2005 年 1 月 19 日 星期三 【颳風】


還有一科IBE 明天考呀!
想快些考完呀, 好難頂呀~

這幾天都是溫書, 溫到朝早啦~
昨晚個胃頂死左呀, 一邊溫一邊覺得痛呀,
但無理由叫咖?! 半夜三更嘈住晒咩~
又在梳化睡覺囉, 睡了幾小時就醒喇,
因為要早些返去會展prepare, 因為今早有場show, 正式出show 了。

朝早好嬲咖, 個胃勁頂, 又累唔夠訓,
有人又遲到, 西鐡&地鐡都多人多到嘔,
又焗, 好想在車上嘔咖, 唔係講笑話焗到嘔個d~
但都頂啦, 喪行去會展,
一路上都不想出聲。
去到back stage, 個死實Q 又話我地個pass 唔o岩又唔比入,
打比蘭子, 最後李碧她們 "救" 我們入去!

入到去, 搬衫入room a啦,
發覺蘭子個妹阿玲真係好自私咖, 唔係第一次見咖啦~
嬲上嬲喇!! 佢真係好鐘意霸野咖!
一句講晒啦, 霸道囉!
後來我自己一個坐在room b冷靜一下,
被angela 見到問我做乜唔出聲,
咁我咪話好累啦, 尋晚溫書又4點訓, 又唔舒服想嘔咁囉~

今朝場show 好快呀, 不過頭2個scene 有2件婚紗呀,
著死人&做死我啦, 熱到不停流汗呀!
又影相囉, 和Elyse (個american next top model) 映相,
真的幾靚女呀! (緊係唔係我啦)

好累, 之後在出面都沒有去看參展商的就走啦,
和家瑩zoe清去了壇島吃lunch, 之後搭車走,
個胃都頂呀, 但唔理, 訓覺至上啦。

返到去就即訓了, 晚上又吃不到飯啦,
晚上又勁痾了2次! 好在嘔唔去!
之後又溫書!
好快溫完呀, 有d 驚點解自己d efficiency 咁高~
then 就上網找MNC 資料for 明天考試其中一條short q 啦!
唉~ feel 唔識答呀!

晚上照鏡見到自己個樣, 面無血色, 個咀白晒,
好明顯病樣, 喪屍樣已達the highest level 啦,
一睇就知行衰運咁o既樣!

這兩日都好唔開心, 訓又訓得唔好,
發夢都發返昨天test eng d 野,
non-stop 咁!
其實最驚都是個胃,
因為這2日feel 到個胃個個位有d d 痛咁,
有時又落少少咁d d痛, 跟住又諗起要照胃鏡個d 核突野,
好驚就來死.......


>>January 20, 2005 at 7:15:43 PM GMT+8

2005 年 1 月 17 日 星期一 【乍雨乍晴】


幾日沒寫日記, 這幾天過得好快, 亦都忙到嘔c~

星期六那晚又返dresser, 不過fitting,
時間hea 得激多, 做2場都10時11時才收工,
之後都好想返到家溫書, 但眼訓得好緊要, 嚴重疲累,
所以返到去都溫了一陣就睡覺!

第2日星期日都沒有返教會, 又想早起身溫書,
但起唔到, 周公個仔係咁捉住我!!
之後下午和joseph & 清去了仁愛堂吃lunch,
笑到個人死左, 又喪笑失禮。
我們行去屯門站的天橋時, 因為我太多咀, 把口衰,
勁講joseph, 他因此就勁推我, 推了幾次我都未跌, (留意, 我地係行緊樓梯的)
但後最那幾級差點讓成謀殺案! 那刻好睇過成龍d 片呀!
之後清搭961, 我和joseph 就去飲涼茶, 正, 廿四味!

下午本來和清一起去會展開工, 但我要晚上才去到,
因為下午要去ACM 的近新日!
本來蘭子都會去, 但其實那天要rehearsal, 她就更不能走開,
所以得我一個去囉!
那間教會都好易去, 在旺角道花園街口,
一上到去, 好多人, Esther 在門口 '迎賓',
我就故意好似去飲茶咁話 "一位唔該"~
去到不久, 就唱了幾隻歌敬拜,
有唱 "恩典太美麗" 呀, 個feel 好正呀!
之後見到ivan 囉, 握手呀, 嘩哈~
後來就玩遊戲啦, 分組又分到和ivan 一組喎, 幾咁開心呀, 嘩哈!
玩了幾個games 之後就再分小組分享認識!
我那組的人勁好笑, 和我同一類人呀, 癲癲地,
不過得我一個是學生, 他們幾個都是做野。
哈~~ 到時練歌, 就會和他們一組了!

其實我好想早走, 因為個show 的rehearsal 蘭子說不夠人,
最好我盡快去到。
但那裡5時許才派野 & 講幾時練歌的時間地點,
一切重要資料都hea 了好耐才知!
唉~ 玩games 都玩了2小時咁濟啦!
之後6.15就走了, 其實那天的迎新日是由3.30至到晚上9時的,
所以點都要早走!
嘩~ 由下個月開始, 每個月逄第2, 3, 4個禮拜日都要去練歌呀,
好密呀!

半個小時內就去到灣仔,
join 家瑩 & Zoe 在唔知腳癬岩定兔仔林吃dinner,
我柸朱古力沙冰好濃味, 勁好飲呀!

之後好快7.30 就去到會展prepare 下一場的rehearsal,
時間過得勁快呀, 一陣就搞掂~
勁好!
這場designer 2 rehearsal,
dekki 要我們dresser扮designer 在最尾finale同model 出呀,
本來我不用扮咖, 但因為我個model 好少衫, 已經好得閒坐左係度,
所以咪走出去扮囉!!
那刻我是 "improfessional designer" 呀!
拖住2個models行出天橋, 好正咖!!
個台好靚, 個水晶燈靚到呀, 感覺上靚過上年個台呀!

我終於行到天橋啦!!

笑爆咀呀!

放工返家, 在車上好精神, 勁溫書,
但一返到家, 想溫的, 但突然好唔舒服, 作感冒般,
我想我太累了, 冷一冷吧!!
之後即睡, 但睡到半夜, 就醒一醒,
因為突然想起幾時要考試,
原來, 好快!!! 都掙扎起唔起身溫書!!
最後都沒有!!!

到昨天, 星期一, 睡到2時才起身,
溫了一陣書, 6點就去教琴, 教到7.45就走。
返到家打邊爐, 打到9時許,
then 就立即溫書, 愈夜愈精神, 完全訓唔到,
所以就勁溫!! 溫到朝早5時, 阿妹要訓覺,
所以就走出去梳化褸住張被繼續溫,
不知不覺, 溫到朝早6時許, 爸爸起身返工,
他話我 "唔好溫咁夜啦, 快d 去訓啦"
我話 "唔係夜, 係早!"
之後爸爸出門口, 我就溫到7時, 看住個天光,
then 就在梳化訓, 訓了2小時, 9時就醒, 繼續溫,
溫到10時許, 媽咪起身, 她都奇怪, 點解我可以咁早起身溫書。

今日考marketing 呀, 點都要喪溫,
考12.30, 一邊返去一邊都呆呆地喇~
我個位正啦, 一號, 自成一角唔洗煩, 我最鐘意!!

我好唔開心就係, short q 那part 可以拿晒40分咖,
我背晒, 但有一題, 完全唔知問乜, 但完全就係答個樣好簡單,
我有背咖, 冇左4分, 唉!!
then mc, 我想都會錯好多了,
個case study, 講Swatch watch, 幾容易, 真的容易,
但怕自己唔知答左d 乜, 會唔o岩,
我翻check, 由頭到尾慢慢看清楚,
之後個case study 都加了幾句, 畫晒arrow,
好怕寫唔o岩呀!
第一次在ive 考試考到最後一分鐘才走呀, 沒有早走!!

之後個人嚴重肚餓, 因為由昨晚開始溫書時都肚餓咖啦,
今朝又沒有食野, 考足3小時, 肚住考, 餓了十幾小時,
飢寒交迫, 又喪眼訓, 個腦用到盡, 好累!
訓左2小時去考差不多啦!!
之後和清, suki, joseph, 洲去酸辣join 文吃米線囉!!!
走時坐西鐡, 勁眼訓, 訓到死左咁!

返到家又睡覺啦!! 睡醒都吃不到飯, 飲湯囉!!

今晚溫下eng, 明天返去test, 沒錯, 考試期間多個test, 唔係考!!!

溫呀溫呀溫呀溫!!! 今晚應該唔洗聽朝先訓啦, 唔難!


>>January 18, 2005 at 4:24:17 PM GMT+8

2005 年 1 月 14 日 星期五 【乍雨乍晴】


那麼快就星期六, 這個星期好累!

已做了幾日dresser 了, 好玩, 但好累,
昨天好快好充實, 因為2場都是rehearsal, good!
李碧和我同一架在我隔離, 見她周地都是衫都不忍心有幫手,
確實她的model 的衫又大件又煩過我好多!
所以我都做得好手快, 快快執好自己的!
要打醒精神, 唔可以再比人叫我做 "阿懵"

一返完dresser 放工就返家溫書,
日日溫到3,4點, 好想訓, 但唔溫唔得先死!
愈夜愈凍!!!

今朝又要教琴, 教自己學生, 所以要入天水圍,
好凍呀, 痴痴地!
今天下午不用教琴, 但又要返會展了!
今天會由4時做到晚上11時, 因有2個designer 的fitting呀!
fitting 最hea 時間 & 累, 時間又長~
死啦, 今晚11時才收工, 會好凍呀!

如果今晚精神還可以, 我想返家後會繼續溫書!
不過又感謝主的是, 叫做溫得七七八八,
the coming days of next week, 會翻溫, 那就good!


>>January 15, 2005 at 5:31:17 AM GMT+8

2005 年 1 月 11 日 星期二 【颳風】


昨天太累, 溫唔入腦, 死頂到12點幾就去睡了。

今天1時有fitting, 12時許約了蘭子&玲, 清一起搭西鐡去灣仔,
去到灣仔後在m 記join 郭芷欣 & 蘭子表弟婦,
快速吃m 記, 之後喪行+跑去會展,
在大門口再join 阿妹, zoe & 家瑩,
之後再join 珊的3個朋友,
之後再一大棚人上去room。

今天連續2場fitting, 計計埋埋都有好多個lable 要做,
我個model 好靚, 一入來那刻, 我們個個都覺得靚,
後來和她傾計, 英國人來咖, 現在在hk 住了,
識講廣東話, 好勁!!
只是頭幾句和她講英文, 後來她主動和我講中文,
但我又少了個機會去practice 我的oral speaking了!!

好累, "go & change", " go & change"......
更記得有套, 個designer 勁煩,
d models fit 好衫出來line up 給designer 看,
只是一條zip 拉高 or 拉低, 帶帽 or 不帶帽, 都煩了好多次,
又是他自己講 "wanna show more colour...", 但又拉埋喎,
著左咁耐, 搞完一大倫拉zip or not 啦, 又話要同另一個model 轉換衫喎,
曬晒d 時間, 大佬, 企係model 後面好累咖,
仲有, 我d 時間極奇寶貴呀!
特別騎呢 + 麻煩咖!
不過有個designer 個樣好好笑咖,
我和zoe 都覺得他好似舊年教我們eng 的 daniel sir 咖,
個死人feel 似到呀, 笑死人喇~

跟出跟入, 個room 又焗, 後來我都沖了柸coffee 飲!
第一個fitting fit 的衫都好靚, 記得有件好 "歌聲魅影feel",
foreigner designer 是不同的,
即時想起昨天的 '報紙衫"......唉!
第二個fitting fit 的衫就更容易,
有play boy, blythe, joli.......好低能feel, 但好易著, 話之佢啦!

7時收工, 之後我們搭船去尖咀吃飯,
永遠都不知道搭下層船是在那個口入,
所以我們搭上層, 但我較喜歡搭下層, 可以近距離望海呀!

我們去了 "糖朝" 吃飯, 勁多人,
等了一陣位就有, 不過要搭台,
勁多日本和自由行客!
都幾好吃的~
吃到9時許就走, 返到去都未到10時呀, good, 好快呀!!
沖過涼後就溫書, 又要喪溫喇!
溫第2科, good~


>>January 12, 2005 at 6:23:14 PM GMT+8

2005 年 1 月 10 日 星期一 【颳風】


昨晚溫書溫到3時, 我知要訓, 但發起神經上黎難得溫得起勁...
媽咪勁叫我快些去睡, 怕我會不知醒, 但都沒有聽,
其實本來想繼續下去, 如果不是今早要6點9起身, 我會繼續的!!

昨晚蘭子才call 我今朝TDC 又有一場show,
不過不是我們做開dekki 間公司的, 是另一間接了的job,
去到好多dressers 都不認識, 只知道好多都是讀city, 有些是讀design 的,
一見到她們個樣, 就知道......因為著得........好....designer feel 囉!!
我和angela & 蘭子3個一去到就拎住袋熱狗早餐上去會展,
之後我們就笑, "你睇下我地個look, 完全唔似, 人地唔知我地邊度黎"
人地做dressers 都有個look 睇下呀,
蘭子都好一點, 都是designer,
但我和angela 兩個, 真是好好笑, 送外賣樣囉!!
無計, 我型唔起!!

好累呀, 今朝8.30 就要去到會展, 我又要6.45起床呀!
但昨晚我3時才睡, 睡了3個多小時啦, 就要起身啦!

今天都是fitting, 這間公司的dressers 好勤力咖,
搬了架後就要用布抺架, 但我們平時做都沒有抺,
令到我們3個即時覺得我們平時做開是好懶!
後來有人說這個老闆好嚴謹, 不准我們大笑, 講野大聲, 食野 & 講電話,
我們3個即時覺得會死, 大忌是不准大笑喎, 攞我命!
後來我們吃熱狗都不能大搖大擺吃, 要蹲在地上偷吃~
angela覺得有 '思鄉病'~

上午那part 我跟Triins, 靚女, 又好人,
不過那些衫就....因為這場是香港年輕designer 的比賽,
所以那些衫...真是 '無得頂' 囉!!
那些designer 好young, 完全和我們差不多,
因為有些是讀ive, 有些是poly 的來比賽,
好奇怪咖d 衫, 完全唔出得街,
報紙雜誌feel 的衫都做得出, 好難頂!!!!
我諗起我都得啦,
係屋企拿ja 報紙做裙, 再拎個唔要o既公文袋file剪下佢做件外套,
入面個件係雜誌做o既裇衫, 都好型咖,
我都拎得黎比賽咖!!!

下part 就是有brand 的designers 的衫,
好好多, collections feel, easy to take!
下part 我跟楊棦, 勁easy,
之後見到第一屆American next top model, 早知不move 位啦,
因為如果我不move 位, 我會跟她呀!!
好靚女呀!!
不過明天都會見到她~

今天真是累到死呀, 做到1時多啦,
在灣仔吃米線, 之後和蘭子搭西鐡走,
好眼訓, 我們2個睡到跳樓死般!
返到家3.15, 之後4.30 要去教琴,
今天不用教的, 但the coming sat. 我請了假,
所以要補堂給學生呀!

搭輕鐡去到蔡意橋時, 準備等開車門,
其實我聽到有人大叫 "陳凱瑩!"
不過...我feel 到全車人聽到人叫 "陳凱瑩!"
所以我扮聽不到, 想下車一走了之!!
但後來一下車, 就有人在我左邊拍我,
原來是5婷, 哈哈!!
5婷剛補完習搭車返屋企,
我問她點解在這裡下車, 原來她也覺得樣衰呀,
咁大聲在車上大叫 "陳凱瑩!" 但我又唔理佢, 嘩哈哈!
所以她即時下車囉, 費事比人望住!!
哈哈~~ 5婷, 其實我聽到咖, 不過就真係唔知邊個叫就真!!
我扮曬野嘛!!! 你叫joyce 都好d 啦, 叫我 "陳凱瑩!!"
之後她陪我行去chelsea, 一邊行一邊傾了幾句,
只是幾句, 我們都可以爆笑, 唉!!!
最記得自己一句 "仲好搵過d 掃地呀", 之後我們又爆笑過馬路喇!!
一見到你個爆笑樣衰樣就諗起想快d 去你campus 玩lecture 啦,
一定笑到收唔到咖!!

之後我就教喇, 沒有氣, 斷下斷下咁, 就來死!!
好累!!! 今日超級喪屍樣!!!
鬼咩, 一早和蘭子搭車都笑到收唔到,
" i will be back!!" 好, 好!!! 諗起都仲識笑!
energy 都笑到冇左半啦!!

下午燒燒都打來問我一齊去行街, 但我又累又有野做...
不過都就來考試....要溫書啦!!
好野!! 就來溫完marketing, 不過記唔記得係另一回事呀!!


>>January 11, 2005 at 11:52:26 AM GMT+8

2005 年 1 月 9 日 星期日 【晴】


剛才收到電話, 我入到ACM choir, (我估自己會fail入不到)
想起上兩個星期去試音, 唱到走音& sight sining 唱到錯晒..........
知道神開始要我做野了!
感恩的!!!


>>January 10, 2005 at 9:05:06 AM GMT+8

2005 年 1 月 9 日 星期日 【乍雨乍晴】


這幾天都是溫書, 溫marketing,
昨天更發現隻右眼生左粒瘡, 稱之為 '眼挑針'。
好痛!

昨天一早返教會上到主日學, 主日學時姬姐問我們的問題...
真的希望自己真是出自真心的去答, 不是只有把口講囉!

崇拜時和主日學不約而同都是講關於一個講題!

下午和joseph, 清 & 明去了一間唔知咩咩咩度吃扒,
我們勁向馬騮明sell 柸蕉奶, 真的好好飲, 叫他飲!
但他又怕給人笑, 其實不是笑他, 因為真的好飲,
最後他都叫了柸蕉奶去飲。

之後傾計.........為他們禱告啦!
後來清約了男朋友去街,
終於見到他男友, 嘩哈....幾靚仔,
但清清係度我又唔敢出聲, 比人打呀!
(不過我知你會睇我日記)
後來joseph 返屋企溫書,
我和明去了jusco, 因為有寵物promote, 所以就去看下,
但一去到, 就會買野比衰仔,
不過我買得好少, 廢事個衰仔唔食又會曬野!!
then 就去tomlee 看一陣書,
一看之下, 發覺自己好像完全忘記了自己所學的,
好怕我教不到學生, 但都要教, 死!! 誤人子弟就是我這種老師!

之後搭西鐡返家, 要溫書!!

返到去都是睡覺, 晚上才溫書, 愈夜愈精神,
溫到1時許就看電視, 之後做粵語長片, 我就繼續溫,
3時睡!

好煩! 溫溫下書發覺開始有點不集中,
就立即祈禱叫神比我集中, 之後就okay 了, 勁好!
感謝主!

這星期都.........唔知自己做乜! 好煩!!
好憎嘈....嘈嘈嘈......唔知嘈乜, 一嘈我就癲!!
the coming weeks 都feel到自己唔知做乜咖喇!!
喪婆!!!


>>January 10, 2005 at 8:15:22 AM GMT+8

2005 年 1 月 7 日 星期五 【晴】


昨天一早返去上eng, 這堂eng 是這個sem 最後一堂,
上了大半年, 就是覺得昨天這堂最有value & 最有心機去上的一堂eng。
lunch 我們8個去了四川, 但分了2台...
傾計.........都要控制一下自己的言行!!

傾到過時都不知道, 下午上的IBE, 遲了大半小時才返到去。
昨天nona 好搞笑, 一返到去就找課室內的插蘇,
原來是想把電話差電, 之後發現原來個制在白版正下面,
好搞笑, 之後她在break 時就走出去差電, 阿sir 都沒咁好氣。

差不多下堂時在傾year project 的ppt,
效率快到無倫, 在放學前都傾完。
之後又去BU交form, 好眼訓, 累到人都癲個隻,
去到教務處, 那裡些人...我真係懷疑佢點做秘書咖?!
根本連communication 都有問題囉。
分兩份, 一味就話分兩份, 好低能!
好煩, 一路上搞分野都覺得好煩~
之後又去又一城, 在肯德雞吃了個tea 之後3個就在睡覺!
坐了很久, 等埋jenny & 洲, 再坐多陣,
就去taste 買野食, 因為晚上去看 '歌聲魅影'
買買下再等埋 cindy 就上去看戲了。
勁多人看呀! 好長呀套野, 但好看!
中段我和cindy 都有中中地眼訓, 因為好累,
但又知道好好看, 唱得又好聽。
套戲後段好感人呀~
看到9時許, 走lu, 其他返家,
我和cindy 在旺角行, 好累, 但想行~
12時許返到家。

今朝, 好累, 要早起教琴,
因為不想教, 就打電話給她們不教,
之後再睡, 睡到1時, 哈哈~
所以今天下午3時才去chelsea 教。
好要精神溫書呀!

好緊張, 我要記憶呀, 溫左係個腦度唔見左唔掂咖喎!


>>January 8, 2005 at 6:07:09 AM GMT+8

2005 年 1 月 6 日 星期四 【颳風】


今朝和清, joseph & 文去西九龍間酒樓飲茶,
間酒樓都okay 貴, 所以下次都不會再去了,
又貴又沒有多choice 揀, eek~
但又不是難吃.........
飲了很久, 4個勁笑, 起初他們都勸我不要失禮呀!
好記得一句 "『文』以食為天"....絕句!

後來返學, 上comtem. issue,
今堂有3 groups 去present,
而我們group 就不用pre, 因為我們不是做這題!
所以其實今天返去都是聽人present,
聽聽下我都扒在台上睡覺, 好眼訓~

放學後去了BU 陪人交表, 主要都是想看戲,
其實今天我應該交表的, 但溜了yr 1 & yr 2的成績表,
所以要等到明天才去交了。

我和清&joseph 之後去了又一城,
一個大食妹, 一個大食仔, 他們又食啦, 好驚呀!
真係睇你唔出呀~ 食極都咁瘦喎!!
我們去了delifrance, 要2個餐share 啦, 因為我都不肚餓,
諗下佢地真係幾難譜, 成日食完唔夠又話肚餓!!
我今年跟著他們, 就來一朝喪咖啦,
一日到黑就話去食tea.......唉!! 一朝喪啦, 一朝喪啦!
後來行了一陣街, 再join埋 jenny 去奧海城看 '歌聲魅影',
但.....時間唔o岩, 看不到,
之後行了一會, 再行去旺中, 行了一陣,
7時許就走了。

今晚繼續eng, 還有少許眼火爆, 不過忍埋佢!
明天要傾final year project, 好想傾得到囉!
聽日終於可以溫書了~


>>January 6, 2005 at 5:25:35 PM GMT+8

2005 年 1 月 5 日 星期三 【颳風】


今次不是神的懲罰，神的忿怒不是如此；因規模很小，災難期未到。將來，神以地震作為懲罰的規模會大許多倍，全世界會有一半人口死亡。現今全球有62億人口，到2014年，全球將有72億人，即到時會有36億人死亡。我們現今仍活在恩典的時代，但我們藉此可見天災的情況，將來神的忿怒來臨時，你便不可說未見過。當人在呼天搶地時，仍找平時所拜的神，到底誰才是掌管天地的主呢？人應在災難來臨前，認識創造者 ─ 耶穌基督。

　　《聖經》有三分之一提到末後的預言，大部分已應驗了歷史。未應驗的有七年大災難，在《啟示錄》中有詳細的描寫。這有神的心意在其中，要叫猶太人相信，並證明給世人看，人縱然面對如此大的災難，仍然不願意悔改。將來會有一半基督徒被提上天空，七年大災難才會來。災難期中，上帝親自揀選14萬4千猶太人信耶穌，他們更將福音傳到地極。到時的地震達10-12級，比現今的威力大1000倍，亦會有許多人被敵基督者逼迫。

福音的訊息

　　天有不測之風雲，人有霎時之禍福。讓我們在災難中找到平安，永恆生命才是人生的盼望。我們亦要積極傳福音，因每星期便有100萬人離開世界，其中9成是未信者。希望主內的弟兄姊妹在神面前祈求，找到最適合你的事奉崗位，為神作鹽作光！

　　香港人亦要注意，將來的禽流感會以人傳人形式散播毒菌，全世界會有過百萬人死亡，將是極大的災難。我們要珍惜生命，思想靈魂將來的去向。

《聖經》裏描述一位財主畢生為自己蓋大屋積財寶。然後要對自己的靈魂說：「靈魂哪，你有許多財物積存，可作多年的費用，只管安安逸逸的喫喝快樂吧！」神卻對他說：「無知的人哪，今夜必要你的靈魂；你所預備的要歸誰呢？」(路12:15-20)上帝再次令我深思， 「假若今天要回天家， 我的靈魂預備好了嗎？」大家也為生命預備好了嗎？

>>January 6, 2005 at 5:01:16 PM GMT+8