精神了些, 之後在戲院門口看新戲的poster。
阿清...無得頂, 她職業病發作, 無啦啦起勢向我解釋張poster 的slogan,
笑到我死, 我本來都不想出聲, 但忍不住,
向她說 "我其實識字睇咖!!"
之後就笑到我們3個死, 癲ss 左般!
她就不明白為何自己會無啦啦解釋, 愈想愈好笑呀!

之後行去葵涌廣場扭蛋啦又, 扭上隱, 阿洲都被我感染到上隱。
起勢扭青蛙, 好笑呀!
原來些青蛙個牌上有名咖, 好核突咖, 哈哈~
愛上青蛙呀, 好有衝動想扭齊一套呀!

之後行一陣, 我和阿洲勁整蠱阿清,
講野時常 "窒" 她, 更待她講完就即走開,
笑到爆炸!
又發生一件金莎花事件....笑到嘔呀!

大約7時就走了, 在西鐡站撞到斑馬婷。


>>April 8, 2005 at 12:22:01 PM GMT+8

2005 年 4 月 6 日 星期三 【炎熱】


今天和清返學, 返到去上cross cultural tutor,
group 1 present, 我只聽了少少其他同學仔pre 什麼,
之後就和清兩個起勢做quesionair, 人生第一次人那麼大本&多的quesionair,
離晒譜, 做到個人不想出聲。
差不多present 到尾聲, miss 走過來望著我們做什麼,
之後當然停手啦, 未死過。
不過都被miss 發現了我們犯了 "當其他同學present 時不尊重對方" 的條例!
之後再講返tutorial 的notes 就落堂了。

之後飛下去canteen 買燒賣, 就去上contem. issue。
幾好呀, 講china, 又是我的興趣, 因為有地圖看呀~

then 放學和清&洲去了屯門飲茶。
我就覺得不太肚餓, 因為我餓過頭~
阿清趕住食, 因趕住去補習,
飲了大約45分鐘就走了,
我和洲繼續吃。
飲到4時許, 行一陣,
去了扭蛋, 發覺近期我扭上隱!
行行下在catalogue 附近撞到dannie 傾電話,
她向我說今晚和canlit 去看古巨基concert。
哈~ 好勁咖, 見她一邊和她mother 講電話, (因為她又和我說電話內的是她mother)
又可以一邊和我講野話今晚去聽concert, 哈~

之後想hea 到夠鐘就出去,
但又累累地, 都是返家睡一陣才出去。
返到家睡到6.30 就出去,
睡了半小時, 好辛苦呀, 不想出去,
但已經2堂沒有上, 就只好去啦。
去到剛好拉筋, 當我以為自己有些動作一定做不來時,
發覺原來我是做得到的, 哈~
今天都okay 累, 不太想跳。
發覺是自己不願去記step 去跳,
和之前去東莞時跳的那隻舞的心態完全不同,
之前勁有心機跳, 時常記時常練, 跳得幾好,
今次就完全相反。
今晚一跟不到就停了下來, 完全不想去跟,
有個衝動想走在一邊看其他人跳, 跟本個心都不想去記,
由第一堂開始到現在, 一直都pair 下pair 下,
去到上堂才remind, 一落堂就拋諸腦後。

走時和斑馬婷走, 買了串魚蛋&魚肉吃, 餓餓地!
她一路上都分享她工作上的事, 我就聽。
都幾好, 可以知道第日到我出來做事時會遇到的事,
不過好多時這些事都是理性上知道, 但始終都要真正出來做事時才會感受到的。

坐西鐡時一邊傾, 好像到元朗站時, 聞到一陣好大陣的伯父油味,
這陣味好熟悉的, 好像在那裡聞過,
之後就一邊和婷傾計一邊個腦又想在那裡聞過呢?!
之後我個頭望了望左邊, 嚇見班中的一位同學坐在左邊對面,
他向我打招呼, 那我就禮貌地報似微笑就算, 之後都不敢再望過去。
我即時醒覺為何會有這大陣的伯父油味了,
聰明的同學仔都知道我講誰啦!

今次下車後我行得好慢呀, avoid walking fast 呀,
記得上次我就是行得超快, 幾豬呀!

返到家即沖涼, 有點餓!


>>April 7, 2005 at 4:20:16 PM GMT+8

2005 年 4 月 5 日 星期二 【晴】


今天和燒燒去了荃灣唱k, 超耐沒唱k啦!
去到一邊唱一邊笑, 2個人喪喪地咁~
無得頂囉, 我無啦啦把聲原來可以極似boyz 入面的kenny 囉,
笑到呀~ 2個勁笑, 癲ss 了般。
之後燒一邊望住我, 又望下kenny 個樣,
總之一見到kenny 出現, 就激笑,
又話他個樣定型好似蜥蝪!
起勢咁叫住黎笑, 都唔知叫定係笑,
笑到成首歌完了都未笑完。
勁得人驚, 肯定隔離都聽到我們的笑聲,
出面的staff 想入來都不敢入來呀!
好變態~~~
唔關我事咖, 係kenny 把聲似女聲ja ma!
死未, 無啦啦又會似o既!

唱到4時, 我們就行街街。
晚上去了愉景吃dinner, 一邊講在physical 的事又笑,
就來笑死咖啦, 成日笑!
之後慢行去荃灣廣場, 在7吃紅豆雪糕。
好開心有雪糕吃, 又吃雪糕啦, 又話要控制我,
但都不能, 最後大家齊齊吃。
一邊吃個肚就一邊漲呀, 生得咖啦我, 肥婆生雪糕呀!

去到乞衣島, 又見到阿妹, 她又叫我買野啦,
又話好想食啦, 上次見到她都是這樣!

之後和燒行多一會就搭西鐡走了。

行去搭西鐡時, 我們去了幼稚園門口映相,
因為有些好得意的公仔!
之後一邊行, 我又講一件騎呢事 (都是幻想出來, 好難會發生的),
笑到爆炸啦又。
你叫我唔好癲ss, 我都照癲ss, 就好似我叫你唔好再食咁多野一樣!

笑到好累, 9時返到家。


>>April 6, 2005 at 3:22:16 PM GMT+8

2005 年 4 月 4 日 星期一 【晴】


今天和阿洲去了看"挪亞方舟",
感到神真的好勁, 見袁文輝他們努力地去找出方舟的遺址,
又努力地去找其他資料&人去證明曾經有洪水沖過的地方的痕跡。
差不多到最後, 講到聖經上有99%以上的預言的應驗了,
那刻感到神好近呀!
而袁文輝最後講那句 "可以和主宰天地萬物的神好似爸爸咁親切....好感謝神!"
見到神在他們去找方舟的過程的保守, 完全的聽禱告, 好奇妙&感恩!

之後我們去了尖咀的藝術中心看impressionism畫展,
嘩, 超多人呀! 我們排了大約1小時才買到票。
上到去都好多人, 勁好看呀, 好靚的畫呀~
最喜歡莫奈的畫, 畫得好有力, 而且好有動感的感覺。
有一幅是有齊好多個的畫家個樣, 其中一個在畫畫中,
這幅好靚呀, 立體到呀!
勁多人, 看了好多, 逗留大約一小時就走。

之後去了hankow rd. 間 "兔仔林" 飲荔枝茶。
今天頭痛 & 肚有少少痛, 都沒有怎樣出聲
then 去了esprit 行一陣。
後來我們想行去文化中心那邊,
行去途中經過隧道, 在隧道內見到林子祥。
之後林子祥就一直跟在我們後面行,
一直行到去碼頭才見他分開行,
後來有對夫婦見到林子祥就叫他打招呼, 哈~
我以為林子祥okay 高的, 但原來都不是, 只高我少少。

之後行去海旁, 撞到阿成迎面行過來, 快速地打過招呼。

後來我們上去樓上, 見到好多人, 大部分是外籍人士& the philippino。
之後我們勁映相, 自拍, 自拍再自拍.....阿人話映上隱, 傻仔咁o既樣, 笑到爆!
後來就開始癲ss, 映我個超~~騎呢動作movie, 笑到成條街都聽到我地把聲。
笑到抽晒筋, 而且還看到在錄影其間, 有個鬼佬望住我做緊個個動作呀, 死!
之後就起勢重覆看完又看, 又看慢鏡, 又看正常鏡,
笑到真是想嘔呀, 超~~變態呀!
我諗d 外籍人士講緊糟口鬧緊我地都唔識聽呀, 哈~

之後都差不多7時走, 返家吃飯, 再做功課!

5婷: 我諗我d 喪屍病令到我咁啦, 冇食藥都有你個d 傻仔症。不過我成日都耐唔耐作病咁o既衰樣, 但成日又發唔到出黎, 病唔去, 哈哈~ conclusion: 我勁過你, 唔洗食藥都有傻仔症。


>>April 5, 2005 at 1:57:04 PM GMT+8

2005 年 4 月 3 日 星期日 【炎熱】


一早起身, 本想出門口, 但阿清打來,
所以就hea 多10分鐘出門口。
上車不久, 阿明打來, 最後他等到我們班車去到元朗就上車!
好搞笑, 我和阿清望著他一上車, 發覺他只望遠處, 不望在前面的人,
之後我拍他才醒覺, 個樣真的好笑!

落車後, 我和清又例牌喪行,
但都未至於至喪境界, 阿明已經開始心臟病的樣子。
後來就行慢少少等他一起行!
哈~ 阿清現在已被我train 到喪行的速度快了好多。

返到去又上廢e-logistic, 留心聽都不明阿旺說什麼!
又上下網, 溫陣書, break 時和清落了canteen 吃燒賣。
之後又返去上堂, 明少少, 又不太明, 之後就放學!!
e-logisitc 真的過得okay 頹廢下! 考試feel 到會屎!

lunch 去了酸辣, 整個easter 沒有吃過,
就是很久沒吃, 我又叫了3小麻辣, 搞到覺得辣得好緊要,
之前我吃是無反應的嘛, 現在竟然......劣左呀!

then 返去上cross cultural lecture, 今次要分班坐, 因為要test。
隔離班個人呀, 勁嘈呀, 講野勁大聲,
究竟佢知唔知自己把聲好刺耳咖?!
煩到爆炸呀!
我個頭又痛, 因為坐正上面風口位,
不過都好努力地聽書, 幾goodsss!
阿清就因為這個風口位吹到個人想作病,
有點不舒服!

最後半小時就test 啦, 繼舊年year 2 時test 15分鐘的law,
今次是第2次極度的test!
因為今次只test 25題mc, 好貴的mc~
都okay易的, 不過易還易, 我這種怪人, 覺得易不是等於會高分,
隨時有驚喜咖!
做完之後就走啦~
本來之後3.30 又有補堂e-logistic,
但我要返去教琴, 所以都沒有上。
落去地下水機時, 見到變態michelle,
和她癲ss 了一陣, 又打了一陣交,
很久沒有和她打交了!
個死野, 勁起飛腳, 今天我著裙ja, 若不是, 睇下你死唔死呀拿?!
打交打到好似跳西班牙舞, 勁好笑!!
和michelle 打完交之後, 就覺得好瘀,
原來同學仔是等我打完交才一起走,
但我就以為要再等其他人, 所以繼續和michelle 癲ss~

之後和清&洲去了荃灣行一陣,
去了吃粥, 不久阿清就因為不太舒服要先走,
我和阿洲行去買個cheese cake 就行去西鐡走了。
經過荃灣廣場乞衣島, 才醒起阿妹今日在那裡返工,
之後遠處見到阿妹蹤影, 就走入去,
她勁叫我買那盒4.5元的朱古力, 原來她想吃。
買了之後, 她就偷吃了幾粒, 之後給我,
我就走了。這個過程都幾搞笑。

沿途阿洲勁講一樣野, 但我就不明白, 搞好耐都未完全明白,
只明少少啦!!
我個頭勁多question mark??!!!
哈~

之後返去chelsea 教琴, 今天教1小時, 因為學生請假, so goodsss!


>>April 4, 2005 at 12:23:01 PM GMT+8

2005 年 4 月 2 日 星期六 【炎熱】


早了起身返教會, 沒有遲!
崇拜時姬姐做主席, 帶了幾首歌,
有一首是 "一無卦慮", 我好感動,
感動到想流淚, 但都沒有, 忍著!
神又同我講野lah~

今天講員講主耶穌復活, 多馬不信耶穌真的復活了,
要見過, 摸過手上和身上被釘十架的傷痕才信,
耶穌就話未見過就已經信了被那要見過摸過的才信更為有福!

之後祈禱會, then 就在教會hea 下,
彈下琴。
之後我們青年團契, 阿劉帶, 都幾好。
在教會吃lunch 時, 阿梓講在天水圍有個滿身帶玉石的肥佬可能死了,
但好搞笑的是她開頭一講就好肯定那個肥佬是死了,
因為她說見到他有一排愈來愈瘦, 現在就沒有再見到, 應該就死了啦!
笑到我們死呀~ 姬姐勁癲ss 笑!
之後蘭子又喪左咁大聲講野, 叫我唔好再瘦,
瘦左都要返黎教會, 如果唔係我就會被人當我死左咖啦!
笑到就來嘔呀~

之後就開始團契, 我和阿劉之前溝通出現問題,
原來今次團契帶歌那part 是我負責的,
我以為我只是幫他找歌, 不是我帶, 不過都never mind的!
之後我就有少少混亂的情況下帶歌。
今個月團契主題是 "扶持",
一開頭玩games, 玩到勁笑, 我part娟娟,
起了3分幾鐘都未能成功, 但最後都okay~
之後就8個人part 在一起, 不出3秒就起到。
雖然這個games之前玩了好多次, 而每次的成功時間都不一,
但每次玩親都覺得是非常之吃力!
之後分享下, 好多的, 又玩默劇估其中一個故事,
好快就知道是好撒馬利亞人的故事。
傾下傾下都4時多才完!

之後返家瞓到8.30, 起身吃飯, 再溫書!!


>>April 3, 2005 at 4:48:37 PM GMT+8

2005 年 4 月 1 日 星期五 【晴】


一早起身教琴,
返教會想教映彤, 搭車去到籃地時她打來,
原來她仍在家, 說因為不見了琴書, 要搵,
但我就罵她, 記得她上次的琴書是放在教會電視房內。
那刻超嬲, 覺得她自己的東西都不負責任, 反而知道琴書在哪裡的是我!
之後我叫她快些返來。

返到教會後, 自己找些詩歌彈,
彈了大半小時, 陳姑娘聽到我彈 "恩典太美麗" 又走過來唱,
搞了一輪, 映彤還未到!
要陳姑娘再打電話給她~~
但我不能再等了, 要返家吃飯, 之後再去教琴,
過了時間就走, 要映彤知道這是責任的問題,
不是喜歡幾時到就幾時到!

今天個人極殘, 又想作病了,
always 都是這樣, 不過每次都病不出來。
阿妹見到我個樣都嘩一聲, 說很久沒見我的樣, 殘到爆!!
整天feel 到好凍, 個人暈暈地。
不過久不久我就會有這些事發生的, never mind lah~

大約8時回家時, 在家樓下又撞到流料敏了,
她都覺得好笑, 朝早又撞, 晚上又撞, 得閒又撞下, 好似見鬼咁!
哈哈~~

喪倦!! 溫書!!


>>April 2, 2005 at 1:08:25 PM GMT+8