2005 年 7 月 16 日 星期六 【晴】


今日突然發覺, 我們717 已經3周年, 還記得當時yr1..

想返主日學, 但我肚痛, 就只返了11時的崇拜。
今天講道, 都okay, 又是聽聽下才明白講員想講什麼,
我有jot notes 呀。

之後在教會愛筵, 和鳳玲姨傾下計, 又和他們癲s,
彤彤又勁聊我要我和她玩 "跳高".....
愛筵時他們勁話我, "joyce, 你冇可能唔笑, 你呢d 係病態!"
oh no~ 呢種喪笑情況係病態!!!!

下午和珊珊, 基爸爸去長沙灣新生資源中心開會,
開有關去雲南的事, 開到勁眼睏, 又想中中下。
好緊張, 想快些去呀! 深信這9天的經歷一定多呀!

開到差不多7 pm 就歸家吃飯。
今天都沒有去ACM office 練歌了...
下星期日又不能去練歌, 因為要去盛福堂差遣禮........
又請假啦.........請得勁多, 好似之前都有請.........再請就不能出隊了。

5婷: 我決定係屯門 (愈近呂祥光愈好) 勁癲s, 我認為唔夠多人見到我呀, 覺得佢地應該見下我真人............咁到時我傳福音都容易d 呀, 邊個唔識我chan joy 呀?!


BBQ個日同變態michelle 一齊癲s 的相, 型到無倫呀!

死未!!??


>>July 17, 2005 at 5:40:36 PM GMT+8

2005 年 7 月 15 日 星期五 【晴】


又星期六, 又一早起身教琴,
又老左一半, 命又短了幾年。

晚上去了龍鼓灘bbq,
映左好多好驚的相, 勁笑, 喪婆咁樣, 癲s!

11.30 返到家。


昨天zoe替我計過我借政府的大耳loan,
就開始有個想法......
決定不申請廷遲還款了。
雖然即將來的9月讀last year, 但以我現在的能力,
tick 10年還款期, 都能應付到該筆大耳loan 的款項,
不想蝕給政府呀!
但9月那筆又要再借大耳loan......
到時出來正式有份工作要做, 就應該沒有問題了!
希望應付到吧, 不想任何一個家人受到牽連,
因為由我一讀high dip 開始, 全部學費上的問題都自己負責......
有想過將來還不了大耳loan, 就去破產,
但原來我破產, 就會累及彌償人 (我阿爸)...咁就死啦!
所以..
我要努力!
努力讀書?! 努力教琴?! 努力倚靠神?!
在我心中, 3樣都重要!



>>July 16, 2005 at 6:22:48 PM GMT+8

2005 年 7 月 13 日 星期三 【晴】


星期4, 下午約了李碧在安定問報紙檔約時間做義工。
之後行去市中心, 想去jusco 的food court 問清潔的約時間。
行去jusco 沿途, 見到有個男子,
我們只見到他的背面, 都笑到嘔呀!
長頭髮, 但就好瘦, 下半身瘦到...........
又行得快, 一邊行一邊吸煙, 個pat 就起勢地扭!
在背面看是 "倒三角形", 笑到死呀!
狂問 "點解會咁", 好難受!

之後去到food court, 問完後, 就行街。
去到我要買 食送, 所以買了好多東西,
我們2個狂徒狂試食。


>>July 15, 2005 at 5:24:40 AM GMT+8

2005 年 7 月 12 日 星期二 【晴】

星期3,
我們專使去將軍奧阿勇屋企。
中午我們出去維景對出的海旁退修, 坐了一陣就勁多蚊咬,
好辛苦, 初初都有祈禱叫神不要有蚊咬我,
但最後都好多蚊, 要我周圍行, 勁熱勁痕。
不過感謝神有蚊咬我, 因為就是這樣, 我得著了一些!

部分當天我所寫的得著:

........好多時有問題我都選擇逃避, 但這個多月裡, 自己有問題都會自己想辦法&祈禱去問神。但我知道我仍要努力學習把問題嘗試講出來與人分享, 就好像剛才退修時, 因為太多蚊, 自己就行來行去, 好像找辦法去解決困難, 但原來當我找到一個地方企定後, 抬頭一望, 就見到原來前面就有一個好大的海景, 就好像神要我安靜下來, 看看周圍環境, 原來是美好的, 更發覺自己已站在高處, 所看的比次多了, 就像我已經經過困難, 已經成長了。

退修完, 就行返去阿勇屋企食lunch, 那時都3時許,
好開心的看相, 看阿勇以前的相, 勁好笑,
笑到收唔到, 我都feel 到好恐怖。
4 pm 就開始傾, 逐個逐個傾返自己的得著,
都傾到7 pm。

走時和珊珊, 李碧, 阿蕾 & 秉秉去旺角dinner,
去到旺角都差不多9 pm。


>>July 15, 2005 at 5:14:41 AM GMT+8

2005 年 7 月 11 日 星期一 【晴】


星期2, 和燒上了大陸。
第一次搭琛玔地鐡, 買coin搭,
大鄉里唔識入閘, 望人入才識入, 原來就好似八達通入閘,
幾得意。
出閘就好似入$ 般入返比佢,
所以走時我都專程買返個coin 來留念。
假$.......狂入.........
痴線, 大陸1元都有得假。

晚上泵骨........又趕晚上12時最後出關返hk。


>>July 15, 2005 at 4:53:55 AM GMT+8

2005 年 7 月 11 日 星期一 【晴】


唔知要做d 乜了!
主耶穌, 我無力啦,
我唔知點去幫了~
只識祈禱, 祈禱, 祈禱, 祈禱, 祈禱, 祈禱, 祈禱, 祈禱, 祈禱, 祈禱, 祈禱, 祈禱, 祈禱, 祈禱, 祈禱, 祈禱, 祈禱, 祈禱..............最後...........
都是祈禱!!!!!!!!
求你拖住我繼續跑, 好似上次祈禱見到你係海邊拖住我跑咁!
嗚嗚~~~~ 勁唔開心!


>>July 11, 2005 at 4:11:17 PM GMT+8

2005 年 7 月 9 日 星期六 【晴】


今早返主日學, 基哥帶我們,
因為姬姐去了神學院的短宣, 所以都不能返教會。
今天做聖經百萬富翁, 好難, 好多都聽過, 但又不得,
要基哥勁提, 做到有點熱。

之後崇拜, 又到我做司琴, 阿陳姑娘把歌聲, 簡直....
哈~ 我知我好衰, 彈到想笑呀!
今天姜姑娘講道, 好悶, 應該是一開始都不太知她想講什麼,
聽到有點悶, 都幾長氣, 又可能和她的說話聲線有關,
但我都有jot notes, 但到最後都合了一陣眼睏, 又背下金句...
好大掙扎咖!

then 我就上台分享這個多星期在專使做的事,
講得勁多, 但到最後的分享是感恩。
今天專使的奉獻$ 終於湊夠, 而且還多了10元! thx jesus!

lunch 去了元朗本來想吃金x 邏, 但等了勁耐,
之後我們就去了吃肯德雞, 因為我都趕時間。
智智勁好笑, 在金x 邏和他姑姐麻麻吃完, 又走來肯德雞吃我們的chicken,
兩邊擺!

下午ACM去大圍鄭榮之中學練歌, 我和蘭子又再次樣衰,
預錯時間, 3.30 才去到上水,
之後4.00 才到大圍, 但又要行過去, 雖然都是近!
去到都見到好多人遲, 好慢呀火車, 突然覺得火車是慢咖!

每一次去練歌, 為神預備每次的事奉時, 都會好開心,
好開心地去唱&投入。
今天教動作, 會有一幕玩人浪的, 好開心地練, 哈哈~
break 時撞到eugen, 和她又傾了一陣,
之後就去吃糖, 因為esther 從加拿大買了些糖,
我和eugen 就覺得好好吃, 就吃多了幾粒。

走時和翻盤她們一班人去預訂買crossover 的cd,
她們傾到30/7 去西貢釣墨魚, 我都想去呀, 成班ACM choir 去,
但我要去短宣...
之後看了一陣esther 從加拿大的相, 好靚呀....個景,
個湖靚到好似假........她和她的家人都2年沒有見,
見到有好多相........真的好靚, 還有隻鹿仔, 勁靚呀~
想起以前阿爸去加拿大返來的相, 也是靚到好似假的,
一隻普通的雪橇狗也覺得好靚。

之後就和蘭子搭火車去沙田, 想在沙田搭巴士返元朗會快些。
但去到沙田後, 就去了weekend workshop 買衫,
因為蘭子表姐今天在, 又有折了, 今次50% off 呀, 抵到爆。

晚上返了元朗打邊爐, 因為有人生日。
哈哈~~ 勁鐘意我的禮物呢........因為我有心思嘛,
估你唔到呢, 哈哈~~

今天好累, 11時返到家。

晚上靈修, 詩16, 好感恩&奇妙。
這幾天我時常唱返讚美之泉的 "在你手中" 這首歌,
勁好聽, 時常都哼著, 每次一唱都感到神在安慰我。
今晚靈修, 詩16, 就是這首 "在你手中" 的歌詞, 也是詩16,
好開心!! 神重覆再重覆向我說:
"孩子, 我才是你的產業和柸中的分, 現在就把你的憂慮和重擔交給我吧!"
沒錯, 我的好處不在你以外!

今晚又好累了, 我求遠都會眼睏, 冇一次係話精神咖喎,
日日都吸毒樣!


>>July 10, 2005 at 5:05:25 PM GMT+8

2005 年 7 月 7 日 星期四 【晴】


昨天一早入了烏溪沙。
本來6.45 am 在上水等珊珊, 但我唔知醒, 6.45 才起身,
之後就飛快7時出門口。
搭火車去到大圍, 再轉馬鐡, 第一次搭馬鐡,
不太多人, 內裡和西鐡exactly 一樣, 心情有點興奮, 傻婆!

去到烏溪沙站, 就撞到李碧, 之後我們一起行,
但又不識路, 打比人問, 行去西貢方向, 遠處見到佩怡,
最後我們就3人行, 最後行返去馬鞍山。
兜兜轉轉, 行到好辛苦, 最後本來準時去到都遲到!

去到烏溪沙青年新村, 為迦密主恩的f.5生camp 幫手,
和他們玩下games, 帶組....勁眼睏,
去到最後個miss 講道我頂不住行了出去睏了一陣。

之後就好趕, 我們趕住要返屯門呂祥光小學幫手,
在A1買了麵包在巴士上吃,
睏了一陣, 就到安定。
之後去到呂小, 和班小學生玩games, 唱詩歌, 有些專使表演drama...
他們都好開心。
本來我都dead dead 地, 吸毒咁樣勁放蚊,
但見到班小朋友後, 就開心。
他們有些都幾主動, 主動問我名字, 又和我傾計;
有些女仔就好靜, 扭扭擰擰....但整體都幾好幾開心。

之後就出旺角, 他們搭巴士出去,
我和阿kit 搭西鐡, 有月票嘛!
但我返了家換了件衫才出去。
在車上勁眼睏, 累死呀!!
之後去到旺角, 再join 其他戰友在牛牛dinner, 即時飽死~

dinner 後我們行去旺角浸信會, 因為大專祈禱會,
特別為f.7的弟兄姊妹祈禱......好正, 好感動,
因為神不只向他們講, 也向我說話, 又喊囉。

今天.......

今天下午去了佩怡教會同行小組,
約了2時在火炭等,
但我1時才起身, 因為太累了,
其實一出了門口, 就想返轉頭, 不想去, 不過最後都去!
最後要珊珊等多我半小時才到, 勁thank you 她!

去到後, 個心都未定, 勁唔開心, 因為好似梗硬去咁。
最後分享了好多, 喊了好多次, 可以說是由頭喊到尾,
好煩呀覺得自己........但他們為我祈禱後我的心又好了好多。
永遠我有事, 都是李碧先發現我有事。

原來內裡的自卑在我深深處, 還未康復....
我好想為神做好多野, 好想做好些去事奉神,
好想在音樂上再學多些去用這方面事奉...
但總覺得自己不能, 好難頂的!
究竟去邊條路?
祈禱見到自己站在分岔路上, 左望右望都不向前行;
又見到我們成班戰友在運動埸上跑圈, 但自己就跑最後, 永遠都追不上.............我真的是這樣嗎? 可能不是真的.......may be我自己走後一步, 不想跟在他們。
後來...........他們圍我, 圍著我祈禱:
珊為我祈禱見到我在湖中坐在艇仔中, 好似一個人,
但原來他們就在水底推動我向前行...........神向我說我是有同路人的!!
uegen見到我就是個垃圾桶, 在長草堆後面.........原來神叫我不要收埋自己!
沒錯, 我是垃圾桶, 好dirty, 但在神眼中我是valuable,
最後阿勇見到我這個垃圾桶被耶穌放了鑽石, 珍珠......

今天的同行小組, 都好感動, 因為今天f.7 放榜,
他們都被神所愛。
更見到青怡, 好她感恩, 因為她救了一個想自殺的人的生命,
一切都是神當中安排!
我們唱耶穌愛你, 唱到個個都感動流淚.........
耶穌的愛頂呱呱! (我要永遠都記著, 嘻嘻!)

最後差不多7時才走, 餓死我呀!
全日一點東西也未吃過, 我們去了ok 買飽吃!
發現了原來吃飽會愈吃愈餓咖, 幾變態!
返到家8時, 好開心的, 全家人齊吃飯呀~
感謝耶穌 (個穌字又高音! 哈~)

去camp 相


>>July 8, 2005 at 3:40:05 PM GMT+8

2005 年 7 月 5 日 星期二 【晴】


一早9am 去到中環, 我們搭9.15 船入長洲。
今天我們u-fire 一行大約40人去長洲入少少的正生書院,
我們去到長洲後, 就好快過隔離小碼頭再搭艇仔入蝦澗。

我們分組坐艇仔入去, 好開心, 勁映相,
又興奮到爆, 一起大聲講好多次 "感謝耶穌!"

去到見到班正生書院學生, 好乖, 不是想像中的那樣子,
完全看不出他們曾經吸過毒, 犯過事。
他們大多數十六七歲, 那裡最大都是26!

一去到就參觀, 完全行山feel!
我們5個人一group, 由那裡的學生帶, 帶我們group 的是家文,
我和eugin 都覺得他好型仔!
好累好刺激的, 因為他們的地方, 課室, 宿舍, 完全是佔領整座山,
由山下的f.5課室行到上上面f.3的課室!
見到他們都會學好多東西......不過真的好熱呀!
最後我們吃他們那裡學生整的pizza雞餐, 好味呀~
原來他們在長洲會有些手工藝鋪頭, pizza 食店, 茶藝等鋪頭去讓學生出去對外學習。

我們有看片, 是他們的新聞部做的, 又有港台的, 電視都訪問過他們。
lunch 後就茗茶, 因為他們有學沖茶!
後來就跟他們的學生帶我們返出去長洲去參觀他們在那裡的鋪頭,
又參觀他們的宿舍, 因為有些較成熟的學生會出去長洲住。

好曬, 變了菲律賓人。
我們最後搭5.15 船返中環,
沿途行落山去碼頭時, 和eugin 發癲s了般, 勁笑,
好恐怖, 笑到行唔到。

晚上7.30 才返到家, 之後即沖涼,
then 就去了天水圍銀座的pizza hut 和娟娟預早一日慶祝生日。
勁開心, 好搞笑!
不過他們又向我繼續說上次去camp 的笑話,
搞到我都唔知點, 只係識笑, 因為實在忍不住!
但又不想只是講這些事, 怕悶到有些人。

最後都好開心, 在銀座內讓娟娟玩小朋友玩的bu bu 車,
只是4蚊的bu bu 車就令到娟娟好開心。
之後我們去了姬姐屋企吃生日蛋糕, 打搞了大約1小時就走了。

今晚好眼睏, 明天又要努力~







>>July 8, 2005 at 3:57:39 PM GMT+8

2005 年 7 月 4 日 星期一 【晴】


一早8.15am 去到鑽石山, 累到爆, 6時要起床, 很久未試過。

今天我們專使去飛鴻以前間中學做陪談員,
因為他的母校有初中的佈道會。
今天我太眼睏, 縱使黃姐 (黃牧師, 口才了得的牧師, 好正) 講道,
但我都有合眼睏的時候。
今天的f.3生要面臨被轉校, 5班最後得4班f.4, 所以見到他們都迷網!
見到當中有些都喊, 好想信耶穌, 感動!

後來我和老火, 珊一group 上room 和剛決志的學生傾計,
講一次完整的簡單福音 (好似四律的), 見他們都好開心真心去決志信主,
感謝主!
好開心和他們傾, 雖然f.1, 好似無憂慮, 但其實問他們,
他們都知自己太沉迷打機上網, 他們都知自己這些也是罪!
聽到他們這樣說, 就想起媽咪.............

之後大約12時許1時就走, 我們行返去新蒲崗的IM-Net,
在IM-Net lunch, 好味呀~
之後玩了一陣桌球, 狂映相呀今日,
then 就開始開會傾星期四下午去呂小的活動。
最後大家一起發挖老火.........好感動呀!
見到他的釋放, 感謝耶穌 (個穌字高了音, 學玉婷! 哈哈~)

今晚去了秉秉家探訪, 大約9時許就走.
返到家10時許, 吃飯, 之後就做專使的功課,
我呢d 衰人, 過晒deadline 都未交。

明天又要早起, 9時要搭船入長洲........
之後再搭船, 因為會去正生書院, 是一所福音介毒所!
好期待明天的活動, 努力!


>>July 5, 2005 at 6:00:32 PM GMT+8