2005 年 11 月 10 日 星期四 【晴】


這幾天趕proposal, 2日才當一日睏,
變喪屍!

基哥這個星期狂打電話來, 差不多日日都打來,
又試過一早8時許就打來, 嘈醒我, 晚上又連7個miss call......
打來又沒有什麼話要傾,
有點煩, 已經好眼睏好累, 又要趕proposal,
講到明想收線, 但他都好像不想收線!
個電話一震, 感覺就好似有野迫我, 都講過最憎有野迫我~
所以這3日, 有熄電話時候, 有震機時候, 完全想call 爆我電話囉!!

今天放學, 陪mandy 過y building 找estella 拿supervisor 信,
之後順勢和estella 傾下份死人dissertation。
她不是我的supervisor, 但都好好人和我講一講,
唉~~~ 我決定又轉公司來做啦, 做wal-mart 實在太遠啦~
今天知道誰是我的supervisor, keith chau 喎,
仲要是visting lecturer, 即是不是全職poly 阿sir 啦,
有點驚, 完全不知是誰, 仲要個死人contact email 是sinaman.com 的.....
"recruitment and selection" 呀~ 一定要有人在一間公司做才搵到更多料喎!
細公司就唔得咖啦, 太大, 大到multinational 的公司, 又怕做錯比人插,
況且未必識人在那麼大的公司做......有點難!

呀~~~~~~~~~~~~~~~~~~~~~~~~~~~~~~~~~~~~~~~


>>November 11, 2005 at 11:07:49 AM GMT+8

2005 年 11 月 7 日 星期一 【晴】


返學, 轉了room, 以後上這堂都去y building, 勁遠!

放學吃過東南亞for lunch, 之後又入libra.搵書,
搵了些wal-mart 的case, 想過索性不如做wal-mart,
但沒有人在這裡做, 好難做到,
想過都是維持不變, 把這個wal-mart case for reference去campare 就算.....

好累, 圖書館半日遊咁, 上上落落再+影印, 好黑人憎。

放學返ive 幫阿清拿畢業袍, 撞到阿安 & fleix,
之後撞到阿rain 返ive 打波。

晚上, 預早一天為欣慶祝生日, 早到尖沙咀,
join 了阿邦 & 阿宗去打機, 最好笑是打 "2蚊3拳",
我還大力過阿邦.....呵~
壓力大係咁喪大力打!

之後又上返去等阿欣, 之後再等阿劉二哥,
then, 又再入過去打機, 又打 "2蚊3拳", 之後再打個 "無敵大隻佬",
5個人夾份打才打爆機, 喪起拳, 打到手都紅埋~

等到差不多齊人, 去了加州紅唱k,
今晚11個人唱, 唱唱下, jenny & 他男友也來了一陣,
想不到她會來.......見到她就和她喪傾冇停過咀,
在room 外面又傾了一陣, 傾傾下提起阿明, 笑死!
她倆坐了一陣就走了。

今晚我癲s 左, 情緒嚴重失控!
一入k房就狂唱歌, 唱唱下都知自己開始有問題, 但都死忍著, 不想別人知,
知道自己內心的壓力想爆出來, 好想狂唱歌去掩飾,
但又好似傻左咁係咁對住個咪講 "我好慘.....一萬字........."
後來都要放手停下咀唔唱, 之後就開始狂問人野,
狂問蘭子野, 點知佢唔理我, 一句都唔答,
之後問阿欣, 點知佢講講下d 語氣開始......
那時, 她們2個就變了導火線, 自己就開始受不了!
去了toilet 想control 自己,
但後來蘭子 & 阿欣就走入來...就這樣見到我癲s 左個個樣。
自己個心知唔好咁樣, 但表面個情緒已經收拾不到,
係咁在佢2個面前喊, 個口唔知點解唔停咁講 "一萬字呀一萬字呀...7千幾字呀7千幾字呀..."
蘭子就猛話 "我知呀...我知...."
她們2個就講了好多野, 我知她們不想我這樣, 安慰我,
但都是, 唔知點解控制唔到自己,
之後更又喊又笑, 真係好似喪婆咁....
嚇死左佢地2個, 但我都盡快calm down。
好變態! 屈左好耐唔比自己喊, 但今晚就.......

返入房玩泵手games, 又和蘭子2個一起夾住阿宗係咁大唱twins 個首乜鬼 "你講你愛我, 講我知你愛我...."
勁好笑.......

唱到1點才走, 2點返到家,
繼續做份dissertation outline......

明天媽媽生日!


主耶穌, 女兒需要你的support!
好大壓力, 好多野好似做比人睇,
自己最真的一面成日都要收埋收埋....

好似有人本身就不滿我的 "一返黎就bababa大聲講野",
就一口咬定話我 "一返黎就發脾氣",
而我只是想講下自己去過邊遇到d 乜野而講講講,
就是這樣, 對方本身對我的不滿就不知不覺在行為上做了些令人不舒服的行為,
大佬, 係人見到都嬲啦......
不只一次, 係好多時都係咁, 仲覺得我係完全100%錯晒個個.....

又好似有人, 只知道事件的一部份, 根本沒有感受到在我當時人有幾難頂的感覺,
就一口咬定話係我唔o岩.......

又好似有人, 以為我好得閒, 係咁打電話黎唔知講乜, 有時真係唔想同佢講, 但都唔想收線咁係咁講, 唔知想點.......

又好似有人, 睇死我做唔掂.....

又好似有人, 覺得我一世都係咁......

又好似有人, 永遠都唔會明我, 歪曲我思想, 誤解我意思......



>>November 8, 2005 at 8:16:46 PM GMT+8

2005 年 11 月 6 日 星期日 【晴】


星期六下午上琛圳短宣,
這次跟ACM 上去出隊。

2晚都是佈道會, 去2間不同的教會。
第一晚, 氣氛幾好,
每一次眼見別人決志信主, 就會好開心, 眼濕濕~

第2天好早就起身, 去另一間教會,
好早就崇拜, 和當地詩班一起獻唱。
完了崇拜後, 才大約10.30 am, 好累~

之後我們去了公園, 大家一起玩了大約1小時games,
我們這邊勁wins, 未輸過。
hea 到夠鐘, 就即時上車去吃lunch,
飯後有真人 "食橙show" 睇, 好笑~

下午返教會, 和當地詩班一起交流,
而我, 就在那時collapse!
那裡又熱又焗, 熱到我頭暈暈, 又加上我勁眼睏,
再加上我個肚勁痛, 勁辛苦!
之後就走了入祈禱房吃藥, 睏覺。
睏醒, 就出去和他們唱下歌, 不久就出去吃dinner~
dinner 吃白粥~

晚上也是佈道會, 一邊唱一邊跳一邊流曬大汗!
之後和當地的2位姊妹傾計, 祈禱~

大約10 pm才在那裡開車返羅湖,
在車上, 個個high 晒, 勁唱歌,
而我就太累, 想睏的, 但太嘈了,
最後和kody 狂傾計, 傾到過關。

返到家都12時許, 勁累, 人都癲s!

每次短宣都覺得自己不是去怎樣的要幫人,
而是自己要去學習, 謙卑, 去得著, 每次都有得著的。



今天也沒有返早晨祈禱會, 第2個星期了,
連續去短宣, 真的幾累~~~ (下星期一定要返呀)
但返9.30 am 堂, 累得很。
今天上到5.30 pm, 因有CPD,
第一堂上這堂, 一入到room 見到個DR. 就勁想笑,
他的樣子, 有少少似白先勇,
說話又慢, 行步路都慢過人,
和同學仔勁笑。
最勁佢個咀, 派notes 時無啦啦伸利, 笑到嘔呀~

累到想嘔地返家。

這星期要做好份dissertation outline,
傻傻地咖, outline 都要近800字.....怪不得到最final 時要交1萬字!
好鬼驚, 不是說不懂做的, 而是驚想錯方向, 一路咁錯落去............


>>November 7, 2005 at 2:10:23 PM GMT+8

2005 年 11 月 3 日 星期四 【晴】


今天返去上employee reward,
超晒時, 因為狂傾份fast cat 的project!

見到學校有joint-u 的dancing 表演,
好多人迫住晒, 又熱又嘈!

我們3個上了東南亞吃lunch, 個麵包焗飯幾好吃喎!

之後等瑋瑩過來, 在舊can 和她傾計,
嘩...原來part-time 的人真的好現實,
所以我都要珍惜還在讀書 (full-time) 的日子。

傾到咁上下, 一起返ive 拿畢業袍, yeah!
返到去, 見到阿旺 (william) 放學, 哈~ 5.30 pm 趕住走咁,
都幾準時, 我諗佢還覺得遲左tim 呀, 哈~

之後和瑋瑩在地鐡站內傾了一陣才搭車走,
她就返返poly 上堂~

明天上琛圳, 個肚有點痛tim! 唉~


>>November 4, 2005 at 1:11:34 PM GMT+8

2005 年 11 月 2 日 星期三 【晴】


勁累, 上最後一堂都睏著。
之後又入libra. 找書找info. 勁累,
後來累得濟, 餓餓地, 之後我們3個落去舊can 吃tea,
抵, $10~

6時許過去city, 約了大傻婆李碧,
在taste 買少少野上去hall for 晚上dinner。

city 的 hall, 成個屋苑咁, 又上斜。
入到去更搞笑, 個security 以為我是這裡的學生,
完全唔理, 沒有訪客登記, 就咁就上左去,
真係屈蛇都得,
相比poly 真的嚴好多, 地方更大好多, 靚d d 咁啦~

上到去, 2個傻人就狂傾計。
後來去煮野食, 又用我至強的煮食方法 -- 生抽叮雞翼,
唔洗煩, 起勢放生抽落雞翼度, 之後再放入微波爐入面叮大約15分鐘,
就成功~
但之後李碧又放五香粉, 又放麻油......
哈~ 更好吃!

煮通粉, 想成包放晒入去, 幸好沒有,
放了半包, 都好多了, 飽死!

在common room 看電視, 看埋阿旺就走。

走前在出面映怪相, 好難受......
李碧, 我同你都唔係個d 女仔, 永遠學唔到咖啦, 冇個種feel~
哈哈....一係咁講, 我地呢種, 係special, 人地學唔到就真!

好累! 但開心可以和她傾計~


>>November 4, 2005 at 1:00:55 PM GMT+8

2005 年 10 月 31 日 星期一 【微冷】


今天返學, 好似有點無聊。

放學後, 想返ive 拿畢業袍,
但原來今天只for 買袍的同學,
明天才開始有得租袍, 決定星期四才返去拿袍。
都幾期待這次畢業禮, 可以見返同學仔, 又好想撞見miss...
這幾天都在幻想如果我返ive 拿袍時會不會撞到miss li,
因太卦住她, 好想和她傾計。
發覺原來不知不覺在3年的ive 日子不多不少都有點感情!

下午就因為未返得去拿袍的關係,
本來約了阿清一起返去的, 但最後我們就在mk 行一陣,
好想和她傾計, 太多事要分享,
原來找人一口氣去講自己近期的感覺和壓力, 是多麼的痛快!
在mk 撞見大傻人李碧, 笑左一輪,
不知怎樣話題總重覆又重覆, 一個cycle 般, 永無止境, 笑死人。

今晚誓要做完肥佬份report, 因再不做就沒有時間....
所以都沒有返poly 練歌, 本約了mei mei, 但都要放棄....
(給壓力自己?)
一份1萬字的individual project, 另一份individaul 7千幾字, 再另一份3千幾字......
以我的能力, 嘔到出來嗎?
(又給壓力自己?)

靜一靜, 想一想, 原來這幾天我是好想大喊一場,
直到今天也是.......心裡總有屈著屈著的感覺,
但發覺自己每次都會忍著,
什至會做一些事來掩飾自己的情緒, 例如找些事來講去狂笑 (但真笑的)
不想別人知道, 不想別人擔心自己, 也有可能自己也不想見到那個自己,
去否認那個自己, 像不能接受般。
但原來當我強忍著自己的負面情緒去到某一點時,
反而更會讓別人看得出我和平時的不同,
因為臉上已經表露了出來, 但自己仍不肯去找人分享,
當給人發現, 就會否認, 說自己沒有事, 一句 "我累jei" 來去掩飾!
有時都幾憎自己的表裡不一,
寧願在晚上睏覺前在被內狂喊, 都不想讓這個樣子給任何一人看到。


>>November 1, 2005 at 3:06:30 PM GMT+8

2005 年 10 月 29 日 星期六 【微冷】


這兩天去了東莞短宣!

昨天第一天, 下午好多時間在酒店prepare晚上我們要帶的詩歌& games,
好累, 沒有睏。

晚上晚會, 見到董彬, 他的樣子和之前有點不同, man 了一點,
結了婚是不同呀~
和他映相, 傾計! 他彈琴仍是那麼好聽, 吸引~~

又見到之前見過的工友, 開心和她們傾下計,
但完了後我們都沒有時間再分組分享, overtime~
好快就走了。

今天去了另一間工廠, 好新的, 環境又靚又大。
見到馬利亞, 原來馬利亞轉了這間新廠做,
在這裡做admin, 不用做女工。
一見到她, 我們就相擁啦, 好開心, 之後就映相,
她的樣子比之前大了一點, 但仍是靚女!
變樣都是正常的, 我自己都殘了~

之後在廠內飯堂崇拜, hung hum 堂負責,
講道好好呀, 有感動呀, 因為內容完全是佈道會的形式,
見到工友舉手決志信耶穌, 好開心的。

之後又排隊吃大鑊飯, 都okay。
後來就分組查經, 幾好呀,
馬利亞join 入來我組。
我們組再分2邊, 太多人了,
記得一位金燕的女仔, 她好憂慮,
憂慮她自己的工作, 不想這樣就一世,
好想有機會學電腦, 去做自己理想的工作,
最後我特別再帶她祈禱, 亦鼓勵她試下向神祈禱,
"......不是祈禱就是基督徒, 是任何人都可以向神禱告, 好像和朋友談話一樣...."
"好, 我會試下!"
過程中我都有遘自己是基督徒, 但一樣有憂慮, 人總有憂慮的,
憂慮自己的學業做不來, 憂慮畢業後不知道自己該做什麼工作,
和她說自己也好似她, 都有自己的理想, 不想一世就這樣做做做,
但我都會祈禱求神帶領, 一有憂慮就祈禱........
幾好的! 都感覺到她好想試下向神祈禱!
她說自己想學電腦, 但覺得無機會,
我向她說 "在人好似不可能的事, 在神裡面凡事都能!"

查經的經文都有鼓勵自己,
過程中, 自己一邊向其他工友分享, 鼓勵,
在我深心底也一邊鼓勵著自己!
感謝神~

完了後有少少時間, 打了一陣籃球,
真係勁耐沒有打呀~

之後在廠坐巴士返火車站了,
今次30多人去短宣, 實在震撼!

好累, 半小火車返到琛圳, 想睏的時候就到站了!

返到家沖涼後即睏~
累死!
明天返學~


>>October 30, 2005 at 1:48:42 PM GMT+8

2005 年 10 月 26 日 星期三 【晴】


心情不太好.....
放學好快就返屋企, 收到信,
看後心情更加低落!
好似想喊, 但已經不懂流淚的感覺!

今晚一定要快做FYP proposal list, 好少野, 快d做!

一波未停一波又起, 我做得邊樣先?!

神是否有話要向我說?
心裡總覺得是, 但我還未知道是什麼,
知道自己在這刻都幾混亂!



>>October 27, 2005 at 10:09:27 AM GMT+8

2005 年 10 月 25 日 星期二 【晴】


昨晚看case, 對眼又開始想爆, 太累了。
每當我想放棄不想繼續, 就想起為神要堅持,
最後都看完了, 感謝神!

今天day off, 睡到1時。

下午練下琴, 練歌歌, 彈了一陣結他 (但我深信tune 音多過彈)

晚上find 下fyp 和 proposal report 的料。

在想, 自離開中學階段後,
每年都說好多野做, 這期煩project/report, 那期就煩test/exam,
講下做下, 做下又講下....
就這樣好快地過了。
看看去年high dip, 一年, 好快就過去,
記得又是這樣, "好多野做呀!!!"
講下講下又過了, 咁就畢業啦~
so......今年........
努力! 等候神在我畢業後究竟要我做什麼, 事奉衪!


>>October 26, 2005 at 3:31:00 PM GMT+8

2005 年 10 月 24 日 星期一 【微冷】


累! 好多uncertainty, 入libra次數多達n 次 唔識數,
每次都是同一動作, 搵書, 搵書再搵書, 搵info for FYP 和 employee relations...

今天都幾忟, christie成日聊交嗌, 講野衰到無有人有!
我都忍左好多次, 今日真係頂唔順,
黑口黑面走人, 唔想聽到佢把聲!
冇一次唔窒人的, 真係想剪爛佢個咀好耐~
大佬, 人地正經問緊人野, 就唔好係後面嘈生曬, 仲要狂講我話我乜話我物啦,
煩到嘔屎!!
佢真係太自大了!
好怕d 自大的人, 最慘係佢睇唔到自己的弱點而去話人,
嘈嘈閉成個八婆咁係度大大聲狂講,
難頂到嘔屎~
枉佢話自己係基督徒, 失晒見證!


>>October 25, 2005 at 10:29:33 AM GMT+8