2005 年 3 月 20 日 星期日 【晴】


今天好眼瞓, 一早起身沖過涼,
之後準時出門口, 不用等阿清, 她病了。

返到去, 上e-logistic, 聽下書, 教ccs,
做到, 但到時記不記得又一回事了, 呵呵!
之後check e-mail, 有人send 了些鬼mv 來,
有好多個的, 看個topic 都驚嚇。
後來我開來看, 怎料send 來那個原來自己都沒有看過,
但當我看時又走過來看, 後來suki, queeny, jenny又加入一齊看,
阿洲又要看又要捉住人隻手唔比人click 入去,
個下幾好笑呀, 又要驚但又要睇,
但我去看時, 就覺得好好笑。
最好笑是有個本來是偷拍個女仔去更衣換衫,
但換成2分鐘都未見到話有鬼,
到最後才zoom 個shot 話左邊有隻鬼眼,
好好笑呀, 我和queeny 即時啞左,
我們話個pad 鬼眼一早就留意到啦喎,
都唔似...感覺好似睇偷拍咁..爆笑!
阿明在我後面見到又好想看, 係咁咪乜野乜野...

下午和suki, nona 去了酸辣, 辣到飛起喎, 今次好重手!

之後上cross cultural lecture, 發生了一件事。
我和A 班的同學仔阿朱 & 瑋瑩坐,
之後阿朱打了個乞嚏, 我就覺得好驚,
就側了個身去瑋瑩身邊, 之後阿朱就用隻手拍一拍我話洗唔洗咁誇張,
但那刻她拍我我就更驚, 因為她剛才打乞嚏.......
我驚到即時震一震&大叫, 講真, 我最怕d 細菌o既野....
我都feel 到我叫得好大聲, 前後左右附近些人都望著,
幾咁唔好意思, 但那刻, 阿朱就發老脾,
話我咁大聲, 好似講到她驚死冇人知她打乞嚏~
後來她發老脾走了出去洗手!
其實我都不好意思, 令到對方難受,
但那刻我又真的控制不到那種驚慌!
後來家瑩叫我和瑋瑩掉位。
不過她好快沒事!
但我都不好意思!

放學, 陪阿清去吃tea, 因為她下午返來上lecture,
沒有吃過東西!
吃完後, 返學校聽了半小時介紹英國Leads 大學的course,
如果讀就在chai wan ive 上堂的。
好貴, 但又真是英國來的professor 來教...
聽聽下都想瞓, 好在yammi 坐在我和阿洲之間,
因為就這樣坐我們都發癲ss, 勁笑!
而阿清, 就聽到瞓左....我話她 "collapse!!"
激野笑!
早知道是這樣, 我們不來聽了。

之後走, 清&阿洲陪我去葵芳打機。
打彈琴機, 但我不懂較mode 呀, 揀了隻好難頂的歌,
彈到好難聽, 不似上次和queeny 玩時咁好聽,
之後過關就彈了隻memories。
後來我們去太鼓, 勁好玩,
我們起勢咁打。
先是阿洲&清打, 但他們一round 就fail,
之後到我&阿洲打, 哈哈...第一次打我就90%啦,
哈哈....我拍子感強嘛!!
之後就過關, 又打, 又過關, 又打...
一緊張就起勢, 打到隻手紅晒, 好傻仔!!
玩了十幾分鐘就走了,
因為要返去教琴。

和清搭西鐡, 瞓死左, 好累!
之後去開工, 又死下死下咁去呃$, 哈哈~~

唉~~ 原來好多野未做!


>>March 21, 2005 at 3:29:34 PM GMT+8

2005 年 3 月 19 日 星期六 【晴】


不想起身, 但最後遲了少少返到教會。
今天崇拜講 "你們都能夠........"
其實是我們都能夠祈禱!
講什麼禱告神是應允, 什麼是不應允。

崇拜完後, 幫基哥貼返上次去東莞的相做差傳部的board,
班小朋友又走來幫下手。
後來智智突然好聲好氣叫我, 原來是想我教他做功課!
教maths 呀! 我最屎的maths...考起!
他問我怎去計distance, time, rate,
我真的完完全全忘記了怎樣去計,
之後他問我algebra 我就okay 囉~
要知道我的頭腦非常簡單, 心算慢到隻蝸牛咁,
之後我和智智兩個就勁嘈, 成間房都聽到我們二個嘈!
哈哈~~
後來在教會愛筳, 勁叫姬姐唔好再食,
好好笑, 姬姐問我是不是她激嬲了我所以我這樣話她,
哈哈~~ uncle peter 聽到又加把口, 死未!
後來我入房飲水, 揚揚他們班小朋友見到我拿住個大水樽出來,
智智見到問我個肺係咪好大, 因為飲咁多水,
後來大家靜了一靜, 義義就首先發笑,
之後就桂榆揚揚他們勁笑,
因為智智講錯野...原來智智是想講我個胃。
笑死人, 癲ss 左!
傻咖~ 飲水多個胃會大?!
好好笑!!

後來就自己出去九龍灣練歌, 蘭子病了沒有去。
去到和短頭髮個個女仔坐, (忘了她的名字, 呵!)
她的朋友也沒有來。

今次和saprano 一起夾, 唱到氣都咳,
因為好似唱了好多歌般!
好累呀!

後來又分組分享!
得我, 高高 & 阿miu, 3個人喎, 我們組第一次那麼少人呀!

晚上和阿洲去了"美麗傳說" 音樂會,
坐上層, 因為下層爆滿。
都幾好聽, 但沒有intermission, 坐到腳到痺,
之後要去toilet 行下才okay!
聽好多福音歌手唱歌&見證,
第一次見elturnity girls, 遠望見得幾靚女喎, 呵呵!
之後有聽蘇如紅講見證 & 唱歌,
雖然她的見證聽了好多次, 但仍然覺得好聽,
最搞笑是她一出場就說要教我們怎樣去笑,
我和阿洲即時話 "唔好啦卦, 我地再笑會死!"
她後來唱了 911的女孩, 勁好聽,
歌詞是講她自己和她家人信主的經過, 感動!
之後又有關心妍唱歌&見證,
感恩是她今年可以出了張福音cd,
原來羅亞方舟主題曲是她唱的, 都幾好聽喎!
後來都聽了好多, 最後有陳芳榮,
邊彈邊唱, 幾goods~
大約10時就完, 都幾多人決志~

後來我們去了旺角吃dinner, 餓死左!
沿途我們好正經地傾計, 終於沒有癲ss 笑的情況出現,
dinner 都沒有笑到吃不到東西, 都是傾計!
但之後我們去了石磨坊吃甜品,
終於在那裡我們又回復真面目 --- 癲ss 笑!!
我們叫了個唔記得乜乜芒果心糕, 見到個樣幾靚,
但估不到咁細舊, 之後我就幻想到覺得好似肚臍,
那刻好搞笑, 又笑到隔離台望住。
不過個舊野幾好味!
後來叫了芒果涼粉 & 芋泥涼粉,
個芋泥, 好溜呀, 而且個樣好似d 染髮膏,
仲要係染黑彩個d feel, 又笑啦, 癲ss 咖!
後來都好飽, 吃剩!
之後行了一陣女人街,
見到有檔賣假gucci 鞋, 又笑啦。
好變態呀, 因為見到gucci boot 呀,
仲要卦到高一高, 驚死人睇唔到,
勁好笑! 老套到爆炸!

then 在美孚搭n 車,
1.30 返到家, 忙了一整日, 好眼瞓!


>>March 21, 2005 at 2:37:24 PM GMT+8

2005 年 3 月 18 日 星期五 【炎熱】


今天星期六都要早起返學test,
比一個識得的人聊 (我想沒有人聽到的, 冇人知)
我用我最叻個招 --- 扮聽唔到, 扮懵!

test contem. issue~
raymond sir, 你好野!
我們個個一考完出來都講,
"真係估唔到佢會問d data 數字!
2004年europ gdp, 今年usa population 幾多,
annual income 增長了幾多per cent..."
無得頂啦...差不多一大半mc 都是問這些數字,
這些資料性的data, always update 咖啦,
都要問, 估你唔到呀!
等我還以為他會問一些條款解什麼~
前一半的mc 就問china business opportunity,
都okay 的.....記得有些印象,
但好離奇地我是記得看過的字的形象, 而不是記exactly 的字是什麼!
唉~ 從未做過mc 是做到好多都不懂呀!
又死亡~

根本都不夠時間, 1小時15分鐘,
用了好多時間做short question,
大佬, 唔洗諗咩, 雖然背了, 亦都知道是會出那4條 ethical theory啦,
但都是case study feel 地去答,
我頭大無腦, 不代表我差得那麼厲害連去想也想不到卦?!
好變態, 最後15分鐘才做"NASA" 個case,
都不知自己答什麼, 那些字寫到奇醜無比,
不太知自己寫了什麼, 只知道一大ja 英文字。
15分鐘內起勢癲ss 做這一part,
記得第3條20%, 好變態,
起勢吹...gramma 當然錯啦, 沒時間呀~
希望阿sir 看得明!

真係離晒譜, 1.5 hrs 都不過份啦, 1小時15分鐘...痴ss!
放學後在地鐡站撞到michelle,
傾了一陣....比她笑我 "你著極都唔會似咖啦"
真是oh no! 大笑一輪啦~
之後和余清, suki &洲去旺角吃焗飯意粉,
好大碟, 吃剩~
then suki 約了人先走,
不久sogo 又來,
之後他陪清去看醫生要先走,
我和阿洲再行多陣就走,
因為要趕返去天水圍教琴。
我計過啦, 本來今日都不影響下午在琴行的學生,
但早上我自己的學生貴d 嘛,
所以就把她們掉落下午教,
琴行的就stop 一堂啦, 哈哈~

好累呀~ 但在西鐡睡不到,
累到個人唔知點咁~
之後繼續看 "why men tell lie & women cry",
看了幾版又想睡, 但都是睡不到。
去到教完29樓個女仔, 嘔了一輪血,
就再上去教30樓個學生, 好累,
再教埋樂理真是人都癲ss!
因為她太勁了, 唔知呀, 好大壓力,
不過都維持了幾個月了~~~ 唯有繼續!
之後就去返屯門教埋ka ling就返家。
累到人都癲ss, 在街上累到想跪係度~

之前又不夠瞓, 睡眠shortage 症!
要我命吧啦, 我唔想再做喪屍了~


>>March 21, 2005 at 1:44:10 PM GMT+8

2005 年 3 月 17 日 星期四 【晴】

2005 年 03 月 18 日 星期五 【溫暖】

不太記得昨天做過什麼了,
記得晚上溫書囉!
2.30 睡~

今朝返12.30, 早上睡到朦朧間余清打來,
我朦朧間應承 (聲都未開!) 10.45在落下西鐡站等!
收線後發覺得半小時, 就即彈醒!
好搞笑是...余清問我去不去吃東西先返學,
我答不吃, 但又約她早了一小時...
所以最後都出去吃東西~
想去美孚吃, 但突然架車去到錦上路,
就抽筋說不如去錦田吃nepal,
又吃lu, 正呀~ 平日的lunch set 是okay 抵咖!

返12.30學, 我們12.10 分還在錦田,
但好快, 我們遲了5分鐘才上堂, 有進步!

上完2堂e-logistic 就再上eng, 因為上午沒有上,
好悶呀, 痴線呀~~
break 時走出去hall 門口, 見到zoe 呀,
本來見不到她, 但她和馬尾在門口, 之後大叫 joy屎~~
今晚sing con. 呀, 她做helper 幫手,
我差點不記得呀。
見到有些將要比賽的人在rehearsal, 好似鬼叫咁呀!
今晚好想睇咖, 因為sing con. 請了官恩娜和周國賢做嘉賓呀,
我好想睇周國賢呀~~~
6點開始, 自year 1 時看過學校sing con. 後到現在都沒有再看過啦!!
不過明天要test, 要返去溫書, 所以都決定忍痛 (心痛) 唔去睇啦~~

放學後和阿洲陪余清去葵芳看hum 衫!
我們去了吃泡飯, 但我吃米線, 哈~
我們3個傾計都傾了okay 耐,
之後就周圍行幫余清搵target 啦~
後來吃了個雪糕, 好開心呀, 有雪糕吃,
但我又一邊吃一邊叫 "我要瘦呀!",
之後阿洲一邊吃一邊就話 "我要食到甩牙呀!"
變態咖!

行了一會就走了, 本來去搭巴士,
但見到架67x 走了, 只見2個男人在排隊,
唉~ 有排等啦,
所以之後就行快2步join 阿洲搭返地鐡啦,
之後再轉西鐡囉!
半小時ja, 幾快, 如果我再等巴士, 有排啦~
好憎巴士呀真係!

唉~~ 我feel 到聽日test 好低分喇, 好短命呀!
人蠢係咁咖啦, 原來我個頭咁大真係冇錯咖, 載晒d 草嘛!


>>March 21, 2005 at 1:48:33 AM GMT+8

2005 年 3 月 15 日 星期二 【炎熱】


下午和公公婆婆去了飲茶,
和媽咪出門口, 之後阿爸來, 再之後阿妹放學來。
很久沒和他們飲茶!
好記得公公講 "20蚊賣野小販事件",
勁好笑!

之後和阿妹在市中心買鞋, 我又想買的,
但唔變態啦, 成日買鞋 (但買完又唔著以前買落個d喎~),
所以都只是阿妹買了, 幾型呀, 想要呀... 嗚嗚~

之後我就去剪頭髮 (又落髮), 阿妹返家。

個頭好痛, 不過都溫書!


>>March 16, 2005 at 12:44:13 PM GMT+8

2005 年 3 月 15 日 星期二 【颳風】


睡到1時啦又, 正呀!
下午做功課, 之後看下書 "why men tell lies & women cry!"
幾搞鬼, 講中晒呀, 話到應一應, 絕!

晚上去了中大崇基堂, 因為大專基督徒學生團契在那裡有個祈禱會。
soooo 正!
集合全港基督徒大專生一起合一祈禱,
今次topic 是 "為自己的大專院校禱告"
之前在BU 搞都想參加, 但要考試就沒有去,
所以今次第一次參加, 和余清跟阿珊教院班同學去。

有好多人, 好多cu, hku, 又有poly, city, bu, 教院, ive~
原來ive 都有好多人咖~~
唱詩, 見證分享, 牧師講道...
我和清都想出去分享咖, 但沒有時間!
知道神要用我和清, 知道有負擔要我們去做,
好記得有個hku space 的姊妹出去分享時講 "我地係唔會比人踩, 只有自己瞓係度先比人踩o既jei, 基督徒要努力!"
當中都有為各大專院校開聲祈禱, 有感動!
回想今年在班中神要我們做的事.....好多感恩的!
今晚好正, 有得著!

到10時就散, 之後搭車走, 下次要再參加, 好正呀真係!
不過今晚阿清病了, 發冷!
魔鬼就是這樣的可惡, 當我們有心去親近神, 為神做事時,
魔鬼就出來搞屎棍!
為她祈禱~


>>March 15, 2005 at 4:31:45 PM GMT+8

2005 年 3 月 13 日 星期日 【乍雨乍晴】


昨晚凌晨3.00才瞓啦又,
今朝勁燥底!

返到去上e-logistic, 昨晚做了e-log 的功課,
group assignment 喎!? 最後咪得我 & suki 做了!
上堂時suki 做到燥底, 面黑, 最後把我 & 她的combine 一起交囉!

今天派sem A 成績表, 唉~~
型到爆呀, 我想無人好似我般, IBE & Marketing 是可以一樣分咖!
這樣好難咖!!!!
即時冇晒mood, 加上昨晚3.00瞓....燥上燥!!
聽阿媽講阿妹差少少distinction....hurt 到爆呀我!
同一個阿媽生, 都.............

之後死阿旺派返上次tutor.1 的功課,
得個B, 就問阿sir 點計分, 為何我份功課阿sir 全tick,
錯字又沒有, 又沒有寫其他comment說我溜point 等,
都是B, 但我見其他人份功課阿sir 又一tick 一點, 又x 都有A,
就問他怎樣計啦。
之後個死阿旺呀, 好大聲話我係因為抄notes 所以得個B,
嘩~~~ 佢條友呀!!
我即時鬧爆佢, 我好認真咁鬧佢我係上網自己搵咖,
之後就黑晒口面對住佢囉, 滾到震呀!
如果佢話我係因為上網搵料唔夠先至咁低分我都算啦,
但屈我係抄notes 我就鬧爆佢!
之後阿清joseph阿yan都唔出聲以為我想喊,
我都feel 到我黑面黑得好恐怖咖啦,
個死阿旺都呆了一呆, 之後才笑笑口話下次睇返我d effort!
超求其呀佢, 自己d notes 都唔認得咖咩, 仲話我抄notes,
死啦叫佢, 個個都上網抄落黎啦....我抄又話我係抄notes!!!
真係離晒譜, 嬲到震呀!
所以鬧爆佢係o岩咖, 要佢知道屈我係冇好結果!

之後就唔開心咁去食lucnh,
then 返去上cross culture, 仍然是燥!
和michelle 一起細細聲話elaine, 鬧佢教快d, 唔好講廢話!!
又眼瞓~~
不過沒耐就見到前面michelle 那班的2個男同學,
其中一個扭另一個的手, 被扭的一個可以還在笑, 而且扭到好似小兒麻痺咁!
個下個view 好好笑, 扭人個個隻手臂好似生花咁 (朵花咪就係另一個隻手囉!),
之後我和michelle & 瑋瑩勁笑~
(今日唯一識笑的事)

之後就上CI, 補堂來的,
勁累, 但我都好有心機地去上,
因為唔識笑!!! 但講china business culture 都有興趣~
之後就放學, 放學和清&joseph 一齊搭西鐡,
但我就勁瞓, 好辛苦!
then 阿清陪我在天水圍站下車去hsbc 入票,
之後就返屯門教琴。
累到喪曬啦又, 教時無氣, 好似就來死咁!
返到屋企阿媽見到我個樣黑晒喪曬, 一入門口就話我好樣衰!!
唉~~

今日帶了CI notes 返來, 明天溫下啦, 又test 啦 (咁快?!)

唔開心......思覺失調啦又!
好想見到你!


>>March 14, 2005 at 2:16:14 PM GMT+8

2005 年 3 月 12 日 星期六 【乍雨乍晴】


昨天星期六, 一早入天水圍教琴,
個家長好野呀, 比3堂$都得咖,
我就唔理, 同個女講, 心諗 "邊有人咁計咖? 傻咖!"
之後教她樂理, 一邊教一邊等她阿媽返來,
和她媽咪講清楚囉...
好在住她樓下的一個學生病了, 不用教, 所以在那裡過了鐘都不怕。

之後返一陣, 再返教會教映彤, 講大話喎?! 真係好煩好忟!
then 落毛毛雨, 就快快返家吃lunch。
吃完lunch 後去chelsea 教, 原來遲了出票給我呀,
如果昨天都沒有我就出聲咖啦.....又是我最遲出,
次次都唔記得我, 唔係黑成咁下話?!
差不多走時和出面個人傾返時間的問題,
個結他阿sir 向住我笑, 哈哈~

教完後就返家一陣, 等車時勁凍!!
一早17度, 我去天水圍時只著件冷外套,
下午開始有少少凍, 就換了件厚褸,
再去chelsea 時都頂不住, 要換件羽yung。

晚上約了阿明, 阿洲, joseph, 余清 & sogo去了元朗吃飯,
去到見到阿洲著得勁少衫, 之後他說要去買手襪,
阿明就說附近買雜貨的有得賣, 就去看,
怎料沒有得賣, 之後又嘈一餐!
之後去了千色店望, 阿洲就在那裡買到手襪,
都幾靚的!
但買完後阿明和joseph 就好大聲在那裡嘈又話貴又話乜咁,
老套到爆, 係都唔洗咁大聲係度嘈嘛, 出到去先話都未遲啦,
幾咁老套, 那刻覺得自己都有點lor, 就行快兩步!
好核突呀真係, d sales 望住曬。

之後去了吃印尼food, 本來想去thai food,
但他們又吃不到太辣的東西, 所以就去印尼food。
阿明好好笑, 吃到關公咁, 停晒, 好搞笑的!
之後更叫了白飯&雜錦飯來撈汁吃, 超咸呀!

後來我們行去舊b 仔吃涼粉& 榴槤pancake,
在那裡又勁笑啦, 笑到個人好累, 因為本身已經累到傻,
只有阿清, 阿洲和我講得最多& 勁笑,
阿明和sogo 就聽到笑!
好多笑料, 勁鐘意阿清的一個action,
當大家以為她幫阿明時, 估都估不到她是幫sogo,
勁搞笑!

10時多就走, 好凍!

今早返教會崇拜, 想不到會齊人,
以為天氣凍可能有些人不會返。
崇拜完後, 就去元朗吃北京麵,
飽到無倫, 因為在教會吃幾包旺旺才出去。
之後我又趕住出九龍灣,
好眼瞓, 但和蘭子一起就會勁講野,
一係就勁笑, 唔洗瞓的。

我們今次早了上到去, 3.15分就去到,
見到得好少人, 驚驚地, 但後來就幫手排椅子,
之後好多人陸續返到,
我們又唱詩敬拜神才開始練歌,
今次練parts & 動作, 好在上次8月時學過,
但蘭子之前未學過, 要重新學, 不過只有幾個是新手,
所以我想我們應該好快練好!

今次練歌都幾開心, break 時和蘭子發癲勁笑,
又新識了2位姊妹, goodsss!
我想周圍的人都覺得我們兩個short 咖!
哈哈~~~~

練完後, 就分組, 好累呀, 差不多7時才散。
累到在地鐡內想找個位夠我瞓係地上,
好似死屍咁瞓係個車箱內, 哈哈, 想起都好笑!
上到西鐡就喪瞓, 好變態, 條頸歪左!

呢期思覺失調, 無啦啦癲ss笑, 無啦啦唔開心到想喊,
好變態覺得自己! 唔知做乜咁!


>>March 13, 2005 at 1:36:02 PM GMT+8

2005 年 3 月 10 日 星期四 【炎熱】


昨天星期四, 返早上兩堂, 下午career day,
我們一大棚人去了綠野, 之後陪人返去學校,
純粹看下一些工, 高妹&阿飛去in merchan.,
見到舊年秘書miss miss li, 又見到amy,
amy 要我和阿洲落去聽怡高talk,
但純粹坐下, 在lecture room 門口猶疑良久,
被阿旺勁叫我們 "入去啦! 入去啦!!"
之後坐了半小時就走, 我們兩個低能地笑, 超失禮!
想填下form, 但又好似............
之後去了sao 上下網, 他們傾project, 其實等高妹.......
應承等她, 待她in 完才走。
最後幾個一齊走, 之後我決定由學校行去油麻地,
高妹&阿飛和我同路, 就一起行,
感動的是他倆有興趣去問, 去追求到底,
但那刻確實好怕答錯, 一個人.....唯有求神幫助。
戰戰競競的心情去答, 感謝神, 知道神要我在當中要做一些事,
有時真是想不到他們會問, 和舊年有好大的分別,
真係估你唔到!
求神使用我吧!

晚上到油麻地, 和斑馬婷&她的同事去廟街吃飯,
又吃生記, 之後去dancing!
今堂都幾好玩, 好過上次啦,
做完warm up 後即時發覺自己高左, 拉鬆了筋骨!
跳到勁笑, feel 到有些動作好笑又笑,
好記得斑馬婷的一個自選動作 --- 鷹爪展翅獨腳雞
更什的是她向住我, 我即時爆笑到死!!
之後有一段時間看魔術,
因為美國那3個基督徒魔術師來了hk,
之後就為我們表演, 其實跳舞當中有些不是基督徒來的,
他們3個就來魔術佈道...
勁好看呀, 又好笑, 有個好核突咖,
個鬼婆係個鬼佬個口度吃勢抽d 彩色紙條,
好似non-stop 咁, 幾好笑呀,
之後個d 彩色條變了一大塊好靚o既絲巾!!
最後個魔術更變落雪效果, 好感動,
因為也講了神的福音.....
之後又再跳, overtime啦, 好累,
走時和斑馬婷在旺角街市等車再搭西鐡走。

今天星期5, 清一早打來說有事做不返,
我一個人, 今天心情麻麻!

今天eng 堂離奇地不眼瞓, 好快地就過了這兩堂。
之後上茶餐廳吃lunch, then 返去上e-log.
上lecture, 阿旺真是悶到嘔屎,
但我有盡力去聽, 寫notes。
不過這2堂我癲ss 左,
勁笑, 一入課室就覺得好好笑,
阿nona 又嘈, 勁大叫問阿sir 野, 但阿sir 又卦住同其他同學講野,
之後又見到一些同學仔陸續地返來,
阿朱個樣又好笑, 見到一個剛返來的同學就勁說好唔舒服,
之後阿sir 個咪又腎腎地係度勁叫, 就來爆咪,
個下我抽身出來看整個環境, 就覺得非常之爆笑,
之後就勁笑, 一個人癲ss 左咁,
被前面viki, fongs, winnie 話,
之後被隔離nona 鬧, suki 更藐我呀,
後面高妹話要打我, joseph 係咁望住,
那刻控制唔到, 收唔到制!!
之後就上堂, 久不久就有一些好笑事發生又笑,
但細聲左, 不過都被nona 按住我個頭細細聲向我講野, (但那時我還忍笑)
那個moment 就好似驅魔咁, 被人按住個頭, 但個人就勁震 (笑到震)
之後癲ss 下, 聽下阿sir 講野, 寫下notes 咁就放學。

落雨, 想行去旺角, 但都沒有,
之後就在地鐡站撞到queeny, 和她去了葵芳打機,
陪她玩搖手機, 之後我們玩彈琴機,
彈下彈下又幾好玩, 過足彈琴隱, (feel 到第時我一發作就會去)
下次試下玩打鼓!

之後行一陣就走, 搭西鐡時瞓死左!
一起身那刻好唔開心, 唔知點解,
返到屋企都唔開心, 愈諗愈多野, 好唔開心到想喊,
之後咪瞓覺囉!!
發夢見到你, 係夢中我們去了一個好似大會堂的物體,
好似一些敬拜讚美會的function, 好多人的,
差不多完時我們唱詩歌, 好開心,
之後你就走過來放了一樣野入我個衫袋裡,
你送左張你親手整的相比我, (那刻覺得你用photoimpact 好叻, 平時唔覺你係整呢d 野的人)
張相郁得, 有幾個樣咁, 超~~~ 奇!
但你送完比我後就話我男朋友乜又物,
不過我好開心, 你話我我都對住你癲ss笑, 係咁望住你比我的相,
我唔理, 之後捉住你叫你一齊唱詩歌,
之後無啦啦就有個女人大叫我個名......
原來阿媽叫我起身食飯, 唉~~ 發唔到之後點tim~
瞓醒後心情好少少!

今日我又short short地!!!
唔知點解次次都係星期六日就會凍,
我一返工就會凍, 好冇mood, 好唔想返, 但唔返又唔得!


>>March 11, 2005 at 3:09:52 PM GMT+8

2005 年 3 月 7 日 星期一 【晴】


今晚靈修, 看詩篇4章1~8節,
神向我說, "乖女, 在生氣中不要犯罪!"
當人遭遇不公平的對待時, 心裡存有氣憤的情緒是很自然的事,
但人必須作出選擇：
繼續積怒氣, 讓怒氣掌控個人的反應和行動, 因而犯罪;
或人可以回歸到神面前, 默然倚靠衪,
相信神是公義的, 衪必有公義的帶領。
神叫我不要再去嬲一個人的說話!
要學大衛般, 有人說虛謊的話, 顛倒是非, 令他孤立無援,
他心內仍有平安, 倚靠神!
而我呢? 我不像大衛那麼嚴重, 又有好朋友支持, 不是孤立無援,
神再一次和我說, 講完又講.....因為要我知道不要沒有信心!!


>>March 8, 2005 at 3:56:23 PM GMT+8