2005 年 9 月 6 日 星期二 【晴】


昨晚返了poly, 因為學傳有o' nite.
早少少去到, 約了grace。
我們去了靈修場傾下, 祈禱...
見到這班core member的心, 很想復興poly,
聽到grace 的見證, "每天帶著使命感返學...."!
昨晚都好多弟兄姊妹參加,
整體都okay的,
但略認為敬拜時間太短&帶敬拜的不太放, 不能帶人到神面前的感覺。
是我這3個月在u-fire 習慣了/接受了這種敬拜形式, 還是真的他們問題?
哈...不知道!

見到好多弟兄姊妹, 但眼見好像不是好多都有那種 "火",
感覺好像他們知道自己叫做基督徒, 所以就會參加學傳的小組.....
但都會見到有人有"使命感", 眼濕濕想為神在poly 做收割的工作。
而grace, 她知道我都有個心, 就鼓勵我去參加 "門訓" course,
但...我未有timetable, 未知時間怎樣, 唯有只應承join小組。

昨晚都有打電話給玉婷, 她說自己班好似沒有同路人般, 雖然有基督徒同學....

um.....真的要為神堅持!

完了o'nite 後, 就找娟娟, 其實本想找她飲下野&見她 (太耐冇見佢)
但原來我未吃dinner, 所以她來陪我去吃din,
行去黃埔吃thai food。
和她傾計, 好想講好多野, 但感覺就好像不知從何開始講起,
最後, 總覺得不夠 "皮", 哈~
聽她在學堂的事, 為她感恩就是可以在那裡見證神,
娟娟, 雖看似小事(拜關帝事件), 但我聽後好開心, 我想神也開心的,
神放你在這個位, 有衪的用意,
努力, 繼續倚靠衪見證衪吧!
另.......恭喜你passing out !

之後行返去火車站, 沿途勁胃痛,
那麼大個人未試過痛到那麼利害....謝你的胃藥!

*******************************************************************

今晚, 和燒本有免費去tvb錄影節目, (無聊人得閒就會做這些)
但因遲到, 去到九龍塘看著架巴士走,
最後就沒有去, 傻仔!
之後我們去了apm, 大鄉理第一次去, 但都沒什麼特別,
行了一會, 我們入了西貢吃滿記。
在apm 見到有滿記都不去吃, 死都入西貢吃, 感覺不同的!
你呀...今天見到我就成日想笑, 有什麼好笑?!
記得你還有無得頂的一句: "...今晚浪唔浪漫呀?!...."
聽到即時大叫呀~ 收聲!
唔得....好好笑呀.......嘩哈哈哈~~~~

11.30 返到家!


>>September 7, 2005 at 6:18:09 PM GMT+8

2005 年 9 月 3 日 星期六 【雷雨】


昨晚返了教會團契,
一開始就勁喪笑了。
鞭屍雄帶的團契好好呀,
個games帶得好好,
最深刻最後一句 "神係獨一的, 而且一路都與我地同在"
沒錯, 發覺大家在忙於玩game時, 完全都不察覺到個張十字架在我們面前。

團契一開始時玩的扑傻瓜,
勁好笑, 笑到我收唔到。
見到陳姑娘輸了拿著支傻瓜棍自己扑自己的頭,
還唸唸有詞般, 見到就好笑了,
好似人地唸咒般, 笑死, 因為完全聽不到她說什麼,
笑到人都癲s, 哈!


今早返了主日學, 9月新一季,
特別為我們班專上生&在職青年開的一group,
真的盼望我們能珍惜,
還記得在東源的農村教會, 他們缺乏這些資源.......
我們實在幸福。

今天也是u-fire精兵專使的畢業典禮,
當初都以為自己教會的會沒有人去觀禮,
直至昨晚團契時珊向他們宣佈......
估不到會有人說會來觀禮, 感動死我!

開始時敬拜唱歌, 聖靈又感動我, 流淚, 但hold 住。

我不能畢業呀, 都知咖啦,
出席率完全不到80% 呀,
最後全班專使都畢到業, 上台拿著畢業證書映相,
自己就........哈哈~ 在台下, 型呀,
最後我以 "成功修業" 的成績 (不是畢業呀), 一個人上台拿證書, 映相,
好笑呢, 這就是my strategy, 最終就是想一個人映相, 哈哈 (講笑jei~)
之後....估不到他們會送禮物給我.........
最後映相, 映相, 再映相...........多謝!
雖然專使course完了,
而自己又在專使裡不太常出現, 有段期間更經歷了屬靈方面的衝擊,
但盼望心裡那團火仍繼續燒, 不論在poly 努力, 而在外也一樣為神作工,
希望在年頭向神所立的志沒有忘記吧!

到這幾天才知道 "專使" 的全意, 好白痴呀, 3個月都懵然不知...
專使 = 大專裡的天國使者





>>September 5, 2005 at 11:00:23 AM GMT+8

2005 年 9 月 2 日 星期五 【晴】



- 阿婆為包米去排隊, 排到受傷, 什至死亡!
- 美國風災, 眼見好多失望無助的眼神,
憤怒, 怨恨, 無助!
- 賢仔的遭遇, 見到20歲的後母所作所為, 完全充滿恨...
- 聽阿爸講他的同事老婆's 親戚, 在大陸不見了兒子,
後來在街上見到一個和自己兒子很似的小朋友,
但跛了腳, 在街上乞食....那女人就望住個細路, 但個細路就不懂出聲,
啞了, 只望著那女人流眼淚 (可能想叫媽媽一聲都不能)....
那女人返來hk 後就勁後悔沒有把他帶走.......

昨天和今天....就聽到這些,
在街上, 在西鐡, 在家裡, 聽到這些,
心理都一直向神說話,
為何會這樣, 這個世代真的充滿了這些.............
傷心.........
太多失喪靈魂了!!!!!!!!
但我深信神的傷心一定更大!!!!!
又是這句說話 "....種的多....收的少........"
一直在我心徘徊。


>>September 3, 2005 at 5:23:09 AM GMT+8

2005 年 9 月 1 日 星期四 【晴】


最衰昨晚飲了綠茶, 令到我失眠,
至今朝5.30 才有睡意去睏。

下午去考試, 勁辛苦, 眼睏到爆炸,
臨出門時阿媽煮了米線,
吃到一半, 就好想嘔, 之後就勁不舒服,
那快去吃了粒止嘔藥, 就出門口了。

一邊考一邊想睏覺, 我做到大約4.30 就走,
之後去poly 問要證明書......
好煩, 又要我打信send 返poly 才得。
個女人的態度都有點問題,
上次經已是這樣了....
態度衰到拍得住以前Haking SAO個串肥婆,
不過講真, 都是Haking 個肥婆衰d。

喪累, 7時多返到家,
勁痛苦。

明早又教琴, 下午去練伴奏, yeah~
又有伴奏做了, 比教琴還好賺!
i like it!


>>September 2, 2005 at 12:47:41 PM GMT+8

2005 年 8 月 31 日 星期三 【晴】


唱著唱著, 很喜歡 詩16, <<在你手中>>
......我的好處, 不在你以外,
你是我的產業, 我柸中的分,
我所得的, 你為我持守.....


>>September 1, 2005 at 4:26:58 AM GMT+8

2005 年 8 月 31 日 星期三 【酷熱】


這幾天都是溫書, 彈琴, 溫書, 彈琴。

昨晚我們去了旺角, 又個多月沒有見了!
去女人街附近一間野吃飯,
熱到爆炸, 又見到好笑場面。
後面一台大陸客, 吃完飯後竟然開榴槤來吃,
我們2個就話吃得榴槤受得那陣味,
但有人就不能, 一聞到就即時有2台人起身埋單走。
有個男人更好笑, 自己一個人,
又未吃完, 所以不能走, 就狂反胃, er er 聲,
勁er, er 到好大聲, 好似想嘔咁, 見到好想大笑,
但又感覺到他好慘!
之後更見到他用廁紙塞住2個鼻孔, 之後再吃,
我一轉頭望, 差點想噴湯, 無得頂呀好笑到!
之後都沒有再聽到個男人er er 聲了.......
笑到我們出唔到聲!

之後就行波鞋街, 行波鞋街都行一整晚了。

明天考試, 今晚繼續努力溫!





>>September 1, 2005 at 4:25:18 AM GMT+8

2005 年 8 月 29 日 星期一 【晴】

永遠冇我份!

>>August 30, 2005 at 5:18:18 AM GMT+8

2005 年 8 月 28 日 星期日 【晴】


星期六, 日去了粵北河源短宣,
其實應該叫探訪就真。

星期5晚, 3時才睏,
因為和欣傾計。
第二朝6時許就起床,
和蘭子一起去上水集合,
我們大約16,7人就出發去這2天的農村教會探訪。

在琛玔坐了大約4小時車上去河源。
探訪幾間農村教會,
負責崇拜, 眼見設備簡陋, 風琴...
仍見到一班好渴求神話語的人, 多數老人, 婦女...
反省到這種教會在香港, 可能摺埋左好耐。
他們用炮丈歡迎我們,
感覺感動, 是因為自己算不得什麼,
我們只是香港來的弟兄姊妹。

記得我們的車入到村, 因為下雨的關係,
濕了的泥地令車不能再行,
要下車推車...
入到村後令我想起這裡和雲南那時的比較,
覺得這裡簡直 "小兒科" (我指環境)。
有水, 廁所有門, 眼見沒有烏蠅, 有教會...........感謝主!
但知道教會的牧羊人不夠, 完全缺乏...

晚上返賓館分享, 大家都好多感受,
大約11時返房, 我們幾個傾有關第二天負責主日學的事。
蘭子教我們摺心for 主日學教小朋友,
又傾唱什麼歌.........
我們幾個年青人就一邊傾一邊喪癲s,
劉二哥扮f4, 翻版鞭屍講野動靜勁似鞭屍雄, 技能除衫, 扭甩個頭掉入東江河返hk再開水喉搵返自己個頭.....好笑到爆炸,
我們笑到勁樣衰又大聲, 之後勁驚, 原來發覺隔離房是uncle peter 和錢哥哥,
他們應該熟睡, 聽不到的。
傾完都大約1時許, 勁眼睏,
返到房後和蘭子傾計, 大家都好想睏, 但個咀又停唔到。
發覺自己這暑假真的想了好多東西,
自己好想為神做好多, 有問神我畢業後會怎樣走,
要我平凡每天返工放工, 還是要去事奉?
我深知, 而自己亦都好想走去事奉的路........
我還後生, 不想就這樣一世!
會浪費我所讀的一切嗎?
又有好多問題, 突然多左好多問題問自己, 又去問人....
蘭子一句: "你做返自己, 唔好為要配合人而去辛苦自己去改變自己"
"你粗魯, 我覺得冇問題, 我仲敝過你, 而且呢個先係joyce"
最後原來傾到3時才睏。
又3時?!

第2朝6.30 上車出發,
又去幾間教會, 9時許去一間教會吃早飯,
自己以為11時許, 吃午飯....勁豐富。
10時去另一間教會, 另一邊崇拜, 我們就教主日學,
好多小朋友, 好開心地教他們唱歌,
摺紙, 玩遊戲, 讀金句。
好熱.....連續2小時沒有停過, 但開心的!

下午去最後一間, 那裡還未起教會的,
他們已好多人聚集在祠堂內聚會, 還有詩班, 但沒有任何音響,
好多老人, 婦女, 一入去就好感動,
他們的熱烈歡迎, 覺得好不配。

河源這地方完全缺乏人手, 但人就愈來愈多,
他們渴望我們來到訪的指導, 其實覺得是互相學習!
好的體驗, thx jesus!

好累, 10時返到家。


>>August 29, 2005 at 9:19:13 AM GMT+8

2005 年 8 月 25 日 星期四 【晴】


昨天專使同行小組,
之後去了長沙灣交大耳loan form,
但多人到爆炸, 等了2小時,
最後...勁down, 人都癲, 呆晒!
下星期再交過。

晚上去了e館, acm crossover 音樂會,
沒有得唱, 做台下事奉=黑衣人。
都幾好, 只是收奉獻, 全程都坐在詩班後面,
好像免費入場般, 哈~
聽西伯分享他的事奉見證,
聽到他的新歌分享 "禾場上",
勁感動........
又是這樣, "...種的多, 收割的少..."
差不多完時, 在台下見到人散場, 見到劉二哥&二嫂,
之後又見到winnie。
走後和其他choir 傾了一陣,
和蘭子, 阿玲, "豬yea"表妹, fiona去吃粥,
沿途行去時見到angela 3姊妹,
勁恐怖是蘭子一見到她們就在街上大叫 "angela!"
驚死冇人知!

今天, 累到死,
沒有去飲茶, 自己睏到1pm。
下午去了姬姐家傾計......
講這個暑假自己所得的看法感受,
只是講, 姬姐都見到我個忟樣...知道我當時有幾癲s,
好難受, 冇錯, 講到想喊!
所以我之前時常難頂就是這樣!
不過她都勸我小心....又是屬靈爭戰!
6點就走, 又去acm 音樂會做黑衣人,
不過我頭痛, 去到南昌後就返轉頭返家。
今晚有點頭暈+頭痛!

今晚覺得, 有些人習慣了自己的性格是這樣去生存,
別人和他自己不同, 就覺得對方奇怪,
覺得對方總有些地方是不好, 話人呢樣個樣。
每人的性格不同, 你鐘意non-stop咁講野, 成日講廢話, 成日講都唔斷氣,
但別人性格靜, 做野就做野......咁都好話o既!
"冇反應"? "唔係卦!"
聽人講都是話她靜, 但未曾聽過人講是 "冇反應"
我聽到都忟忟地...."冇反應" 呢句野都係第一次聽到人講。
都唔知乜野人黎o既, 唔係佢個類人就話人....
佢真係好奇怪, 怪就怪在佢!


>>August 26, 2005 at 2:36:04 PM GMT+8

2005 年 8 月 22 日 星期一 【晴】


喪彈琴! 沉在音樂中會令我沒有辛苦的感覺!
總覺得好煩, 有人/事迫我,
愈迫我, 我愈反方向走, 暗地裡背向而行......
不想太表現出來我是say no!
迫我做, 我偏唔做, 因為好辛苦!
好想與呢樣野隔絕, 唔想再接觸, 唔想再和有關這樣的人/事有接觸,
我認, 我係逃避,
但唔咁做, 我會好辛苦,
冇得揀, 我要走!
神呀, 點解會咁, 點解會咁.
我問你呀, 問左好多次啦,
點解會咁!
好難頂呀!

唔好迫我, 我就黎癲!


>>August 23, 2005 at 10:06:52 AM GMT+8