2005 年 12 月 29 日 星期四 【微冷】


我要控制......
不是只得我一個的!!!


>>December 30, 2005 at 7:52:14 AM GMT+8

2005 年 12 月 28 日 星期三 【晴】


去了海洋公園玩, 有幾年沒去了。
見到表弟就笑死, 連坐覽車都驚,
反應勁好笑!

雪....原來好細的, 入去映相, sin 來sin 去,
走去聖誕屋映相, 個聖誕老人 "ho ho ho...." (超大聲的)
我呆左咁望住佢黎笑...
灑下來的雪是bubbles!

7時許走, 晚上在姑姐家吃飯~

11時入到天水圍, 去蘭子家為鞭屍雄慶祝生日!

1時許才在天水圍走, 好累了!
不過, 還是差不多3時才睏~


>>December 30, 2005 at 7:51:18 AM GMT+8

2005 年 12 月 27 日 星期二 【颳風】


看書, ch 7. 看了很久也未看完!
個腦好似load 不到......但有些part 又會好快且勁明白!
其實都好怕自己會理解錯誤....
因為堂又沒有上 (見到notes 一隻字都沒有寫),
就算上了也不明白....!

一邊溫書一邊飲coffee, 個心好似跳得好快,
現在更手震!!
心想 : 冇野下嘛?! 平時飲coffee 都冇事咖啦, 點解今日會咁?
在家人面前, 我竟扮冇事!
走去睏覺先!!!


>>December 28, 2005 at 9:55:07 AM GMT+8

2005 年 12 月 26 日 星期一 【晴】


看到一個弟兄的日記,
他所說的, 我竟懷疑!
懷疑他自己想像去聯想下去,
不是神要他看到的;
懷疑是不是真的......
唔知...
可能我已經把 "專使" 這班人 sterotype 了!!
唔知....唔知...


>>December 27, 2005 at 7:04:11 AM GMT+8

2005 年 12 月 26 日 星期一 【晴】


昨天中華傳道會的冬令會,
去柴灣堂。
培靈會, 瑪拉基書, 當時以色列人的七宗罪,
和現今的我們有什麼相同之處。
叮醒了我!

之後玩games, 雖然曾經玩過晒,
但覺得ok!
之後和同組的人分享, 認識其他堂會的人。

晚上和表妹先走, 去她家,
想聽晚上的下半part~

晚上, 勁眼睏, 累到爆炸!

今天睏到1時.....


>>December 27, 2005 at 6:50:12 AM GMT+8

2005 年 12 月 24 日 星期六 【晴】


今早返到主日學, 無奈被迫要彈琴,
之後hea 一陣就崇拜, 開心見到我媽咪肯過來,
then 聚餐。
聚餐後的聯歡活動, okay啦,
不過我個頭就開始好痛~
驚見到yammi 來到,
我也不知道, 原來阿邦叫她來。
聯歡會中見到恐怖嘶殺場面,
就是大人細路狂搶好似死屍咁大隻o既公仔個樣,
笑到我死, 停唔到.....錢哥哥一開箱, 真係幾恐怖 + 好笑
好在我唔鐘意呢d 野, 除了snoopy, 哈~

近完結時, 情緒開始有點...突然覺得身邊的...好煩,
頂唔順, 眼睏為由, 返家睏覺,
以為睏下無事啦,
點知又發個勁唔開心的夢,
又再次夢見 "個個都有份, 係唯獨我一個無份" 個d夢,
全部都係教會d 弟兄姊妹, 反坑也反不到,
又覺得有某些人反坑也沒有用.........
好唔開心, 之後狂喊。
8 pm, 阿媽叫我起身吃飯,
發現自己已流淚,
好唔開心, 還想了一陣約了返教會玩的節目也不想去,
勁不想見到他們每一個.....
但後來, 抽離!!!!
都okay 了, 但仍好想大喊,
也許這是藉口!!!


>>December 25, 2005 at 12:35:18 PM GMT+8

2005 年 12 月 23 日 星期五 【颳風】


昨天陪小娟娟出旺角買聖誕禮物,
但最後..目的好像達不到, 反而助長小娟娟去買衣服,
小娟娟, 有件褸旁下身好喎,
你係madam, 都要顧住身體, 唔係點去做C 案呀?! (咒你咁, 哈哈)

之後去中環接晴晴表妹, 又高左?!
呀~~

晚上帶媽媽, 妹&表妹去看杜麗莎joy of christmas 音樂分享會,
都okay, 好好聽, 班小朋友更可愛,
跳舞跳得好勁~

大約11時返到屯門, 在市中心飲野,
都好累, 眼睏,
但仍然笑到就來死,
笑到就來比人打,
之後我們轉移陣地, 在市鎮公園傾了一陣,
他們又玩踩石春, 笑到嘔!
最無得頂是學cathy pacific 廣告個2個阿伯玩砰砰,
好白痴, 笑到我們放盡喉嚨狂笑,
乜野事呀, 癲s 左呀!

趕last 一班西鐡返家, 好眼睏!


>>December 24, 2005 at 6:00:22 AM GMT+8

2005 年 12 月 21 日 星期三 【乍雨乍晴】


今天和同學仔去尖咀,
有同學仔要買聖誕禮物for 她教會的仔仔女女和團友仔, (我就沒有買啦, 哈, 好似都冇氣氛要互相送禮物, 冇feel 去買)
我們4個就狂行狂睇野!
勁累呀~
亦都難得今日我出咁耐街冇買過野呀,
真的一樣都沒有買, 哈~
有些真的好靚, 但穿在我身上, 完全唔襯,
完全不是我類型的, 像聖誕樹般!

勁累, 在車上狂睏, 睏到過站去到屯門!

明天開始忙了, 聖誕節喎! 呵呵呵~

陳哉joyce, 不要扮開心吧, 把真正的感受表達出來......


>>December 22, 2005 at 12:13:44 PM GMT+8

2005 年 12 月 18 日 星期日 【颳風】


下午開始好累了!

晚上去了陶sir 家開會。
陶長老般了太子道碧華花園,
以前住poly 職員宿舍都夠大啦, 而家仲大,
不過....好靜!
以我這個嘈嘈閉的人還是喜歡熱鬧, 但不要過份的嘈,
有點點聲音就最好。

實際傾的不多, 因為雲南那邊都未落實有什麼,
故我們也不能傾到什麼~
但知道雲南那邊他們的最新消息,
都為他們祈禱!

今天好眼睏好累!

勁想吃薯條......又黎啦我!


>>December 21, 2005 at 7:56:08 AM GMT+8

2005 年 12 月 17 日 星期六 【颳風】


今天好準時返到主日學, 因為主日學司琴嘛~
分班時都幾好, 講人的性格,
令我回想返以前的自己,
不是有主耶穌就不會有今天的我!
最重要不是外在別人所看的我的轉變,
而是自己內在的想法......轉變了!

崇拜又司琴, 覺得有點點累, 好少可連續2場~

崇拜後, 我們青年人就練歌for 下星期聖誕節的,
又彈啦~
那時超肚餓了!
又是這句 "every sunday is 飢饉 day"

下午去了ACM 練歌,
今天是05年在ACM 最後一次的練習。
亦都知一個消息, 31號晚cancel 了在皇后像廣場的倒數...
今天, 也有唱歌,
但後半part 大部分時間都感恩分享, 一大班人, 感覺好好!
之後祈禱!
知道有幾個明年會離開ACM, 為他們祈禱,
場面都感人, 有人眼濕濕.....
最後我們勁映相, 好開心!
出年見~

在這裡的事奉, 有時都有辛苦的時候,
星期日已經很累, 下午還要趕出去練歌,
而且一個月總有3個星期都要去練習......
別人看似覺得常這樣出去會好辛苦,
所有星期日都忙過不堪,
但..在這裡自己得到好多~
練習不是為了出隊, 不是為了在e館, 大會堂, 教會, 短宣等去表演,
不是只在這些大型聚會, 每場都full house,
會眾個個讚好才叫做事奉, 不是為台上的一剎那,
而是每次練習都是一種事奉,
每一次練習都好開心, 雖然真的好累,
但個心仍未累到枯乾而死!
珍惜每次練完歌後的分組祈禱時間,
珍惜與組員的分享, 互相支持,
珍惜自己有健康的身體, 有聲音去歌唱讚美神,
珍惜自己用喜愛的音樂去傳福音,
更珍惜神給我機會要我在ACM 所做的....
不是自己要去怎樣怎樣的幫人, 而是自己從中的學習,
因自己仍有好多缺點, 不足。

記得8月的3場 e 館大型音樂聚會,
那刻有點不甘心為何;這幾個月練得那麼辛苦, 但都未能上台...
後來就做台下事奉, 做黑衣人, backstage...
但這不甘心的感覺好快就沒有,
因為神要我知道, 事奉的心態是什麼,
不是在台上, 幾百甚至過千人的焦點都在你身上時才叫事奉,
而是要我無論在什麼崗位也能滿心喜樂地去做..
結果, 這一年在ACM 裡台下事奉多過台上事奉,
但仍然好開心, 做黑衣人都做得好開心,
感謝主!
明年繼續, 盼望得著更多!

哈, 說了那麼長編.....
記得啦, 我們練完歌, 映完相後,
12個人就去了觀塘想去打邊爐,
後來發覺原來沒有位+沒有爐邊,
之後就contact 另一group 人, (因另一group 在金龍船打邊)
原來另一group 那邊也full 了。
正當我們一大班人在愁那裡可安置我們時,
迎面見到roger (ACM 前指揮),
好開心呀, 勁耐沒有見, 竟然會這樣地撞到,
原來他約了和另一group 的打邊爐......
因容不下我們, 最後我們8時多才去到一間我都忘記叫什麼名的酒樓吃飯!
成班蝗蟲~~~~
飯後就去了吃糖水.....
嘻嘻哈哈又一晚了!
出年見吧, 祝福你~

有小小聖誕禮物收, 感受到你的心思....


>>December 18, 2005 at 5:33:56 PM GMT+8