2005 年 6 月 9 日 星期四 【晴】


一早去荃灣主恩會上專使的 "同行小組"。
去到荃昌, 已經身水身汗, 開心撞到玉婷 & 李碧,
以至不用盲中中唔知中去邊搵唔到。

今天都超時, 不經不覺2 pm 才散,
10 am ~ 2 pm..........都幾累, 什麼也沒吃過落肚。

返到家吃m 記, 都3時許4時.....
好眼睏!!!

冇野講....唔想講野!
今天諗好多野....我d 壓力煩惱又黎!
好想乜都唔理由朝喪睏到黑, 乜都唔洗我做, 唔洗我去承擔個責任, 你話幾好呢!!
不過人總要有責任, 所以根本上冇可能!!


>>June 10, 2005 at 10:37:53 AM GMT+8

2005 年 6 月 8 日 星期三 【晴】


昨晚凌晨4時睏, 一邊溫書, 一邊開著電視,
見到做粵語長片, "英雄難過美人關", 老套兼爆笑,
咁o既樣叫美人...哨牙婆一名....眼又細....以前冇靚女明星嗎?
阿曹達華, 都未係探長, 只是探長個仔ja! 成個群腳仔咁, "爸爸" 前 "爸爸" 後,
d 對白又肉酸喎....唉, 我都唔識形容呀, 總之睇到笑爛咀!

今早考cross-cultural, 一早和清去了元朗吃越南,
飽到呀, 阿清又喪食, 我又嚇窒! 點可能食到咁多野咖, 咪見你瘦就比你呃到!

之後返去考, mc 好快就做完了, 勁驚自己做錯。
後面的case, 幾短喎, 正囉, 寫了好多,
最後long q, 不太知自己寫什麼~~~
我想會pass 的, 做到已經不想再做了,
check 了一次就走, 因為太累呀!

今天收到2個朋友的msn, "為你祈禱, 努力", 看後有一股動力。

我做到大約3.15 pm 就走了, 唔想再理!
之後和清去了朗豪坊行一會, 7 pm 返家。

今晚家裡好多人, 我家好少會這樣的,
好開心的一餐晚飯, 雖然累到沒有太出聲, 只識笑!!

周公個仔呀, 我好卦住你呀, 你記得約左我去赤柱dinner 嘛?!
嘻嘻!

5婷: 你爆瘡眼袋呢d 樣, 我有齊晒啦, 好似玩篤篤機搵相同咁, exactly 一樣, 有5處地方相同呀!


>>June 9, 2005 at 4:09:36 PM GMT+8

2005 年 6 月 6 日 星期一 【晴】


collapse啦 collapse 啦~
好累呀, 就來collapse 啦!

昨晚溫書都溫到呆呆地, 溫到11.30 pm 就呆左!
之後就攤屍般攤在梳化上看電視, 等看 "創世紀ii",
但都睡著了, 之後醒一醒, 繼續看。

今早10.30 和清去了元朗吃lunch, 去到都11時。
一邊吃一邊大家互溫, 幾好!

今天考contemporary issues, 1.30 考, 考前在"雅座" 想溫書,
但都沒有溫, 小睡了片刻, 太累啦實在。
之後咪入hall 考囉, 個hall 凍到殮房咁~
起初會想自己可能考到3時許就走得, 怎料好多野寫,
足足做了4小時, 坐到腰都斷,
但感謝神都考得okay, 識做呀, 和test 差不多, 不過case 就真的難了少許,
不過都吹水, 吹呀吹, 唔知自己寫乜lu~

之後放學, 人都癲ss 咁去荃灣上專使。
入到去下午的堂還未完, 但我都上埋最後10幾分鐘!
6時dinner, 去榆景dinner, 又和李碧笑到食唔到野~
之後我, 李碧, 老火, 飛鴻先返上去, 因為今晚我們4個帶敬拜,
但主要都不是我帶, 所以都沒有緊張。
都幾開心的就是第一次有機會帶敬拜, 平時突教會做司琴,
所以都是一個嘗試, goodssssss~~~
之後就開始聽專題, 好累呀!
但阿勇有時講得都幾搞笑, 搞到我又和喪碧忍笑。
9.20 pm 就散, 搭west rail 走!

未溫完cross cultural, 星期四又考啦, 無時間溫!
明天都請假不返去上專使了, 我要溫書, 我要溫書, 比d 時間我好嗎?



今日比人睇見我同男朋友的相, 話我而家個樣同之前又唔同左.....嗚~ 離晒譜呀!


>>June 7, 2005 at 2:47:51 PM GMT+8

2005 年 6 月 4 日 星期六 【晴】


昨天星期六, 教完琴後, 晚上返了教會團契 & bbq
下午小朋友bbq, 晚上到我們,
但我沒有b 啦, 因為不想留太夜, 想返去溫書。

7.30 pm 去到, 等齊人後, 大約8時多開始,
少少肚餓, 阿欣烚了幾條腸+雞奕給我吃,
之後就開始團契。
班細路在我們團契前就更好笑,
因為教會勁多飛蟻, 義義他們班細路勁用吹氣鎚仔起勢仆飛蟻,
又無啦啦有隻蛤蜊走入來禮堂, 又勁玩, 笑爆咀呀!
蘭子帶得算不過不失, 都okay咖啦~
之後彈一陣琴, 和東東 & 二嫂rachel研究一陣chord, 玩一陣啦,
和蘭子又發一陣癲ss。

後來入去office, 智智做功課, 問我 "橋樑" 用什麼量詞去形容,
之後他就抵死地問我, "joyce 姐姐, 橋樑用乜野量詞呀除左用"一道"?"
"不過睇你都係唔識咖啦, 因為出面d 人問過晒都係冇個識"
嘩~~ 佢個智智呀, 跟住我就玩佢啦, 問佢乜野意思,
話無錯, 我係鬼婆, 唔識中文, 我讀名校, 慣了用英文上堂, 唔識中文,
之後就勁笑, 笑住用英文話他, 他就無言以對, 勁係度笑, 2個喪人係度狂笑,
我就不停用英文同佢講野,
陳姑娘在側邊都笑到扒係度, 更幫我一把話我又真係幾似鬼妹,
哈~~ 笑到真係死呀, 智智最後都被我講到只識係度笑。
then 智智就話我中國人唔識中文,
之後我就叫陳姑娘用國語和我們溝通, 不准講廣東話....死話自己識國語,
智智最後輸了啦, 哈~~ 真係要命呀!

之後我們班青年人bbq, 一邊b 一邊傾去camp 的事,
好多東西要傾呀, 地方都還未firm, 要看看林家麟的公司屋要怎樣啦。
但講真, 自己都不太想去林家麟那處,
因為次次去camp 都是那裡, 都有點悶,
但又慳了一筆租屋$.....
後來我傾到10時就走了, 返家溫書。

今朝自己返了主日學, iky 病了沒有返。
後來崇拜請了牧師來講道, 勁好聽, 但我有點眼睏,
不過真的好感恩, 講題和我去這3日camp 的事完全match,
好感受到的, 所以姬姐今天這樣我都好明白。
之後報告時我上台分享返去專使camp 的感覺,
都不太知自己講乜, 因為都唔講得我做過什麼, 可能d 人唔明我講乜鬼, 哈哈~

下午2時許才去元朗吃lunch, 和頌恩, 珊珊, 斑馬婷去茶餐廳,
間茶餐廳的tea 幾好吃, 我實在太肚餓了, 都吃幾多。(又再次喪食於人前)
3時多搭west rail 返家, 落大雨。
回家睡覺, 我要儲存energy 今晚溫書,
個幾星期都沒有睏得耐呀, 根本唔夠睏。


>>June 5, 2005 at 2:13:43 PM GMT+8

2005 年 6 月 3 日 星期五 【晴】


放低自己的3天camp



星期2 一早入了camp,
去新浦崗camp, 第一次。

這3天的camp 實在好感動, 好刺激, 好感受到神的同在。

之前interview 時都向阿勇講我可不可以不去這個camp, 因為想溫書, 好快要考試。
但真的好感恩是我有去這個camp, 太多經歷啦! 感謝主!

其實我好想講這3天所發生過的事, 但有個rule 就是不可講出來,
不可講在那裡玩過什麼, 做過什麼task~ 所以都不能打出來。

去到都好緊張, 因為我們每個都不知道下一步是做什麼活動,
好突然的, 刺激!
在黃大仙區, 九龍城, 新浦崗這3處, 做了好多好激的事,
每次都會引起途人的注目, 一般人都不會做的事。
但我們這班年青人, 這班基督徒, 這班專使, 就是要這樣做去自己經歷神, 對外要使人感到我們的關心是來自耶穌。
總之就大大的經歷到神的同在, 服侍人的快樂!

今次個camp, 好快就和自己專使group 好熟, 而且竟然見到李碧同是參加了做專使。
記得第2天, 我們在街上又做了一樣好激的task, 直到去到樂富公園,
去到後又做另一個激task。
這個task 做到中途好想放棄, 但我最後仍堅持,
在死胡筒中找到出路。
從這個task 中見到自己的信心不夠大,
但又回想, 比著以前的我, 一定會半途放棄。
最後找到出路, 收到朵花, 見到那景象實在感動! 好似成功去到天堂!
人生就是這樣兜兜轉轉, 只要找對路, 比信心神, 神就會帶領一切。
完了後, 分批行返去教會, 和李碧, 老火發左癲ss 般,
又痴線啦, 不過我知是我癲ss 先。
我一路上玩那朵花花, 當然癲ss 住玩,
李碧講了一句好型的說話, 這句話勁就勁在gramma 正確, 但唔make sense,
就是 "joyce, 切勿浪費花朵"
之後又做喪婆囉, 笑到收唔到,
不久她又叫我望下有個廣告牌, 寫著 "食零食變超人",
又笑囉, 就來死, 超變態!
之後去到阿勇間教會休息, 又發生了一樣奇事,
有人 (唔講邊個) 入錯toilet, 我和李碧見到又笑到死,
之後又講了一句 "請小心女廁", 好變態呀, 這3句野好型!!! 難忘到爆! 哈!
後來又玩我隻fish 手掌, 之後就叫我不如參加有招出招,
60秒係咁郁我d 手指, "are u ready? 請出招" 哈哈....好變態真係!

last day 朝早靈修, 和李碧一組, 都唔知點解會係咁笑,
唔可以咁的, 但又忍唔到, 最後我地2個就不停祈禱, 要專心,
唉~~ 點解會咁, 唔想, 最後都沒有讀完那幾節經文就完了。

最後一天勁感動, 我信了主以來第一次這麼超級感動,
以前都會有的, 都會眼濕濕, 但未試過勁喊, 喊到收唔到。
一開始敬拜都感動了, 之後又去做另一件激事,
感受到耶穌當年的感受。
沿途都聽到有人講粗話我們, 亦都有人奇怪地望我們,
但....這比起當年耶穌, 實在微不足道。
之後上返去繼續, 愈來愈感動,
心想我這個不配的人, 一個完全配不起的人, 一個極黑人憎, 自卑的人,
為何耶穌會這樣愛我, 為何衪的愛會愛得這樣perfect,
真的好感動, 之後就勁喊, 喊到成個豬頭咁, 幾咁恐怖。
最後班牧者 & helper為我們做了一件事, 喊得好辛苦,
因為我所見的, 已經不是他們班牧者& helper 了, 而是見到耶穌,
好肯定耶穌在我們中間, 我心想又勁問耶穌點解你咁愛我地,
這種謙卑, 如果不是耶穌在當中, 他們根本不會做。
後來立志要一生事奉神時, 成班人一邊大聲祈禱立志, 一邊流眼淚,
上次在acm 的聚會中都有立志, 但都只是眼濕濕。
好明顯神已經比以前更深入地捉摸我, 不再表面了~
和神更close!

這3天實在好累, 因為真的每一個環節都好激的,
連沖涼, 睏覺都和一般人不同!!

好快, 這星期開始就要上專使course 了,
每一天都會好忙好忙, 但星期2要考試, 發覺好似沒有時間,
但知道把神放在第一位時, 神會為我預備。
入camp初初都好憂慮考試會溫唔切書, 但當放比神後,
全心投入去事奉神, 就會好釋放。
哈哈~~~ 不過真的好累!!!

這3個月, 我們大家努力向 "超級屬靈人" 進發!

要溫書, 好累了, 但都要頂呀, 星期2就考試了, 嗚嗚!


dan dan: 唔好唔開心, 當你以為這科好適合你時, 可能第2科會更適合你, 唔好擔心, 係咪都in 左先算啦, 我再下星期都去poly in, 諗住都入唔到咖啦, 因為我一心都唔係想入呢科, 想讀poly 另一科咖, 但都in 左先囉, 因為我知道呢個都係一個chance 黎咖嘛, 唔好喊啦my baby!



>>June 4, 2005 at 6:34:58 AM GMT+8

2005 年 5 月 29 日 星期日 【晴】


睡到12時許, 娟娟打來傾計,
傾完才發覺, 為何我會用阿媽的手提電話傾?
想返起, 原來我好耐之前用過阿媽個手提打過給娟娟,
所以...may be 娟娟以為這個就是我的手提了。
娟~~~ 快d 改返啦 (可睇返我地青年團的contact list card),
我個電話係6字頭的, 唔係9字頭咖!!

下午就做FYP 的present, 加返recommandation 在limitation 之後~
做到5時許, 突然醒起 "係喎, 今日要教琴喎!"
好在教6時, 之後就換衫, 時間剛剛好。

教到個人嬲嬲地, 我都想佢考得好jei~
唔想咁要求高, 這樣會好黑人憎的!

8時返到家, 吃飯, 開心的是,
一家人齊人吃飯, 好像很久也未試過!

明天返去present FYP, 希望記得要講的, 唔好突然失憶呀!

溫書!


>>May 30, 2005 at 2:55:57 PM GMT+8

2005 年 5 月 28 日 星期六 【晴】


今早返主日學, 講埋 "浪子回頭" 的下半part,
但都還未講最最最終的比喻。

之後上崇拜, 幾好, 講員是宣教士, 去回教國家宣教的。
今天一邊崇拜個肚一邊叫,
又飢饉啦, 死未!

大約1.30 pm, 9個人, 和他們去元朗吃車仔麵。
沿途搭車都和他們傾計,
娟娟好叻呀, 做到輔警呀!
每間 u 揀2個, 我之前都話娟娟你掂咖啦~~
努力!

吃到2.30, 我就走了, 出去彩虹練歌, 因為又和大型詩班一起練。
今天我一個出去, 因為蘭子昨天去了台灣。
原來劉二哥都去了台灣玩呀~
在教會時, 我們叫娟send msn 給他,
要他買手信。
我們就說要鳳梨so, iron蛋....
之後又想了要林志玲, 又要保力達蠻牛, 寫明 "有毒勿飲" 才要買。
哈~~

去到練歌, 和翻盤, 姜姜, 79年一起坐,
不過我一開始唱時就頭痛, 因為實在太累了。
到後來break 時傾計, 發覺我都幾後生喎! 呵呵~
翻盤只是大我2個月, 但聽落就好似佢大我成年,
年尾出世和年頭出世........
有個自爆70年出世的, 我就死話她79年出世奉承下人啦, 哈哈~
阿miu 又無啦啦自爆自己81年出世喎........
呵呵...所以都話我唔係老啦!
但發覺...好似識咁多個, 得我一個係讀書...呀~ 仲有一個讀city!

今天又唱新歌, 勁唱勁唱, 好好聽呀!
好開心的, 雖然累!
esther 要我們一邊唱一邊留意歌詞, 真的好正呀, 好有感動咖!
今次都有和身邊的人一起祈禱, 祈了2次,
因為差不多練完時, 阿牧師又走過來和我們講今次8月搞crossover的意義,
又再要我們和隔離的又祈禱。
第2次時, 姜姜 (我叫佢姜老師, 小學教師, 自爆她自己才真是79年出世那個)
姜姜聽到我祈禱, 就知道我好眼睏了, 因為我都覺得自己唔知祈了乜野!

走時和她們走, 之後返家,
在west rail 勁睏, 又睏死左, 睏到唔想落車~

今晚, 看了contem. issues 的lecture 1,
原本不想溫globalization 的, 但見s.q有, case 又有,
唉`~ 好煩, 要溫囉!


>>May 29, 2005 at 4:16:20 PM GMT+8