2005 年 2 月 16 日 星期三 【綿綿細雨】


今天返10.30學, 打電話給阿清, 又沒有人接聽,
好勁呀, 好似由星期日開始打給她, 到現在都未搵到她呀,
今天她又沒有返學喎!

今早一返去就上cross culture tutorial,
我們又分組, 不過今次就好像舊年的HR 一樣,
舊年HR 用紙起一樣建築物, 要鬥高的,
不過今年我們就要起一條橋,
要$ 咖, 每張報紙都要錢!
條橋一定要1米長, height 就35 cm~
傾了好耐, 我們都是錯信高妹個方法!!
好離譜呀我們, miss 走過來都好驚訝,
因為miss 完全想像不到我們是會這樣呀~
我們條橋呀, 完全企唔到咖, 唔曉企o既, 唔係橋黎咖啦,
跟住又死整, 都企唔到o既, 仲要係軟lai lai 咖,
笑左好耐, 見到別的組都整得到, 起碼人地企到先啦~~
之後我們就開始本pair 呀, 把要求降低, 唔理放唔放到個奶茶啦,
我們只要求條橋企到jei, 真係咁難?!
miss 話我們 high dip 啦, 估唔到我地o既智商.....
仲要超曬時呀, 又說隔離班每組都整到呀, 係我們...
那刻真係好羞恥又好笑,
高妹被我們笑罵她信錯她, 她就坐在地上扮喊呀,
她死都話自己個方法係得咖, 但做出黎係唔得先抵死喎,
幾好笑呀~
之後我和suki 都坐下來, 男仔們就努力繼續用僅餘的方法去做啦,
但到最後都是整唔到!!
總之就成pad 屎咁啦, 好好笑呀, 但又覺得好lor 呀~
之後我們pair 到值情用膠紙把我們的橋面兩邊貼住側邊兩張台呀,
哈哈~ of course 不能啦, miss 眼火爆呀,
一早就dis 左我地啦, 打個大交叉落個board 度呀, 幾樣衰呀!

之後miss 吹我們, 要其他組做快些,
then miss 就用她的奶茶去放上我們每一組做的橋上做testing,
完全其他組做的都係得個樣ja, 企到做到個橋樣, 但放唔到野上去咖,
之後我和阿洲就勁笑說原來其他同學都和我們一樣是mental handicap 咖,
哈哈~~~ 我們還要扮傻仔個樣一邊扮一邊講, 真係好好笑呀~
有一組人更好笑, 想用膠紙貼住柸奶茶在條橋上呀, 勁給我們&其他人批鬥呀!
由於miss 一早就dis 左我們, 所以她沒有走過走做testing,
但我們就自己放野上去勁叫miss 過來看,
因為我們條 "爛尾橋" 竟然放到野上去最耐唔跌咖,
但miss 唔理~~
之後就discuss 返, 好記得miss 問我們條問題,
高妹就答我們做唔到條橋係因為冇擇吉時同拜四角呀,
激到miss 死下死下, 哈哈~~

連續2小時上這堂 "做橋" cross culture,
之後就繼續2小時的comtem. issues,
講86年穿梭機爆炸個case study, 關於business ethics,
都幾attractive 喎!
但我們就連續上了4小時的堂,
到2.30才去吃lunch, 吃到3時許,
之後就繼續返去上eng, 補課呀,
勁累, 一返到去坐下就訓著呀,
勁辛苦, 但又有d 野好好笑, 又唔記得笑乜啦,
short short 地咁, 又累冇力笑, 但又控制唔到, 好似喪婆咁啦又。

之後就激眼訓, 5.30放學, 很久也未試過5.30 放學了~~
今晚都想去灣仔約埋龍龍去練歌, 但我真係累到爆炸...放棄了!!

今晚, 又要趕份 "難頂" project, 無得頂呀!


>>February 17, 2005 at 11:36:56 AM GMT+8

2005 年 2 月 15 日 星期二 【晴】


今天終於見到燒燒了, 卦鬼住你, 好耐沒見啦!
今日我們上了大陸, 因我受了大打擊, 所以去了 "落髮",
燒也跟我一起去 "落髮", 哈哈~
短了好多, 冇左好多頭髮!
我和燒講 "有人愈係鐘意我長頭髮, 我就愈去剪短!"
哈~ 覺得自己超傻仔! 冇計, 因為我唔想佢鐘意!

之後落了羅湖泵骨, 兩個傻人傻傻地企錯巴士站等車,
好在開口問下人, 都話我醒啦, 哈哈~
泵骨個靚女說我左邊身勁勞損, 笑說我永遠都是左邊,
我說 "半身不遂", 笑到我們傻呀!

好累! 明天返10.30 學, 又要補課, 勁唔想補!


>>February 16, 2005 at 5:56:56 PM GMT+8

2005 年 2 月 14 日 星期一 【晴】


今天一起身, 吃了個麵,
本來都okay 的, 但我吃吃下突然間, 是突然間,
不想再吃, 突然間停口停手, 好想反胃般...
上次發生同類事件是在年初一,
我見住我表弟又是這個突然的反應, 跟住就到我,
到今天又再次發生於我身上。

下午就起勢地喪彈琴, 又彈了幾小時了,
彈到個人好累, 但都唔肯放手般,
之後我阿妹放學返來, 我就stop,
開始做 "難頂" project, 做到個人接近昏迷狀態,
但仍要死做, 無得頂呀,
覺得自己都幾叻咖, 不是我做到昏迷都繼續做而叻喎,
而是覺得份project 好有成就感呀,
因為差不多整份都是我做,
不過還有另一個同學仔和我 "同甘共苦" 分擔下, 感謝主呀!
其他的group members就.....算了算了, 不想再鬧, 我唔想口嗅呀~

今天看了一個朋友的diary, 好搞笑的,
看到後我對住個mon 係咁笑, 笑到好似喪婆咁呀,
話說是他發了個怪夢, 他記了夢的內容,
我copy 了小小出來分享下.......
".......仲要出去分享,但係就唔記得分享o的咩,個聚會高潮就係搵左董伯伯黎俾我地批鬥,要係企o係隻烏龜上面同我地認錯,至於點解要認錯,同埋點解要企上的烏龜度,我都唔知! 佢認錯完個聚會就散啦~~~大家都好開心呀!"
好搞笑呀真係, 龍龍你係得呀~~

好眼訓呀, 處於昏迷狀態頭腦都咁掂呀,
證明我根本就唔係蠢, 懶ja ma~~


>>February 15, 2005 at 11:40:25 AM GMT+8

2005 年 2 月 13 日 星期日 【晴】


昨晚發完脾四, 今天好了點點啦。
一起身就食辣野, 辣到癲癲地,
之後就喪彈琴, 明知道電話勁響都不想聽,
唔知呀, 那刻不想聽...(我係咁怪咖啦!)
之後又睡, 渴睡症又來了!

今晚有人打來傾聽日bbq 的地點,
但又好似好難找地點可以夾到方便到每一個,
而且阿明又話下星期.......
唔知呀!
之後阿洲竟記得我明天農曆初七生日,
哈哈, 除了我的家人記得我初七生日, 都沒有人知了,
覺得幾搞笑呀...

今晚又要繼續面對 "難頂" 的project!


>>February 14, 2005 at 1:03:16 PM GMT+8

2005 年 2 月 12 日 星期六 【晴】


今天感謝主, 因我要做司琴要早少少返去,
但我都可以早到,
而且我昨晚都祈禱叫神幫我今天崇拜都不要再中眼訓,
所以今天崇拜我好精神, 感恩!

本來今日心情都幾好, 下午和弟兄姊妹去了元朗吃lunch,
之後就和蘭子出了九龍灣去ACM 練歌,
第一次join ACM choir, 幾好, 和參加大型詩班時差不多喇,
都是roger 指揮, 而且今天知道自己被編了那個音部,
如我所料, 我是 alto, 即女低音, 蘭子就soprano, 我們要分開了,
我把死人聲唔曉高音o既, 男人咁, 所以 alto 就o岩。
和蘭子邊唱邊笑啦~
今天練的兩首歌和 8月時大型詩班時都唱過, 動作也一樣,
所以對我都沒有什麼困難的!
之後又分返上次o'day 時分了的組去分享祈禱, 幾好,
就是這個分組分享, 令到我心情一直down 到現在,
現在還很忟, 好似得我一個人著急, 其他人就懶到屎咁~
我分享我好擔心份project first draft 做不起,
因為整分 proposal 不知在那個group member 處, 而且沒有人肯去做般,
星期四一返學就要交的....
always 都是這樣, 唔問就唔去做咁!
真係嬲到好想講粗口, 但我是不會這樣做的~

今晚打去問其中2個group member, 我好想打人呀!
頂頂頂!!! 十萬個頂 x 十億呀~~
想點 jei 你地, 份 proposal 又攬住唔放, 但又唔見你話拎出黎大家去傾喎, 點做jei,
完全冇聲氣話要去傾做份first draft project,
好迷網呀~ 又食c 喇!!
我唔出聲又冇人出聲話要去做啦,
早知我玩野, 同你鬥唔出聲, 睇下到返學個日你死唔死去拎份proposal 出黎,
冇野咖, 大家冇分ja ma!
你唔做我又可以唔寫你名上去咖, 你都冇分做點解要我寫你名呀?!
而家係冇人願意去郁去想傾究竟我地做大陸 or hk,
呢個問題係上次present 時阿sir 問咖,
到而家乜都唔知想點, 咁點去動手做呀?!
正一食c 怪黎咖你地!
一陣又話我唔問你地就自把自為揀左都唔出聲呀!

好嬲呀我! 正一 "叉燒飯" 黎咖!
心情差到極點!

5婷, 你叫我上乜野呀?


>>February 13, 2005 at 2:54:45 PM GMT+8

2005 年 2 月 11 日 星期五 【晴】


昨天初二, 和弟兄姊妹去行山,
我們9.30 在粉嶺出發, 去了鶴藪, 之後再等周偉雄,
因為婷婷忘了原來還有周偉雄未到, 哈~~
之後在鶴藪出發, 再行去流水響, 一個乾了塘的流水響,
我和他們說中五時跟學校來過流水響, 以前真的有水在流響咖,
被他們笑說我中學竟然會來流水響, 哈~
沒法, 以前中學些老師驚死我們去旅行會去死咁,
所以會去埋人地d 小學去o既地方,
還記得中一 or 二時, 去大棠都夠膽死, 沒錯, 是元朗大棠公園,
我小學一年班都去過了....
劉金龍就是這樣啦!

回題啦,
經過流水響, 再行去九龍坑山, 這段路都幾長幾斜,
但昨天我狀態真的幾好, 而且行得都快過平時,
沿途和其他人傾下計, 感覺好快就上到山,
之後我們在九龍坑山坐在山邊吃lunch,
婷婷就不舒服, 都沒有怎麼出聲 & 吃東西,
真的好似我之前一樣, 病樣!
在那裡都逗留時, 揚揚 & 義義玩walkie,
收到別人的calling, 幾個台都收到,
收到其他人的call, 又收到大陸的士司機講國語,
又收到鬼婆講英文,
勁好笑, 我們又玩對答,
揚揚和大陸司機用國語講"恭喜發財",
對方又有回應說 "謝謝!!" 幾好笑,
又收到有個香港人勁說自己在番禺吃緊番薯,
那人的代號為 "揚州炒飯", 我們就被他稱為 "乾炒牛河",
"揚州炒飯" 問我們在那裡, 揚揚就勁說我們在九龍坑山,
之後又收到鬼婆, 和她們講英文,
好記得揚揚和她說 " i'm not a beggar!"
牛頭唔答馬咀, 對方只說 "sorry!"
2個小朋友勁玩walkie 就引發了好多笑料, 哈哈~~
之後我們就下山, 條山路梯級行到我們腳震,
真是震, 再沒有力, 好想衝 (滾) 下去!
我們又去到沙鏍洞, 好幾間荒廢的舊屋,
在那裡見到 TVB 正在拍攝新聞透視,
那兩個攝影哥哥向基哥說19號晚將會播出,
可能會見到我們個樣......哈哈~~
多數會被人cut 左咖啦, 無啦啦映行山人士個衰樣咩
應該是說有我呢個衰樣係入面, 成套片會衰左囉, 所以要剪呀, 呵呵!!

行完沙鏍洞, 就再行去鳳園, 聽基哥說那裡是蝴蝶保護區,
但去到, 我們只見到一隻白色蝴蝶, 是一隻呀!
這個天氣又真是少蝴蝶的, unless 春天啦!

我們在鳳園出返去大埔汀角路, 再搭巴士返去火車站就走了。
對腳好累呀!

返到家5.30, 立即沖涼換衫, 再去婆婆家拜年吃飯,
又飽啦, 之後8時許就返屋企, 返到家不久我就睡了,
8.30 pm 睡!
睡到今朝去天水圍教一個學生, 今天下午so 正,
不用開工, 在家hea, 他們出晒去, 得我一個在家,
彈了一陣琴啦, 爽呀! 之後龍龍打來傾有關跳舞的事,
傾了一陣啦, 還記得 "竹蜻蜓" 事件, 笑笑笑!!
我是時候發email 問問人啦,
廢事我呢個做康樂o既, 有名無實, 唔知做乜就死!

今天仍好卦住你呀, 唔知點解好想快d 見到你,
這2晚發夢都夢見到...傻傻地呀!

係喎, 我地份project 1st draft 仲未掂過喎, 又話跟住份上次個proposal 的content 做, 但而家份proposal 係邊個度都未知喎, 點做呀?! 喂...邊個拿住份proposal 唔拎出黎呀, 好快d 拎返出黎啦喎, 你唔拎就你做晒佢啦, 我唔幫手咖!


>>February 12, 2005 at 7:53:32 AM GMT+8

2005 年 2 月 9 日 星期三 【晴】


今日初2, 昨天初一去了姑姐家拜年。

年30那晚早上6.30 才睡, 應該說是初一朝早6.30 才去睡,
睡到下午3時, 之後就快快起身換衫出去西灣河去姑姐屋企啦。
去到都5.15 pm, 都沒有什麼做, 吃下東西, 打下麻雀,
和班大人打, 我代姑丈打, 我勁win 呀, 不過我當然不是打錢的, 玩籌碼,
但到最後, 大人原來是計錢的, 不過不當我打錢....
到到最後, 我沒有lose 又沒有win, 他們笑說我都幾難可以打到打和!

之後又和表弟玩 "前一後一", 笑到我爆炸,
大家聽過啤牌有11未? 勁好笑呀, 我表弟就是這樣啦,
數到 j, 他竟然說是11, 笑到我死呀, 又抽筋,
成屋就是聽到我把笑聲, 佢地都慣左lu~

晚上吃飯啦, 勁咸呀, 特別冬菇呀,
乂燒都咸咖啦, 但當你吃完冬菇再吃乂燒, 竟然會覺得乂燒冇味呀,
幾勁!!!! 他們慣了吃咸野都覺得冬菇咸呀~
怪不得他們來我們家吃飯會說我媽咪煮的淡啦!!

差不多10時就走了, 好累, 快快沖完涼就睡了,
今天睡到1時才起身, 好正呀這幾天, 可以不用早起,
正到爆炸!!!

今晚又吃開年飯, 又吃啦,
這個新年我又一朝喪了!!

這2天唔知點解成日都好鬼卦住佢呀, 哈哈~ >0<


>>February 10, 2005 at 6:55:02 AM GMT+8

2005 年 2 月 7 日 星期一 【晴】


今晚年30, 下午執野執到時間過得超快,
晚上公公婆婆, 麻麻&叔叔就來了我家吃團年啦。
個盤菜真是預計得到, 吃剩呀!
真的太多肉了, 有點肥膩, 但確實幾好吃的,
不過他們說下次都不會買盤菜了。

晚上和教會弟兄姊妹去了元朗年宵市場,
今年改了地點在工業區做年宵, 場地大過以往的,
都okay 多野睇, 又是這樣囉, 勁多人!
我對朵用紙做的超超超大花有興趣囉, 做得真的幾靚,
但好貴呀, 78元一朵激大玫瑰, 我們聽到即時 "嘩~~" 一聲,
之後再問朵激大菊花, 48元, 我們又再 "嘩~~"
賣這兩支花個男人也跟著我們say "嘩~~~" 哈哈
我買了個如意結釣住兩條魚個d, 想買兩隻, 但只揀到一隻是好樣的,
最後10元交易, 抵呀!!

之後我們行去吃甜品, 去到舊b仔, 喪多人, 要排隊等位好似去飲茶咁,
所以我們就揀了去新b 仔對面的泛后。
其間我和阿劉兩個要先行去霸位先, 但我們2個都不太記得些路,
好似沒有印象, 之後我們2個就行了個大運喇, 行了2次都經過間惠康!!
後來行返出大路, 再行去恆香附近才記起, 在恆香等他們再行入去。
對面新b 仔和舊b 仔一樣喪多人,
我們在泛后都等了一陣, 一樣多人到爆。
叫了幾樣野, 其中一樣是10蚊腸粉10蚊魚蛋,
但我們發覺應該比少了魚蛋, 計來計去也得8粒!
那碗大雜果涼粉也比其他人叫的細碗了少少啦~
too bad 啦~~
在那裡又笑到傻啦, 不過今次是小傻, 沒有太激,
可能有點累吧!! 而且沒有人和我一樣是癲s 的, 沒有太大影響, 會好少少! :p

之後差不多3時才走, 返到家又不想訓, 嘻嘻!

新年快樂, 主內平安, 日日都咁開心!


>>February 8, 2005 at 8:39:45 PM GMT+8

2005 年 2 月 7 日 星期一 【晴】


昨天9.30 返e-logistic, 阿旺型到爆,
用中文ppt 講書, 搞到我完全對唔到自己份notes 講到邊,
好在頭這兩課都是講返舊年e-commerce 的東西, 叫做知道下啦,
唉~ 搞到整堂都上網!

之後去了茶餐廳吃lunch, 食少少就飽, 發癲!

下午返去上cross culture, 個miss 又黎啦,
一日講野以為自己好好笑咁, 2小時又沒有break 喎, 難頂到爆!
之後我在自己位係度話miss 叫佢快d 講下個point, 好煩,
隔離瑋瑩話我m 到咁樣, 我仲好低能咁話你點知咖?! 唉~
個miss 真係好煩, 講講下飛了去下part, 之後又返轉頭,
then 每2句就講廢話...............
而且昨天那堂, 教的和舊年HR一樣, 都是講那些,
我和michelle 都說早知不上, 之後michelle 就在notes 上畫舊年 "面面" 教HR 時的樣,
激似, 睇到爆笑, 家瑩一看就知是她, 哈哈~~

之後a班 & c班要上堂, 我們就放學了,
放學去了旺角陪阿洲拎眼鏡, 怎料眼鏡還未到, 要等到7時才有得去拿,
之後想陪jenny 去旺中買衫, 但行行下發覺都夠鐘, 所以我先走,
留返阿洲陪jenny 去行, 我自己就去了荃灣拿眼鏡,
去到都幾多人, 要拿籌等了大約十多分鐘才到我拿眼鏡,
哈哈, 幾好看呀, 自己讚自己!
then 就喪行去搭西鐡返屯門教琴, 話咁快就過了1小時45分鐘,
之後約了阿洲在銅鑼灣等。
呀~ 去到我出錯出口, 阿洲又沒有講他在那個出口,
搞到行來行去搵對方...要知道個死人銅鑼灣地鐡站不似其他的可以在地下周圍穿返出去其他出口......就這樣曬左半個鐘了, 若果不是這樣會好快的, 因為我真的好快出到來呀, 多謝西鐡!!
之後我叫阿洲在time square 等我, 我行過去好過了。
他帶了副新眼鏡, 看上去又好似沒有上次那麼 "升價十倍" 感覺,
但都 "升價五倍" o既~~ 哈哈~~
我那副就不同啦, 較上次去試時還好少少, 呵呵!

去到那裡, 條街勁多人, 我們去了m 記食野, 因為快!
之後順人群行去維園, 真係激多人, 在想如果今晚年三十還會更多~
多人多到爆, 但好多野睇,
買了個雞頭帽, 好得意咖, 阿洲試帶時, 被個男人見到之後就勁笑他,
個男人個老婆定唔知女朋友也笑, 我都笑啦,
因為他的頭真的大呀, 帶上去成個傻仔咁, 個頭仲要大過我呀, 死未!
他又hurt 爆啦, 之後又周圍行, 行到一處地方,
阿洲行了過去某個counter, 我又想過去, 但過不到,
因為根本不由自己控制自己o既flow!
他見到我一直想過去過樣, 又笑我, 笑我帶住個雞帽想行過去個樣好似小雲,
今次到我hurt 爆啦!
之後就把這話題發揚光大講笑,
在那裡笑到好似痴總制咁, 又多人喎, 笑到收唔到,
後來我聽到&見到後面個女人同佢老公講+手指一指話我們 "chik! 都唔知佢地笑乜!"
之後我們即時收聲+行快兩步!
好惡呀, 笑都唔比~
在那裡有個攤位是基督徒開的, 他們一邊賣, 有一堆人圍著&彈結他地唱詩歌,
見他們藉此傳福音, 幾好,
聽到他們唱 "頌讚你halleluja" 我又想唱埋一份咖, 哈哈!

行到12時就在天后地鐡站出口搭地鐡走了。
搭地鐡我們兩個又痴總制, 笑到就來死,
在地鐡內講返在年宵聞到嗅狐味的事, 又笑,
笑到好樣衰比人望, 好攞命呀!

去到美孚搭n 車返家, 3時才睡,
正呀, 今天可以1時才起床!

阿爸去了元朗萬里緣買了個細盤菜今晚做節,
今晚我們8個人吃都吃唔曬呀一定, 細盤菜都咁大盤咖原來,
要執下個書櫃先, 阿媽叫我執, 執到今日年30都仲未執, 哈哈~


>>February 8, 2005 at 6:24:55 AM GMT+8

2005 年 2 月 5 日 星期六 【晴】


今早可以準時返到崇拜, 而且早少返去準備敬拜的歌,
不用彈, 只唱, 感謝主!
今次陳姑娘講道不像上次那麼長了, 但...
我又好衰, 聽到中段中眼訓, 後來又精神返!
下次要好好祈禱求主幫助, 唔好比魔鬼係度玩野~

之後我們又在教會hea了一陣,
東東曬返03年12月文慧姐姐結婚的相給我們,
又在笑娟娟 "羅滋威爾" 相, 我只講了這4個字jei,
阿邦就周圍講, 之後阿宗又加咀說是 "尼斯湖 + 羅滋威爾",
阿劉聽到後又要conclude 一次, 但他在 "尼斯湖" 後加了句 "水怪" 兩個字,
好變態, 完全加鹽加唶, 笑死人!
之後我們7個人去了屯門吃泰國野, 幾好味~

後來約了燒在旺角等, 去了朗豪坊, 都行了很久,
勁多人呀~ 勁耐冇見燒燒, 同上次見一樣咁肥呀你! 哈~
大出血啦我地今次~
晚上去了廟街吃飯, 不過去了試第2間, 不是平時吃開的那間,
oh, 勁唔抵呀, 貴過平時那間呀,
早知我們2個去唱 k 啦, 仲有buffet 狂食tim 呀~
之後去了7-11 吃朱古力雪糕, 我又黎啦, 一邊食一邊叫 "我要瘦!"
我們又行過一間鋪, 正在播放一首"無得頂" o既歌,
乜野 "新春轉運..." 咁, 最尾個句仲要聽到有d 扭上去o既感覺,
我地兩個即時同步笑住話, "嘩, 首歌無得頂呀"...真係老套到震, 勁好笑!

之後就走了, 11.30 返到家, 好累啦又, 好多野拎~


>>February 6, 2005 at 5:38:29 PM GMT+8